Delfin Lalori. Əslən ispan olan bu qadın 1775-ci ildə doğulub.
Zəngin bir zadəgan gözəli olan Delfin göründüyünün əksinə, sadist idi. Bəziləri onu mələk üzlü şeytan kimi təqdim edirdilər. Ağlasılmaz fantaziyları üçün tikdirdiyi malikanəsində onlarla kölə saxlayırdı. Yaşadığı ev insanlar tərəfindən illərlə dəhşət binası adlandırılıb.
10 aprel 1834-cü ildə malikanənin mətbəxində baş vermiş yanğını söndürməyə gələnlər 70 yaşlı zənci köləni yanan sobaya zəncirlənmiş halda tapırlar. Yaşlı qadın evin üçüncü mərtəbəsində gizli şeylər olduğunu dedikdə yanğınsöndürənlər qarşılaşdıqları zəncirli qapı arxasından inilti səsləri eşidirlər.
Qapını qırdıqda cəsəd və leş qoxusu içində divara və yerə zəncirlənmiş insan bədənləri ilə qarşılaşırlar. Kimisi yaşayır, kimisi ölmüş, kimisi qan içində can verirdi. Bir nəfərdən isə qəribə cinsiyyət dəyişimi təcrübələrində istifadə olunmuşdu. Bir qadının ayaqları və qolları qırılaraq xərçəngə bənzədilməyə çalışılmışdı.
Başqa bir qadının bədəni isə tırtıl kimi müxtəlif nöqtələrdən dilimlənmişdi. Delfin qaçırdığı insanların ağızlarını tikərək onları aclıqdan öldürür, bəzilərinin dərisini soyurdu. İşgəncəyə məruz qalmış bu insanlar arasından xilas edilənlər olsa da, onlar həkimlərə öldürülmələri üçün yalvarırdılar...
Ölüm səbəbi naməlum olsa da, Fransa mənbələrinə görə, Delfin Lalori 1849-cu ildə dünyasını dəyişib.
Cavid Dəmirli
TEREF: Xocanın Blogu

8 il həbs yatdı, KQB-nin müstəntiqi onunla evləndiyi üçün sistemdən qovuldu, 17 yaşında Bakının meri ilə eşq yaşadı, həkimlərin səhvindən xərçəngə tutuldu, rus qəbiristanlığında basdırıldı... O, küçəyə çıxanda sürücülər qəza törədirdi, Biri var idi, Üzeyir Hacıbəyovun evində yaşayan, Bakıda ilk şalvar geyinən,nazir oğlu ilə evlənən gözəllik ikonası Nərgiz Xəlilova...

Onun doğum tarixi ilə bağlı dəqiq məlumat yoxdu. Nərgizin atası Ramazan Xəlilov Tiflisdə yaşayıb. O, avar knyazının oğlu olub. Jurnalistika üzrə təhsil alıb. 1930-cu ildə "Bakinskiy raboçiy" qəzetinin müxbiri kimi Leninqrada (Sankt-Peterburq) akkreditə edilib və orada da Nərgizin gələcək anası əslən Belorusiyadan olan Elvira Xəlilova ilə tanış olub ailə qurublar. Onlar 20 il bir yerdə yaşayıblar.

Nərgiz Xəlilova Leninqradda doğulub. Böyük Vətən Müharibəsi bitdikdən sonra, Nərgiz anası ilə birlikdə atasının yaşadığı Bakıya gəlir və onlar bəstəkar Üzeyir Hacıbəyovun evində məskunlaşırlar. Nərgizin ata nənəsi Üzeyir Hacıbəyov və Müslüm Maqomayevin həyat yoldaşlarının bacısı idi. Üzeyir Hacıbəyov və onun həyat yoldaşı Məleykə Hacıbəyli Nərgiz Xəlilovanın ilk musiqi müəllimləri idi.

