 |
|
|
2019-cu ildə Baş Dövlət Yol Polisi İdarəsinin Qeydiyyat-İmtahan İdarəsinin rəis müavini vəzifəsinə təyin olunan polkovnik-leytenant Leysanov Afiyyədin Bahəddin oğlunun adı son təyinata qədər mətbuatda bir çox qalmaqallı məsələlərə görə hallanıb. Daha çox “nömrə biznesinin kralı” kimi tanınan Afiyəddin Leysanovun rəhbərliyi altında Bakı Dövlət Yol Polis İdarəsinin (BDYPİ) “Meyvəli” terminalına yaxın ərazidə fəaliyyət göstərən qeydiyyat-imtahan şöbəsində baş verənlər isə heç bir çərçivəyə sığmır.
Bu günlərdə redaksiyamıza müraciət edən vətəndaş bildirib ki, onun “Lexus lx 570” markalı avtomobilini addan ada keçirmək üçün A.Leysanovun idarəsində 1500 manat pul alıblar. Halbuki, belə qeydiyyata görə 200 manat dövlət rüsumu tələb olunur. Ziya Muradov adlı başqa bir vətəndaş isə cəmi 1200 manata aldığı ucuz maşına görə ondan çox pul istənildiyini bildirib. Etiraz etdikdə isə, ona deyiblər ki, gedib bankda maşına qiymət təyin etdirib sonra gəlsin. Maraqlıdır, görəsən gün ərzində İdarədə rəsmiləşdirilən bütün avtomobillərin qiynmətləndirilməsi tələb olunur? Əlbəttə ki, yox! Bu, heç fiziki cəhətdən də mümkün deyil. Kimlər ki, “quzu balası kimi” A.Leysanovun “qılıncının altından keçir”, onlardan puldan başqa heç nə tələb olunmur.
İdarənin bütün sektorlarında rüşvətxorluq baş alıb gedir. İşi düşən vətəndaşlardan hər addımda pul istəyirlər. Ərizə yazılması, notariat, texniki baxış, avtomobilin texniki pasportunun dəyişdirilməsi və başqa prosedur əməliyyatlarının keçirildiyi hər pəncərənin öz qiyməti var – 10 manat, 20 manat, 50 manat və s. Vətəndaş burada sanki rüşvət tələblərinin leysan yağışının altına düşür. Rəis A.Leysanov isə kabinetindəki böyük ölçülü plazma tipli monitorda bütün sektorlarda baş verənləri müşahidə edir, kimin kimdən nə aldığını görür, bircə detal belə nəzərindən qaçmır. Çünki monitorun özü də sektorlara bölünüb.
İncidilən, yüksək rüşvət tələb olunan avtomobil sahiblərindən birini müşayiət edərək A.Leysanovun qəbuluna düşməyə müvəffəq olduq. Ona xatırlatdıq ki, daşıdığı soyada hörmətimiz var, atası da ziyalı adamlara, qələm əhlinə hörmətlə yanaşıb. Ümid edirdik ki, bu xatırlatmanı eşitcək, ürəyi yumşalar. Ancaq çifayda, ondan eşitdiyimiz sözlər bizi şoka saldı: “Bilirsiz, mənim atam da iş görən, səxavətli kişi olub, qazandığından xərcləyən olub, pul verən olub. Siz də pulunuzu verin, işinizi gördürün”.
Son günlər özünü ölkənin lider mobil rabitə operatoru adlandıran "Azercell"ə bağlı şikayətlər xeyli artıb. GUNDEMİNFO.AZ xəbər verir ki, bu mobil operatorun abunəçiləri əsasən onların balansından xəbərləri olmadan vəsaitlərin silinməsindən narazılıq edirlər. Xüsusilə də "Azərcell" abunəçiləri olan vətəndaşlar onlardan müxtəlif yollarla balans silinməsindən şikayət edirlər.
