Azərbaycan Dəmiryolu Qapalı Səhmdar Cəmiyyətinin sədr müavini Hicran Valehovun Avropadakı biznesi barədə sosial şəbəkəsə məlumat yayılıb.

TEREF.AZ 32gun.az-a istinadla yayılan məlumatı təqdim edir:

“Şirkət əvvəlcə Azərbaycanın Bratislavadakı fəxri konsulu Cəlal Qasımovun və xanımının adına keçirilir, 2018-ci ilin aprelin 4-dən isə Azərbaycan Dəmiryolu Qapalı Səhmdar Cəmiyyətinin sədr müavini Hicran Valehovun adına rəsmiləşdirilir. Fəxri konsul isə Hicran Valehovun şəriki olur. Sənədlərə görə cənab Valehovun Slovakiyadakı qeydiyyat ünvanı belədir: Javorová 5803/8, Pezinok 902 01.

Hicran Valehovun biznesi Slovakiya ilə məhdudlaşmır. Onun Çexiyada da geniş biznesi var.

Çexiya Ədliyyə Nazirliyində qeydiyyatdan keçmiş C E T S, s.r.o. şirkətinin sənədlərinə görə 5 iyun 1968-ci il təvəllüdlü, Bakı şəhəri, Qaraçuxur qəsəbəsi, Şadlınski küçəsi ev 26-da qeydiyyatda olan Hicran Valehov 13 iyun 2017-ci ildən bəri şirkətin iki təsisçisindən biridir. Şirkətin digər həmtəsisçisi isə A L L İ A N C E – G R O U P şirkətidir.

200 min çex kronu nizamnamə kapitalı olan C E T S, s.r.o. hələ 2009-cu ildə Praqada qeydiyyata alınıb (şəhadətnamə nömrəsi C 158021). 2017-ci ildə şirkət çex sahibləri (FRANTIŠEK DÁŇA, JIŘÍ BROŽ və JAN HRAZDIRA) tərəfindən Hicran Valehova satılıb və həmin tarixdən yeni ünvanda (Petrohradská 216/3, Vršovice, 10100 Praha 10) fəaliyyət göstərməyə başlayıb. Nizamnaməyə görə, istehsal, ticarət və xidmət sahəsində istənilən xidmət növü ilə məşğul ola bilər.

Şirkəti hal-hazırda Praqada yaşayan 1973-cü il təvəllüdlü Aydın Süleymanlı idarə edir. Aydın Süleymanlı eyni zamanda Alliance-group.eu, spol. s r.o şirkətinin həmtəsisçidir. Bu şirkət də faktiki olaraq Hicran Valehova aiddir. Belə ki, 200 min kron nizamnamə kapitalı olan şirkətin digər həmtəsisçisi Hicran Valehovun qardaşı, Bakı şəhəri Yeni Günəşli qəsəbəsində qeydiyyatda olan, 1972-ci il təvəllüdlü Məhəmməd Valehovdur. Şirkət 14 dekabr 2009-cu ildə Aydın və Aynur Süleymanlıların adına qeydiyyatdan keçirilib (şəhadətnamə nömrəsi: C 159637).

Alliance-group.eu, spol. s r.o daşınmaz əmlak, mənzil və qeyri-yaşayış sahələrinin alışı, kirayəsi ilə məşğuldur.

2016-cı ilin noyabrın 11-dən şirkətin Aynur Süleymanlı aid 50 faiz hissəsi Məhəmməd Valehovun adına rəsmiləşdirilib.

Mətbuatda gedən məlumatlarda Hicran Valehov "Azərbaycan Dəmir Yolları” QSC-nin sabiq sədri Cavid Qurbanovun "qara qutusu", ən yaxın adamı kimi təqdim olunur

