Bəs Mərkəzi Bank və Əmanətlərin Sığortalanması Fondu nə düşünür?
Keçmiş baş prokuror Zakir Qaralovun himayə etdiyi "Akkord" şirkəti aktiv fəaliyyətdə olduğu 2018-ci ilədək olan müddət ərzində yol istismarı adı ilə Mərkəzi Bankdan 100 milyona yaxın kredit götürüb və hələ də həmin məbləği ödəməyib.

Bu barədə banka yaxın mənbə "Arqument.az"a danışıb.

Onun sözlərinə görə, həmin mənimsənilmiş milyonlar dövlət vəsaitidir.

Qanunvericiyə görə, Mərkəzi Bank hansısa quruma və ya şəxsə birbaşa özü kredit verə bilməz. Ona görə də "Zaminbank” ASC vasitəsilə 2012-ci ildə səhimlərinin böyük hissəsi "Akkord" şirkətinə məxsus olan "Doch Fasad” üçün 20 milyon manat kredit ayrılıb.

"Doch Fasad” şirkətinin səhimlərinin 80 faizi "Akkord"a, 20 faizi isə alman iş adamına məxsus olub: "Mərkəzi Bank tərəfindən ayrılmış bəhs etiyimiz kredit müqabilində hansısa girov götürülməyib. Bu da özlüyündə ciddi qanun pozuntusudur. Kredit Balaxanıda Zavodun tikintisi üçün ayrılmışdı. Həmin zavodun tikintisi üçün əlavə olaraq İqtisadiyyat Nazirliyindən də 3 milyon manat ayrılıb. Baxmayaraq ki, "Zaminbank" ASC 2016-cı ilin 22 iyul tarixində bağlanıb, bu vaxta qədər nə götürülmüş borc qaytarılıb, nə də kredit faizləri".

Bildirilir ki, hazırda "Zaminbank"a kredit faizləri ilə birlikdə olan borc 22 milyon manatdır.

Bununla yanaşı, Mərkəzi Bankın girovsuz verdiyi vəsaitləri geri almaq öhdəliyi həm Əmanətlərin Sığortalanması Fondunun, həm də özünün üzərinə düşür:

"23 bankın bağlanması işində əsas rollardan birini oynayan keçmiş Mərkəzi Bankın sədri Elman Rüstəmov və keçmiş Baş Prokuror Zakir Qaralov qanunsuz yollarla aldıqları kreditleri niyə qaytarmırlar? Niyə hətta məhkəmə qərarı ilə müsadirə olunmuş və Ali Məhkəmənin yekun qərarı ilə təsdiqləndiyi halda "Zaminbank"ın əmlakları hərraca çıxarılaraq dövlət vəsaiti ödənilmir? Mərkəzi Bank bağlanmış banklarda olan borclarının alınması istiqamətdə nə işlər görür? Girovlar niyə hərrac yolu ilə satılaraq kredit borcları bağlanmır?".

Mənbə bildirib ki, keçmiş Baş prokuror Zakir Qaralov vəzifə səlahiyyətlərindən sui-istifadə edərək 100 milyon manatadək krediti girov qoymadan banklardan götürüb: "Zakir Qaralov Elmar adlı qaynı Qazaxıstanda biznes qurmaq üçün həmin kreditin bir hissəsini istifadə edib".

"Akkord" şirkəti ilə yanaşı bu istiqamətdə araşdırma aparmaq üçün Mərkəzi Banka və Əmanətlərin Sığortalanması Fonduna sorğu göndərilib.

Əmanətlərin Sığortalanması Fondu nə deyir?

Əmanətlərin Sığortalanması Fondundan verilən açıqlamada bildirilir ki, mülki qanunvericiliyin tələblərinə əsasən, ləğvetmə prosesinin ümumi müddəti hüquqi şəxsin ləğv edilməsi barədə məlumatın hüquqi şəxslərin dövlət reyestrinə daxil edildiyi andan etibarən bir ildən çox olmamalıdır:

"Həmin norma banklara münasibətdə deyil, birbaşa hüquqi şəxslərin ləğvi ilə əlaqədar nəzərdə tutulmuşdur. Bank sahəsi spesifik sahə olduğuna görə, eyni hüquq münasibətlərini tənzimləyən konkret münasibətlərə sahə normativ hüquqi aktı tətbiq edilir. Bu səbəbdəndir ki, bankların müflis elan edilməsi ilə əlaqədar olaraq ləğvetmə prosesinin tənzimlənməsi birbaşa olaraq "Banklar haqqında” Azərbaycan Respublikası Qanununa əsasən həyata keçirilir. Müflis elan olunan bankın vəziyyəti digər əsaslarla ləğv edilmiş bankların vəziyyətindən daha mürəkkəb olduğundan, bank öz öhdəliklərini tam yerinə yetirməyə qadir olmadığından, onun ləğvinin xüsusi prosedur qaydası, kreditorların tələblərinin qəbulu və təsdiqinin fərqli şərtləri, tələblərin ödəniş növbəliliyi həmin Qanunda müəyyən edilib".

"Bakı İnzibati-İqtisadi Məhkəməsinin 22.07.2016-cı il tarixli, 2-1(81)-3620/2016 nömrəli qərarına əsasən, "Zaminbank” ASC məcburi qaydada ləğv edilmiş və Əmanətlərin Sığortalanması Fondu 24.07.2016-cı il tarixdən "Zaminbank” ASC-nin ləğvedicisi təyin edilib. Həmin Məhkəmənin 19.09.2016-cı il tarixli, 2-1(81)-3620/16 nömrəli qərarı ilə ”Zaminbank” ASC müflis elan edilərək barəsində iflas proseduruna başlanılıb. Bank məhkəmə qərarı əsasında müflis elan edildikdən sonra Bankın aktiv fəaliyyət göstərdiyi müddət ərzində bağladığı müqavilələrin icra olunması, aktivlərin realizəsi, kredit yığımlarının həyata keçirilməsi, borcalanların öhdəliklərinin tam icra edilməsi üçün Bankın ləğvetmə prosesinin yekunlaşması uzun müddət tələb edir. Qanunvericilikdə ləğv prosesində olan bankın ödəniş növbəliliyi üzrə öhdəliklərin icra edilməsi müddəti müəyyənləşdirilib", - deyə məlumatda vurğulanır.

"Əlavə etmək istərdik ki, Qanunun 82.1.2-ci maddəsinə əsasən, LPO "Zaminbank” ASC üzrə hazırda fiziki şəxslərin əmanətlərinin sığortalanması üzrə Fondun reqres hüquqlarından irəli gələn tələblərin icrası davam etməkdədir. Belə ki, Fond tərəfindən ümumilikdə 76.594.114 manat məbləğində vəsait Bankın əmanətçilərinə kompensasiya edilmiş və hazırki tarixədək reqres tələbindən irəli gələrək 60.728.797 manat məbləğində vəsaitin Fonda qaytarılması təmin edilib. Qanunun müddəlarına əsasən, kreditorların banka qarşı təsdiqlənmiş tələblərinin təminatı və bankın öz tələblərinin təminatı olan bütün aktivlər ləğvedici tərəfindən bankın müflis elan olunması haqqında məhkəmə qərarının qanuni qüvvəyə minməsi tarixindən 30 gündən gec olmayaraq açıq hərracda satılır. Lakin Məhkəmə qərarı əsasında müsadirə olunmuş əmlak (lar)ın sərəncamvericisi qismində ləğvedici çıxış etmədiyindən belə əmlakların özgəninkiləşdirilməsi Fondun səlahiyyətləri xaricindədir. Hazırda sadəcə sorğuda adı çəkilən hüquqi şəxs barəsində deyil, həmçinin LPO "Zaminbank” ASC-nin digər borcalanlarının kredit yığımlarının həyata keçirilməsi istiqamətində məhkəmə və icra orqanları ilə sıx qarşılıqlı əlaqə şəraitində işlər davam etdirilir", - deyə Fondan belə bildirilib.

