 |
|
|
NewsCenter.az xəbər portalının redaksiyasına şikayət daxıl olub.
Müraciət edən Abşeron Rayon Mərkəzi Xəstəxanasının həkim-ginekoloqu Bədəlova Arzu Ənvər qızıdır.
Həkim haqsızlığa məruz qaldığını bildirir, əlaqədar təşkilatlardan, ictimaiyyətdən, mediadan, dövlət rəhbərliyindən kömək istəyir.
Abşeron səhiyyəsi dedikdə nədənsə göz önünə Mehriban Qaralova gəlir. Çünki bu qadın işlədiyi müddətdə rayonda səhiyyəni elə günə salıb ki, tibbi dildə desək, hələ də fəsadları bilinir.
Elə gümanımız bizi yanıltmadı. Arzu Bədəlovanın şikayətinin əsas "qəhrəmanı" da Abşeron Rayon Səhiyyə şöbəsinin sabiq müdiri Mehriban Qaralovadır.
Arzu xanımın dediklərindən bu qənaətə gəlinir ki, o sözün əsl mənasında şərə salınıb. Bu işin başında da Mehriban Qaralova durur.
Məsələ budur ki, 2022-ci ildə bir doğuş zamanı uşaq ölümü hadisəsi baş verib. Arzu həkim deyir ki,həmin an uşağın valideynlərinə doğuşla bağlı bir problem görmədiyi üçün, ölümün səbəbini tam müəyyənləşdirmək üçün təşrih, yəni meyitin yarılmasını təklif edib.Əvvəl valideynlər razı olmasalar da sonradan razılaşlblar.
Bundan sonra Abşeron Rayon Mərkəzi Xəstəxanası PHŞ direktoru və həmin dövr Abşeron Səhiyyə şöbəsinin müdiri olan Mehriban Qaralovaya məlumat verib.
Mehriban xanım göstəriş verib ki dərhal hadisə haqqında prokurorluğa məlumat verin və təşrihi onların iştirakı ilə aparılmalıdı. Abşeron Rayon Prokurorluğuna hadisə haqqında informasiya çatdırılıb. Lakin oradan bildirilib ki, onlara bu hadisəyə dair şikayət daxil olmayıb.
Bunun ardından, təxminən 10-15 dəqiqə sonra necə oldusa da müstəntiq Faiq Sultanov zəng edərək hazırlaşıb xəstəxanaya gələcəklərini bildiriblər. Xəstəxanaya gəlib, körpənin meyitini Səhiyyə Nazirliyi “Məhkəmə-Tibbi Ekspertiza və Patoloji Anatomiya Birliyi”nə aparıblar.
Valideyn icazəsi də alınmaqla meyitə baxış keçirilib, yəni otopsiya (meyityarma) əməliyyatı keçirilib. Prokurorluqda faktla bağlı müstəntiq Faiq Sultanovun icraatında araşdırma başlanıb.
Hadisə günü və sonrakı günlər valideynlər şikayət etməsələr də sonradan nədənsə fikirlərini dəyişərək şikayət ərizəsi yazıblar. Məlum məsələdir ki, bunu da təşkil edən Mehriban Qaralova olub. Çünki Mehriban Qaralova bu cür işlərin içində bir növ bişib, püxtələşib.
Prokurorluqla münasibətlərinin əla olması heç kimə sirr deyil. Xanımın soyadına fikir verin. Bilməyənlər üçün deyək ki, Mehriban xanım keçmiş Baş Prokuror Zakir Qaralovun doğmaca əmisi qızıdır.
Zakir Qaralovun vaxtında Abşeron rayonununda əsas fiqurlardan idi. Baxmayaraq ki, hazırda vəzifəsi xeyli kiçilib, amma indi də bəzi adamlara, sahələrə təsir edə bilir. Bu da sadə insanların, sıravi işçilərin həyatına təsirsiz ötüşmür...Qayıdaq bəhs etdiyimiz məsələyə.
Müstəntiq məhkəmə-tibbi ekspertizası təyin edib, müəmmalı günlər də bu vaxtdan başlayıb. Ekspert rəylərinə baxdıqda görürük ki, ekspertlər hazır mətnin surətini köçürdüb imza atıblar. Nöqtə-vergülünə qədər də bir-birini təkrarlayırlar.
Ekspertlər olmayan bir şeyi-ölümün göbək ciyəsinin uşağının boyun ətrafına dolanmasından baş verdiyini yazırlar, halbuki doğuş prosesində iştirak etmiş bütün tibbi heyət göbək ciyəsi dolanmasının,o cümlədən,uşağın anasının özü belə göbək ciyəsi dolanmasının olmadığı barədə dəfələrlə deyib, ifadə veriblər.
Bundan başqa,göbək ciyəsi dolanmasının qeysəriyyə əməliyyatına göstəriş olmadığı bütün tibbi ədəbiyyatlardan və protokollardan məlumdur.Lakin Arzu xanımı hadisədən iki həftə aparılmış ultrasəs müayinəsinin nəticəsində göstərilmiş göbək ciyəsinin birqat dolanması diaqnozuna əsasən qeysəriyyə əməliyyatı aparmamaqda günahlandırırlar.
Arzu Bədəlova iddia edir ki, Mehriban Xanlarova işi "yoluna qoymaq" üçün ondan rüşvət tələb etdiyi üçün və o buna razı olmadığı üçün Mehriban Qaralova ekspert rəylərini saxtalaşdırıb.
Arzu xanımın söylədiyinə görə ekspertizanın başdansovdu rəyləri əsasında müstəntiq Faiq Sultanov həkimin barəsində cinayət işinin başlanılması haqqında tələm-tələsik qərar verərək işi məhkəməyə göndərib.
Halbuki qanuna əsasən hərtərəfli, tam, obyektiv araşdırma aparılmalı idi. Tək ekspertizanın rəyinə əsaslanmaq nə dərəcə düzgündür?
Halbuki vəfat etmiş körpənin valideyni,yəni anası A.Bədəlovanı bu məsələdə günahkar hesab etmir və məhkəməyə də rəsmi şəkildə müraciət edərək ona bəraət verilməsini xahiş edib.
Bundan başqa, iş materiallarında körpənin valideynlərinin Daxili İşlər Nazirliyinə göndərdiyi, müvafiq olaraq TƏBİB-ə göndərilən müraciətlər var. Bu qurumun təqdim etdiyi məktub var.
