İşğaldan azad edilən ərazilərin bərpası sürətlə həyata keçirilir

Yaradılıb 12.05.2023 07:28 | Baxış sayı: 56
Ardını oxu...
Azərbaycanın 30 illik işğal, eyni zamanda, postmünaqişə dövründə xarici siyasətində iki mühüm amil öndə dayanır: Bölgədə sülhün, təhlükəsizliyin təmin edilməsi və əməkdaşlığın coğrafiyasının genişləndirilməsi ilə dünyanın enerji təhlükəsizliyinə davamlı töhfələr vermək.
Ümummilli Lider Heydər Əliyevin anadan olmasının 100 illiyinin ölkəmizdə və onun hüdudlarından kənarda geniş qeyd olunduğu “Heydər Əliyev İli” çərçivəsində tədbirlərdə bütün bu məqamlara bir daha aydınlıq gətirilir. Azərbaycan hər zaman sülhün tərəfdarı olub. Qarabağ münaqişəsinin həllinin 30 il uzanması onu göstərdi ki, Ermənistan sülh danışıqlarına imitasiya naminə qatılsa da Azərbaycan məsələnin sülh yolu ilə həllində maraqlıdır və bunun üçün səylər göstərir. Tarixi Zəfərimiz bütün bu məqamların açıqlanmasında yardımçı oldu. İşğaldan azad edilmiş ərazilərimizdə törədilən vəhşiliklər 30 illik işğal dövrünün təqdimatıdır. Dövlət başçısı İlham Əliyev işğaldan azad edilmiş torpaqlara səfərləri zamanı çıxışlarında bu məqamlara xüsusi diqqət yönəldir.
Prezident İlham Əliyev mayın 10-da Ümummilli Liderin anadan olmasının 100 illiyi ilə əlaqədar Şuşadan müraciətində də Azərbaycanın uğurlarının təhlili əsasında bildirdi ki, bu gün Avropa üçün Azərbaycan çox önəmli ölkəyə çevrilib. Biz Avropa İttifaqına üzv ölkələrin üçdəbiri - doqquz ölkə ilə strateji tərəfdaşıq. Yəni, beynəlxalq mövqelərimiz kifayət qədər güclüdür. Beynəlxalq müstəvidə lazım olan bütün sənədləri, qətnamələri qəbul etdirə bilmişik. Bu, İkinci Qarabağ müharibəsinin uğurla aparılması üçün də öz rolunu oynamışdır. Çünki Azərbaycan həqiqəti sübut etdi: “Biz yalnız həqiqəti sübut etməyə çalışırdıq və ona nail olduq ki, bu, bizim torpağımızdır. Bax, durduğum torpaq Azərbaycan torpağıdır. Biz beynəlxalq təşkilatlar çərçivəsində fəal işimizlə bu hüquqi və siyasi bazanı yarada bilmişik.
Ölkə başçısı öz müraciətində qeyd edib ki, ölkəmizin beynəlxalq nüfuzu yüksəlib. Bu gün beynəlxalq təşkilatlarda Azərbaycanın hörməti artır. Qoşulmama Hərəkatı kimi dünyanın ikinci beynəlxalq təsisatına 4 ilə yaxın ölkəmiz rəhbərlik edir. Bu gün Avropa üçün Azərbaycan çox önəmli ölkəyə çevrilib. Azərbaycan Avropa İttifaqına üzv ölkələrin doqquz ilə strateji tərəfdaşdır.
Bildirilib ki, son 20 ildə dünya miqyasında Azərbaycan qədər sürətlə inkişaf edən ikinci ölkə yoxdur. İqtisadiyyatımız 3 dəfədən çox artıb, valyuta ehtiyatlarımız 65 milyard dollara çatıb, xarici borcumuz 6 milyard dollardan bir qədər çoxdur. Valyuta ehtiyatlarımız xarici borcu təxminən 10 dəfə üstələyir. Xarici borc isə ümumi daxili məhsulumuzun cəmi 9-10 faizini təşkil edir.
Sosial məsələlər dövlət siyasətinin prioritet istiqamətidir. Son 20 il ərzində Ulu Öndərin yolu ilə gedərək sosial sahədə böyük irəliləyiş olub, maaşlar, pensiyalar müntəzəm olaraq qaldırılır, keçmiş məcburi köçkünlər üçün şəhərciklər salınıb, 300 mindən çox keçmiş məcburi köçkün yeni evlərlə, mənzillərlə təmin edilib.
İşğaldan azad edilən ərazilərin bərpası sürətlə həyata keçirilir. Müharibədən cəmi iki il yarım keçəndən sonra artıq keçmiş köçkünlərimizi iki kəndə qaytarmışıq. 10 kəndin bünövrəsison günlərdə qoyulubdur. Bütün şəhərlərin Baş planları tərtib edilib və bütün şəhərlərdə indi genişmiqyaslı inşaat işləri aparılır.
Azərbaycan həm sülhün, həm də enerji təhlükəsizliyinin təminatı istiqamətində mühüm addımlar atır. Azərbaycan tərəfindən təqdim edilmiş sülh gündəliyi müasir beynəlxalq münasibətlərin bütün prinsiplərinə və eləcə də dövlətlərarası əlaqələrin formalaşmasına xidmət edən prinsiplərdən ibarətdir. Həmçinin Azərbaycan Avropa və Mərkəzi Asiya ölkələri üçün enerji təminatçısı rolunda çıxış edir.