Aydın görünür ki, Əmanətlərin Sığortalanması Fondu məsuliyyəti öz üzərindən ataraq ümumi sözlərlə məsələyə münasibət bildirib.

Mərkəzi Bank isə belə deyir...

Mərkəzi Bank da təxminən oxşar açıqlama verib və problemi həll edəcəyini deyir: "Ləğv prosesində olan "Zaminbank” ASC ilə bağlı daxil olan sorğunuz üzrə bildiririk ki, Azərbaycan Respublikası 1 saylı Bakı İnzibati-İqtisadi Məhkəməsinin (Məhkəmə) 22 iyul 2016-cı il tarixli qərarına əsasən "Zaminbank” ASC (Bank) məcburi ləğv edilmiş və Əmanətlərin Sığortalanması Fondu (Fond) 24 iyul 2016-cı il tarixdən Bankın ləğvedicisi təyin edilib. Məhkəmənin 19 sentyabr 2016-cı il tarixli qərarı ilə Bank barəsində iflas proseduruna başlanılıb".

"Bankın idarə olunması üzrə bütün səlahiyyətlərin həyata keçirilməsi, bankın aktivlərinin idarə edilməsi, kreditorların tələblərinin qeydə alınması və onların ödənilməsi, eləcə də bankın qarşısında olan borcların qaytarılması üzrə tədbirlərin görülməsi, bankın aktiv və öhdəliklərinin satışının və ya köçürülməsinin həyata keçirilməsi "Banklar haqqında” Qanunun (Qanun) 71.7-ci maddəsinə müvafiq olaraq ləğvedicinin (Fond) səlahiyyətindədir. Qanunun 71.4-cü maddəsinə uyğun olaraq ləğvedici məhkəmənin nəzarəti altında və Mərkəzi Bank ilə sıx qarşılıqlı əlaqə şəraitində fəaliyyət göstərir", - deyə məlumatda qeyd olunur.

Apardığımız araşdırmalara görə, "Zaminbank" ASC-nın Mərkəzi Banka 83 milyon manat borcu var. Eyni zamanda, 187 milyon manatdan çox dəyəri olan və məhkəmə qərarı ilə müsadirə olunmuş əmlakı var.

Amma Mərkəzi Bank bu araşdırmanın nəticələri ilə razılaşmır: "Müsadirə edilmiş əmlakların dəyəri ilə bağlı müraciətinizdə qeyd edilən məlumatlar həqiqəti əks etdirmir. Qanunvericiliyə uyğun qaydada kreditlərin təminatı olan Bankın balansında olan əmlakların satışı üzrə lazımi tədbirlər Fond tərəfindən, digər əmlaklara münasibətdə isə Mərkəzi Bank tərəfindən hüquqi tədbirlər görülməkdədir. Cari dövrədək vətəndaşların qorunan əmanətlərinin kompensasiya olunan hissəsinin 99%-i (2084 nəfər müştəri üzrə 76.594.114 manat) ödənilib. Ödənilmiş kompensasiya məbləğinin təqribən 60 milyon manat məbləğində hissəsi Bankın aktivlərinin yığımı və satışı nəticəsində bərpa edilib. Qanunun 82-ci maddəsinə əsasən Bankın Fond qarşısında olan öhdəliyinin tam şəkildə icrasından sonra digər növbəliklər üzrə tələblərin ödənişi davam etdiriləcək".

"Elxan İsmayılov Azərbaycan Dəmir Yolları QSC-nin İnfrastruktur Departamentinin 1 nömrəli H.Z.Tağıyev işarəvermə və rabitə sahəsinə 2 il öncə rəis təyin olunandan sonra müəssisədə kütləvi ixtisarlar, maxinasiyalar, özbaşnalıqlar baş verməyə başlayıb". Bu barədə "DİA-AZ"a göndərilən məqalədə deyilir.

Məqalədə daha sonra bildirilir: "Bildiyimiz kimi, Dəmir Yollarında yenidənqurma işləri gedir. Bu işlər “Kolin” tikinti şirkəti tərəfindən həyata keçirilir. Elxan İsmayılov öz şəxsi 40 000 (qırx min) manatlıq traktorunu şrkətə icarəyə verib, onlarda aylıq 4000 manat pul alır. Görəsən, cəmi 2 ildir təyin olunmuş rəis nə qədər pul qazanıb ki, qırx minlik traktor ala bilib?!

Bu traktor əmək haqqı ilə alınıb?! Yenidənqurma işlərini əslində “Kolin” şirkəti həyata keçirməlidir, lakin Elxan İsmayılov tabeçiliyində çalışan sahənin işçilərini məcburi
əməyə cəlb edir və onlara bu işləri görə əmək haqqı ödəmir. Sahədə fəaliyyət göstərməyən sexlər mövcuddur. Onlardan bri “Çeşidləmə təpəsi” adlı sexdir. Çeşidləmə təpəsinin fəaliyyət göstərməsi üçün , nə yol, nə yol dəyişənlər, nə də kommunikasiya qurğuları mövcud deyil. Buna baxmayaraq sexdə bir neçə işçinin adı gedir, əmək haqqı alırlar. Onlardan biri Almaz Əliyevadır, sahənin keçmiş insan resursları üzrə mütəxəssisi ( heç bir ali təhsili yoxdur).

Törətdiyi korrupsiya əməllərinə görə tutduğu vəzifəsindən azad edilib. Lakin, Elxan İsmayılov və onun yaxın dostu xidmət rəisi Qəzənfər Abduləzimov onu həmin bu fəaliyyət göstərməyən sexdə elekrik mexaniki vəzifəsinə təyin ediblər. Eləcədə A.Əliyevaya imkan yaradılıb ki, o yenə insan resurslarına aid otaqda oturaraq öz köhnə fəaliyyəti ilə məşğul olsun. Sexin “böyük mexaniki” Eşqəli Quliyev isə Elxan İsmayılovun ailəsinin şəxsi sürücüsü kimi fəaliyyət göstərir. Sexin digər “mexaniki” İlyas Şamilov isə Almaz Əliyevanın sürücüsüdür. Onların idarə etdiyi avtomobillər isə xidməti avtomobillərdir və əslində Biləcəri sahəsinə aiddir və orada qarajda saxlanılmalıdır. Lakin Qəzənfər Abduləzimov və Elxan İsmayılov dövlət müəssəsini və dövlət əmlakını istədikləri kimi idarə edirlər.

