Şəkərli çay və qəhvə içmək insan səhhətinə ziyandır.

Cebhe.info xəbər verir ki, bu barədə dietoloq Yelena Başkirova danışıb.

Onun sözlərinə görə, belə birləşmə orqanizmdə ciddi problemlərə səbəb ola bilər. Başkirova xəbərdarlıq edib ki, hər fincan şəkərli içki mədəaltı vəzinin çoxlu insulin istehsal etməyə başlamasına gətirib çıxarır.

“Bu, zülal, lif və sağlam yağlarla tarazlaşdırılmayan sürətli karbohidratlara standart reaksiyadır”,-deyə həkim vurğulayıb.

Bu baxımdan dietoloq şəkərsiz çay və kofe içməyi məsləhət görür. O, şəkərdən tam imtina etmək çətindirsə, nisbətləri nəzərə almağa çağırıb. Beləliklə, əlavə edilən şəkər gündəlik qəbul edilən kalorinin 10%-dən çox olmamalıdır. Başkirova xatırladıb ki, şəkər çörək, konserv, kolbasa, sous və çörək məmulatları kimi bir çox məhsulların tərkibində olur.

Son vaxtlar istehlakçılara dana əti adı ilə müxtəlif heyvanların ətləri təqdim olunur. Heyvanlar haqqında az məlumatlı insanlar çox zaman onlara təqdim edilən əti tanımaqda çətinlik çəkirlər. Bəzənsə heç ayırd edə bilmirlər. Beləcə, istehlakçılar həm qiymətdə, həm də keyfiyyətdə aldadılırlar”.

Bunu Bizim.Media-ya açıqlamasında Azad İstehlakçılar İctimai Birliyinin sədri Eyyub Hüseynov deyib.

O bildirib ki, ölkəmizdə belə hallar mövcuddur: “Məsələn çox zaman qəssablar alıcıya dana əti əvəzinə camış əti təklif edirlər. Əslində, cavan camış əti dana ətindən daha üstündür. Çünki camış xəstəliklərə daha davamlıdır. Amma nədənsə camış əti bizdə çox az hallarda istehlak edilir.

Əvəzində bəzi işbazlar camış ətini cavan dana əti adı ilə təqdim edirlər. Camış ətini dana ətindən fərqləndirməksə çox çətindir. Camış ətinin piyləri dana ətindəki piylər kimi ağ olur. Camış əti həm də az yağlı olur, gözə daha xoş görünür. Ona görə də bəzi qəssablar istehlakçıları çox asanlıqla aldada bilirlər”.

Eyyub Hüseynov camış və dana ətlərini ayırd etməyin yolunu da açıqlayıb: “Camışın qabırğaları nisbətən qalın, piyi ağappaq olur. Camış ətini bişirən zaman daha tez ayırd etmək olur. Belə ki, camış əti daha gec bişir, onu bəzən uzun müddət qaynatmaq lazım gəlir”.

ABŞ Prezidenti Co Baydenin başına yenə iş gəlib.

O, iqtisadi proqramını reklam etmək üçün Filadelfiyaya səfər edib.

Bayden Tioqa Dəniz Terminalında tərəfdarlarına əl yelləyib və səhnəyə çıxmaq istəyib. Lakin pilləkənləri qalxmaq istəyərkən qəfil ayağı büdrəyib. Özünü toparlayıb yoluna davam etmək istəyən Baydenin yenə ayağı ilişib.
Qeyd edək ki, Co Bayden çıxışı zamanı təmiz enerji təşəbbüsünü diqqətə çatdırıb və bu çərçivədə hidrogen qovşağının tikiləcəyini bildirib.

Mənbə: Foxnews.com

Səhər yeməyinin keyfiyyəti günün nə qədər məhsuldar olacağını müəyyənləşdirir, buna görə də bu yeməyi atlamamalısınız.

Redaktor.az "lenta.ru"ya istinadla xəbər verir ki, bu sözləri diyetoloq İrina Pisareva deyib .

Dietoloqun sözlərinə görə, günün əvvəlində bir stəkan ilıq su içib üzünüzü yuyun, oyandıqdan 30 dəqiqə sonra səhər yeməyini yeməlisiniz.

