 |
|
|
Göyçayda 8 aylıq hamilə qadının ölümünün təfərrüatı və səbəbi məlum olub.
“Report”un xəbərinə görə, hadisə rayonun Çərəkə kəndində baş verib.
Kənd sakini, 1997-ci il təvəllüdlü Fidan Kərimova yaşadığı evdə eltisi olan bacısı ilə həyətə düşən zaman qəfildən halı pisləşib.
Bunu görən bacısı qışqıraraq ev sahiblərini köməyə çağırıb. Köməyə ilk gələn F.Kərimovanın qayınatası Qadir Kərimov olub.
Yaxınları dərhal təcili tibbi yardımı köməyə çağırıblar. Ünvana gələn həkim briqadası F.Kərimovanı müayinə edib və onun öldüyünü söyləyib.
Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Göyçay rayon şöbəsinə aparılıb.
Qan nümunələrinin analizi nəticəsində hamilə qadının tromboemboliyadan vəfat etdiyi məlum olub.
Yaxınlarının sözlərinə görə, F.Kərimova hamiləliyi dövründə mütəmadi mama-ginekoloqun müayinəsindən keçib. Amma həkimlər onun səhhətində hər hansı problem qeydə almayıblar.
Qeyd edək ki, F.Kərimova 3 ilə yaxındır ailəli olub. Bu, qadının ilk hamiləliyi olub.
Meksikada silahlı qarşıdurmanın baş verdiyi yerə gedən qadın polis məmuru kartel üzvləri tərəfindən təcavüzə uğrayıb.
Polis məmurunu ələ keçirən dəstə üzvləri onu vəhşicəsinə qətlə yetiriblər.
Qadının sinəsini kəsdikdən sonra tapança ilə öldürüblər. Daha sonra isə onun cəsədini boş əraziyə atıblar.
Polisin axtarışlarından sonra qadın məmurun cəsədi tapılıb. Onun bədənində ağır işgəncə izlərinin olduğu müəyyən edilib.
Hazırda qətllə bağlı araşdırma aparıldığı, şübhəlilərin müəyyən edildiyi bildirilir.
Haberler.com
Afinada keçən həftə 82 yaşında insultdan dünyasını dəyişən sonuncu Yunan kralı II Konstantinlə vida mərasimi keçirilib. Kral Avropanın əksər kral və kraliçaları ilə qohum olub. Onun dəfn mərasiminə bir çox kral ailəsi üzvləri qatılıb.
Sfera.az bildirir ki, Böyük Britaniyanı mərhum Kraliça Elizabetin qızı Şahzadə Anna təmsil edib.
Kral Konstantin Edinburq hersoqunun qardaşı oğlu idi. Yunanıstanın sonuncu kralının cənazəsi ailəsinin dəfn olunduğu Tatoi Sarayına aparılıb.
Yunan kralının ikinci əmisi qızı Şahzadə Anna dəfn mərasiminə həyat yoldaşı, vitse-admiral ser Timoti Lourenslə birlikdə gəlib. Onları Yunanıstanın vəliəhdi Pavlos qarşılayıb.
Əvvəllər bildirilirdi ki, mərhum kral şahzadə Uilyamsın xaç atası olduğundan, o da Keyt Middltonla Yunanıstana gələ bilər, lakin görünür, şahzadə Britaniyada qalıb.
Mərasimdə İspaniya Kralı Filip həyat yoldaşı Kraliça Letisiya, həmçinin anası və atası, keçmiş İspan kralı Xuan Karlos və Kraliça Sofiya da iştirak ediblər.
Monako Şahzadəsi Albert, İsveç Kralı XVI Karl və Kraliça Silvia, Danimarka Kraliçası II Marqret və Danimarka Vəliəhdi Frederik, Hollandiya Kralı Villem-Aleksandr və Kraliça Maksima, Belçika Kraliçası Mathilde və Kral Filip və bir çox başqaları da vida mərasimində iştirak ediblər.
Bugünkü yas mərasimlərində Avropa kral ailəsi və yunan iş adamları da daxil olmaqla ümumilikdə 200 qonaq iştirak edib.
Kralın vətəndaşlarla münasibətinin kifayət qədər gərgin olmasına baxmayaraq, bir çox sıravi vətəndaşlar da Kral Konstantinlə vidalaşmaq üçün toplaşıblar. Dəfn olunduğu Tatoi Sarayına gedən vida korteji 29 kilometrə qədər uzanıb.
