Alkoqolun immuniteti möhkəmlətməsi və damarları təmizləməsi barədə içki içənlər özləri məlumatlar yayır.

ABŞ alimləri müəyyən dozada alkoqolun qəbulunun immun sistemə necə təsir etməsi barədə araşdırma aparıb.

Tədqiqatçılar əvvəl heyvanların vaksinasiyasını aparıb, sonra müəyyən doza alkoqol veriblər.

Məlum olub ki, spirtli içki istifadəsi orqanizmin vaksinə immun reaksiyasını sürətləndirib.

Alimlər ümid edir ki, bu kəşf immun sistemin işini öyrənməyə imkan verəcək, onun infeksiya və vaksinlərə adekvat reaksiyasını artıracaq.

Bu alkoqolun sağlamlığa faydasını sübut edən ilk tədqiqat deyil.

Eləcə də alkoqollu içkilərin vaxtından əvvəl ölümü azaltdığı da sübut edilmişdi. \\Medicina.az

Hava filtrləri evinizdəki havanı təmiz saxlamağa kömək edə bilər, lakin onlar hava-damcı virusuna yoluxma riskini azaltmır.

Cebhe.info xəbər verir ki, yeni araşdırmanın nəticələri “Preventive Medicine” jurnalında dərc olunub.

Araşdırmanı aparan Şərqi İngiltərə Universitetinin tədqiqatçıları deyirlər ki, qapalı məkanları infeksiyalar üçün daha təhlükəsiz etmək üçün nəzərdə tutulmuş texnologiyalar real dünya şəraitində səmərəsizdir.

Araşdırma komandası hava təmizləmə texnologiyalarının məktəblər və ya səhiyyə müəssisələri kimi real mühitlərdə sınaqdan keçirildiyi 32 əvvəlki tədqiqatın məlumatlarını təhlil edərək bu nəticəyə gəlib.

Mütəxəssislər filtrasiya, mikrob öldürücü lampalar, ionlaşdırıcılar və virusları təhlükəsiz şəkildə çıxarmaq və ya onları inhalyasiya edilmiş havada təsirsiz hala gətirmək üçün hər hansı digər üsulları təhlil edib.

Məlumatların xülasəsi göstərib ki, filtrasiya sistemləri insanların hava-damcı yolu ilə respirator və ya mədə-bağırsaq infeksiyalarına yoluxmasının qarşısını almaq üçün heç bir iş görmür.

“Bir sözlə, biz havanın təmizlənməsi texnologiyalarının real dünya şəraitində insanları qoruya biləcəyinə dair inandırıcı dəlil tapa bilmədik”, -deyə araşdırma komansadının sözçüsü Culiya Breynard dyib.

Məlum olub ki, bu texnologiyaların xəstəliyi nə dayandırır, nə də ona yoluxmanı azaldır.

"Rusiya sülhməramlıları müvəqqəti xidmət müddəti bitdikdə ya da erkən vaxtda bölgədən çıxacaq"
Rusiyanın Dağlıq Qarabağdakı sülhməramlı kontingenti İkinci Qarabağ Müharibəsindən sonra Azərbaycan, Ermənistan və Rusiya liderləri tərəfindən imzalanmış atəşkəs bəyannaməsi əsasında regionda yerləşdirilib. Rusiya Federasiyasının sülhməramlı kontingentinin qalma müddəti müqavilənin imzalandığı tarixdən (9 noyabr 2020-ci il) 5 il müəyyən edilib. Hazırda Rusiya sülhməramlı kontingentinin yerləşdirildiyi ərazilər işğaldan azad edildiyi üçün onlarln fəaliyyətinə ehtiyac varmı?
Hərbi ekspert Elxan Şıxəliyev Bizimyol.info xəbər portalına açıqlmasında bildirib ki, Rusiya sülhməramlılarının fəaliyyəti 3 tərəfli bəyanata görə, 2025-ci ilə qədər müəyyənləşdirilib.

