Dövlət Su Ehtiyatları Agentliyində islahatlar aparılsada bir çox qurumların idarə rəisləri yenə də "köhnə qaydalarla" işləməkdə davam edir.

AzFakt.com xəbər verir ki, "ənənəvi metodlara" sadiq qalan idarə rəislərindən biri də Biləsuvar Suvarma Sistemləri İdarəsinin müdiri Ədalət Babayevdir.

Dövlət Su Ehtiyatları Agentliyinin sədri Zaur Mikayılovun əmri ilə yenidən Biləsuvar Suvarma Sistemləri İdarəsinin rəis təyin edilən Ədalət Babayev adı çəkilən qurumda "ailə podratı" yaradıb.

Saytımıza daxil olan məlumata görə Ədalət Babayev oğlunu mühəndis, baldızı oğlunu isə müavin təyin edib. Bildirilir ki, Ədalət Babayev oğlu Orxan Rəşidlinin vəzfisəni 4 ay müddətində 3 dəfə dəyişib. Belə ki, Orxan Rəşidli sınaq müddətində ilk öncə 1-ci texnik təhcizatda mühəndis, sonra ümumi şöbədə mühəndis, daha sonra isə su bölgüsündə mühəndis təyin edilib.

Digər məlumatda bildirilir ki, hazırda Biləsuvar Suvarma Sistemlərini Ədalət Babayevin baldızı oğlu və müavini Elsəvər Həsənov idarə edir. Yanacaq məsələlərindən tutmuş, texnikaların təhcizatı və hərəkətinə qədər bütün işləri əlinə alan Elsəvər Həsənovun yaxın gələcəkdə Ədalət Babayevin dəstəyi ilə başqa bir rayona idarə rəisi təyin ediləcəyi iddia edilir.

"Şikayətim Elmi-Tədqiqat Travmatologiya və Ortopediya İnstitutunda qeyri-rəsmi çalışan rezident Ağa Mirməhəmməd Mirhaşım oğlundandır. 16.12.2022-ci il, 21:30 radələrində yoldaşım Ceyhun Heydərov avtomobil qəzası keçirmiş elə həmin gün Travmatologiya İnstitutuna müraciət etmişdir. İlkin baxış və rentgen müayinələrindən sonra özünü həkim kimi təqdim edən Ağa Mirməhəmməd rentgen nəticələrini düzgün oxuya bilməmiş və yoldaşımı arxayın edərək heç bir sınıq olmadığını, əzilmə və sıyrıq olduğunu demiş, xəstəni evə yola salmışdır". DİA.AZ bildirir ki, bu sözlər şikayətçi Gülyaz Əbilova-Heydərovanın müraciətində yer alıb.
Narazı vətəndaş daha sonra bildirir: "Bir neçə gün sonra ayağın göyərdiyini və şişdiyini gördüyümüz üçün yenidən Travmatologiya İnstitutuna müraciət etmişik. Bu dəfə bir digər həkim travmatoloq 16.12.2022-ci ildə çəkilmiş elə həmin rentgen nəticələrinə baxaraq ayağın topuq nahiyəsində sınıq olduğunu aşkar etmiş. Təkrar KT müayinəsi etdirmiş və sınıq olduğunu tam dəqiqliklə təsdiqləmişdir. (Eyni zamanda tam əmin olmaq üçün özəl klinikalardan birinə də müraciət etmişik)
Sınıq ilk gün Ağa Mirməhəmməd tərəfindən aşkarlanmadığı və dəqiq diaqnoz qoyulmadığı üçün sınıq yerdəyişmiş və nəticədə yoldaşım Ceyhun Heydərov 30.12.2022-ci ildə əməliyyat keçirmişdir.
Əməliyyatdan bir neçə gün sonra Ceyhun Heydərov çox sakit və təmkinli bir şəkildə həmin şəxslə əlaqə saxlayıb, etdiyi səhvin nəticələrini özünə bildirmək istəyərkən şəxs-Ağa Mirməhəmməd Mirhaşım oğlu həkim peşəsinə və insanlığa sığmayan ifadələr işlədərək xəstəni təhqir edir, hədələyir, videodan da gördüyünüz kimi kriminal avtoritet kimi danışır, xəstəni və yaxınlarını "görüş"ə dəvət edir. Zərərçəkmişə "Sənin əməliyyat olunmuş ayağını sındıraram (gerisini ifadə etməyə tərbiyəm yol vermir)" deyir. Ailə böyüklərimiz onunla əlaqə saxlamaq istəyərkən yenə eyni tərzdə hədə-qorxu gəlir, asıb-kəsməklə hədələyir.
Qeyd edim ki, yoldaşım Tip 2 Diabet olduğunu üçün əməliyyat və sonrakı proses çox çətin və həyəcanlı keçdi. Əgər həmin gün doğru diaqnoz qoyulsa zərərçəkmiş əməliyyat olunmayacaqdı. Hələ də xəstə sağalmayıb.
Bu insan isə etdiyi səhvi etiraf edib üzrxahlıq etməksəndə, küçə ifadələri işlədir.
Bu şəxs hal-hazırda International Medical Center klinikasında travmatoloq-ortoped kimi çalışır. Diqqətli olun və tanıyın.
Yazdığı tövsiyə vərəqəsində isə nə adını doğru qeyd edib nə də nömrəsi var.
Qeyd edim ki, bu haqda Elmi-Tədqiqat Travmatologiya və Ortopediya İnstitutunun rəhbərliyinə və