Orada da bildirilir ki, doğuş zamanı düzgün taktika seçilib. Körpənin ana bətnində xroniki xəstə olduğu da təsdiq olunub. Arzu Bədəlova qeyd edir ki,bütün bunlara əsaslanaraq bildirirəm ki, bu işdə bir qərəz hiss edirəm və bunun arxasında Mehriban Qaralova durur.
Şikayətçi Arzu Ənvər qızı Bədəlova redaksiyamıza bir səs yazısı təqdim edib. Bu Mehriban Qaralovanın səsidir. Səs M.Qaralova Abşeron Səhiyyə şöbəsinin müdiri işləyərkən qeydə alınıb.
Səs yazısından görünür ki, Mehriban Qaralova hüquq-mühafizə orqanlarının bəzi əməkdaşları ilə, müəyyən qurumlarla necə deyərlər,daim "işbirliyi"ndə olub.
Qeyd edək ki, iş davam edir, artıq Arzu Bədəlovanın kassasiya şikayətinə baxılması üçün Ali Məhkəmədə baxış günü təyin edilib. Şikayətçi həkim xanım Ali orqandan ali ədalət istəyir.
Səhiyyə Nazirliyinin nəzdində fəaliyyət göstərən Elmi Tədqiqat Tibbi Bərpa İnstitutunda görülən işlərin əksəriyyəti qeyri-qanuni həyata keçrilir. Belə ki, institutun ərazisində yeraltı "yod brom" quyularının mövcud olması həmin xəstəxananın tikilməsinə səbəb olub. Sovetlər dönəmində yeraltı sərvətin üzərində tikilən xəstəxana "S. M. Kirov adına Elmi-Tədqiqat İnstitutu" kimi bərpa olunaraq fəaliyyətə başlayıb. Azərbaycan müstəqilliyini bərpa etdikdən sonra isə Elmi Tədqiqat Tibbi Bərpa İnstitutu kimi fəaliyyətini davam etdirir. Amma buna baxmayaraq, xəstəxananın fəaliyyət göstərməsinə səbəb olan "yod brom" yeraltı quyularının üzərində qanunsuz bina tikintisi aparıldığına görə müalicəvi su mənbəyi batırılmışdır.
Apardığımız araşdırmalardanməlum oldu ki, Elmi Tədqiqat Tibbi Bərpa İnstitutunun ərazisində aparılan qanunsuz bina tikintisini işbazlara həvalə edən vəzifə sahibləri Səhiyyə Nazirliyinin aparat rəhbəri Tural Babayev və İnstitutun publik hüquqi şəxsi Mətanət Əfəndiyevadır. Araşdırmalar zamanı o da bəlli olub ki, Mətanət Əfəndiyeva İnstituta direktor gətiriləndən sonra, rəhbərlik etdiyi bir il ərzində İnstitutda bir nəfər də olsun elmi dərəcəsi olan şəxslər qalmayıb. Hal-hazırda xəstəxana Fövqəladə Hallar Nazirliyinin siyahısında qəzalı bina kimi göstərilməsinə baxmayaraq, xəstələrin qəbulu davam etdirilir. Etibarlı mənbənin məlumatına görə, xəstələrə müalicə məqsədilə təyin olunan dərman preparatları və şprislər pul ilə satılır. Baxmayaraq ki, müalicə məqsədilə qəbul olunan xəstələrə pul ilə deyil, Tibbi Sığorta hesabına qarşılanmalıdır. Təəssüflər olsun ki, direktor gələndən hər şey pulludur. Elmi Tədqiqat Tibbi Bərpa İnstitutunun yeməkxanasında bişirilən yeməklər Səhiyyə Nazirliyinin tərkibində fəaliyyət göstərən 6 xəstəxananın xəstələrinin yeməyini təmin edir və yeməklər xəstələrin xəstəliyinə uyğun əvvəlcədən tutulmuş menyu əsasında bişirilməlidir. Lakin xəstəxananın yeməkxanasında qaydalara riayət olunmur və yeməklər necə gəldi bişirilib paylanılır.
Qeyd edək ki Mətanət Əfəndiyeva tibb elmi ictimaiyyətində Rusiya alimi kimi tanınır. Bütün elmi dərəcələrini, professor adını da Rusiyada alıb. Onun elmi tədqiqatlarının nəticələri, ixtiraları Moskvanın və Rusiyanın digər şəhərlərinin müalicə-profilaktika müəssisələrində tətbiq olunub. Ancaq görünən odur ki, Mətanət xanımın öz vətənində tətbiq etdikləri heç də elmin və tibbin inkişafına xidmət etmir. Yəqin, onu idarəetmə işində saxlayan havadarlarının da arxası Rusiyaya bağlıdır.
GundemXeber.Az
Səhiyyə Nazirliyinin nəzdində fəaliyyət göstərən Elmi Tədqiqat Tibbi Bərpa İnstitutunda görülən işlərin əksəriyyəti qeyri-qanuni həyata keçrilir. Belə ki, institutun ərazisində yeraltı "yod brom" quyularının mövcud olması həmin xəstəxananın tikilməsinə səbəb olub. Sovetlər dönəmində yeraltı sərvətin üzərində tikilən xəstəxana "S. M. Kirov adına Elmi-Tədqiqat İnstitutu" kimi bərpa olunaraq fəaliyyətə başlayıb. Azərbaycan müstəqilliyini bərpa etdikdən sonra isə Elmi Tədqiqat Tibbi Bərpa İnstitutu kimi fəaliyyətini davam etdirir. Amma buna baxmayaraq, xəstəxananın fəaliyyət göstərməsinə səbəb olan "yod brom" yeraltı quyularının üzərində qanunsuz bina tikintisi aparıldığına görə müalicəvi su mənbəyi batırılmışdır.