Səhiyyə Nazirliyinin səlahiyyətlərinin böyük hissəsinin İcbari Tibbi Sığorta üzrə Dövlət Agentliyinə , onun yaratdığı Tibbi Ərazi Bölmələrini İdarəetmə Birliyinə (TƏBİB) verilməsi ilə əhalinin sağlamlığının qorunmasının effektivliyinin artırılması amacı güdülür(dü). Nə yazıq, tam əksi baş verib. Xəstələr Agentliyin, TƏBİB -in “xidmətlər zərfinə daxil edilməyən” qanunsuz ödənişlərindən sığorta olunmayıblar. Elə xidmət(sizliy)ə görə ödəniş ödənilməsi tələb edilir ki, Səhiyyə Nazirliyi heç vaxt bunu etmir(di). Hətta özbaşına özəl etdikləri dövlət tibb müəssisələrinə göndəriş verilməsi də ödənişlidir. Agentlikdən bildirildiyinə görə, bu ödəniş onların cibindən getdiyindən (?) , xəstələrin keyfiyyətli müaliciə alması üçün göndəriş verilməsindən imtina edilir.
Əlilliyi olan şəxslərin icbari tibbi sığortasına, tibbi xidmətlə təminatına gəldikdə isə, hər şey yaxşılığa doğru getmir. Əvvəllər nəinki müharibə ilə bağlı əlilliyi olan şəxslərin, eləcə də digər əlillərin bütün dövlət tibb müəssisələrində tibbi xidmətlərdən yararlanmaları hüquqları qanunla legitimləşdirilmişdisə , hazırda bu legitimlik İcbari Tibbi Sığorta üzrə Dövlət Agentliyinin göndərişindən asılıdır. Onu da, vurğuladığımız kimi, vermirlər ki, Agentlik xərcə düşür. Anlamaq olmur, bəs İcbari Tibbi Sığorta üzrə Dövlət Agentliyi nədən ötrüdür , niyə yaradılıb? Bəs vətəndaşların Respublikadan kənarda müalicəyə göndərilməsi kimin, hansı dövlət qurumunun büdcəsi hesabına həyata keçirilir? Axı hamı deputat, məmur deyil ki, adi sidik analizi verməyə də xaricə getsin! ?
Ədalət adına deyək ki, İcbari Tibbi Sığorta üzrə Dövlət Agentliyi vətəndaşların Respublikadan kənarda müalicəyə göndərilməsinə rəy verilməsində əlindən gələni edir. Müalicə xərclərinin ödənilməsi isə ya xəstənin özünün üzərinə düşür , ya da sosial müdafiə qurumlarının. Ən yaxşı halda, yaxın xaricdəki dost – tanışlarına ümid bağlayan xəstələrə qayıtdıqdan sonra yol xərcinin ödənməsinə söz verilir. 1-ci dərəcəli əlillərə gəldikdə isə, onları müşayiət edən şəxslərin yol xərcinin ödənməsi də həyata keçirilir. Vurğuladığımız kimi, İcbari Tibbi Sığorta üzrə Dövlət Agentliyi rəy verməklə yaxasını kənara çəkir. Hətta covid testinə görə ödənişdə də güzəşt edilmir! (?) Təsəvvür edin, Agentlik özünün xaricə göndərdiyi əlillərdən zorla 40 manat məbləğində “test haqqı” alır! “Zorla”nı ona görə vurğulayırıq ki, AZAL bu “uçuş testi” olmasa, uçmağa qadağa qoyduğundan , əlil ödəniş etməyə zorlanır.
Ötən gün ən ucuz - 40 manatlıq “uçuş testi” həyata keçirən üç tibb müəssisəsindən Nizami rayonundakı 18 saylı xəstəxanada xaricdə müalicəyə gedən Qarabağ qazisinə güzəştdən imtina olunub ki, İcbari Tibbi Sığorta üzrə Dövlət Agentliyi rüsum məsələsində hamıya “bir gözlə baxır” . Uçuşa buraxılmayacağından çəkinən əlil onu xaricə göndərən tibb müəssisəsinə ödəniş etmək zorunda qalıb.
Maraqlıdır, İcbari Tibbi Sığorta üzrə Dövlət Agentliyi müalicəyə gedənlər bir yana, müalicəyə göndərdiyi şəxslərdən adi bir testə görə ödəniş almaya bilməz? Özü də, heç demə, uçuşa test qadağası ləğv olunubmuş.
Məğrur Bədəlsoy
P. S. İcbari Tibbi Sığorta üzrə Dövlət Agentliyi qanunsuzluğunu “uçuş testinə” görə ödənişin xidmətlər zərfinə daxil olunmaması ilə izah edir. Lap tutaq ki, belədir, bəyəm bu yekəlikdə Agentliyin xaricdə müalicəyə gedən Qarabağ qazisinə 40 manatlıq güzəşt etmək hüququ da zərfə salınmayıb. Dılğır bir test niyə belə baha xərc tələb etsin ki?!Eyni zamanda, Qarabağ qazilərinin hərbi tibb müəssisələrində tibbi xidmətlərdən yararlanmalarına da “zərf qadağası” qoyulub. Dövlətin bütün tibb müəssisələrini dövlət məmurları hansı qanunla, hansı bazarda, hərracda satın alıblar ki, bizim xəbərimiz yoxdur? Qarabağ qazisinə müalicə , sağlamlığın qorunması lazımdır, müalicəyə bürokratik qadağa qoyulması yox!
Teref.az olaraq məqalədə toxunulan iddialarla bağlı qarşı tərəfin mövqeyini dərc etməyə hazırıq!
Teref.az

Bakıda daha bir məmur və iş adamı ilə bağlı qalmaqal gündəmə gəlib.