Həcər Verdiyeva – Tarix elmləri doktoru, professor

SOS: Düşmən Qarabağın DİLİNİ QURUDUR... - BİZ İSƏ SEYR EDİRİK...

Yaradılıb 10.05.2023 10:44 | Baxış sayı: 67

Ardını oxu...
2022-ci il dekabrın 12-dən, yəni Laçın-Xankəndi yolunda Azərbaycan eko-fəallarının məlum aksiyası başlanandan bəri Azərbaycan Respublikasının müvəqqəti(!) olararaq Rusiyanın nəzarətində qalmış ərazisindəki 32 "yaşlı" separatçı-terrorçu rejim işğal altındakı Sərsəng su anbarında ekoloji fəlakətin yaranmasındakı günahlarını boynundan atmaq və bunu da rəsmi Bakının adına yazdırmağa çalışır. Separatçılar mütəmadi olaraq su anbarının foto və video-görüntülərini yayaraq beynəlxalq aləmdə də yanlış rəy yaratmağa çalışır.

DİA.AZ moderator.az-a istinadla xəbər verir ki, Xankəndindəki separatçı-terrorçu rejimin qondarma “ərazi idarəetmə və infrastruktur nazirliyi” erməni mediasında Sərsəng su anbarının yeni foto-görüntülərini yayıb.

Fotolara şərhdə guya “blokada nəticəsində Sərsəng su anbarı demək olar ki, boşalıb” sözlərini yazıb.

Bundan əvvəl mediada separatçı xuntanın qondarma “dövlət naziri” Qurgen Nersisyana istinadla "Sərsəngin su ehtiyatı kritik həddə çatıb - demək olar ki, 88 milyon kub metr, yəni ümumi həcmin təxminən 15%-i,- və ölü (istifadəyə yararlı olmayan) həcmə yaxınlaşır - təxminən 70 milyon kub metr”..." məlumatı da yer alıb.
Xatırladaq ki, 2022-ci il avqustun 22-də "Azərbaycan Meliorasiya və Su Təsərrüfatı" ASC-nin nümayəndələri Xankəndindəki separatçı rejimin mütəxəssislərin iştirakı ilə Qarabağ iqtisadi rayonunda yerləşən Sərsəng su anbarına baxış keçirib. Həmin vaxt su anbarındakı durum indikindən qat-qat yaxşı olub...

Ardını oxu...
Ardını oxu...
 

“Rusiya olmasaydı, Stepanakert bu gün olduğu formada qalmayacaqdı” - Rusiyanın Ermənistandakı səfiri

Yaradılıb 09.05.2023 09:43 | Baxış sayı: 85
Ardını oxu...
"Getdikcə çətinləşən şərtlərə baxmayaraq, aydın başa düşmək lazımdır: əgər Rusiya olmasaydı və onun sülhməramlıları bölgəyə daxil olmasaydı, bu gün Dağlıq Qarabağın həmin hissəsindəki Stepanakert olduğu formada qalmayacaqdı”.