Apardığımız araşdırmalardanməlum oldu ki, Elmi Tədqiqat Tibbi Bərpa İnstitutunun ərazisində aparılan qanunsuz bina tikintisini işbazlara həvalə edən vəzifə sahibləri Səhiyyə Nazirliyinin aparat rəhbəri Tural Babayev və İnstitutun publik hüquqi şəxsi Mətanət Əfəndiyevadır. Araşdırmalar zamanı o da bəlli olub ki, Mətanət Əfəndiyeva İnstituta direktor gətiriləndən sonra, rəhbərlik etdiyi bir il ərzində İnstitutda bir nəfər də olsun elmi dərəcəsi olan şəxslər qalmayıb. Hal-hazırda xəstəxana Fövqəladə Hallar Nazirliyinin siyahısında qəzalı bina kimi göstərilməsinə baxmayaraq, xəstələrin qəbulu davam etdirilir. Etibarlı mənbənin məlumatına görə, xəstələrə müalicə məqsədilə təyin olunan dərman preparatları və şprislər pul ilə satılır. Baxmayaraq ki, müalicə məqsədilə qəbul olunan xəstələrə pul ilə deyil, Tibbi Sığorta hesabına qarşılanmalıdır. Təəssüflər olsun ki, direktor gələndən hər şey pulludur. Elmi Tədqiqat Tibbi Bərpa İnstitutunun yeməkxanasında bişirilən yeməklər Səhiyyə Nazirliyinin tərkibində fəaliyyət göstərən 6 xəstəxananın xəstələrinin yeməyini təmin edir və yeməklər xəstələrin xəstəliyinə uyğun əvvəlcədən tutulmuş menyu əsasında bişirilməlidir. Lakin xəstəxananın yeməkxanasında qaydalara riayət olunmur və yeməklər necə gəldi bişirilib paylanılır.
Qeyd edək ki Mətanət Əfəndiyeva tibb elmi ictimaiyyətində Rusiya alimi kimi tanınır. Bütün elmi dərəcələrini, professor adını da Rusiyada alıb. Onun elmi tədqiqatlarının nəticələri, ixtiraları Moskvanın və Rusiyanın digər şəhərlərinin müalicə-profilaktika müəssisələrində tətbiq olunub. Ancaq görünən odur ki, Mətanət xanımın öz vətənində tətbiq etdikləri heç də elmin və tibbin inkişafına xidmət etmir. Yəqin, onu idarəetmə işində saxlayan havadarlarının da arxası Rusiyaya bağlıdır.
GundemXeber.Az
Qusar şəhəri, Hacıməhəmməd küçəsi, 10 saylı evdə yaşayan, 14.04.1956-cı ildə anadan olmuş, ali təhsilli, 3 övlad atası, təqaüdçü, Ağamirzəyev Hacımirzə Ağamirzə oğlu tərəfindən, Azərbaycan Respublikasının Gömrük Komitəsi və digər Dövlət məmurlarının qanunsuz hərəkətlərindən ölkə rəhbərliyinə şikayət ünvanlanıb. Bir nüsxəsi də "DİA-AZ"a daxil olan şikayət məktubunda deyilir:
Hörmətli cənab Prezident! Sizin daxili və xarici siyasətinizi hər zaman bəyənərək, daima dəstəkləməyə hahırıq. Siz hər zaman vətəndaşlara tövsiyyə edirsiniz ki, üzləşdiyiniz məmur özbaşınalığından, vətəndaşların qanunla qorunan Konstitusiya hüquqlarını bilərəkdən kobudca pozan, vətəndaşlara aşağıdan yuxarı baxan vəzifəli şəxslərin, Dövlət məmurların qanunsuz əməllərindən signal verin ki, həmin dövlət məmurları barəsində Azərbaycan Respublikasının qanunvericilik tələblərinə əsaslanmaqla tədbir görüm.
Tövsiyyələrinizi nəzərə alaraq üzləşdiyim məmur özbaşınalığından Sizə signal verirəm :
31 yanvar 2025-cü il tarixdə Azərbaycan Respublikasının Gömrük Komitəsinin naməlum vəzifəli şəxsin xahişi əsasında Qusar RİH-nə dəvət olunmuşam. 31 01.2025-ci il tarixdə saat 15:00-da Qusar RİH-nə gələndə məlum oldu ki, Gömrük Komitəsinin bir grup vəzifəli şəxsləri Qusar RİH-nə gəlmiş, Qusar rayonun Samur sərhəd buraxılış məntəqəsi ətrafında fəaliyyət göstərən obyektlərin mülkiyyətçiləri ilə görüşü planlaşdırılmışdır.
31.01.2025-cü il tarixdə saat 15:00-da Qusar RİH-in binasında ( akt zalında ) Qusar RİHB-sı Sahir Məmmədxanov cənablarının rəhbərliy, Gömrük Komitəsi sədrinin müavini ( Azərterminallar üzrə ) Kənan Aşurlu, komitə sədrinin müşaviri Anar Bayramov, komitənin digər vəzifəli şəxsləri və 4 nəfər sahibkarla görüşü keçirilir.
Qusar RİHB-sı Sahir Məmmədxanov cənabları həmin görüşdə məlumat verərək bildirdi ki, Azərbaycan Respublikası Prezidentinin məlum sərəncamı əsasında, Samur sərhəd buraxılış məntəqəsi ətrafında yenidənqurma və abadlıq işlərinin görülməsinə zərurət yarandığına görə, həmin ərazidə fəaliyyət göstərən sahibkarlara məxsus obyektlərin və torpaq sahələrin Dövlət ehtiyacları üçün vətəndaşlara ədalətli kompensasiya ödənilməklə onlardan alınması zərurəti yaranmışdır.
Belə ki, biz 4 nəfər sahibkar Qusar RİHB-sı Sahir Məmmədxanov cənablarının məlumatını nəzərə alaraq, mülkiyyətimizdə olan torpaq sahələrin və əmlakların Dövlət ehtiyacları üçün alınmasını bəyənərək, dəstəməklə, ilk növbədə razılıq versək də, ədalətli kompensasiya verilmədiyi üçün, sonradan sahibkarlarla Gömrük Komitəsi əməkdaşları arasında haqlı və əsaslı narazılıq yaranmışdır.
Qusar RİH-nin hüquq şöbəsinin müdiri Telman Kazımov cənabları İH-in 27.08.2024-cü il tarixli bildirişini mənə təqdim edərək bildidi ki, Qusar rayonun Samur qəsəbəsi ərazisində mövcud, sərhəd buraxılış məntəqəsinin ətrafında olan, qanuni əsaslarla Dövlət Əmlak Komitəsindən satın alınmış Sizə məxsus Üzüm Emalı məntəqəsi, məntəqənin fəaliyyət göstərdiyi 02, Samur Bəllədiyyəsindən satın aldığınız 0, 94 hektar( cəmi 2, 94 hektar ) torpaq sahənin Dövlət ehtiyacları üçün Sizdən alınması nəzərdə tutulmuşdur.
