 |
|
|
Mayın 7-də Ukrayna ordusu PUA-larla Rusiyaya kütləvi hücuma keçib.
Bu barədə Ukrayna Teleqram kanalları məlumat yayıb.
Məlumata görə, hücum nəticəsində Rusiyanın bir neçə hərbi zavodu vurulub.
Bildirilib ki, Saransk şəhərində fiberoptik kabellər istehsal edən zavoda bir neçə PUA zərbəsi endirilib. Bundan başqa, Tula şəhərində RYAS istehsal edən zavod da vurulub.
Moskva vilayətindəki Kubinka hərbi aerodromu da hücuma məruz qalıb. Bu aerodromda hərbi təyyarə və helikopterlər saxlanılırdı.
***
Ukrayna PUA-ları Moskva vilayətində yerləşən hərbi-sənaye kompleksi zavodu “Bazalt”ı da vurub.
Bu barədə “RBK-Ukrayna” məlumat yayıb
Ukrayna Təhlükəsizlik Xidmətinin uzaqmənzilli pilotsuz uçuş aparatları mayın 7-nə keçən gecə Rusiyanın arxa cəbhəsindəki iki hərbi-sənaye kompleksi zavodunu – “Bazalt” və “Splav”ı vurub.
Bu barədə “RBK-Ukrayna” mənbələrinə istinadən məlumat yayıb.
Mənbələrin bildirdyinə görə, “Bazalt” Rusiya Federasiyasının əsas müdafiə müəssisəsidir və Rusiya ordusunun bütün qolları üçün silah və sursat istehsal edir. O, Moskva vilayətindəki Krasnoarmeysk şəhərində yerləşir.
“Splav” isə Rusiyada yaylım atəşi raket sistemləri və patronları layihələndirən və istehsal edən yeganə müəssisədir. O, Tula şəhərində yerləşir. PUA-ların zərbələrindən sonra müəssisənin ərazisində güclü yanğın baş verib.
Ötən gecə Hindistanla Pakistan arasında cidd toqquşma yaşanıb.
Hindistanın atdığı raket zərbələri nəticəsində 26 nəfər həlak olub.
Bunun ardınca isə iki ölkə arasındakı toqquşmanın daha da böyüyəcəyi və hətta tərəflər arasında geniş müharibənin başlayacağı iddiaları yayılıb. Bu iddiaların fonunda da iki ölkənin hərbi gücü müqayisə olunur.
“Cebheinfo.az” Hindistan və Pakistanın hərbi gücünə nəzər salıb.
Kimin nəyi var?
Hindistan 1 milyon 455 min əsgəri və 1 milyon 155 min ehtiyat personalı ilə dünyanın ən böyük ordularından birinə malikdir. Pakistanda isə 660 min əsgər və 550 min ehtiyat hərbi qüvvə var.
Hindistanın 2080 döyüş təyyarəsi, 4201 tankı, 16 sualtı qayığı və 293 gəmisi olduğu halda, Pakistanın 498 təyyarəsi, 2627 tankı, 9 sualtı qayığı və 121 gəmisi var.
Pakistanın nüvə gücü
Nüvə gücü baxımından Hindistanın 164 döyüş başlığı, Pakistanın isə 170 döyüş başlığı var. Hindistan nüvə silahını “ilk istifadə etməmək” siyasətini qəbul edərkən, Pakistan “tam spektrli çəkindirmə” strategiyası izləyir.
Hansı ordu güclüdür?
Hindistan şəxsi heyət, hava və dəniz qüvvələri baxımından Pakistandan üstündür. Hərbi potensialı durmadan artırılan ölkə bu baxımdan əlverişli mövqedədir. Pakistan da nüvə müharibəsinin qarşısının alınması və Çinlə hərbi əməkdaşlıq vasitəsilə regionda öz hökmranlığını gücləndirmək siyasəti yürüdür. Onun taktiki nüvə silahlarını ehtiva edən müdafiə gücü var.
"Hindistan Pakistana hücum edərsə və ölkəmizin mövcudluğu təhlükə altına düşərsə, planetdə heç kim sağ qalmayacaq".
Oxu.Az mk.ru-ya istinadla xəbər verir ki, bunu Pakistanın müdafiə naziri Havaca Məhəmməd Asif deyib.
Nazirin sözlərinə görə, Pakistan yox olarsa, o, digər dövlətlərin də sağ qalmasına imkan verməyəcək:
"Heç bir ölkəyə bu planetdə bizsiz yaşamasına imkan verməyəcəyik. Allah etməsin, lakin belə də olacaq".