“Səhər yeməyinin əsas məqsədi sizə enerji verməkdir. Enerji qarabaşaq yarması, yulaf ezmesi və ya qaba çörək kimi mürəkkəb karbohidratlarla təmin edilir. Ən həzm olunan zülal yumurtadır, ona görə də günə onunla başlamaq yaxşı fikirdir”, - Pisareva izah edib.

Dietoloq səhər yeməyindən şirin içliklər, fast food, tortlar, taxıllar və ağ çörək üzərində sendviçlər olan bişmiş məhsulları istisna edəcəyinə əmindir.

Havanın temperaturu ürəyin işinə təsir edir.
“Medicina” xəbər verir ki, kardioloq Anastasiya Fomiça soyuq havalarda kimlərin vəziyyətinin pisləşdiyini açıqlayıb.
“Böyük elmi tədqiqatların nəticələrinə görə, 20 dərəcə hava minimal ürək ölümləri baş verən hava şəraitidir.
Kəskin miokard infarktı ilə ən çox hospitalizasiya sayı qış aylarında, temperatur 10 dərəcədən aşağı endikdə olur. Soyuqdan qan damarları daha da daralır, bu da ürək, beyin qan dövranını pozur.
Ürəyin işemik xəstəliyi olan pasiyentlər soyuq havanı ciyərlərinə çəkəndə stenokardiya tutması baş verə bilər.
Meteohəssas adamlar atmosfer təzyiqi dəyişimlərinə hipertonik krizlə cavab verir.
Payız-qışda insanların həyat tərzi və qidalanması dəyişir: aktivlik azalır, D vitamini defisiti olur, qapalı məkanda qalır, yağlı qidalar yeyir.
Kəskin respirator xəstəliklər də ürək-damar sisteminin iltihabına səbəb olur.
Ürək tutmaları digər faktorlardan da asılıdır:
– Cinsiyyət, kişilərdə daha çox olur
– İrsi
– Siqaret
– İçki
– Artıq çəki
– Yüksək təzyiq
– Şəkər

Babasildə istifadə olunur, qastriti sağaldır - Alaq otu kimi tanınan bitki
Alaq bitkisi kimi tanıdığımız bağayarpağı bir çox xəstəliklərin dərmanıdır.

Bağayarpağının bəzi faydalarını və istifadə qaydalarını təqdim edirik:

Yaralarda istifadə: Əgər dərinizdə irinli yaralar, çiban, kor çiban, trofik xoralar və ümumiyyətlə, müalicəyə çətin tabe olan yaralar varsa, belə bir reseptdən istifadə edə bilərsiniz: bağayarpağının təzə yarpaqlarını dərin, yuyun, üstünə inək yağını çörək üzərinə çəkilən yağ kimi çəkin, sonra dürmək kimi bükün, nazik məftillə bağlayın ki, açılmasın, sonra yanmayan folqaya bükün və közün içinə basdırın. (Və ya 50-60 dərəcə sobada 20 dəq. saxlayın.) 20 dəqiqədən sonra yarpaqları folqanın arasından çıxarın, əzib maz formasına salın və gündə 2 dəfə yaraların üstünə çəkin. Xatırladım ki, bu reseptdən çöl şəraitində yaşayan insanlar və əsgərlərimiz istifadə edə bilərlər.

Qastritə və kolitə faydası: Qastrit və kolit zamanı təzə bağayarpağı yığılır, yuyulur, stəkana tökülür, üstünə yarım stəkan təmiz su əlavə olunub blenderlə qarışdırılır və yeməkdən yarım saat əvvəl içilir.(və ya təzə bağayarpağı dərilir, yuyulur 2 saat suda saxlanılır, sonra şirəçəkəndən keçirilir, şirəsi çıxarılır, xatırladım ki, bu üsul daha çox faydalıdır) Gündə üç dəfə istifadə edildikdə bağayarpağının tərkibində olan bioloji aktiv maddələr sürətlə yaranın sağalmasına səbəb olur.

