 |
|
|
Lənkəran şəhər Xarici Dillər Təmayüllü Gimnaziyasında direktor işləyən 74 yaşlı Mənsur Ağayev məktəbi özünün şəxsi obyektinə çevirib.
Tehsil.biz xəbər verir ki, bu barədə sosial şəbəkədə məlumat paylaşılıb.
Qeyd olunub ki, adıçəkilən direktor müəllimlərin dərs bölgüsünü diaqnostik qiymətləndirmə balı ilə deyil, özünün şəxsi maraqları əsasında aparıb.
Şikayətçi şəxs bildirib ki, məsələ barəsində Elm və Təhsil Nazirliyinə dəfələrlə edilən müraciətlər cavabsız qalıb:
“Məktəbdə özbaşınalıq baş alıb gedir, belə görünür ki, direktorun bu hərəkətlərini ya nazirlik görmür, ya da kimlərsə onu himayə edir. Əgər belə olmasaydı, dəfələrlə Elm və Təhsi Nazirliyinə edilən şikayətlər cavabsız qalmazdı”.
Saatlı rayonu, Dədəqorqud kənd sakini Cavanşir Abbasov deyir, onun adına 20-ə yaxın bank kartı açılıb. Şikayətçi iddia edir ki, bank hesabları Saatlı rayonunun keçmiş icra başçısı Siraqəddin Cabbarovun vasitəsiylə açılıb. Cavanşir Abbasov bundan xəbərsiz olduğunu bildirir.
Kapital bank İctimaiyyətlə əlaqələr şöbəsinin rəhbəri Pərviz Sədrəddinov Toplum TV-yə açıqlamasında bildirib ki, vətəndaşın xəbəri olmadan onun adına kart açdırmaq mümkün deyil.
Cavanşir Abbasov isə deyir ki, Saatlı rayonunun Kapital Bankına kartları bağlamaq üçün müraciət edib. Amma Kapital Bankdan ona bildirilib ki, Saatlı rayonunun Dövlət Sosial Müdafiə Fondundan arayış almalıdır.
DSMF-dən bildirilib ki, vətəndaş şəxsiyyət vəsiqəsi ilə Kapital Banka müraciət edib, kartları bağlatdıra bilər.
Cavanşir Abbasov Saatlı rayonunun keçmiş icra başçısı Siraqəttin Cabbarovdan gileylənir. Deyir, keçmiş icra başçısı məhkəmədə iddia qaldırıb, ondan 30 000 manat təzminat tələb edir.
İddia ilə bağlı Saatlı rayonunun keçmiş icra başçısı ilə dəfələrlə əlaqə saxlamağa cəhd göstərsək də, mümkün olmayıb. //Toplum TV//
"227 saylı tam orta məktəbin direktoru Vətən müharibəsi qazisinə qarşı ədəbsizlik edib".
Bunu millət vəkili Etibar Əliyev sosial hesabında bildirib.
Deputatın sözlərinə görə, qazi polkovnik-leytenant Elşən Umarov övladını 227 saylı tam orta məktəbdə təhsil alması üçün müraciət edib:
"Direktor Sevinc Hüseynova "burada şou göstərmək lazım deyil" deyərək qazi zabitə təhqiredici cavab verib, şagirdi məktəbə qeydiyyata almaqdan imtina edib".
Bakı Şəhəri üzrə Təhsil İdarəsindən "Tehsil.biz"ə bildirilib ki, sözügedən məsələ ilə bağlı araşdırma aparılır, nəticəsi barədə ictimaiyyətə məlumat veriləcək.TehsilForumu.Az
XalqXeber.Az
Azərbaycan Ağsaqqallar Şurasının sədri, deputat Eldar Quliyev şok etirafda bulunub ki, onun sözügedən açıqlamaları ökkənin "baş ağsaqqalı"na baha başa otura bilər. Hər halda cavan görünsə də, ölkənin ixtiyarlarının rəhbəri kimi ölkənin ixtiyar sahiblərinin idarəçilik prinsiplərini ifşa edən Eldar Quliyevin bu davranışı heç də onun aktivinə müsbət hadisə kimi yazılmayacaq.
Bu barədə səsyazısını paylaşan Abzas.org saytının materialını təqdim edirik:
Millət vəkili Eldar Quliyev: “Prezident Administrasiyasından, Milli Məclisdən tezislər gəlir, onun əsasında müsahibələr veririk. Bax, bu gün Gürcüstanla bağlı tezislərimiz gəlib. Sabah-birisi günə mən onları da verəcəyəm. Hazırlayacağam, gedəcək efirə”.
Kürdəmir rayonu E.Zülfüqarov adına Şilyan kənd tam orta məktəbində qalmaqal bitmir. Ötən dəfə valideyn Elşən Abdulovun ibtidai sinif müəllimi Xatirə Əhmədovaya yaratdığı problemdən dolayı məktəbə qəfil olunan basqından və şagirdlərin qorxub ağladığını xəbər vermişdik. Həmçinin olayı əks etdirən video paylaşmışdıq.
Bu dəfə isə həmin videonu lentə aldığı üçün töhmət cəzası alan məktəbin digər ibtidai sinif müəllimi Səkinə Hüseynova xəstəxanalıq olub. Səbəb məktəb direktoru Ülkər Quliyevanın təkidi və israrı ilə Səkinə Hüseynovaya verilən töhmət ərizəsinə kollektivin imza atması olub.
İmza azmayan müəllimlərə və onların ailələrinə isə basqı edib.
Qeyd edək ki, ərizədə müəllimin qeyri-etik hərəkət etdiyinə görə töhmət aldığı vurğulanıb.
Bundan xəbər tutan Səkinə Hüseynova bərk əsəbləşib və səhhəti pisləşib. Durumu kritikləşən müəllim təcili tibbi yardımla Kürdəmir Rayon xəstəxanasına çatdırılıb. Hazırda yatızdırılaraq müalicəsinə başlanıb.
Bizim.Media-ya bu barədə bir neçə kənd sakini və valideyn müraciət edib. Dediklərinə görə illərdir ki, E.Zülfüqarov adına Şilyan kənd tam orta məktəbində qalmaqal, insident və mübahisələr bitmir. Üstəlik xoşagəlməz olayların hamısı şagidlərin gözləri qarşısında baş verir.