Eləcə də İşarəvermə və rabitə xidmətinin insan resursları üzrə baş mütəxəssisi Almaz Əliyeva ilə əlbir olan Sevinc Məmmədovada vəzifəsindən azad edilmişdi. Lakin 3 aydan sonra yenə öz işinə qayıtdı. Görəsən bu maxinasiyalar törətmiş qadınları niyə himayə edirlər. Çünki onlar sahə və xidmət rəislərinin qara kassalarıdır. Sahənin işçiləri, Almaz Əliyevanın vəzifəsindən azad olunduğu halda, niyə qeyri-qanuni olaraq insan resursları kimi fəaliyyətinə davam etdiyini xəbər aldıqa, Sevinc Məmmədova cavab verib ki: “Sizin nəyinizə lazımdır, kim harada oturub, nə iş görür?! Rəhbərlik özü bilər hansı işçini harada oturdur. Siz rəhbərliklə rəhbərlik edəcəksiz?”

Görəsən, rəhbərliyə kim icazə verib ki, qeyri-qanuni hərəktlər etsin?! Məgər bunlar ölkənin qanunvericiliyini saymırlar? Gördüyünüz kimi bu qurumda qanunun aliliyinə
hörmət edilmir. Bu yəqin ki, özbaşınalığın son həddidir. Deyəsən, Azərbaycan Dəmir Yolları QSC başqa ölkədir və onun Azərbaycan Respublikasının qanunlarından fərqli öz qanunları var..."

DAVAMI MÜTLƏQ VAR...

Sumqayıt Şəhər İcra Hakimiyyətinin tabeliyində fəaliyyət göstərən Sumqayıt Şəhər Mənzil Kommunal Təsərrüfatı İstehsalat Birliyi (MKTİB) Yaşıllaşdırma İdarəsi yenə də yaşıllıqların salınması ilə bağlı tender elan edib.

Qaynarinfo xəbər verir ki, bu dəfə də tenderin qalibi "Saffari Plus" MMC seçilib. Şirkətin qiymət təklifi 294 292 manat olub.

"Saffari Plus" MMC cari ilin avqust ayının 12-də də Sumqayıt MKTİB-nin Yaşıllaşdırma İdarəsinin eyni tenderi üzrə qalib seçilmişdi. Şirkətin həmin tender üzrə qiymət təklifi 293 230 manat olmuşdu.

Ötən il isə "Sffari Plus" MMC Sumqayıt MKTİB-nin 3 tenderinin qalibi seçilib. Bu tenderlər də yaşıllıqların salınması ilə bağlı elan edib. Satınalma müqavilələrin ümumi maliyyə dəyəri 855 382 manatdır.

"Sffari Plus" MMC 26 yanvar 2023-cü ildə vergi qeydiyyatına alınıb. Aydın olur ki, şirkət bir neçə ay sonra tenderlərdə iştirak etməyə başlayıb və əsasən Sumqayıt MKTİB-nin Yaşıllaşdırma İdarəsinin keçirdiyi satınalma müsabiqələrinin qalibi seçilib. Bu da şirkətlə bağlı müəyyən şübhələrə yol açır.

"Saffari Plus" MMC-nin qanuni təmsilçisi Zeynalova Nuranə Şahin qızıdır. Araşdırmalarımız zamanı məlum olub ki, o, həm də "4 MM Aqro" MMC-nin qanuni təmsilçisidir. Bu şirkət də "Saffari Plus" MMC ilə eyni gündə vergi qeydiyyatına alınıb.

Maraqlıdır ki, Dövlət Vergi Xidmətinin reyestr məlumatlarında adıçəkilən şirkətlərin hüquqi ünvanı qeyd edilməyib.

Açıq mənbələrdə "Saffari Plus" MMC və "4 MM Aqro" MMC barəsində heç bir məlumata rast gəlinmir. Nuranə Zeynalova haqqında hər hansı məlumat yoxdur. Bu isə şirkətlərin sadəcə tender əməliyyatları üçün yaradıldığını, Nuranə Zeynalovanın isə təmsilçiliyinin formal olduğuna aair şübhələri artırır.

Sumqayıt MKTİB-nin Yaşıllaşdırma İdarəsinin rəisi İlyas Həsənovdur. O, Qaqçqınlar və Məcburi Köçkünlərin İşləri üzrə Dövlət Komitəsinin keçmiş sədri, baş nazirin sabiq müavini Əli Həsənovun qardaşıdır.

Sumqayıt Şəhər İcra Hakimiyyətinin başçısı isə Zakir Fərəcovdur.

Qaynarinfo

Baş məsləhətçinin COP29 ərəfəsində xaricə üz tutmasına səbəb nədir?

Abşeron Rayon İcra Hakimiyyətinin baş məsləhətçisi Nurlan Həsənov Sloveniyaya gizli səfər edib. İcra başçısı Abdin Fərzəliyevin sağ əli olan Nurlan Həsənovun COP29 ərəfəsində “qürbətə” üz tutmasının səbəbləri isə olduqca ilgincdir.

COP29 vacibdir, pul isə ondan da vacib...
Bu barədə TEREF-ə göndərilən məqalədə deyilir.

Müəllif məqalədə daha sonra yazır: Nurlan Həsənovun Sloveniya səfərində əsasən iki məqsəd var ki, bunlardan biri baş məsləhətçinin bu ölkədə Azərbaycan pulları hesabına qurduğu böyük biznes şəbəkəsidir. Uzun illərdir ki, ölkədən külli miqdarda valyuta çıxaran və bu pullarla Avropanın bir sıra ölkəsində, o cümlədən Sloveniyada cah-cəlal quran Nurlan Həsənov, Qərb ölkələrində öz biznes imperiyasını sürətlə genişləndirməkdədir. Baş məsləhətçinin COP29 ərəfəsində Sloveniyaya gizli səfəri də sahibi olduğu biznesin mövcud durumunu yerindəcə yoxlamaq, biznes siyasətində müəyyən dəyişikliklər etmək istəyi ilə bağlıdır. Görünən odur ki, başda Prezident İlham Əliyev də daxil olmaqla bütün ölkənin COP29 tədbirlərinə səfərbər olduğu bir zamanda, Nurlan Həsənov şəxsi biznesinin qayğısına qalmağı daha vacib hesab edir. Görünür baş məsləhətçi COP29-u vacib hesab etsə də, şəxsi gəlirini ondan daha vacib və təxirəsalınmaz hesab edir.

Nurlan Həsənov ölkədən sadəcə pul deyil, həm də informasiya çıxarır?