Nərgiz çox hörmətli bir ailədən olan yaraşıqlı gənc mühəndis Məlik Axundovla tanış olur. Onun anası tibb elmləri doktoru, atası isə səhiyyə naziri idi. Nərgiz Məliklə evlənir. Lakin bu evliliyin ömrü qısa olur. Bir neçə il sonra Nərgiz və Məlik ayrılırlar. Səbəb kimi isə Nərgiz xarakterlərin uyuşmazlığını, ortaq maraqların olmamasını və həyat yoldaşının əsassız qısqanclıqlarını göstərir. Boşanandan sonra Nərgiz ata evinə qayıdır.

Bir dəfə o, qardaşının ortağı Slavik Aqaranovla tanış olur. O varlı tat yəhudilərindən birinin oğlu idi. Slavik Nərgizi dəlicəsinə sevir və onlar vətəndaş nikahında yaşayırlar.

Sonra cütlük Moskvaya köçmək qərarına gəlir. Orada sevgilisi Slavik valyuta tacirləri qrupuna qoşulur. Əcnəbilərlə tanış olur, onların dillərini öyrənir, rublu sərfəli qiymətlə valyutaya çevirir, həmçinin Bakıya dəbli və tapılmayan malları gətirərək hədsiz baha qiymətə satır. Əvvəlcə o tək işləyir. Sonra dəstə şəklində işləməyə başlayılar və qızıl alıb xaricə satırlar. Qohumlarından heç biri Nərgizin Moskvada nə işlə məşğul olduğunu bilmir. Nərgiz onlara deyir ki, Moskvada dissertasiya üçün material toplayır və onun üzərində işləyir. Slavik isə Beynəlxalq Münasibətlər İnstitutunda oxuyur. Günlərin birində isə onlar şübhəli şəxs kimi saxlanırlar, Bakıdakı mənzillərində olan hər şeyi müsadirə olunur. Axtarış zamanı Nərgiz Xəlilovanın mənzilindən Boris Pasternakın "Doktor Jivaqo", Anna Axmatovanın "Rekviyem", Aleksandr Soljenitsının "İlk dairədə", Vladimir Nabokovun xaricdə nəşr olunmuş üç kitabını tapırlar. Nərgiz Xəlilova valyuta cinayətində ittiham olunur və səkkiz il həbs cəzasına məhkum edilir. O, ilk yarım ili Rusiyanın Lefortovo həbsxanasında, beş ili isə Bakıdakı ümumi rejimli qadın kolonunda cəza çəkir. Nərgiz dəstə üzvlərinin sadəcə adını bilir. Amma SSRİ hakimiyyəti onu onlarla əlaqədə günahlandırır.

KQB-inin müstəntiqi evli və iki qızı olan İsaak Qerşveld Nərgizi həbsxanaya düşməzdən əvvəl tanıyırmış və ona gizlicə aşiq imiş. Nərgiz azadlığa çıxan gün o, Nərgizə ürəyini açıb və ona aşiq olduğunu qeyd edir. Nərgiz Qerşveldin təklifinə razılıq verib ona ərə gedir. Onunla 16 il bir yerdə yaşayır. Onlar nikaha girəndən sonra Qerşveld bir daha sistemdə işləmək hüququndan məhrum edilməklə tutduğu vəzifədən azad olunur.

1990-cı illərin sonlarında Nərgiz özünü pis hiss etməyə başlayır. Halsızlıq, tez yorulma onu əldən salır. Həkimlər səhvən ona ağciyərlər soyuqlaması diaqnozunu qoyurlar. Nərgizi güclü antibiotiklərlə müalicə etməyə başlasalar da, vəziyyəti getdikcə daha da pisləşməyə başlayır. 1998-ci ildə qardaşı Rüfət Nərgizi Moskvaya aparır. Orada onu yoxlanmaq üçün Gertsen adına Onkologiya İnstitutuna yerləşdirirlər. İnstitutuda Nərgizə leykoz diaqnozunu qoyulur.

