Çox təəssüflər olsun ki, təkcə təhsil deyil, elə bir çox sahələrdə hər hansı bir vəzifəyə təyin olunan şəxs, işinin məsuliyyətini deyil, çalışdığı qurumda öz yaxınlarını da yerləşdirməyin yollarını düşünür. Yaxud da müəssisədəki boş vakansiyalara xüsusi "qiymət" təyin edərək, satmağa başlayır. Acınacaqlıdır ki, bu kimi hallara təhsil sahəsində daha çox rast gəlinir.

Doğrudur, son günlər təhsil sahəsində ciddi yoxlamalar aparılır və aşkar olunan qanun pozuntularında adı hallanan şəxslər işindən uzaqlaşdırılır. Hansı ki, son bir ayda müxtəlif rayonlarda artıq bir neçə müəllim və direktorlar işdən azad ediliblər. Elm və Təhsil naziri Emin Əmrullayev də öz çıxışında bu cür yoxlamaların hələ davam etdiriləcəyini bildirib.

Beyləqan rayon sakinləri nazirin bu çıxışından ümidlənərək, obyektiv yoxlamaların sözügedən rayonun Xalaç kənd tam orta məktəbinə də təşrif buyurmalarını arzulayırlar.

"DogruXeber.az" bildirir ki, əslində redaksiyamıza müraciət edən Beyləqan rayonunun Aşqallar kənd sakini Məmmədov Sədi Bəndalı oğlunun sözlərinə görə bu ilin fevral ayında Mil-Muğan regional təhsil idarəsi tərəfindən Xalaç kənd orta məktəbində yoxlamalar aparılıb, hətta aşkar olunan nöqsanlara görə sözügedən məktəbin direktoru Murad Məmmədov işindən uzaqlaşdırılıb da, amma iki ay sonra hansısa "sehirli əl" onu yenidən direktor kürsüsünə əyləşdirib.

Sədi Məmmədovun "DogruXeber.az" informasiya agentliyinin tabeliyində fəaliyyət göstərən "Kanal14" YouTube kanalında canlı yayımda danışdıqlarını aşağıda təqdim etdiyimiz videoda izləyin !

Gördüyünüz kimi, Beyləqan rayon Aşqallar kənd sakini Sədi Məmmədov qız övladının təhsil aldığı Xalaç kənd tam orta məktəbində dərs zamanı yoldaşları tərəfindən oyuncaq ilanla qorxudulmasının onun səhhətində ciddi problemlər yaratdığını iddia edir.

Həmçinin, sözügedən məktəbin direktoru Murad Məmmədovun isə məsələdən rahatlıqla sovuşmaq üçün, qızı üç saat otaqda saxladığını, müəllimlərə isə uşağın valideynlərinə bu barədə heç bir söz deməmələrini tapşırdığını deyir.

Sədi Məmmədovun iddiasına görə övladı bu hadisə zamanı ciddi sarsıntı keçirib və psixoloji travma alıb. Direktor Murad Məmmədovun isə tədbir görmək yerinə uşağı üç saat gizlətməsi valideynlərinin hiddətinə səbəb olub.

Bundan əlavə Sədi Məmmədov bütün kənd sakinlərinin sözügedən məktəbin direktoru Murad Məmmədovun əlindən zara gəldiklərini deyir.

Onun sözlərinə görə, "direktorun bir qızı həmin məktəbdə katibə, bir qızı müəllim, bir qzının əri birinci mavini, bir qızının əri kompüter müəllimi işləyir. Bundan əlavə oğlu, qardaşı arvadı, bacısının əri - hamısı məktəbdə işləyir. Ona görə də təhsilimiz yoxdur.

Qeyd edim ki, dəfələrlə şəhid anası Murad müəllimdən məktəbdə hər hansı bir işlə təmin olunmasını xahiş etmişdi. Axırda Murad müəllim o, boyda məktəbdə ona süpürgəçi işi verdi ki, ayaq altı süpürsün.

Dəfələrlə bu barədə aidiyyatı qurumlara şikayətlər etmişik, heç bir nəticəsi yoxdur. Düzdür, Fevralın 12-si və 13-də iki gün ardıcıl Mil-Muğan regional Təhsil İdarəsi tərəfindən məktəbdə ciddi yoxlamalar aparıldı. Aşkar olundu ki, direktor Murad müəllim bir neça müəllimə artq dərs saatları yazıb, dövlətin pulunu mənimsəyirmiş. Həmçinin əlavə olaraq, dövlət hər ay 60 saat məşğələ saatı verirmiş, amma bu dərslər sözügedən məktəbdə heç vaxt keçirilməyib. Həmin 60 saat dərsin 1800 manat pulu mənimsənilib. Ona görə də martın 11-də Murad müəllimin direktorluğuna da, müəllimliyinə də xitam verildi. Amma, iki aydan sonra gəldi ki, "mən müəllim kimi işləyirəm".
İşlədiyi 14 ildə qanunsuz əməlləriylə özünə şərait quran cinayətkar necə oldu ki, müəllim kimi işə qaytdı?

Direktor dərs saatlarını satıb, müəllimlərdən keçirilməyən əlavə saatların pulunu mənimsəyib. Amma, buna görə bir neçə müəllimə cərimə cəzası yazıldı.
Nəyə görə pulu yeyən direktor, cərimələnən müəllimlər olur?"

P.S: Qeyd edək ki, Sədi Məmmədovun söylədikləri barəsində Xalaç kənd tam orta məktəbin direktoru Murad Məmmədovun da mövqeyini öyrənmək məqsədilə, mobil telefonuna zəng etdik. Bir zəngimizə ümumiyyətlə cavab vermədi. Aradan xeyli müddət keçdikdən sonra, təkrar aradıq. Bu dəfə isə bir xanım telefonu götürdü və "Murad müəllimin özü yoxdur, telefonu maşında qalıb. Mən qızıyam, mütləq deyərəm, sizə zəng edər" cavabını verdi. Lakin, aradan bir neçə gün keçməsinə baxmayaraq, hələ də Murad Məmmədov bizimlə əlaqə saxlamayıb.

Onu da vurğulayaq ki, Sədi Məmmədov direktorun telefona cavab verməyəcəyini, yaxud cavab vermək üçün dəstəyi kiməsə verəcəyini əvvəlcədən bizə demişdi. Görünür hətta yerli sakinlər belə təhsil müəssisəsini "ailə biznesi" kimi idarə edən Murad Məmmədovun taktikalarını artıq əzbər bilirlər.

Qeyd: "DogruXeber.az" olaraq bildiririk ki, yuxarıda qeyd olunan məlumatlarla bağlı bütün aidiyyatı qurumlara tərəfimizdən rəsmi sorğular göndərilib.

Redaksiyamız hər kəsin söz haqqını tanıyır.

Yay fəsili yaxınlaşdıqca insanlar istirahət etmək üçün fərqli məkanlara üz tutmağı üstünlük verir. Demək olar ki, qonaqların və ailənlə istirahət edəcəyin yerlərin şahı restoranlar hesab olur.

Havaların həddindən artıq isti keçməsi ilə əlaqədar açıq yay məkanlarında oturmağa üstünlük verirsən amma təəsüfflər olsun ki, yay fəsili başlayar başlamaz bəzi işbazlar hərəkətə keçir.