Nurlan Həsənovun Sloveniya səfəri ilə bağlı ilginc məqamlardan biri də baş məsləhətçinin bu və digər Avropa ölkələrində bəzi şəxslərlə müəyyən görülər keçirməsi, ölkə ilə bağlı bir sıra informasiyaları onlara çatdıra biləcəyi ilə bağlıdır.
Heç kimə sirr deyil ki, bu gün bir sıra xarici ölkələr, eləcə də xaricdəki söyüş müxalifəti ölkəmizə qarşı informasiya müstəvisində müəyyən təxribatlaırn törədilməsində maraqlıdır. Bu baxımdan Nurlan Həsənov tərəfindən bu dairələrə verilə biləcək hər hansı bir informasiya ölkəmizə qarşı informasiya hücumları üçün zəmin yarada bilər. Ona görə də Nurlan Həsənovun Sloveniya səfəri və bu səfərin arxasında dayanan səbəblərlə bağlı əlaqədar dövlət qurumlarının əsaslı araşdırmalar aparması faydalı olar.
Davamı olacaq...
Qarşı tərəfin iddialrla bağlı fikirlərini öyrənmək istəsəkdə zənglərimizə cavab verən olmadı!
Müəllifin səsləndirdiyi bu iddialarla bağlı qarşı tərəfində mövqeyini dərc edə bilərik!
TEREF

Qubadlı rayonu, Xallava kənd sakini Nəcəfova Kifayyət Əşrəf qızı tərəfindən Hurriyyet.az saytının redaksiyasına şikayət məktubu daxil olub. Şikayətçinin müraciətini olduğu kimi dərc edirik:

“Mən, Nəcəfova Kifayyət Əşrəf qızı, yazaraq bildirirəm ki, 04.04.1961-ci ildə anadan olmuşam. Hazırda Bərdə rayonunda yerləşən internat məktəbinin yataqxanasında yaşayıram. Bərdə Rayon Mərkəzi Xəstəxanasının Uşaq şöbəsində xadimə işləyirəm.

Sol döşümdə şiş olduğu üçün 2021-ci ildə cərrah, həm də Bərdə Rayon Mərkəzi Xəstəxanasının direktoru olan Vüsal Məmmədova müraciət etdim. Ona görə ki, Vüsal həkim məni 2017-ci ildə əməliyyat etmişdi. Mən ondan çox razı qaldığım üçün, təkrar Vüsal həkimə müraciət etdim. Bildirdim ki, məni özü əməliyyat etsin, heç kəsə əmanət etməsin.

Mənə dedi ki, qorxma, həkim-cərrah Bəhruz Abbasov əmaliyyat paketi hazırlasın, səni özüm əməliyyat edəcəm. Lakin Bəhruz həkim mənə söylədi ki, səni özüm əmaliyyat edəcəm. Mən Bəhruza bildirdim ki, onun əməliyyat etməsini istəmirəm.

Sonra məlum oldu ki, Vüsal Məmmədov məndən xəbərsiz əməliyyatımı Bəhruz həkimə və uşaq cərrahı Ramiz Əhmədova həvalə edib. Qeyd edim ki, Bəhruz həkim məndən şişin harda olduğunu belə soruşmayıb. Məni analiz, rentgen belə etmədilər.

Hazırda sol qolum yuxarı qalxmır.

Vüsal həkimə dedim ki, sizi Mehriban Əliyevaya şikayət edəcəm, cavab verdi ki, boş şeydir, kimə istəyirsən şikayət elə.

Bildirim ki, Bərdədə 148 nəfər işçinin 111 nəfərini “yararlı” yazıblar. Kimin pulu yoxdur, onları “yararsız” yazıblar. Mən niyə yararsız oluram? Xadimə işləyirəm, yük daşımıram, uzaq yol yerimirəm. Qəsdən belə edirlər”.

Qeyd edək ki, Kifayət Nəcəfovanın şikayəti ilə bağlı Bərdə Rayon Mərkəzi Xəstəxanasının direktoru Vüsal Məmmədovun da mövqeyini öyrəndik: “Bu, olub-bitmiş məsələdir. Bu məsələ ilə bağlı Kifayyət Nəcəfovanın TƏBİB-də rəsmi açıqlaması olub. Həkimlərin hər ikisinin səhvləri olub deyə, onlara xəbərdarlıq edilib. İcbari Tibbi Siğorta tərəfindən də bu məsələ araşdırılıb. Prokurorluqda da aydınlaşdırılıb. Bildiyim qədəri ilə Nəcəfova Kifayyət barəsində məhkəmə qərarı da olmalıdır.

Baş prokuror yanında Korrupsiyaya Qarşı Mübarizə İdarəsinə kimi şikayət edib. Yəni bu məsələ bütün platformalarda araşdırılıb. Kifayyət Nəcəfova TƏBİB tərəfindən də həkimlər təmin olunub, əməliyyatı tamamlanıb. Onun iddia etməyə haqqı yoxdur. Keçmişdə əlillik dərəcəsi varmış. Hazırda da “əmək qabiliyyəti olmayan” kimi həkim məsləhət komissiyası tərəfindən ekspertizaya göndərilir. Ora da getmək istəmir. Ya gedib əlilliyini təsdiq etməlidir, ya da əlillik qalsa işinə xitam verilməlidir. Və ya əlilliyi ləğv olunmalıdır”.

Məsələ ilə bağlı yazıda adı çəkilən həkim-cərrah Bəhruz Abbasovla da danışdıq: “Nəcəfova Kifayyət həkimlərə böhtan atır. O, böhtan atmaqla məşğuldur. Valideynlərimizi, bizləri təhqir edir. Qeyd edim ki, bir vaxtlar Azərbaycan vətəndaşlığından da imtina etmişdi, Ermənistan tərəfinə keçmək istəyirdi…”.