Son zamanlar "Azərcell"in sabit xətt abunəçiləri əsasən çağrı mərkəzinə edilən zənglər zamanı balanlarından vəsait silinməsindən narazılıq edirlər. Gundeminfo.az-a danışan vətəndaşlar bildirir ki, *6050 zəng mərkəzinə müraciət etdikdə abonentin balansından hər dəqiqə üçün 16 qəpik vəsait çıxılır. Problem vəsaitin çıxılmasında deyil. Uzun dəqiqələr keçəndən sonra operatora qoşulmaq mümkün olur. Bundan sonra da operator abunəçiyə xeyli suallar ünvanlamağa başlayır. "10 GB-lıq internet paketini yenilmək üçün az qala bizdən sağlamlıq haqqında arayış da tələb edirlər. Olmazın suallar verərək, qəsdən vaxtı uzadırlar" deyə sosial şəbəkələrdə narazılıqlar ifadə edilir.
Gundeminfo.az-a şikayət edən digər abonentlər isə bildirir ki, "Azərcell" vəd etdiyi 4 G internet traffikini də təqdim edə bilmir. Əvəzində bütün dünyada 5 G tətbiq edilsə də, aşağı sürətdən istifadə edən vətəndaşlar daha çox xərcə düşməli olurlar.
Narazı vətəndaşlar eyni zamanda qeyd edirlər ki, "Azərcell"in təqdim etdiyi internet trafikləri digər operatorlarla müqayisədə eyni həcmdə, eyni istifadə istiqamətləri üzrə sərf edilsə də, daha tez bitir. Faktiki olaraq heç bir ölçü vahidi olmadığından istifadəçilər bu operatorun mobil paketlərinin niyə tez başa çatdığının səbəbini aydınlaşdıra bilmirlər.
Maraqlıdır ki, telefon mərkəzinə edilən zənglərin dəqiqəsinin 16 qəpik olmasına dair "Azərcell" müştərilərinə heç bir xəbərdarlıq etmir. Sadəcə olaraq "xidmət səviyyəsinin ölçülməsi məqsədilə danışıqlar qeydə alınır" xəbərdarlığı edilir. Lakin danışıqların ödənişli olması, hətta dəqiqəsinin 16 qəpikdən hesablanmasına dair heç bir informasiya verilmir.
Gundeminfo.az-a müraciət edən narazı vətəndaşlar iddia edirlər ki, faktiki olaraq şirkət onların istehlakçı hüquqlarını kobud şəkildə pozur. Mövcud müştərilərinə xidmət göstərmək, xüsusilə də konsaltinq xidmətlərinin göstərilməsinə görə, "Azərcell" şirkəti Azərbaycanda ən bahalı şirkətdir.
Müqayisə üçün qeyd edək ki, ölkədə fəaliyyət göstərən digər mobil operatorların "Çağrı mərkəz"lərinə edilən müştəri zənglərinin qiyməti "Azərcell"dən dəfələrlə ucuzdur.
Elə bu faktın özü adıçəkilən şirkətin nə qədər bahalı olduğunu sübut etmirmi?
İddialarla bağlı qarşı tərəfin də mövqeyini dinləməyə hazırıq.
DogruXeber.az: - Xətai rayonu ərazisində yerində obyektlərin tikilməsi üçün məhv edilən yaşıllıq ağacları, məişət tullantılarının bol olduğu, kol-kos bitirmiş küçələr, 8 noyabr prospektindəki hələ də açıq qalmış kanalizasiya quyuları, abadlaşdırılan küçələrdə sakinlərdən pul yığılması və sair barəsində zaman-zaman "DogruXeber.az" informasiya agentliymizdə məlumatlar yayımlamışıq.
Son yazımızda növbəti yayımda Xətai rayonu ərazisində tikilən qanunsuz tikintilərdən bəhs edəcəyimizin anonsunu vermişdik.
Öncəliklə onu qeyd edək ki, yaşayanlar, yaxud görənlər bilir ki, Xətai rayonunun çox hissəsində, xüsusilə də Həzi Aslanov qəsəbəsi və Əhmədli kəndi ərazisində tikilən evlərin əksəriyyətinin elə ilk baxışdan qanunsuz yerdə tikildiyi aydın görünür.