Dükanlarda satılan 60-70 qəpiklik suyu 6-7 manata, 10-15 manatlıq içkini isə 100-150 manata müştəriyə sataraq sonda hesabın ödənişi vaxtı yeyib-içdiklərində burunlarından gətirirlər.

"Azərbaycan Reallığı"na müraciət edən və adının açıqlanmasını istəməyən vətəndaş bildirir ki, Nizami rayon Bəkir Çobanzadə küçəsində yerləşən "Xan Bağı" restoranı sözün əsil mənasında soyğunçuluqla məşğul olur.

Burada müştəriyə təklif olunan menyu qiyməti ilə sonda ödəniləcək qiymət arasında yerlə göy qədər fərq olur yani qiymət süni halda bahalaşdırılır. Həmçinin müştəriyə göstərilən xidmət səviyyəsi olduğca aşağıdır.

Məkanda işləyən personal işçilərin əmək müqaviləsi yoxdur, hesab ödəyəndə post terminal istədikdə kesabı kartdan-karta göndərməyi məsləhət edirlər bu da təbii ki, qanun pozuntusu və dövlət vergisindən yayınmaqdır.

Narazlıqlar bununla da bitib-tükənmək bilmir. Hesabın sonunda restoranda şhou proqramın ödənişini müştəridən alınması hələ bu azmış kimi servis haqqı da alınması sözün əsil mənasında biabırçılıqdır. Müştəri həmçinin restoranda verilən qidalarında keyfiyyət dərəcəsi çox aşağı olmasından gileylənib.

Redaksiya olaraq bizə daxil olan narazlıqı qısa olaraq yazıb aidiyyəti qurumların nəzərinə çatdırdıq, sözügedən məsələ ilə bağlı ümüdvarıq aidiyyəti qurumlar öz tədbirlərini görəcəklər

Gülarə Şeydayeva Notariat Xidmətinin rəisini və aldığı evin keçmiş sahibini ittiham edir…

Xırdalan şəhər sakini Şeydayeva Gülarə Tahir qızı tərəfindən “Hürriyyət” qəzetinin redaksiyasına şikayət məktubu daxil olub. Şikayətçi bildirir ki, “makler” kimi fəaliyyət göstərən bibisi oğlu, ev aldığı şəxs və Notariat Xidmətinin rəisi onu aldadıblar:

“Mən, Şeydayeva Gülarə Tahir qızı, yazaraq bildirirəm ki, əvvəllər anam, mən və övladım Biləcəridə yaşayırdıq. Anam evin pilləkənlərini düşüb-çıxmaqda əziyyət çəkirdi. Bu səbəbdən də evi satıb, Xırdalana köçdük.

Alqı-satqı işindən başım çıxmadığından, bibim oğlundan mənə kömək etməsini xahiş etdim. O, Binədə alqı-satqı ilə məşğul olurdu. Aldığımız evin köhnə sahibi bibim oğlu ilə yerli çıxdı. Elə bu səbəbdən bibim oğlu da, biz də ona inanıb, evi aldıq.

Lakin keçmiş ev sahibi alqı-satqı zamanı demədi ki, evdə çox sayda adam qeydiyyatdadır. Sadəcə hər dəfə dedi ki, bütün sənədləri var. Evin sadəcə “texpasport”u və “kupça”sı var.

Evin sənədləşmə işini görmək üçün Xırdalanda yerləşən Notariusa - Bahadur müəllimin yanına getdik. Vaxtın az olduğunu, bankın bağlanacağını deyib, sənədlərə tələm-tələsik qol çəkdirdilər. Sonra məlum oldu ki, bu oyunları pulu tez əldə etmək üçün ediblər.

Bibim oğluna dedim ki, sənədlərə bax, gör hər şey qaydasındadır?! Özüm Azərbaycan dilini bilmədiyim üçün ona həvalə etmişdim. O da dedi ki, narahat olma, dövlətin notariusu yalan olmayacaq ki. Bir sözlə, ev sahibi Yalçın və notariusun rəhbəri Bahadur mənə heç nə demədən, qanunsuz iş gördülər.

Faktiki olaraq ev “paylı mülkiyyət”dir. Anamı evə qeydiyyata salmaq istəyəndə mənə dedilər ki, get Fatmanı çağır, gəlib icazə versin, ananı qeydiyyata salaq. Bu zaman bildim ki, evdə qeydiyyatda başqa adamlar da var. Mənə orda bildirdilər ki, bu “paylı mülkiyyət”dir.

Çox narahat oldum, öncə Yalçının, daha sonra Bahadurun yanına getdim. Amma heç nə əldə edə bilmədim. Bibim oğlu mənə dedi ki, nə edim, gedim onu vurum?

Bütün orqanlara yazdım, şikayətimi bildirdim. Xırdalan istintaq şöbəsinin rəisi mənə deyir ki, xanım, qol çəkib razılıq vermisiniz. Polisə də dedim ki, Bahadur mənə bu evin problemli olduğunu deməyib. Təkliyimdən, qadın olmağımdan istifadə edib, başıma bu oyunu açıblar.

Biri qohumum, o biri də yerli dediyimiz adamlar başıma oyun açıb. Hər kəs bilsin ki, ev alqı-satqısında çox ayıq olmaq lazımdır, yoxsa mənim kimi uduzarsınız.

Azərbaycanlı olduğum üçün fəxr edirəm, amma belə hadisələri görəndə çox pis oluram. İnanıram ki, bu qanunsuzluğu edənlər gec-tez öz cəzalarını alacaqlar”.

Jalə FAMİLQIZI

Redaksiyadan: Yazıda adları qeyd olunan şəxslərin mövqeyini dərc etməyə hazırıq.

İyunun 7-də Milli Məclisin növbədənkənar sessiyasının keçiriləcəyi bildirilir. Deyilənə görə, başlıca məsələ yenə də “özünü buraxma” olacaq. Deputatlar artıq bu “özünü buraxma”dan geninə-boluna yararlanır, vətəndaş seçicilərini qəbul etməkdən belə imtina edirlər. Amma pozitivlər daim qalır. MM-in Aparatı müraciətləri yüksək peşəkarlıqla qəbul edib cavablandırmaqdadır.

Gerçəkdə, Milli Məclisin “özünü buraxma” prinsipi, qaydası seçkili orqan olmasından qaynaqlanır. Deputatların üçdən birinin (42 nəfər) imzası ilə prosedur gerçəkləşir. Di gəl, ölkə reallığı elə görüntü yaradır ki, sanki heç bir qurum yerində deyil, elə bil bütün məmurlar “özünü buraxıb”. Özəlliklə, ən çox üzdə olan insan hüquqları, sosial müdafiə sahəsində boşluqlar “özünü buraxma” yetkisi bağışlayır.

