“İran nüvə proqramının dinc xarakter daşıması ilə bağlı bütün şübhələri aradan qaldırmağa hazırdır”

İran Beynəlxalq Atom Enerjisi Agentliyi (MAQATE) ilə əməkdaşlıq çərçivəsində nüvə proqramının dinc xarakter daşıması ilə bağlı bütün şübhələri aradan qaldırmağa hazırdır.

AYNA xarici mediaya istinadən bildirir ki, bu barədə İran Prezidenti Məsud Pezeşkian MAQATE-nin baş direktoru Rafael Qrossi ilə görüşdə deyib.

“Biz iddia olunan problemlərin həlli və ölkəmizin sülhməramlı nüvə fəaliyyəti ilə bağlı şübhələri aradan qaldırmaq üçün əməkdaşlığa və bu beynəlxalq qurumla yaxınlaşmağa hazır olduğumuzu bəyan edirik. Tehran heç vaxt nüvə silahı yaratmağa cəhd etməyib”, - dövlət başçısı bildirib.

İranın ali lideri Əli Xameneinin müşaviri Əli Laricaninin Dəməşqdə Suriya rəsmiləri ilə görüş keçirdiyi məkana raket düşüb.

Oxu.Az xəbər verir ki, bu barədə "Azad İran" "Telegram" kanalı məlumat yayıb.

Məlumata görə, bu hadisə İsrailin son həftələrdə Suriyanın müxtəlif bölgələrinə, o cümlədən İranın və onun müttəfiqlərinə məxsus hədəflərə hava hücumları fonunda baş verib.

Ermənistan parlamentində müxalif “Hayastan” fraksiyasının deputatı Qeqam Manukyan Hindistan mediasını ittiham edib. Səbəbi budur ki, Hindistan mediası Ermənistana hər hansı hərbi texnika satılan kimi dərhal bu haqda xəbər yayır.
Söhbət Hindistanın “Akaş” raket komplekslərinin Ermənistana satılmasından gedir. Manukyanın fikrincə, Hindistan bu yolla Ermənistan üzərindən hərbi texnikasını reaklam edir. Bunda həqiqər var.
Ermənistan qədər Hindistandan hərbi texnika alan ikinci dövlət yoxdur. Hindistan bu yolla hərbi-sənaye kompleksinin məhsullarını reklam etmiş olur. Manukyanın narahatlığı həm də onunla əlaqəlidir ki, xəbərlər yayıldıqdan sonra Hindistanın hərbi texnikasının Ermənistana çatdırılmasında lojistik əngəllər yarana bilər.
Hindistanın hərbi texnikası İranın dəniz limanına, oradan da quru yolla Ermənistana çatdırılır. Manukyanın nəzərdə tutduğu “lojistik əngəl” yalnız İran ərazisində yarana bilər.
SEPAH isə əlindən gələni edir ki, Hindistan, Rusiya və Fransa hərbi texnikası quru yolda çətinliklə üzləşmədən Ermənistana çatdırılsın. Hər halda həmin hərbi texnikalar Güney Azərbaycan ərazisindən daşındığından güneyli fəalların çəkdikləri şəkillər Azərbaycan mediasında da yayımlanır.
Yəqin Manukyan kimilərin qorxusu odur ki, bir gün İranda yaşayan azərbaycanlılar yollarda hərbi texnikanın çatdırılmasına əngəllər yarada bilərlər…
Elxan Şahinoğlu
TEREF

"Üçüncü Dünya Müharibəsi hər an başlaya bilər. Təbii ki, müharibənin başlamasını istəmirik, amma hər zaman hazır olmalıyıq. Çünki Türkiyə Cümhuriyyətinin və Türk xalqının təhlükəsizliyinə cavabdehik".

"AzPolitika" xəbər verir ki, bunu Türkiyənin müdafiə naziri Yaşar Gülər qatıldığı televiziyia proqramında gündəmə dair sualları cavablandırarkən deyib.

Y. Gülər indiyədək iki dünya müharibəsi olduğuna və onların kiçik səbəblərdən çıxdığına diqqət çəkib: "Biz iki dünya müharibəsi olduğunu bilirik. Bu müharibələrin necə başladığını xatırlayırsınızmı? Çox kiçik səbəblərdən. Deməli, bu, böyük bir hadisə tələb etmir. Hər an ola bilər. Təbii ki, müharibə istəmirik. Biz hər şeyi qiymətləndiririk. Ən kiçik təfərrüata qədər planlarımızı qururuq. Təbii ki, yenə deyirəm biz öz ölkəmizdə sülh içində yaşamaq istəyirik”.

Nazir prezident Rəcəb Tayyib Ərdoğanın "İsrailin növbəti hədəfi Türkiyə olacaq", “arxa cəbhə” xəbərdarlıqları ilə bağlı da açıqlamalar verib.

"Mən cənab prezidentimizin çox haqlı olduğunu düşünürəm. Çünki arxa cəbhə hər zaman vacibdir. Sülh mühitində olsaq da, arxa cəbhənin gücü o ölkənin xeyrinədir. Ona görə də Prezidentimiz cəmiyyəti xəbərdar edir. Çünki o bunu görür. İsrail Türkiyəyə hücum edə bilərmi? Hər halda cənab prezident belə bir təhlükə görməsə idi bunu deməzdi. Hücum edə bilər", -deyə Yaşar Gülər qeyd edib.