Belə ki, sözügedən ərazidə yüksək cərəyanlı elektrik xətləri həyətlərin içindən, hətta yaşayış evlərinin düz üstündən keçir.
Taksi sifariş edəndə, taksi qalır yollarda fırlana-fırlana. Çünki, xəritədə taksiyə yol olduğu görünən bir çox ərazilərdə həyət evləri - yaşayış var.
Əgər həmin ərazilər yaşayış üçün nəzərdə tutulubsa, o zaman niyə xəritədə yol kimi göstərilir?
Əgər, yol kimi göstərilibsə, o zaman orada yaşayış evlərinin tikilməsinə niyə, hansı məqsədlərlə icazə verilir?
Özü də bu kimi tikintilərin elə də çox yaşı yoxdur. Əksəriyyəti yeni tikililərdir. Hətta, bir neçəsinin də hazırda tikintisi aparılır.
İcra Hakimiyyətinin bundan xəbəri yoxdur?
Ərazi üzrə Sahə müvəkkilinin də maşallahı var. Bütün gün Həzi Aslanov qəsəbəsinin hər yerində onlarla rastlaşmaq mümkündür. Lakin, nədənsə hər gün daha çox göründükləri, dükan, market və kafelərin çox olduğu Kazımağa Kərimov küçəsində, biraz irəlidə - Şirin Mirzəyev küçəsində pandemiya zamanı maskasız girildiyini hardansa anında görüb, cərimə yazmaq üçün döydükləri salon qapısı ilə üzbəüz aparılan və yolun yarısına qədər çıxmış tikintini, həmçinin Neyrocərrahiyyə xəstəxanasının yanında, yol kənarında az qala dayanacağa bitişik aparılan çoxmərtəbəli biznes obyektinin tikintisini aidiyyatı üzrə idarələrin məsul işçiləri görmürlər, ya da görməzdən gəlirlər.
Əslində kimsənin xəbəri olmadığına inanmaq təbii ki, sadəlövhlük olar, amma yeri gələndə bir çox yerlərdə aidiyyatı qurumların məsul işçiləri"məlumatsızıq" cavabı ilə yaxasını kənara çəkməyə çalışdıqlarını az görmədik. Odur ki, gördüklərimizi aidiyyatı üzrə Xətai rayon İcra Hakimiyyətinə də bildirmək üçün rəsmi internet səhifəsində qeyd edilən telefon nömrəsinə zəng etdik.
Çox dövlət qurumlarında olduğu kimi dəstəyi qaldıran olmadı.
Ardından, İctimai-siyasi və humanitar məsələlər şöbəsimin Müdiri Pənah İmanova zəng etdik. O da şəxsi votsap nömrəsini bizə verib, bəhs etdiyimiz ərazilərin ünvanlarını və əldə etdiyimiz görüntüləri göndərməyimizi xahiş etdi.
Ünvanı yazdıq, fotogörüntünü göndərdik. Amma, 3 gündür nə bir cavab var, nə də ki, bir xəbər.
Odur ki, mövzuya yenidən qayıdacağıq.
Redaksiyamız hər kəsin söz haqqını tanıyır.
DogruXeber.az
10 il kirayələrdə onun bunun cibini doldurandan sonra axır ki, 2 ay öncə ev aldıq. Elə bilirdim daha başqasının cibini doldurmağımız bitəcək. Elə deyilmiş, Azeriqaz IB nın görünür ömür boyu cibini doldurmaq məcburiyyətindəyik.
"Azərbaycan Reallığı" xəbər verir ki, bu sözləri jurnalist Nurlan Cəfəri özünün facebook hesabında yazıb. O bildirir ki "cəmi bir neçə gün limitlə qaz işlətdik, 10 gün tamam olmamış limiti keçdiyimizi göstərdi sayğac və komediya o gündən etibarən başladı. Ödədiyimiz pulun yarısı qədər qaz verir bizə öz adını öz ana dilində, ana dili şrifti ilə yaza bilməyən şirkət!