Təsəvvür edin, 1-ci dərəcəli Qarabağ qazisinin pensiyasını qərəzlə mənimsəyirlər, hətta 7 il qabaqkı məhkəmə qərarı ilə ayrılan əlavəni də kəsirlər, bütün dövlət, hüquq orqanları qanunun, Konstitusiyanın yox, dılğır bir sosial, pensiya məmurunun rüşvətinin “ALİLİYİNİ” bildirməkdən doymurlar. Belə “rüşvət aliliyi”nin sonucudur ki, 1-ci dərəcəli əlilə qulluq edən həyat yoldaşının pensiyasını da “şanlı-şöhrətli”, yüksək rüşvətli məmurlar azaldıblar. Ombudsman Aparatının rəhbəri isə bu sosial özbaşınalığı, qərəzi “konfidiensial hüquq xidməti” sayır. (?) Heç demə, “şanlı rüşvət sosialistlərimiz” qazinin həyat yoldaşının pensiyasını 7 il qabaq düz hesablamayıbmış, artıqlamasilə veribmiş, indi 7 ildən sonra pensiyaçı müəllimin DSMF büdcəsinə 1082, 7 manat borcu yaranıb. Qazinin özünün borcu isə isə faizi ilə birlikdə 4 mini keçib. Əcəb sosial xidmətdir, qazi, əlil ailəsi pensiyasının düz hesablanmamasından, hətta 7 il qabaqkı məhkəmə qərarı ilə ayrılan əlavənin mənimsənilməsindən şikayət edir, düz hesablamaq yerinə , 7 il qabaq (həyat yoldaşına) artıq hesablanma müəyyən edirlər. (?)

Gələk başlığa çıxardığımız qonuya. Baş prokurorluğun adı Konstitusiyada özəl vurğulanıb, 133-cü maddə ilə qanunların icrasına və tətbiqinə nəzarət prokurorluq orqanlarının üzərinə qoyulub. Di gəl, prokurorluq Konstitusiya ilə üzərinə qoyulan görəvi icra etməkdən imtina edir. Yoxsa prokurorluq da “özünü buraxıb”? Əvvəllər şikayətlərin qeydə alınmasına qadağa qoyulurdu, indi şikayətlər qeydə alınır, amma baxılmır. Təsəvvür edin, 15 aydır pensiyası kəsilən qazi 14 aydır baş prokurorluğun 161, 961 bağlantı xəttlərinə zəng edir, ortalıq 50 şikayəti qeydə alınıb, di gəl, bir dəfə də olsun izahatı belə alınmayıb. Hələ yazılı, onlayn şikayətləri demirik. Qəbula yazılmağa isə qazinin baş prokurorluqda işləyən “bacoğluları”, “qardaşoğluları” əmi- dayı “qayğısı” ilə qadağa qoyub. Heç demə, pensiya saxtakarlığı, məhkəmə-ədliyyə dələduzluğu, korrupsiyası ... prokurorluğun səlahiyyətlərinə aid deyil!(?) Bəs nəzarət necə olsun, axı pensiyanın düz hesablanmaması ilə bağlı pozuntuları prokurorluq araşdırır, ədliyyə orqanlarında qanunların icrasına, ibtidai istintaqa nəzarəti prokurorluq həyata keçirir? “Qardaşoğlu” bu nəzarətsizliyi istintaqın aparılmadığı ilə izah etdi. Bəs niyə istintaqın aparılmamasına nəzarət qaydasında qiymət verilmir?

Axırı, belə bəlli olur ki, Baş Prokurorluq da “özünü buraxıb”. Özü də indi yox, lap 2000-ci ildən. “Əmi canı!”

Məğrur BƏDƏLSOY
TEREF

"Son dövrlər adları tez-tez mətbuatda korrupsiya məsələlərində gündəmə gələn Azərbaycan
Respublikası Dövlət Şəhərsalma və Arxitektura Komitəsi sədrinin birinci müavini Namiq
Hümmətov və adıçəkilən komitənin nəzdindəki Ərazi Tikinti-Planlaşdırma Mərkəzinin İdarə
Heyətinin sədri Ramin Abdullayev bu gün də qaz vurub qazan doldurmaqdadır".
Bu barədə Dia-az.İnfo-ya göndərilən məqalədə deyilir.
Daha sonra məqalə müəllifi ilginc iddialar da səsləndiri. Müəllif yazır: "Bu şəxslərin
istər ölkə daxilində tikintilərə icazə verərkən aldıqları `şirinlik` və ya MTK-lardan alınan mənzillər,
istər müharibədə zərər çəkmiş bölgələrimizdə təmir-bərpa işlərində, istərsə də işğaldan azad
olunmuş torpaqlarımızda gedən tikinti işlərində keçirilən dırnaqarası, öz yaxınlarına və ya elə öz
şirkətlərinə verilən şifahi tenderlərdə əldə etdikləri milyonların aqibəti bilinməməkdədir.
Son 6 ayda adlarıının hallandırıldığını görən məhşur “patriot” cütlük şəhid və qazi ailələrinə
növbəylə mənzillərin verildiyi bir dövrdə MTK- lardan rüşvət olaraq mənimsədikləri mənzilləri
dəyər-dəyməzinə satmağa başlayıblar.
Bu şəkildə əldə olunan milyonlar qeyri-rəsmi yollarla Dubaya və İstanbula aparılıb. Son
dövrlər demək olar hər bayram, hər həftə sonu Dubaya gedib-gələn ikili, Dubayın ən bahalı
küçələri olan JBR və Şeyx Zaid - də yeni tikilən binalarda yaxınlarının adına çoxlu sayda mənzil
alıb. Bir neçə ay əvvəldə ikilinin İstanbulun “Florya” adlanan ən bahalı yerində 16 mln dollara
estetik klinika aldığı məlumatı mətbuatda öz əksini tapıb.
Maraqlısı odur ki, komitə sədri Anar Quliyev gedən bu prosesləri susqunluqla izləyir. Belə
anlaşılır ki, Anaq Quliyev ya bu ikiliyə müqavimət göstərmək iqtidarında deyil, ya da baş
verənlər hansısa şəkildə onun da maarqlaırna cavab verir.
Ramin Abdullayevlə Anar Quliyevin yaxınlığı Komitədəki hər kəs tərəfindən bilinir. Hətta belə
bir fikir var ki, Ramini vəzifəyə Namiq Hümmətov gətirsə də, Ramin bir müddətdən sonra Anar
Quliyevin yanında namiq Hümmətovla müqayisədə daha çox söz sahibi olub. Elə bunun
nəticəsidir ki, Ramin Abdullayev dövlət pullarını qorxu-hürkü bilmədən talamaqda,
Azərbaycanın pullarını Dubay və İstanbula daşımaqdadır...."

Əmlak Məsələləri Dövlət Xidmətində qanunsuz yollarla nəhəng biznes imperiyası quran məmurlardan biri də Torpaqların dövlət idarəetməsinin təşkili və geodeziya şöbəsinin müdir müavini Eldəniz Qafarovdur. Müdir müavini ilə bağlı cumhuriyyet.az olaraq media üzərindən apardığımız araşdırma nəticəsində məlum olub ki, Eldəniz Qafarov tutduğu vəzifə etibarı ilə o qədər də diqqət çəkməsə də, kifayət qədər ciddi və iddialı oyunçudur. Paytaxt ərazisində biznes üçün ən uğurlu nöqtələrin zəbti Eldəniz Qafarovun adı ilə bağlıdır.