Valideyn Aydın Məmmədov Səkinə Hüseynovanın 4 ildir ki, nəvəsinə dərs dediyini, ondan hər hansı narazılığı olmadığını deyib:
“Nümunəvi, savadlı və yaxşı müəllimədir. Ona olunan haqısızlıqla barışa bilmirik. İllərdir bu məktəbdə qalmaqaldır. Özü də hər bir baş verənlərə uşaqlarımız şahidlik edir. Müəllimə imkan vermirlər dərsini keçsin. Bu nə deməkdir? Tədrisin yiyəsi hara baxır? Niyə məktəb direktoruna bir “dur” deyən yoxdur? Kürdəmir Rayon Təhsil Şöbəsinin müdiri Rəfail Məmmədovun yanında 3 dəfə, əməkdaşı Elçin Kərimovun yanında isə bir dəfə olmuşam ki, müəllimdən nə istəyirlər?
Adam dərsini keçir, şərəfi, bacarığı yerindədir, niyə ona problem yaradılır? Direktor 20-yə yaxın qohumunu məktəbə yığıb, gəlmə müəllimləri sıxışdırır, təhqir edir, işindən bezdirir və haqsız yerə cəzalandırır. Müəllimənin səhhətinə görə çox narahatıq, ölçü götürülməsini istəyirik”.
Digər valideyn Cəfər Qurbanov da eynilə Səkinə Hüseynovaya qarşı olunan ittihamların əsassız olduğunu bildirib:
“Vallah biabırçılıqdır. Evdə uşaq dərsdən çox qalmaqaldan danışır. Bu olayların nə əvvəli var, nə axırı… Nə Xatirə Əhmədovaya, nə də Səkinə Hüseynovaya işləməyə imkan verilmir. Səkinə Hüseynova 6 ildir məktəbdə çalışır və imtahanlarda yüksək nəticə göstərdiyinə görə direktor tərəfindən gözüm çıxdıya salınır. Ülkər Quliyeva elə hesab edir ki, Səkinə Hüseynova onun yerinə keçməyə iddialıdır. Hətta kənddə müəllimə qarşı təbliğat da başlayıb. Dəfələrlə Təhsil Şöbəsində olmuşuq, heç bir tədbir görülmür. Bu qalmaqal nə vaxtadək davam edəcək?
Məktəbdə nizam-intizam yaratmaq çox çətindir ki?”, – deyə valideyn baş verən çəkişmələrdən təngə gəldiyini bildirib.
Xatırladaq ki, Kürdəmir rayonu E.Zülfüqarov adına Şilyan kənd tam orta məktəbin ikinci sinif şagirdi Ayxan Abdulovun atası Elşən Abdulov ibtidai sinif müəllimi Xatirə Əhmədovaya 3 ildir problem yaşadır. Oğlu ilə prinsip apardığını və sinifdə ayrıseçkilik edərək ona dərs öyrətmədiyini iddia edərək, təzyiq və təhdidlər edir.
Ən son isə Kürdəmir Rayon Təhsil Şöbəsinin müdiri Rəfail Məmmədov, icra hakimiyyətinin nümayəndəsi, atası və “press” geyimində “jurnalist”lə birgə məktəbə basqın edərək Xatirə Əhmədovanı dərsdən çıxarmışdı. Həmin olaydan qorxan şagirdlər ağlayaraq, müəllimələrinin polis tərəfindən aparıldığını zənn etmişdilər.
Aidiyyəti qurumlar məsələyə mövqe bildirsələr də, problem yoluna qoyulmayıb. Əksinə sözügedən təhsil ocağında daha bir olay yaşanıb.
Hələ iki-üç il bundan əvvəl Səhiyyə Nazirliyinə tabeli Ə.Əliyev adına Sumqayıt Tibb Kollecində baş verən bir sıra qanunsuzluqlar barədə geniş, silsilə məlumatlar yaymış, burada satınalmalarda yol verilən saxtakarlıqları geniş ictimaiyyətin diqqətinə çatdırmışdıq. Qeyd edək ki, hələ 2019-cu ildən Ə.Əliyev adına Sumqayıt Tibb Kolleci tərəfindən əsaslı təmir işləri, cari təmir işləri, abadlaşdırma, dəftərxana və təsərrüfat xərcləri, masın və avadanlıqlar, digər malların alınması, kommunikasiya islərinin satınalması üzrə onlarla kotirovka sorğusu keçirilmişdir. Bütün bunlar isə bir-iki ünvanda ayrı-ayrı şəxslərin adına qeydiyyata alınmış, amma bir nəfər tərəfindən idarə olunan ayrı-ayrı MMC-lərlə bağlanmış müqavilələrlə həyata keçirilib.
Həmin dövrdə, Sumqayıt Tibb Kolleci tərəfindən keçirilməsi nəzərdə tutulan kotirovka sorgularından bir-iki ay əvvəl “Port Group”, “Vip Kontakt”, ”Banfor NN”, “Home”, “Novella”, “Klass Optima”, “Drina-S”, “Bronz” kimi qırx gün ərzində NİZAMİ RAYONU, MƏMMƏDƏLİ ŞƏRİFLİ , ev 4, m. 57 ünvanında yaradılmış 8 MMC-nin fəaliyyətinin araşdırılması və bağlanılmış müqavilələrin ləğv olunması məsələsini qaldırdıq. Lakin İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti bu ciddi qanun pozuntularını görməzdən gəldi. Nəticə necə oldu?
Həmin dövrdə biz yazmışdıq ki, bu MMC-lər vasitəsi ilə Sumqayıt Tibb Kollecinin rəhbərliyi dövlət vəsaitlərini talayır. İndi apardığımız araşdırmalardan sonra o qənaətə gəldik ki, həqiqətən Sumqayıt Tibb Kolleci dövlət üçün mütəxəssis yetişdirməkdən daha çox, dövlət büdcəsini talamaqla bərabər, həm də dövlətə olmazın maddi ziyan vurur.
Qeyd edək ki, hələ 2020-ci ildə apardığımız araşdırmalarda da, indi də bu MMC-lərin fəaliyyət sferası barədə açıq mənbələrdə heç bir məlumat tapa bilmədik. Həmin dövrdə biz, qısa bir zamanda dövlət qeydiyyatına alınmış bu MMC-lərin ixtisas göstəricilərinin, analoji işlərdə təcrübəsinin, maddi texniki bazasının, maliyyə, bank təminatlarının şübhə altında olduğunu yazmışdıq. İndi isə şübhələrimizin əsassız olmadığına şahidlik edirik. Bu MMC-lərin heç biri artıq satınalmalarda iştirak etmir. Sumqayıt Tibb Kolleci tərəfindən keçirilmiş kotirovka sorğularından başqa heç bir digər dövlət orqanlarının sifarişi ilə bağlı dövlət satınalmalarının vahid internet portalında da heç bir məlumat yoxdu. Bu həmin MMC-lərin maddi-texniki bazasının olmadığını bir daha sübut edir. Bu, həm də sözügedən MMC-lərin dövlət vəsaitlərinin təyinatından kənarlaşdırılması məqsədi ilə yaradıldığını sübut edir. Bunu İqtisadiyyat Nazirliyi yanında Dövlət Vergi Xidmətinin məlumatları da təsdiq edir. 2019-2022-ci illərdə Sumqayıt Tibb Kollecinin satınalma müqaviləsi bağladığı MMC-lər barədə ən son məlumatlar aşağıdakı kimidir.