Azəriqaz bütün ölkə əhalisinin cibinə girirmiş amma fərqli faizlərlə. Biri yazır "50 manata 45 manatlıq qaz oturur, "biri yazır" 50 manata 20 manatlıq qaz oturur" və s. Mən burdan Azəriqaz rəhbərliyinə üzümü tutaraq soruşmaq istəyirəm, biz xalq olaraq hansınızın villasının pulunu ödəyirik?
Hansınızın cibini doldururuq? Ailəmizin hər ödədiyi 50 manatın 25 manatı karta oturanda yerdə qalan 25 manat kimin cibinə gedir, kimin milyonlar qazanması üçün biz işləyib qazanıb əlimizdən gələni edirik hansısa rəhbərliyin pulunun toplanması üçün?
Dövlət nə vaxt bir əncam çəkəcək buna? Gərək elə qaramaskalılar həll eləsin bunu da? Bəlkə artıq cibimizə girməyi dayandırasınız?"
Bütün iddia olunanlarla bağlı "Azərbaycan Reallığı" olaraq adı çəkilən qurumun mövqeyini dinləməyə hazırıq.
AZƏRBAYCANREALLIĞI.COM
Azinforum.az çəkiliş qrupunun hazırladığı bu videoda nümayiş edilən “İnstyle” adlı mağaza üç mərtəbədən ibarətdir. Metronun Nəriman Nərimanov stansiyasının çıxışında, “Metroparkl” üzbəüz çoxmərtəbəli binanın üç mərtəsini əhatə edir. Qadın, kişi və uşaq paltarlarının satışı üzrə ixtisaslaşan bu mağaza Azərbaycan qanunlarını kobud şəkildə pozuraq , nağdsız ödənişlər qəbul etmir. Artıq neçənci dəfədir şahid oluruq ki, kartla ödəniş etmək istəyəndə dükanın işçiləri bu əməliyyatın mümkün olmadığını deyir və pulu hansısa əməkdaşın kartına köçürməyi istəyir. İndi görün, gündəlik gəliri minlərlə manatla ölçülən bu mağaza, nağdsız ödənişlərdən yayınmaqla, dövlət büdcəsinə nə qədər ziyan vurur? Təcrübədən bəllidir ki, adətən bənzər vəziyyətdə, mağaza gözdən pərdə asmaq üçün, piştaxtanın altında gizlətdiyi post-terminalı üzə çıxarıb, bizi yalan danışmaqda ittiham edəcək. Onda isə, vergi cinayətlərini araşdıran əlaqədar qurumların diqqətinə, pulların ödənildiyi kartın nömrəsini təqdim edirik. Hər-halda , bu kart ətrafında araşdırma aparılsa, sözügedən dükanın indiyə qədər dövlətə nə qədər ziyan vurduğu dəqiq müəyyənləşər.
DİA.AZ: - Ucar rayonu Koroğlu küçəsi ev 24 sakini Ələkbərov Oktay Qüddəsər oğlu tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:
"Oğlum Ceyhun Ələkbərovu işə qoymaq üçün Ucar rayon Xəstəxanasının direktoru Zeynal Bayramlıya onun baş mühasibi Rafayıl Rəsulovun vasitəsi ilə borc-xərc edib 2500 manat pul vermişəm.Bundan sonra oğlum Ceyhun Ucar xəstəxanasında sanitar vəzifəsinə təyin edildi.Oğlum komputer meneceri məktəbin oxuyub deyə baş həkimə dedim ki, oğluma münasib iş verin.Həkim mənə dedi ki, az vaxtdan sonra sənə deyiləcək operator vəzifəsinə işini dəyişəcəm.Bundan bir az sonra baş həkimin sağ əli baş mühasib Rafayıl Rəsulov mənə dedi ki, get tez 1000 manat gətir oğlunu bu gün operator vəzifəsinə dəyişirik. Mən gedib tez borc və sələm alıb gətirib mühasib Rafayıl Rəsulova verdim.Oğlum Ceyhunu operator vəzifəsinə dəyişdilər.