AFN.az-a məlumat verən mənbə bildirir ki, Azərbaycan Ağsaqqallar Şurasının sədr müavini, iş adamı Yusifov Bayram Məmməd oğlu başqa bir iş adamını aldatmaq və qanunsuz təzyiqlər etmək nəticəsində külli miqdarda əmlak əldə edib və etməyə də davam edir. Belə ki, Bayram Yusifov hələ 2015-2016-cı illərdə guya Nofəl Hacıyev adlı şəxsə 1.500.000 (bir milyon beş yüz min) manat pul verdiyini iddia edədək, Xırdalan şəhərində, Bakı-Quba magistralının 14-cü kilometrliyinin qərb tərəfində yerləşən “Çinar AN” MTK-ya məxsus yaşayış binalarından 25 mənzil və 1000 kv. metrdən artıq qeyri-yaşayış sahəsinin qanunsuz olaraq öz adına rəsmiləşdirilməsinə nail olub. Halbuki, həmin mənzillər və qeyri-yaşayış sahəsi 2013 və 2014-cü illərdə qanuni şəkildə müxtəlif vətəndaşlara satılıb. Əslində isə Nofəl Hacıyevin rəsmi olaraq “Çinar AN” MTK-ya heç bir bağlılığı yoxdur. O, MTK-da nə payçı, nə də sədr olmayıb, bununla da mənzil satmaq, müqavilə bağlamaq səlahiyyətlərinə də malik olmayıb. Mənbə bildirid ki, Bayram Yusifov Nofəl Hacıyevi aldadıb, müqavilələrin sadəcə olaraq, sığorta üçün girov kimi verilməsini tələb edib, lakin verdiyi pulu aldıqdan sonra həmin 25 mənzilin və qeyri-yaşayış sahələsni də mənimsəyərək sahiblənmək üçün “Çinar AN” MTK-ya qarşı iddia ilə Abşeron rayon Məhkəməsinə müraciət edib.
Azərbaycan Ağsaqqallar Şurasının sədr müavini, iş adamı Yusifov Bayram Məmməd oğlunun öz şəxsi adına “rəsmiləşdirilmiş”, lakin heç bir hüquqi qüvvəsi olmayan və səlahiyyətsiz şəxs tərəfindən imzalanmış bu müqavilələrdə 25 ədəd mənzil maya dəyərindən xeyli ucuz – 1 kv.m-i 400 manata dəyərləndirilib. Halbuki həmin vaxt o ərazidə mənzilin 1 kv.m-i 700 manat olub.
“Bir gündə 10-15 mənzilin qeyri-qanuni yolla sənədləşməsini aparıblar” - deyən mənbənin sözlərinə görə, Bayram Yusifov N.Hacıyevi aldadaraq və ona təzyiqlər edərək, binadakı qeyri-yaşayış sahəsinin də real dəyərindən uyğun sənədləşdirilməsinə nail olub - bir kvadratmetri 1500 manat olduğu halda, 800 manata: “Eyni zamanda, Bayram Yusifov Heydər Əliyev prospektində yerləşən binadan da saxta sənədlərlə mənzil və qeyri-yaşayış sahəsi əldə edib. Belə ki, həmin ərazidə 32 ədəd mənzili maya dəyərindən ucuz – kvadratmetrini 400 manata sənədləşdiriblər. Halbuki həmin vaxt orada mənzilin kvadratmetri 700 manatdan aşağı olmayıb. Həmçinin kvadratmetri 1500 manatdan aşağı olmayan 300 kv.m qeyri-yaşayış sahəsini 800 manata sənədləşdiriblər. Bayram Yusifov Xırdalan şəhərində, Bakı-Quba magistralının 14-cü kilometrliyinin qərb tərəfində yerləşən 5 bloklu binadan 10 mənzil, H.Əliyev prospektində yerləşən binadan isə 20 mənzil olmaqla 30 mənzil satıb. B.Yusifov mənzilləri vətəndaşlara satan zaman qanunsuz olaraq öz adına olan sənədləri ləğv etdirməyib və vətəndaşları aldadıb. Bunu etməklə o, gələcəkdə həmin mənzillərə iddia qaldırmaq imkanını özündə saxlayıb. Halbuki mənzil alan insanların o zaman bundan xəbəri olmayıb. Artıq onlar bu haqda məlumatlıdırlar və hüquq-mühafizə orqanlarına müraciət edəcəklərini bildiriblər”.
B.Yusifovun N.Hacıyevi aldatması və təzyiqləri nəticəsində 57 mənzil, 1000 kv.m qeyri-yaşayış sahəsi qeyri-qanuni yolla sənədləşdirilərək vətəndaşlara “satılıb”. Bu isə ümumilikdə mənzillər üzrə 3 999 000 manat, qeyri-yaşayış sahəsi üzrə isə 1 500 000 manat ziyan deməkdir: “Nəticədə Xırdalan şəhəri, Heydər Əliyev prospektində yerləşən, “Çinar AN” MTK-ya məxsus 105 mənzilli yaşayış binasında işlərin tamamlanması yarımçıq qalıb. Belə ki, kommunikasiya işlərinin heç birisi tamamlanmamış qalıb. Hesablamalara görə ümumilikdə təxminən 500-600 min manat vəsait lazımdır. Həmin binada 800.000 manat vergi borcu yaranıb.
Bakı-Quba magistralının 14-cü kilometrliyinin qərb tərəfində yerləşən “Çinar AN” MTK-ya məxsus 10 girişli binanın vergiyə olan borcu 2 milyon 200 min manat, Əmək Müfəttişliyinə olan borcu 120 min manatdır. Dövlət büdcəsinə bu borcların yaranmasının və tikintinin başa çatdırılmamasının əsl səbəbkarları Bayram Yusifovdur. Bütün bunlara görə də vətəndaşların haqlı narazılığı yaranıb və onlar hüquq-mühafizə orqanlarına, ölkə başçısına müraciət etməyə hazırlaşırlar”.
Qeyd edək ki, Hacıyevlə Yusifov əvvəllər yaxın münasibətdə olub. Daha sonra aralarında yaranmış borc mübahisəsi zamanı Hacıyev borcu qaytara bilməyib və Yusifovun təzyiqləri ilə üzləşib. Sonda isə Hacıyev canını qurtarmaq üçün “Çinar AN” MTK-ya məxsus olan binadan yuxarıda qeyd olunan mənzilləri və qeyri-yaşayış sahələrini qeyri-qanuni yolla Bayram Yusifovun adına sənədləşdirməyə məcbur olub.
Mənbəmiz məsələ ilə bağlı daha detallı məlumatlar verib. Aydın olur ki, bütün bu proseslərin arxasında iri məmurlardan biri dayanır. Elə həmin əlaqələrindən istifadə edərək, Bayram Yusifov Abşeron rayon Məhkəməsinin köməkliyi ilə öz qanunsuz əməllərinə qanuni don geyindirməyə, dəyəri 10.000.000 (on milyon) manata yaxın olan 25 ədəd mənzil və 1000 kv. metr qeyri-yaşayış sahəsini sahiblənməyə çalışır və hələ ki, buna qismən də olsa nail olur.
Növbəti yazılarımızda bu haqda da müfəssəl yazacağıq.
Bu yazıda qeyd edilənlərlə bağlı B.Yusifovla əlaqə saxlayıb mövqeyini almaq istəsək də, zəngimizə cavab vermədi. Hər bir halda, qarşı tərəfin mövqeyini verməyə hazırıq.

