Misir Prezidenti Əbdülfəttah əs-Sisi İsrail-Fələstin münaqişəsi ilə bağlı mübahisəli açıqlaması ilə gündəmə gəlib.

Ölkə.Az xarici KİV-ə istinadla xəbər verir ki, qapını fələstinlilərin üzünə bağlayan prezident qalmaqallı ifadə işlədib.

“Hazırda Qəzzada baş verənlər dinc sakinləri Misirə köçməyə məcbur etmək cəhdidir. Qəzzadakı gərginliyin və sülhün pozulmasının nəticələrini Misirin daşımalı olduğunu qəbul etmirik. Məqsəd silahlılarla döyüşənədək fələstinliləri başqa yerə yerləşdirməkdirsə, İsraildə çoxlu səhralar var”.

Vladimir Putin Çin səfəri çərçivəsində verdiyi mətbuat konfransında ironik şəkildə ABŞ Prezidenti Co Baydeni Rusiyaya çaya dəvət edib.

Hurriyyet.az xarici mətbuata istinadla xəbər verir ki, jurnalistlər Putindən Baydenin Rusiyanın Ukraynada məğlub olduğuna dair fikirlərinə münasibət bildirməsini istəyiblər.

Rusiya başçısı Baydenin dediklərini “gülməli” adlandırıb. O, qeyd edib ki, əgər Rusiya məğlub olubsa, o zaman ABŞ Ukraynaya silah tədarükünü dayandırmalı idi: “Əgər müharibə uduzulubsa, o zaman ATACMS-lar niyə verilir? Qoy onda ABŞ Prezidenti ATACMS-ları və digər silahları geri götürsün və Rusiyaya çay içməyə gəlsin. Əgər müharibə uduzulubsa, biz nədən danışırıq? ATACMS-lar nəyə lazımdır? Ona bu sualı verin. Bu, gülməlidir”.

Qeyd edək ki, dünəndən başlayaraq, Ukrayna ordusu Rusiya işğalçı qüvvələrinə qarşı ABŞ-dən aldığı ATACMS raketlərilə zərbələr endirməyə başlayıb.

Qərbi Azərbaycan Xronikası layihəsi çərçivəsində sənətşünaslıq üzrə fəlsəfə doktoru Elçin Əlibəylinin təqdimatında “Köçkün ermənilər Azərbaycan izlərini sildilər” adlı veriliş efirə gedib.

Verilişdə tanınmış erməni etnoqraf və yazıçı Lusine Xaratyanın qaçqın ermənilərin Qərbi Azərbaycanda məskunlaşması haqqında yazdığı elmi məqalədə adi vətəndaşdan başlamış, dövlət səviyyəsində oranın yerli əhalisi olan türklərin tarixinin silinməsini və yeni tarixin yaradılmasını faktlarla ifşa etməsindən bəhs olunur.

Bildirilir ki, Basarkeçər (Vardenis) rayonunun məskunlaşdırılmasından yazan müəllif 1988-ci ildən əvvəl buraya köçürülmənin tarixinə toxunur, Ermənistanda dövlət səviyyəsində Basarkeçər rayonunda aparılan ad dəyişdirmə siyasətinin əsas istiqamətlərini göstərməklə gizlədilən mahiyyəti ifşa edir. O, yazıçı və alim olaraq “erməni soyqırımı” yalanının xalqı milli yaddaş dalanına salan ideoloji basqı kimi bədii əsərlərində ifşa etməklə 1915-ci il soyqırım uydurmasının mahiyyətini açır, Ermənistan siyasi rəhbərliyinin etnik təmizləmədən sonra Azərbaycan izlərini silmək siyasətini diqqətə çatdırır.

Süjetdə qeyd olunur ki, Qərbi Azərbaycandan soydaşlarımızın deportasiyası nəticəsində boşaldılan kənd və ərazilərə 18-21-ci illərdə əsasən Türkiyə və İrandan gələn ermənilər yerləşdirilirdisə, 1948-1953-cü illər deportasiyasından sonra Suriya, Livandan gələn ermənilər boşalan məhəllə, kənd və bölgələrə köçürülüblər.

Sonda vurğulanır ki, Basarkeçər rayonunun adını dəyişib, Vardenis qoymaqla Ermənistan rəhbərliyi əslində heç də erməniləşdirmə apara bilməyib: “Müəllifin qeyd etdiyi erməniləşdirmə, yəni guya mövcud olmuş erməni adlarının bərpası tarixi oyunbazlıqdan və ənənəvi erməni uydurmalarından başqa bir şey deyil. Yalana alışan erməni tarixçiləri reallıqla əlaqəni itiriblər. Bununla belə, dövlətin təklif etdiyi yeni rəsmi adlar hələ də istifadə olunmur. Onlar xəritələrdə, yol nişanlarında, rəsmi yazışmalarda var, lakin sakinlər çox vaxt kəndləri köhnə adları ilə çağırmağa davam edirlər - Şişqaya, Məzrə, Zod və s. Hətta 1969-cu ildə Vardenis adlandırılan rayona hələ də çoxları tərəfindən Basarkeçər deyilir. Müəllif ermənilərin köçdükləri azərbaycanlı evlərinin özlərinə uyğun qurulma prosesini izah etməklə bir daha erməni xislətinin eybəcərliyini ortaya qoyur”.