Gediş-gəlişin çox olduğu ərazilərdə boş torpaq sahələrini, hətta səki, park və zibilxanaları belə zəbt edən müdir müavini, qısa zamanda bu ərazilərdə ictimai iaşə obyektləri və mağazalar inşa edərək öz biznes imperiyasını durmadan genişləndirir. Tutduğu vəzifə və yüksək ranqlı məmurlarla qurduğu dostluq münasibəti ona zəbt etdiyi əraziləri qısa zamanda sənədləşdirməyə, əməlinə qanuni don geyindirməyə imkan verir. Mənbənin cumhuriyyet.az-a bildirdiyinə görə, xidmət rəisinin sabiq müavini Elçin Yusubovun “sağ əli” kimi tanınan, onun tərəfindən bilavasitə himayə olunan Eldəniz Qafarovun ən mühüm gəlir mənbələrindən birini isə icarəyə verilmiş torpaqların təftişi təşkil edir. Daşıdığı vəzifədən istifadə edərək mütəmadi şəkildə icraəyə verilmiş torpaqların təftişini həyata keçirən müdir müavini, təftiş prosesində icarə müqaviləsinin hər hansı bəndənin pozulduğunu iddia edərək müqaviləyə xitam verəcəyini bildirir. Sahibkarları bu sözlə qorxuya salan Xidmət məmuru, uzun çək-çevirdən sonra güzəştə getməyə razı olur. Təbii ki, bu razılaşma hər səfərində Eldəniz Qafarovun sərvətinin bir qədər də artması ilə nəticələnir.

Baş Prokuror yanında Korrupsiyaya qarşı Mübarizə Baş İdarəsi tərəfindən Dövlət Əmlak Xidmətində nazirlikdən daxil olmuş məlumat əsasında keçirilmiş təxirəsalınmaz əməliyyat-axtarış tədbirlər nəticəsində Dövlət Xidmətinin Torpaqların Torpaq bazarının təşkili sektorunun müdiri vəzifəsində işləyən İldırım Məmmədov və həmin sektorun baş məsləhətçisi Əsəd Nəsibov, eyni zamanda qurumun bir çox rayonlardakı şöbə müdirləri həbs edildi. Həbs olunan şəxslərə qarşı Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin müvafiq maddələri ilə cinayət işi başlanıb. Bununla bağlı cumhuriyyet.az bildirir ki, aparılan əməliyyat-istintaq tədbirləri nəticəsində yalnız Dövlət Xidmətinin Torpaqların, Torpaq bazarının təşkili sektorunun müdiri vəzifəsində işləyən İldırım Məmmədovun və sektorun baş məsləhətçisi Əsəd Nəsibovun həbs olunması bəzi qaranlıq müəmmalara yol açır. Çünki Dövlət Əmlak Xidmətində korrupsiyaya bulaşanlar və saxtakarlıq edənlər sektor müdiri İldırım Məmmədovla, həmin sektorun baş məsləhətçisi Əsəd Nəsibovla bitə bilməz.

Deyə bilərik ki, qurumun sektor müdiri və yerli şöbələrin rəhbərləri tərəfindən həyata keçirilən saxta işlərdən Dövlət Xidmətində işləyən bəzi yüksək vəzifəli şəxslərin xəbərsiz olması heçdə inandırıcı deyil. Məsələn, sektor müdiri İldırım Məmmədovun müxtəlif şəxslərlə əlbir olaraq, həyata keçirdiyi saxtakarlıqlardan Dövlət Xidmətinin Torpaqların dövlət idarəetməsinin təşkili və geodeziya şöbəsinin müdir müavini, şöbə müdiri vəzifəsini icra edən Eldəniz Qafarovun xəbərsiz olmasına heç kəs inanmaz. Ona görə ki, bələdiyyə mülkiyyətində olan torpaq sahələrinin mülkiyyətə, istifadəyə və icarəyə verilməsinə dair müsbət rəyin verilməsinə cavabdeh qurumlardan birincisi məhz Torpaqların dövlət idarəetməsinin təşkili və geodeziya şöbəsidir. Bununla bağlı cumhuriyyet.az-a daxil olan məlumatda bildirilir ki, bələdiyyə mülkiyyətində olan torpaq sahələrinin mülkiyyətə, istifadəyə və icarəyə verilməsinə dair müsbət rəylərin verilməsi ilə bağlı aparılan istintaq dərinləşərsə şöbə müdiri vəzivəsini icra edən Eldəniz Qafarov da məsulliyətə cəlb oluna bilər. Saxtakarlığa görə həbs edilən İldırım Məmmədovun Torpaqların, Torpaq bazarının təşkili sektorunun müdiri vəzifəsinə təyinat almasında əsas rolu məhz Eldəniz Qafarov oynayıb və elə qurumdakı korrupsiya şəbəkəsinin başında duran şəxslərdən biri də odur.

Qeyd edək ki, Eldəniz Qafarovun adı bundan əvvəl də saxta işlərdə hallanıb. Nümunə kimi Göyçay rayonu Ulaşlı-Şıxlı kənd sakini İsmayılova Kəmalə Ağsəf qızının mediada yayılmış müraciətini göstərmək olar. Həmin müraciətdə vətəndaş Göyçayın icra başçısından şikayətlənir. Bildirir ki, icra başçısı onların istifadəsində olan bələdiyyəyə aid torpaq sahəsini ələ keçirmək istəyir. Eldəniz Qafarov isə bu işdə ona faktiki olaraq yardımçı olub. Belə ki, şöbə müdiri vətəndaşın ona ünvanladığı məktuba cavabında həmin torpaq sahəsinin bələdiyyəyə aid olmadığını iddia edib: “Hətta iş o yerdədir ki, mənim ünvanıma Əmlak Məsələləri Dövlət Xidməti Yanında Torpaqların Dövlət İdarəetməsinin Təşkili üzrə Dövlət Agentliyinin direktor müavini Eldəniz Qafarov tərəfindən göndərilən cavab məktubunda yalandan qeyd edilib ki, həmin mübahisəli torpaq sahəsi bələddiyəyə aid deyil, şəxsi mülkiyyətdir”, deyə vətəndaşın müraciətində qeyd edilir.

Beləliklə, aydın olur ki, Eldəniz Qafarov bələdiyyə mülkiyyətində olan torpaq sahəsini şəxsi mülkiyyət kimi təqdim etməklə, saxtakarlığa yol verib və həmin ərazinin ələ keçirilməsinə dəstək olub. Eldəniz Qafarovla şərikli biznesi olan, Xidmətin rəis müavini Elçin Mustafa oğlu Yusubovun Tarqovıda və Mərkəzi Univermaqda qızıl mağazaları var. Onu da qeyd edək ki, Elçin Yusubov İldırım Məmmədov həbs olunmayanadək hətta öz rəisi Mətin müllimi də saymırmış. Amma İldırımın həbsindən sonra Elçin Yusubov Mətin müəllimə yaxınlaşmaq üçün yollar axtarır. Eldəniz Qafarov haqqında onu deyə bilərik ki, o əslən Şəmkirin Zəhim kəndindəndir. Şəmkirdən olan sakinlərin sözlərinə əsasən cumhuriyyet.az bildirir ki, Eldəniz Qafarov nə qədər torpaq sahəsinin məmurlara satılmasına imza atıb. Və kiməsə 1 saxta sənəd vermək üçün az qala 1 “meşok” rüşvət alır. Eldəniz Qafarov rüşvətlə qazandığı milyonların hesabına oliqarxa çevrilib.