Oktyabrın əvvəllərində Aktulinfo.org “Antiinhisar Ağentliyi Goranboy Suvarma İdarəsinin şişirtdiyi qiymətlərə bəs niyə göz yumub” sərlövhəli məqalə dərc olunmuşdu. Həmin məqalədə Goranboy Suvarma Sistemləri İdarəsinin Satınalma Komissiyası “Dövlət Satınalmaları Haqqında” Qanununun tələblərini kobud şəkildə pozaraq, 3 pilləli Səfikürd nasos stansiyasının 1-ci pilləsində (D=1020x10mm,L=9.0 km) boru xəttinin təmiri işlərinin satın alınması üzrə 309.997,2 manat məbləğində “Dostluq H-EL” MMC ilə satınalma müqaviləsi bağlamasından bəhs edilirdi.
Qeyd edək ki, Goranboy Suvarma Sistemləri İdarəsinin 08.10.2024-cü ildə “Dostluq H-EL” MMC ilə 3 pilləli Səfikürd nasos stansiyasının 1-ci pilləsində (D=1020x10mm,L=9.0 km) boru xəttinin təmiri işlərinin satın alınması üzrə 309.997,2 manat məbləğində bağladığı satınalma müqaviləsində qanun pozuntuları olduğunu açıqlamışdıq.
Sözügedən “Dostluq H-EL” (VÖEN: 2007644391) MMC Dövlət Vergi Xidmətinin Bakı şəhəri Lokal Gəlirlər Baş İdarəsində 10.10.2022-ci ildə dövlət qeydiyyatına alınıb. Nizamnamə kapitalı 50 manatdır. Hüquqi ünvanı BAKI ŞƏHƏRİ XƏTAİ RAYONU, ZIĞ ŞOSSESİ, ev 4, BLUE OFFİCE, MƏRT. 5, qanuni təmsilçisi isə Babayev Mehti Nadır oğludur. Məqalə dərc olunanda MMC-nin dövlətə 120 597. 28 manat ödənilməmiş vergi borcu olduğunun yazmışdıq. Hazırkı günə MMC-nin vergi borcu qismən ödən ilib və 113 380 manat təşkil edir.
Eyni zamanda internet üzərindən araşdırma apardıqda bu il “Azərenerji” ATSC “Elektrik Stansiyalarında istifadə olunacaq müxtəlif energetik yağların satın alınması (elektrik stansiyaların mühərriklərində mövcud olan energetik yağlara istehsalçının tələbinə və avadanlıqların istismar qaydalarına uyğun olaraq eyni markalı yağların əlavə edilməsi və yenilərinin tədarük olunması)”üçün “Dostluq H-EL” MMC -yə 2 979 522 manat ödəməli olacağından bəhs edilir.
Bu günlərdə redaksiyamızın elektron poçtuna “Dostluq H-EL” MMC ilə bağlı şikayət mktubu daxil olub. Şikayət məktubunda deyilir: “Oktyabrın 10-da derc etdiyiniz xəbərdə adı çəkilən “Dostluq H-EL” şirkəti ilə bağlı bizim də narazılığımız var. Xəbərdə adı hallanan Mehdi Babayev əslində aysberqin görünən tərəfidir. Bütün işləri demek olar şirkətin əvvəlki qanuni təmsilçisi Şərifov Elçin Fərman oğlu idarə edir. Artıq 2 ildən çoxdur ki bu şirkət bir çox işçinin əmək haqlarını ödəmir, 100 min manatdan artıq vergi borcu olduğu halda tenderlərə qatılır ve ‘udur’. Öz pulunu istəyən işçilərə isə Şərifov tərəfindən hədə-qorxu gəlinir. Bu MMC ilə bağlı dəfələrlə şikayet edilib. Ancaq hələ də maaşını ala bilməyən işçilər var. Xahiş edirik bu məsələni işıqlandırasız. Biz bildiyimiz qədər şirkətin əsl sahibi Şərifov Elçinin yaxın dostu ehtiyatda olan generaldı.Hansı ki Elçin Şərifov ona arxayın olub istədyini edir”.
Şikayətdən də göründüyü kimi “Dostluq H-EL” MMC dövlət sifarişini yerinə yetirə bilmir, işçilərin əmək haqqını kəsir. Goranboy Suvarma Sistemləri İdarəsinin rəisi İlqar Məhərrəmov da belə bir şirkətlə dostluq edərək dəyəri yüz minlərlə ölçülən satınalma müqaviləsi bağlayıb.
Qeyd edək ki, Prezident İlham Əliyevin Azərbaycan Dövlət Su Ehtiyatları Agentliyinin fəaliyyətinin təmin edilməsi ilə bağlı bir sıra tədbirlər haqqında 17.11.2023-0cü il tarixli fərmanı ilə Azərbaycan Meliorasiya və Su Təsərrüfatı Açıq Səhmdar Cəmiyyətinin çevrilmə formasında yenidən təşkili yolu ilə Regional Su Meliorasiya Xidməti, Suların İstifadəsinə və Mühafizəsinə Dövlət Nəzarəti Xidməti yaradılıb.
Azərbaycan Dövlət Su Ehtiyatları Agentliyinin sədri Zaur Mikayılovun əmri ilə 26.06.2024-cü ildən Meliorasiya və Su Təsərrüfatı Açıq Səhmdar Cəmiyyəti sədrinin müavini olmuş Rafiq Aslanov Suların İstifadəsinə və Mühafizəsinə Dövlət Nəzarəti Xidmətinin rəisi rəisi təyin edilib.
Qeyd edək ki, Goranboy Suvarma Sistemləri İdarəsinin rəisi olmuş, “Dostluq H-EL” və digər bir çox MMC ilə şübhəli satınalma müqaviləsi bağlamış İlqar Məhərrəmovun vəzifəsi bu günlərdə böyüdülüb .Bundan sonra o təkcə Goranboyun deyil ətraf rayonlara da nəzarət edəcək. Dövlət Su Ehtiyatları Agentliyinin sədri Zaur Mikayılov İlqar Məhərrəmovu yeni yaradılan Suların İstifadəsinə və Mühafizəsinə Dövlət Nəzarəti Xidmətinin 10 saylı Gəncə-Daşkəsən Regional Bölməsinə rəis təyin edib.
Qeyd edək ki, üzü Göygöl Suvarma Sistemləri İdarəsindən tutmuş, Goranboy Suvarma Sistemləri İdarəsinə qədər haqında heç də yaxşı rəy formalaşmayan, adı kifayət qədər qalmaqallarda və digər xoş olmayan əməllərdə hallanan İlqar Məhərrəmov hansı xidmətlərinə görə daha yüksək vəzifəyə layiq görülüb, anlaşılan deyil.