Xatırladaq ki, Qərbi Azərbaycan Xronikası layihəsinin məqsədi tarixi qədim torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri – qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.

Həmçinin Prezident İlham Əliyevin Qərbi Azərbaycanla bağlı dediyi “XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin”, - fikrini əsas tutaraq Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.

Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.

Daha ətraflı Baku TV-nin süjetində:

Azərbaycanlı operator Hikmət Əsgərov Xankəndi şəhərində qalan erməni sakinlə həmsöhbət olub.

Mişa adlı həmin şəxs 63 yaşının olduğunu və Xankəndidə doğulduğunu deyib.

"Artıq bir həftədir, burada hamı məni tanıyır, hörmət edir, yemək verir. Hətta dünən general mənə maşın verdi, gedib Ballıcada kəndimi, heyvanlarımı gördüm, qəbiristanlığa getdim. Buradakı bütün ermənilər qaçdı, yalnız 5-6 adam qalıb. Ermənilər deyirdilər ki, bu torpaqlar bizimdir. Əgər torpaq sənindirsə, niyə qaçdın? Utanıram ki, ermənilər qorxaqcasına qaçdılar", - erməni bildirib.

Xankəndi sakini qaçan ermənilərin şəhərdəki bəzi mağazaları, dükanları, hətta azərbaycanlılara məxsus qəbirləri dağıtdıqlarını da etiraf edib.

Onun sözlərinə görə, ermənilərin 85 faizi alçaqdır, 15 faizi insandır.

“Zəngəzur dəhlizi” hazırda bütün Yaxın Şərqin ən mühüm problemlərindən biridir və onun istənilən həlli bütün regiona təsir edəcək.

Bunu erməni ekspert Varujan Qeqamyan deyib.

Onun sözlərinə görə, “Zəngəzur dəhlizi” mövzusu getdikcə Türkiyənin ictimai gündəminin ən mühüm hissəsinə çevrilməkdədir.

“Türkiyənin müxalifət partiyalarının bu mövzu ilə fəal məşğul olması bunu sübut edir. Müxalifətdə olan millətçi “İYİ” partiyasının lideri Meral Akşənər ötən gün partiyanın iclasında çıxışı zamanı deyib ki, Azərbaycanla Türkiyə arasında birbaşa və maneəsiz əlaqə yaranacaq. Zəngəzur dəhlizinin açılması ilə türk dünyasının birləşməsi üçün tarixi addım atılacaq”, - o qeyd edib.

Ekspert hesab edir ki, bütün bunlar “Zəngəzur dəhlizi”nin Yaxın Şərqin ən mühüm problemlərindən biri olduğunu göstərir və onun istənilən həlli bütün regiona təsir edəcək: “Türkiyə üçünsə bu, türk dünyasının birləşməsi istiqamətindəki tarixi şansdır. Bütün Türkiyə siyasi meydanının dəhlizin açılmasının vacibliyindən danışmasının səbəbi də budur”. \\Ölkə.Az

İsrailin Qəzza zolağındakı hərəkətləri özünümüdafiə çərçivəsindən kənara çıxır. Qəzzada son üç əməliyyat zamanı 12,5 min dinc fələstinli həlak olub, onlardan 2,5 mini uşaq olub.

Axar.az xəbər verir ki, bunu Misir Prezidenti Əbdülfəttah Sisi ABŞ dövlət katibi Entoni Blinkenlə görüşündə deyib.

"İndi gördüyümüz cavab özünümüdafiədən kənara çıxır. Bu, görünməmiş böhrandır. Biz gərginliyi azaltmaq üçün çox çalışırıq. Döyüş əməliyyatlarının dayandırılması ilə bağlı qərarların qəbulunda gecikmə olarsa, bundan daha çox mülki vətəndaş əziyyət çəkəcək",- o bildirib.

ABŞ İsraili Qəzza zolağında pisləşən humanitar böhranla əlaqədar müharibə qanunlarına əməl etməyə çağırıb.

Sozcu.az xəbər verir ki, bu barədə Pentaqon məlumat yayıb.

Bildirilib ki, çağırış ABŞ müdafiə naziri Lloyd Ostinlə israilli həmkarı arasında baş tutan telefon danışığında səsləndirilib.

"Ostin müharibə qanunlarına riayət etməyin vacibliyini, o cümlədən mülki şəxslərin müdafiəsi ilə bağlı öhdəlikləri, həmçinin Qəzzada pisləşən humanitar böhranı müzakirə edib", - açıqlamada deyilib.

Eyni zamanda, Ostin ABŞ-ın İsrailə davamlı dəstəyinə sadiqliyini vurğulayıb və İsrail ordusuna silah tədarükünün davam etdiriləcəyini bildirib.

"Ukraynalıların yalnız yarısı Polşaya xoş niyyətlə yollanır, qalanları pul dalınca gəlir..."