Kommersiya qurumunun hüquqi şəxslərin dövlət reyestrinə daxil edilmiş məlumatlarında”TİROL-S GROUP” (VÖEN 1604549481) Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində 22.10.2021-ci il tarixdə dövlət qeydiyyatına alındığı bildirilir. Nizamnamə kapitalı 5.00 manat olan MMC-nin hüquqi ünvanı BAKI ŞƏHƏRİ,NİZAMİ RAYONU, TÜRKMƏN, ev 8, m. 1, qanuni təmsilçisinin isə Hüseyinzadə Tosif Rəşid oğlu olduğu göstərilir.
“TİROL-S GROUP” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 2 ay sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 20 033.29 manat vergi borcu var.
Qeyd edək ki, Hüseynzadə Tosif Rəşid oğlunun adına eyni tarixdə, ayrı ünvanda yaradılmış “GROVEN STYLE” (VÖEN 2007038141) MMC də dövlət qeydiyyatına alındığı tarixdən cəmi 3 ay sonra Ə.Əliyev adına Sumqayıt Tibb Kolleci tərəfindən keçirilmiş 2 kotirovka sorğusunun qalibi olub. Hazırki günə MMC-nin dövlətə 13686.32 manat vergi borcu var.
“MUNSİR-AZ” (VÖEN 1604456511) MMC 06.08.2021-ci il tarixdə dövlət qeydiyyatına alınıb. Nizamnamə kapitalı cəmi 5 manatdır. Hüquqi ünvanı BAKI ŞƏHƏRİ,NİZAMİ RAYONU, BABƏK PR, ev 78, m. 32, qanuni təmsilçisi isə Gözəlov Ramin Çingiz oğludur. “MUNSİR-AZ” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 2 ay sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 7405.56 manat vergi borcu var.
“QUTULUŞ AZLTD” (VÖEN 1604282611) MMC 02.02.2021-ci il tarixdə dövlət qeydiyyatına alınıb. Nizamnamə kapitalı 10 manatdır. Hüquqi ünvanı BAKI ŞƏHƏRİ,NİZAMİ RAYONU, YAVƏR SƏFƏROV, ev 28, m. 28, qanuni təmsilçisi isə Bəylərov Rəhman Fazil oğludur. “QUTULUŞ AZLTD” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 4 ay sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 12 673.49 manat vergi borcu var.
“LEVLON AS CONSTRAKSEN” (VÖEN 1804985571) MMC 24.08.2020-ci il tarixdə dövlət qeydiyyatına alınıb. Nizamnamə kapitalı 10 manatdır. Hüquqi ünvanı BAKI ŞƏHƏRİ, SABUNÇU RAYONU, ZABRAT ŞTQ, 2-Cİ ZABRAT DAİRƏSİ, ev 133, m. 72, qanuni təmsilçisi İbrahimova İsmət Allahverdi qızıdır. “LEVLON AS CONSTRAKSEN” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 5 ay sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 11 777.85 manat vergi borcu var.
“AKTİV N-TİCARƏT” (VÖEN 1505166161) MMC 17.08.2020-ci il tarixdə dövlət qeydiyyatına alınıb. Nizamnamə kapitalı cəmi 5.00 manatdır. Hüquqi ünvanı BAKI ŞƏHƏRİ NƏRİMANOV RAYONU, ƏLİYAR ƏLİYEV, ev 9A, m. 105, qanuni təmsilçisi isə Əhmədzadə Miralim Nizami oğludur.“AKTİV N-TİCARƏT” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 2 ay sonra Ə.Əliyev adına Sumqayıt Tibb Kolleci tərəfindən keçirilmiş 2 kotirovka sorğusunun qalibi olub. Hazırki günə MMC-nin dövlətə 91673.74 manat vergi borcu var.
“BORNİT-91” (VÖEN 1604096191) MMC 24.07.2020-ci il tarixdə dövlət qeydiyyatına alınıb. Nizamnamə kapitalı cəmi 5.00 manatdır. Hüquqi ünvanı BAKI ŞƏHƏRİ, NİZAMİ RAYONU, ƏLİ VƏLİYEV, ev 9A, m. 105, qanuni təmsilçisi isə Nağıyeva Qönçə Arzu qızıdır. “BORNİT-91” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 2 ay sonra Ə.Əliyev adına Sumqayıt Tibb Kolleci tərəfindən keçirilmiş 2 kotirovka sorğusunun qalibi olub. Hazırki günə MMC-nin dövlətə 22 010.21 manat vergi borcu var.
“REAL-TEXNO SERVİS” (VÖEN 1505166031) MMC 17.08.2020-ci il tarixdə dövlət qeydiyyatına alınıb. Nizamnamə kapitalı cəmi 5.00 manatdır. Hüquqi ünvanı BAKI ŞƏHƏRİ NƏRİMANOV RAYONU, ƏLİYAR ƏLİYEV, ev 13, m. 1, qanuni təmsilçisi isə Məmmədov Arif Zülfəli oğludur. “REAL-TEXNO SERVİS” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 2 ay sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 61 646.91 manat vergi borcu var.
“NOVELLA” (VÖEN 1603623571) MMC 29.03.2019-cu il tarixdə dövlət qeydiyyatına alınıb. Nizamnamə kapitalı cəmi 2.00 manatdır. Hüquqi ünvanı BAKI ŞƏHƏRİ NİZAMİ RAYONU, MƏMMƏDƏLİ ŞƏRİFLİ , ev 4, m. 57, qanuni təmsilçisi isə Məmmədova Lalə Azad qızıdır. “NOVELLA” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 1 il sonra Ə.Əliyev adına Sumqayıt Tibb Kolleci tərəfindən keçirilmiş 3 kotirovka sorğusunun qalibi olub. Hazırki günə MMC-nin dövlətə 24 342.95 manat vergi borcu var.
“ZZ-TİCARƏT” (VÖEN 1505143071) MMC 27.07.2020-ci il tarixdə dövlət qeydiyyatına alınıb. Nizamnamə kapitalı cəmi 5.00 manatdır. Hüquqi ünvanı BAKI ŞƏHƏRİ NƏRİMANOV RAYONU, MUSTAFA KAMAL ATATÜRK, ev 15, m. 2, qanuni təmsilçisi isə Rəsulov Zamin Zahir oğludur. “ZZ-TİCARƏT” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 40 gün sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 78596.56 manat vergi borcu var.