Cumhuriyyet.Az

Kənd Təsərrüfatı Nazirliyi “Aqrar Məşğulluğun Artırılması Layihəsi”ni (AMAL) 2018-ci ilin oktyabrında ictimaiyyətə təqdim edib. Təqdimatda layihənin kənd yerlərində yaşayan gənclərin aqrar sahədə biznes ideyalarının həyata keçirilməsinə, onların innovativ metodlardan tətbiqinin stimullaşdırılmasına dəstək verən, effektiv və ətraf mühiti qoruyan yeni kənd təsərrüfatı və idarəçilik üsulları barədə məlumatlanmasına yönələn və gənc fermerlərin ilkin kapitalının formalaşmasına şərait yaradan bir təşəbbüs olduğu bildirilib.

Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin və BMT-nin Ərzaq və Kənd Təsərrüfatı Təşkilatının (FAO) həyata keçirdiyi AMAL regionlarda yaşayan gənclərin aqro biznes ideyalarını reallaşdırmaq və sahibkar kimi formalaşmalarına dəstək vermək məqsədi daşıyıb. Layihə çərçivəsində Gənc Fermerlər Proqramı və Kənd Təsərrüfatı Sahəsində Peşə Təhsili Proqramı həyata keçirilməklə, gənclərin məşğulluq imkanlarının artırılması üçün zəruri olan bilik və bacarıqlara sahib olması, texnoloji yeniliklərin tətbiq edilməsi və ətraf mühitin qorunması ilə bağlı müvafiq təlimlərin keçirilməsi nəzərdə tutulmuşdu.

Layihəni həyata keçirən Aqrar Kredit və İnkişaf Agentliyinin (AKİA) məlumatına görə, 2019-cu ilin aprelində İmişli, Bərdə və Zaqatala rayonlarında ilk təlimlərə başlanılıb. Təlimlər biznes ideyalarının işlənməsi və layihələrə çevrilməsi istiqamətindədir. Daha sonra məlumat verilib ki, AMAL-a ölkə üzrə 1000-dən artıq gənc müraciət edib. Bunlardan 400-dən artığı ikinci mərhələyə – təlimlər mərhələsinə keçib. Amal.gov.az saytında yerləşdirilmiş siyahıya görə, ilkin təlim mərhələsinə 20-dən artıq rayondan AMAL-çı seçilib. İmişli, Bərdə və Zaqataladakı təlimlərə 100 nəfərədək iştirakçı qatılıb.

Açıq mənbələrdə AMAL-ın təşkilatçılığı ilə Qəbələ, Oğuz, Biləsuvar, Beyləqan, Samux regionlardan olan 8 nəfər gənc fermerin ölkənin aparıcı arıçılıq təsərrüfatı olan “API DELTA Group” MMC-də təcrübə keçmək imkanı əldə etdiyi yazılır.

Qeyd edək ki, Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin, FAO-nun, Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi də dəstək verirdiyi həssas əhali qruplarından olan şəxslərin özünüməşğulluq və sahibkarlıq imkanlarının genişləndirilməsi məqsədilə icra edilən Aqrar Məşğulluğun Artırılması Layihəsi (AMAL) çərçivəsində bir çox tədbirlər keçirilib. Bir çox rayonlarda keçirilən təlimlərin təşkilinə milyonlarla manat dövlət vəsaiti ayrılıb.
Amma 5 ildən artıqdır həyata keçirilən bu layihə çərşivəsində kənd yerlərində yaşayan gənclərin aqrar sahədə biznes uğurları qazanması barədə heç bir məlumat əldə edə bilmədik. Açıq internet resurslarında belə məlumata rast gəlmədik.

Aqrar Məşğulluğun Artırılması Layihəsinin (AMAL) rəhbəri Elvin Nəbiyevin barəsində isə bir çox maraqlı məlumatlar əldə etdik.

Elektron mediada yayılan məlumatlara görə Nəbiyev Elvin Bahəddin oğlunun qanuni təmsilçisi olduğu “Agrodev” MMC Kənd Təsərrüfatı Nazirliyi Meyvəçilik və Çayçılıq Elmi-Tədqiqat İnstitutunun 2022-ci ilin sentyabr ayının 30-da “Qərzəkli meyvə bitkilərinin in vitro üsulu ilə çoxaldılması texnologiyasının elmi əsaslarının işlənməsinin satın alınması” lotu üzrə keçirdiyi satınalmanın qalibi olub və 69.561 manat dəyərində dövlət sifarişi alıb. Yenə mediada yazılanlara görə, bu MMC-nin qanuni təmsilçisi Nəbiyev Elvin Bahəddin oğlu eyni zamanda Kənd Təsərrüfatı Nazirliyinin nəzdində olan bir sıra təşkilatlarda rəsmi vəzifə tutur.

Amma “Dövlət Satınalmaları Haqqında” Azərbaycan Respublikası Qanununa görə:Maddə 6. Satınalmalarda maraqlar toqquşması:

6.1. Təchizatçıların aşağıdakı hallarda satınalmalarda iştirakına yol verilmir: 6.1.1. təchizatçının satınalan təşkilatdan və ya satınalan təşkilatla təchizatçının eyni qurumdan hüquqi, maliyyə və ya təşkilati asılılığı olduqda; 6.1.2. təchizatçılardan biri digərinin benefisiar mülkiyyətçisi olduqda, yaxud təchizatçıların azı ikisi eyni benefisiar mülkiyyətçinin nəzarətində olduqda; 6.1.3. təchizatçılardan biri digərinin idarəetmə orqanının üzvü və (və ya) iştirakçısı olduqda, yaxud təchizatçıların azı ikisinin idarəetmə orqanının üzvü və (və ya) iştirakçısı eyni şəxs olduqda;

Qeyd edək ki, “AgroDev” MMC-nin rəhbəri Elvin Nəbiyev eyni zamanda “OXFHAM” təşkilatının kənd təsərrüfatı layihələri üzrə rəhbəri, eyni zamanda Aqrar Məşğulluğun Artırılması Layihəsinin (AMAL) rəhbəridir.

Elektron mediada yazılanlara görə “AgroDev” MMC Kənd Təsərrüfatı Nazirliyinin tabeliyində fəaliyyət göstərən bir çox qurumların tenderlərində qalib edilib.

Aktualinfo.org-un apardığı araşdırmada məlum oldu ki, “AgroDev” MMC 20.08.2019-cu ildən 12.09.2019-cu ilə, yəni 22 günə Kənd Təsərrüfatı Nazirliyi yanında Aqrar Kredit və İnkişaf Agentliyinin keçirdiyi iki satınalmanın qalibi olub.

Tinglərin alınması (lot 1), istehsal vasitələri və avadanlıqlarının alınması (lot 2), aqro-texniki xidmətlərin göstərilməsi (lot 3), bilik və bacarıqların artırılması (lot 4) üzrə 1.067.525 manat məbləğində satınalma müqaviləsinin bağlanıldığı 20.08.2019 -cu ildə açıqlanıb.

Agro-texniki xidmətlərin göstərilməsi (lot 3) üzrə 1.278.977 manat məbləğində satınalma müqaviləsinin bağlanıldığı 20.08.2019 -cu ildə açıqlanıb.