Gömrük Komitənin vəzifəli şəxsləri, qanuni əsaslarla, külli miqdarda vəsait ödəməklə Dövlət Əmlak Komitəsindən satın aldığım Üzüm Emalı məntəqəsinə, onun fəaliyyət göstərdiyi 02 və Samur Bələdiyyəsindən satın aldığım 0,94 hektar ( cəmi 2, 94 hektar ) torpaq sahənin dövlət ehtiyacları üçün alınmasına 64 min manat vəsait ( altımış dörd min ) təklif etmiş, lakin həmin təkif edilən vəsait məni qane etmədiyinə görə Gömrük Komitəsinin əməkdaşları ilə heç bir razılıq əldə edilməmişdir.
Tərəfimdən araşdırma vaxtı məlum olmuşdur ki, Gömrük Komitəsi ilə ikitərəfli müqavilə bağlayaraq, Samur sərhəd buraxılış məntəqəsinin ətrafında olan sahibkarlara məxsux əmlakl və torpaq sahələrini qiymətləndirən müstəqil qiymətləndirici ekspert, Bakı şəhər sakini Qasımzadə Ramil Çingiz oğlu Samur sərhəd buraxılış məhtəqəsi ətrafında fəaliyyət göstərən 30-dan çox sahibkarın, o cümlədən mənim mülkiyyətimdə olan Üzüm Emalı məntəqəsininin bazar qiymətini qanunsuz müəyyən etsə də, onun sahibkarlara məxsus əmlak və torpaq sahələrin qiymətləndirilməsinə dair icazə verən heç bir sənədi və qanununamüvafiq sertifikatı olmamışdır.
Qusar RİHB-sı Sahir Məmmədxanov cənabları, İH-in səlahiyyətli vəzifəli şəxsləri Qusar rayonun Samur sərhəd buraxılış məntəqəsi ətrafında fəaliyyət göstərən sahibkarların əmlakları, torpaq sahələrini qanunsuz qiymətləndirilərkən, Gömrük Komitəsi tərəfindən təqdim edilmiş müstəqil qiymətləndirici ekspert, Bakı şəhər sakini Qasımzadə Ramil Çingiz oğluna belə bir hüququn, səlahiyyətin və sertifikatın verilib-verilməməsini araşdırmayaraq, sahibkarların qanunla qorunan Konstitusiya hüquqlarının, əmlak, mülkiyyət hüquqlarının kobudca pozulmasına şərait yaradılmala, sahibkarlara külli miqdarda maddi və mənəvi zərərin vurulmasına şərait yaradılmışdır.
Tərəfimdən araşdırma vaxtı məlum olmuşdur ki, Samur sərhəd buraxılış məntəqəsi ətrafında fəaliyyət göstərən sahibkarların əmlaklarının və torpaq sahələrinin Dövlət ehtiyacları üçün alınması üçün Azərbaycan Respublikası Nazirlər Kabinetin müvafiq qərarı olmamışdır.
Belə ki, Torpaqların dövlət ehtiyacları üçün alınması haqqında 20.04.2010-cu il tarixli 987 İİİQ saylı Azərbaycan Respublikası Qanununun tələblərinə əsasən yalnız aşağıdakı hallarda torpaqlar dövlət ehtiyacları üçün alına bilər :
Maddə 3. Torpağın alınmasına əsas verən dövlət ehtiyacları.
3.1. Bu Qanuna əsasən torpağın alına biləcəyi dövlət ehtiyacları aşağıdakılardır :
3.1.1. dövlət əhəmiyyətliyolların və digər kommunikasiya xətlərinin ( magistral neft və qaz boru kəmərlərinin, kanalizasiya, yüksək gərginlikli elektrik xətlərinin, hidrotexniki qurğuların ) çəkilməsi və quraşdırılması;
3.1.2. sərhədboyu zolaqda dövlət sərhəddinin etibarlı mühafizəsinin təmin edilməsi ;
3.1.3. mühafizə və təhlükəsizlik əhəmiyyətli obyektlərin tikilməsi ;
3.1.4. dövlət əhəmiyyətli dağ-mədən sənayesi obyektlərinin tilkilməsi ;
3.1.5. dəniz limanın ərazisinin artırılması ;
3. 2. torpaqların dövlət ehtiyacları üçün yalnız bu Qanunda nəzərdə tutulmuş hallarda alına bilər.
Maddə 2. Torpaqların dövlət ehtiyacları üçün alınması haqqında qanunvericilik.
2.1. Torpaqların Dövlət ehtiyacları üçün alınması haqqında qanunvericilik Azərbaycan Respublikasının Konstitusiyasından, Azərbaycan Respublikasının Torpaq Məcəlləsindən, Mülki Məcəllədən, Mənzil Məcəlləsindən, bu Qanundan, Azərbaycan Respublikasının digər normativ hüquqi aktlardan və tərəfdar çıxdığı beynəlxalq müqavilələrdən ibarətdir.
2.2. Bu Qanunun müddəaları Ələt azad iqtisadi zonasına şamil edilmir.
Torpaqların dövlət ehtiyacları üçün alınması haqqında 20.04.2010-cu il tarixli Azərbaycan Respublikası Qanunun 80.1-ci maddəsinin tələblərinə görə, « Dövlət organlarının və ya bələdiyyələrin vəzifəli şəxsləri tərəfindən torpaq üzərində mülkiyyət, istifadə və icarə hüquqlarına aid olan sənədlərin qanunvericiliyin tələblərinə riayət etməməklə qəbul edilməsi (tərtib edilməsi )
şəxsə kompensasiyanın verilməməsi üçün əsas ola bilməz. Bu halda kompensasiya ödənildikdən sonra müvafiq icra hakimiyyəti organı yuxarıda göstərilən sənədlərin qəbul edilməsi ( tərtib edilməsi ) zamanı qanunvericiliyin tələblərinin pozulmasında təqsirli olan vəzifəli şəxsə qarşı dövlətə dəymiş ziyanın ödənilməsi məqsədilə müvafiq məhkəməyə iddia ilə müraciət edir.