Azərbaycan Respublikası Səhiyyə Nazirliyinə yazılı şəkildə rəsmi müraciət etsək də hələ heç bir nəticə əldə edə bilməmişik".

İddia olunanlarla bağlı teref.az olaraq qarşı tərəfi də dinləməyə hazırıq...
P.S TEREF olaraq qeyd etmək istəyirik ki, 9-03-2023 ildə yzılan bu məqalə ilə bağlı bu gün özünü Nizami ( tel:05771...94) adlandıran şəxs qarşı tərəf kimi məqalədə qeyd edilnlərin heç bir əsası olamdığını əsas gətirərək ( baxmayaraq ki, əsaslar foto və şikayətçinin şikayəti əsasında verlib, qarşı t\ərəf isə bunun əksini sübut edən heç bir fakt gətirmir) məqalənin silinməyini tələb etdi. Lakin müəllif olmadığımızı əsas gətirirək biz məaləni silməkdən imyina etdik
TEREF







mənbə: https://dia-az.top/9/369313-xeste-yaxini-uyard-ozunuzu-bu-hekimden-qoruyun.html

Keçən günlərdə Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Suraxanı rayon idarəsindəki neqativ olaylarla bağlı "DİA-AZ" olaraq ittiham dolu məlumatı diqqətinizə təqdim etmişdik.

Bu dəfə də eyni dövlət qurumundan, amma fərqli idarədən anoloji gileylə tanış olacaqsınız.

"DİA-AZ"a göndərilən məqalədə iddia olunur ki, SHXÇDX-nin Abşeron rayon şöbəsində rüşvət at oynadır...

Yazının əvvəli BURADA: Tehran Babatovun kadrı Nuh deyir, peyğəmbər demir...

" SHXÇDX-nin Abşeron şöbəsi ilə bağlı narahatlıq doğuran faktlardan biri də bəzi hallarda sağlamlığında ciddi pronlemlər olan şəxslərin də hərbi xidmətə göndərilməsidir ki, bu da həmin şəxslərin ailə üzvləri tərəfindən haqlı narazılıqla qarşılanır. Qeyd edək ki, cari ilin yanvar ayında da Xidmətin Abşeron təşkilatından sağlamlıq problemi olan bir neçə gənc həqiqi hərbi xidmətə göndərilib. Xəstə olduqları halda övladları xidmətə cəlb olunan valideynlər iddia edir ki, onların övladları kimlərinsə yerinə hərbi xidmətə göndərilir. Yəni, SHXÇDX Abşeron rayon şöbəsinin rəhbərliyi hansısa maraqlar konteksində müəyyən şəxsləri xidmətədn yayındıraraq onların yerini xəstə çağırışçılarla doldurur.

Maraqlı məqamlardan biri də odur ki, Xidmətin Abşeron rayon şöbəsinin rəisinin SHXÇDX-də yüksək vəzifə tutan keçmiş MTN-çi Tehran Babatovun himayəsində olduğu iddia olunur. Bildirilir ki, məhz bu səbəbdən şöbə rəisi özünü cəzasızlıq mühitində hiss edir və hər istəyini qorxusuz-hürküsüz reallaşdırır. O, açıq şəkildə bildirir ki, arxasında Tehran Babatov dayanır və buna görə də nədənsə çəkinmək üçün əsas görmür..."

Gələn dəfə Xidmətin Abşeron rayon şöbəsindən narazı olan bir neçə valideynin şikayətini diqqətinizə çatdıracağıq.

Bizi izləməyə davam edin...

Gəncə sakinləri şəhərin Gülüstan qəsəbəsində 14 nömrəli marşrutun hərəkət etdiyi yolun bərbad vəziyyətdə olduğunu deyirlər.

Onların sözlərinə görə, şəhərin yol infrastrukturunun təmirinə zaman-zaman böyük məbləğdə vəsaitlər ayrılsa da, Gülüstan “külüstan” olaraq qalır.

