“Xammal və ərzaq alışı ÇXR-in müharibəyə hazırlaşmasının əlaməti ola bilər”.

Cebhe.info xəb ər verir ki, bunu “The Economist” yazır.

Nəşrin yazdığına görə, Pekinin Tayvana nəzarəti istənilən yolla geri almaq niyyəti fonunda Çin iqtisadiyyatı sanksiyalardan gücləndirmək, ordunu modernləşdirmək və ərzaq təhlükəsizliyinin qayğısına qalmaq üçün onilliklər sərf edib.

“The Economist” Çinin müharibəyə hazırlaşdığını göstərən mümkün əlamətlərə diqqət yetirməyə çağırıb. Söhbət əmtəələrin, ərzaq mallarının və metalların alınmasından gedir. “Heç bir məlumat müharibənin yaxınlaşmasını göstərməyəcək. Lakin müşahidələri bir araya gətirməklə ağlabatan erkən xəbərdarlıq sistemi formalaşdırmaq olar”, - müəlliflər qeyd edirlər.

Bundan əvvəl ABŞ-ın MKİ-nin rəhbəri Uilyam Börns Aspen Təhlükəsizlik Forumunda çıxışı zamanı bildirmişdi ki, Çin hakimiyyəti Tayvana qarşı potensial hərbi əməliyyatın uğuruna əmin deyil və onu həyata keçirib-keçirməmək barədə qərar qəbul etməyib. O qeyd edib ki, ÇXR rəhbərliyinin şübhələri Ukraynada keçirilən xüsusi əməliyyatla güclənib:

“Heç bir xarici lider Si Tszinpin qədər diqqətlə izləmir”.

Şahzadə Harri və Meqan Markl Devid Bekhem və həyat yoldaşı Viktoriya ilə ciddi mübahisə ediblər.

Teref.az xəbər verir ki, bu barədə “Daily Mail” ailəyə yaxın mənbəyə istinadla məlumat yayıb.

Sassekslər Bekhem cütlüyü ilə çoxdan dost idilər, lakin indi dostluq sona çatıb. Harri və Meqan keçmiş futbolçunu və həyat yoldaşını onlar haqqında məlumatları mətbuata sızdırmaqda günahlandırıblar.

Mənbənin sözlərinə görə, Devid bu iddialardan tamamilə qəzəblənib. Onların tezliklə barışacaqları ehtimalı azdır.

Məqalədə həmçinin qeyd olunur ki, Devid və Viktoriya Böyük Britaniyaya köçdükdən sonra Meqana kömək edib və dəstəkləyiblər. Onunla Harrinin toyunda da iştirak ediblər.

“İndi Meqan özünə Viktoriya adlı başqa bir dost tapıb – bu Kaliforniyada Harry və Meqanın evinin yaxınlığında yaşayan kosmetika biznesinin sahibi Viktoriya Ceksondur. O və Meqan çox yaxındırlar və bir-birlərinə pərəstiş edirlər”, – məqalədə qeyd olunur.

Daha əvvəl Sassekslərin ayrı yaşamağa başladığı bildirilirdi. Mənbələr cütlüyün ailə münasibətlərinin son vaxtlar heç də yaxşı inkişaf etmədiyini bildirib. Meqan ABŞ-da qalıb Harri isə “Netflix” üçün sənədli film çəkmək məqsədi ilə Afrikaya gedib.//Publika

İyulun 11-də Qırğızıstanda yerləşən Tyan Şan zirvəsinə qalxan alpinistlər itkin düşüb.

Modern.az xəbər verir ki, bu barədə Qırğızıstan Fövqəladə Hallar Nazirliyi məlumat yayıb.

Bildirilir ki, alpinistlərlə sonuncu təmas iyulun 19-da olub. Onlardan 9 gündür xəbər alınmır

3-ü rus, biri litvalı olan alpinistlərin axtarışları davam edir.

Rusiya mediasında Azərbaycana və Türkiyəyə qarşı son vaxtlar aktiv kampaniya aparılır.

Axar.az xəbər verir ki, bu sözləri rusiyalı tanınmış politoloq, “Milli müdafiə” jurnalının baş redaktoru İqor Korotçenko qeyd edib.

O bildirib ki, son zamanlar Rusiya media məkanında dominant erməni lobbisinin nümayəndələri tərəfindən fəal şəkildə həyata keçirilən Türkiyə və Azərbaycanın demonizasiyası hələ də Kremlin Ermənistan-Azərbaycan nizamlanması, o cümlədən Qarabağla bağlı mövqeyinin dəyişməsində gözlənilən nəticəyə gətirib çıxarmayıb.

“Çünki Rusiya Prezidenti Putin praqmatikdir”, - o əlavə edib.

Edinburqdakı Şotlandiya Milli Portret Qalereyasında iki ekofəal Britaniya monarxı III Çarlzın portretini çəhrayı boya ilə “bəzəyiblər”.

“Bu gün qalereyada etiraz aksiyası keçirilib. Nəticələrini qiymətləndiririk”, - deyə Milli Portret Qalereyasının nümayəndəsi bildirib.

Məlumata görə, “This is Rigged” ekofəallar qrupu kralın portretinin üzərinə damcı şəkli çəkib, “Xalq hökmdardan daha güclüdür” ifadəsini yazıblar. Polis etirazçıları saxlayıb.

Qeyd edək ki, qalereyanın digər eksponatlarına zərər dəyməyib.