“Hazırda bölgədə onlara ehtiyac olmasa da, Rusiya heyətini burada kiçildərək, dövlət siyasəti olaraq, müqavilənin müddəti bitdiyi zaman bölgədən çıxacaq. Və “müddət bitdiyi üçün çıxdıq” deyə məsələyə bağlayacaq. Rusiya həmin müddətdən əvvəl buradakı kontingentini çıxarmaqda maraqlı olmayacaq. Azərbaycanın 3 tərəfli bəyanatla buna razılıq verdiyini deyəcək. Bu səbəbdən də, rus sülhməramlılarının mövcudluğu, xidmət müddətinin uzadılması 2025-ci ilin 6-cı ayına qalmış müzakirə oluna bilər. Bu, Azərbaycanın verdiyi qərardan sonra müzakirə olunacaq. Azərbaycan Rusiya sülhməramlılarının qalmasına etiraz etməsə, onlar mövcudluğunu davam etdirəcək”-deyən ekspert Azərbaycanın etiraz edəcəyini düşünür. Onun sözlərinə görə, Azərbaycan üçün münaqişə bitib. Ərazi bütövlüyü və suverenliyi təmin olunub. Rusiya hərbi kontingentinin Azərbaycan ərazilərində olmasına heç bir əsas yoxdur.

“Rusiya bir qədər erkən özü ərazidən çəkilməsə, onların fəaliyyət müddəti 2025-ci ilə 6 ay qalmış müzakirə edilə bilər. Amma ola bilər ki, erkən çəkilsin. Orada olan cənub hərbi dairəsinin hərbçilərini gəldikləri Rastova və hərbi dairə komandarlığına geriyə ezamiyyətini təşkil etsin. Biz isə, bu məsələni onların fəaliyyət müddətinin bitdiyi zaman müzakirə edə bilərik. İmzaya hörmət ilə deyilən məsələ var, onu Azərbaycan tərəfi idarə edir.”-deyə Elxan Şıxəliyev vurğulayıb.

Mingəçevirdə məktəblilər arasında “Hepatit A” virusuna yoluxma aşkarlanıb.

"DogruXeber.az"ın məlumatına görə, son bir həftə ərzində şəhərin əsasən Tərəvəzçilik yaşayış massivi ərazisində yerləşən Bahar küçəsində təsdiqlənmiş “Hepatit A” diaqnozu ilə 5 nəfər xəstə barəsində Mərkəzi Şəhər Xəstəxanasından Gigiyena və Epidemiologiya Mərkəzinə təcili bildiriş vərəqəsi daxil olub.

Onlardan dördü qız, biri isə oğlan uşağıdır və 6, 7, 9 və 11-ci sinif şagirdləridir.

Karbohidratlar enerji üçün çox vacibdir, lakin bütün karbohidratlar arıqlamağa kömək etmir. Bəzi karbohidrat tərkibli qidalar var ki, onlar çəki atmağa mane olur.

Bütün taxıl qidalarında, meyvələrdə və tərəvəzlərdə olan kompleks karbohidratlar qida və sabit enerji təmin edir. Digər tərəfdən, şəkərli qəlyanaltılar və işlənmiş qidalarda olan təmizlənmiş və ya sadə karbohidratlar qan şəkəri səviyyələrində sürətli sıçrayışlara səbəb olaraq kilo verməyə mane olur.

Bu qidalarda lif və qida maddələri yoxdur. Bu da qan şəkərinin artmasına, aclığın artmasına və həddindən artıq yeməyə səbəb olur. Üstəlik, onların kalorisi yüksəkdir, lakin sizə toxluq hissi vermir.

Həkimlər çəkiyə nəzarət üçün qəhvəyi düyü, meyvələr, tərəvəzlər, paxlalılar, qoz-fındıq və toxum kimi bütün qidaları seçməyi tövsiyə edir. Bütün taxıllar daha çox lif ehtiva edir, sizi daha uzun müddət tox saxlayır, lobya və qoz-fındıq isə iştahınızı idarə etmək üçün protein və sağlam yağlardan ibarətdir.

Belə sağlam karbohidrat seçimləri yalnız arıqlamağa kömək etmir, həm də tərkibindəki qida maddələrinə görə ümumi sağlamlığınızı yaxşılaşdırır. \\Lent.az

Süd vəzi xərçəngi həm qadınlara, həm də kişilərə təsir göstərən xəstəlikdir. Cərrah bu təhlükəli xəstəliyin riskini necə azalda biləcəyi izah etdi.
Bu barədə "Daily Express" yazır.
Həkim əvvəlcə insanlara sağlam çəkidə olmalarını tövsiyə edir.
Yetkinlik dövründə 12 kiloqram çəki alanlar, süd vəzi xərçənginə tutulma riskin 20% artıra bilər.
Nəşr qeyd edir ki, insan 20 kq kökələrsə, risk ikiqat artır.
Cərrah qeyd edir ki, çəki artımı, məşq etməmək və çoxlu spirtli içki qəbul etmək döş xərçənginin inkişaf riskini artırdığına dair sübutlar var.
O, həmçinin ailə üzvlərinizin tibbi genetik tarixçəsi barədə məlumatlı olmağı məsləhət görür.