AFN.az, İnformasiya şöbəsi

Füzuli rayon Təhsil Şöbəsinin müdiri Ramella Şahin qızı Məmmədova barəsində müxtəlif media orqanlarında yazılan “xanım tərifini” oxuyanda adam xəcalət çəkir və demək istəyirsən ki, “Vəsf zamanı deyil, Ramella Şahin qızı..”.
Doğrudan da, ölkə təhsilinin nə səviyyədə olduğu, məktəblərdəki nizam-intizam, mənəvi atmosferin az qala hamıya bəlli olduğu bir zamanda Ramella Məmmədovadan “örnək” düzəltmək ən azı gülüncdür. Həm də nəzərə almalıyıq ki, Ramella Məmmədovanın rəhbərlik etdiyi kollektivin üzvləri tərəfindən dövlət qurumlarına, Təhsil Nazirliyinə ünvanlanan şikayətlərin arası dayanmır. Yeri gəlmişkən, Füzuli rayon Təhsil Şöbəsindəki 400 minlik mənimsəməyə görə, əvvəlki müdirə vəzifəsindən uzaqlaşdırılmışdı. Və Füzuli camaatı ümid edirdi ki, Ramella Məmmədova rayonun təhsil sahəsində müsbət dəyişiklik edəcək. Amma tam əksi oldu.
Belə ki, mətbuatdan bəlli olduğu kimi Ramella Məmmədovanın razılığı ilə bəzi məktəb direktorları məktəbin həyətyanı sahəsini öz şəxsi mal-qaralarının örüş yerinə çeviriblər.
Problem örüş yeri ilə bitmir. Ramella Məmmədova öz yaxınlarına deyir ki, mən filankəsin qohumuyam və onun verdiyi 200 min manatın hesabına bu vəzifəyə gəlmişəm və pulumu çıxartmalıyam.
Onu da qeyd edək ki, Ramella Məmmədovanın tabeçiliyində 79 ümumtəhsil məktəbi, 1 İnternat tipli Gimnaziya, 2 məktəbdənkənar təhsil müəssisəsi var. Həmin məktəblərin 15-i Bakı şəhəri, 5-i Sumqayıt şəhəri, 1-i Şirvan şəhəri, 2-si Sabirabad rayonu, 5-i İmişli rayonu, 7-si Beyləqan rayonu, 44-ü isə rayon ərazisində fəaliyyət göstərir. Rayonun ümumtəhsil məktəblərində təhsil alan şagirdlərin sayı 13929 nəfər, pedoqoji işçilərin sayı 2159 nəfərdir. İndi özünüz hər ay müəllimlərdən yığılan pulun miqdarını təxmini hesablayın. Hər müəllimin maaşından 10-15 manat tutulsa, bu 30 min manatdan çox pul edir. Bu hələ harasıdır..?
Təsəvvür edirsiniz, 80 məktəbə ayrılan idman və digər avadanlıqlar satılaraq pulu Ramella Məmmədova tərəfindən mənimsənilib. Ramella Məmmədovanın korrupsiya mexanizmi bununla bitmir. Dövlət tərəfindən rayon Təhsil Şöbəsinə ayrılan vəsaiti mənimsəmək üçün Ramella Məmmədova saxta tenderlər keçirir və külli miqdarda “otkat”lar alır. Füzuli rayon məktəblərində çalışan müəllimlər yazır ki, Ramella Məmmədova müəllimlərin hər birinin məzuniyyət pulundan 100 manat alır, məktəb direktorlarının isə hər birindən 5 min manat gətirməyi tələb edir. Və direktorlara deyir ki, böyük miqdarda məmisəmə ortaya çıxıb, onu “bağlamaq” istəyirəm. Müəllimlər deyir ki, onsuz da maaşımız azdır, nə üçün Ramellaya 100 manat verməliyik.
Bütün bunlar azmış kimi, rayonun məktəb direktorları, müəllimləri arasında saxta diplomla çalışanlar da var. Məsələn, saxta diplomla məktəbdə müəllimə işləyən Pərvanə Quliyeva həm də məktəb direktorunun müavinidir və qeyri-qanuni olaraq vəzifə maaşı ilə bərabər dərs yükünə görə də maaş alıb.
Bütün bu qanunsuzluqların arxasında dayanan Füzulu RTŞ-nin müdiri Ramella Məmmədovadır. Rayondakı məktəb direktoru, müavinlərin çoxu qohum-əqrəba, baldız, qayın, kirvədir. Məsələn, Təhsil Nazirliyindən attestasiyadan keçməyən İlahə Qəmbərova direktordur. Çünki icra başçısı Alı Alıyevin baldızı qızıdır. Bakı şəhərində yerləşən 2 N-li məktəbin direktoru Alı Alıyevin əmisi oğlunun həyat yoldaşı Svetlana Məmmədovadır. Qayıdış 2 N-li məktəbin direktoru Rəna müəllimə başçının dayısı qızıdır. Qayıdış 5-Nli məktəbin direktoru Alı Alıyevlə kirvədir. Zobucuq 27 saylı məktəbin direktoru isə Gəncə müəllimlər insitutunu saxta diplomla bitirmiş Elşaddır. Onu kiminsə xahişi ilə məktəbə direktor təyin ediblər. Bu siyahını kifayət qədər uzatmaq olar. Amma nə ehtiyac var..?
Ramella Məmmədova yüksək vəzifəli şəxslərin adını tez-tez çəkdiyi üçün məktəb direktorları və müəllimlər ondan qorxurlar. Ramellanın sirrli macəraları bununla bitmir. Bu yazıları başqa xəbər saytlarından götürmüşük. Amma növbəti yazıda geniş mövzulara toxunacağıq.
Redaksiyamıza daxil olan məlumata görə, Ramella Məmmədova bütün sənədlərinə əl gəzdirərək, bütün düzəlişləri edib. Saxtalaşdırma tək bununla bitmir. Ramella Məmmədova Dövlət İmtahan Mərkəzini-zadı saya salmır, kimi istəyirsə müsabiqədən keçmədən vəzifəyə təyin edir. Bizim hazırda apardığımız araşdırma Ramella Məmmədovanın diplomunun axtarışı ilə bağlıdır. Və Ramella Məmmədovanın diplomunu tapan kimi, yaxın xarici ölkələrdən birinə rəsmi sorğu ünvanlayacağıq.
P.S. Deyirəm, Ramella xanım yaman yerdə axşamlamısan, çünki hər şeyi saxtalaşdıra bilsən də, ləğv olunmuş məktəblərin diplomunu dəyişə bilməzsən. Çətindir, elə deyilmi? Biz heç vaxt dövlətimiz və dövlətçiliyimiz üçün lazım olan məsələlərdə güzəştə getmirik. //gundelik-baku.com//