“PORT GROUP” (VÖEN 1603585241) MMC 20.02.2019-cu il tarixdə dövlət qeydiyyatınıb. Nizamnamə kapitalı cəmi 2.00 manatdır. Hüquqi ünvanı BAKI ŞƏHƏRİ NİZAMİ RAYONU, MƏMMƏDƏLİ ŞƏRİFLİ , ev 4, m. 57, qanuni təmsilçisi isə İsmayılov Zakir Şakir oğludur. “PORT GROUP” Məhdud Məsuliyyətli Cəmiyyəti dövlət qeydiyyatına alındığı tarixdən 1 il sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 13749.44 manat vergi borcu var.
Qeyd edək ki, İsmayılov Zakir Şakir oğlunun adına eyni tarixdə, eyni ünvanda yaradılmış “VİP KONTAKT” (VÖEN 1603585371) MMC də dövlət qeydiyyatına alındığı tarixdən cəmi 8 ay sonra Ə.Əliyev adına Sumqayıt Tibb Kolleci tərəfindən keçirilmiş 4 kotirovka sorğusunun qalibi olub. Hazırki günə MMC-nin dövlətə 8149.16 manat vergi borcu var.
“BANFOR NN” (VÖEN 1603919121) MMC 19.02.2019-cu il tarixdə dövlət qeydiyyatına alınıb. Nizamnamə kapitalı cəmi 5.00 manatdır. Hüquqi ünvanı BAKI ŞƏHƏRİ NİZAMİ RAYONU, MƏMMƏDƏLİ ŞƏRİFLİ , ev 4, m. 57, qanuni təmsilçisi isə Kərimov Səməd İlham oğludur. “BANFOR NN” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 4 ay sonra Ə.Əliyev adına Sumqayıt Tibb Kolleci tərəfindən keçirilmiş 2 kotirovka sorğusunun qalibi olub. Hazırki günə MMC-nin dövlətə 77 153.25 manat vergi borcu var.
“BRONZ”(VÖEN 1603584861) MMC 20.02.2019-cu il tarixdə dövlət qeydiyyatına alınıb.Nizamnamə kapitalı cəmi 2.00 manatdır. Hüquqi ünvanı BAKI ŞƏHƏRİ NİZAMİ RAYONU, MƏMMƏDƏLİ ŞƏRİFLİ , ev 4, m. 57, qanuni təmsilçisi isə Əliyev Elnur Eyvaz oğludur. “BRONZ” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 8 ay sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 4644.46 manat vergi borcu var.
“DRİNA-S” (VÖEN 1603778401) MMC 19.08.2019-cu il tarixdə dövlət qeydiyyatına alınıb. Nizamnamə kapitalı cəmi 5.00 manatdır. Hüquqi ünvanı BAKI ŞƏHƏRİ NİZAMİ RAYONU, MƏMMƏDƏLİ ŞƏRİFLİ , ev 4, m. 57, qanuni təmsilçisi isə Əsgərova Sevil Mikayıl qızıdır. “DRİNA-S” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 3 ay sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 5535.59 manat vergi borcu var.
“RABO 005” (VÖEN 1603839411) MMC 11.10.2019-cu il tarixdə dövlət qeydiyyatına alınıb. Nizamnamə kapitalı cəmi 5.00 manat olan MMC-nin hüquqi ünvanı BAKI ŞƏHƏRİ NİZAMİ RAYONU, ƏLİ VƏLİYEV, ev 9A, m. 105, qanuni təmsilçisi isə Kərimov Alim Laçın oğludur. “RABO 005” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 1 ay sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 6910.31 manat vergi borcu var.
“HOME” (VÖEN 1603581001) MMC 19.02.2019-cu il tarixdə dövlət qeydiyyatına alınıb. Nizamnamə kapitalı cəmi 2.00 manatdır. Hüquqi ünvanı BAKI ŞƏHƏRİ NİZAMİ RAYONU, MƏMMƏDƏLİ ŞƏRİFLİ , ev 4, m. 57, qanuni təmsilçisi isə Seydiyev Rasət Nazir oğludur. “HOME” Məhdud Məsuliyyətli Cəmiyyəti dövlət qeydiyyatına alındığı tarixdən 8 ay sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 10 994.05 manat vergi borcu var.
“DİZAYN-QRUP” (VÖEN 1903828021) MMC 03.12.2018-ci il tarixdə dövlət qeydiyyatına alınıb. Nizamnamə kapitalı 10 manatdır. Hüquqi ünvanı BAKI ŞƏHƏRİ, SURAXANI RAYONU, ƏMİRCAN ŞTQ, BAKIXANOV, ev 5, m. 0, qanuni təmsilçisi isə Talıbova Şükufə Hüseyn qızıdır. “DİZAYN-QRUP” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 10 ay sonra Ə.Əliyev adına Sumqayıt Tibb Kolleci tərəfindən keçirilmiş 1 kotirovka sorğusunun qalibi olub. Hazırki günə MMC-nin dövlətə 6555.00 manat vergi borcu var.
“KLASS OPTİMA” (VÖEN 1603581261) MMC 19.02.2019-cu il tarixdə dövlət qeydiyyatına alınıb. Nizamnamə kapitalı cəmi 2.00 manatdır. Hüquqi ünvanı BAKI ŞƏHƏRİ NİZAMİ RAYONU, MƏMMƏDƏLİ ŞƏRİFLİ , ev 4, m. 57, qanuni təmsilçisi isə Qurbanlı Anar Rauf oğludur. “KLASS OPTİMA” Məhdud Məsuliyyətli Cəmiyyəti dövlət qeydiyyatına alındığı tarixdən 5 ay sonra Ə.Əliyev adına Sumqayıt Tibb Kolleci tərəfindən keçirilmiş 2 kotirovka sorğusunun qalibi olub. Hazırki günə MMC-nin dövlətə 11 339.65 manat vergi borcu var.
“OKLEN-SS” (VÖEN 1305926261) MMC 19.02.2019-cu il tarixdə dövlət qeydiyyatına alınıb. Nizamnamə kapitalı 10 manatdır. Hüquqi ünvanı BAKI ŞƏHƏRİ, YASAMAL RAYONU, ALATAVA 1, ev 95, qanuni təmsilçisi isə Mehbəliyev Kamal Baba oğludur. “OKLEN-SS” Məhdud Məsuliyyətli Cəmiyyəti dövlət qeydiyyatına alındığı tarixdən cəmi 3 ay sonra Ə.Əliyev adına Sumqayıt Tibb Kolleci tərəfindən keçirilmiş 2 kotirovka sorğusunun qalibi olub. Hazırki günə MMC-nin dövlətə 10 403.82 manat vergi borcu var.