Kral Çarlzın ikinci əmisi oğlu və Şahzadə Uilyamın xaç atası olan II Konstantin 1974-cü ildə Yunanıstanda monarxiyanı rədd edən referendumdan sonra həyatının çox hissəsini sürgündə keçirib. Kral Konstantin cəmi üç il taxtda qalıb, 1967-ci ildə dövlət çevrilişi nəticəsində devrilmişdir. Referendum kralın yenidən taxta çıxmasına da kömək etməyib.
O, həyat yoldaşı, Danimarka kralı IX Frederikin kiçik qızı şahzadə Anna-Mariya ilə birlikdə ölkəni tərk etmək məcburiyyətində qalıb.
Daha sonra o, Danimarka pasportu ilə Roma və Londonda yaşayıb, Yunanıstana qayıda bilməyib. 1981-ci ildə ona anası Kraliça Frederikanı Afinadan 20 kilometr şimalda yerləşən Tatoi ailə malikanəsində dəfn etmək üçün yalnız bir neçə saat geri qayıtmağa icazə verilib.
1990-cı illərdə Konstantin Yunanıstan vətəndaşlığından məhrum edilib. Dövlər Tatoi və Britaniya şahzadəsi Filipin doğulduğu Korfu adasındakı sarayı müsadirə edib.
O, qocalanda vətənə qayıda və itirilmiş mal-dövlətinin bir hissəsini geri qaytara bildi. Ölümündən sonra şahzadə Pavlos Yunanıstan kralı, amerikalı sahibkar Millerin milyard dollarlıq sərvətinin varisi- həyat yoldaşı Mari-Şantal isə kraliça oldu.
Göyçay rayonunda hamilə qadın yaşadığı evdə dünyasını dəyişib.
"Unikal"ın məlumatına görə, rayonun Çərəkə kənd sakini, 1997-ci il təvəllüdlü Kərimova Fidan Müzəffər qızı evin hamam otağında olarkən qəflətən halı pisləşərək yerə yıxılıb. Ailə üzvləri hadisədən xəbər tutduqda onun öldüyünü görüblər. Bətnində 8 aylıq körpəsi olan hamilə qadın ilk uşağını dünyaya gətirəcəkdi. Müayinə zamanı ana bətnindəki uşağın da öldüyü məlum olub. Fidan Kərimovanın ölümünün səbəbi hələ ki, bilinmir.
Hazırda rayonun hüquq-mühafizə orqanlarının əməkdaşları hadisə yerindədir. Müayinə və ekspertiza rəyindən sonra ölümün dəqiq səbəbi bilinəcək.
Faktla bağlı Göyçay rayon Prokurorluğu tərəfindən araşdırma aparılır.
DİA.AZ: - Qax rayonu, İbaxlı kənd sakini Abdurahmanova Vüsalə Firudin qızı tərəfindən müraciət ünvanlanıb. Bir nüsxəsi də dia.az-a daxil olan müraciətdə deyilir:
"Mən, Vüsalə Abdurahmanova 2012-ci ildə Qax rayonun Qıpçaq kənd sakini Osmanov Rüstəm Rafiq oğlu ilə ailə həyatı qurmuşdum. Hazırda 5 yaşında Zəhra və 2 yaşında Zeynəb adlı övladlarımız var. Lakin çox təəssüflər olsun ki, həyat yoldaşım Rüstəmin və mənim istəyimiznin əksinə olaraq qaynanam Sevda Həsənovanın əmrilə boşanmaq məcburiyyətində qaldıq.
2014-cü ildən boşanma rəsmiləşmişdir. Və mən yenidən övladlarımla ata yurdu olan Qax rayonun İbaxlı kəndindəki evdə yaşayıram. Budur rəsmi boşanmadan illər keçməsinə baxmayaraq ailə başçısı olmuş Rüstəm hər bir uşağa aliment olaraq cəmi 25 manat pul ödəyir. Halbuki, keçmiş ərimin maddi imkanları çox genişdir.