Mənbə: The Herald

Kremlin Rusiyanı Çindən Avropaya uzanan yeni "ipək yolu”nun bir hissəsinə çevirmək kimi iddialı planları iflasa uğrayır. 2023-cü ilin birinci yarısında keçmiş SSRİ respublikalarının ərazisindən keçən Transxəzər Beynəlxalq Nəqliyyat Marşrutu (TBNM) ilə Çindən Aİ-yə tranzit daşımaların həcmi 77% artaraq 1,3 milyon tona çatıb.

Bu barədə "The Moscow Times” məlumat yayıb.

Nəşr DKNEWS-a istinad edərək yazır ki, bu cür məlumatlar Qazaxıstan və Azərbaycanın dəmir yolu administrasiyaları rəhbərlərinin Qazaxıstan yükgöndərənləri və ixracatçıları ilə görüşündə təqdim edilib.

Çindən başlayan TBNM Qazaxıstan, Xəzər dənizi, Azərbaycan və Gürcüstandan keçir, buradan mallar dəniz yolu ilə Türkiyə vasitəsilə Avropa ölkələrinə çatdırılır.

İyunun sonunda Qazaxıstan, Gürcüstan və Azərbaycanın milli dəmir yolu operatorları Çin şirkətlərinin Rusiya Federasiyası ərazisindən tranzit keçməsi üçün alternativə çevrilmiş marşrutun inkişafının sürətləndirilməsi məqsədilə birgə müəssisə haqqında saziş imzalayıblar.

Qazaxıstanın baş naziri Əlixan Smailov Gürcüstana səfərindən sonra bildirib ki, vahid logistika şirkəti TBNM-də nəqliyyat proseslərini sadələşdirəcək və Çin mallarının Avropa bazarına çatdırılma müddətini 10-15 gün azaldacaq.

"Infoline Analytics"in baş direktoru Mixail Burmistrov daha əvvəl hesablayıb ki, Çindən Rusiya vasitəsilə Avropaya tranzit keçən il 30% azalıb. UTLC ERA (Rusiya Dəmir Yolları, Belarus və Qazaxıstan dəmir yollarının birgə müəssisəsi) tərəfindən həyata keçirilən daşımaların həcmi müharibənin ilk aylarından kəskin şəkildə azalmağa başlayıb.

Yanvarda daşımaların həcmi 57 827 TEU (20 futluq konteynerin ekvivalenti) idisə, apreldə cəmi 31 987 TEU olub. "Çin Rusiya vasitəsilə dəmir yolu ilə Belarusa çatdırılmalarını davam etdirəcək, lakin aydındır ki, Avropa yaxın gələcəkdə Rusiya vasitəsilə Çinə mal daşıya bilməyəcək", deyə Burmistrov qeyd edir. //Qaynarinfo//

Avropa İttifaqının (Aİ) xarici siyasət xidmətinin rəhbəri Jozep Borrell Avropada Quranın yandırılması hallarının təhqir, hörmətsizlik və aşkar təxribat olduğunu açıqlayıb, bunun Avropada qanuni, etik olmasa da, qanuni olduğunu qeyd edib.

Bu barədə onun Aİ-nin xarici siyasət xidməti tərəfindən yayılmış bəyanatında deyilir.

“Avropada ayrı-ayrı şəxslərin çox sayda müsəlmanı təhqir edən son hərəkətlərindən sonra Aİ dini nifrət və dözümsüzlüyə təhrikin istənilən formasını qətiyyətlə rədd etdiyini bildirir. Müxtəlifliyə hörmət Aİ-nin əsas dəyərlərindən biridir. Buraya digər dini icmalara hörmət də daxildir. Qurana və ya müqəddəs sayılan hər hansı digər kitaba hörmətsizlik etmək təhqiramiz addım, hörmətsizlik və açıq-aşkar təxribatdır. Aİ-də irqçilik, ksenofobiya və bununla bağlı dözümsüzlüyün ifadəsinə yer yoxdur. Biz din və inanc azadlığını, həmçinin xaricdə və daxildə ifadə azadlığını müdafiə etməyə davam edirik, qanuni olan hər şey etik deyil”, - o söyləyib.

J.Borrell hamını birliyə və qarşılıqlı hörmətə çağırıb və ayrı-ayrı təxribatçıların əməllərinin yalnız cəmiyyətimizi parçalamaq istəyənlərə xidmət etdiyini vurğulayıb.
TASS

Birləşmiş Millətlər Təşkilatının Baş Assambleyası dinlərarası dialoqu təşviq etmək üçün qətnamə qəbul edib. Bu qətnamədə müqəddəs kitablara qarşı hər hansı bir təhqir qəti şəkildə pislənilir və beynəlxalq hüququn pozulması hesab edilir.

“Report” xəbər verir ki, bu barədə Baş Assambleyanın sessiyasının rəhbərinin rəsmi nümayəndəsi Polina Kubiyak məlumat verib.

Dialoqu təşviq etmək və nifrət nitqinə qarşı mübarizə məqsədi daşıyan sənəddə BMT dövlətləri dini zəmində insanlara qarşı hücumları, habelə onların dini rəmzlərinə, müqəddəs kitablarına, evlərinə, müəssisələrinə, əmlaklarına, məktəblərinə, mədəniyyət mərkəzlərinə qarşı yönəlmiş oxşar hərəkətləri beynəlxalq hüquq normalarının pozulması hesab edib, belə halları qətiyyətlə pisləyiblər.

P.Kubiyak qeyd edib ki, İspaniya qətnamədən beynəlxalq hüququn pozulması ilə bağlı sözlərin çıxarılmasını təklif edib, lakin digər ölkələr bu təklifi rədd edib:

“Qətnamə konsensusla təsdiq edilib. İlk dəfə olaraq BMT qətnamələrinin mətninə dini simvollara və müqəddəs kitablara ayrıca istinad daxil edilib”.