Xroniki öskürək tiroid xərçənginin əlaməti ola bilər.

Qaynarinfo xəbər verir ki, bu barədə "Daily Mail" məlumat yayıb.

Müalicəyə cavab verməyən və öz-özünə keçməyən şiddətli öskürək, tiroid bezinin toxumalarında bədxassəli bir şişin böyüməsini göstərə bilər. Xəstəlik adətən limfa düyünlərinin şişməsi ilə müşayiət olunur. Bəzən bu xərçəng növünün inkişaf etdiyini göstərən yeganə əlamətdir.

Qadınlarda tiroid xərçəngi diaqnozu kişilərə nisbətən daha çox olur. Bəzi onkoloqlar bunun qadın orqanizmində daha yüksək konsentrasiyalarda olan estrogen hormonu ilə bağlı ola biləcəyinə inanırlar. Radiasiyaya məruz qalma və genetik meyl də risk faktorlarıdır.

Tiroid hüceyrələrindən böyüyən bir şişin səbəb olduğu öskürək adətən ağrılıdır. Kiçik qan laxtaları öskürə bilərsiniz. Bu, şişlərin inkişafı səbəbindən böyüdülmüş tiroid bezi traxeyanın divarlarına təzyiq göstərməyə başladığı üçün baş verir. Bundan əlavə, şişlər yaxınlıqdakı orqanların səthlərinə və tənəffüs sisteminin hissələrinə, məsələn, qırtlağa yayıla bilər.

Qeyd edilir ki, belə bir simptom vərəm, tənəffüs sisteminin travmatik lezyonları və ağciyər xərçəngi üçün xarakterik ola bilər. Belə bir simptom görünsə, mümkün qədər tez bir həkimə müraciət etmək tövsiyə olunur.

Respublika Endokrin Mərkəzində şəkərli diabetdən əziyyət çəkən 1300-ə yaxın uşaq qeydiyyatdadır.

Onlardan 123 nəfəri insulinin vurulmasında xüsusi cihazlar olan pompadan istifadə edir. 18 yaşadək olan həmin uşaqlar ən keyfiyyətli insulinlə təmin olunurlar. Digər MDB ölkələrində bu cür insulinlə təminat yoxdur. Bu uşaqlara diqqət çox yüksək səviyyədədir. Məqsədimiz şəkərli diabetdən əziyyət çəkən uşaqların da öz yaşıdları kimi böyüməsi, onlara sağlam gələcək bəxş etməkdir.

Bunu jurnalistlərə açıqlamasında Respublika Endikrinoloji Mərkəzinin direktoru, tibb üzrə fəlsəfə doktoru Nərmin İsmayılova deyib.

Onun sözlərinə görə, ölkəmizdə yalnız uşaqlar deyil, böyüklər də ən yaxşı insulinlə təmin olunurlar: “Poliklinikalarda qeydiyyatda olan şəkərli diabetdən əziyyət çəkən şəxslərin, həmçinin lazımi preparatlarla təminatı aparılır. Bu gün Azərbaycanda şəkərli diabetin müalicə və müayinəsinə çox böyük diqqət yetirilir. Lakin biz arxayınlaşmamalı, daha da fəallıq göstərməliyik. Dünyada şəkərli diabetdən əziyyət çəkənlərin sayında artım tendensiyası müşahidə edilir. Məqsədimiz şəkərli diabetin erkən aşkarlanmasıdır. Çünki erkən diaqnoz başqa xəstəliklərin də qarşısının alınması deməkdir. Odur ki, şəkərli diabetdən əziyyət çəkənlərin lazımi preparatlarla təminatı ilə yanaşı, həm onların, həm tibb personalın, həm də əhalinin maariflənməsinə çalışırıq”.