 |
|
|
Əsaslı təmir nəticəsində əsas vəsaitlərin bir sıra hissələrinin dəyişilməsi və bərpa olunması həyata keçirilir. Cari təmirin aparılması nəticəsində isə əsas vəsaitlərin vaxtından əvvəl köhnəlməsinin qarşısı alınır. Əsas vəsaitlərin əsaslı və cari təmiri təsərrüfat üsulu və podrat üsulu ilə aparıla bilər.
Təmir xərcləri Azərbaycan Respublikası Maliyyə Nazirliyi Kollegiyasının 23 sentyabr 2014-cü il tarixli Qərarı ilə təsdiq edilmiş qaydalar ilə tənzimlənir.
Belə ki, əsas fondların hər bir kateqoriyasının texniki və iqtisadi göstəricilərinin müəyyən edilmiş hədd daxilində saxlanılması üçün (onun ayrı-ayrı tez sıradan çıxan (tezköhnələn) hissələrinin və detallarının dəyişdirilməsi, bərpası rənglənməsi, sazlanması) həyata keçirilən təmir işləri üzrə məsrəflər cari təmir məsrəflərinə aid edilir.
Bunlarla yanaşı, əsaslı təmir məsrəfləri əsas fondların istismar müddətinin uzadılması və (və ya) istismar keyfiyyətinin yaxşılaşdırılması məqsədi ilə smeta sənədləri əsasında hesabat ili ərzində bir dəfədən çox olmamaq şərti ilə yerinə yetirilən işlər üzrə onların tam və ya əhəmiyyətli dərəcədə bərpasına, o cümlədən tam aşınmış ( köhnəlmiş), sıradan çıxmış əsas fondların struktur komponentlərinin bütün hissələrinin sökülməsinə və dəyişdirilməsinə çəkilmiş xərclərdir.
Əsaslı və cari təmir işləri arasındakı fərqi niyə xatırladırıq? Son dövrlər Azərbaycanda bəzi dövlət müəssisisələri hər il əsaslı təmir işlərinə xeyli dövlət vəsaiti xərcləyirlər. Buna baxmayaraq əsaslı təmir olunan yerlərdə heç bir təmir işlərinin aparılmadığı müşahidə olunur. Ən uzağı kosmetik işlər aparılır. Ad da olur əsaslı təmir aparılıb. Əsaslı təmir ən azı iki ildən bir aparılmalıdır. Amma Bakıdakı 1 nömrəli Tibb Kolleci 2019-cu ildən bu yana hər il əsaslı təmir işləri aparır.
Dövlət satınalmalarının vahid internet portalı üzərindən apardığımız araşdırmada məlum oldu ki 1 nömrəli Bakı Tibb Kolleci 2022-ci ilin sentyabr -oktyabr aylarında təhsil müəsisəndə təmir, abadlıq işlərinin satınalması üçün iki tender və beş koturovka sorğusu keçirib.
Cari təmir işlərinin satın alınmas üzrə 76 824.25 manat, əsaslı təmir işlərinin satın alınması üzrə isə 131 456.03 manat məbləğində satınalma müqavilələri “VEST-LTD” Qapalı Səhmdar Cəmiyyəti ilə 30.09 və 19.10-2022-ci il tarixlərində bağlanılıb. Bu işlərin layihə-smeta sənədlərinin hazırlanması işlərinin satınalınmasına isə 4950 manat vəsait ayrılıb.
Abadlıq işlərinin satınalması üzrə 12 440.86 manat, kommunal kommunikasiya işlərin satınalması üzrə isə 16 182.7 manat məbləğində satınalma müqavilələri “KONEKS CONSTRUCTİON” Məhdud Məsuliyyətli Cəmiyyəti ilə 21.09.2022-il tarixində bağlanılıb. Bu işlərin layihə-smeta sənədlərinin hazırlanması işlərinin satınalınmasına isə 4430.04 manat vəsait ayrılıb.
Bir satınalma müqaviləsi də bu işlərin layihə-smeta sənədlərinin hazırlanması üzrə yenə bağlanıb ki, buna da 3343 manat dövlət vəsaiti xərclənib. Ümumilikdə isə 1 nömrəli Bakı Tibb Kolleci yuxarıda sadaladığımız işlərin satın alınmasına 249 626 manat dövlət vəsaiti ayırıb.
İndi gəlin görək 1 nömrəli Bakı Tibb Kolleci eyni işlərin görülməsinə əvvəlki illərdə nə qədər dövlət vəsaiti xərcləyib.
Abadlıq işlərinin satınalması üzrə 9671.28 manat, kommunal kommunikasiya işlərin satınalması üzrə 11 362.75 manat, cari təmir işləri üzrə 24 052.53 manat bir, 51 847.84 manat da bir, əsaslı təmir işləri üzrə isə 22 484.78 manat bir, 57 040.26 manat da bir satınalma müqavilələri “VEST-LTD” Qapalı Səhmdar Cəmiyyəti ilə 2021-ci ilin iyun-noyabr aylarında bağlanılıb. Bu ümumi olaraq 176 459 manat dövlət vəsaitinin xərclənməsi deməkdir.
Kommunal kommunikasiya işləri üzrə 24 017.25 manat, abadlıq işləri üzrə isə 14 410.99 manat məbləğində daha bir satınalma müqaviləsi 17.05.2021-ci il tarixdə “KONEKS CONSTRUCTİON” Məhdud Məsuliyyətli Cəmiyyəti ilə bağlanılıb. Bu işlərə isə 38 428 manat ayrılıb ki, ümumi olaraq 2021-ci ilədə 1 nömrəli Bakı Tibb Kolleci tərəfindən sadalanan işlərə 214 887 manat dövlət vəsaitinin xərcləndiyini göstərir.
2020-ci ildə isə koronavirus pandemiyası ilə əlaqədar ölkədə sərt karantin rejiminin tətbiq olunduğu, təhsil müəssisələrinin və bir çox iş yerlərinin bağlı olmasına baxmayaraq cari təmir üzrə 21 453.11 manat, əsaslı təmir üzrə 31 826.72 manat, kommunal kommunukasiya işləri üzrə 9 918.37 manat, abadlaşma işləri üzrə 9747.51 manat məbləğində satınalma müqavilələri “STAR CONSTRUKTİON-12” Qapalı Səhmdar Cəmiyyəti ilə 19.11.2020-ci il tarixdə bağlanılıb.
Həmin ildə yenə cari təmir üzrə 44 608.98 manat, əsaslı təmir üzrə 48 729.87 manat, abadlaşma işləri üzrə 9766.92 manat məbləğində satınalma müqavilələri “VEST-LTD” Qapalı Səhmdar Cəmiyyəti ilə 23.09.2020-ci il tarixdə bağlanılıb. Kommunal kommunukasiya işləri üzrə 8 366.2 manat məbləğində satınalma müqaviləsi “Dotector” MMC ilə bağlanılıb. Sadaladığımız işlərə 1 nömrəli Bakı Tibb Kolleci tərəfindən 2020-ci ildə isə ümumi olaraq 184 417 manat dövlət vəsaiti xərclənib.
1 nömrəli Bakı Tibb Kolleci tərəfindən 2019-cu ildə ildə də əsaslı və cari təmir işləri aparıb. Abadlıq işlər üzrə 13444.45 manat, əsaslı təmir üzrə 24632.03 manat, cari təmir üzrə 29738.83 manat məbləğində satınalma müqavilələri də “İNPEKS.N” Məhdud Məsuliyyətli Cəmiyyəti ilə 16.12.2019-ci il tarixdə bağlanılıb. Bu da ümumilikdə 67 815 manat təşkil edir.