Ucar rayon sakinləri ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:

"Ucar rayon Suvarma Sistemləri İdarəsinin müdiri Müşfiq Məmmədovun yarıtmaz fəaliyyəti nəticəsində əhali arasında ciddi narazılıq yaranmış, korrupsiya əməllərinə görə dövlətə küllü miqdarda ziyanlar dəyməkdə davam edir.
Ucar rayon İcra Hakimiyyəti başçısı Mənsur Məmmədovun qardaşı olan Müşfiq Məmmədov hətta o qədər arxayındır ki, həftədə bir dəfə işə gəlib yığılan pulları götürüb evinə Bakı şəhərinə qayıdır.
Bu vəzifəyə təyin olunana qədər Bakı şəhərində maqazin işlədən Müşfiq Məmmədov icra başçısı olan qardaşının sayəsində Ucar rayon Suvarma Sistemləri İdarəsinin müdiri vəzifəsinə təyin edilmişdir.
İdarəyə məxsus bütün texnikalar şəxsi işlərə cəlb edilib gündəlik qazanclarının 90 faizini müdirə ödəyirlər.Dövlət tərəfindən ayrılmış yanacaq isə satılaraq talan edilir.Həttda illərlə sürülməyən nasaz vəziyyətdə idarənin həyətində yatıb qalmış texnikalara yanacaq fakturası yazılır.Rayon ərazisində suvarma kanallarını kol-kos basıb, qamış və lil olsada təmizlənməsinə dair qanunsuz sənədləşmə aparıb dövlətin vəsaitini talan edirlər.
Adı işdə özləri Bakı şəhərində olan çoxlu sayda işçilər var ki, aylıq müdir Müfiq Məmmədova haqq verirlər.Həttda staj xatirinə adı işdə maaş kartları Müşfiq Məmmədovun cibində olan işçilərdə çoxdur.
Rayon ərazisində su qıtlığı yaşansada hektarı üçün Müşfiq Məmmədova 2000 manat ödəməklə yüzlərlə hektar çəltik sahələri əkilmişdir.
İdarə rayonun ərazisindəki meliorasiya və irriqasiya sahələrinə aid olan su anbarları, kanalları, kollektorlar, boru kəmərləri və bəndlərinin istismarını keyfiyyətsiz həyata keçirir. Müşfiq Məmmədovun yarıtmaz idarəçiliyinə görə rayonun su təminatının və torpaqların meliorativ vəziyyətinin yaxşılaşdırılması vəzifəsi yerinə yetirilmir. Nəticədə isə torpaqların məhsuldarlığı olmur , şoranlaşma dahada artır.
Su nasoslarının təmiri üçün 1 və ya 2 min manat xərcləndiyi halda sənədlərdə həmin məbləğ 20-30 min manat göstərilir. Həmçinin İdarəyə məxsus texnikalaraın təmirini sürücülər özləri vəsaitləri hesabına etsələrdə Müşfiq Məmmədov buna dair sənədləşmə aparıb həmin məbləği öz şəxsi hesabına keçirir.
Nəticədə də talançılığı gündəlik iş üslubu etmiş Müşfiq Məmmədov böyük kaitala daşınmaz əmlaka və bahalı avtomobillərə sahiblənmişdir.
Təkcə Bakı şəhərində 12 yerdə mənzilə, 14 yerdə ticarət obyektinə sahiblənib.Qəbələ, Quba və İsmayıllı rayonlarında bağ evləri və bahalı maşınları dövlət büdcəsindən taladığı pulların hesabına əldə etmişdir.
Elementar savadı, danışıq qabiliyyəti və kobud davranışı olan dövlət vəsaitini talan edən belə yaramazın vəzifədə qalması dövlət adına bir ləkədir.
Ucar əhalisi Məmmədov qardaşlarının cinayət əməllərindən çox əziyət çəkirlər.Onların nə vaxt qanun qarşısnda cavab verəcəklərini əhali səbirsiliklə gözləyir".