Bu tenderlər Aqrar Kredit və İnkişaf Agentliyi tərəfindən bir mənbədən satınalma metodu ilə keçirildiyindən milyonlarla manat dövlət vəsaiti ayrılmış xidmətlərin harada həyata keçirilməsi barədə heç bir məlumat yoxdu.
Təsəvvür edin, 5 ildən çoxdur ki, dövlət vəsaitlərini kənd yerlərində yaşayan gənclərin aqrar sahədə biznes ideyalarının həyata keçirilməsinə xərcləyən AMAL-ın Amal.gov.az saytı hələ işləmir. Maraqlıdır, müasir dövrümüzdə hər bir məlumatları internet resuesları üzərində əldə edə bildiyimiz halda, saytı işləməyən AMAL kənd yerlərində yaşayan gənclərin aqrar sahədə biznes ideyalarının həyata keçirilməsi kimi yeni kənd təsərrüfatı və idarəçilik üsulları barədə məlumatlanmanı ictimaiyyətə necə çatdıra bilib?

Xüsusilə qeyd etmək istərdik ki, AMAL Azərbaycan Respublikasının Kənd Təsərrüfatı Nazirliyi və BMT-nin Ərzaq və Kənd Təsərrüfatı Təşkilatının birgə həyata keçirdiyi layihədir. AMAL-ın missiyası gənc liderlərin kənd təsərrüfatı sahəsində sahibkarlıq və özünüməşğulluq imkanlarının artırılmasına dəstək vermək olub. Amma göründüyü kimi AMAL kənd təsərrüfatı sahəsində sahibkarlığın artırılmasına dəstək olmaqdansa Kənd Təsərrüfatı Nazirliyinin rəsmilərinə çoxlu pullar qazandırıb. Onlardan biri də təbii ki, Elvin Nəbiyev olub.

Qeyd edək ki, Kənd Təsərrüfatı Nazirliyi yanında Aqrar Kredit və İnkişaf Agentliyinin sədri Seymur Mövlayevdir. O, 2019-cu ilin yanvarından Aqrar Xidmətlər Agentliyinin sədri təyin olunub. Seymur Mövlayev daha əvvəl “Aqrolizinq” ASC-nin sədri vəzifəsində, ondan əvvəl isə Bakıda 3 saylı ASAN xidmət mərkəzinin direktoru vəzifəsində çalışmışdır. Sabiq Kənd Təsərrüfatı naziri İnam Kərimovla qohumluq telləri var.

Əldə etdiyimiz məlumatlara görə Elvin Nəbiyevin də sabiq nazirlə qohumluq telləri var. İnam Kərimovun Kənd Təsərrüfatı Nazirliyindən getməsinə baxmayaraq Elvin Nəbiyevin bu yaxınlarda yeni vəzifə ilə mükafatlandırılacağı gözlənilir. Bu, ya Kənd Təsərrüfatı Nazirliyində, ya da Dövlət Məşğulluq Agentliyində baş tutacaq.

Aktualinfo.org

Nərimanov rayonu ərazisində yerləşən “International Medical Centre 2” klinikası piyada səkisini zəbt edib.

Tribunainfo.az xəbər verir ki, klinikanın yerləşdiyi Aşıq Molla Cümə küçəsində hərəkət etmək üçün piyada səkisi qalmayıb. Səkini zəbt edən klinikanın üçmərtəbəli korpusunun giriş hissəsi səkidə inşa edilib. Devizi “Bizimlə sağlam yaşa” ifadəsi olan klinikaya görə hər gün piyadalar təhlükə ilə üzləşirlər, sağlamlıqlarını təhlükəyə atırlar.
Sakinlər bildirir ki, piyada səkisində hərəkət etmək mümkün deyil. Xüsusilə uşaq arabası ilə hərəkət edən analar məcburiyyətdən avtomobil yolu ilə getməli olurlar. Sakinlər bildirib ki, dəfələrlə burada piyadaların avtomobillə vurulması təhlükəsi yaşayıb.
“Küçədə heç 50 metrlik səki anlayışı yoxdur, məcbur yola çıxırıq, mənim özümü az qala maşın vuracaqdı”-deyə, sakinlərdən biri bildirib.
Qarşə tərəfin mövqeyini işıqlandırmağa hazırıq.

Hələ iki ay əvvəl redaksiyamıza verilən çoxsaylı məlumatlar əsasında Şəki Uşaq İncəsənət Məktəbinin direktoru Eldar Rəcəbovun topdağıtmaz sərvəti və onun rəhbəri olduğu təhsil ocağında törətdiyi qanunsuzluqlar və korrupsiya halları barədə məlumat vermişdik.

Həmin məqalələr dərc ediləndən bir müddət əvvəl Şəki Musiqi Texnikumunda müəllim işləmiş Töhrablı Xəyalə Töhrab qızı Şəki Uşaq İncəsənət Məktəbinə müdir müavini təyin edilmişdir. Şəki Uşaq İncəsənət Məktəbinin müəllim kollektivi həmin şəxsin direktor müavini təyin ediləndən sonra daha öncə direktor tərəfindən edilən qanunsuzluqların aradan qaldırılacağını gözləsələr də Eldar Rəcəbov Xəyalə Töhrablının yanında toya getməli olub. Atalarımız yaxşı deyib, “gəlin ocağa gələr”. Xəyalə xanım sağolsun gələndən kollektivə elə tufan tutub ki, daha öncə direktor Eldar Rəcəbovdan əlhəzar edən müəllimlər Eldar Rəcəbova şükür etməli olublar.

Belə ki, Xəyalə Töhrablı məktəbə ayaq basan elə ilk gündən necə deyərlər, öz islahatlarına başlayıb. Gələn kimi özünə və direktora yaxın olmayan müəllimlərin dərs saatlarını azaltmağa, həmin müəllimlərin şagirdlərini təsir və təziqlə məktəbdən uzaqlaşdırmağa başlayıb. Hal-hazıradək məktəbdən təxmini 30 yaxın şagird uşaqlaşdırılıb. Bir neçə müəllim təyziq və təsir ilə işdın çıxarılıb. Hətta Xəyalə müəllimə islahatlar o qədər sərt həyata keçirir ki, onkoloji xəstəlikdən əziyyət çəkən müəlliməni də işdən çıxarıb. Həmin müəllimə nə qədər xahiş etsə də gözünün yaşına belə baxmayıb.

Məktəbin müəllimləri Xəyalə müəlliməyə bu qanunsuzluqlara və özbaşnalıqlara qarşı öz eirazlarını bildirəndə isə hamını atası Töhrab müəllimlə qorxuzur və bildirir ki, “mən Törabın qızıyam”. Məlumat üçün qeyd edək ki, Törab müəllim uzun illər Şəki Musiqi Texnikununun direktoru işləyib və işlədiyi dörvdə özünə sözün həqiqi mənasında topdağıtmaz sərvət toplayıb. Onun sərvəti o qədərdi ki, hətta vəzifədən çıxdıqdan sonra Şəki şəhəri, M.Müşviq küçəsində yerləşən, 10 ilə yaxın tikintisi davam edən 1.000.000 manat dəyərində villa inşa etmişdir. Onun şəkidə villalarının sayı hesabı yoxdur. Hətta Şəki şəhəri, M.Müşviq küçəsində yerləşən keçmişdə “qəssab Əyyubun evi” adlandırılan evi də alaraq qızı Xəyalə müəlliməyə hədiyyə etmişdir.