Dövlət satınalmalarının vahid internet portalında yerləşdirilmiş məlumatlardan da görsəndiyi kimi 1 nömrəli Bakı Tibb Kolleci son dörd ilədə cari və əsaslı təmir, abadlıq və kommunal kommunukasiya işlərinin görülməsinə ümumi olaraq 716 745 manat dövlət vəsaiti xərcləyib.
Qeyd edək ki, Səhiyyə Nazirliyinin tabeliyində olan 1 nömrəli Bakı Tibb Kollecinə uzun müddət Nəriman Mövsümov rəhbərlik edib. Nəriman Mövsümovun direktorluğunun sonuncu ilində. yıni 2018 ci ilədə isə Kollecdə əsaslı təmir işlərinə 29 978 manat, cari təmir işlərinə 29 947 manat bir, 29 940 manat da bir, kommunal və kommunikasiya işlərinə isə 32 565.64 manat dövlət vəsaiti xərclənib. Bu da ümumilikdə 122 430 manat təşkil edir.
2019-cu ildə Kollecdə yaranmış çoxsaylı narazılıqlardan sonra Nəriman Mövsümovun yerinə 1994-cü ildə Bakı şəhəri 9 saylı Qadın məsləhətxanasına həkim-terapevt, 1999-cu ildən 1 nömrəli Bakı Tibb Kollecinə “Anatomiya, fiziologiya, patologiyanın əsasları ilə” fənn müəllimi vəzifəsində çalışmış Nailə Əliyeva təyin olub. Nailə Əliyeva Səhiyyə Nazirliyi Kollegiyasının 2018-ci il qərarı ilə əvvəlcə 1 nömrəli Bakı Tibb Kollecində tədris-tərbiyə işləri üzrə direktor müavini , daha sonra isə 2019-cu il 17 oktyabr tarixli qərarı ilə direktor vəzifəsinə gətirilir.
Göründüyü kimi Nailə Əliyevanın təyinatına qədər, yəni 2018-ci ildə 1 nömrəli Bakı Tibb Kollecinin təmirinə dövlət vəsaiti ayrılıb. Amma bu vəsaitlərin təyinatı üzrə xərclənib, xərclənməməsi müəyyən suallar yaradır. Sözügedən vəsaitlər 2018-ci ildə 1 nömrəli Bakı Tibb Kollecinin təmirinə xərclənibsə, nədən Nailə Əliyeva kollecdə rəhbərliyə gəldiyindən dərhal sonra hər il külli miqdarda dövlət vəsaiti ayrılıb. Əgər 2018-ci ildə Kollec əsaslı təmir olunmayıbsa 2019-2020-ci illərdə yenə vəsait ayrılıb, onda təmir olunaydı. Belə çıxır ki, onda da təmir olunmadığından növbəti il də vəsait ayrılıb. Onda bu vəsaitlər haralara yönəldilib? Cəmi 15 dərs otağı, idman zalı, mədəni-kütləvi tədbirlər keçirmək üçün akt zalı, böyük kitab fondu olan kitabxana, bir neçə fənnkabineti, metodkabinet və digər yardımçı otaqlardan ibarət olan Tibb Kollecində hər əsaslı təmir işlərinin aparılması, kommunal kommunukasiya işlərinin görülməsi nə dərəcədə real görsənir. Cari təmir işləri aydın məsələdir. Tes sıradan çıxan malların, əşyaların dəyişdirilməsi, sazlanması zəruridir. Amma görəsən hər il yüz minlərlə dövlət vəsaitini əsaslı təmir adı ilə xərcləmək zəruridirmi?
Düzdü Nailə Əliyeva 1 nömrəli Bakı Tibb Kollecinə sabiq Səhiyyə naziri Oqtay Şirəliyevin xeyir-duası ilə təyin olunub. Amma çox istərdik bu zərurətin haradan qaynaqlandığına hazırki nazir Teymur Musayev aydınlıq gətirsin. Hər il əsalı təmir olarmı? Axı qanunvericiliyi görə əsaslı təmir işləri minimum iki ildən bir aparılmalıdır.
Sumqayıtın 32 nömrəli tam orta təhsil məktəbinin sabiq direktor əvəzi Esmira İbrahimova barəsində səslənən ittihamlara münasibət bildirib. Keçmiş direktor əvəzi TİA.Az-a geniş açıqlamasında bir sıra məsələlərə aydınlıq gətirib. Onun sözlərinə görə, 2012-ci ildən Sumqayıt şəhər Təhsil Şöbəsində metodist vəzifəsində çalışıb, 2018-ci ildə Təhsil Şöbəsinin sabiq müdiri Namazov Nizami onu çağırıb: “Dedi ki, 32 N-li tam orta məktəbdə direktor yeri boşdur, məktəb çox acınacaqlı vəziyyətdədir, öz nümayəndəmiz Oktay Nuriyevi 3 aydır ki, məktəbə göndərmişdik. Ancaq ona qarşı elə bir təxribat törədiblər ki, o məktəbə getmir. Mədəni surətdə 32 N-li məktəbdə quruplaşmış adamların əlindən başını götürüb qaçmışdı. Bildirdi ki, ancaq sənə güvənirəm, sən o məktəbi yığıb idarə edə bilərsən. Ancaq məktəbdə özünü qruplaşmış adamlardan gözləməlisən. Qrupun başında məktəbin direktor müavini Mahmudov Mahmud Rəhim oğlu və onun İcra Hakimiyyətindəki qohumu Səmədov Teymur Qırımxan oğlu durur. Bu qruplaşma ona görə yaradılır ki, Mahmudov Mahmud Rəhim oğlu illərdir ki, o direktor kürsüsündə oturmaq istəyir. Bu işdə ona İcradakı qohumu Səmədov Teymur Qırımxan oğlu kömək edir. İki il davamlı olaraq mənə də həmin qruplaşma tərəfindən hücumlar oldu. Ancaq mən bu qruplaşmanın planlaşdırdığı təxribatı vaxtında duyub, bu qruplaşmaya başçılıq edən Səmədov Teymur Qırımxan oğluna bildirdim. O təxribatın üstünün açıldığını görüb onları dayandırdı”.
Sabiq direktor əvəzinin sözlərinə görə, 2022-ci il mayın 1-dən Abşeron – Xızı Regional Təhsil İdarəsinin müdiri vəzifəsinə (Bakı Təhsil İdarəsinin müdir müavini vəzifəsindən sabiq Təhsil Naziri Ceyhun Bayramov tərəfindən rüşvətxorluq üstündə qovulan) Abdullayeva İlhamə Sarif qızı təyinat alıb: “İlhamə Abdullayeva, müavini Abbasov Ramin Əfsər oğlu və İcra Başçısının birinci müavini Səmədov Teymur Qırımxan oğlu ilə birləşərək məktəblərdə, bağçalarda rüşvətxorluq fəaliyyətlərini davam etdirdilər. Onlara pul verməyən şəxslərə şantaj dolu, qərəzli, planlı rollu oyunlar düzəltdilər.