Aktualinfo.org

Qazax kollecində bitməyən korrupsiya, qanunsuzluq, dələduzluq hallarına nə vaxt son veriləcək?
Qazax rayon Dövlət Sosial-İqtisadi Kollecin Direktoru Elşad Quliyev haqqında həddindən artıq məlumatlar yayılmışdır. Demək olar ki, bütün qanunsuzluqlardan uğurla istifadə edən Elşad Quliyev hələ də vəzifəsindən azad edilməmiş, hətta həbs edilməmişdir.
Niyə Emin Əmrullayev belə bir şəxsin təhsil sahəsində vəzifə tutmasına və davamlı olaraq belə qanunsuzluqlar, korrupsiya hallarları yaratmasına icazə verir?.
Xüsusilə təhsil ocağının başında bu tip şəxslərin olması gələcəyimizi, övladlarımızı daha da bərbat bir həyata hazırlayır. Hər şeyi daha da çətinləşdirir. Yalandan deyilmiş bütün təhsil addımlarını, qiymətləndirmələr, inteqrasiyalar, layihələr-hamısını yalanlayır. Göz boyamaq üçün istifadə olunan bütün o xəbərlərin əslində çox mənasız olduğunu və hələ də təhsilimizin monarxiya rejimində idarə edildiyini, qanunsuzluğun, qohumbazlığın, daydaylığın, korrupsiyanın əsas olduğunu açıq-aşkar göstərir. Yalanlara nə ehtiyac var ki, hər şey illərdir göz önündədir. O qədər insanın məhv olmuş həyatına qarşılıq səssizliyi seçən insanlardan necə bir uğur gözləmək olar? Təhsilimizi onlara necə əmanət etmək olar?
Sizlərə Elşad Quliyev haqqında bir az daha geniş məlumat vermək istərdim.
1. 100 nəfərə yaxın tələbə aylığa buraxılıb. İddaya görə, Hər aylığa buraxılan tələbə bir smestr üçün direktor Quluyevə 1000 azn pul verir.
2. Tələbələrin təhsil haqqı hesabına formalaşan kollecin xüsusi hesabına yığılan 100 minlərlə vəsait direktorun müxtəlif yollarla etdiyi maxinasyalarla kotirovka edilib mənimsənilir. Halbuki həmin xüsusi hesabdan kollecin müəllimlərinə ildə bir neçə dəfə premya verilməlidir (məsələn 5 okyabr müəllim günü,8 mart beynəlxalq qadınlar günü və.s). Lakin demək olar ki buna əməl edilmədiyi qeyd edilib.
3. Qazaxda Qeydiyyat şöbəsi, Hüseynbəyli kəndinə gedən yolun kənarında, altı mağaza, üstü kafe kimi fəaliyyət göstərir. Digəri isə yeni tikiməkdədir. Maraqlısı bundadır ki, obyektlərin hər biri onun ailə üzvlərinin adına sənədləşdirildiyi bildirilir
4. Elşad Quliyevin həyat yoldaşı Qazaxda Hüseynbəyli məktəbində təlim-tərbiyə müəllimi vəzifəsində çalışsa da, İNTİM VİDEOSU yayıldığından məktəbdən kənərlaşdırılmış və hal-hazırda isə işə qayıtdığı bildirilir.
5. Kollecinin qanuni sürücü ştatı olsa da Elşad Quliyev avtomobili qohumlarının birinin adına yazdırıb və əməkhaqqı kartını mənimsəmək yolu ilə avtomobili özü idarə edir.
6. Kollecdə fəhlə və xadimə ştatında olan bir çox işçilər özlərinə aid olan vəzifəni yerinə yetirmək əvəzinə bütün günü kabinetdə əyləşirlər. Dövlətdən hər ay maaş alan bu şəxslər vəzifələrini icra etmirlər. Hamısı karta görə işədüzələn qohum-tanış və pulla işə düzələnlərdir.
7. Mart ayında işə götürdüyü işçini fevral ayında aldadaraq işdən çıxarmalı oldu. Səbəb isə,özünün dediyinə görə,ona göstərilən göstəriş olub. (Hansı ki, faktlar var idi)
8. Elşad Quliyev təhsil naziri Mikayıl Cabbarovun əmri ilə kollecə direktor müavini təyin olunmuş Nicat Göyüşovu sıxışdırmağa, ona hədə-qorxu gəlməyə, kollektivi üstünə qaldırmağa, olmayan hadisələri "sənədləşdirərək” polisi işə qatmağa və bu yolla istəyinə nail olmağa çalışmışdır
9. Eldar Mahmudovun kollec direktoru olan qohumu Tədris planında olmayan dərslər məhz onun əli ilə hər biri 200-300 saat olmaqla müəllimlərə pay-puş edilib və əvəzində də onlardan 6-7 min manat alınaraq cibdaşına ötürülüb.
10. Elşad müəllim ödənişli pulların hesabına təkcə oktyabr ayında 80 min manat alaraq bir hissəsini mənimsəyib. Müəllimlərə saat hesabına verdiyi dərslərin əvəzinə hər ay 200-300 manat maaş yazaraq hərədən 50 manat qoparır.
11. Ailə başçısını itirmiş tələbələrin hər birinə dövlət tərəfindən ayrılan 500 manatı da Elşad müəllim həzm-rabedən keçirir.
12. Kollecdə bufet açaraq hər ay oradan 200 manat icarə haqqı alır.
13. Heç bir hüquqi sənədi-filanı olmadan, dövlət qeydiyyatından keçmədən kollecdə kompüter kursu açmazdı və saxta yolla uşaqlara 200 manata diplom satmazdı.
14. Kolleclə üzbəüz Heydər Əliyev prospektində sabiq bələdiyyə sədri Oktaydan 70 minə obyekt alıb hər ay 500 manata qeydiyyat idarəsinə arendaya verir.
15. Hüseynbəyli kəndinin yol ayrıcında iki mərtəbəli mağaza, kafe-yeməkxana-çayxana tikdirib.
16. «Azpetrol»un arxasında dəyəri 100 min manatı arxada qoyan villa ucaldıb.
17. Bakıda neçə-neçə ev tikdirməz, Tibb Universitetində təhsil alan qızı üçün hər il 3 min manat təhsil haqqı verir, bir neçə adda xarici maşınları var.
18. Tədris planının tələblərini tam yerinə yetirməyən tələbələrə saxta diplomların verilməsi, ixtisası uyğun gəlməyən şəxslərin müəllim kimi işə qəbul edilməsi, həmçinin tələb olunandan çox sayda müəllim işə götürüldüyü üçün dərs saatlarının hər hansı bir formadasa, əsassız şəkildə şişirdilməsi kimi qanun pozuntuları var.
19. Direktorun birinci müavinini təyin etmək səlahiyyəti Təhsil nazirindədir. Direktor həmin Vüqar Eyyubov ad-soyadlı şəxsi özbaşına müavin təyin etmişdi.
20. Direktor 2016-cı ildə ödənişli əsaslarla oxuyan tələbələrin də təqaüd ala biləcəyi haqda Nazirlər Kabinetinin qərarının qulaqardı edirdi. Həmçinin onlara mühasibatlıq sənədlərində adı olub, anbara daxil edilməyən mallar haqqında və daha ciddi qanun pozuntuları var.
Hüseynbəyli kəndin girişindəki böyük mağaza yeznəsi Fuad Şahmalıyevin adınadır.
Bakıda Kürəkəni Ruslana ev və maşın alıb.
Çinar dibi deyilən yerdə (Bayraq meydanına yaxın) təzə obyekt tikilir.
Qazaxın zaks idarəsi Elşad Quliyevə məxsus idi və 130000 Həkim Fərhadın oğluna satmışdır.
21. Qazax Dovlət Sosial-İqtisadi Kollecində dövlət vəsaitləri də mənimsənilir. Burada satınalmalar qanunla müəyyən olunmuş qaydada keçirilmir, direktorun əvvəlcədən sövdələşdiyi şirkətlərlə formal müqavilələr bağlanıldığı da söylənilir.
Qazax Dovlət Sosial-İqtisadi Kollecində külli miqdarda dövlət vəsaiti kotirovka sorğusu yolu ilə mənimsənilir. Onlardan bir neçəsini diqqətinizə çatdırırıq.
Dəftərxana və təsərrüfat mallarının satın alınması üzrə 19.539,8 manat dəyərinə satınalma müqaviləsi 06.12.2023-cü il tarixdə “AZİMUT TƏCHİZAT” MMC ilə bağlanılıb.
MMC 13.02.2020-ci ildə dövlət qeydiyyatına alınıb. Nizamnamə Kapitalı 20 manat, qanuni təmsilçisi Cəfərova Gülnarə Zair qızıdır. MMC-nin fəaliyyət sferası ilə bağlı heç bir məlumat yoxdu. İnformasiya texnologiyası avadanlıqlarının və lisenziyaların satın alınması, mətbəə məhsullarının satınalınması, mühafizə avadanlıqları, katriclərin doldurulması xidməti kimi müxtəlif lotlarda keçirlmiş kotirovka sorğularının qalibi olub. Bir çox səhiyyə, təhsil, mədəniyyət qurumlarının keçirdiyi şübhəli satınalmalarda adı hallanır.
Maşın və avadanlıqların satın alınması üzrə 15.999,62 manat dəyərinə satınalma müqaviləsi 06.12.2023-cü il tarixdə “STRİX” MMC ilə bağlanılıb.
MMC 22.09.2017-ci ildə dövlət qeydiyyatına alınıb. Nizamnamə kapitalı cəmi 5 manat, qanuni təmsilçisi Şirinov Pərvaz Rafael oğludur. MMC-nin fəaliyyət sferası ilə bağlı heç bir məlumat yoxdu. Maşın və avadanlıqların satınalınması, İKT və məişət avadanlıqlarının satın alınması kimi kimi müxtəlif lotlarda keçirlmiş kotirovka sorğularının qalibi olub. Bu MMC-nin də bir çox səhiyyə, təhsil, mədəniyyət qurumlarının keçirdiyi şübhəli satınalmalarda adı hallanır.
Cari təmir işlərinin satın alınması üzrə 28.010,9 manat dəyərinə satınalma müqaviləsi 01.11.2023-cü il tarixdə “GLOBAL SERVICES” MMC ilə bağlanılıb.MMC 28.11.2022-ci ildə dövlət qeydiyyatına alınıb. Nizamnamə kapitalı cəmi 10 manat, qanuni təmsilçisi Hüseynov Habil Qabil oğludur. MMC-nin fəaliyyət sferası ilə bağlı heç bir məlumat yoxdu. Dövlət Vergi Xidmətinin məlumatlarında vergi ödəyicisinin fəaliyyətinin dayandırıldığı göstərilir.
Qeyd edək ki, Sosial-İqtisadi Kollecin 2022-ci ildə satınalma müqaviləsi bağladığı “VARIANT-SEVIS” və “ORLONDO AZ” MMC-lərinin də Dövlət Vergi Xidməti tərəfindən ləğv edildiyi göstərilir. MMC-lərin müvafiq olaraq 35057.69 manat və 56204.86 manat vergi borcu var.
Xüsusi ixtisas və təcrübə tələb edən bu işləri görmək üçün bir neçə ildə yaranan, nəinki rəsmi veb-səhifəyə, hətta sosial şəbəkə hesabına sahib olmayan bu şirkətlərin hansı peşəkarlığa və təcrübəyə sahib olacağı aydın deyil.Qeyd edək ki, “Dövlət satınalmaları haqqında” Qanunun 6-cı maddəsində malgöndərənlərin (podratçıların) ixtisasına dair tələblər yer alıbHəmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır.“Dövlət Satınalmaları Haqqında” Azərbaycan Respublikası Qanununda açıq, aşkar qeyd olunur ki, iddiaçının son 1 (bir) ildəki (əgər daha az müddət fəaliyyət göstərirsə, bütün fəaliyyəti dövründəki) maliyyə vəziyyəti barədə bank tərəfindən verilmiş arayış; İddiaçının son 3 (üç) illik iş təcrübəsi, yerinə yetirdiyi işlər və müqavilələr barədə məlumatlar; İddiaçılar müvafiq satınalma müqaviləsini təmin etmək üçün müvafiq sahədə peşəkarlığının, işçi qüvvəsinin (cəlb olunacaq mütəxəssislərin peşə səviyyəsini təsdiq edən sənəd əlavə edilməlidir), texniki imkanlarının olması barədə məlumatlar mütləq olmalıdır. Bunlar olmadıqda iddiaçı tender müsabiqəsinə buraxılmamalıdır.Məsələ burasındadır ki, müsabiqənin qalibi olmuş “GLOBAL SERVICES” MMC-nin külli miqdarda vergi borcu var. İş burasındadır ki, “Dövlət Satınalmaları haqqında” Qanunun 6.2.5-ci maddəsinin tələbləri vergi borcu olan şirkətlərin tenderdə iştirakını istisna edir. Tenderdə iştirak üçün sənədlər təqdim olunarkən Qazax Dövlət Sosial-İqtisadi Kollecinin Tender Komissiyasının üzvləri məgər bunları görməyib?Qazax Dövlət Sosial-İqtisadi Kollecinin direktoru Elşad Quliyevin görəsən bunlardan xəbəri varmı?Yaxud “GLOBAL SERVICES” MMC,”VARIANT-SEVIS”, “ORLONDO AZ” MMC MMC,”AZİMUT TƏCHİZAT” MMC -lərlə ,yaxuda qanunları pozararaq kotirovka sorgusunun qalibi olmuş digər MMC-lərlə Elşad Quliyevi hansı maraqlar birləşdirir?Vergi borcu olan MMC-ni, Azərbaycan Respublikasının müvafiq qanunvericiliyini pozaraq kotirovka sorgusunun qalibi etməkdə Elşad Quliyev görəsən hansı maraqlar güdür?
Bütün bunlara rəğmən hələ də monarxiya, sizcə, hansı səbəbdən davam edir?