Töhrab müəllimin “layiqli” davamçısı olan Xəyalə müəllimə də atasının izi ilə gedərək ilk öncə Şəki Muqisi Kollecində müəllimə işləmiş və həmin dövrdə də atasının yolunu gerərək 50 manat almamış tələbələrə qiymət yazmamışdır.

Məktəbə müdir müavini təyin edəndən dırnağarası islahatlara başlayan Xəyalə müəllimə bır sıra müəllimələrin dərs saatlarını azaltmış və daha sonra hansısa səbəbdən bəzi ımüəllimlərin dərs saatlarını geri qaytar müəllimlər arasında bölüşdürmüşdür.

Hətta Xəyalə müəllimə islahatları çərçivəsində yeni qayda qoyub ki, gələn ildən şagird gəlib müəllimin şəklinə baxaraq müəllim seçəcək, dərslər də ona uyğun bölünəcək. Hətta müəllimlərə deyib ki, sizi özüm atestasiya edəcəyəm. Lakin qanunvericiliyin tələbinə əsasən atestasiya nazirlik tərəfindən edilə bilər. Hətta müəlimələrdən birindən uşaqların yanında sorğu sual edərək Azərbaycan Respublikasının gerbinin ölçüsünü soruşub, həmin müəllimə də Xəyalə müəllimədən Şəki Regional Mədəniyyət İdarəsinə və Azərbaycan Respublikası Mədəniyyət Nazirliyinə şikayət edib. Şikayətlə əlaqədar Şəki Regional Mədəniyyət İdarəsindən Xəyalə müəllimənin izahat verilməsi tələb etdikdə o, atam gəlməsə izahat verməyəcəm deyərək özünü gülünc vəziyyətə saldırıb. Həmin hadisədən sonra artıq Xəyalə müəllimənin atası Töhrab müəllim tez-tez məktəbə gəlib gedir və nəzarət edir.

Müəllimlər Xəyalə Töhrablıya etirazlarını bildirdikdə o deyir ki, gedin hara istəyirsiz şikayət edin, mən nazirə də bildirmişəm ki, Şəki şəhərinə bir musiqi məktəbi bəs edər, gərək 3 müsiqi məktəbindən sadəcə biri qalsın, bu məktəbə də 150 müəllim çoxdur çoxunu çıxarıb sadəcə 65 müəllim saxlayacam, xoşunuz yoxdur ərizənizi yazın çıxın işdən.

Xəyalə müəllimə kollektivdən qayda qanun tələb etsə də özü qayda qanuna əməl etmir, istəyəndə məktəbə gəlir, istəməyəndə gəlmir. Hər dəfə ya deyir hüzürə getmişəm, ya da toya.

Xəyalə müəllimə məktəbə 6 aylıq sınaq müddəti ilə müdir müavini təyin edildiyindən qaydalara əsasən dərs deyə bilməz, lakin bir müddət sonra özünə dərs yazaraq pul mənimsəməyə başlamış və dərslərə girməyərək dərslərin boş keçməsinə səbəb olmuşdur.

Məktəbin direktoru Eldar Rəcəbovun oğlu, Arazın, qaynının oğlu Orxanın dərs saatlarını 1 saat azaltmağına baxmayaraq daha sonra direktorla dil taparaq onların dərs saatalarını geri qaytardı. Həmin müəllimlər də daha öncə olduğu kimi dərslərə ayda ildə bir dəfə gəlir, lakin digər müəllimlərə qarşı tələbkar olan Xəyalə müəllimə həmin müəllimlərin dərsə gəlməmələrinə göz yumur.

Göründüyü kimi məktəbin direktoru Eldar Rəcəbov tərəfindən topdağıtmaz sərvət yığdıqdan sonra hazırda növbə Xəyalə Töhrablıdadır.

Qeyd edək ki, hazırda Şəki Uşaq İncəsənət Məktəbində bir ikitirəlik yaranıb. Bizə verilən məlumatlara görə Xəyalə Töhrablının məktəbdə direktor müavini vəzifəsinə keçməsində atası Töhrab Hüseynovun rolu olub. Vaxtı ilə Şəki Musiqi Kollecinin direktoru olmuş Töhrab Hüseynov şəxsi əlaqələri vasitəsi ilə nazir Adil Kərimliyə çıxaraq qızının direktor vəzifəsinə təyin olunmasını xahiş edib. Təbii ki, qarşılıqlı razılaşmalar əsasında.

Verilən digər məlumatlarda isə məktəbin direktoru Eldar Rəcəbov bir həftə əvvəl Mədəniyyət Nazirliyinin daxili nəzarət və audit şöbəsinə çağırılıb. Bakıdan geri qayıtdıqdan sonra Eldar Rəcəbov məktəbdəki yaxınlarına ” məsələni həll etdim, heç kim mənə toxuna bilməz” -deyə bildirib.

Buradan belə çıxır ki, Mədəniyyət Nazirliyində hər iki şəxsə, həm direktor Eldar Rəcəbova, həm də müavini Xəyalə Töhrablıya ümid verilib. Odur ki, yaxın bir- iki ayda Şəki Uşaq İncəsənət Məktəbində dəyişiklər olacağı gözlənilir. Burada kimin güclü olacağı da yaxın aylarda bəlli olacaq.

Aktualinfo.org

P.S. Redaksiyamıza verilən məlumata görə 2016-cı ilin dekabr ayında Şəki Regional Mədəniyyət İdarələrinin tabeliyində olan bütün musiqi məktəblərində əmək haqqı verilməmiş və bir aylıq əmək haqqı rəhbərlik tərəfindən mənimsənilmişdir. Həmin vaxtı müəllimlərə deyilmişdir ki, səsinizi çıxarmayın hər şey yaxşı olacaq, əmək haqqınız veriləcək. Hətta həmin dövrdə bütün işçilərlə gecə ikən telefon vasitəsi ilə əlaqə saxlanılaraq əmək haqqı kartlarının bank məlumatları götürlümüş və nəsə maxinasiya edilmişdir. Hal-hazıradək də həmin ayın əmək haqqı işçirərə ödənilməmişdir. Bununla bağlı araşdırmalarımızı davam etdiririk.

Yevlax rayonu, Xanabad qəsəbə sakini Xanməmmədov Eldar Laçın oğlu tərəfindən Prezident İlham Əliyevə, Ədliyyə naziri Fərid Əhmədova, Konstitusiya məhkəməsinin sədri F.Abdullayevə, Məhkəmə Hüquq Şurası Aparatı rəhbərinə, Ali Məhkəmənin sədri İnam Kərimova, Şəki Apellyasiya Məhkəməsi sədrinə, Vəkillər Kollegiyasının sədri cənab Anar Bağırova ona qarşı əmlak bölgüsü, zinət və cer-cehiz əşyası tələbinə dair ədalətsiz məhkəmə qətnaməsindən şikayət məktubu ünvanlanıb.