İddia olunanlarla bağlı Teref.az olaraq bütün maraqlı tərəfləri dinləməyə hazırıq...

Göyçay rayonu 1-ci Ərəbcəbirli kənd sakini, 1-ci qrup hərbi əlil, ictimai fəal Məhəmmədəli Səmədov tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:

"Çox hörmətli cənab Prezident! Yazaraq Sizi məlumatlandırmaq istəyirəm ki, İqtisadiyyat Nazirliyi Yanında Dövlət Vergi Xidmətinin 9 saylı Ərazi Vergilər İdarəsinin məsul şəxsləri öz vəzifə səlahiyyətlərindən sui-istifadə edərək (CM maddə 308) dövlət büdcəsinə külli miqdarda zərər vurmağa davam edirlər. Belə ki, adı çəkilən idarə tərəfindən öz ərazisi hesab olunan Göyçay, Ucar, Ağdaş və Zərdab rayonlarında yerləşən bir çox yanacaq doldurma məntəqələri, super marketlər, çay evləri, kafelər, xırdavat və tikinti materialları mağazaları, apteklər, şadlıq sarayları və digər ticarət obyektlərilə şəxsi maraqlarına uyğun qaydada razılaşma həyata keçirir. Həmin sahibkarlar əmək müqaviləsi (kontraktı) hüquqi qüvvəyə minmədən işçilərin hər hansı işlərin (xidmətlərin) yerinə yetirilməsinə cəlb edilir.

Bu, birbaşa qanunsuz əməldir Azərbaycan Respublikasının CM-nin 162 (Əmək mühafizəsi qaydalarını pozma)
və 192-ci (Qanunsuz sahibkarlıq)
maddələrinə əsas verir və bilavasitə 9 saylı Dövlət Vergi İdarəsi məsələyə ciddi nazərət etməlidir. Çünki iş zamanı o, işçilərdən birinin həyatı üçün təhlükə yaranarsa, burada sahibkarla yanaşı 9 saylı Dövlət Vergi İdarəsi də məsuliyyət daşıyır.

Bundan əlavə, bildiyiniz kimi sahibkarlar və vergi ödəyiciləri kassa metodundan istifadə etməli, hesablanmış aylıq gəlirə uyğun vergi borcunu ödəməlidir. Lakin 9 saylı Ərazi Vergilər İdarəsinin ərazisində fəaliyyət göstərən sahibkarlar 9 saylı Vergi İdarəsi ilə sövdələşərək qanuni vergidən yayınırlar. Bu sövdələşmə əsasında isə onların adında VÖEN olmasına baxmayaraq, əksər hallarda satılan malları kassada qeyd etmirlər. Hətta bəzilərinin də ümümiyyətlə kassa aparatı belə yoxdur.

"Azərbaycan Respublikasının Vergi Məcəlləsinin 3.1. maddəsinə əsasən "Vergilər haqqında qanunvericilik vergitutmanın ümumi, bərabər və ədalətli olmasına əsaslanmalıdır".

Halbuki Azərbaycan Respublikasının Konstitusiyasının 73-cü maddəsinin 1-ci bəndinə əsasən "qanunla müəyyən edilmiş vergiləri və başqa dövlət ödənişlərini tam həcmdə və vaxtında ödəmək hər bir kəsin borcudur".

Lakin, dəyişən səbəblərə (puluna, adamına və s. ) görə 9 saylı Vergi İdarəsi vətəndaşlar arasında ayrıseçkilik edərək Azərbaycan Respublikasının Konstitusiyasının 25 və eyni zamanda Cinayət Məcəlləsinin 154-cü maddələrində bildirilən hüquq və barəbərliyi kobud şəkildə pozmaqdadırlar.

Bu cür iyrənc əməllərdə əlbir olan "məmur"lar Sizin dediyiniz kimi: "varlanmaqla yanaşı Dövlətə xəyanət etmiş sayılır".

Çox hörmətli cənab Prezident! Azərbaycan Respublikasının Konstitusiyasının 57-ci maddəsini rəhbər tutaraq Sizdən xahiş edirəm, 9 saylı Ərazi Vergilər İdarəsinin qanunsuz əməlləri mənim də iştirakımla təcili araşdırılsın.

Ümid edirəm ki, ölkəmizi talan edən "məmur"lar barəsində qanunun müvafiq bəndlərinə uyğun tədbir görüləcəkdir".

İddia olunanlarla bağlı dia.az olaraq bütün maraqlı tərəflərin mövqelərini işıqlandırmağa hazırıq...

Deputat Kəmaləddin Qafarova məxsus olduğu deyilən “Azəri Med” Qapalı Səhimdar Cəmiyyəti barəsində yenidən məhkəmə iddiası qaldırılıb.

