Hazırda həbsdə olan keçmiş Əmək və Əhalinin Sosial Müdafiəsi naziri Səlim
Müslümovun İsveçrədəki evi tapılıb.
“Yeni Sabah” xəbər verir ki, bu haqda məlimatı araşdırmaçı jurnalist Cavanşir Həsənli
yayıb.
O, bildirib ki, sözügedən ev sabir nazirin oğlu Asim Müslümlünün adına rəsmiləşdirilib.
Dəbdəbəli malikanə Cenevrənin Ch. Jacques-Attenville 13E, 1218 Le Grand-Saconnex
ünvanında yerləşir.
S. Müslümovun oğlu A. Müslümlü hazırda İsveçrənin Cenevrə şəhərində yaşayır.
Bildirək ki, korrupsiya ittihamı ilə həbs olunan sabiq nazirin dövlətin 27 milyon manatını
mənimsədiyi, həmin vəsaitin isə artıq 20 milyon manatını dövlət büdcəsinə qaytardığı
deyilir.

Ölüm tarixini hesablayan alim - Hansı gündə öləcəyimizi necə hesablaya bilərik?

TEREF Kulis.az-a istinadən öləcəyi günü dəqiqliklə hesablayan, ehtimal və statistika üzərində işləyən və 27 noyabr 1754-cü ildə vəfat edən fransız riyaziyyatçı Abraham de Moivre haqqında faktları təqdim edir.

Abraham de Moivre Fransada protestant ailəsində anadan olub və uşaqlıq illərində o dövrün yeganə ehtimal kitabı olan "De ratiociniis in ludo aleae" (hərfi tərcüməsi: "Bəxt oyunundakı məntiq") kitabını oxuyaraq riyaziyyatla tanış olub.

Bu kitabdan təsirlənən Moivre həyatını riyaziyyatçı kimi keçirməyə qərar verir və başqa sahələrdə işləməyə davam etsə də, bu sahəyə - ehtimala xüsusi maraq göstərir.

Moivre, kral XIV Lüdovikin protestantlara qarşı çox da dözümlü olmayan siyasəti səbəbindən Fransanı tərk edərək İngiltərədə məskunlaşır və dolanışığını təmin etmək üçün varlıların uşaqlarına fərdi riyaziyyat dərsləri verməli olur.
İşləmək üçün az vaxtı olsa da, zamanla riyaziyyatda irəliləyiş əldə edir və hətta Nyutonun ən yaxın dostu, dövrün böyük adamlarından biri olan Edmond Halley ilə, daha sonra Nyutonla dostluq edir.

O, həmin dövrdə Nyuton və Halley ilə işləyir. Bütün bunlara baxmayaraq, fransız əsilli olduğu üçün Britaniya Akademiyasında rahat şəraitdə işləməyə imkan verəcək vəzifə tuta bilmir. Bu səbəbdən də bədbəxt riyaziyyatçı bütün işinə, qətiyyətinə, nüfuzuna baxmayaraq, varlı uşaqlarına dərs deyərək ora-bura qaçır, yoxsulluqdan əziyyət çəkir, hətta pul qazanmaq üçün şahmat oynayır.

O, "letargiya" kimi tanınan ağır yorğunluq - yuxu pozğunluğundan - əziyyət çəkirdi və yuxu vaxtının hər gün təxminən 15 dəqiqə artdığını görürdü. Artıq ehtimal və statistika ilə maraqlandığı üçün bu cür xəstəliklərin orta ölüm vaxtlarını öyrənir və öz xəstəliyinin ehtimalını hesablayaraq ölüm gününün 27 noyabr, 1754-cü ilə təsadüf edəcəyinə qərar verir. Bu hesablamaya görə, 15 dəqiqə artan yuxu ehtiyacı 24 saata çatdıqda, onun bədəni vəziyyətin öhdəsindən gələ bilməyəcək və öləcək. Moivre dediyi gündə, dediyi səbəbdən və dediyi kimi ölür.

Bu mövzuda məşhur fikirlərdən biri də budur ki, Moivre, əslində, ölüm tarixini hesablamayıb, sadəcə hər hansı bir tarixdə öləcəyini şərtləndirib. Alim Plasebo effektinin zərərli versiyası olan "nosebo" effektindən vəfat edir.