Hindistan ordusu Kəşmirdə nəzarət xəttində yerləşən Çora kompleksində ağ bayraq qaldırıb.
“Report”un xəbərinə görə, bu barədə “Daily Pakistan” qəzeti təhlükəsizlik güclərindəki mənbələrə istinadən məlumat yayıb.
Məlumata görə, Pakistan Ordusunun nəzarət xətti boyunca düşmən postlarına ciddi zərbə vurması Hindistan ordusunun Çora kompleksi postunda ağ bayraq asmasına səbəb olub.
Mənbələr həmçinin, Azad Cammu və Kəşmirdə nəzarət xətti yaxınlığındakı əməliyyatlarda iştirak edən Hindistanın əsas taktiki quruluşu olan 12-ci piyada briqadası, 9-cu diviziya, 15-ci korpusun qərargahının Pakistan Ordusu tərəfindən məhv edildiyini təsdiqləyib.
Hərbi ekspert Ədalət Verdiyev sosial şəbəkə hesabında Azərbaycan hərbçilərinin Moskvada Qələbə Paradının məşqində çəkilmiş kadrlarını yayıb.
Kadrlarda Moskvanın mərkəzi küçələrində addımlayan hərbçilərimizin “Şəhidlər ölməz, vətən bölünməz” şüarlarını səsləndirdiyi görünür.
Qeyd edək ki, mayın 9-da Azərbaycan hərbçiləri Böyük Vətən Müharibəsində qələbənin 80 illiyi şərəfinə Moskvada keçiriləcək paradda iştirak edəcəklər.
Rusiyanın Kursk vilayətinin Qluşkovo qəsəbəsində təxliyə elan edilib.
Oxu.Az xəbər verir ki, bu barədə qəsəbənin başçısı Vasili Xudyakov sosial şəbəkə hesabında məlumat paylaşıb:
"Qəsəbədə vəziyyətin mürəkkəbləşməsi ilə əlaqədar olaraq, hazırda orada olan sakinlər müvəqqəti olaraq təxliyə edilməlidirlər".
Onun sözlərinə görə, təxliyə işlərini hərbi qulluqçular həyata keçirəcəklər. Bununla belə, V.Xudyakov mürəkkəbləşmiş vəziyyətin nədən ibarət olduğunu açıqlamayıb.
Daha əvvəl verilən məlumata görə, Ukraynaya məxsus pilotsuz uçuş aparatlarının (PUA) Kursk vilayətinə hücumları nəticəsində üç nəfər həlak olub, daha üç nəfər isə yaralanıb.
"Eyni zamanda Ukrayna Silahlı Qüvvələri cəbhənin bir sıra hissələrində əks-hücumlar həyata keçirir..."
Rusiya qoşunları Lıman, Kuraxovo və Velikaya Novoselka yaxınlığında irəliləyib.
Moderator.az xəbər verir ki, bu barədə Amerikanın Müharibənin Öyrənilməsi İnstitutunun (ISW) hesabatında deyilir.
Rusiya qoşunları cəbhədə hücumlarını davam etdirir və şərqdə beş istiqamətdə lokal uğurlar əldə edib. Eyni zamanda Ukrayna Silahlı Qüvvələri cəbhənin bir sıra hissələrində əks-hücumlar həyata keçirir.
Hesabatda deyilir ki, düşmən Kupyansk, Lıman, Siversk, Çasov Yar, Toretsk və Pokrovsk istiqamətlərində hücumlarını intensivləşdirib. "Rusiya qoşunları son günlərdə Lıman, Siversk, Novopavlovka, Kuraxovo və Velikaya Novoselka rayonlarında irəliləyiş əldə edib", - analitiklər qeyd edir.
Məlumata görə, mayın 2-si və 3-də Kursk vilayətində döyüşlər davam edib, Rusiya qoşunları bu ərazidən Ukrayna qüvvələrini çıxarmağa çalışır. Eyni zamanda Rusiya qoşunları Sumı vilayətinin şimalında hücum əməliyyatlarını davam etdirir, lakin irəliləyə bilmir.
Xarkov vilayətində isə işğalçılar Volçansk yaxınlığında hücum edib, lakin ISW-nin məlumatına görə, burada da uğur əldə etməyib. Pokrovsk istiqamətində Rusiya ordusu ciddi itkilər verir, gündə azı 150 hərbçi həlak olur. Onlar 9 may tarixinədək Dnepropetrovsk vilayətinə doğru irəliləməyə çalışır.