Mənbə: Tehsilmedia.az

“Dedilər ki, Prezidentin tapşırığı var, rayonda kimsəsiz uşaqlar üçün istirahət yeri tikilməlidir. Mənim də 8 sot torpağım Mingəçevirin ən yaxşı yerində, Kürün qırağındadır. Dedim, Prezidentimizin göstərişi qarşısında boynumuz qıldan incədir. Dedilər, əvəzinə mərkəzdən torpaq verərik sənə. Razılaşdıq. 200 min manatlıq torpağım əlimdən gedəndən sonra anladım ki, məni aldadıblar”.

Mingəçevir sakini Fəxrəddin Əhmədov Meydan TV-yə danışır ki, bir neçə il əvvəl Mingəçevir Şəhər İcra Hakimiyyətinin keçmiş icra başçısı (hazırda Gəncənin icra başçısıdır) Niyazi Bayramov və Mənzil Kommunal Təsərrüfatı İdarəsinin rəisi Şəhriyar Mustafayev tərəfindən aldadılıb. Vətəndaşın iddiasına görə, bir neçə il əvvəl Mingəçevir Şəhər İcra Hakimiyyətinə dəvət olunub. Ona bildirilib ki, Prezident tərəfindən Mingəçevirdə kimsəsiz uşaqlar üçün sanatoriya tikintisinə göstəriş verilib, onun mülkiyyətində olan torpaq sahəsi sanatoriyanın yeri üçün əlverişlidir. Əvəzinə başqa yerdə torpaq sahəsi ayırmaqla həmin sahəni ondan istəyiblər:

“Razılıq verdim, dedilər, sabah Şəhriyarın sürücüsüylə gedin notariusa, torpağı onun adına alqı-satqı et, Prezidentin tapşırığı əsasında işlər başlanmalıdır, vaxt yoxdur, sonra gerisini də həll edərik. Mən də inandım, düşündüm ki, sözü deyən bu boyda şəhərin başında dayanan icra başçısıdır. Sabahı gün getdik, 200 min manat dəyəri olan 8 sot torpağı 5 manata mənim adımdan alqı-satqı müqaviləsi ilə Şəhriyar Mustafayevin sürücüsünə verdim. Mənə heç 5 manat da verilməyib. Çünki əvəzi olaraq Mingəçevirin mərkəzində torpaq vəd olunmuşdu”.

“Gördüm ki, torpaqda iş aparılmır, geri tələb etdim”

Fəxrəddin Əhmədovun sözlərinə görə, vəd olunan torpağa görə bir neçə dəfə icra hakimiyyətinə get-gəl edib, üstəlik də torpaq sahəsində hər hansı iş aparılmadığını görüb:

“Hər dəfə bir bəhanə gətirirdilər. Qış keçsin yayda işlərə başlanılacaq, yay olurdu, deyirdilər, payız gəlsin, iş başlayacaq. Dedim, xeyli vaxt keçdi, burda heç nə tikilmədi. Ya torpağımı özümə qaytarın, ya da vəd etdiyiniz torpaq sahəsini verin”.