Mən də balaca övladlarımı dolandırmaq xatirinə 2022-ci ilin martında Qax şəhərində Molla Pənah Vaqif küçəsi ev 16 ünvanında yerləşən və Mirvari Kərimovaya məxsus olan evdə 1 otaqlı mənzili ayda 50 manat ödəməklə kirayələdim. Özüm də kafelərin birində qabyuyan kimi çalışdım. Mövsümi iş olduğuna görə dekabr ayından sonra kirayədən çıxıb İbaxlı kəndində olan atamın evində yaşamağa başladım. Təxminən 1 həftə əvvəl Qax polisindən mənə zəng etdilər ki, Mirvari xanım xəbər göndərib ki, evinə qayıdacaq ona görə açarları təhvil verməliyəm. Mən açarları təhvil verdikdən sonra gəlib qış paltarlarımı götürmək istədim. Lakin qapıların kilidi dəyişdirilmişdi. Mirvari xanım da deyir ki, sən evdən heç bir əşyanı götürə bilməzssən. Çünki mənə 2000 manat borcun var. Ödə sonra baxarıq. Mən ona izah etdim ki, axı hər ay danışdığmız kimi 50 manat kirayə pulunu ödəmişəm. Xeyri olmadı. Öz dedidyinin üstündə durdu. Bir neçə gün əvvəl gedib Qax rayon Plis Şöbəsinə müraciət etdim. Dedilər ki, bu qadınla biz bacara bilmərik. O ağıl ( ruhi) xəstəsidir. Yaxşı olar ki, sən get Qax məhkəməsinə müraciət et. Beləcə polislər məni yola verdilər. İndi mən məhkəmə yollarında qalmalıyam ki, qış paltarımı və məişət avadanlıqlarımı götürüb apara bilim.
Mən bir insan olaraq, bir ana olaraq bircə istəyim var ki, son üç ildə dövlətin təyin etdiyi hər bir uşaq üçün aliment pulunu alıb bu zavallı uşaqları dolandırım. Başqa heç nə. Bu arada da başıma bir psixopat şəxs tərəfindən iş gəlib. Bəhanə ilə əşyalarımı vermək istəmir. Və kimsə də Qaxda mənə köməklik göstərmək istəmir Çünki çox kasıb yaşayıram. Mirvari də ruhi xəstə olduğu üçün kimsə onunla danışmaq, vaxtını itirmək istəmir.
Və onagörə də çox hörmətli İlham Əliyevdən, Birinci vitse-prezidentdənvə çoxhörmətli Daxili işlər nazirimizdən və icra başçısı Musa müəllimdən çox xahiş edirəm ki, düşdüyüm indiki ağır vəziyyəti ( iki azyaşlı uşaqla birlikdə işsiz qalaraq) nəzərə alaraq
mənə köməklik göstərsinlərki, şəxsi əşyalarımı kirayədə qaldığım evdən götürə bilim.
Həmyerlim hörmətli Aynur xanım Sofiyevadan da xahiş edirəm ki, mənim üçün böyük bir problem olan məsələnin həlli üçün bacardığı köməkliyi göstərsin".
İddia olunanlarla bağlı dia.az olaraq qarşı tərəfi də dinləməyə hazırıq...
AzTV QSC-nin sabiq sədri Arif Alışanov həyat yoldaşı Ayşən Alişanovanın fotosu yayılıb.
32gun.az həmin fotonu təqdim edir:
Qeyd edək ki, Ayşən Alişanovs (Məstanova) müğənni və aparıcı olub.
A.Alişanov 2019-cu ildə vəzifəsindən azad olunduqdan sonra həyat yoldaşı Mehriban Alışanova ilə da boşanmışdı.
Çox keçməmişdi ki, özündən 28 yaş kiçik Ayşən Məstaniva ilə ailə qurmuşdu.
Mətbuatda gedən məlunatlara görə, onlar uzun müddət sevgili olub.
Siyasətçi və dövlət başçılarının şəxsi həyatı həmişə mətbuat və kütlənin marağında olub. Onların bir çoxu isə tarixdə həm də sevgi macəraları və məşuqələri ilə yadda qalıblar.
Bakupost.az bir sıra prezidentlər və onların məşuqələri ilə bağlı məlumatları təqdim edir:
1.Mixail Saakaşvili və Yelizaveta Yasko
Hazırda həbsdə olan Gürcüstanın sabiq prezidenti Mixail Saakaşvili ilə Yelizaveta Yaskonun münasibəti hələ də gündəmdədir. Ukraynalı Yelizaveta deputatdır. Mişa və Yelizaveta sosial şəbəkədə münasibətlərini açıq etiraf ediblər. Qeyd edək ki, Saakaşvili prezident olduğu dövrdə niderlandlı Sandra Rulofsla evli idi. Onların 2 oğlu var.
Yasko isə ərdə olmayıb. Saakaşvilinin isə hələ də rəsmən evli olduğu bildirilir.