Azərbaycan Respublikasının Gömrük Komitəsi 2002-ci il tarixdə Dövlət Əmlak Komitəsindən külli miqdarda vəsait ödəməklə satın aldığım Üzüm emalı məntəqəsini, torpağa mülkiyyət hüququna dair Dövlət aktları əsasında mülkiyyətimdə olan 02, 0, 94 hektar ( cəmi 2, 94 ) hektar torpaq sahəyə cəmi 64 min manat kompensasiya təklif etməklə, müllkiyyətçiyə ədalətli şəkildə, ağlabatan kompensasiya ödənilmədən, qanunsuz olaraq əmlakımı və torpaq sahəmi əlimdən almaq istəyir. Belə qanunsuz hərəkətlər vətəndaların qanunla qorunan hüquqları vəzifəli şəxslər, dövlət məmurları tərəfindən kobudca pozulmaqla, mülkiyyətçiyə həm də, Dövlətin immicinə xələl gətirir.
Hörmətli cənab Prezdent !
Yuxarıda qeyd etdiklərimi, şikayətimə əlavə etdiyim sənədlər nəzərə alınmaqla, vətəndaşların qanunla qorunan mülkiyyət hüquqlarını pozan vəzifəli şəxslər, Dövlət məmurlarının qanunsuz hərəkətlərinin araşdırılması, hüquqi cəhətdən qiymətləndirilməklə, barələrində tədbir görülməsi üçün aidiyyatı üzrə sərəncam verməyinizi Sizdən xahiş edirəm."
Daşıdığı yükü girov saxlayıb.
Xezerxeber.az-ın xəbərinə görə, Sabirabadın Qaragünə kənd sakini İsmayıl İbrahimov özünə məxsus olan yük maşını ilə Sumqayıtdan Kəlbəcərə dəmir boruların daşınmasını həyata keçirir.
O qeyd edir ki, 6 aya yaxın müddətdir işləsə də, onunla hər hansı bir müqavilə bağlanmayıb və əməkhaqqını da ala bilmir.
Ona hər ay əməkhaqqını alacağı ilə bağlı vədlər verilsə də, 6 aydır buna nail ola bilmir. İsmayıl İbrahimov deyir ki, o, bu işə Qobustan rayonundan olan Ağa adlı vasitəçi tərəfindən götürülüb.
İsmayıl İbrahimov qeyd edir ki, neçə aydır əmək haqqı ala bilmədiyi üçün daşıdığı yükü həyətində girov kimi saxlamaq qərarına gəlib.
İsmayıl İbrahimov şikayətçi olduğu Ağa adlı şəxslə də əlaqə saxladıq. O, sürücülərdən heç birinin müqavilə əsasında işləmədiklərini və vətəndaşın pulunun yaxın günlərdə ödəniləcəyini bildirdi.
"Son dövrlərdə AMEA Tarix və Etnologiya İnstitutunda yarımştat əməkdaşlarla bağlı qeyri-şəffaf və müəmmalı qərarların qəbul edilməsi İnstitut əməkdaşları arasında ciddi narahatlıq doğurur. Görkəmli alimlərin və tanınmış tarixçilərin “öz istəyi ilə” işdən uzaqlaşdırılması, artıq zəif elmi potensiala malik olduğu (bu sözlər institutun direktoru Kərim Şükürovun öz ifadəsidir MƏNBƏ BURADA) iddia edilən bir mühitin daha da zəiflədilməsi kimi qiymətləndirilir..." Bu barədə "DİA-AZ"a göndərilən məqalədə deyilir.
Məqalədə daha sonra bildirilir: "Bu qərarların arxasında şəxsi rəqabət zəminində hərəkət edən rəhbərliyin öz mövqeyini möhkəmləndirmək niyyətinin dayandığı ehtimal edilir. Belə görünür ki, institut rəhbərliyi elmi potensialı və nüfuzu olan alimlərə yalnız əməkdaş kimi deyil, həm də rəqib kimi baxır. Bunun nəticəsi olaraq, elmə əhəmiyyətli töhfələr verən şəxslər uzaqlaşdırılır, elmi fəaliyyətlə zəif bağlılığı olan, yalnız formal olaraq institutda mövcudluğunu qoruyan əməkdaşlar isə saxlanılır. Bu cür hallar şəxsi əlaqələr, qohumluq və ya xüsusi tapşırıqlarla əlaqələndirilir.
Bundan başqa, qeyri-rəsmi məlumatlara əsasən, Azərbaycan Respublikası Prezidenti yanında Ali Attestasiya Komissiyasının “xüsusi təyinat” çərçivəsində göndərdiyi və mühüm vəzifələrin icrası gözlənilən bir şəxsin də yarımştat mövqedə saxlanıldığı məlum olub. Belə faktlar, kadr siyasətində “şəffaflıq” və “ədalət” prinsiplərinin gözardı edildiyi təəssüratını yaradır.
Elmi inkişaf üçün kadr siyasəti strateji əhəmiyyət daşıyır və bu səbəbdən, yarımştat mövqeləri ilə bağlı qərarların elmə xidmət etməsi vacibdir. Alimlərin uzaqlaşdırılması və şəxsi maraqlara əsaslanan idarəçilik yanaşmaları institutda sağlam rəqabət mühitini pozaraq elmi tənəzzülə səbəb olur. Elmi institutların əsas məqsədi bilik istehsalını artırmaq, fərqli yanaşmaları dəstəkləmək və müstəqil araşdırmaları təşviq etməkdir. Ancaq mövcud vəziyyət göstərir ki, rəhbərlik alimləri rəqib kimi qəbul edir və onları elmi mühitdən uzaqlaşdırmaqla öz şəxsi nüfuzunu gücləndirmək məqsədi güdür. Bu yanaşma institutun daxili mühitinə və Azərbaycan elminin ümumi inkişafına ciddi zərbə vurur.
Belə idarəçilik modeli, elmə xidmət etməkdən daha çox şəxsi maraqları təmin etməyə yönəlmiş kimi görünür. AMEA Tarix və Etnologiya İnstitutunda kadr siyasətinin yenidən nəzərdən keçirilməsi, qərarların obyektivliyinin təmin edilməsi və alimlərin bir-birinə rəqib deyil, elmi prosesin birgə iştirakçıları kimi qəbul edilməsi zəruridir. Bu, yalnız institutun deyil, həm də Azərbaycan elminin dayanıqlı inkişafının təminatı olacaqdır..."
Bakının Yeni Günəşli ərazisində yerləşən "Sahil - S İnşaat" MTK sakinləri ilin-günün bu vaxtında susuzluqla imtahana çəkilir. Binadan mənzil alan 165 ailə özünü Kərbəla çölündə hiss etməkdədir. Bu problemlə bağlı dəfələrlə "Azərsu" ASC-yə müraciət olunsa da, indiyə kimi tədbir görülmür. Sakinlər qeyd edirlər ki, bundan əvvəlki rəhbərliyin dövründə, məsələ Baş Prokurorluğun nəzarətində olanda texniki şərt verilmişdi, amma icra olunmadı. Texniki şərtim verilməsinə əsasən sayğaclar quraşdırılmadı. Daha sonra "Azərsu" Dövlət Su Ehtiyatları Agentliyinin tabeliyinə verildi. Sakinlər Agentlik sədri Zaur Mikayılova bu dəfə müraciət ediblər, amma hələ də bina su üzünə həsrət qoyulub, verilən texniki şərtə əsasən sayğaclar qoyulmayıb. Vətəndaşlar güman edirdi ki, yeni rəhbərlik onların müraciətinə baxacaq, ancaq nəticəsi yoxdur. Əksinə, sakinlərə deyilib ki, əvvəl verilən texniki şərtin vaxtı guya keçib. İndi də yeni texniki şərt verməyi cəhənnəm əzabına çeviriblər. Bununla bağlı Anaxeber.info-ya məlumat verən sakinlərin sözlərinə görə, onlar bu həftə "Azərsu" qarşısına toplaşaraq aksiya keçirəcəklər, su sayğaclarının quraşdırılmasını xahiş edəcəklər. Onlar bildirirlər ki, Zaur Mikayılov vətəndaşların müraciətlərini qulaqardı edir və bu qədər ailəni susuz qoyub. Halbuki agentlik bir binaya texniki şərt verilməsini istəsə həyata keçirə bilər. Əvvəla, hər bir vətəndaşın su ilə təmin olunmaq haqqı var və dövlət insanların kommunal tələbatını yerinə yetirməlidir. İkincisi, su vermək imandan, insanlıqdandır. Bununla Zaur Mikayılov 165 ailəni sevindirmiş olacaq, onların duasını eşidəcək, savab bir iş görəcək. Yəni məsələnin həm hüquqi, həm mənəvi tərəfləri var. Prezident məmurları təyin edərkən onlara xalqla işləməyi tapşırır. Amma görünür ki, Zaur Mikayılov vətəndaşları prezidentdən narazı salmaq fikrinə düşüb. Əgər elə olmasaydı, bir binaya texniki şərt verilməsi kimi bir məsələni bir su içimi qədər asanlıqla həll edərdi. Amma görünür ki, agentlik və rəhbərliyi vətəndaşları etiraz aksiyası keçirmək həddinə çatdırmaqdadır. Bu isə əhalini hökumətdən narazı salmaq deməkdir. Sakinlər isə deyirlər ki, onlar dövlətin siyasətini dəstəkləyən ailələrdir və heç bir gərginlik yaratmaq niyyətləri yoxdur. Sadəcə, "Azərsu" onları bu yerə gətirib çıxarıb. Axı nə çətin işdir ki əvvəl verilən texniki şərti reallaşdırmaq?! Elə bu qurumun işi odur ki, sayğac quraşdırılan mənzillərin sayı artsın. Buna görə hər bir ailə ödəniş edəcək, yenə dövlətə faydası olacaq. Hamı necə, bu binada yaşayanlar da o şəkildə su ehtiyaclarının qarşılanmasını istəyirlər. Artıq 2025-ci ildir və belə bir əsrdə Bakının Yeni Günəşli kimi ərazisində bir binanın su problemi ilə üzləşməsi gülüncdür. Dünya texniki tərəqqidədir, bizsə su dərdindən danışırıq. Buna da səbəbkar Zaur Mikayılov və onun komandası, eləcə də əvvəlki rəhbərlikdir. Amma Zaur Mikayılov əvvəlki rəhbərlikdən fərqlənmək, müsbət xal qazanmaq həvəsində görünmür. Bu səbəbdən vətəndaşlar "Azərsu" qarşısında toplaşıb şikayət edəcəklər və səslərini media vasitəsi ilə dövlətə, prezidentə çatdıracaqlar. İnkar başqa çarə qalmadığını söyləyirlər və buna məcbur olublar. Çünki insanların gündəlik su tələbatını ödəməmək sosial fəlakətdir. Ona görə də texniki şərtin verilməsi Zaur Mikayılovun daha 165 ailənin sevincinə səbəb olacaq, o cümlədən agentlik sədri 165 ailədən də müsbət rəy qazanacaq.
AnaXeber.info
Azərbaycanda bölgələrdə idmançılara qarşı münasibət getdikcə pisləşir. Bu vəziyyət, xüsusilə Təhsil Nazirliyinin balansında olan idman məktəblərində, Cəmiyyətlərdə və onlara göstərilən münasibətdə özünü açıq şəkildə biruzə verir. Rayon və Regional Təhsil İdarələrinin balansında olan idman məktəblərinin idmançıları, demək olar ki, baxımsız vəziyyətdədir. Onların yarışlara göndərilməsi isə ciddi problemlərlə müşayiət olunur.
Bizimxeber.az-a daxil olan məlumata görə, Şirvan-Salyan Regional Təhsil İdarəsi və onun rəhbərliyi, tabeçiliyində olan rayonların idmançılarına normal diqqət ayırmır, idmançılar lazımi avadanlıqlarla təmin edilmir, hətta Respublika səviyyəli yarışlarda iştirakları təmin edə bilmir.
Bu vəziyyət, gənc və məktəbli idmançıların gələcəyini sual altında qoyur. Çünki, yarışlar idmançıların necə deyərlər, imtahanıdır.
Redaksiyaya daxil olan məlumata əsasən, bu ilin fevralın 4-də, iki gün sonra Bakıda keçiriləcək yeniyetmə boksçular arasında Respublika Birinciliyinə bütün rayonlardan idmançılar qatılmalıdır. Bu yarışda ən güclü idmançılar seçilərək Azərbaycanı beynəlxalq idman arenasında təmsil etməlidir. Lakin Şirvan-Salyan Regional Təhsil İdarəsinin balansında olan məktəblərin idmançıları bu yarışlardan kənarda qalıb. Bildirilir ki, idmançılar son günə kimi cavab gözləsələr də, onlara heç bir cavab verilməyib.