Rusiya bu istiqamətdəki qüvvələrini ya Kursk istiqamətindən köçürməklə, ya da səfərbərlik yolu ilə gücləndirib. Eyni zamanda Pokrovsk istiqamətində, xüsusilə Boqatır və Svobodnoye Pole bölgələrində Ukrayna ordusu düşmənin sursat anbarlarını atəşə tutub və əks-hücumlar həyata keçirib.
Cəbhənin cənub istiqamətlərində də, xüsusilə Qulyaypole, Orexov və Zaporojyenin qərb hissəsində döyüşlərin intensivliyi yüksək olaraq qalır. Ukrayna Silahlı Qüvvələri düşmənin texnikasını və hava hücumundan müdafiə sistemlərini məhv etməkdə davam edir. Xüsusilə ölkənin cənubunda BUK-M3 zenit-raket kompleksinə zərbə endirilib.
Ukraynada müharibə - son xəbərlər
Hərbi ekspert Sergey Jdanovun fikrincə, işğalçılar iyun-iyul aylarında Lıman istiqamətindən, həmçinin Kramatorsk və ya Pokrovsk istiqamətindən hücum əməliyyatına hazırlaşır, məqsəd Slavyansk-Kramatorsk aqlomerasiyasını mühasirəyə almaq və ələ keçirməkdir.
Bu arada Ukrayna Silahlı Qüvvələrinin Quru Qoşunları Ehtiyatda olanlar Şurasının rəhbəri İvan Timoçko qeyd edib ki, rusiyalılar Dnepropetrovsk istiqamətində uğurlu strateji səviyyəli hücum əməliyyatı keçirmək iqtidarında deyil. Onun sözlərinə görə, işğalçılar hətta Pokrovsk və Mirnoqrad (Donetsk vilayəti) istiqamətlərində hücum üçün kifayət qədər qüvvə toplaya bilmir.
Xəbər verdiyimiz kimi, İsrailə məxsus qırıcı təyyarələr mayın 2-nə keçən gecə Dəməşq və Həma ətrafında 8 hədəfə hava zərbələri endirib.
Yeniavaz.com “Sözcü”yə istinadla xəbər verir ki, yerli mənbələr həmin vaxt Türkiyənin dəstəklədiyi Sultan Murad və Süleyman Şah briqadalarına məxsus bazaların da İsrailin hədəfləri arasında olduğunu bildirib.
İddia olunur ki, Türkiyə ordusuna məxsus F-16-lar da İsrail əməliyyat keçirərkən Suriyanın şimalına keçib.
“Yerli mənbələrin məlumatına görə, Türkiyə qırıcıları İsrail təyyarələrinin fəaliyyət göstərdiyi bölgədə patrul uçuşları həyata keçirib. F-16-lar vasitəsilə İsrail təyyarələrinə xəbərdarlıq siqnalları göndərildiyi və pilotlar arasında qısa müddətli radio əlaqəsinin qurulduğu iddia edilir. Hər iki tərəf münaqişədən yayınıb”, - nəşr yazır.
Qeyd edək ki, Türkiyə ordusu daha əvvəl İsrail tərəfindən hədəf alınan T4 və Həmadakı hava qüvvələrinə məxsus bazalarda fəaliyyət göstərir.
“Sözcü” yazır ki, İsrail Türkiyənin Suriya hava məkanında olmasını “riskli” hesab edir:
“İddialara görə, daha sonra İsrail bölgəyə qırıcılardan ibarət ikinci heyəti göndərib. Eyni gündə ümumilikdə 14 döyüş təyyarəsi Suriyanın bölgədəki hava məkanında patrul həyata keçirib. İddialara görə, İsrail ordusunun baş qərargahı ABŞ-dəki Tramp administrasiyasına bildirib ki, növbəti belə hal olarsa, Türkiyəyə məxsus qırıcılar hədəfə alınacaq. Ankara rəsmi açıqlama verməyib”.
Ukrayna Silahlı Qüvvələri Bryansk vilayətinin Suzemski rayonundakı “Strela” zavodunu “Qrad” MLRS-dən istifadə edərək atəşə tutub.
"Mash" "Telegram" kanalının verdiyi məlumata görə, atəş nəticəsində iki mühafizəçi yüngül xəsarət alıb.
İlkin məlumata görə, zərbələr zavodu tamamilə məhv edib.
RBC-Ukraynanın məlumatına görə, bu zavod Rusiyanın hərbi-sənaye kompleksi ilə bağlıdır.
Obyekt transformatorların, boğucuların, hamar gərginlik tənzimləməli avtotransformatorların, induksiya rulonlarının və müdaxilənin qarşısını alan filtrlərin istehsalında ixtisaslaşıb.