Zob xəstəliyinə qarşı: Zob düyünlərini əritmək üçün bağayarpağı yığılır, ətçəkən maşından keçirilir və zobun üstünə qoyulur. Belə sarğını gündə 1 dəfə qoyub 2-4 (dərinin həssaslığından asılı olaraq əgər səpgi verməsə 4 saat saxlaya bilərsiniz) saat müddətində saxladıqda, zob düyünləri əriyir.

Babasildə istifadə: 0,5 litrlik şüşə qaba bir qat kərə yağı, bir qat blenderdə xırdalanmış təzə bağayarpağı, yenə bir qat yağ və bağayarpağı sıra ilə tökülür, çalışın qatların qalınlığı 1 sm-dən çox olmasın və ən axırıncı sıra yağ olsun. Qışda qızdırıcının üstündə yayda günəş görən pəncərədə 1 həftə saxlayın, sonra qarışdırın, gündə iki dəfə babasilin üstünə çəkin, babasil düyünləri əriyəcəkdir.

Daban mahmızına qarşı: Daban mahmızı varsa axşamlar təzə dərilmiş bağayarpağı əzilir və daban altına qoyulur, 3-4 saat (və ya yatanda ayaq altına bağlanılır səhərə qədər) saxlanır. Səhərlər isə axşama qədər 1 ədəd enliyarpaq bağayarpağı daban üzərinə qoyulur, nazik tənziflə bağlanır və corab geyilir. Bunu gündüzlər 3-4 saat saxlamaq faydalıdır.

Şəkər xəstəliyinə təsiri: Bağayarpağı yığılır, qurudulur, əzilir, toz formasına salınır. Gündə 3 dəfə yeməkdən əvvəl 1 çay qaşığı bağayarpağı tozu bir stəkan qatıq və ya kefirə qarışdırılaraq yeyilir. (və ya 1 çay qaşığı ağıza atılır, üstdn 1 stəkan su içilir)

Bronxitdə istifadə: Enliyarpaq bağayarpağı yığılır, kölgədə qurudulur. Müxtəlif mənşəli bronxitlərdə 1 çay qaşığı xırdalanmış yarpaqlar 1 stəkan suda və ya süddə dəmlənir, gündə 3 dəfə yeməkdən əvvəl bir stəkan içilir. \\Saglamolun.Az

Alimlər insan bədəninin hansı hissəsinin heç vaxt ölmədiyini müəyyən ediblər.

Teref.az xəbər verir ki, mikrobların əsas populyasiyası bağırsaqlarda olur, burada onlar müntəzəm qidalanma ilə sabit, isti mühitdə yaşayırlar. Tədqiqat göstərir ki, mikroblarımız öldükdən sonra da mövcud olmağa davam edir və yeni həyatın yaranmasına imkan vermək üçün bədənimizin parçalanmasında mühüm rol oynayır.

Ölümdən sonra qan dövranı dayanır və hüceyrələr oksigen əldə etməkdən məhrum olur. Bu vəziyyətdə hüceyrələr özlərini parçalamağa başlayırlar. Avtoliz adlanan proses adətən canlı hüceyrələrdə enerji və ya böyümə üçün karbohidratları, zülalları və yağları həzm edən fermentlər tərəfindən həyata keçirilir. Oksigen olmadıqda, fermentlər hüceyrələrin strukturunu (membranlar, zülallar, DNT və digər komponentlər) məhv edir və hüceyrələr parçalanır.

Bu prosesdə mikroblarımız uyğunlaşır, insan öldükdən sonra orqanizmi tərk edərək ətraf mühitə yayılır.(lent.az)

Bütün Yer kürəsi ardıcıl 4 gün davam edəcək maqnit qasırğası ilə əhatə olunacaq.

4 günlük maqnit qasırğası oktyabrın 11-də başlayıb. 4 bal gücündə qasırğa (yüngül hesab olunur) oktyabrın 14-dək davam edəcək.

Növbəti maqnit qasırğası oktyabrın 23-26-sı və 28-də gözlənilir.

Çox vaxt belə günlərdə insanlar sağlamlıqlarının pisləşməsindən, baş ağrılarından, konsentrasiyanın, yuxunun pozulmasından şikayətlənirlər.

Xroniki xəstəlikləri və immuniteti zəif olan insanlar risk altındadır.