TEREF.AZ-ın 32gun.az-a istinadən məlumatına görə, işə Nərimanov Rayon Məhkəməsində hakim Vüsal Qurbanovun sədrliyi ilə baxılacaq.

Belə ki, şirkət yenidən gömrük qanunvericiliyini pozmaqda təqsirli bilinir. Gömrükdən keçirilən mallarla bağlı bəyannaməni vaxtında təqdim etməyən “Azəri Med” İnzibati Xətalar Məcəlləsinin 485.2-ci maddəsinin tələblərini pozub.

Qeyd edək ki, fevral ayında da şirkət eyni qayda pozuntusu ilə məhkəməyə verilmişdi. Həmin hadisə ilə bağlı, şirkətdən bildirilib ki, bu nadir halda baş verən bir xətadır. “Azəri Med” rəsmisi problemin daşıma şirkətinin məsuliyyətsizliyi ucbatından irəli gəldiyini iddia edib.

Amma şirkətin nadir saydığı hadisə yenidən baş verib.

Xatırladaq ki, “Azəri Med” firması Azərbaycanda 170-dən çox apteklər şəbəkəsinə məxsusdur. 2018-ci ildə əczaçılıq fəaliyyəti ilə məşğul olan “Shafran” və “Avestafarm” MMC-lər ləğv edilərək “Azəri Med”ə birləşib.

Son günlər “Bizim Media.az saytında “Kürdəmir məktəbinə basqın, şagirdləri ağladan kimdir?” başlıqlı silsilə yazılar və video-görüntü yayımlanır.
Mövzudan xəbəri olmayanlar üçün cumhuriyyet.az olaraq bildirək ki, 14 oktyabr 2022-ci il tarixində “Kürdəmir Rayon Təhsil Sektorunun rəhbəri Rəfail Məmmədov, Kürdəmir rayon icra nümayəndəsi, “press” geyimli bir Göyçay sakini, Elşən Abdulov adlı bir valideyn, onun dörd nəfər başqa qohumu Şilyan kənd E.Zülfüqarov adına tam orta məktəbin müəllimi Xatirə Əhmədovanı təhdid və təhqir edərək olay yaratmışlar.
“Bizim Media.az “saytının araşdırmalarından sonra məlum olmuşdur ki, “jurnalist” adıyla məktəbə gələn şəxs Göyçayda Məşğulluq idarəsində fəhlə işləyən Etibar Bəşirovdur və onun mediaya heç bir dəxli yoxdur. KRTS rəhbəri Rəfail Məmmədov “Bizim Media.az” a açıqlamasında sözügedən “jurnalist”i tanımadığını bildirib. Cavabında sayta açıqlama verən Etibar Bəşirov əminliklə Rəfail müəllimin yalan danışdığını söyləmişdir: “Ora mən özbaşına getməmişdim. Şagirdin babası problemi danışdı və xahiş etdi ki, həll edim. Oktyabrın 12-si valideynlə birgə Kürdəmir Rayon Təhsil Şöbəsinin müdiri Rəfail Məmmədovun qəbulunda oldum. Təhsil Şöbəsinin giriş-çıxışında kameralar da var. Yoxlatdıra bilərlər. Məsələni izah etdim.
Rəfail müəllim bildirdi ki, həftənin cümə günü məktəbə gələrsiz, biz də ora gedəcəyik. Sonra Kürdəmir Rayon İcra Hakimiyyətinə getdim. İctimai Siyasi və Hümanitar Məsələlər şöbəsinin müdiri Vəsilə Əsgərli ilə görüşdüm. Məsələni onlara da izah edib, komissiya ayrılmasını xahiş etdim. O da sözümü eşitdi və komissiya ayırdı. İki gün sonra Rəfail müəllimin nümayəndəsi mənə zəng edərək “10:30-da məktəbdə olun” dedi. Mən, şagirdin valideynləri, Rəfail müəllim və icra hakimiyyətindən komissiya məktəbdə olduq. Xatirə Əhmədovanın üzərinə hücum olunmayıb. Sadəcə problemi aydınlaşdırmağa getmişdik. Onun valideynlə şəxsi intriqası var. Çünki direktorun o müəllimə gücü çatmır”.
Bu sitatda Rəfail müəllimin mediaya yalan məlumat verməsini bir tərəfə qoyub diqqətinizi açıqlamadakı başqa nüanslara yönəltmək istəyirik. Müəllimlə valideyn arasında şəxsi intriqa (müəllim bu iddianı rədd edir) varsa işə Təhsil Sektorunun rəhbəri niyə qarışır? “Çünki direktorun o müəllimə gücü çatmır”- nə deməkdi? Yəni, direktorla müəllim arasında güc savaşı gedir və direktor KRTS rəhbərindən, o da öz növbəsində icra hakimiyyətindən yardım istəyir? Əgər R. Məmmədov özünün dediyi kimi müəllimin valideynlə komprimisə gəlməsinə çalışırdısa,icra hakimiyyətindən komissiyaya nə ehtiyac vardı?
Və yaxud da necə olub ki, özünü “jurnalist” kimi təqdim edən bir saxtakar həm icra nümayəndəsini, həm Təhsil sektorunu, həm orta məktəb direktorunu yumşaq desək, aldatmağa nail olub?
Belə çıxır ki, üst geyiminə yapışdırıcı ilə mövcud olmayan bir saytın adını ( “xəbərlər.info.az”) yapışdıran bu Göyçay sakinindən həm icra görəvlisi Vəsilə Əsgərli, həm KRTS-in rəhbəri Rəfail Məmmədov, həm də sözügedən məktəbin direktor əvəzləyicisi Ülkər Quliyeva heç bir sənəd tələb etməyiblər. Kürdəmirdə nə axtardığını, problemin həllində kim olaraq iştirak etdiyini soruşmayıblar.
Deməli, ya E.Bəşirov tipli şəxslər əyalət məmurlarının öz “qoçularıdı”, ya da onlar “press” sözünü görəndə sənəd tələb etməyəcək qədər özlərini itiriblər. Eynən Qoqolun “Müfəttiş” əsərində olduğu kimi. “Xain xoflu olar” məntiqi.
Bütün bu həngaməyə səbəb olan valideyn Elşən Abdulov isə Sözügedən müəllim Xatirə Əhmədovanın saytımıza verdiyi məlumata görə Kürdəmir polisi tərəfindən saxlanılaraq tüfəngi əlindən alınıb və haqqında cinayət işi açılıb.
Hörmətli Rəfail müəllim, indi bildinizmi Xatirə müəllimə niyə təkidlə həmin valideynlə “komprimis”ə gəlməkdən imtina edirdi? Axı o dəfələrlə həmin şəxsin onu direktor otağında “Səni güllələyərəm” deyə təhdid etdiyini, yolda üstünə it kısqırtdığını, silah tuşladığını demişdi. Sizdən “Bunun mənə dəxli yoxdur, “polisə de”, cavabı almışdı. Bəli, polis artıq cinayət işi başlayıb. Təəssüf ki, bu qarşıdurmada siz öz müəlliminizin, zərərçəkənin, iddiaçının, haqlının yox , haqqında cinayət işi açılan E.Addulovun və artıq ifşa olunmuş qondarma bir “jurnalist” E. Bəşirovun yanında yer alırsız.
Maraqlıdır, öz yaxınlarınızdan olan bir qadından, üstünə silah çəkən biri ilə “komprimis”ə gəlməsini tələb edərdizmi? Yoxsa düşünürsünüz ki, müəllimdən vəzifəcə üstünlüyünüz onu hər cür əzməyə imkan verir?
Xəbəriniz varmı ki, Xatirə müəllimənin döyüşlərdən yenicə çıxmış, hazırda hosbitalda olan oğlu yaxınlarından “Anama nə olub, niyə yanıma gəlmir? ”- deyə soruşur? Bəlkə Azərbaycan əsgərinin bu haqlı sualına siz cavab verəsiniz? Nə olub o igidin anasına, Rəfail müəllim? Vicdanınız heçmi qımıldanmır? Aradan keçən bir həftə ərzində sizin üzünüzdən xəstə yatan müəllimənizlə bir dəfə də olsun maraqlanmısınızmı?