Bir nüsxəsi də Aktualinfo.org-a daxil olan şikayətdə deyilir:

Mən, cabdeh Eldar Laçın oğlu keçmiş həyat yoldaşım olan Səmədzadə Vəfa tərəfindən artıq müxtəlif bəhanələrlə 3-cü dəfə məhkəmə çəkişməsinə əsassız olaraq, uydurma və əvvəlcədən planlaşdırılmış oyubazlıqla cəlb edilmişəm. Belə ki, bu adamla rəsmi nikahımız 2022-ci ildə ləğv edildikdən sonra mənim hazırda yaşadığım ata yurdu olan 2 otqalı evimin bölünməsinə qarşı əvvəlcə əsassız iddia qaldırmış və hakim tərəfindən ağına bozuna baxmadan, heç bir məhkəmə araşdırması aparmadan Iddiasını vəkil Məmmədov Fərhadın arzu və istəyinə uyğun olaraq gizli sövdələşmə ilə təmin etmişdir.

Doğrudur, hələ Yevlax Məhkəməsində mən hakimi o vaxt başa sala bilmədim ki, mübahisələndirlən mülkün sahibi mən deyiləm. Mənim valideynlərimdir. Və məndən başqa ailənin 5 nəfər bacı qardaşdan ibarət üzvləri vardır. Mənim bu iki otaqlı evdən payım 5 dən 1-dir. Hakim heç bir əhəmiyyət vermədən vəkilin sifarişilə əsassız olaraq evi keçmiş arvadımla 70 %/30 % nisbət olmaqla böldü. Hüquqi cəhətdən mənə məxsus olmayan evin yarıdan çoxunu keçmiş arvadıma vermək barədə əsassız qətnamə qəbul etməklə, hakim digər 4 nəfər bacı və qardaşlarımın mülkiyyət hüqularını bilərəkdən faktiki olaraq pozdu. Bu məhkəmə prosesi 2023- də başa çatan kimi yenə biz eyni tərəflər olaraq bu dəfə vəkil Fərhad Məmmədovun fitnə və göstərişi əsasında “Şərəf və ləyaqət” iddası qaldırıldı. Cari ilin aprel ayında qərəzli hakim Əliyev Kamil müşavirə otağından çıxıb yoldaşım Tünzalə baba qızının 300 manat cərimə olunması barədə qətnaməni Azərbaycan Respublikası adından elan etdi. Təxminən 1 ay sonra qətnaməni yazılı olaraq aldıqdan sonra gördük ki, hakim sonradan mən cavabdehin də əlavə olaraq 500 manat cərimələnməsini qətnaməyə yazmışdır. Halbuki elan edən zaman belə özbaşnalığa yol verməmişdir. Bu müstəqil Azərbaycan tarixində ilk hakim özbaşnalığıdır ki, məhkəmə zamanı audio və video çəkiliş olduğu yerdə sonradan qətnamə hazırlanarkən məni də cavabdeh kimi 500 manat cərimələsin.

Xatırladım ki, ikinci dəfə bizə qarşı qaldırılan və hakim Kamil Əliyev tərəfindən dərhal icraata götürülmüş “Şərəf və Ləyaqətin müdafiəsi və dəymiş ziyanın ödənilməsilə bağlı verdiyi iddiaya ETİRAZ yazıb yuxarı orqanlara göndərdik. Budur, vəkil də hakim də bundan çox narazı qalaraq bizi cəzalandıracağımızla bağlı 22 yanvardakı proses zamanı xəbərdarlıqlar etdilər. Vəkil də hədə-qorxusu ilə bizi təkrar belə şikayət yazmamağı mızıldanaraq tövsiyə etdi. Prosesi 22 fevrala təxirə saldılar.

Bu oyunbazlıqdan sonra 3-cü məhkəmə çəkişməsinə cəlb edildim. Fevralın 13-nə təyin olunmuş prosesdə yenə eyni iddiaçı bu dəfə mənə qarşı “Əmlak , zinət və cer-cehiz “ tələbilə iddia qaldırıb Və həmişəki kimi, bu dəfə də hakim Kamil icrata götürmüşdü.

İddaçının vəkili Məmmədov Fərhad nədənsə onun üçün dəridən qabıqdan çıxaraq bizim üzərimizə bu qədər əsassız məhkəmə iddiaları verməklə ( nədənsə təmənnasız olaraq) sanki iddiaçı ilə gizli sövdələşib ki, əldə edəcəkləri əmlakları və evi satıb razılaşacaqlar. Ona görə də iddiaçı xanım bizə 10 dəfə xəbərdarlıq edib vəkili Fərhadla hədə qorxu gəlib ki, sizi heç kim müdafiə etmir. Baxarsan vəkilm sizin şalvarınızı çıxaracaq, başınıza oyun açacaq. Mən də yanvarın 22-də vəkildən soruşdum ki, sən nə vaxtdan şalvar çıxaran olmusan? Bu nə vəddir iddiaçıya deyirsən?

Hələlik sonuncu əmlak davası ilə bağlı mənə qarşı iddiaçının tələbi bu olmuşdur ki, 2019-cu ildə kreditlə götürdüyüm VAZ 2123 markalı avtomobili 2021-ci ildə satıb pulunu mənisəmişəmmiş. İndi Şəki Apellyasiya Məhkəməsinə yazdığım şikayətdə bu barədə ətraflı qeydlər etmişəm. Mən bu gün də kredit ödəyirəm. Digər tərəfdən avtomobil bizim birgə nikah dövrü olan 2021-ci ildə satılmışdır. Biz isə 2022-ci ildə nikahımıza son verilmişdir. Azxı bu adam məndən niyə şişirdilmiş qiymətlə avtomobilin pulunu tələb edir? Qərəzli hakim Əliyev Kamil yenə öz ampulasında qalaraq vəkil Fərhadla gizli sövdələşməsi nəticəsində və ondan əvvəl yazdığım şikayətin motivi olaraq əsasız olaraq 11 mart 2024-cü il tarixli 2( 039)-212/2024 N-li qətnamə qəbul edərək məndən qisas almağa çalışır.

Ona görə də mən cənab Prezidentə və nazir Fərid Əhmədova və Vəkillər Kollegiyasının sədri Anar Bağırova da müraciət edirəm ki, Yevlax Məhkəməsində başımıza gətirilən süni oyunbazlığı və məhkəmə məzhəkələri ilə qəbul edilmiş 11 mart 2024-cü il tarixli əsassız qətnaməsinin Şəki Apellyasiya Məhkəməsində hazırda hakim Elçin Mehdiyevin icraatında baxılacaq prosesi şəxsi nəzarətləri altında saxlasınlar ki, Yevlax rayon Məhkəməsi hakimi Əliyev Kamilin vicdansızklıqla qəbul etdiyi 2(039)-212/2024 saylı məhkəmə qətnaməsindən 07 may 2024-cü il tarixdə verdiyim apellyasiya şikayətinə ədalətli baxıb qətnamə qəbul etsin. Başqa heçnə.

Cənab Prezident Mən inanıram ki, Əliyev Kamil kimi qatığa qara yazan ədalətsiz hakimin növbəti 5 il üçün hakim fəaliyyətinə son qoyacaqsınız ki, belə bir hakim özbaşnalıqları müasir ədliyyə sistemində bir daha təkrarlanmasın. Mənim kimi sadə insanlar ədalətin varlığına inansınlar.