Qasırğanın mənfi təsirlərini minimuma endirmək üçün sağlam həyat tərzi qaydalarına riayət edin. Belə günlərdə stressdən, ağır yüklərdən uzaq durmalısınız. Daha az yağlı, qızardılmış, duzlu və ədviyyatlı yeməklər yemək vacibdir. Bunun əvəzinə daha çox tərəvəz və meyvə yeyin, həkimlər məsləhət görürlər.

Qəhvə, siqaret və spirtdən imtina edin. Daha çox maye içmək - adi su və ya bitki çayları məsləhətdir.

Otağı mütəmadi olaraq havalandırın və ən azı qısa müddətə təmiz havada gəzməyə çalışın. Mümkünsə, günün eyni vaxtında yatın və kifayət qədər yuxu aldığınızdan əmin olun. \\Lent.Az

Bu yaxınlarda yerli mediada Azərbaycanın Xalq artistlərindən birinin gəlinin səhhətində ciddi problem yaranması barədə məlumat yayılmışdı.

TEREF.AZ bildirir ki, hadisə ilə bağlı Qaynarinfo-ya maraqlı informasiya daxil olub.

Məlumata görə, etik səbəblərdən adını açıqlamadığımız xəstə "Laser Beauty” Klinikasının (LB Clinik) "Neapol” filialında estetik əməliyyat olunaraq evə buraxıldıqdan sonra - gecə saatlarında səhhəti qəfil pisləşib və komaya düşüb. Yaxınları xəstəni təcili Mərkəzi Gömrük Hospitalına aparıblar. Xəstə sözügedən hospitalda 10 gün koma vəziyyətində qalıb. Şükür ki, xəstə Gömrük Hospitalının həkimləri tərəfindən xilas oluna bilib.

Amma məlumatda diqqət çəkən məqam odur ki, xəstənin ilkin əməliyyat olunduğu "Laser Beauty" Klinikasının "Neapol” filialının estetik əməliyyatların aparılması üçün uyğun lisenziyaya malik olmadığı bildirilir.

Maraqlıdır ki, Səhiyyə Nazirliyi də bu məlumatı təsdiq edib. Nazirlikdən Qaynarinfo-ya verilən açıqlamaya görə, "Neapol” filialına yalnız ambulator cərrahiyyə əməliyyatlarının aparılması üçün lisenziya verilib:

"Klinikada ancaq kiçik cərrahi, o cümlədən estetik müdaxilələrə icazə verilir. Amma böyük plastik cərrahiyyə və yaxud ümumi cərrahiyyə işləri görülə, estetik əməliyyatlar da oluna bilməz. Bir də ki, baxır əməliyyatın növünə. Hansısa yüngül işlər görülə bilər, amma məsələn, burun əməliyyatı, üzdə müəyyən dəyişikliklər və s. bunlar oluna bilməz. Bunların hər biri stasionar xidmət tələb edir, filialda isə ancaq ambulator cərrahiyyə var".

"Laser Beauty Klinikası”nın "Neapol” filialının baş həkimi Natəvan Əmirova Qaynarinfo-ya açıqlamasında xalq artistinin gəlini ilə bağlı məlumatı təsdiqləməyib. Lisenziya ilə bağlı sualın cavabında isə deyib ki, rəhbərlik etdiyi filialın ümumi tibb fəaliyyət göstərməsinə lisenziyası var. Onun iddiasına görə, lisenziyanın əlavəsində cərrahiyyə əməliyyatları aparılmasına icazə var:

"Bu məlumatlar Səhiyyə Nazirliyinin saytında da var və onu rahat şəkildə əldə etmək mümkündür. "Laser Beauty" Klinikasının "Neapol” filialının cərrahi əməliyyat etmək üçün hüququ və tam olaraq bunun üçün bütün şəraiti var. Lisenziya verilməzdən öncə Səhiyyə Nazirliyinin əməkdaşları bizim klinikada olublar, yoxlama aparıblar və ondan sonra klinikaya lisenziya verilib. Bununla yanaşı lisenziyanın əlavəsi də alınıb. Lisenziyanın əlavəsində də qeyd edilib ki, cərrahi xidmətlər göstərmək üçün bizim hər bir şəraitimiz var".