DİA.AZ moderator.az-a istinadla xəbər verir ki, bu açıq müstəmləkəçi, şovinist xislətli bəyanatı Rusiyanın Ermənistandakı səfiri Sergey Kopırkin “Sputnik Ermənistan”a müsahibəsində Ermənistanın siyasi və informasiya dairələrində Rusiya sülhməramlı kontingentinə qarşı tənqidi bəyanatları şərh edərkən verib.

“Mən başa düşürəm ki, əhalidə müəyyən məyusluq hissi var, nəzərə alsaq ki, hansısa zorakı hərəkətlər baş verir, indi Laçın dəhlizi bağlanıb... Rusiya əvvəlcədən bu məsələdə tam aydın mövqe bildirib – bu, üçtərəfli bəyanatla ziddiyyət təşkil edir", -deyib Kopirkin.

Onun sözlərinə görə, daimi iş gedir, o cümlədən hazırda: sülhməramlı kontingentin yeni rəhbərliyi bu problemi həll etmək üçün hər şeyi edir.

Səfir haykları başa düşməyə çağırır ki, “sülhməramlıların funksiyaları məhduddur, onlar siyasətçi, ali arbitr deyillər”.

"Sülhməramlılar komendantlıq olduğu və orada qərarların qəbul olunduğu müharibədən sonrakı Almaniyadakı kimi işğalçı qüvvə deyillər. Sülhməramlıların funksiyaları tamamilə fərqlidir. Mən tam əminəm ki, ən vacib halda sülhməramlılar öz funksiyalarını layiqincə yerinə yetirirlər. Bəyanatı imzalayan hər üç tərəfin iştirakı ilə siyasi həllini tələb edən problemlərin ortaya çıxması başqa məsələdir. Birgə səylər olmalıdır, məhz bunun əsasında Rusiya Federasiyası bu problemlərin həlli üçün daim çalışır. Bu, asan deyil, amma iş davam edir”, - deyə işğalçı ölkə səfiri ermənilərin boynuna münnət qoyaraq vurğulayıb.
 

Xankəndidə böyük qorxu: -

Yaradılıb 08.05.2023 08:29 | Baxış sayı: 57
Ardını oxu...
Rusiya sülhməramlı kontingentinin komandanı, general-polkovnik Lentsovun Bakıda apardığı müzakirələr heç bir nəticə verməyib.

TEREF.AZ cebhe.info-ya istinadən xəbər verir ki, bu barədə Xankəndidəki separatçı rejimin “dövlət naziri” Qurgen Nersisyan öz “Facebook” səhifəsində yazıb.

O bildirib ki, general-polkovnik A.Lentsovun rəhbərlik etdiyi Rusiya sülhməramlı kontingentinin komandanlığı bu həftə Bakıda olub və Azərbaycan tərəfi ilə vəziyyəti müzakirə edib:

“Müzakirələrin nəticələrinə əsasən, 9 noyabr 2020-ci il tarixli üçtərəfli Bəyanatda nəzərdə tutulan şərtlərin dəyişdirilməsi və bərpası ilə bağlı razılığa gəlmək mümkün olmayıb. Ən qısa zamanda yeni görüş planlaşdırılır, onun nəticələri barədə əlavə məlumat verəcəyik”.

Xatırladaq ki, Lentsov Laçında qoyulmuş buraxılış məntəqəsi barədə müzakirə aparıb.
 

BURAXACAĞIQMI: Erməni deputatlar Qarabağa GƏLMƏYƏ HAZIRLAŞIR... - Xankədidə AKSİYA KEÇİRMƏK İSTƏYİRLƏR..

Yaradılıb 06.05.2023 11:10 | Baxış sayı: 63

Ardını oxu...
Ermənistanda nəşr olunan “Joqovurd” qəzetinin yaydığı məlumata görə, yaxın günlərdə Qarabağda yaşayan ermənilər mitinq keçirməyə hazırlaşırlar.