Bundan 6 ay sonra mənim oğlumu gözüm -çıxdına saldılar.Hər dəfə müxtəlif bəhanələrlə oğlumdan nöqsan axtardılar.Həttda oğlumun iş dərəcəsin altıdan beşə endirdilər. Xəstəxananın direktoru oğlum Ceyhuna məcbur edib öz xoşunla ərizəni ver işdən çıx yoxsa səni elə günə qoyacam ki, biabır olub buradan qaçacaqsan.Mən xəstəxananın direktoru Zeynal Bayramlının yanına gedib dedmi ki, niyə belə edirsiniz mənə dedi ki, sənin oğlunun buynuzu çıxıb onu qopardacam.Çox söz söhbətdən sonra oğlumu otaqdan çıxarıb dəhlizdə iş verib.Ağır cərrahiyyə əməliyyatından çıxmış oğlum soyuq dəhlizdə oturur.
Mən bu korrupsioner direktor Zeynal Bayramlının əlindən özümü öldürmə həddinə çatmışam.Əgər oğlumu operator işinə qaytarmasa, dərəcəsini altı etməsə və verdiyim 3500 manat pulumu geri qaytarmasa özümü yandırıb intihar edəcəm.Bunun məsuliyəti isə bir başa xəstəxananın direktoru Zeynal Bayramlının üzərinə düşəcək.
Qeyd edim ki, Ucar rayon mərkəzi xəstəxanasının baş mühasibi Rafayıl Rəsulovun ali təhsili yoxdur onun diplomu saxtadır.Xəstəxana əməlli başlı korrupsiya yuvasına çevrilib.Zeynal və Rafayıl cütlüyü xəstəxananı iflic ediblər.
Mən Prezident cənab İlham Əliyevdən, Mehriban xanım Əliyevadan və TƏBİB-in sədri cənab Zaur Əliyevdən xahiş edirəm şikayətimi araşdırıb 3500 manat pulumu ələ keçirmiş məni intihar həddinə çatdırmış Ucar rayon Xəstəxanası Hüquqi Publik Şəxsin direktoru Zeynal Bayramlının və saxta diplomlu baş mühasibi Rafayıl Rəsulovun barəsində təcili tədbirlər görəsiniz".
İddia olunanlarla bağlı dia.az olaraq qarşı tərəfi də dinləməyə hazırıq...
QEYD: Bildirək ki, dünən sözügedən baş həkimin adı daha bir qalmaqalda hallanmışdı:
"Mən bilirdim ki Mənsur Məmmədov hansısa vasitə ilə məni HƏBS ETDİRMƏK İSTƏYİR" - Prezidentə müraciət olundu
Bu gün yenə də təhsilimizdə qaz vurub qazan dolduran direktorlar hələ də fəaliyyətlərini davam etdirməkdədir.Belə direktorlardan biri də Gəncə şəhər S.Vəliyev adına 34 nömrəli tam orta məktəbinə rəhbərlik edən Y.Xəlilov cənablarıdır. Bu “Qoçaq” direktor valideynlə separat danışığa gedərək övladının xaricə getməsinə razlıq verib.
Bu haqda Dünyanınsəsi.Az saytına özəl mənbədən məlumat daxil olub.
Məlumatlı mənbənin sözlərinə görə 34 saylı tam orta məktəbin 10-cu sinif şagirdi İsmayılov Sənan Namiq oğlu dərs ili başlayandan rusiya federasiyasına gedib.Məktəbin jurnallarında davamiyyəti olmayan şagirdə müəllimlər tərəfindən isə qayıb qoyulmayıb.
Halbuki sözügedən məktəbin direktoru şagirdin ölkədən xaricə getməsi ilə bağlı , sinif rəhbərinin və yerli icra hakimiyyətinin nümayəndəsinin iştirakı ilə akt tərtib edib rəsmiləşdirməklə, şagirdin şəxsi işi məktəbdə saxlanılmaqla onun kontingentdən xaric edilməsi barədə əmr verməli idi. Əfsuslar olsun ki,direktor müəyyən məbləğ müqabilində sözügedən şagirdi xaricdə ola-ola hələ də kontigentdən xaric etməyərək saxlayıb.