“ABŞ Konqresi 2024-cü ilin aprelində Ukrayna üçün əlavə maliyyələşdirməni təsdiqlədikdən sonra Birləşmiş Ştatlar Ukraynaya vəd etdiyi sursatın 83%-nin, hava hücumundan müdafiə vasitələrinin 67%-nin verilməsini təmin edib”.

Bu barədə Pentaqonun sözçüsü Pat Rayder brifinqdə bildirib.

“Əlavə maliyyənin qəbulundan oktyabrın ortalarına qədər anbarlarımızdan vəd etdiyimiz əsas sursatın 83%-ni Ukraynaya çatdırdıq”, – deyə o qeyd edib.

Söhbət 155 mm çaplı artilleriya mərmilərindən, HIMARS GMLRS sistemləri üçün raketlərdən, “Patriot” və NASAMS sistemləri üçün döyüş sursatlarından gedir.

Pat Rayder ABŞ-ın “Stinger” və HAWK üçün raketlər də daxil olmaqla, vəd etdiyi digər hava hücumundan müdafiə imkanlarının 67%-ni təmin etdiyini bildirib.

“Kiçik bombalar və 105 mm-lik sursat da daxil olmaqla, yanğınla bağlı öhdəliklərimizin 60%-ni yerinə yetirdik”, – deyə Pentaqon rəsmisi qeyd edib.

Pentaqonun sözçüsünə görə, ABŞ anbarlarından silahların çatdırılması bir neçə gün və ya həftələr davam edir. Avadanlıqlardan hər hansı birinin təmirə ehtiyacı varsa, tez bir zamanda bərpa olunur və Ukraynaya göndərilir.

Niderland təhlükəsizlik vəziyyətinin pisləşməsi ilə əlaqədar olaraq müdafiəyə əlavə 716 milyon avro ayıracaq.

Bu barədə ölkənin müdafiə naziri Ruben Brekelmans deyib.

O qeyd edib ki, krallıq müdafiə xərclərini NATO standartlarına uyğunlaşdırır.

Qeyd olunur ki, ölkə 105 milyon avroya əlavə "Patriot" və "NASAMS" qurğuları, raket və elektron döyüş avadanlıqları almağı planlaşdırır. Daha 117 milyon avro süni intellekt texnologiyalarının Niderland silahlı qüvvələrinə inteqrasiyasına, o cümlədən elektron müharibə və rabitə sistemləri sahəsinə xərclənəcək.

Böyük Britaniya Müdafiə Nazirliyinin (MN) rəhbəri Con Hili Londonun Kiyevə hərbi yardımı azaltmaq niyyətində olması ilə bağlı məlumatları təkzib edib.
Bu barədə "Politico" məlumat yayıb.

"Biz indi Ukraynaya hərbi yardıma əvvəlkindən daha çox pul xərcləyirik", - deyə britaniyalı nazir bildirib.

Hili vurğulayıb ki, "Downing Street" Ukraynaya dəstəyini və təslimatı sürətləndirib.

"ABŞ bununla Ukraynanın müdafiə qabiliyyətinin möhkəmləndirilməsinə və danışıqlarda onun mövqeyinin gücləndirilməsinə ümid edir..."

ABŞ administrasiyası hakimiyyəti təhvil verməzdən öncə Kiyevə hərbi yardımı sürətləndirib.

Moderator.az xəbər verir ki, bu barədə Amerikanın işgüzar "The Wall Street Journal" nəşri məlumat yayıb.

Məlumata görə, hal-hazırda ABŞ Ukraynaya 7 milyard dollar məbləğində silah və döyüş sursatları göndərməyə cəhd edir. İlkin planlara görə, bu hərbi yardımın aprelədək uzadılması nəzərdə tutulub.

Lakin Donald Trampın seçkilərdə qələbəsindən sonra Vaşinqton əvvəllər razılaşdırılan yardımın yanvaradək göndərilməsinə qərar verib.

Ağ Ev bununla Ukraynanın müdafiə qabiliyyətinin möhkəmləndirilməsinə və danışıqlarda onun mövqelərinin gücləndirilməsinə ümid edir.

Administrasiyanın yüksək vəzifəli nümayəndəsinin sözlərinə görə, Rusiyanın raket hücumlarının fəallaşdırılmasına cavab olaraq Pentaqon Ukraynaya 500-dən artıq "Patriot" və NASAMS HHM sistemləri üçün raketlər göndərir.

Gözlənilir ki, bu silahlar yaxın həftələrdə Ukraynada olacaq. Amerikalı məmurların fikrincə, bu sayda raketlər ən azı bu ilin sonunadək kifayət edəcək.

Nəşrin həmsöhbətlərindən biri silah tədarükünün sürətləndirilməsindən narahatlığını ifadə edib. Onun sözlərinə görə, bu, ABŞ-ın öz silah anbarının ehtiyatlarını tükəndirə bilər. Bu səbəbdən də Vaşinqton Ukraynaya veriləcək silahın başqa ölkələrdən satın alınması variantını nəzərdən keçirir.