2.Nikola Sarkozi və Karla Bruni
Fransanın sabiq rezidenti Nikola Sarkozi ilə fransız model Karla Bruninin eşqi dillərə dastan idi. 2007-ci ildən görüşən cütlük 2008-ci ildə gizli toyla evləniblər. 25 illik həyat yoldaşından boşanmış Sarkozi Karlaya görə çox risklərə gedib. 2011-ci ildə onların bir qızı da doğulub.
3.Con Kennedi və Merilin Monro
Seks-simvol Merilin Monro ilə ABŞ-ın gənc prezidenti Con Kennedi haqqında əfsanələr dolaşsa da, paparazzilərə onları 1 dəfə də olsun, birlikdə yaxalamaq nəsib olmayıb. Monro Kennedi ilə 2-3 dəfə gizli gecə keçirdiyini öz massajçısına danışıb. Sonradan Merilinin ölümünə məhz bu etirafının səbəbin olduğu bildirilirdi.
4.Fransua Mitteran və Anna Pinjo
Fransanın daha bir sabiq prezidentinin - Fransua Mitteranın həm arvadı, həm də məşuqəsini eyni sarayda saxlaması onun ölümündən sonra üzə çıxdı. Dövlət başçısının büdcə hesabına yalnız arvadını saxlamağa hüququ olur. Mitteran ölənədək məşuqəsi ilə münasibətlərini gizli saxlaya və onu himayə edə bilib. Ann prezident üçün bir qız da dünyaya gətirib. Mittüranın xanımı Daniela əri öləndə Annanı dəfnə buraxmaq istəmirdi, amma rəsmi mərasimdə o, qızı ilə tabutun yanında dayanmağı bacardı.
5.Valeri Jiskar Desten və Silviya Kristel
Silviya “Emmanuel” erotik filminin əsas ulduzu idi. O, Fransa prezidenti Valeri ilə bir çox rəsmi səfər və qəbullara qatılıb. Evli prezident məşuqəsini sevir və bunu gizlətmirdi. O, prezidenti boşanmağa məcbur etsə də, Jiskar məsələni yubadırdı. Amma sonradan şorgöz prezidentin başqa gənc qızlarla da görüşdüyünü öyrəndikdə, bu münasibət ayrılıqla bitdi.
6.JFransua Ollandvə Jüli Qaye
Daha bir fransız prezidentin romanı. Aktrisa Jüli Qaye qapısının qarşısında prezident motosikletini çəkən qəzeti məhkəməyə verdi. Amma sonradan gizli eşq üzə çıxdı. 3 illik münasibətdən sonra prezident arvadından boşandı, amma sevgililərin sonunun necə olduğu məlum deyil.
7.Bill Klinton və Monika Levinski
Ağ Evin ən qalmaqallı sirri. Prezident Bill Klintonla Ağ evdə təcrübəyə gəlmiş Monika arasında gizli münasibət 2 il sürmüşdü. Qalmaqal yarananda Bill and içdi ki, Monikaya toxunmayıb, amma Levinski ortaya sübutlar qoydu. Bill Klintonun siyasi karyerası bu macəra ilə bitdi, Monika isə səs-küydən Avropaya qaçıb, orda təhsili alır. Amma sonradan heç kim onu ABŞ-da işə götürmür. Qadın sosial psixoloq olub, dissertasiya yazır.
8.Barak Obama və Vera Beyker
Barak Obamanın şəxsi asistenti Vera Beyker ilə gizli münasibətinin üstünü prezidentin şəxsi sürücüsü açmışdı. O, müsahibəsində bu barədə etiraf edərək, Obama ilə Vera arasında münasibətlərin 2004-cü ildə senator seçkiləri zamanı başladığını demişdi.
Sevgililər Vaşinqtondakı otellərdən birində görüşürdülər. Amma nə Obama, nə Vera bu faktı etiraf etməyib.
9.Vladimir Putin və Alina Kabayeva
Məşhur gimnast Alina Kabayeva ilə Vladimir Putinin münasibəti 10 ildən çoxdur mətbuatda müxtəlif deta lları iləmüzakirə olunur. İlk dəfə Kabayevanı Olimpiya oyunlarında izləyən, sonra ona xüsusi medal verən Putin o vaxtdan gimnastla münasibətə başlayıb. 2008-ci ildə Putin rəsmən arvadından boşanır, bir daha tədbirlərdə qadınla görünmür. Kabayeva isə paytaxtdan kənarda xüsusi malikanədə yaşayır. Onun Putindən 2 uşağının olduğu da deyiıir. Baxmayaraq ki, Alinanın tərcümeyi-halında onun subay və uşaqsız olduğu yazılıb. Qeyd edək ki, Ukrayna müharibəsindən sonra Avropa və Amerikanın sanksiya tətbiq etdiyi şəxslərdən biri də Alina Kabayeva və ailə üzvləri idi.