Nəzərinizə çatdırım ki, mən 2018-ci ildən 32 N-li məktəbdə direktor əvəzi kimi fəaliyyətə başlayanda məktəb binası çox bərbad vəziyyətdə idi. Məktəbdə təhsildən savayı hər şey baş verirdi. Müəllimlər yuxarı siniflərdə dərs keçməyə şagird tapmırdılar. Bir sözlə, məktəbdə özbaşınalıq baş alıb gedirdi. Şagirdlər dərs vaxtını dəniz qırağında keçirirmişlər. Bunların hamısını mən böyük çətinliklərlə düzəltdim. 545 şagirdi artıq 1000-ə çatdırmışdım. 19.09.2022 (yəni hadisənin baş verdiyi tarixdən 3 gün qabaq) məktəbin bir müəllimi mənim otağıma daxil olaraq bildirdi ki, direktor müavini Mahmudov Mahmud Rəhim oğlu ona hücum edib ki, burda direktor artıq mən olacağam. 19.09.2022- ci il tarixdə yəni, 1-ci gün İlhamə (Abşeron – Xızı Regional Təhsil İdarəsinin müdiri Abdullayeva İlhamə Sarif qızı) öz komandası ilə gəlib məni direktor təyin edəcək. Sizə qarşı təxribat yaradıblar. Doğrusu, mən inanmadım. Ancaq 1-ci gün 19.09.2022-ci il tarixində məktəbin ibtidai sinif müəllimlərindən iki nəfər mənim otağıma daxil olub, sayıtlarda qərəzli səs yazısı ilə məni şantaj etdiklərini bildirdilər. (təmir pulu yığmaq adı ilə) Ancaq məktəbdə heç bir təmir pulu yığılmamışdır. Bu mənə qarşı törədilmiş şər – böhtan dolu təxribat idi. Bu zaman Abşeron – Xızı Regional Təhsil İdarəsindən mənə Bayramov Məmməd adlı (İlhamə Abdullayevanın qohumu) məsləhətçi zəng edib bildirdi ki, İhamə Abdullayeva deyir ki, məktəbə kanallar çəkilişə gələcək, ancaq heç bir kanalın qarşısına çıxmasın, qapını bağlayıb otağında otursun. Onlara inanmağım mənim həyatda ən böyük səhvim idi. İlhamə Abdullayeva, müavini Abbasov Ramin Əfsər oğlu, İcranın birinci müavini Səmədov Teymur Qırımxan oğlu kanallara pul verib qərəzli şəkildə məktəbə göndərib, məktəbdəki əlaltıları ilə birlikdə heç bir həqiqəti əks etdirməyən qurma müsahibə dolu video görüntü hazırladılar. Və xəbər kanallarında yayımladılar. Halbuki o məktəbdə mən işlədiyim müddətdə 1 qəpik də pul direktor əvəzi tərəfindən yığılmayıb. Sadəcə beş ilim tamam olacağına görə mənə şər – böhtan atdılar. Çünki məndən direktor kürsüsünə pul ala bilməmişdilər. Axır ki, məni aldadaraq məqsədlərinə çatdılar. Mən lazimi yerlərə müraciət edib, başıma gələn bu haqqsız, ədalətsiz qurma oyunları məlumat verdikdən sonra mənə sayıtlar vasitəsilə yenə hücuma keçdilər”. Keçmiş direktor əvəzi qeyd edib ki, onlar öz yeyintilərinin, əməllərinin satılmış saysız – hesabsız direktor, bağça kürsülərinin və pulla digər vəzifələrin açılmasından şübhələnib yenidən hücuma keçdilər: “Xahiş edirəm ki, bu sayıtlar həqqi yeyintini, rüşvət toxumu səpən Abşeron – Xızı Regional Təhsil İdarəsinin rəhbər şəxslərində İcranın birinci müavini Səmədov Teymur Qırımxan oğlunda və Abdullayeva İlhamə Sarif qızı və Abbasov Ramin Əfsər oğlunda və onlarla əlbir olub külli miqdarda rüşvət sahibi olan əlaltılarında, vəzifələrə yerləşdirdikləri öz qohumlarında araşdırıb həqqi rüşvətləri xəbər sayıtlarında işıqlandırsınlar.
Abdullayeva İlhamə Sarif qızından bir fakt misal gətirim: İlhamə Abdullayevanın qohumu, Regional İdarədə Anbardar, “bel daşıyan” vəzifəsindən məsləhətçi vəzifəsinə keçən Bayramov Məmməd İkram oğlunun həyat yoldaşı Gülüstan adlı xanım Sumqayıt şəhər 45 N-li bağçada (uşaq evində) xadimə adı altında müdirəlik edir. Yəni vəzifəsi xadimə ola-ola başqasının adı altında(Aynur adı altında) müdirə vəzifəsini icra edir. Bu hansı qanuna uyğundur? Xadimə müdirə vəzifəsini idarə edir. İlhamə Abdullayeva Sarif qızı bu və bu kimi əməllərini sayıtlara pul verib niyə işıqlandırmır?”
Masallı rayonunda baş verən zorakılıq, heç bir ölçüyə sığmayan qanunsuzluq hallarından ötən saylarımızda bəsh etmişdik.
Qeyd edək ki,
I qrup əlil Emin Əhədov, 29 may 2022-ci il tarixində vəhşicəsinə döyülərək qolunun bazu sümüyü sınıb və bu xəsarətdən sonra qolunda ağır əməliyyat keçirib. Emin Əhədovun qolu ömürlük funksiyasını və əmək qabiliyyətini itirib. Tibbi ekspertiziya bu xəsarəti, ağır xəsarət kimi dəyərləndirib.
Masallı məhkəməsi bu cinayətlə bağlı öz ədalətli qərarını verə bilmədi, yerli məmurların "kabadayı"larını qorudu.
Nadirova 4 aylıq ev dustaqlığı cəzası verdi. Yəni onu yenə də qorudular.
Kimlərə görə, nəyin müqabilində ???
Zərərçəkmiş şəxsin atası 70 yaşlı ağsaqqal Əhəd Əhədov Bakupress.Az -a bilidirir ki, məsələ ictimayiləşdikdən sonra sonuncu respublika prokurorıuğunun ekspertizasıda agır dərəcəli xəsarət rəyi verdi. Nəhayət ki,Spartak Nadirov məhkəmə qarşısına çıxarıldı.Amma nədənsə zərərçəkmiş olaraq biz məhkəməyə buraxılmadıq.
Nadirova 4 aylıq ev dustaqlığı cəzası verdi. Yəni onu yenə də qorudular.
Kimlərə görə, nəyin müqabilində ???
Kimlərə görə, nəyin müqabilində ???Ayaz Səlimov adlı hakim cinayətkarlardan pul alaraq ev dustaqlığı qərarı verib. Ayaz Səlimov hələ "Orient Ekspress" MMC-də işləyərkən hansı qanunsuz əməlləri edib hamısını araşdırıb və yaxında ictimailəşdirəcəyik. I qrup əlilin qanını batırmağa çalışan bu rüşvətxor hakim barədə yəqin ki, yaxında Ədliyyə nazirliyi lazımi tədbirləri görəcək. Məlumat üçün qeyd edək ki, cinayətkar Spartak Nadirov barədə 126-cı maddəyə əsasən cinayət işi açılıb. Hakim isə qanunu pozaraq, onu ev dustaqlığına buraxıb. Yaxında cinayət işi Ağır Cinayətlər məhkəməsinə göndəriləcək.
Araşdırmamız davam edir.
Bizi izləyin.
Fövqəladə Hallar Nazirliyinin tibb sahəsi üzrə formalaşdırılan üç qurumunun birləşdirilməsi üçün işlərə başlanılıb.
TEREF.AZ bildirir ki, Qaynarinfo-nun əldə etdiyi məlumatına görə, FHN-nin Tibb Xidməti, Tibb Mərkəzi və Xüsusi Həkim Ekspertiza Komissiyasının vahid qurum kimi fəaliyyət göstərməsi üçün layihə hazırlanır. Layihənin hazırlanması isə FHN-nin Tibb Mərkəzinin yeni rəisi təyin olunan polkovnik Xanım Sofiyevaya həvalə olunub.
Xanım Sofiyeva artıq sənədləri hazırlayaraq təsdiqlənməsi üçün FHN-in hüquq idarəsinə göndərsə də, müvafiq çatışmazlıqlar səbəbindən geri qaytarılıb. İndi Xanım Sofiyevanın rəhbərliyi altında bu sənədin yenidən hazırlanması istiqamətində işlər aparılır. Burada ştat cədvəllərinin artırılması da nəzərdə tutulur. Vahid tibb xidməti ilə bağlı sənəd təsdiqlənərsə, bu qurumun rəhbəri olacaq şəxsin rütbəsi də generala kimi yüksələcək.
Xanım Sofiyeva
Qeyd edək ki, 16 dekabr 2014-cü ildə fövqəladə hallar naziri, general-polkovnik Kəmaləddin Heydərov paytaxtın Binəqədi rayonu, Biləcəri qəsəbəsində inşa olunmuş Tibb Xidmətinin Tibb Mərkəzinin yeni inzibati binasının açılışını edib. Üstündən 8 il keçməsinə baxmayaraq, bu qurumda tibb sahəsi üzrə ciddi maddi-texniki çatışmazlıqlar var. Hazırda Tibb Mərkəzinin binası ilə FHN Bakı Regional Mərkəzinin binasının yerdəyişməsi prosesi gedir ki, bunun üçün də külli miqdara maliyyə vəsaiti ayrılıb və iş Xanım Sofiyevaya tapşırılıb.
Tibb Mərkəzinin yeni inzibati binasının açılış mərasimi
Buna cavabdeh olan şəxslər (Tibbi və psixoloji yardımın təşkili şöbəsinin rəis müavini Namiq Qayibov) vəzifələrini möhkəmləndirmələrinə baxmayaraq, Tibb Xidməti və Tibb Mərkəzində xeyli sayda yüksək rütbəli şəxslər istefa verməli olublar. Bəziləri isə vəzifələrindən çıxarılıblar.
İddia edilir ki, vahid tibb mərkəzi təsdiqləndikdən sonra bu qurumun başına rəhbər gətirləcək polkovnik Xanım Sofiyeva ona mane olan bütün işçiləri də vəzifəsindən uzaqlaşdıra bilib. Həmin quruma rəhbər vəzifəsinə namizəd ola biləcək Tibb Mərkəzinin sabiq rəisi, tibb xidməti polkovniki Kamal Namiq oğlu Əliyev, tibb xidmətinin iqtisadi işlər üzrə rəis müavini - polkovnik Rəfiq Faiq oğlu Mirişli və tibb xidməti mayoru Mirzəyeva Aidə Rəfail qızını da uzaqlaşdırmağı bacarıb.
Xatırladaq ki, Kamal Əliyev mərhum akademik Namiq Əliyevin oğlu, Aida Mirzəyeva nazirin 1-ci müavini, general-leytenant Rəfail Mirzəyevin qızıdır. Rəfiq Mirişlinin atası, professor Faiq Mirişli uzun illər Naxçıvan Dövlət Universitetinin prorektoru olub və xalq artisiti Ramiz Mirişlinin qardaşı oğlu, eyni zamanda "Dan ulduzu" ansamblının rəhbəri olmuş mərhum Həsənağa Qurbanovun bacısı oğludur.
Kamal Əliyev
Onların arasında bu ilin aprel ayında vəzifələrindən azad olunaraq, sərəncama göndərilən maliyyə şöbəsinin rəisi Anar Ələkbərov, dərman şöbəsinin rəisi polkovnik-leytenant Rəşad Feyzullayev, öz istəyi ilə işdən gedən statistika şöbəsinin rəisi Afaq Hüseynova da var.
Onu da bildirək ki, hazırda FHN-nin Tibb Xidməti ümumi şöbəsinin rəisi mayor Sevər Hacıyeva FHN-nin Tibb Mərkəzinin Zığdakı Modul Tipli Hospitalından da qeyri-rəsmi olaraq 1000 manat əmək haqqı almaqlda orda da işə çıxıbmış. Sevər Hacıyevanı bura sabiq vergilər naziri Fazil Məmmədovun bacısı oğlu İlyas Həsənov aparıb. İlyas Həsənov "Synergy Group" MMC-nin icraçı direktoru vəzifəsində də çalışıb.
Sevər Hacıyeva bir neçə ay əvvəl (dəfələrlə təkrarlanıb) restoranların birində rəsmi formada qəlyan çəkərkən FHN-nin mayoru, Yanğın Nəzarəti Xidmətinin Nümayim adlı əməkdaşının etirazı üzləşib. Nümayim ona restoranda FHN-nin formasında belə hərəkət etməsinə görə irad bildirib. Daha sonra FHN-nin xanım və kişi əməkdaşının mübahisəsi təmsil etikləri qurumda da davam edib. Həmin günün səhəri qurumun binasının liftində onlar yenidən mübahisə ediblər.
Bundan qəzəblənən Sevər Hacıyeva Nümayim haqqında müvafiq vəzifəli şəxslərə şikayət edərək, onu vəzifəsindən qovdurmağı bacarıb. O, Nümayimlə aralarında olan mübahisəni avtomobilində video görüntüyə də çəkib. Hazırda Nümayim tapdalanmış haqqını bərpa elətdirmək üçün Sevər Hacıyevanı məhkəməyə verib və bu işlə bağlı məhkəmə çəkişməsi gedir.
İddiaya görə, Sevər Hacıyeva Nümayimi qovdurmaqda general-mayor Sevda Şirinovanın, daxili təhqiqat mayoru Tural Məmmədovun, nəzarət təftiş xidmətinin əməkdaşı Nicat Ağayevin dəstəyindən istifadə edib. Nicat Ağayevin "Gömrük işi"nə görə həbsdə olan general-mayor Ehtiram Xəlilovun yaxın qohumu olduğu da deyilir. Sevər Hacıyeva həm də Xanım Sofiyevaya ilə yaxındır. Sevər Hacıyevanın yuxarıda adını sadaladığımız şəxslərə arxayın olub qurumda istədiyini edə bildiyi deyilir.
Qəşəm Məmmədov
Sevər Hacıyevaya digər vəzifəli şəxslər - nəzarət təftiş komissiyasının rəisi, "Tuz Qəşəm" ləqəbli Qəşəm Məmmədov, Mülki Müdafiə Qoşunlarının məntəqə həkimi, FHN-nin Tibb Mərkəzinin sabiq rəisi Ərəstun Əliyev də ona dəstək verirlər. Hazırda qeyri-rəsmi olaraq Ərəstun Əliyev FHN-nin Tibb Mərkəzinin Zığdakı Modul Tipli Hospitalı üzrə cavabdeh şəxsdir. Ona xidməti avtomobil də Xanım Sofiyeva təşkil edib. Xanım Sofiyevaya yalnız yüksək vəzifəli generalların tapşırığı ilə vəzifə tutan şəxslərlə yaxınlıq edir.
İddiaya görə, Ərəstun Əliyev FHN-nin Tibb Mərkəzinin rəisi vəzifəsindən azad olunduqdan sonra ondan üz döndərən işçilərdən "qisasını” Xanım Sofiyevanın əliylə almağa çalışır.
Tibb Mərkəzinin rəisinin müavini, polkovnik Eydun Rzayev, Mərkəzin kadrlar şöbəsinin rəisi, mayor Adil Aqilov vəzifəsindən kənarlaşdırılıb. Aqil Aqilovun nazir müavini, general-mayor Teymur Mehdiyevin köməkçisi olan qardaşı da vəzifəsindən uzaqlaşdırılıb. Maliyyə şöbəsinin əməkdaşı, baş leytenant Əliqulu Quluzadə, həkim Rəfail, fizioterapist Şəhla da işdən çıxarılıblar. Xanım Sofiyeva öz əvvəlki yerinə - Tibbi və psixoloji yardımın təşkili şöbəsinin rəisi vəzifəsinə kosmetoloq Pərvanə Babayevanı təyin elətdirib.
Bir sözlə Xanım Sofiyevə uzun müddətdir işə çıxmayan, səhhətində ciddi problem yarandığı deyilən fövqəladə hallar nazirinin müavini, tibb xidməti general-leytenantı Faiq Cavad oğlu Tağı-zadənin dəstəyi ilə bugünki vəzifəsinə gəlib çıxıb. Hazırda isə Xanım Sofiyeva deyilənə görə general-leytenantı Faiq Cavad oğlu Tağı-zadənin ən böyük rəqibinə çevirilib.
Yeri gəlmişkən FHN Tibb Xidməti rəisi, tibb xidməti polkovniki Pərviz Vəliyevin də yaxın vaxtlarda təqaüdə göndəriləcəyi ilə bağlı ehtimallar var. Çünki xidmetkeçmənin son yaş həddindən 4 il ötüb. Hazırda Pərviz Vəliyevin də Xanım Sofiyevanın rəqibinə çevrilməsinə baxmayaraq, nazirlikdə güclü nüfuza sahib adam kimi tanınır.
Məhbubə Vəliyeva
Pərviz Vəliyevin anası Məhbubə Vəliyeva ATU-nun əczaçılığın texnologiyası və idarəçiliyi kafedrasının müdiridir. O, nazirin həyat yoldaşı Ruhəngiz Heydərova ilə birgə hazırladıqları "Biyan” adlı dərman preaparatları müssisəsinə sahibdirlər. Onlar hazırda biyan əsasında 60 Avroasiya və milli patentin sahibidir.
Onu da bildirək ki, 2019-cu ildə "Babasil əleyhinə vasitənin alınma üsulu” Avroasiya patenti №024167 Patentin sahibləri - Heydərova Ruhəngiz Muxtar qızı, Vəliyeva Məhbubə Nəbi qızı və Vəliyev Pərviz Mustafa oğlu qızıl medala layiq görülüblər.
Bir sözlə, bu yolla yüksək vəzifə tutan Pərviz Vəliyev Bakıda və rayonlarda kifayət qədər böyük biznesə, mülklərə malikdir. Onun Bakının Mərdəkan qəsəbəsində qiyməti milyonlarla dəyərləndirilən 3 mərtəbəli bağ evi, Badamdar qəsəbəsində bir villası, Maştağa qəsəbəsində iki mərtəbəli evi, heyvandarlıq təsərrüfatı obyekti, Qaxda arıçılıq təsərrüfatı, Binəqədidə, Heydər Məscidinin yanında bir evi olduğu halda, dövlətin mənzil-kirayə pulundan da yararlanır. Polkovnik qeyri-qanuni olaraq illik FHN-dən 6900 manat kirayə pulu da alır.
Pərviz Vəliyev
İddiaya görə, son yaş həddinin xidmət müddəti 7 il keçmiş FHN Tibb xidməti Tibb işləri üzrə rəis müavini, tibb xidməti polkovnikı Salman Məmmədov ve digər tibb xidmətinin əməkdaşları evləri olduğu halda, saxta sənəd düzəldərək küli miqdarda kirayə pulu alıblar. FHN nəzarət təftiş idarəsinin rəisi Qəşəm Məmmədov da buna olaraq göz yumub.
Onların bu güzəştlərdən yararlanması FHN-nin sözügedən qurumlarının əməkdaşları arasında ciddi narazılıqlarla qarşılanıb. Bir neçə gün əvvəl Kəmaləddin Heydərov Tibb Mərkəzinə gələrək, oradakı catışmamazlıqlara görə mərkəz rəhbərinin müavini, Davud adlı şəxsi danlayıb. Nazir onun vəzifə və rütbəsini bir pillə aşağı salmaq haqqında göstəriş versə də, Xanım Sofiyeva öz kadrı olan Davudu Sevda Şirinovanın dəstəyi ilə qoruya bilib.
"Hazırda Dövlət Gömrük Komitəsi rəsmiləri şirkətlərimizə məxsus yük dolu iki maşının təyinat yerini qanunsuz olaraq dəyişib. Bu səbəbdən də maşınları Mazımçay gömrük postunda saxlamışıq və quruma rəsmi müraciət ünvanlayıb əsaslandırma tələb edirik".
TEREF.AZ xəbər verir ki, bunu Bizimxeber.az-a Gömrükdə heç bir əsası olmayan hallarla üzləşən sahibkar İlyas Qocamanov deyib.
"Rəsmi qeydiyyatı və anbarı Sumqayıt şəhərinə aid olan şirkətlərə məxsus yüklərin qanunun tələblərinə uyğun olaraq təyinat yerini bütün rəsmi sənədlərdə Sumqayıt Gömrük Postu olaraq göstərmişik. Amma yük dolu maşınlarımızın Mazımçay Gömrük Postunda təyinat yeri dəyişdirilərək yenə Bakı şəhəri göstərilir. Bu isə qanunun tələblərini pozmaqla yanaşı, biz sahibkarların əlavə xərclərə salınması, günlərlə vaxt itkisi deməkdir".
İlyas Qocamanov bildirib ki, Gömrük Komitəsisinin əvvəlki rəhbərliyi dövründə yükün təyinat yerinin dəyişdirilməsi şirkətlərə və qanuni işləyən sahibkarlara qarşı qanunsuz tələblərin irəli sürülməsi məqsədi daşıyıb: "Uzun illər Gömrük Komitəsində çalışan, hazırda həbs edilən və ya vəzifədən qovulan əvvəlki generallar, şöbə müdirləri və onların işçiləri qanunsuz olaraq ya şirkətlər Bakı şəhərində qeydiyyatda olduğu deyirdi, ya da şifahi olaraq "əcəb edirik" deyirdilər.
Əslində bu tam qanunsuz tələblər idi. Bu qanunsuzluğun davamı olaraq yüklə doilu maşınlar günlərlə Bakı Baş Gömrük İdarəsində saxlanılırdı, əlavə ödəmələr tələb edilirdi, absurd tələblər və sair süründürməçilik halları həyata keçirildi.
Hazırda eyni əməllərin təkrar olunması ciddi suallar ortaya qoyur və Gömrük Komitəsinə sədr əvəzi təyin edilən Şahin Bağırovun apardığı islahatları kölgə altına salır. Hazırkı vəziyyət mənə bundan başqa düşüncə yeri qoymur. Eyni əməllər təkrar olunursa, eyni qanunsuz qərarlar verilirsə, eyni hərəkətlər təkrarlanırsa deməli hələ də nəsə düz deyil.
Hesab edirəm ki, mənə və diğər sahibkarlara qarşı atılan məlum addımlar qurumda hələ də qalan köhnə komanda üzvlərinin əməllərinin bəhrəsidir, yaxud aparılan islahatlar hələ də heç bir müsbət nəticə vermir".
"DGK sədri səlahiyyətlərini icra edən Şahin Bağırovdan bu qanunsuz əməllərin kimlər tərəfindən və hansı məqsədlə edildiyinin cavabını öyrənmək istəyirəm" - deyən Qocamanov bildirib ki, yüklərin təyinat yerinin niyə dəyişdirilməsinə cavab almaq üçün quruma rəsmi müraciət ünvanlayıb.
Qeyd edək ki, DTX-nın əməliyyatı zamanı Dövlət Gömrük Komitəsinin bir neçə generalı həbs edilib, ölkə başçısının sərəncamı ilə Səfər Mehdiyev vəzifədəb uzaqlaşdırılıb. Hazırda sözügedən qurumun sədr əvəzi postu Şahin Bağırova həvalə edilib.
Həmçinin Səfər Mehdiyevin komandasının üzvü olan bir neçə general vəzifədə saxlanılır və görünən odur ki, bu şəxslər və ətrafındakılar köhnə əməllərini davam etdirir və ya etdirmək niyyətindədirlər. Bu barədə daha geniş araşdırma materialı hazırlanmaqdadır.
DogruXeber.az: - Milli Elmlər Akademiyasının (AMEA) prezidenti vəzifəsini icra edən akademik Arif Həşimova yönəlik ittihamların ardı-arası kəsilmir.
AMEA-da Ramiz Mehdiyev dönəmindən sonra bu strateji qurumda vəziyyətin tədricən normallaşacağına və Akademiyanın adının hallandığı neqativ məsələlərə son qoyulacağına dair gözləntilər nəinki doğrulmur, əksinə, tənqidlərin daha da intensivləşdiyi müşahidə edilir.
Akademiyanın prezidenti vəzifəsini icra edən Arif Həşimovun bu elm məbədində kadr siyasətini şəxsi əlaqələrinə uyğun aparması, elmlə əlaqəsi olmayan “alim”lərə geniş səlahiyyətlər verməsi, uğurlu alimləri isə küncə sıxışdırması ilə bağlı ittihamlardan sonra onun indi də təbiətlə “savaş”a başladığı bildirilir.
İddiaya əsasən, AMEA Dendrologiya İnstitutunun sabiq direktoru, Akademiyanın müxbir üzvü Tofiq Məmmədovun faciəvi ölümündən sonra qurumun rəhbərliyi Mərdəkan qəsəbəsində, milyonçu un inqilabdan əvvəl bağ imarəti olan ərazisində yerləşən və 12 hektara yaxın əraziyə malik İnstitutun nadir bitkilərdən ibarət bazası sözün həqiqi mənasında talan edilməkdədir.
Bu talançılığa görə əsas ittihamlar isə Arif Həşimova və sözügedən institutun daxil olduğu AMEA Biologiya və Tibb elmləri Bölməsinin rəhbəri akademik İradə Hüseynovaya yönəlib.
Qeyd olunur ki, Dendrologiya İnstitutunun müvəqqəti rəhbərliyi ilə AMEA-nın rəhbər şəxslərinin “hücum”ları nəticəsində illərlə yaradılmış səma altındakı açıq muzey məhv edilir. İnstituta müvəqqəti rəhbərliyin təyinatına qədər canlı kolleksiyalarda qorunan təqribən 1800 növ, o cümlədən 1540 forma və sortun yetişdirildiyi, qorunub saxlandığı oranjereyalar dağıdılır, qiymətli bitkilər kimlərinsə bağlarına aparılır, yaxud da sadəcə, satılır – onların aqibəti məlum deyil.
Bildirilir ki, AMEA rəhbərliyi dövlət başçısının 28 iyul 2022-ci il tarixli Fərmanı ilə Dendrologiya İnstitutunun Elm və Təhsil Nazirliyinin nəzdinə keçməsindən və yaranmış qeyri-müəyyənlikdən ifadə edərək, arzuolunmaz əməllərini genişləndirməkdədir. Başqa sözlə, vurğulanan Fərmanın məqsədi bu sahədə təkmilləşdirməyə xidmət etsə də, akademik Arif Həşimovun niyyəti tamamilə fərqlidir.
Nə qədər acınacaqlı olsa da, Dendrologiya İnstitutunun müvəqqəti rəhbərliyi AMEA-nın prezidenti vəzifəsini icra edən akademik Arif Həşimov və akademik İradə Hüseynova ilə birlikdə son 30-40 il ərzində böyük əziyyətlə başa gələn, əməkdaşların fədakarlığı sayəsində qorunub saxlanılan bitki kolleksiyalarının məhvinə göz yummaqdadır. Onların bu davranışı isə adi məsuliyyətsizlik yox, dövlətin əmlakına, xalqın irsinə qarşı cinayət olaraq qiymətləndirilir.
Yuxarıda da qeyd edildiyi kimi, burada söhbət xalqın məhv olunan təbiət irsinin qorunub saxlanılmasından getdiyi üçün Bakı Şəhər İcra Hakimiyyəti, Elm və Təhsil Nazirliyi, Ekologiya və Təbii Sərvətlər Nazirliyinin təcili hərəkətə keçmələri lazımdır. Əks halda, çox gec olacaq.// yenicag.az
Müəllimlərdən rüşvət tələb etdiyi üçün vəzifəsindən azad edilən, Sumqayıt şəhər 32 saylı orta məktəbin sabiq direktoruna başqa vəzifədə çalışır.
DİA.AZ bildirir ki, Trend-in əldə etdiyi məlumata görə, sabiq direktor Esmira İbrahimova Sumqayıt şəhər üzrə təhsil şöbəsində metodist vəzifəsində işləyir.
Xatırladaq ki, bir müddət əvvəl Sumqayıt şəhər 32 saylı orta məktəbin direktoru İbrahimova Esmira Famil qızı müəllimlər üçün yaratdığı "Watsapp" qrupuna və ayrı-ayrı müəllimlərə səs ataraq hər müəllimdən 50 manat tələb etmişdi. Orta məktəbin təmiri bəhanəsi pul tələb edən direktor səs yazısında həmçinin müəllimləri əmək haqlarından da pul tutulacağı ilə də hədələmişdi.Səs yazısı yayılandan sonra məsələ ilə bağlı araşdırmalar aparılmış və direktor vəzifəsindən azad edilmişdi.
Həmçinin faktla bağlı Baş Prokurorluqda da araşdırma başlanmışdı.
Abşeron-Xızı Regional Təhsil İdarəsindən (AXRTİ) Trend-in sorğusuna cavab olaraq bildirilib ki, Esmira İbrahimova 08.05.2012-ci ildən Sumqayıt şəhər Təhsil Şöbəsində metodist vəzifəsində çalışır. Məktəb direktorluğu fəaliyyətində və işində yol verdiyi nöqsanlara və xətalara görə tutduğu vəzifədən azad edilmişdir. Hal-hazırda AXRTİ-də metodist vəzifəsində çalışmaqdadır.
DİA.AZ bildirir ki, tanınmış hüquq müdafiəçisi Səadət Bənənyarlı 3 cü sinfidə oxuyan nəvəsi ilə bağlı üzləşdiyi problemə görə Moderator.az-a üz tutub və başına gələnlərin ictimailəşməsini xahiş edib:
"Şəhərdəki tıxacları nəzərə alaraq, nəvəmi Avropa liseyinə kecirməyi qərara aldıq. Təhsil Nazirliyinə muraciət etdik. Çətinliklə də olsa qeydiyyatdan kecdik. Qeydiyyat başlayandan 10 dəqiqə kecməmiş liseyin saytı baglanmışdı. Təhsil Qanununa uygun olaraq usaqların təhsil müəssisələrinə qəbulu və yerdəyisməsi Qaydaları təsdiq edilmişdir. Qaydaların 3.3. bəndində " şagirdlərin yerdəyişməsi bu Qaydalar əsas tutulmaqla həmin müəssisələrin nizamnamələrinə uygun həyata kecirilir" yazılıb. Təbii ki, nizamnamələr, əsasnamələr "Təhsil Haqqında" Qanunun muddəalarindan kənara çıxa bilməz. Köçürülmə 2 mərhələli test imtahanları nəticələri əsasında baş tutmalı idi. Nəvəm hər 2 mərhələni (1-ci mərhələ deyilənə görə nazirlik tərəfindən kecirilib) uğurla keçdi. Sonra onu Avropa liseyinin əsasnaməsinə (?) görə Verbal test imtahanına dəvət etdilər. Bu testə də getdik. Lakin test verbal yox, yazılı, adi test oldu. Uşağın dediyinə görə, onun üçün çox asan olan 3-cü yazılı test imtahanını da verdik. Bir müddət gözlədik, məlum oldu ki, nəvəm 3-cu testdən keçə bilməyib. Məsələnin nə yerdə olduğunu öyrənmək üçün liseyin direktoru Zülfiyyə Veysovanın qəbuluna getdim. Məqsədim nəvəmin 3-cü tur testlərinin cavablarına baxmaq idi. Məni 2 saat gözlətdi (yəqin nə deyəcəyini bilmirdi). Özünün dediyi və bizim bildiyimiz kimi 1-ci turda riyaziyyat fənnindən bir səhv belə etməyən uşaq üçün "diqqəti yayınıqdır, nitqi səlis deyil" ifadələri islətdi. Mən ondan bunu necə müəyyən etdiyini soruşdum və dedim ki, axı siz verbal test keçirməmisiniz, bunları necə müəyyən etmisiniz? "Yazılı test vasitəsilə" dedi. Testlərə baxmaq istədim. Dedi psixoloqdadır, şənbə günü gəlin bir yerdə baxaq. Razılasdıq ki, mənə zəng edib gorüş vaxtını deyəcək. İndiyə kimi zəng etməyib, çünki dediklərinin hamısı yalan idi. Biz ekspertlərə, psixoloqlara müraciət etdik, rəylərini öyrəndik: yazılı test vasitəsi ilə şagirdin nitq qabiliyyətini müəyyən etmək olarmı sualına birmənalı olaraq "mümkün deyil" dedilər və bu barədə rəy verməyə də hazırdırlar.
Sən demə, bu 3-cü test imtahanı istədikləri adamların övladlarının liseyə qəbul edilməsi ücün lazımdır. Bunu ekspertlər, mütəxəssislər də təsdiq edirlər. Baş vermiş saxtakarlıgın qarşısının alınması, ədalətin bərpası ücün nazirliyə müraciət etdik. 3-cu sinfi bitirmiş şagirdin hüququnun bərpası ücün apellyasiya şikayəti verdik, 3-cü test imtahanının araşdırılmasını xahiş etdik. Təəssüf ki, məsələni araşdırmadan Elm və təhsil naziri cənab Emin Əmrullayevə yazdığım ərizəyə nazirliyin şöbə müdîri Elnur Əliyev cavab verdi. Bildirildi ki, nəvəm sıfır bal topladıgı üçün qəbul olunmayıb. Bu sıfır balı haradan çıxıb, bilmirik. 1-ci və 2-ci turu müvəffəqiyyətlə keçən şagird (bu barədə uygun sms-lər də var) qeyri-qanuni olan (təhsil qanununa zidd odugu üçün ), nəticələri müraciətlərimizə baxmayaraq bizə açıqlanmayan 3-cü turdan keçə bilmir? Sıfır balı necə hesablayıblar? Axı bizim cənab nazirə müraciətimiz, apellyasiya şikayətimiz məhz 3-turla əlaqədardır. Xahiş edirdik ki, araşdırın, bizi dəvət edin, testin cavablarını göstərin, Qaydalara görə 2 turu keçən şagird artıq köçürulmə olunmalıdir, bəs sıfır bal haradan çıxıb? Mən bu dəfə cənab nazirin qəbuluna yazılmaq üçün müraciət etdim və absurd bir cavab aldım. Cənab nazir ayda bir dəfə ancaq müəyyən edilmiş regionda, əvvəlcədən müəyyən edilmiş, müəyyən kateqoriya vətəndaslari qəbul edirmiş. Bakının qəbulu hələ ki, nəzərdə tutulmayıb. İnşaallah o birilərinə 5-6 ilə növbə çatar. O vaxta qədər ya xan ölər, ya da...
Bəs biz dərdimizi kimə deyək, kimə müraciət edək, prezidentə?"
DİA.AZ bildirir ki, Moderator.az-ın əməkdaşı tanınmış hüquq müdafiəçisindən daxil olmuş bu müraciətlə bağlı millət vəkili, parlamentin elm və təhsil komitəsinin üzvü Etibar Əliyevə üz tutub. E. Əliyevin cavabı gözlənilməz olmayıb və o, adıçəkilən təhsil müəssisəsi haqqında fikirlərinin neqativ olduğunu bildirib:
"Bakı Avropa Liseyi haqqında mənim fikrim çox mənfidir. Doğrusu, mənim o məktəblə bağlı tanışlığım yox idi. Mən orada gənc müəllimlərin qurultayında iştirak etdim və gördüm ki, bu məktəbdə təhsil yox, sadəcə təhsil adında bir imitasiya var. Mən həmin məktəbin kitabxanasında oldum və gördüm ki, çox məhdud sayda kitab fondları var. Kitabxananın ərazisi böyük olsa da nəinki Bakının adı məktəblərinin və ya tutaq ki, Pirallahıdakı hansısa məktəbin, hətta ucqar bir rayondakı məktəbin kitabxanasından heç nə ilə fərqlənməyən bərbad kitabxanası var. Mən bunu hətta Milli Məclis tribunasından da səsləndirmişəm. Laboratoriya səviyyələri çox aşağıdır. Eyni zamanda STEAM laboratoriyaları da aşağı səviyyədədir. Qeyd edim ki, mənim iştirakçısı olduğum həmin tədbirdə təhsil naziri də iştirak edirdi və onun yanında Zülfiyyə Veysovaya müraciət edərək "mən sizin fəaliyyətinizə 2 verirəm" dedim. Etiraf edilməlidir ki, o, Bakı Avropa Liseyində tədrisi yaxşı təşkil edə bilməyib. Dediyim kimi liseyin kitabxanası bərbad, laboratoriyası bərbad, STEAM kabineti bərbad vəziyyətdə idi. Zülfiyyə Veysova sadəcə həmin məktəbdə gözəl imitasiya yaradıb. Zülfiyyə xanım kimi adamlar yalnız qrantlardan və çeşidli proqramlardan pul mənimsəməklə məşğuldurlar. Onlar təhsili bilməsələr də qrant məsələsində peşəkarlaşıblar. Onlar hansısa ölkədən texnologiyanın adını çəkirlər, ancaq onu Azərbaycan məktəbinə tətbiq edə bilmirlər".
Nə yazıq ki, son vaxtlar sosial medialarda belə məlumatlar dərc edilir ki, hansısa məmur şəhid anasına, "Neyniyim oğlun şəhid olub", yaxud müharibə əlillərinə "neyniyim əlilsən, mənim üçün döyüşməmisən ki, özün üçün döyüşmüsən də" kimi ifadələr işlədiblər.