DİA.AZ-ın məlumatına görə, JAMAZ.İNFO həmin qəzetə istinadən xəbər verir ki, mitinqin may ayı keçirilən bayramlardan biri ərəfəsində təşkili gözlənilir.

Məlumatda qeyd edilir ki, mitinqin təşəbbüskarı Qarabağda son zamanlar Azərbaycana qarşı imza toplayan bir qrup gənclər və Ermənistanın deputatı

Taquhi Tovmasyandır. Tovmasyanın iddiasına görə, iki gün ərzində Qarabağda Azərbaycandan ayrılmaq, Laçın dəhlizinin açılması, habelə Azərbaycanın Ermənistanla sərhəd buraxılış məntəqəsini ləğv etməsi “tələbi” ilə 5000-ə yaxın imza toplayıb.

Bundan başqa, həmin “təşəbbüskar”lar idda ediblər ki, guya, Azərbaycan Qarabağda “etnik təmizləmə” aparmaq istəyir, “soyqırım siyasəti” həyata keçirir və 10 noyabr razılaşmasını pozur. Mitinq də məhz bu tələblə keçiriləcək ki, həmin hallar dayandırılsın.

“Joqovurd”un yazdığına görə, artıq mitinq hazırlıqlarına başlanılıb. “Ola bilsin ki, Qarabağdakı hakimiyyət, eləcə də müxalifət bu mitinqdə iştirak etsin”.

P.S. Qarabağda yaşayan ermənilər dinc yaşamaq fikrindən uzaqdırlar. Əvvəla, Azərbaycan Qarabağda hər hansı soyqırım və ya etnik təmizləmə işləri aparmır. Əgər belə bir niyyətimiz olsaydı, indiyə orada bir erməni belə qalmazdı. İkincisi, Qarabağda etnik təmizləmə və soyqırım siyasətini elə ermənilər özləri həyata keçiriblər. 30 il ərzində 800 min insanı yurd yuvasından qovub, Xocalıda soyqırım törədən də elə ermənilər olub.

Əgər onlar Xankəndidə hər hansı mitinq keçirmək istəyirlərsə, buyursunlar. Amma Azərbaycan tərəfi də əliboş oturub gözləməməlidir. Birincisi, bunun qarşısını almaq üçün xəbərdarlıq etməli, əməl edilməyəcəyi təqdirdə, təsirli addımlar atmalıdır. Çünki Qarabağdakı separatçılara meydan vermək olmaz. Bu prosesləri yenidən 1988-ci ilə qayıtmasına səbəb ola bilər.

İkincisi, Ermənistan parlamentinin üzvlərinin Qarabağdakı aksiyalara qatılması rəsmi Bakı tərəfindən Azərbaycanın daxili işlərinə qarışmaq, separatçılıqla məşğul olmaq kimi qəbul edilməli və bunun qarşısını almaq üçün zəruri addım atmalıdır. Hətta zərurət olarsa, həmin deputatların həbsini belə həyata keçirmək lazımdır. Ki, qoy, onlara görk olsun.

Polad Bülbüloğlunu belə yerlərdə GÖRƏ BİLMƏZSİNİZ... - MALƏSƏF...

Yaradılıb 06.05.2023 09:39 | Baxış sayı: 89

Ardını oxu...
Ermənistanın Rusiyadakı fövqəladə və səlahiyyətli səfiri Vaqarşak Arutyunyan mayın 5-də ABŞ-ın Rusiyaya yeni təyin olunmuş səfiri Linn Treysi ilə görüşüb.

DİA.AZ moderator.az-a istinadla xəbər verir ki, Ermənistanın Rusiyadakı səfirliyinin mətbuat xidmətindən NEWS.am-a verilən məlumatda belə deyilir

"...Görüş zamanı həmsöhbətlər Cənubi Qafqazda sabitliyin bərqərar olması, Ermənistan-Azərbaycan münasibətləri, o cümlədən Qarabağ münaqişəsinin nizamlanması ilə bağlı fikir mübadiləsi aparıblar . 10 noyabr 2020-ci il tarixli üçtərəfli bəyannamənin müddəalarının qeyd-şərtsiz yerinə yetirilməli olduğunu vurğulayan səfirlər mayın 1-4-də ABŞ-da keçirilən üçtərəfli danışıqların əhəmiyyətini vurğulayıblar.