Dünən bəlli olub ki, Bayden administrasiyası müharibə başlanandan ilk dəfə olaraq Ukrayna ərazisinə amerikalı hərbi mütəxəssislər göndərəcək.

Bu tələsik addımlar yeni prezident Vladimir Zelenskini mövqeyinin yumşaldılmasına və Vladimir Putinlə danışıqlara sövq etmək üçün Ukraynaya silah tədarükünü azaldacağı təhdidləri ilə əlaqədar narahatlıqlarla bağlıdır. Bundan öncə Ukrayna prezidenti dəfələrlə rusiyalı həmkarı ilə təmaslardan imtina edib.

Bununla birlikdə Kiyev təkcə HHM sistemləri üçün raketlər deyil, həm də hücum silahını-
300 km-dək təsir radiusu olan ATACMS raketlərini əldə etmək istəyir. Ukrayna hakimiyyətinin bəyanatlarına görə, bu silah USQ-yə Rusiyanın dərinliklərinə zərbələr endirməyə imkan verəcək.

Lakin Pentaqon bu sorğunu təmin etməyə tələsmir, iddia edir ki, Rusiya istənilən halda öz təyyarələrini və digər vacib hərbi obyektlərini bu raketlərin təsir zonasından çıxarıb.

Ukraynanın bazar günü 2022-ci ildə müharibə başlayandan bəri Rusiya paytaxtına ən böyük dron hücumu həyata keçirərək, azı 34 dronla Moskvaya hücum etməsi şəhərin üç böyük hava limanından uçuşların yönləndirilməsinə və azı bir nəfərin yaralanmasına səbəb olub.

Rusiya Müdafiə Nazirliyi bazar günü hava hücumundan müdafiə qüvvələrinin Rusiyanın qərbində digər bölgələr üzərində üç saat ərzində daha 36 dronun məhv edildiyini bildirib.

“Kyiv rejiminin Rusiya Federasiyası ərazisində təyyarə tipli dronlardan istifadə etməklə terror aktı törətmək cəhdinin qarşısı alınıb”, nazirlik bildirib.

Rusiyanın Federal Hava Nəqliyyatı Agentliyi Domodedovo, Şeremetyevo və Jukovski hava limanlarının azı 36 reysi yönləndirdiyini, lakin sonradan fəaliyyəti bərpa etdiyini bildirib. Moskva vilayətində bir nəfərin yaralandığı bildirilir.

Azı 21 milyon əhalisi olan Moskva şəhəri və ətrafı İstanbulla yanaşı Avropanın ən böyük meqapolislərindən biridir.

Ukrayna Rusiyanın gecə ərzində rekord sayda 145 dron buraxdığını bildirib. Kyivin bildirdiyinə görə, hava hücumundan müdafiə qüvvələri onlardan 62-ni vurub.

Ukrayna həmçinin Rusiyanın Bryansk vilayətində arsenala hücum etdiyini, Rusiya isə bu bölgədə 14 dronun vurulduğunu bildirib.

Rusiyanın Telegram kanallarında yerləşdirilən müstəqil mənbələr tərəfindən təsdiqlənməmiş videoda dronların uçduğu göstərilir.

Ukraynada iki il yarım davam edən müharibə Moskva qüvvələrinin müharibənin ilk günlərindən bəri ən yüksək templə irəliləməsi və Donald Trampın ABŞ-ın 47-ci prezidenti seçilməsindən sonra bəzi rəsmilərin dediyi kimi son mərhələsi ola biləcək dövrə qədəm qoyur.

Yanvarda vəzifəsinin icrasına başlayacaq Tramp seçki kampaniyası zamanı 24 saat ərzində Ukraynaya sülh gətirə biləcəyini desə də bunu necə edəcəyi barədə çox az detallar açıqlayıb.

Medianın verdiyi məlumatına görə, Ukrayna prezidenti Volodimir Zelenski Trampa zəng edərək, onu prezident seçkilərində qələbəsi münasibətilə təbrik etdiyi zaman Tesla şirkətinin baş direktoru və Trampın tərəfdarı İlon Mask da telefon söhbətinə qatılıb.

Mask Ukraynanın müdafiə səyləri üçün həyati əhəmiyyət kəsb edən Starlink peyk rabitəsi xidmətləri göstərən SpaceX şirkətinin sahibidir.

Noyabrın 10-da Goranboy rayonunun Gülüstan kəndi ərazisində Azərbaycan Ordusunun hərbi qulluqçusu İbrahimov Qədim Xaliq oğlu Ermənistan silahlı qüvvələrinin bölmələri tərəfindən əvvəlcədən basdırılmış piyada əleyhinə minaya düşərək xəsarət alıb.

Bu barədə Müdafiə Nazirliyindən bildirilib.

Qeyd olunub ki, hərbi qulluqçumuz dərhal yaxınlıqdakı hərbi tibb məntəqəsinə təxliyə edilib. Vəziyyəti kafidir.