Qeyd edək ki, dövlət satınalmalarının vahid internet portalına yerləşdirilmiş məlumatlara görə Əziz Əliyev adına Sumqayıt Tibb Kolleci tərəfindən 2019-cu ilin may ayından 2022-ci ilin aprel ayına qədər 35 kotirovka sorğusu keçirilib. Müxtəlif lotlar üzrə keçirilmiş bu kotirovkalarda qalib olmuş 20 MMC-nin dövlətə hazırda ümumilikdə 495 009.43 manat vergi borcu var. Bu külli miqdarda vergi borcu haradan yaranıb?
Burada MMC-lər tərəfindən vergi öhdəliklərinin yerinə yetirmədikləri ehtimal olunur. Ona görə də ilkin vergi borcunun üstünə hər gün həmin borcun 0,1 faizi əlavə olunub. 2019-cu ildən yaranmış, yəni Sumqayıt Tibb Kolleci tərəfindən keçirilmiş kotirovkalar üzrə dövlət vəsaitlərinin MMC-lərin hesabına köçürülməsindən sonra yol verilən maliyyə maxinasiyalarının nəticələridi bu borclar. Sözügedən MMC-lərin bəzi dövlət qurumları tərəfindən formal olaraq keçirilmiş, lakin dövlət satınalmalarının vahid internet portalında açıqlanmayan başqa kotirovka sorğularının qalibi olması ehtimalları da var.
MMC-lərin kommersiya fəaliyyəti ilə məşğul olmaları mümkün deyil. Çünki kommersiya fəaliyyəti ilə məşğul olan vergi ödəyicisi rüb başa çatdıqdan sonrakı ayın 15-dən gec olmayaraq vergi orqanına “Cari vergi ödəmələrinin hesablanması haqqında Arayış” təqdim edilməli və həmin müddətədək vergini ödəməlidir. Əks halda ciddi problemlerlə üzləşə bilərlər. Amma adları çəkilən MMC-lər müəyyən maliyyə əməliyyatlarını 3-4 ay ərzində həyata keçirib qovluqlara atmaq üçün yaradılır. Hansı ki, Sumqayıt Tibb Kollecinin rəhbərliyi hələ ki, davam etdirir.
Qeyd edək ki, Ə.Əliyev adına Sumqayıt Tibb Kollecinə uzun müddətdir Rəfayıl Eyvazov rəhbərlik edir. O, bir tədris ocağının, bir dövlət müəssisəısinin rəhbəri olmaqla yanaşı həm də biznes fəaliyyəti ilə məşğuldur, Bakıda restoranlar şəbəkəsinə sahibdir. Məlumatlara görə Rəfayıl Eyvazova bu işlərdə Azərbaycan Həmkarlar Konfederasıyasının sədri, millət vəkili Səttar Mehbalıyev ilə qohumluq telləri çox kömək edir. Sumqayıt Tibb Kollecində tədrisin keyfiyyətinə gəlincə. Burada yüksək bilikli tibbi təhsil almaq üçün heç nə yoxdu. Amma bol-bol rüşvət mexanizmi var. Üstəlik də dövlət vəsaitlərinin talan edilməsi.İndi siz deyin, Sumqayıt Tibb Kolleci bir korrupsya yuvasıdır, yoxsa yox…
Maraqlı orasıdır ki, Rəfayıl Eyvazovun Sumqayıt Tibb Kollecində yaratdığı bu korrupsiya şəbəkəsinə uzun illərdir göz yumulur. Elə Respublika Hesablama Palatasında da, Maliyyə Nazirliyi Dövlət Maliyyə Nəzarəti Xidmətində də, Baş Prokurorluq yanında Korupsiyaya qarş Mübarizə Baş İdarəsində də, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətində də. Sabiq Səhiyə naziri Oqtay Şirəliyevin dövründə də həmçinin. Bəs görəsən islahatçı Səhiyyə naziri Teymur Musayev necə, Sumqayıt Tibb Kollecində baş verən bu korrupsiya əməllərinə göz yumacaq, yoxsa təcili tədbir görəcək.
Aktualinfo.org
"Gəncə Tekstil" Açıq Səhimdar Cəmiyyətinin vergi borcu üzə çıxıb.
Hurriyyet.az xəbər verir ki, sözügedən ASC-nin vergi borcu - 971 min 605 manatdır.
"Gəncə Tekstik" ASC -nin qanuni təmsilçisi İlqar Əliyev Tofiq oğludur.
Saytın bildirdiyinə görə, vergi borcunun yaranması nədən qaynaqlanması haqqında hələlik heç bir məlumat yoxdur. Son vaxtlar Gəncə Şəhər 12 saylı Vergilər İdarəsinin tabeçiliyində olan müəssisələrin külli miqdarda vergi borcu olması aşkarlanır…
***
32gun.az xatırladır ki, mətbuatda gedən məlumatlarda "Gəncə Tekstil" ASC-nin Gəncə Şəhər İcra Hakimiyyətinin başçısı Niyazi Bayramovun xüsusi nəzarətində olduğu da deyilib.
Elektron media resurslarında Mingəçevir Tibb Kollecində rüşvətxorluq,özbaşınalıqlar, maxinasiya, dərsdən yayınma, biabırçı insidentlər, müəllim-direktor qarşıdurmaları, saxta diplom qalmaqalları haqqında yayaılmış çoxlu sayda məlumatlara rast gəlmək olar. Qeyd edək ki, Kollecə uzun müddətdir ki, Fikrət Zeynalov rəhbərlik edir. Buna baxmayaraq Kollecdə müasir dövtün tələblərinə uyğun yeniləşən heç nə yoxdu, yəni heç nə dəyişməyib, hər şey əvvəlki qaydada davam edir. Kolleclə bağlı yayılan bir çox məlumatlardan fərqli olaraq biz bu orta ixtias təhsil müəssisəsinin maliyyə və təssərrüfat işləri ətrafında araşdırmalar aparmalı olduq və satınalmalar tarixində görünməmiş daha bəzi mənzərələrlə üzləşdik. Hər şey Kollecin abadlaşdırma xidmətlərinin satınalınması ilə keçirmiş olduğu kotirovka sorğusundan başladı.
Mingəçevir Tibb Kolleci tərəfindən abadlaşdırma xidmətlərinin satınalınması üzrə keçirilmiş kotirovka sorğusunda qalib elan olunmuş və 19.10.2022-ci ildə 18 478.03 manat məbləğində satınalma müqaviləsi bağlanmışdır.