Ermənistan səfiri həmkarının diqqətini Azərbaycanın Ermənistan Respublikasının suveren ərazisinə təcavüzü(guya-S.L.) nəticəsində regiondakı vəziyyətə, o cümlədən Dağlıq Qarabağdakı(keçmiş-S.L.) böhranlı vəziyyətə cəlb edərək, üçtərəfli bəyannamənin 6-cı bəndinə kobud şəkildə zidd olaraq Laçın dəhlizinin qanunsuz blokadaya alınmasını(guya-S.L.) vurğulayıb. Bundan əlavə, qarşılıqlı maraq doğuran məsələlər ətrafında fikir mübadiləsi aparılıb" -xəbərdə belə deyilir.

Ardını oxu...

Zəruri şərh:

Xatırladaq ki, xanım Linn Treysi 2019-cu ilin fevralından 2022-ci ilin sentyabrınadək ABŞ-ın Ermənistandakı səfiri kimi çalışıb. Bu müddət ərzində, xüsusən 2020-ci ilin 44 günlük savaşından sonra o, dəfələrlə Azərbaycanın Qarabağdakı ermənilərə status verməli olması haqda çıxışlar edib, Ermənistan-Azərbaycan sərhədinə gələrək oradakı hərbçilərlə görüşüb və s. L.Treysi Moskvada ABŞ-ın Rusiyadakı səfiri kimi fəaliyyətə başladıqdan sonra – 2023-cü ilin fevralında öz xahişi ilə Azərbaycanın Rusiyadakı səfiri Polad Bülbüloğlu tərəfindən qəbul edilib. Qəbula görə təşəkkürünü bildirən Linn Treysi 2022-ci ildə Azərbaycana səfərini xatırlayıb, Prezident İlham Əliyevlə görüşün ona olduqca müsbət təsir bağışladığını deyib və ölkəmizin qonaqpərvərliyi haqqında xoş təəssüratları ilə bölüşüb. O vurğulayıb ki, ABŞ Cənubi Qafqaz regionunda sülhün və sabitliyin təmin olunmasında, o cümlədən Azərbaycan-Ermənistan münasibətlərinin tezliklə normallaşmasında maraqlıdır...

Amma artıq indi situasiya dəyişib. Və yəqin ki, Xarici İşlər Nazirliyi tezliklə Polad Bülbüloğlunun da ABŞ-ın Rusiyadakı səfiri ilə görüşünü təşkil edərək Ermənistan səfirinin Azərbaycan haqqında xanım Treysiyə söylədiyi hədyanların yalan və böhtan olduğunu anladacaq...
 

Letsovu Bakıya gətirən SƏBƏBLƏR VAR - GƏLİŞMƏ

Yaradılıb 06.05.2023 09:27 | Baxış sayı: 51
Ardını oxu...
"Əslində biz qardaş Türkiyədən Vaşinqton görüşləri ilə bağlı pozitiv xəbərlər eşitməli idik".
DİA.AZ xəbər verir ki, bunu "Sherg.az"a açıqlamasında hərbi ekspert Üzeyir Cəfərov Hülusi Akarın çıxışından danışarkən deyib.
O söyləyib ki, biz mayın 1-də Rusiya Prezidentinin mətbuat katibi Dmitri Peskovun həddini aşan açıqlama verdiyini unutmamalıyıq:
"Bu açıqlamada "Tərəflər yalnız Rusiyanın iştirakı ilə hansısa sənədə imza atma bilər. Biz bu prosesdə yoxuqsa, qabulediməzdir" deyilmişdi. Türkiyə də ağıllı siyasətçi və generallar var. Onlar Rusiyanın Qarabağ məsələsində həm əvvəllər, həm də indiki mövqeyini açıq şəkildə görürlər. Akarın narahatlığı da bundan qaynaqlanır. Yəni Letsovun Volkovu yanına salıb Bakıya gəlməsi və nəzarət buraxılış məntəqəsi ilə bağlı hərəkətləri hər birimizi qayğlandırır”.