Gözəl qadınların da bu həyata ödəməli bir borcu olur. Hansı qadınlar ki, zamanında gözəlliyinin səfasını görüb, mütləq fələk bu səfanın cəfasını ya əvvəl, ya sonra onlara yaşadır. Nərgiz də qayğıyla, dəbdəbə ilə əhatələnmiş həyatında çox ağır, həyəcanlı günlər də yaşadı. Bir qadın kimi bütün gözəlliklərə toxunsa da, bu həzzi sona qədər davam edə bilmədi. Ömrünü gözlənilmədən amansız xərçəngin caynaqlarında təslim etdi... (oxu.az)

Xadimə: “Rüşvət verə bilmədiyimə görə Naxçıvanın Səhiyyə naziri məni işlə təmin etmir”
Bir müddət əvvəl Naxçıvandakı mənbələrimizə istinad edərək, bildirmişdik ki, bu diyarın səhiyyə sistemində hətta xadiməlik belə hərraca çıxarılıb. Özü də babat qiymətə - 3000-5000 manata.
Babək rayonunun Sıxmahmud kənd sakini Mehdiyeva Bahar Abdulla qızının redaksiyamıza göndərdiyi səs mesajı da bu iddianı təsdiqləyir. Onun iddiasına görə, 4 ildir xadimə işləmək üçün növbədədir. Babək rayonunda xəstəxanalardan birində xadiməlik yeri də boşalıb. O, ailə vəziyyətini əsas götürüb bir çox ünvanlara müraciət edib, bu iş yerində çalışmaq istədiyini bildirib. Təsəvvür edin, hətta Naxçıvan MR Ali Məclisinin faktiki sədri Anar İbrahimov belə, onun bu istəyinə müsbət cavab verib. Amma yenə işi düzəlməyib. Niyə? Çünki onun bu işə düzəlmək üçün rüşvət verməyə pulu yoxdur.
Maraqlıdır ki, Bahar xanım bu şikayətlə Naxçıvan MR Səhiyyə nazirinin də qəbulunda olub. Nazir isə onun şəkilini çəkərək nazirliyin sosial şəbəkələrində paylaşıb. Adını da qoyub: “vətəndaşların şikayətinə baxıram”. Şikayətə baxmağının nəticəsi isə xadiməni əliboş yola salmaq olub.
Heydər Oğuz
TEREF: Xocanın Blogu

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva sosial şəbəkə hesablarında 20 Yanvar faciəsinin 34-cü ildönümü ilə bağlı paylaşım edib.

Paylaşımı təqdim edirik:

Qanlı 20 Yanvar faciəsindən 34 il ötür

Azərbaycan Respublikasının Birinci vitse-prezidenti Mehriban Əliyeva sosial şəbəkə hesablarında 20 Yanvar faciəsinin 34-cü ildönümü ilə bağlı paylaşım edib.

Paylaşımda qeyd olunub:

“Şəhidlərimizi qürur və ehtiramla anırıq!”

Cərrahlar Rachna Murthy və Jonathan Rosu ən mükəmməl burunlu məşhur qadınlar adlandırıblar.

Bu barədə Redaktor.az "lenta.ru"ya istinadən xəbər verir.

Ulduzların görünüşünü təhlil edərkən həkimlər burun dəliklərinin enini, burun körpüsündən qaşlara qədər olan məsafəni, həmçinin burnun özünün enini və uzunluğunu nəzərə alıblar.

Belə ki, birinci yerdə müğənni Ariana Qrande qərarlaşıb. Mütəxəssislərin fikrincə, yuxarıda göstərilən meyarlar qızıl nisbətə 90 faiz uyğun gəlir. İkinci yerdə 84 faizlə Disney ulduzu Zendaya qərarlaşıb.