21 Aug 2022 rating_stars rating_stars rating_stars rating_stars rating_stars
Türkiyənin Zonquldağ vilayətində Serkan Uzun adlı şəxs kazinoya buraxılmadığı üçün ofisiantı güllələyib.

Teref.az Musavat.com-a istinadən xəbər verir ki, Serkan Uzun ofisiant tərəfindən içəri buraxılmadıqdan sonra evinə gedib, silahını çörəyin arasına qoyub, sonra kazinoya daxil olaraq ofisianta atəş açıb. O, ofisiantı ayağından yaralayıb.

Hadisəyə şahid olan məkan sahibinin qardaşı Yunus Aydın da Serkan Uzuna atəş açaraq onu yaralayıb.
Hər iki şəxslə bağlı cinayət işi başlanıb.

Mühacir Qurban Məmmədovun oğlu Qoşqar Məmmədov Londonda yeni şirkət açıb.

Yenisabah.az xəbər verir ki, bu barədə araşdırmaçı jurnalist Cavanşir Həsənli məlumat yayıb.

“Qurban Məmmədov bu ilin aprelində Londonda “Azerfreedom Media Company” LTD-nin (media şirkəti) qeydiyyatını ləğv etdirəndə, səbəb kimi “ölü şirkət”ə görə ayda 50 funt-sterlinq ödəməsini əsas gətirirdi. Amma 1 ay keçməmiş mayın 19-da oğlu Qoşqar Məmmədovun təsisçiliyi ilə “The Gogi Store” LTD kommersiya şirkətini qeydiyyatdan keçirib. Məmmədovların “Qoqi”si biznes təsnifatı üzrə 47910 kodu alıb. Yəni internet üzərindən parakəndə satışla məşğul olacaq. Nə satacağı isə məlum deyil” – C.Həsənli qeyd edib.

Ermənistanın təhlükəsizlik qüvvələri Masis bələdiyyəsinin binasına soxulmuş silahlı şəxsin zərərsizləşdirilməsi üçün xüsusi əməliyyat keçirir.

“Report” Ermənistan mətbuatına isitnadən xəbər verir ki, bu barədə bələdiyyə rəhbərinin müavini Norayr Akopyan bildirib.

O qeyd edib ki, həmin şəxsi zərərsizləşdirmək hələ mümkün olmayıb, silahlı şəxs hazırda icma binasındadır.

"Hadisə baş verən zaman binada mühafizəçi və bir xadimə olub, onlar hazırda bizimlədir, təhlükə yoxdur. Hadisə şahidlərinin sözlərinə görə, binanın yanında bir partlayış və iki güllə səsi eşidilib”, - Norayr Akopyan deyib.

Qeyd edək ki, Ararat vilayətində bir saatdan çoxdur ki, fövqəladə vəziyyət yaranıb. Partlayıcı qurğu ilə silahlanmış şəxs Masis bələdiyyəsinə daxil olaraq onu partlatmaqla hədələyib.

Əlində qumbara olan naməlum şəxs Ermənistanın Masis şəhərinin meriyası binasına daxil olub. Hadisə şahidlərinin sosial şəbəkələrdə verdiyi məlumata görə, həmin şəxs binaya soxularaq meriyanın ofisindən qumbara atıb.

Hazırda ərazi polis tərəfindən mühasirəyə alınıb.

Masis meriyasına girən vətəndaşın sərxoş olduğu iddia edilir.

“O, binaya soxulduqdan sonra partlayış olub. Xoşbəxtlikdən otaqda heç bir işçi olmayıb, meriyanın mühafizəçisi də xəsarət almayıb”, - deyə Masis şəhərinin vitse-meri Norayr Akopyan bildirib.

Onun sözlərinə görə, hücum edən şəxsdə başqa qumbara da ola bilər.

Norayr Akopyan qeyd edib ki, vətəndaş heç bir tələb irəli sürməyib, onun hərəkətlərinin motivləri aydın deyil, şəxsiyyəti hələlik müəyyən edilməyib.