Ekspert bildirib ki, genişmiqyaslı əməliyyatların və toqquşmanın olması mümkün deyil:

"Sadəcə lokal xarakterli toqquşmalar ola bilər. Çünki Rusiya qan axmasına və tərəflər arasında gərginliyin yaşanmasına çalışacaq. Buna görə də Hülusi Akar belə fikirlər səsləndirib. Həmçinin H.Akar ermənilərin xislətini bilir. Bu səbəblə də Ermənistanın Moskva görüşlərindən sonra, Rusiyanın təxribatları və vədləri qarşısında danışıqlar prosesini pozmasından narahat olduğunu ifadə edir. Yəni Akarın başqa bir narahatlığı yoxdur. Lakin hələlik gördüyümüz mənzərə odur ki, Ermənistanın Xarici işlər naziri Vaşinqtonda danışıqlar aparır, Paşinyan isə Çexiyada Azərbaycanla münasibətləri pozmaq həddinə gətirə biləcək bəyanatlar verir. Qardaş Türkiyəni belə açıqlamalar verməyə vadar edən addımlar bunlardır".
Qeyd edək ki, Türkiyənin Müdafiə naziri Hulusi Akar İrəvanla Bakı arasında yeni eskalasiya təhlükəsinin olduğunu bildirib. Akar sül sazişinin imzalanması nə qədər yubanarsa, yeni münaqişə riskinin bir o qədər yüksək olduğunu deyib.
"Vəziyyət qeyri-sabitdir və get-gedə sülh sazişinin tezliklə imzalanmasına ümidimiz sönür. Hazırda münaqişə dondurulsa da, razılaşmanın uzadılması ilə hərbi əməliyyatların bərpası təhlükəsi artır", - Hulusi Akar vurğulayıb.
 

Azərbaycan Laçın yolundakı postu götürməyəcək - BU QƏTİDİR!

Yaradılıb 05.05.2023 08:39 | Baxış sayı: 51
Ardını oxu...
Xankəndi separatçılarının rəhbəri Araik Arutyunyan və qondarma "dövlət naziri" dünən ikinci dəfə sülhməramlıların yeni komandanı Aleksandr Lentsovla görüşüb. Lentsov onları öz qərargahında qəbul edib və Laçın yolu ilə bağlı müzakirələr aparılıb. Lentsov yaxın günlərdə Bakıya gedəcəyini və məsələ ilə bağlı danışıqlar aparacağını bildirib. Bu, ötən həftə təyinat alan Lentsovun Arutyunyanla 2-ci, separatçılarla 3-cü görüşüdür. Qeyd edək ki, Həkəri körpüsü üzərində sərhəd-keçid məntəqəsi qurulduqdan sonra erməni separatçılar və Ermənistan rəsmiləri 10 noyabr 2020-ci il bəyanatının 6-cı bəndini əsas gətirməyə çalışırlar. Halbuki Ermənistan tərəfi erməni silahlı birləşmələrinin Azərbaycan ərazisindən çıxmasını və Zəngəzur dəhlizinin açılmasını təmin etməməklə bəyanatın maddələrini çoxdan pozublar. Əvəzində isə Azərbaycanın humanitar yol kimi maneəsiz gediş-gəlişə şərait yaratdığı Laçın yolundan silah, mina daşınması və Qarabağdakı qanunsuz silahlıların yenidən toparlanması üçün sui-istifadə ediblər. Hazırda yol humanitar məqsədlər üçün açıqdır, lakin Ermənistan artıq bu yolla silah-sursat, mina və şəxsi heyət daşıya bilmir.