10.Viktor Yanukoviç və Lyubov Polejay
Lyubov Polejay Ukraynada prezident sarayında aşpaz işləyən Nadejdanın bacısı idi. O da predzidentlə eyni nəsildən - Enakievlərdən idi. Lyubovun Yanukoviçlə ofisiant işlədiyi restoranda və ya prezident iqamətgahında təşkil olunmuş ziyafətdə bacısının təklifi ilə gəlib ofisiantlıq etdiyi dönəmdə tanış olduğu deyilir. Sonradan Yanukoviç ona Kiyevdə mənzil alır. Mejiqoryedən onun Yanukoviçlə birgə ayrıldığı görülüb. O, eks-prezidentin vertolyotunda şəhərdən çıxıb.
Hazırda onların harda yaşadıqları məlum deyil.
Pakistanlı aktrisa Mehrin Şah Bakıda oteldə hindistanlı rejissor Sayed Ehsan Ali Zahidi və prodüser Rac Qupta tərəfindən cinsi təcavüzə məruz qaldığını bildirib.
Qız müvafiq videonu İnstaqram səhifəsində yerləşdirib, sonradan onu silib.
Mehrin Şah deyir ki, bir neçə gün əvvəl Əli Zahidi və Qupta ilə çəkiliş aparmaq üçün Bakıya gəlib. Lakin qonaqlar otelə daxil olduqdan sonra kişilərin davranışı kəskin şəkildə dəyişib. Gənc aktrisa göz yaşları içində başına gələnlərdən danışaraq, rejissor və prodüserin ona cinsi təcavüz etdiyini qeyd edib. O, Əli Zahidi və Quptanın fahişələri otelə dəvət etdiyini də bildirib.
Qadın izah edib ki, digər aktrisaları xəbərdar etmək üçün baş verənləri ictimailəşdirmək qərarına gəlib.
“Çəkiliş aparmaq üçün Ehsan Əli Zahidi və Rac Qupta ilə Bakıya getmişdim. Ancaq otelə çatdıqdan sonra davranışlarını tamamilə dəyişdilər. Yalnız onların tələblərini rədd etdiyim üçün mənimlə pis davranmağa başladılar. Mənim üçün dəhşətlidir. Heç bilmirəm ki, onlar bura film çəkmək üçün gediblər, yoxsa başqa məqsədləri var idi,” pakistanlı aktrisa deyir.
Mehrin Şah dedi ki, onu mehmanxanada belə yedizdirməyiblər. Həmçinin, Əli Zahidi və Qupta onun üçün dönüş bileti almaqdan imtina edir. Lakin aktrisa artıq onları görmək istəmir və vətənə tək qayıtmaq niyyətindədir./Buta.media
İranın baş prokuroru Məhəmməd Cəfər Montazəri hüquq-mühafizə orqanlarının əməkdaşlarına hicab taxma qaydalarının pozulmasına qarşı mübarizəni gücləndirməyi tapşırıb.
Xüsusilə, Montazeri polisə hicabın ictimai şəkildə götürülməsinin qarşısını qətiyyətlə almağı tapşırıb.
İran qanunlarına görə, bu cür “pozuntulara” görə cərimələrlə yanaşı, on gündən iki aya qədər həbs cəzası da nəzərdə tutulur.
Məhz Məhsa Əminini əxlaq polisi tərəfindən sentyabrın 13-də məhz buna görə həbs edilib, müvəqqəti saxlama məntəqələri zorakılığa məruz qalan qız 16 sentyabrda ölüb.
Məhsa Əmininin öldürülməsinə etiraz olaraq başlayan xalq üsyanı hazırda İranın bütün əyalətlərinə və şəhərlərinə yayılıb.
Amma orta əsrlərdən gəlmiş hökümət bunlardan nəticə çıxartmadı…
Yeganə Hacıyeva
Teref.az
Bakıda daha bir xəyanət görüntüləri yayılıb.
32gun.az xəbər verir ki, nişanlısından şübhələnən oğlan bir müddət onu təqib edib.
Evdə heç kim olmadığı zaman nişanlısıgilə başqa bir oğlanın girdiyini görən şəxs bir müddət sonra evə basqın edib. Yataq otağında nişanlısı ilə həmin oğlanı birgə tutan şəxs onları kameraya çəkib.
Bu da həmin kadrlar: