“1941-45-ci illər müharibəsində həlak olmuş həmyerlilərimizin əbədi xatirəsinə ucaldılmış abidə artıq 10 ildir ki, baxımsız vəziyyətdədir”.

TEREF.AZ bildirir ki, bu barədə Bizim.Media-ya əslən Qubanın Amsar kəndindən olan Selcanxatun Hacıbalayeva tərəfindən daxil olmuş şikayətdə deyilir.

Şikayətçi bildirib ki, abidənin mövcud vəziyyəti barədə dəfələrlə kənd bələdiyyəsinə müraciət etsələr də, tədbir görülməyib:

“Amsar kəndi Qubanın mərkəzinə ən yaxın, 5 dəqiqəlik məsafədə yerləşən kənddir. Orada Böyük Vətən müharibəsində həlak olmuş həmyerlilərimizin xatirəsinə ucaldılmış abidənin üzərində adlar silinib, lövhə tullantı konteyneri kimi istifadə olunur. Abidənin ətrafına daş hasar çəkiblər. Yaxınlıqda kafe yerləşir. Vaxtilə abidənin üzərinə spirtli içki reklamı da vurulmuşdu.

Bunu qanuni yolla həll etsək də baxımsızlıq məsələsi öz həllini tapmadı. Ora bələdiyyəyə yaxın olmağına baxmayaraq, vəziyyəti görməzdən gəlir, heç bir tədbir görmürlər. Ərazidəki ağaclar belə baxımsızlıqdan quruyub, bir qismi yandırılıb”.

Bizim.Media şikayətlə bağlı Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti ilə əlaqə saxlayıb. Xidmətdən verilən açıqlamaya görə, abidə reyestrə daxil edilmədiyindən bu, onların səlahiyyətlərinə aid məsələ deyil:

“Abidələrin regional mühafizəçisi bələdiyyə nümayəndəsinə sorğu ilə bağlı məlumat verib. Bələdiyyədən bildirilib ki, baxımsızlıqla bağlı problem yoxdur”.

Quba Rayon İcra hakimiyyətinin Amsar kəndi üzrə nümayəndəsi Dəyanət Hacıyev isə Bizim.Media-ya açıqlamasında bildirib ki, iddialar həqiqəti əks etdirmir:

“Abidənin yaxınlığında kafe var. Daş hasar da kafeyə aiddir. Ərazinin satılması, zəbt edilməsi məsələsi yoxdur. Abidə 1985-ci ildə inşa olunub. Bələdiyyə tərəfindən əraziyə baxılır, mütəmadi olaraq təmizlik işləri aparılır”.

Dəyanət Hacıyevin qar örtüyü altında çəkdiyi şəkilləri də ədalət naminə təqdim edirik. Amma məsələ bununla bitmir, yaxın günlərdə problemə bir daha dönüş edəcəyik.

Ərazinin tam xəritəsi və real durum haqqında araşdırmamız olacaq.

Xəbər verdiyimiz kimi, “Azərbaycan Dəmir Yolları" QSC-də yeni dönəm başlayır" başlıqlı məqalədə bir sıra məqamları önə çəkmişdik, QSC-yə yeni sədrin kənardan gətiriləcəyini vurğulamışdıq.
Məqalədən bir neçə gün sonra ölkə prezidentinin sərəncamına əsasən, Rövşən Rüstəmov quruma yeni sədr təyin olundu.
Faktinfo.az saytı hazırda onu bildirir ki, "Azərbaycan Dəmir Yolları" QSC-də islahatlar qaçılmaz olacaq. Orada indiki aparıcı korpusla işlənilməyəcək. Bu tədricən həyata keçirilsə belə, nəticə ilə tamamlanacaq. Hətta, aparılan müstəqil audit yoxlamalarından sonra bir sıra həbslərin baş verə biləcəyini ehtimal etmək olar. "ADY" QSC-yə təyin olunmuş yeni sədrə qarşı müqavimət, dirəniş də yersizdir. Əksnə, gözləniləndir ki, yeni sədr "Dəmir Yolu Vağzalı”nda yüksək məbləğdə icarədə olan mağazalardan gələn gəlirin hansı məbləğ həddinə qədər rəsmiləşdirilməsindən tutmuş, oradakı bütün gəlir gətirən ticarət obyektlərinə, maşınların park edilməsinə və dəmir yolunun mühafizə zolağına yaxın ərazilərdə tikilən evlərə nəyin qarşılığında yol verildiyinə qədər bütün incəlikləri həll etsin.

Faktinfo.az saytı əldə etdiyi məlumata əsasən bildirir ki, dəmir yolu sistemində uzun illər kök salmış şəxslər hardasa narahat olmağa başlayıb. Yeni sədr Rövşən Rüstəmovun maksimum səhvsiz davranacağı, heç kimə güzəştə getməyəcəyi, maliyyə, mühasibatlıq şöbələrində islahatlar aparacağı, Tikinti və İnfrastruktur Departamentlərində və s. kadr dəyişikliyinə yol verəcəyi gözlənilir. Çünki, üst səviyyədə göstərişin olduğunu nəzərə alsaq, onda buna rəğmən "Azərbaycan Dəmir Yolları" QSC-nin yaxın illərdə tədricən rentabelli bir quruma çevrilib, paralel olaraq, dövlət büdcəsindən aldığı dotasiyanın həcmini minimuma endirəcəyini təxmin etmək olar. Bu təqdirdə, kiməsə güzəştin olacağı ağlabatan görünmür. Bu halda birinci mərhələ kimi orada qohum-əqrəba idarəçiliyinin aradan qaldırılacağını təxmin etmək də mümkündür.

Elə bir az əvvəl Rövşən Rüstəmovun birdən-birə uzun illərdən bəri "ADY" QSC-nin İnfrastruktur Departamentinin rəisi vəzifəsini tutmuş Fizuli Quliyevi Elçin Zülfüqarovla əvəzləməsinin özü əsaslandırılmamış təyinata oxşamır. Çünki, İnfrastruktur Departamentində narazılıqlar olub və bu indi də var. İnfrastruktur Departamentində önəmli vəzifələri keçmiş departament rəisinin yaxın ətrafı ilə bölüşməsi buna əsas verib. Əfqan İsrafilov İnfrastruktur Departamentinə baş mühəndis təyin edilib. Bu üstünlükdən sonra Əfqan İsrafilov da Xəlil və İxtiyar adlı yaxınlarını (soyadlarını dəqiqləşdirə bilmədik) vəzifələrə yerləşdirib. Xəlil Yol Xidmətinin, İxtiyar isə Biləcəri yol Sahəsinin rəisi təyin olunublar. Beləcə, yaxın çevrə idarəçiliyi formalaşıb. Belə hallar "Azərbaycan Dəmir Yolları" QSC-nin bütün departamentlərində adi hala çevrilib, layiq oldu-olmadı qohum-qardaş işə gətirilib.

Odur ki, "ADY" QSC-nin bütün departamentlərində yerdəyişmələrin aparılacağı, təsadüfi şəxslərin qurumdan kənarlaşdırılacağı başa düşüləndir. Təbii bu islahatları "ixtisarlar aparılır" kimi tirajlayanlar olacaq, amma aparılacaq kadr dəyişiklikləri həqiqətən tərəfsiz və təmənnasız xarakter daşıyacaqsa,Azərbaycan Dəmir Yolları" QSC-nin inkişafı, Azərbaycan Respublikasının prezidenti İlham Əliyevin rəhbərliyi altında Rövşən Rüstəmovun adı ilə bağlanacaq.

FAKTİNFO.AZ

Ölkəmizdə rüşvətxor korrupsianer məmurlara qarşı hüquq-muhafizə orqanlarının prinsipial mübarizəsi göz önündədir. Büdcəni talan etmək, vətəndaşlara ayrıllan pulları mənimsəmək, rayonların, bölgələrin, şəhərin müxtəlif yerlərinə ayrılan vəsaitləri aidiyyəti üzrə xərcləməyib öz şəxsi mənafeyi üçün xərcləyən iş adamları da var. Onlar düşünməsin ki, dövlət lahiyəsi üçün ayrılan vəsaitləri özlərinə və övladlarına dəyəri yüz minlərlə manata olan maşın alıb sürməklə, bahalı mülklərdə yaşamaqla sonrada canlarını dövlətimiz, vətənimiz üçün fəda verən baş tacımız olan Qarabağ qazilərinin pullarını mənimsəməklə heç nəyə qadir ola bilməyəcəklər.

Hələ bu azmış kimi Qarabağ qaziləri o bahalı evinizin qarşısında haqqların tələb edəndə “Bakıda deyiləm” deyib borc sahiblərinin qarşısında özünüzün cəsarəti çatmayanda xanımınızı çıxarasınız, bu ümumiyyətcə faciədir. Hara qaçsanız da dövlət qanunlarından qaça bilməyəcəksiz!

Söhbət Müqayis Verdiyevdən gedir. Müqayis Verdiyev kimdir?

Bu şəxs 2016-cı ildə ikinci dəfə dələduzluğa görə həbs edilib O, dövlətin Sumqayıt şəhər bulvarına abadlıq üçün ayırdığı millyonlarla manat pulu mənimsəməkdə ittiham olunaraq həbsdə olduğu müddətdə yerli mediadan oxusanız Sumqayıt Şəhər icra başçısı Zakir Fərəcovu ittiham edirək bildirirdi ki, pulları o yox Fərəcov mənimsəyib hətta 12 il azadlıqdan məhrum olundu, 3 il çəkmədi ki, azadlığa çıxdı, azadlığa çıxdıqdan sonra bir neçə jurnalisti başına yığaraq Zakir Fərəcov əleyhinə media materaallarını ötürdü.


Müqayis Verdiyev

Bir sözlə desək, Fərəcova qarşı istənilən şantaj silahından istfadə etdi.

Onun həbsxana həyatından sonra yenidən yer alması çoxlarında şok effekti yaratdı. Ötən gün isə bir neçə Qarabağ qazisi Müqayis Verdiyevin yaşadığı evin qarşısına toplaşaraq bildirirlər ki, Müqayis Verdiyevə yenidən hansısa yollarla 4 millyon manatlıq tender verilib, o isə bunun 2 milyonunu mənimsəyərək özünə və övladına bahalı avtamobil alıb amma onlara məxsus daş karxanasından götürülən materiealların dəyəri yüz mindən yuxarı olan borcunu ödəmir, ödəməkdən boyun qaçırır. Hər dəfə onlara tez bir zamanda görüşəcəyik deyə yalandan vədlər verir. “Bu şəxs dələduzluq, dövlət malını talamaya görə dəfələrlə həbsxana həyatı yaşasa da dərs olmur, görünür arxasında hansısa gözəgörünməz qüvvələr var” deyə etirazçılar bildirib.


Həbsaxanadan ölkə prezidentinə və baş prokurora etdiyi müraciətlərində Zakir Fərəcovun sifarişi ilə həbs edildiyini bildirən Müqayis Verdiyevin yenidan Sumqayıt şəhərində tikinti işləri ilə məşğul olmağa başlaması isə o anlama gəlir ki, iş adamı həbsxanaya danışılmış şəkildə yollanıb.

Bütün bunlardan sonra hər şeyin əvvəlcədən planlandığı və Müqayis Verdiyevin həbs edilməsinin bir oyun olduğunu deməkdə olar.

Dövlət lahiyyəsinə ayrılmış millyonlarla manatı mənimsəmək, daha sonra 3 il həbsxana ilə canını qurtarmaq, üstəlik həbsxanadan azad olunduqdan sonra həbsxana rüşvət müqabilində ona həbsxana rəhbərliyi tərəfindən xususi diqqət göstərməsi dustaqlardan ayrı olaraq yer ayrılması, telefon işlətməsinə şərait yaradılması və.s kimi sözləri deməsi görünür yeni aldığı 400 min manatlıq avtomobilə sığmayan Müqayis Verdiyev kimi iş adamlarına dərs olmayıb.


İnanırıq ki dövlətimizin hüquq-muhafizə orqanları vətən üçün canını fəda edən Qarabağ qazilərimizin pozulmuş hüquqlarını tez bir zamanda bərpa edəcək, onlara dəymiş ziyan ödəniləcək, ölkəmizin adını rəzil edən Müqayis Verdiyev kimilər haqqında tez bir zamanda ən ciddi tədbirlər görüləcək…

“Azərbaycan Reallığı” sözü gedən məsələ ilə bağlı baş prokurorluğa sorğu göndərib. Qurumdan bildirilir ki, Baş vermiş məsələ ilə bağlı xəbərdardırlar, artıq müəyən araşdırmalarda başlanılıb.

//Azərbaycan Reallığı//

Qarşı tərəfin mövqe haqqını tanıyırıq

MTV-də yayımlanan "Ümid ilə gəl" proqramında qalmaqal yaşanıb.

Qlobal.net xəbər verir ki, proqrama ekspert kimi dəvət olunan vəkil Şəfiqə Nağıyeva bu dəfə aparıcı Rövşanə Ağasəfqızı ilə dava edib. Mübahisə isə vəkilin xəyanət edən qadınları tənqid etməsindən sonra başlayıb: "Ərinə xəyanət edən xanımı efirdə gözlər önündə necə ucaldım? Mən bu cür qadınları vururam, düz danışmırsınız. Rövşanə xanım kimi danışanlar demək istəyirlər ki, guya mən qadın düşməniyəm. Ailəsini satan, ərinə, xanımına xəyanət edən, uşaqları atan qadınların düşməniyəm, başqa heç kimin. Ailəsinə sadiq olan qadın və kişilərin dostuyam. Lap tutaq ki, mən qınayıram, nifrət edirəm, amma hər halda pis yola düşən qadın da bir kişinin səhvindən belə edir. Ərdə olan qadının hansı hissindən danışmaq olar?".

Rövşanə Ağasəfqızı qızı isə Şəfiqə Nağıyevanı qadınların düşməni kimi gördüyünü bildirib: "Söhbət belə qadından getmir. Lütfən qadınları kiçiltməyin. Siz qadınları alçaldırsınız. Mən sizi hər zaman qadın düşməni kimi görmüşəm. İndi mənim sözümə gəlirsiniz. Siz bu verilişdən də getsəniz, heç bir proqram sizə qapı açmayacaq. Bütün qadınlardan ideallıq istəyə bilmərik. Niyə biz xanımlardan "Madonna" yaratmaq istəyirik? Qadının da hissi, düşüncəsi, yanaşma tərzi var. Əxlaqsızlıqdır, amma bu insana xas olan şeydir. İnsan varsa, cinayət, oğurluq var. Ağıllı-ağıllı danışıb, insanlara əxlaq dərsi keçənlərin, 60 yaşında qadının 30 yaşlı sevgilisini mən tanıyıram. Heç kim kamera qarşısında imam övladı olmasın".

Qeyd edək ki, bir neçə gün əvvəl "Təsir dairəsi" verilişində Şəfiqə Nağıyevayla jurnalist-şair Anar Vəziroğlu arasında qalmaqal yaşanmışdı.

Göyçay rayonu 1-ci Ərəbcəbirli kənd sakini, ictimai fəal, 1-ci qrup hərbi əlil Məhəmmədəli Səmədov tərəfindən ölkə rəhbərliyinə və aidiyyəti orqanlara ünvanan müraciətdə deyilir:

Cənab Prezident! Bildirmək istəyirəm ki, hər il olduğu kimi, bu il də Göyçay Dövlət İdarəetmə və Texnologiya Kollecində təhsil alan tələbələr saatlarla soyuq otaqlarda oturmağa məhkumdurlar. Əslində ötən il, qış fəslinin ilk çağlarında da eyni vəziyyət yaranmışdı, lakin sosial şəbəkələrdə işıqlandığı üçün problem öz həllini tapdı. Təəssüflər olsun ki, bu il də tələbələr eyni acı taleyi yaşamaqdadırlar. Soyuqdan tir-tir əsən tələbələrə baxanda adamın ürəyi parçalanır. Axı o, tələblərin hər biri bir ailənin üzvi, ölkəmizin isə parlaq gələcəyidir. Valideynləri onları keşməkeşli şəraitdə, əzab-əziyyətlərə qatlaşaraq böyüdüb, boya-başa çatdırıb, gələcək həyatlarının puç olmaması üçün təhsil almağa yollayıbdır.

Keçən ilə nisbətən, bu il bəzi otaqlar qismən istiliklə təmin olunsa da, əksər otaqlar buz kimidir. Şübhəsiz ki, kollecin rəhbər vəzifəsizdə işləyən müəllimlərin otaqlarında temperator qaydasındadır, necə ki, nazir Emin Əmrullayevin oturduğu kabinet və Təhsil Nazirliyi elədir.

Bəs görəsən sosial şəbəkələrdə adı daima korrupsiya və rüşvət ocağı kimi hallanan Göyçay Dövlət İdarəetmə və Texnologiya Kollecində tələbələrdən mənimsənən milyonlardan kimlər faydalanır?! İnsaf dinin yarısıdır. Heç olmazsa, ən azından qazandıqları o haram pulların bir qismi ilə tələbələrin sağlamlığını nəzərə alsınlar.

Ümid edirik ki, məsələ tezliklə obyektiv, araşdırılacaq, Göyçay DİTK-nın da bütün otaqları nazir Emin Əmrullayevin kabineti kimi hər il isti olacaqdır.
Teref.az

2019-cu ildə Baş Dövlət Yol Polisi İdarəsinin Qeydiyyat-İmtahan İdarəsinin rəis müavini vəzifəsinə təyin olunan polkovnik-leytenant Leysanov Afiyyədin Bahəddin oğlunun adı son təyinata qədər mətbuatda bir çox qalmaqallı məsələlərə görə hallanıb. Daha çox “nömrə biznesinin kralı” kimi tanınan Afiyəddin Leysanovun rəhbərliyi altında Bakı Dövlət Yol Polis İdarəsinin (BDYPİ) “Meyvəli” terminalına yaxın ərazidə fəaliyyət göstərən qeydiyyat-imtahan şöbəsində baş verənlər isə heç bir çərçivəyə sığmır.

Bu günlərdə redaksiyamıza müraciət edən vətəndaş bildirib ki, onun “Lexus lx 570” markalı avtomobilini addan ada keçirmək üçün A.Leysanovun idarəsində 1500 manat pul alıblar. Halbuki, belə qeydiyyata görə 200 manat dövlət rüsumu tələb olunur. Ziya Muradov adlı başqa bir vətəndaş isə cəmi 1200 manata aldığı ucuz maşına görə ondan çox pul istənildiyini bildirib. Etiraz etdikdə isə, ona deyiblər ki, gedib bankda maşına qiymət təyin etdirib sonra gəlsin. Maraqlıdır, görəsən gün ərzində İdarədə rəsmiləşdirilən bütün avtomobillərin qiynmətləndirilməsi tələb olunur? Əlbəttə ki, yox! Bu, heç fiziki cəhətdən də mümkün deyil. Kimlər ki, “quzu balası kimi” A.Leysanovun “qılıncının altından keçir”, onlardan puldan başqa heç nə tələb olunmur.

İdarənin bütün sektorlarında rüşvətxorluq baş alıb gedir. İşi düşən vətəndaşlardan hər addımda pul istəyirlər. Ərizə yazılması, notariat, texniki baxış, avtomobilin texniki pasportunun dəyişdirilməsi və başqa prosedur əməliyyatlarının keçirildiyi hər pəncərənin öz qiyməti var – 10 manat, 20 manat, 50 manat və s. Vətəndaş burada sanki rüşvət tələblərinin leysan yağışının altına düşür. Rəis A.Leysanov isə kabinetindəki böyük ölçülü plazma tipli monitorda bütün sektorlarda baş verənləri müşahidə edir, kimin kimdən nə aldığını görür, bircə detal belə nəzərindən qaçmır. Çünki monitorun özü də sektorlara bölünüb.

İncidilən, yüksək rüşvət tələb olunan avtomobil sahiblərindən birini müşayiət edərək A.Leysanovun qəbuluna düşməyə müvəffəq olduq. Ona xatırlatdıq ki, daşıdığı soyada hörmətimiz var, atası da ziyalı adamlara, qələm əhlinə hörmətlə yanaşıb. Ümid edirdik ki, bu xatırlatmanı eşitcək, ürəyi yumşalar. Ancaq çifayda, ondan eşitdiyimiz sözlər bizi şoka saldı: “Bilirsiz, mənim atam da iş görən, səxavətli kişi olub, qazandığından xərcləyən olub, pul verən olub. Siz də pulunuzu verin, işinizi gördürün”.

Deryaz.az

Teref.az saytının poçtuna Göyçay rayonu Çərəkə kənd sakini Kərimov Samir Adil oğlu tərəfindən daha bir şikayət məktubu daxil olmuşdur. Vətəndaş iddia edir ki, Azərbaycan Avtomobil Yolları Dövlət Agentliyinin sədri Saleh Məmmədovun himayə etdiyi Göyçayda yerləşən "ATF" MMC və 17 saylı Yol İstismar İdarəsinin rəhbəri dövlət əmlakını və vəsaitirini talan edir. Vətəndaş teref.az-a müraciətində yazır:
Göyçay rayonu Çərəkə kənd sakini Kərimov Samir Adil oğlu tərəfindən

Azərbaycan Respublikasının prezidenti cənab İlham Əliyevə, digər Ali Orqan rəhbərlərinə və Mətbuat orqanlarına

Göyçay rayonu Çərəkə kənd sakini, "Azəravtoyol"un işçisi olmuş Kərimov Samir Adil oğlu tərəfindən

Azərbaycan Avtomobil Yolları Dövlət Agentliyinin sədri Saleh Məmmədovun himayə etdiyi Göyçayda yerləşən "ATF" MMC və 17 saylı Yol İstismar İdarəsinin rəhbəri növbəti dəfə Oğuz-Şəki yolunun tikintisi zamanı dövlət əmlakını və vəsaitlərinin talan etməsindən və "Azəravtoyol XANI" tərəfindən yolun açılışı zamanı Prezidentə yalan məlumatlar verilməsindən
ŞİKAYƏT MƏKTUBU

Saleh Məmmədovun himayə etdiyi Göyçayda yerləşən "ATF" MMC və 17 saylı Yol İstismar İdarəsinin rəhbərləri dövlət əmlakını və vəsaitirini bu dəfə Oğuz -Şəki yolunun yenidənqurması zamanı talan etdilər. Belə ki, yol tikintisi üçün ayrılan milyonlarla manatı ( 60 mil.man.) rahat şəkildə talan etmək üçün Saleh Məmmədovun saxta tender oyunlarını demək olar ki, əvvəllər ancaq "ATF" MMC şirkəti udurdu. İndi isə onlar daha da qabağa gedərək ATF-ə bağlı vergilərdən yayınan 17 saylı Yol İstismar İdarəsinə tendersiz-filansız ayrılan 60 milyon manat vəsait Oğuz-Şəki yolununun tikintisini sənəd üzərində həvalə etmişlər. Amma bütün işləri ATF MMC tərəfindən görülmüş, daxil olan vəsaitlərin də 85%-i mənimsənilmişdir.
Açılış zamanı rəsmi xronologiyada bildirilir:
Dekabrın 2-də Azərbaycan Respublikasının Prezidenti İlham Əliyev Qaraməryəm-İsmayıllı-Şəki avtomobil yolunun Oğuz-Şəki hissəsinin yenidənqurmadan sonra açılışında iştirak edib.
Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dövlətimizin başçısına yolun texniki göstəriciləri barədə məlumat vermişdir.
Bildirildi ki, uzunluğu 47,2 kilometr olan yolun 7,5 kilometri 1-ci texniki dərəcəyə, 26,1 kilometri 2-ci texniki dərəcəyə, 13,6 kilometri isə 3-cü texniki dərəcəyə uyğun yenidən qurulub. Buraya Oğuz və Şəki şəhərlərinə giriş yollarının, həmçinin “Şəki dairəvi yolu”nun əsaslı şəkildə təmiri də daxildir.
Qeyd edildi ki, layihə çərçivəsində yolboyu genişləndirmə işləri icra olunub, yolun köhnə asfalt örtüyü sökülüb, zəruri yerlərdə yararsız qrunt qazılaraq çıxarılıb, əks-dolğu işləri görülüb. Bundan başqa, zəruri yerlərdə müxtəlif diametrlərə malik 144 yeni dairəvi suötürücü boru quraşdırılıb, iki su keçidi və 11,6 kilometr uzunluğunda suaxıdıcı kanallar inşa edilib. Yola üç laydan ibarət yeni asfalt-beton örtüyü döşənib.
Məlumat verildi ki, layihə çərçivəsində Zəyzidçay çayı üzərində yerləşən körpü istismar müddətini başa vurduğu üçün sökülüb, yerində 22 metr uzunluğunda yeni körpü inşa edilib. Daşağıl, Küngüt, Kiş, Qurcanaçay çayları üzərində yerləşən və ümumi uzunluğu 630 metr olan mövcud körpülər isə təmir olunub
Görülən işlərə paralel olaraq, zəruri yerlərdə 408 yol nişanı, 1731 siqnal dirəyi, 7 avtodayanacaq, 12,2 kilometr əyrixətli dəmir tir quraşdırılıb, yolcizgi və yolgöstərici xətlər, piyada zolaqları çəkilib."
BƏS PREZİDENTƏ MƏRUZA OLUNANLAR NƏ DƏRƏCƏDƏ DOĞRUDUR?
Əvvəlcə Azərbaycan Avtomobil Yolları Dövlət Agentliyinin İdarə Heyətinin sədrinin Prezident cənab İlham Əliyevə yolun texniki göstəriciləri barədə məlumatların nə dərəcədə həqiqətə uyğun olub olmamasını yerində apardığımız araşadırmalar və tanış mütəxəssis rəyləri əsasında göstərə bilərik.
Belə ki, FAKT 1. Rəsmi olaraq "zəruri yerlərdə müxtəlif diametrlərə malik 144 yeni dairəvi suötürücü boru quraşdırılıb" ifadəsi tam yanlışdır. Çünki, yol boyu müxtəlif diametrlərə malik 144 yeni deyil, söküntü materialı olan dairəvi suötürücü, yəni, azbest və beton materiallardan hazırlanmış süni qurğulardan istifadə edilmişdir. Sənəddə 144 suötürücü göstərilsə də, faktiki bu rəqəm heç 90-a çatmır.
2. Məlumat verildi ki, Daşağıl, Küngüt, Kiş, Qurcanaçay çayları üzərində yerləşən və ümumi uzunluğu 630 metr olan mövcud körpülər isə təmir olunub. Bu ifadəyə arayış olaraq bildirirk ki, körpülər təmir edilməyib, sadəcə üzərindəki asfalt-beton qatı yenisilə əvəzlənib.
3. "Zəruri yerlərdə 11,6 kilometr uzunluğunda suaxıdıcı kanallar inşa edilib"