Maraqlıdır, o oğullar necə özləri üçün döyüşüb ki, əllərinə silah götürüb, ölümün üstünə gediblər, o anaları, o valideynləri də təbii ki, bu tip məmurlar ümumiyyətlə anlamazlar, çünki, onlar o atalar, o analar kimi şərəfli oğul böyüdüb, "kişilik məktəbi" adlandırılan hərbi xidmətə, müharibəyə göndərməyiblər.
44 günlük müharibə ərəfəsində, baxmayaraq ki, pandemiya dövrü idi, ölkəyə giriş-çıxış sərbəst deyildi, amma əksər məmurların oğulları, kürəkənləri ölkədən hansısa yollarla çıxmışdılar. Cavan məmurlar özləri də xeyli azalmışdı, əksəriyyəti "xaricdə müalicədə" idilər ya da o adla səfərbərlikdən yayınırdılar, deyə bilmərik, gerçək olan isə budur ki, zəfər savaşında heç bir məmurun "oğlun şəhid oldu" deyilib, qucağına bayraq verilmədi. Əksinə, müharibə sakitləşən kimi, çox məmurlar el dilində desək "şirə dönüb, düşdü qazi və veteranların üstünə. Nəcə dəyərlər düşmənə GÜC gələn igidlərə, təklikdə "güc " göstərib, problem ictimailəşdirildikdə isə "xəbərim olmayıb sığortası"ndan istifadə etməklə "aydan arı, sudan duru" olduqlarını göstərməyə çalışan səlahiyyət sahiblərinin bir qismi də hərbi komissarlıqlarda əyləşən səlahiyyət sahibləri idi.
Sizi deyə bilmərik, söhbət hərbi komissarliqların özündənrazı səlahiyyət sahiblərindən düşəndə, bizim ağlımıza ilk gələn Beyləqan hərbi komissarlığı oldu.
Yəqin ki, siz də xatırlamış olarsınız ki, ötən il bir qrup Beyləqan rayon sakinləri - şəhid və qazi ailələri "DogruXeber.az" redaksiyasına məktubla müraciət edib, Ş.H.X.Ç.D.X-nin Beyləqan rayon şöbəsinin rəisi Əlsafa Musa oğlu Məmmədovun 2020-ci ildə müharibə ərəfəsində 7-10 min manat rüşvət müqabilində bir neçə imkanlı rayon sakinlərini hərbi səfərbərlikdən yayınırdırdığı barəsində məlumat vermişdilər.
Sakinlər bizə Əlsafa Məmmədovun oturduğu hər məclisdə Arzu Rəhimovun qohumu olduğu ilə qürrələnməsini bildirmişdilər.
Doğrusu, bunu sakinlərdən eşidəndə, o qədər də inandırıcı gəlmədi. Düşündük, bəlkə şişirdilmiş şaiyədir. Lakin, eşidəndə ki, Əlsafa Məmmədov qardaşının məhkumluq həyatı olmasına rəğmən bu vəzifədə çalışır, daha "qohumluq əlaqələri"nə şübhəmiz qalmadı.
Üstəlik, sakinlərin şikayətləri ictimailəşdirildikdən sonra Əlsafa Məmmədovu işdən çıxarmaq əvəzinə, eyni vəzifə ilə Sabirabad rayon Hərbi komissarlığına köçürülməsi, yəni Arzu Rəhimovun Əlsafa Məmmədovun öz dili ilə desək, qohumunu "bığdan götürüb, saqqala qoyması" nəinki isti münasibətlərin olduğuna dair şübhələri aradan götürdü, hətta əminlik hissi belə yaratdı.
Yeri gəlmişkən, indi sizə "DogruXeber.az" olaraq, elə bir məlumat verəcəyik ki, məəttəl qalacaqsınız.
Ya da yox, inanmırıq ki, o qədər təəccüblənəsiniz, çünki, bu məsələ artıq, çoxlarınıza tanış - ən əsası da 2020-ci ilin sentyabrından bəri çoxlarınızın rastlaşdığınız, şahidi olduğunuz məsələdir.
Hörmətli Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimovun "diqqət və qayğısı" sayəsində yerlərdəki hərbi komissarlıqlar özləri üçün "əsgər biznesi" qurublar.
Necə?
Aşağıdakı videonu diqqətlə və sona qədər izləyin, o zaman özünüz də buna şahid olacaqsınız.
Gördüyünüz kimi, "DogruXeber.az" informasiya agentliyinin tərkibində fəaliyyət göstərən "Kanal14" youtube kanalında, "Kamalın zamanı" proqramı ilə canlı bağlantı yaradan Kazım Cəbrayılov Şamaxı rayonunda baş verən bir neçə şokedici faktlar açıqladı.
Əslən Şamaxı rayonundan olan və Sabirabad rayon "Nizami kənd" kəndində yaşayan Kazım Cəbrayılov bildirir ki, Şamaxı rayonunun bir kəndində 300 (üç yüz) nəfər "dəli" var. Yəni, bu imkanlı şəxslərin müharibədən yayınmaq üçün hərbi komissarlıqdan 5.000 (beş min) manata aldıqları diaqnozdur. Özü də Kazım Cəbrayılovun dediyinə görə, güya "psixiatrik problemləri olan" bu şəxslərin hamısının sürücülük vəsiqəsi, avtomobili və normal işi var.
Maraqlıdır, "dəli" olduğu üçün müharibəyə aparılmayan bu şəxslər, sürücülük vəsiqəsi alarkən, tələb olunan tibbi arayış üçün müayinələrə nə kimi cavab veriblər?
Bundan əlavə evində rahat oturub, öz biznesi ilə məşğul olan, müharibə ərəfəsində dövlət əmlakı olan iki yük avtomobilini idarənin sürücüləri ilə müharibəyə, odun-alovun içinə göndərən Şamaxı rayon Yol idarəsinin müdiri Nazim Eynallıya şəxsi imzası ilə fəxri fərman verən Arzu Rəhimov, görəsən həmin dövlətin əmlakı olan yük avtomobillərini müharibə zonasında idarə edən sürücülərə niyə "ögey"lik göstərib, adlarını "bir çürük qozla" da anmadı?
Yeri gəlmişkən, onu da qeyd edək ki, Kazım Cəbrayılovun bu açıqlamaları "Kanal14"də efirə gedər-getməz Arzu Rəhimovun"qoruyucu mələk"ləri dərhal hərəkətə keçdilər.
Aldığımız məlumata görə, proqramın efirdən çıxarılması üçün Kazım Cəbrayılovun özünə, atasına minnətçi düşüblər ki, "Gərək Arzu Rəhimovun adını çəkməzdin. Onu çalış efirdən sildir."
Xatırladaq ki, Beyləqan rayon hərbi komissarlığının rəisi Əlsafa Məmmədovun barəsində məlumat yayımladığımız zaman da həmin məlumatların yayımdan qaldırılması üçün də bir neçə müxtəlif şəxsləri, hətta bəzi həmkarlarımızı belə elçi salmışdılar.
Görəsən, adının mətbuatda çəkilməsindən bu qədər narahat olan Arzu Rəhimov tabeçiliyində çalışan işçilərinə konkret tapşırıqlar verib, problem yaradan korrupsioner əməkdaşlarını işdən çıxarmaqla, yaxud digər qanunamüvafiq qaydada cəzalandırmaqla, məsələni kökündən həll edə bilməzmi?
Mövzuya qayıdacağıq və növbəti yayımlarımızda daha da şokedici
Redaksiyamız hər kəsin söz haqqını tanıyır.
DogruXeber.az