Faktla bağlı qarşı tərəfin də mövqeyini dərc edə bilərik.
Dünyanınsəsi.Az
Maraqlı sual: “Rayon İcra Probasiya şöbəsinin rəisi mənim nəyim olub ki, ona da aliment ödəyim?”
"Salam, mən Kəngərli rayonundan sizə yazıram.
Bidlirirəm ki, Ədliyyə Nazirliyinin Kəngərli rayon İcra Probasiya şöbəsinin rəisi Oktay Səfərov alimentlə bağlı 1 həftə geçikmə olan kimi insanların Naxçıvandan çıxışına “stop" qoyur, sonra alimenti ödəmiş olsan da belə, “stop”u götürmür. Beləcə, Türkiyəyə, Bakıya işləməyə getməli insanlar Naxçıvandan kənara çıxa bilmir. Oktay Səfərov “stop”un götürülməsi üçün 500 azn pul tələb edir və bildirir ki, onluq deyil pul yuxarıya çatır.
Ədliyyə nazirinə bu barədə dəfələrlə yazıb başıma gələnlər barədə məlumat versəm də heç bir tədbir görülmür.
Qeyd edim ki, mən alimentimi ödəsəm də tam 1 ildir Naxçıvandan çıxışıma stop qoyulub. Niyə? Çünkü Oktay Səfərova 500 azn ödəməmişəm? Mən başa düşmürəm, keçmiş ailəmlə yanaşı, Oktay Səfərova niyə aliment ödəməliyəm? Keçmiş yoldaşım mənim xanımım olub, bəs Oktay Səfərov mənim nəyimdir?
Teref.az
“Azərbaycan Dəmir Yolları” Qapalı Səhmdar Cəmiyyəti adlı qurumda narazlıq bitib-tükənmək bilmir. Cavid Qurbanovun bu quruma rəhbərlik etdiyi dönəmdə demək olar ki, sözügedən qurum bataqlığa çevrilmişdir. İşçilərin narazlığının pik həddi, uğursuz kadrların vəzifəyə təyinat alması, maliyyə vastələrinin aidiyyatı üzrə xərclənməməsi və digər bu kimi faktlar yerli KİV-də kifayət qədər ictimailəşib. Bu qurumda prezidentin sərəncamı ilə rəhbərlik dəyişikliyi müəyyən ümidlər yaradıb. Amma cumhuriyyet.az-a daxil olan məlumata görə köhnədən qalan kadrlar yenə də öz işindədir. Mənbənin bildirdiyinə görə, sözügedən qurumda ciddi şəkildə təşkilatlanmış qrup var ki, bu qrupun ən təhlükəli tərəfi FETÖ bağlantısıdır. Bu çetenin başında isə
“Azərbaycan Dəmir Yolları” Qapalı Səhmdar Cəmiyyətində 15 ilə yaxındır ki, həyata keçirilən maxinasiyaları idarə edən Hicran Valehov dayanıb. Hicran Valehov uzun illərdir ki, köhnə vaqonların təzə adı ilə silinib büdcədən milyonların mənimsənilməsi, ezamiyyət xərclərinin şişirdilib ələ keçiriiməsi və digər maxinasiyaları həyata keçirib. Mənbənincumhuriyyet.az-abildirdiyinəgörə, H.Valehovun qurumdaxili siyasətinin əsas icraçısını isə kadrlar şöbəsinin rəhbəri Tural Məmmədov həyata keçirir. Məhz Qafqaz Universitetində məlum şəbəkənin himayəsi ilə yetişən T.Məmmədovun nəzarəti altında bu gün kadr siyasətində peşəkarlıq deyil, məlum çeteyə bağlılıq əsas götürülür. Ən faciəli durum isə dövlət büdcəsinin eyni qrupun şirkətlərinə sərf edilməsini təmin edir.
Növbəti yazımızda:
– Azərbaycan Dəmir Yolları idarəsində adamlarını yerləşdirən FETO-çu kimdir?
– FETO öz kadrların quruma necə yerləşdirib?
– FETO-ya bağlı şirkətlər necə tender qazanıb?