Kommersiya qurumunun hüquqi şəxslərin dövlət reyestrinə daxil edilmiş məlumatlarında “QRANT-2008” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin 11 saylı Ərazi Vergilər Baş İdarəsində 18.06.2008-ci il tarixdə dövlət qeydiyyatına alındığı bildirilir. Nizamnamə kapitalı 30 manat olan MMC-nin hüquqi ünvanının MINGƏÇEVİR ŞƏHƏRİ, MİNGƏÇEVİR ŞƏHƏRİ, CƏMİL ƏLİYEV, ev 38/3, m. 4, qanuni təmsilçisinin isə Əliyev Adil Məmiş oğlu olduğu göstərilir.
MMC ilə 2022-ci ilin son 5 ayı ərzində bağlanan digər satınalma müqavilələri isə bunlardır.
Mingəçevir Tibb Kolleci tərəfindən ofis maşın və avadanlıqlarının satınalınması üzrə keçirilmiş kotirovka sorğusunda qalib elan olunmuş və 18.10.2022-ci ildə 11 505 manat məbləğində satınalma müqaviləsi bağlanmışdır.
Kollec tərəfindən tikili və avadanlıqların cari təmiri üzrə keçirilmiş kotirovka sorğusunda qalib elan olunmuş və 17.10.2022-ci ildə 37 632.91 manat məbləğində satınalma müqaviləsi bağlanmışdır.
Mingəçevir Tibb Kolleci tərəfindən mətbəə mallarının satınalınması üzrə keçirilmiş kotirovka sorğusunda qalib elan olunmuş və 06.05.2022-ci ildə 9632.1 manat məbləğində satınalma müqaviləsi bağlanmışdır.
Mingəçevir Tibb Kolleci tərəfindən təsərrüfat malları (yeməkxana və təsərrüfat) üzrə keçirilmiş kotirovka sorğusunda qalib elan olunmuş və 06.05.2022-ci ildə 5396.73 manat məbləğində satınalma müqaviləsi bağlanmışdır.
Qeyd edək ki, “QRANT-2008” MMC Mingəçevir Tibb Kollecinin keçirdiyi bu kotirovkalardan ümumi olaraq 82 644 manatlıq dövlət sifarişi alıb. Aprdığımız araşdırmalar zamanı məlum oldu ki, Mingəçevir Tibb Kollecinin Tender Komissiyası fərqli xidmətlərin və mal-materialların satın alınması üzrə bir nəfərə məxsus olan MMC ilə təkcə 2022-ci ildə müqavilə bağlamayıb. Analoji hal həm də əvvəlki illərdə təkrar olunub. Belə ki, Kollec “QRANT-2008” MMC-nin qanuni təmsilçisi olan Əliyev Adil Məmiş oğluna məxsus daha iki MMC ilə işbirliyində olub. Bunlar hansılardır?
Kommersiya qurumunun hüquqi şəxslərin dövlət reyestrinə daxil edilmiş məlumatlarında “MELORASİYA-F MMC ” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin 11 saylı Ərazi Vergilər Baş İdarəsində 12.02.2015-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanının MINGƏÇEVİR ŞƏHƏRİ, MİNGƏÇEVİR ŞƏHƏRİ, Ş.İ.XƏTAİ, ev 12/1, m. 28, qanuni təmsilçisinin isə Əliyev Adil Məmiş oğlu olduğu göstərilir.
Qeyd edək ki, Mingəçevir Tibb Kolleci 2020 -2021-ci illərdə “MELORASİYA-F MMC ” ilə ümumi olaraq 154 472 manat məbləğində satınalma müqaviləsi bağlayıb. Məlum olduğu kimi həmin dövrlərdə, yəni 2020-ci ilin martın 3-dən COVID-19 pandemiyasının yayılması ilə əlaqədar ölkədə rəsmi karantin rejimi elan edildikdən sonra bütün təhsil müəssisələri bağlı olub. Burada sual yaranır. Mingəçevir Tibb Kollecinin rəhbərliyi bağlı olan təhsil müəsisəsində bu satınalmaların keçirilməsi zərurətini haradan yaradıb?
Keçək Əliyev Adil Məmiş oğlunun qanuni təmsiçisi olduğu digər MMC-yə.
Kommersiya qurumunun hüquqi şəxslərin dövlət reyestrinə daxil edilmiş məlumatlarında “AFİQ-TQİ” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin 11 saylı Ərazi Vergilər Baş İdarəsində 15.09.2009-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanının MINGƏÇEVİR ŞƏHƏRİ, MİNGƏÇEVİR ŞƏHƏRİ, A.ŞAİQ, ev 11, m. 31, qanuni təmsilçisinin isə Əliyev Adil Məmiş oğlu olduğu göstərilir.
Mingəçevir Tibb Kollecinin Tender Komissiyası, daha doğrusu direktoru Fikrət Zeynalov 2019-cu ildə də Əliyev Adil Məmiş oğlunun anuni təmsilçisi olduğu “AFİQ-TQİ” MMC ilə 38 787 manat məbləğində bir neçə satınalma müqaviləsi bağlayıb. Bu isə qanunla yolverilməzdir. Çünki, tender və kotirovka prosedurlarının keçirilməsi zamanı daim bir şəxsə və ya şirkətə üstünlük verilməsi satın alınan malların ehtimal olunan qiymətinin düzgün müəyyən edilməməsinə və bir sıra qanun pozuntularına yol açmasına şübhə yaradır.
Bütün bu göstərdiyimiz şübhəli işlərlə bağlı Mingəçevir Tibb Kollecinin Tender Komissiyasına ünvanladığımız sorğu məktubuna cavab verilmədi. Telefonla əlaqə saxladığımız Kollecin baş mühasibi Vəsilə Qasımova ilə söhbətimiz təxminən belə oldu. “Mingəçevir Tibb Kollecinin keçirdiyi bütün kotirovka sorğularının qalibi nədən Əliyev Adil Məmiş oğluna məxsus olan MMC-lər olur” sualimıza Vəsilə xanımın cavabı belə oldu ki, “Bilmirəm, biz bütün sənədləri toplayıb satınalmalara göndəririk. Orada da hər şey elektron qaydada keçirilir, bizə göndərlir”-dedi. “Necə olur ki, elektron satınalma elə Adil Əliyevi qalib çıxarır” sualımıza baş mühasib cavab verdi ki, “mən nə bilim, satınalmalardan soruşun”. “Onda belə çıxmırmı ki, elektron satınalma Adil Əliyevi tanıyaraq elə Mingəçevir Tibb Kollecinin keçirdiyi bütün kotirovka sorğularının qalibi çıxarır” sualımıza isə Vəsilə Qasımova “çıxır, çıxsın da” -deyib ədəbsizcəsinə telefonun dəstəyini qoydu.