TEREF.AZ-ın məlumatına görə, siyasi elmlər doktoru, professor Cümşüd Nuriyev "Şərq"ə açıqlamasında bildirib ki, rus sülhməramlı kontingentinə rəhbərlik edən Aleksandr Lentsovun ermənilərdən yana addım atacağı gözlənilən idi. Professor bildirib ki, Lentsovun həyat yoldaşı ermənidir:

"Lentsovun Bakıdan öncə İrəvana getməsi qəbuledilməz, separatçılarla 3 dəfə görüş keçirməsi isə qanunsuzdur. Qondarma rejimi təmsil edənlər separatçılar, terrorçulardır. Onlarla sıx təmasda olmaq yolverilməzdir. Bu məqam Bakıda rus generalın diqqətinə çatdırılmalıdır və şübhə yox ki, çatdırılacaq. Rusların ermənilərlə birgə təxribatçı addımlarını çox görmüşük. Sülhməramlıların rəhbərinin ilk səfərini İrəvana etməsi də səbəbsiz deyil. Ermənistanla sərhəddə, Laçın yolunun başlanğıcında nəzarət-buraxılış məntəqəsinin qurulması erməni cəmiyyətində narahatlığa səbəb olub. Rusiya Ermənistanı yenidən tam nəzarətə götürmək üçün gedişlər edir, yollar axtarır. Daha doğrusu, Moskva İrəvanın nazı ilə oynayır. Lentsov İrəvana getməklə, Qarabağda separatçılarla görüşməklə keçid məntəqəsinin müzakirə olunacağını, bununla bağlı görüşlər keçirəcəyini göstərməyə çalışır. Təbii ki, bunlar boş, mənasız cəhdlərdir. Azərbaycan Laçın yolundakı postu götürməyəcək və bir addım geri atmayacaq. Lentsov bu məsələyə müdaxilə etmək səlahiyyətində deyil".

Laçın postunda separatçıları məyus edən həmlə: İrəvanın “yardım əli” kəsildi - VİDEO

Yaradılıb 03.05.2023 08:40 | Baxış sayı: 124
Ardını oxu...
Azərbaycan-Ermənistan sərhədində Laçın-Xankəndi yolunun başlanğıcında quraşdırılan nəzarət-buraxılış məntəqəsində 24 saat peşəkar xidmət göstərilir.

Bu barədə AzTV reportaj hazırlayıb.

Bildirilib ki, hava şəraitinin kəskin dəyişməsinə və gecə saatlarına baxmayaraq sərhədçilərimiz iş başındadırlar.

Qeyd edək ki, Azərbaycan Hökuməti Ermənistan tərəfinin Laçın-Xankəndi yolundan 10 noyabr 2020-ci il tarixli Üçtərəfli Bəyanata zidd şəkildə sistemli və genişmiqyaslı qanunsuz məqsədlər üçün sui-istifadənin davam etdiyini və bundan qaynaqlanan təhlükəsizlik hədələrini nəzərə alaraq, Azərbaycan və Ermənistan arasında sərhəddə yolun başlanğıcında nəzarətin təmin edilməsi məqsədilə müvafiq tədbirlər həyata keçirib.

Bununla da, Laçın yolunda sərhəd-buraxılış məntəqəsi qurulub.

Həmin reportajı təqdim edirik:

"Dağlıq Qarabağdan imtina edən hər kəs Ermənistanda vətənə xəyanətdə təqsirli bilinəcək" - Ermənistan bloku

Yaradılıb 03.05.2023 08:22 | Baxış sayı: 78
Ardını oxu...
Dağlıq Qarabağdan imtina edən hər kəs Ermənistanda dövlətə xəyanətdə mühakimə olunacaq.

Bunu Milli Assambleyanın mayın 2-də keçirilən iclasında “Ermənistan” müxalifət blokundan olan deputat Aqvan Vardanyan deyib.

“Ermənistan Respublikasının suverenliyini və ərazi bütövlüyünü qoruya bilməyənlərə, eləcə də onların nəslinə ölkəmizdə yer olmayacaq. Ermənistan ordusunu, eləcə də Dağlıq Qarabağ Müdafiə Ordusunu zəiflədənlər bağışlanmayacaq. Erməni kimliyinin dayaqlarından birinə - Erməni Apostol Kilsəsinə hücum edən hər kəs qovulacaq...”, - Vardanyan “siyahı”nı davam etdirərək deyib.

Onun sözlərinə görə, Ermənistanla müqayisədə güc heç bir şey deyil.

“Və xahiş edirəm, indicə təsvir etdiyim Ermənistan Respublikasının mövcud olacağına şübhə etməyin”, - deyə müxalifətçi yekunlaşdırıb.\\Unikal
 

Dünyapress TV

Xəbər lenti