İcra hakimiyyətinin başçısı dəyişəndən sonra Fəxrəddin Əhmədov narahat olmağa başlayıb və Bakıdakı qurumlara yazıb:

“Baş Prokurorluğa, Korrupsiya İdarəsinə, Daxili İşlər Nazirliyinə yazmışam, hamısının da dəfələrlə qəbulunda olmuşam. Mehriban Əliyevanın qəbulunda olmuşam, köməkçisi qəbul edib. Mənim şikayət etdiyimi görəndə götürüb torpağı tez başqasının adına alqı-satqı ediblər”.

“O torpaqları məmurlar öz aralarında bölüşdürüb”

Fəxrəddin Əhmədov deyir, aldadılaraq əlindən alınan torpaq sahəsi 1991-ci illərin əvvəlinədək 5 nömrəli Dəmir-Beton Məmulatları Zavodunun işçiləri üçün istirahət zonası yaradılmasına görə ayrılıb: “Ancaq zavod fəaliyyətini dayandırdığı üçün bu, baş tutmayıb. 20 sot ərazinin 8 sotu ona fərdi ev tikmək üçün qanuni satılıb, qalan sahəni isə Mingəçevirin məmurları öz aralarında bölüşdürüb”.

“Gəncəyə də getmişəm, Niyazi Bayramovun qəbulunda olmuşam. O da mənim yanımda Şəhriyar Mustafayevə zəng vurub, deyib ki, bunun torpağını özünə qaytarın. Baxdım ki, mənimlə oyun oynayırlar, daha ora da getmirəm. Bircə Prezidentin qəbulunda olmamışam, başqa bütün məmurların qəbulunda olmuşam. İstəyirəm ki, Prezident bu işi nəzarətə götürsün, bilsin ki, bölgələrdə məmurlar onun adından istifadə edib vətəndaşların əmlaklarını fırıldaqçılıqla ələ keçirirlər”,-deyə Əhmədov əlavə edib.

Rəsmi qurum: “Özünə də, oğluna da torpaq ayrılıb”

Mingəçevir Şəhər İcra Hakimiyyətindən bildirilib ki, Fəxrəddin Əhmədov sözügedən torpaq sahəsini 2014-cü ilin 30 mayında Mingəçevir Şəhər 2 nömrəli Notariat Kontorunda vətəndaş Elşad Həsənova alqı-satqı müqaviləsi əsasında 5400 manata satıb. Elə həmin ilin iyulunda Mingəçevir Bələdiyyəsi ona fərdi ev tikintisi üçün şəhərdəki 17 saylı məktəbin qarşısındakı ərazidən oğluna 4, özünə də ayrıca 4 sot torpaq sahəsi ayırıb.

Fəxrəddin Əhmədovsa deyir, Mingəçevir Şəhər İcra Hakimiyyəti qəbula getdiyim Bakıdakı qurumlara da eyni sözü yazıb cavab məktubu göndərir. Əslində isə torpaq sahələrini yerli bələdiyyəyə rüsum ödəməklə özü alıb:

“Üst qurumlara cavab yazırlar ki, guya mənə həmin torpağın əvəzi olaraq 8 sot torpaq verilib. Halbuki, mən bələdiyyədən özümün və oğlumun adına rüsum ödəyib qanuni şəkildə torpaq almışam. Bunun o məsələyə aidiyyəti yoxdur”.

Hüquqşünas Namizəd Səfərov deyir, əslində rəsmi qurumun “vətəndaşa başqa yerdə torpaq ayrılıb” deməsi suallar yaradır:

“Hansı səbəbdən vətəndaşa torpaq ayrılıb? Elə durduğu yerdə vətəndaşa dedilər ki, gəl 4 sot sənə, 4 sot oğluna torpaq verək? Ondan alınan torpağın əvəzi olaraq ayrılıbsa, bəs vətəndaşdan aldıqları torpaq kimdədir? Bir halda ki, o torpağın üzərində Prezidentin göstərişi olduğu deyilən sanatoriyanı tikməyiblər, torpaq sahəsi niyə sahibinə qaytarılmayıb, başqasına satılıb? Vətəndaş bütün bunları məhkəmədə mübahisələndirə bilər”.

Abidin Fərzəliyev uzun illərdir ki, icra başçısı postunda işləyir. Bakının Nərimanov rayonunda, ardından isə Abşeron rayonunda icra başçısı olduğu müddətdə əhalinin rəğbətini qazanmaq üçün çox işlər görməyə çalışıb.

Daim Şəhid Ailələrinə, Qarabağ qazilərinə xüsusi həssaslıqla diqqət ayırıb. Bu kateqoriyadan olan insanlarla təmaslara üstünlük verib.

Bunu internet resurslarında Abidin Fərzəliyevlə bağlı informasiyalardan da aydın formada müəyyən etmək olar.

Mütəmadi olaraq şəhid ailələrini ziyarət edən icra başçısı bütün fəaliyyəti boyunca rəhbəri olduğu rayonda rəğbət qazanıb.

Amma təəssüflər olsun ki, son zamanlar Aidinn Fərzəliyevin nifuzdan salınması üçün yaxın çevrəsində olan insanlar sözün həqiqi mənasında əllərindən gələni edirlər.

Xüsusilə də qəbula gələn, müraciət edən vətəndaşlar müxtəlif bəhanələrlə icra başçısından narazı salınır. Demək olar ki, müxtəlif bəhanələrlə qəbula yazılmaq istəyən vətəndaşları qapıdan ümidsiz halda geri yollayırlar.

Günlərlə davam edən get-gəllər də fayda vermir. Hətta Abidin Fərzəliyevin qəbuluna gələn ağsaqqalar, Qarabağ qaziləri də var. Artıq son zamanlar qazilərimiz daim rahat bir formada təmas qura bildikləri A.Fərzəliyevin qəbulundan uzaqlaşdırıldıqlarını yazırlar.

Elə saytımıza da bu barədə xeyli sayda müraciətlər daxil olur.

Maraqlıdır ki, ilk iş yeri media olan, jurnalistlikdən ən yüksək vəzifələrə qədər yüksələrək, daim sadə camaatın qayğıları ilə maraqlanan Abşeronun İcra Başçısı haqqında mənfi obrazz yaratmağa çalışırlar.

Kim edir bunu?

Gundeminfo.az-a daxil olan məlumata əsasən sabiq icra başçısının komandasından olanlarla yanaşı onun güvəndiyi, Nərimanov Rayon İcra Hakmiyyətin özü ilə birlikdə gətirdiyi bir neçə məsul şəxs əllərindən gələni edirlər ki, Abidin Fərzəliyevdən Prezident Admiinstrasiyasına, mətbuata göndərilən şikayət məktubları çoxalsın.

İcra başçısının yerli icra nümayəndəliklərinə də ictimayyətdən uzaq durmaq tapşırığı verilib deyə, bu həm narazılıqların artmasına, həm də problemlərin hədəfi kimi İcra Başçısının göstərilməsinə səbəb olur.

Görünür bu məqsədli formada həyata keçirilir və aşkar olan odur ki, indi Abidin Fərzəliyevin nifuzdan salınması üçün yaxın ətrafında olan bir neçə məmur sürətlə vəzifə yüksəlişindən feyziyab olublar və daha yüksək məqama göz dikinblər.

Ardı mütləq var. Bizi izləyin.

Gundeminfo.az