Qeyd edək ki, Əliyev Adil Məmiş oğlunun qanuni təmsilçisi olduğu “QRANT-2008” Məhdud Məsuliyyətli Cəmiyyəti bu il təkcə Mingəçevir Tibb Kollecinin keçirdiyi kotirovkaların qalibi olmayıb. MMC həm də Mingəçevir Mənzil-Kommunal Təsərrüfatı Kombinatı tərəfindən 2022-ci il üçün mal-materialların, ehtiyyat hissələrinin, ağac və gül kollarının, təsərrüfat və dəftərxana mallarının satınalınması üzrə keçirilmiş tenderin də qalibi olub və 146 623.26 manat məbləğində sifariş alıb. Göründüyü kimi Mingəçevir Tibb Kollecini abadlaşdıran, tikili və avadanlıqlarını təmir edən, mətbəə malları, ofis maşın və avadanlıqları ilə təchiz edən MMC həm də ağac və gül kollarının satın alınmasının iştirakçısı olub.
Dövlət satınalmalarının vahid internet portalına yerləşdirilmiş məlumatlardan da görsəndiyi kimi, Mingəçevir Tibb Kollecinin Tender Komissiyası bir nəfərin qanuni təmsilçisi olduğu 3 MMC ilə son dörd il ərzində ayrı-ayrı malların alınması və xidmətlərin göstərilməsi üzrə ümumi dəyəri 275 903 manat olan satınalma müqavilələri bağlamışdır. Burada ayrı-ayrı xidmətlər üzrə bir nəfərə məxsus 3 MMC ilə bağlanılan satınalma müqavilələri müəyyən şübhələrə yol açmış olur. Mingəçevir Tibb Kollecində bütün şübhəli işlərin bağında direktor Fikrət Zeynalov olduğu kimi, formal satınalmaların başında da onun durduğu şübhəsizdir. Amma Kollecin baş mühasibi Vəsilə Qasımova nədənsə elə satınalmalarının vahid internet portalının üstünə atır bu şübhələri.
Aktualinfo.org
Zərdabda qəsəbədaxili yola analoqu olmayan asfalt örtüyü çəkilir.
Bu barədə məlumat sosial şəbəkələrdə paylaşılıb.
Belə ki, vətəndaşlar iddia edirlər ki, Zərdab Rayon İcra Hakimiyyəti kimlərinsə xahişi ilə bəzi sakinlərin qapısının ağzına asfalt çəkdirir. Digər sakinlərin isə evlərinin qarşısına asfalt çəkilməsinə ehtiyac duyulmur.
Sakinləri bir-birindən fərqləndirən “meyarlar” isə hələlik bəlli deyil. Sakinlərin sözlərinə görə, məsələni araşdırmaq üçün Zərdab Rayon İcra Hakimiyyətinə müraciət etsələr də, heç kim onları qəbul etməyib və şikayətlərinə baxmayıb.
Zərdab Rayon İcra Hakimiyyəti ilə əlaqə saxlamağa çalışsaq da, rəsmi səhifələrində qeyd edilən nömrələrə cavab verən olmadı.
Qeyd edək ki, Zərdabda anormal asfaltlanma prosesi aparılan qəsəbədaxili yolda yaşayan sakinlər arasında qazi və şəhid ailələri də var. //OXU.AZ//
DAHA ƏTRAFLI VİDEODA:
Yasamalda magistral su kəmərində baş verən qəza Nizami rayonunda da təkrarlana bilər. Yasamalda Əsəd Əhmədov küçəsində “+ 52 Alatava” və “+ 82 Qərb” mərkəzi su anbarlarını əlaqələndirən 1400 mm-lik magistral su kəmərində qəza ətrafda yaşayan insanların həyatına real təhlükə yaratdı, daşınmaz əmlak mülkiyyətçilərinə, sahibkarlıq fəaliyyəti ilə məşğul olan şəxslərə on minlərlə manat ziyan dəydi.
Nizami rayonu, Çobanzadə küçəsi 45 saylı binanın sakinləri və ətrafda yaşayan digər vətəndaşlar, həmçinin həmin küçədə obyekt sahibləri, sahibkarlar illərdir Yasamalda baş vermiş qəza ilə üzləşə bilərlər. Belə ki, 45 saylı binanın qarşısında yerləşən və “Azərsu” ASC-nin balansında olan, Bakı şəhərinin şərq hissəsini içməli su ilə təchiz edən diametri 1200-1400 mm olan 2 yüksək təzyiqli magistral su kəmərinin sanitar-mühafizə zolağı yerləşir.
Sakinlər deyir ki, mühafizə zolağını boş torpaq sahəsi kimi I qrup əlil, ruhi xəstə Cəlal Əli oğlu Həmidov və onun bacısı-qəyyumu Tamara Həmidova zəbt ediblər. Üstəlik, sabiq Bakı meri Hacıbala Abutalıbov 2 yüksək təzyiqli magistral su kəmərinin üzərində və sanitar-mühafizə zonasında yerləşən torpaq sahəsinin fərdi yaşayış evinin inşa edilməsi məqsədilə ərazinin qanunsuz olaraq Cəlal Həmidovun icarəsinə verilməsinə dair Tamara Həmidova ilə 0912 saylı, 20 aprel 2010-cu il tarixli icarə müqaviləsi bağlayıb. İcarə müqaviləsi bağlanandan sonra Tamara Həmidova həmin torpaq sahəsində 2 fərdi yaşayış evinin tikintisini Bakı Şəhər İcra Hakimiyyətinin Memarlıq və Şəhərsalma Baş İdarəsi ilə razılaşdırıb. Layihəyə əsasən, yüksək təzyiqli magistral su kəmərlərinin üzərində 2 mərtəbəli yaşayış binası tikilib. Məlumat “Azərsu” ASC-yə çatandan sonra tikinti işləri Nizami Rayon İcra Hakimiyyəti tərəfindən dayandırılıb, eyni zamanda “Azərsu” ASC tərəfindən yüksək təzyiqli magistral su kəmərlərinin üzərində və sanitar-mühafizə zonasında inşa edilən tikililərin sökülməsinə dair iddia ərizəsi ilə Nizami Rayon Məhkəməsinə müraciət edilib. Məhkəmə qərarı əsasında təyin olunan ekspertiza Tamara Həmidovanın zəbt etdiyi ərazidən 1200-1400 mm-lik yüksək təzyiqli magistral su kəmərlərinin keçməsini və tikililərin həmin yüksək təzyiqli magistral su kəmərlərinin sanitar-mühafizə zonasında inşa edilməsini müəyyən edib. Nizami Rayon Məhkəməsi 17 yanvar 2013-cü ildə “Azərsu” ASC-nin iddiası təmin edilib və tikililərin Cəlal Həmidovun və Tamara Həmidovanın hesabına sökülməsi qət olunub. 2015-ci ilin yanvarında qətnamə icra edilib və yüksək təzyiqli magistral su kəmərlərinin sanitar-mühafizə zonasında inşa edilmiş tikililər sökülüb.