Əslində, burada suaxıdıcı kanal adı altında əsas Zəyzidçay yatağında olan daş-çınqıl və torpaq qarışığı olan xam materiallar qanunsuz olaraq yol yatağına səpilmişdir. Əslində isə yol tikintisi layihələrində yol yatağı ən azı 1 m dərinliyində qazılmalı, ilkin qat kimi bərk cisimlər, ( çay daşı da ola bilər) sonrakı qatda yuyulmuş və doğranmış çınqıl təbəqəsi salınmalı, sonda isə yenə yuyulmuş narın qum qatından istifadə olunmalı idi. Lakin faktiki olaraq ucuz başa gələn yaxınlıqdakı çay yataqlarının qarışıq daş-qum-çınqıl və torpaq qarışığından gen bol istifadə edilmişdir.
4. Bundan başqa Şəki şəhərinin 5 km uzunluğunda Salman Mümtaz küçəsinin hər iki tərəfində yol kənarlarında quraşdırılmış işıq dirəkləri də istismardan çıxarılmış və uzun müddət anbarlarda paslanmış dirəklərdir. Onları yeni adı altında rəngləyərək yenidən bu küçədə quraşdırmışlar.
5. Yolun torpaq yatağı isə necə varsa elcə yerində qalmışdır. Yəni, onun qazılıb daşınması və standartlara uyğun doldurulması baş verməmişdir. Sadəcə sənədlərdə şişirtmələrə geniş yol verilmişdir.
6. Şəki-Oğuz yolunun yenidən qurulması layihəsi isə bu sahə üzrə layihə hazırlayan şirkətlər tərəfindən deyil, icraçı şirkətin bu sahədə mütəxəssis olamayan, əvvəllər yol kənarında nar satan naşı əməkdaşları tərəfindən necə gəldi hazırlanmışdır.
7. Dövlətimizin başçısına verilən son məlumatda isə görülən işlərə paralel olaraq, zəruri yerlərdə 408 yol nişanı, 1731 siqnal dirəyi, 7 avtodayanacaq, 12,2 kilometr əyrixətli dəmir tirinin quraşdırıldığı bildirilmişdir. Bəli, yaxından diqqət yetirdikdə görürürk ki, sözügedən 12.2 km əyrixətli tirin demək olar ki, yarısı köhnə və nə vaxtsa istifadə olunmuş və sökülərək istismardan çıxarılmış əyrixətli tirlər yenidən bu yol boyu istifadə edilmişdir. Təqdim etdiyimiz fotolardan da bunu aşkar görmək olur. Məslən, Oğuzun Muxas- Bucaq istiqamətində yolun sağında dəmir tirləri gümüşü, lakin yolun sol tərəfində isə sarı rəngdədir. Yəni köhnə olub və məcbur olub rəngləyiblər.
8. Yolun "çiyin" hissəsi normada 2.5 metr olmaq əvəzinə, cəmi 1.5 metrdir.
Onu da qeyd etmək yerinə düşərdi ki, 47 km uzunluğunda yenidən qurulmuş Şəki-Oğuz yolunun inşaası zamanı qanunsuz olaraq işin icrasını ATF MMC maşın və avadanlıqları ilə həyata keçirsə də külli-miqdarda dövlətə vergi borcu olan AAYDA-nın 17 saylı Yol İstismar İdarəsinin balansında olan az sayda texnika və avadanlıqlarından da istifadə edilmişdir. Lakin daxil olan bütün pullar mənimsənildiyindən 17 saylı Yol İİ-si vergi pulunu ödəməmişdir. ( Yəni, vergiyə pul saxlamamışlar)
Bütün maxenasiyaların nəticəsində "ATF" MMC-nin təsisçiləri olan Muradov qardaşları Azərbaycan Respublikasının dövlət büdcəsini talan etməklə milyonlara sahib olublar. Onlara məxsus Bakı şəhərində, Göyçay, İsmayıllı, Qəbələ və digər rayonlarda Yanacaq Doldurma Məntəqələri, ticarət obyektləri, şadlıq evləri və villalar var. Bu bəs etmədiyi kimi indi də Almaniyada çoxsaylı əmlaklar almağa girişiblər.
Araşdırmalarımızın nə dərəcədə reallığa uyğun olub olmamasını yoxlamaq istəyən varsa yenicə açılışı olmuş yolun sağına-soluna diqqətlə baxması kifayət edər. Məsləhət olarsa aidiyyatı hüquq-mühafizə orqanları inşaat texniki-ekspertizası da təşkil edə bilərlər. Yetər ki, dövlətimizin başçısını və ictimaiyyətimizi Naxçivan "XANı" Vasif Talıbov kimi "YOLLAR XAN"I Saleh Məmmədov da aldatmasın.
Mən mətbuat vasitəsi ilə Prezident cənab İlham Əliyevdən, Dövlət Təhlükəsizlik Xidmətinin rəisi cənab Əli Nağıyevdən, Baş Prokuror cənab Kamran Əliyevdən, Korrupsiyaya Qarşı Mübarizə Baş İdarəsinin rəisi cənab Nazim Rəcəbovdan xahiş edirəm dövlət vəsaitini talan edən, insanların əmək hüquqlarını pozan, istismar edən bu vəzifəli şəxslərin barəsində ciddi tədbirlər görəsiniz.
Kərimov Samir Adil oğlu
Teref.az olaraq şikayəıt məktubunda acıqlanan iddialarla bağlı qarşı tərəfin mövqeyini dəırc etməyə hazırıqq!
Teref.az