"Belə nəticə Kiyev və Qərb üçün ən pis ssenaridir və Qərbin həmrəyliyini pozmağa çalışan Kremli heyrətə gətirəcək..."

Polşada sağ avroskeptik Konfederasiya partiyası populyarlıq qazanır

Polşada bu gün, oktyabrın 15-də parlament seçkiləri keçiriləcək. Səsvermə ərəfəsində "Azadlıq və Müstəqillik Konfederasiyası ("Konfederasiya" kimi də tanınır) sağ avroskeptik siyasi partiya polulyarlığını artırır.

Moderator.az xəbər verir ki, bu barədə CNN nəşrinin məqaləsində deyilir.

Bu partiya hakimiyyəti dövlət vəsaitlərinin Ukraynaya yardıma xərclədiyinə görə tənqid edir, onun tərəfdarları isə Polşanın qəbul etdiyi Ukrayna qaçqınlaına əsasən şübhə ilə yanaşır və Ukrayna taxılının ölkəyə tədarük edilməsindən narahatdır.

Konfederasiyanın dəstəyinin əsasını Polşanın kənd yerlərindən olan gənc Polşa kişiləridir. Bu kateqoriyadan olan seçicilərini itirməkdən ehtiyat edərək, "Huquq və Ədalət" (PiS) hakim partiyasının məmurları son aylar ərzində Kiyevə münasibətdə öz ritorikasını kəskinləşdirib, prezident Zelenski və onun hökumətini Volın faciəsi ilə, taxıl idxalı və hətta silah tədarükü ilə bağlı məsələlərdə kəskin tənqid edir.

Konfederasiyanın mitinqlərinin iştirakçıları jurnalistlərlə söhbətlərində Ukrayna və ukraynalılar barəsində müxtəlif neqativ fikirlər səsləndirib.

O cümlədən onlar iddia edib ki, ukraynalıların yalnız yarısı Polşaya "xoş niyyətlə" yollanır, qalanları isə, guya, "pul dalınca" gəlir.

Həmçinin iddia edilir ki, guya, Ukrayna Polşa siyasətinə xeyli təsir göstərməyə başlayıb və ukraynalıları, guya, Varşava tərəfindən göstərilən yardıma görə minnətdarlıqlarını nümayiş etdirməməkdə ittiham edib.

Partiya Polşa siyasətində iri oyunçu olmasa da, son həftələr öz təsirini artırıb. Ekspertlərin dəyərləndirmələrinə görə, əgər Konfederasiya hakim PiS partiya ilə sazişə gələrsə, siyasi qüvvə hakimiyyətə yol əldə edə bilər, o zaman Ukrayna əleyhinə əhval-ruhiyyə Polşada qərarların qəbul edilməsinə daha çox təsir göstərəcək.

Hal-hazırda Konfederasiya iddia edir ki, hər-hansı saziş bağlanılmasında maraqlı deyil, lakin belə bir fikir geniş yayılıb ki, bu partiyanın dəstəyi hakim PiS partiyasına özünün zəifləmiş hökumətinin gücləndirilməsi üçün tələb oluna bilər.

"Belə nəticə Kiyev və Qərb üçün ən pis ssenaridir. Hər yerdə mitinqlərdə hökm sürən ovqat Qərbin həmrəyliyini pozmağa çalışan Kremli heyrətə gətirəcək...

Ötən ilin fevralında təxirə salınmış tarixi travma və qonşuluq rəqabəti geriyə dönür, Konfederasiya öz səsini ölkədə olan 1, 4 milyon Ukrayna qaçqınlarına şübhə ilə yanaşan polyaklara verib", - CNN jurnalistləri qeyd edir.

Polşada 2023-cü ilin seçkiləri-bunları bilmək lazımdır

Bazar günü, oktyabrın 15-də polyaklar öz parlamentinin hər iki palatasını seçəcək.

Ekspertlər Yaroslav Kaçinskinin hakim "Hüquq və Ədalət" mühafizəkar partiyasının öz mövqelərini saxlaya biləcəyini və ya sabiq baş nazir Donald Tuskun müxalif "Vətəndaş mövqeyi" partiyasına uduzacağını birmənalı proqnozlaşdıra bilmir.

Bu iki siyasi qüvvədən başqa, parlamentə daha üç partiyanın-mərkəzçi "Üçüncü yol", sol partiyaların koalisiyası və ifrat sağ "Azadlıq və Müstəqillik Konfederasiyası" partiyasının keçəcəyi proqnozlaşdırılır.

Seçkilər ərəfəsində ölkənin sabiq baş naziri və Polşa müxalifətinin lideri Donald Tusk Kiyevə hərbi yardımı artırmağa çağırış edib.

Eyni zamanda, hakim partiya Ukrayna taxılı ilə bağlı öz ritorikasını kəskinləşdirərək, seçicilərin, xüsusilə fermerlərin səslərini əldə etməyə cəhd edir. Ziddiyyətli fikirlər həm də Ukraynaya silah tədarükü ilə bağlı səsləndirilib.