Səhiyyə Nazirliyinin açıqlamasını Natəvan Əmirovanın diqqətinə çatdırdıqda isə baş həkim bildirib ki, cərrahi əməliyyat növləri heç bir lisenziyanın əlavəsində göstərilmir:

"Sadəcə, cərrahiyyə xidməti yazılır. Nazirlər Kabinetinin qərarı var. Həmin qərarın hazırlanmasında şəxsən özüm iştirak etmişəm. Ya icazən var, ya da yoxdur, vəssalam. Hansı əməliyyatlar aparıla biləcəyi barədə qeyd isə nə "Sağlamlığın qorunması haqqında” Qanunda, nə Nazirlər Kabinetinin hər hansı qərarında, nə də Səhiyyə Nazirliyinin əmrində var”.

Göründüyü kimi, tənzimləyici qurum olan Səhiyyə Nazirliyi adıçəkilən klinikanın uyğun lisenziyaya malik olmadığını deyir, klinika isə bunun əksini iddia edir. Mövzunu diqqətdə saxlayacağıq.

Qeyd edək ki, "Laser Beauty Clinic"-in Bakı şəhərində 5 filialı mövcuddur. Klinika şəbəkəsinin direktoru Rəna Soltanovadır.

TƏBİB-dən 20 min dollar maaşdan imtina edərək Azərbaycana gələn həkimlə bağlı AÇIQLAMA
Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr və tədbirlər şöbəsinin müdiri Zamirə Adilova Almaniyada fəaliyyət göstərən invasiv kardioloq Nicat İbrahimovla bağlı məsələyə aydınlıq gətirib.

Teref.Az-ın məlumatına görə, Z.Adilova Pravda.az-a açıqlamasında bildirib ki, həkim Şirvan Şəhər Mərkəzi Xəstəxanasında fəaliyyətə başlayacaq, onun fəaliyyəti üçün hər bir şərait yaradılıb, dəstək göstərilib.

“Həkim dəvətlə gəlib. Rəsmi olaraq 13 oktyabrdan etibarən fəaliyyətə başlayacaq. Ümumiyyətlə, TƏBİB xaricdə yaşayan və çalışan azərbaycanlı həkimlərin ölkəmizə gəlməsini hər zaman təşkil edir və onları ölkəmizə dəvət edir. İcbari Tibbi Sığorta üzrə Dövlət Agentliyinin uzmanların dəvət edilməsi ilə bağlı “Xarici ölkədə təhsil almış həkimlərin dövlət tibb müəssisələrində işə qəbulu” proqramı çərçivəsində xaricdə çalışan və yaşayan 100-dək həkim artıq Azərbaycana gəlib. Onlar TƏBİB-in tabeliyindəki tibb müəssisələrində fəaliyyət göstərirlər. İyunun 17-22-si tarixlərində TƏBİB ilk dəfə Dünyadakı Azərbaycanlı Təbiblərin Birinci Simpoziumunu keçirdi. Həmin simpoziumda da 12 ölkədən 120-yə yaxın həkim iştirak etmişdi. Həkimlər arasında gələcəkdə Azərbaycanda gəlib işləmək istəyənlərin sayı kifayət qədər idi. Bundan sonra onların ölkəmizə qayıdıb burada çalışmalarını təşkil edəcəyik. Nicat İbrahimovun Azərbaycana gəliş səbəbi fərqli ola bilər, amma onun çalışacağı tibb müəssisəsi onsuz da TƏBİB-in tabeliyində fəaliyyət göstərir”, - qurum rəsmisi deyib. bildirib.

Qeyd: Sosial şəbəkələrdə və mətbuatda 12 ildir, Almaniyada yaşayan və işləyən Nicat İbrahimovun Almaniyada aylıq 20 min dollar maaşından imtina etməsi böyük maraqla qarşılanıb. Nicat İbrahimov Azərbaycan Tibb Universitetini bitirəndən sonra Almaniyada təhsilini davam etdirib. Almaniyanın Koburq şəhərindəki Regiomed Klinikasında Daxili Xəstəliklər və Kardiologiya şöbəsinin müdiri olub. 12 ildən çox olan fəaliyyəti dövründə 17 gənc azərbaycanlını assistant olaraq yetişdirib.