Hollivud aktrisası Scarlett Johansson və Şahzadə Harrinin həyat yoldaşı Meqan Markl 83 faizlə üçüncü və dördüncü yerləri tutublar.

Qazaxıstan şəhərlərindən birinin sakini olan qadın evliliklərinin 10 illiyi münasibətilə ərinə qeyri-adi "sürpriz" hazırlayıb.
Bakupost.az "MK"-ya istinadən xəbər verir ki, o, böyük bir bayram qutusunda həyat yoldaşına gənc bir qızı hədiyyə etmək qərarına gəlib.
Qadın sosial şəbəkədə yerləşdirdiyi videoda ərinə evlilik illərində göstərdiyi qayğıya, xüsusən də ondan ayrılmadığına görə təşəkkür edib. Bundan sonra qutu açılır və müsəlman qanunlarına uyğun geyinmiş bir qız görünür.
Gözlənilməz hadisədən özünü itirən kişi əvvəlcə hadisəyə yalnız məcburi bir təbəssümlə reaksiya verib. Amma sonradan qızın həqiqətən də onun ikinci arvadı olmağa razı olub-olmadığını soruşub.
Arvadı isə məmnunluqla ona əhvalatın necə baş verdiyini danışıb: “Mən xəstəxanada yatanda bu qız tibb bacısı idi və mənə baxırdı. O, 2000-ci ildə doğulub və hər şeyə razıdır”.
Qadın qeyd edib ki, qızın valideynləri hadisələrdən xəbərdardırlar və kişinin ikinci arvad almağa layiq olduğuna inanırlar.
Hekayənin necə bitdiyi məlum deyil. Amma sosial şəbəkə istifadəçiləri bu hadisəyə çox qəzəbləniblər. Bir çoxları şərh yazaraq Qazaxıstanda bəzi qadınların özlərinə hörmət etmədikləri, onlara dəyər verilmədiyi, boşanmamaq üçün hər şeyə getdiklərini iddia ediblər.
Xatırladaq ki, Qazaxıstan dünyəvi dövlət hesab olunur və bu ölkədə eyni kişinin iki qadınla evlənməsi olması rəsmi olaraq mümkün deyil.


BakuPost

Böyük Britaniya kraliçası II Elizabet yuxuda dünyasını dəyişib.
Tribunainfo.az xəbər verir ki, bu barədə “The Daily Mail” monarxın şəxsi katibi Edvard Yanqın qeydinə istinadən yazıb.
Bir müddət əvvəl Şotlandiya Rekordlar İdarəsi Kraliçanın ölüm şəhadətnaməsini dərc etmişdi və bu sənəddə ölümün səbəbinin qocalıq (96 yaş) olduğu göstərilmişdi.
“Çox dinc ölüm olub. Yuxuda vəfat edib. Ölüm səbəbi qocalıqlıqdır. O, nə baş verdiyini anlamayıb. Ağrı hiss etməyib”, deyə Edvard Yanq bildirib.
Qeyd edək ki, hazırda Kral Arxivində saxlanılan qeydin mövcudluğu indiyədək məlum deyildi.
Qəzet həmçinin kral bioqrafı Robert Hardmanın “III Çarlz: Yeni Kral. Yeni həyət. İçəridən bir baxış”. Orada deyilir ki, Kraliça II Elizabetin oğlu, hazırkı Kral III Çarlz ölümündən əvvəl anası ilə bir saat tək qalıb, sonra isə göbələk yığmağa gedib.
Şahzadə kraliçanın ölümünü böyük köməkçisinin zəngi ilə öyrənib.
Bütün sələfləri arasında ölkəni ən uzun – 70 ildən çox idarə edən Böyük Britaniya kraliçası II Elizabet 2022-ci il sentyabrın 8-də 96 yaşında Şotlandiyada vəfat edib. Monarxın təntənəli dəfn mərasimi 19 sentyabr 2022-ci ildə Vestminster sarayında baş tutub.