Maraqlanmamısınız, çünki başınız daha “vacib” işlərə qarışıb , mediaya yalan məlumat ötürməklə məsələni ört-basdır etməyə çalışırsız, videonu çəkən müəlliməyə töhmət verməklə məşğulsuz. Bəlkə güzgünü sındırmaq əvəzinə üzünüzdəki ləkəni siləsiniz?
Analoqu olmayan hadisələrin baş verdiyi həmin məktəbdə vəziyyətin daha da gərginləşməsindən xəbəriniz varmı? Hansı əsasla haqqında cinayət işi açılan E.Abdulovun həmin məktəbdə xadimə işləyən bibisi Saçlı Xatirə müəllimənin sinfinə girib uşaqları sorğu-sual edir, “qayıdanda müəllimənizin başına oyun açacam, qardaşım oğlunu polisə verib”- deyə uşaqlara növbəti travmanı yaşadır? Sizin iş prinsipinizdə şagirdlərin güvənliyi, müəllimin şərəf və ləyaqəti neçənci yerdə dayanır?
Birinci sinifdə dörd ay sərarsər dərsə gəlməyən, şagird yoldaşlarından geri qalan Ayxan Abdulovun valideynləri uşağına “beş” yazılmasını tələb edəndə müəllimə “yaz də, yazanda nə olur ki?” cavabını hansı məntiqlə vermisiniz? Nə olacaq, bilirsinizmi, qalan 28 şagirdin beş yaşından özlərinə ana bildiyi müəllimə, dolayısı ilə həyata, gələcəyə, cəmiyyətə inamı qırılacaq, ədalət anlayışları deformasiyaya uğrayacaq. Bütün bunlar haqda düşünmüsünüzmü? Düşünsəydiniz, məlum video-görüntüdəki o körpələr elə yanıqlı-yanıqlı ağlamazdılar,”polis müəlliməmizi apardı”- deyə şivən qoparmazdılar. O uşaqların sinfinə girib, dərsini yarıda kəsəndə özünüzü necə aparmısınız, müəllimlə necə davranmısınız ki, biçarə körpələr sizi cinayətkarı zərərsizləşdirməyə çalışan polisə bənzədib?
Ümid edirik ki, bu suallara cavab axtarmağa kifayət qədər vaxtınız olacaq.
Ümid edirik ki, o göz yaşlarının baiskarları cəzalanacaq.
Ümid edirik ki, həqiqət qələbə çalacaq! //cumhuriyyet.az//