Hazırda partlayış və ya atəş səsləri eşidilmir.

Hadisə yerində polis və xüsusi təyinatlılar var. (Mənbə: Sputnik Armenia)

Krımda qasırğa molyusk fermasını dağıdıb. Molyusklardan başqa işçilərin və ziyarətçilərin onlarla avtomobilinə də ziyan dəyib.

Qasırğa güclü leysanla müşayiət olunub. Krımın Qara dəniz bölgəsində Donuzlav gölü üzərindən və ətraf ərazilərdən keçib. Nəticədə yerli molyusk fermasında onlarla insan zərər görüb.

İlkin məlumatlara görə, istirahət edənlərdən xəsarət alan olmayıb, lakin park edilmiş avtomobillərin şüşələri qırılıb.
Molyuskların da əksər hissəsi tələf olub.(Oxu.az)

Rusiyanın “Qazprom” şirkəti “Şimal axını” qaz kəməri ilə qaz nəqlini üç gün müddətinə dayandıracağını açıqlayıb.

Bu barədə şirkətin teleqram kanalında məlumat verilib.

“Qazprom”dan bildiriblər ki, yeganə işləyən qaz kompressor qurğusu olan “Trent 60” texniki xidmət göstərilməsi və planlı profilaktik təmir işləri üçün avqustun 31-də üç gün müddətinə dayandırılacaq.

Qeyd olunub ki, qurğuya texniki xidmət göstərmək zəruridir, kompleks işlər “Siemens” şirkətinin mütəxəssisləri ilə birgə aparılacaq, “Siemens”in texniki sənədlərinə uyğun olaraq, hər min saatdan bir bu işlər aparılmalıdır.

Təmir işləri başa çatdıqdan sonra qazın nəqli bərpa edilərək sutkada 33 milyon kubmetrə çatdırılacaq.

Bu arada Avropada qazın spot qiyməti “Şimal axını” magistralında təmirlə bağlı xəbərlər fonunda 1 000 kub metr üçün 2,7 min ABŞ dolları səviyyəsindən yuxarı qalxıb.

Bu barədə “İnterfaks” xəbər yayıb.

“ICE Futures” birjasında ən yaxın (sentyabr) TTF fyuçerslərinin qiyməti min kubmetr üçün 2 712 ABŞ dollarına çatıb.

Kaliforniyada sayca 23-cü avtomobil yerli sakin Rey Minterin evinə çırpılıb.

Məlumata görə, avtomobillərin amerikalının daşınmaz əmlakı ilə müntəzəm toqquşmasına magistraldan çıxışın uğursuz konfiqurasiyası səbəb olub.

Xəsarət alan ev sahibinin sözlərinə görə, 1972-ci ildən bəri onun San Xosedəki evinə 23 avtomobil çırpılıb. Belə ki, sürücülər mütəmadi olaraq sürət həddini aşırlar.

Toqquşmalardan biri nəticəsində ərazidə yerləşən qaraj dağılıb, Minterin bacısı qızı da qəzalardan birində xəsarət alıb. Amerikalının əmlakını sığortalayan şirkət onun evinin ətrafına 30 min dollar dəyərində möhkəm hasar çəkdirsə də, buna baxmayaraq, müntəzəm dağıntılardan qaçmaq mümkün olmayıb.

Mənbə: gazeta.ru

Çinin şimal-qərbində baş verən daşqınlar nəticəsində azı dörd nəfər ölüb, 27 nəfər itkin düşüb.

Bu barədə regional fövqəladə hallar idarəsi məlumat yayıb.

Təbii fəlakət Datonq dairəsində baş verib.

Hökumət təbii fəlakətə qarşı tədbirlərin yüksək səviyyəsini elan edib.

Xatırladaq ki, bir neçə gün öncə Çendu şəhərində (Siçuan əyaləti) Landşaft Parkı ərazisindəki dağ çayında daşqın olub, suyun səviyyəsi kəskin qalxıb, axın istirahət zonasında quraşdırılmış düşərgələri və bir neçə çadır şəhərciyini aparıb. Nəticədə azı yeddi nəfər həlak olub, səkkiz nəfər müxtəlif dərəcəli xəsarətlər alıb.