Daha doğrusu, qəribə vəziyyət yaranıb. Qurumlar maliyyə vəsaitinin ayrılmasını bir-birinin üzərinə atmış kimi görünür və nəticədə əziyyəti idmançılar çəkir, yarışlardan qalırlar.
Rayonlarda həm Təhsil həm də idman nazirliyinin balansında olan məktəblər fəaliyyət göstərir. Yarışlar zamanı yarışın təşkilatçısının kimliyi əsas götürülərək, maliyyənin də o qurum tərəfindən ödənilməsi əsas gətirilir.
Hazırda eyni vəziyyət yaranıb. İdmançıların əməyini heçə sayaraq, onları yarışlara göndərmək üçün dövlət tərəfindən ayrılan vəsaiti belə onlardan əsirgəyirlər. İdarə, bölgədəki idman məktəblərinin yarışa qatılmaq üçün göndərdiyi müraciətləri ya cavablandırmır, ya da cavablar açıq şəkildə laqeyd olur.
Nəticədə, rayon idmançıları yarışlara göndərilmir. İdman məktəblərinin rəhbərləri, məşqçilər isə, "yarışa getmək istəyirsinizsə, öz cibinizdən, ya da valideynlərinizin pulu ilə gedin" kimi cavablarla qarşılaşırlar.
Şirvan-Salyan Regional Təhsil İdarəsi, paytaxtda keçiriləcək Respublika Birinciliyinə hazırlaşan Neftçala, Salyan və Şirvandan olan idmançılarını bu yarışa göndərmək üçün heç bir tədbir görmür. "Mənim yarışım deyil" deməklə kifayətlənir və maliyyə ayırılmır. Nəticədə, Neftçaladan olan idmançılar 2 gün sonra keçiriləcək yarışda iştirak etmək üçün maliyyə axtarır.
Müraciətlər cavabsız qalır, maliyyə vəsaiti ayrılmır.
Eyni zamanda Neftçala rayonu Gənclər və İdman İdarəsi də yaranmış vəziyyətə laqeyd münasibət göstərir. İdarənin rəisi Araz Əhmədovdur. Yarış İdman nazirliyinin təşkilatçılığı ilə keçirildiyi üçün bu idarə tərəfindən idmançılara dəstək verilməlidir. Amma təəssüflər olsun ki, Neftçala rayonu Gənclər və İdman İdarəsinin rəhbərliyi rayondan kimlərin yarışa gedəcəyini, daha güclünün iştirakını təmin etmək istəmir.
Qeyd edək ki, yarışlarda iştirak etmək üçün hər bir idmançıya 120 manat ayrılmalıdır. Bu məbləğə yol xərci, otel pulu, yemək-içmək və digər gündəlik xərclər daxildir. Bu pul olmadığı halda, idmançılar yarışa da qatıla bilmir.
Bundan əlavə, idmançılar avadanlıqla təmin edilmir və idman zalları da bərbad vəziyyətdədir. Bu məsələlərə dair daha ətraflı məlumatlar növbəti yazılarda veriləcək. Görünən odur ki, "öz cibinizdən və ya valideynlərin pulu ilə gedin" deyənlər, sonradan bu səfərləri sənədləşdirərək "bu qədər idmançı apardıq" kimi məlumatlar təqdim edərək büdcə vəsaitini mənimsəməli olurlar.
Bu cür halların ilk olmadığı ehtimal edilir və Şirvan-Salyan Regional Təhsil İdarəsi ilə Neftçala rayonu Gənclər və İdman İdarəsinin fəaliyyətinin ciddi şəkildə araşdırılması, idmançıların hüquqlarının pozulmasının önlənməsi vacibdir.
Azərbaycan Respublikasının Təhsil naziri Emin Əmruallayevin, gənclər və idman naziri Fərid Qayıbovun diqqətinə çatdırırıq ki, bu məsələlər araşdırılmalı və xüsusilə, gənc, yeniyetmə idmançılara qarşı bu cür münasibət göstərən şəxslər cəzalandırılmalıdır. Bu məsələnin həlli üçün aidiyyatı qurumlar qarşısında müvafiq tədbirlər görülməlidir.
Şirvan-Salyan Regional Təhsil İdarəsinin rəhbəri Vüqar Dadaşov, Neftçala rayonu Gənclər və İdman İdarəsinin rəisi isə Araz Əhmədovdur.
"Bazarstore"la bağlı ciddi şikayətlər var.
"DİA-AZ" Patrul.az-a istinadən xəbər verir ki, “Azərsun Holding” tərəfindən ona qarşı haqsızlıq olduğunu iddia edən Mehdiyev Kamran, Patrulaz.az qaynar xəttinə olan müraciətində bildirib ki, əsgərliyi bitirdikdən bu günə kimi 11 il ərzində “Azərsun Holding”in “Bazarstore” mərkəz deposunda xidmət edib.
Bu illər ərzində işinə sadiq qalan əməkdaşın xidməti ilə bağlı heç bir problem və əksiklik olmayıb və o, hər zaman tapşırılan işin məsuliyyətlə yerinə yetirilməsinə xüsusi diqqətlə yanaşıb.
“Anbardar-nəzarətçi” vəzifəsində çalışmasına baxmayaraq, funksional olaraq “Baş anbardar” vəzifəsini icra edən vətəndaş onu da əlavə edib ki, hətta son dönəmdə lojistik işlərin çoxalması ilə yanaşı fiziki işlərdə xidmət edən işçilər zamanla əmək haqqı azlığına görə tez-tez işdən ayrılır və yerinə gələn yeni işçilərə işləri öyrətməklə yanaşı, xidmətin gecikməməsi səbəbi ilə onlara iş saatlarından əlavə saatlarda da köməklik edib.