Eyni zamanda yüksək təzyiqli magistral su kəmərlərinin üzərində fərdi yaşayış evlərinin tikintisi faktı üzrə Bakı şəhəri Nizami Rayon Polis İdarəsi tərəfindən 14 avqust 2014-cü ildə Cinayət Məcəlləsinin 322.1-ci maddəsi ilə 140080036 saylı cinayət işi başlanıb. Sonradan cinayət işi 222-2.1-ci maddəyə tövsif olunub.
İstintaq zamanı zəbt olunmuş ərazidən keçən 1200-1400 mm-lik yüksək təzyiqli magistral su kəmərlərində hər hansı qəzanın baş verməsi nəticəsində ətrafda yaşayan şəxslərə ciddi ziyan dəyməsi ehtimalı təsdiqlənib. Məsələnin ciddiliyi nəzərə alınaraq sonrakı araşdırmaların aparılması Fövqəladə Hallar Nazirliyinin İstintaq İdarəsinə həvalə olunub.
Ərazidə yaşayan sakinlər deyir ki, nəhayət ki, yüksək təzyiqli magistral su kəmərlərində qəza ehtimalının qarşısının qətiyyətli şəkildə və birdəfəlik alınacağına ümidləri yaranıb. Bu zaman xəbər çıxıb ki, həmin vaxt baş prokurorun 1-ci müavini olan Rüstəm Usubov cinayət işinin materiallarını FHN-dən geri alıb və yenidən Nizami Rayon Polis İdarəsinin İstintaq şöbəsinə qaytarıb. Sakinlər deyir ki, nəticədə cinayət işi bu günə qədər açıq saxlanılır.
Sakinlər deyirlər ki, Tamara Həmidova zəbt olunan torpaq sahəsindən çıxmamaq üçün hər vasitəyə əl atır. Hacıbala Abutalıbov işdən çıxdığı gün Bakı Şəhər İcra Hakimiyyəti ilə onun arasında saxta, 1460 saylı, 20 aprel 2018-ci il tarixli yeni icarə müqaviləsi bağlanıb. Bu fakt aşkar edildikdən sonra həmin müqavilə də məhkəmə qaydasında mübahisələndirilib. Bununla bağlı Nizami Rayon Məhkəməsinin hakimi Həqiqət Əhmədovanın apardığı məhkəmə araşdırması zamanı məhkəmə tərəfindən Bakı Şəhər İcra Hakimiyyətindən icarəyə verilmiş torpaq sahəsinin planı və ölçüsünün təqdim edilməsi tələb edilsə də, məhkəmədə Bakı Şəhər İcra Hakimiyyətini təmsil edən nümayəndə Maşallah Əli oğlu Ələkbərov torpaq sahəsinin planı və ölçüsünü təqdim etməkdən boyun qaçırıb. Sakinlər hesab edirlər ki, bu fakt bir daha 1460 saylı, 20 aprel 2018-ci il tarixli yeni icarə müqaviləsinin saxta olmasını və Bakı Şəhər İcra Hakimiyyətinin hüquq şöbəsinin bu gün də Tamara Həmidovaya havadarlıq etməsini sübut edir.
Buna baxmayaraq, Nizami Rayon Məhkəməsi 27 may 2022-ci il 1460 saylı, 20 aprel 2018-ci il tarixli icarə müqaviləsi etibarsız hesab edib və Tamara Həmidovanın həmin torpaq sahəsindən çıxarılması qət olunub. Lakin zəbt etdiyi torpaq sahəsindən məhrum olması ilə barışmayan Tamara Həmidova havadarı Bakı Şəhər İcra Hakimiyyətinin hüquq şöbəsi ilə birlikdə Bakı şəhər Nizami Rayon Məhkəməsinin həmin qətnaməsindən apelyasiya şikayətləri verib. Eyni zamanda saxta icarə müqaviləsinə hüquqi əsas yaratmaq məqsədilə Tamara Həmidova daha bir saxtakarlığa əl ataraq 20 aprel 2018-ci ildə icarəyə verilən torpaq sahəsinə dair 2022-ci il tarixində “Kəngərli” MMC tərəfindən hazırlanmış torpaq sahəsinin saxta plan-sxemini Bakı Apelyasiya Məhkəməsinə təqdim edib. Halbuki “Kəngərli” MMC-nin tərtib etdiyi həmin plan-sxem yalnız Torpaq Məcəlləsinin 65-ci maddəsində göstərildiyi kimi, müvafiq icra hakimiyyəti orqanı tərəfindən hazırlanmış və təsdiq edilmiş torpaq sahəsinin planı və ölçüsü əsasında verilməli idi.
Apelyasiya şikayətlərinə baxan Bakı Apelyasiya Məhkəməsinin Mülki Kollegiyasının hakimi Vahid Sadıqovun sədrliyi ilə keçirilən ilk məhkəmə iclasında təqdim etdiyi saxta sənədlərlə məhkəmə tərkibini aldadan Tamara Həmidova sonda iş üzrə ekspertizanın təyin edilməsinə nail olub.
Göründüyü kimi, müxtəlif dövlət orqanlarının vəzifəli şəxslərinin vəzifə səlahiyyətlərindən sui-istifadəsi və bəzi vətəndaşların cinayət əməlləri nəticəsində Nizami rayonu, Çobanzadə küçəsində Bakı şəhərinin şərq hissəsini içməli su ilə təchiz edən diametri 1200-1400 mm-lik yüksək təzyiqli magistral su kəmərlərinin mühafizə zolağında yerləşən strateji ərazi icarəyə verilməklə yüzlərlə vətəndaşın həyatı real təhlükə qarşısında qoyulub.
Sakinlər dövlət rəhbərliyinə, səlahiyyət sahiblərinə müraciət edərək təcili tədbir görülməsini istəyirlər. Deyirlər ki, Yasamal rayonunda diametri 1400 mm-lik yüksək təzyiqli magistral su kəmərində baş verən qəzada insan tələfatı qeydə alınmasa da, Çobanzadə küçəsindəki yüksək təzyiqli magistral su kəmərlərində qəza baş verdiyi halda insan tələfatı qaçılmaz olacaq.
“Yeni Müsavat”