Yalnız o yox, digər işçilər də hər sahə ilə bağlı illərdir evlərinə çörək apardıqları şirkətə sadiq qalaraq əllərindən gələnin ən yaxşısını edərək, müvəqqəti çətinlik olduğunu və hər şeyin yoluna düşəcəyini ümüd edib. Lakin, heç də gözlənilən kimi olmayıb. Son iş günlərinin səhər saatlarında ilk olaraq “Nəqliyyat” bölməsini, daha sonra isə digər işçiləri tək-tək insan resurslarından çağıraraq məcbur “öz xahişimlə” qeydli ərizə yazdırıb işdən azad ediblər. Səbəb olaraq isə dəqiq məlumat verilməyib, sadəcə “”Azərsun Holding”in rəhbərliyindən gələn tapşırığa əsasən lojistik müdürü Ceyhun Quliyevə birbaşa bağlı olan hər bir cavabdeh şəxs işdən azad olunmalıdır” deyilib.
Bir çox işçinin işsiz qalmasına səbəb olan məsələ hər nədirsə, araşdırılıb, əsas səbəbkarın cəzalandırmasını istəyən Kamran Mehdiyev bir neçə qurumlara müraciət etsə də, öz ərizəsi ilə işdən azad olunduğuna görə bir tədbir görülə bilinməyəcəyi deyilib. Lakin, ərizənin məcbur yazdırıldığını deyən vətəndaşımız haqsızlığa göz yummayacağını və mübarizə aparacağını deyir.
Onu da nəzərinizə çatdıraq ki, holdinqdə olan bu qarışıqlıqların rəhbərlik dəyişildikdən sonra baş verməyə başladığı və Azərbaycan vətəndaşlarının işdən çıxarılaraq, əvəzinə yüksək maaşla Türkiyə vətəndaşlarının götürüldüyü iddia edilir.
Baku TV-yə müraciət edən bir qrup sahibkar "Yol Tikintiservis" MMC-dən şikayətçidirlər.
Sahibkarların sözlərinə görə, yük avtomobilləri ilə xidmət göstərdikləri şirkət onlara olan 200 min manata yaxın borcu ödəmir.
"Sentyabrda həmin şirkətlə müqavilə bağlamışıq. İki ay onlara xidmət göstərmişik. Lakin pulun qalan hissəsini bizə ödəməkdən boyun qaçırırlar. Hər dəfəsində bir bəhanə gətirir, "hara şikayət edirsinizsə edin" deyirlər. Heç kimdən də qorxmurlar", - sahibkar Tahir Baxşəliyev söyləyib.
Sözügedən şirkətin layihə rəhbəri Pərviz Mustafayev icra etdikləri layihədən kənarlaşdıqlarını bildirib.
"Vəsait mövzusuna görə işi davam etdirmədik. Biz oradan çıxdığımıza görə, həmin işi başqa şirkətlər yerinə yetirir. Layihənin tələblərinə əsasən, müəyyən mərhələ çatmamış sifarişçi pulu ödəmir. Onlar bizə ödənişi mərhələli şəkildə edirlər", - deyə o əlavə edib.
Hüquqşünas Hikmət Əliyevin sözlərinə görə, əgər tərəflərdən biri müqaviləyə əsasən, üzərinə götürdüyü öhdəlikləri icra etmirsə, yəni xidmət haqqı olaraq ödəməli olduğu pul vəsaitini ödəmirsə və ya bundan yayınırsa, digər tərəf həmin vəsaitin cavabdehdən tutularaq ona ödənilməsi barədə mülki məhkəmə icraatı qaydasında iddia qaldırmaqla pulunu tələb edə bilər.
Azərbaycan Yerüstü Nəqliyyat Agentliyi (AYNA) xeyli müddətdir paytaxtda ictimai nəqliyyatın işini qaydasına sala bilmir. Müasir sərnişindaşıma prinsipləri hələ də gözlənilmir, nəzərə alınmır. Sərnişin dayanacaqda avtobusu nə qədər gözləməli olduğunu bilmir. Paytaxtda, lap elə bölgələrdə də şəxsi minik avtomobilləri yerdəyişmə üçün ən uyğun vasitə olmaqda qalır.
Bizimyol.info xəbər verir ki, AYNA tıxac yaratmaq missiyasını uğurla yerinə yetirməyə başlayıb. Hər hansı yolda işlər qaydasındadırsa, agentlik səhnəyə çıxır və həmin istiqamətdə ciddi problem ortaya çıxarır. Boşuna qınamırıq, götürək Ukrayna dairəsini. Sürücülər üçün ən uyğun yollardan birində indi inanılmaz tıxaclar olur. Niyə? Çünki işə AYNA qarışıb. Dairə daraldılıb. Guya dairəyə daxil olmadan sağa çıxanlara şərait yaradılıb. Əslində isə qaşınmayan yerdən qan çıxarılıb. İndi dairədə hərəkət ardıcıllığını təmin etmək müşkülə çevrilib. Çünki geniş yerdə darısqal mühit yaradılıb.
Nəriman Nərimanov prospektindəki xaotik vəziyyəti heç cür anlamaq olmur. Yolun quruluşu belədir ki, Nərimanovun heykəlinə yaxınlaşanda sağa istiqamət almaq məcburiyyəti yaranır. Yəni heykəlin arxa hissəsindən dönəndən sonra yola davam edə bilirsən. Bundan başqa, Mikayıl Müşfiq və Qurban Xəlilov küçələrinə yönlənmək olar. Amma AYNA heç bir nişanlanma lövhəsi olmadan üç yolun qovuşduğu yerdə xətləri ayırıb. Sürücülər öyrəşdiyi kimi, sağ zolaqla hərəkət edəndə qəfildən yalnız Qurban Xəlilov küçəsinə dönmək məcburiyyəti ilə üz-üzə qalırlar. Halbuki əksəriyyət ya Mikayıl Müşfiq küçəsinə istiqamətlənir, ya da heykəlin arxa hissəsindən Nərimanov prospektində yolunu davam etdirir.
AYNA sürücüləri niyə belə çaşbaş salır? Sanki məhz cərimə olunmaqlarını təmin etmək üçün. Çünki sağ zolaqla heykələ yaxınlaşan sürücülər Mikayıl Müşfiq küçəsinə keçmək və ya Nərimanov prospektində yolu davam etdirmək üçün təhlükəsizlik adacığını aşmalı olur. Bu da onların cərimələnməsi ilə nəticələnir.
AYNA-da anlamalıdırlar ki, agentliyin əsas missiyası yollarda təhlükəsiz və rahat hərəkəti təmin etməkdir. Cərimə üçün tələlər yaratmaq dövlət-vətəndaş münasibətlərini zədələyir. Dövlət qurumu belə işlərlə məşğul olmamalıdır.