14 nömrəli marşrutun yolu isə başdan-başa tanınmaz haldadır, tamamilə çöküb.

“Şəhərə milyonlar ayrılır, bəs bu vəsaitlər hara gedir?” – bu sualı Gəncə sakinləri səsləndiriblər.

Sakinlərin ünvanladığı suala cavab tapmaq üçün Gəncənin yol infrastrukturuna ayrılan vəsaitlər və tenderləri araşdırdıq.

Son olaraq yanvarın 14-ü Gəncə Şəhər Mənzil-Kommunal Təsərrüfatı İstehsalat Birliyi “Gəncə şəhəri, Əli Məmmədov küçəsində Ekoloji Park kompleksinin və onun ətrafında abadlıq işlərinin satınalınması (2-ci hissə)” tenderinin nəticələrini elan edib.

Tenderin qalibi “Gəncə Körpü Tikinti-2” ASC (VÖEN: 2300214521) olub.

Qalib şirkətə 6 milyon 189 min 463 manat ödəniləcək.

Bir ay əvvəl isə “Gəncə şəhərində yolların əsaslı təmiri işlərinin satınalınması” tenderi üçün şirkət 10 milyonluq müsabiqənin qalibi elan olunmuşdu.

Ümumilikdə “Gəncə Körpü Tikinti-2” ASC 2019-cu ildən bu yana, Gəncə ilə yanaşı, Gədəbəy, Qazax, Göygöl, Naftalan şəhərlərində yolların tikintisi, əsaslı təmiri və abadlaşdırma işləri ilə əlaqədar 55 milyondan çox vəsaitli tenderlərin qalibi olub.

Şirkət haqqında nələr məlumdur?

İqtisadiyyat Nazirliyi yanında Dövlət Vergi Xidmətinin reyestr məlumatlarında göstərilir ki, “Gəncə Körpü Tikinti-2” ASC 11 iyul 2002-ci ildə dövlət qeydiyyatına alınıb.

Nizamnamə kapitalı 143 min 104 manat olan şirkətin hüquqi ünvanı Bakı şəhəri Nəsimi rayonu, Süleyman Rüstəm küçəsi, ev 47-də yerləşir.

Hazırda ASC-nin qanuni təmsilçisi Zeynallı Məhərrəm Aslan oğludur.

Buna qədər isə Rzayev Süleyman Qəmbər oğlu və Qurbanəliyev Çingiz Midhət oğlu şirkətin qanuni təmsilçisi kimi təmsil olunublar.

“Gəncə Körpü Tikinti-2” ASC ölkə ərazisində körpü keçidlərinin, yolötürücülərinin, yeraltı keçidlərin, suötürücü boruların və avtomobil yollarının, eləcə də digər süni qurğuların tikintisi ilə məşğul olan azsaylı müəssisələrdən biridir.

Bundan əlavə, müəssisə şəhər yollarında və avtomobil magistrallarında abadlıq işlərini, müxtəlif tikinti obyektlərində monolit və yığma dəmir-beton konstruksiyalarının tikinti-quraşdırma işlərini də həyata keçirir.

Şirkətin əsl sahibi kimdir?

Saytlarında və rəsmi qurumlar tərəfindən qeyd olunan məlumatlara əsasən, şirkətin direktorlar şurasının sədri Məmmədov Aqibət İdris oğludur.

Yuxarıda adları çəkilən Çingiz Qurbanəliyev şirkətin İdarə Heyətinin sədri, Süleyman Rzayev isə sədrin müavinidir.

Gencekorpu.com saytından screenshot

Məmmədov Aqibət İdris oğlu ölkə başçısı İlham Əliyev tərəfindən 2010-cu ildə tikinti kompleksinin inkişafındakı xidmətlərinə görə “Tərəqqi” medalı ilə, 2012-ci ildə inşaat sahəsində səmərəli fəaliyyətlərinə görə “Əməkdar mühəndis” fəxri adı ilə, 2018-ci ildə isə yol-nəqliyyat infrastrukturunun inkişafında xidmətlərinə görə 3-cü dərəcəli “Əmək” ordeni ilə təltif olunub.

Davamlı mükafatlarla təltif edilən oliqarx Aqibət Məmmədov hələ sovet dövründən inşaatda çalışıb və sonradan “Gəncə Körpü Tikinti-2” ASC-ni özəlləşdirib. Lakin onun fəaliyyəti təkcə büdcə pulları hesabına yol-nəqliyyat layihələrinin tikintisini həyata keçirməklə bitmir, Aqibət Məmmədovun bir sıra xarici ölkələrdə aktivləri, biznesi və otelləri mövcuddur.

Sahibkar Aqibət Məmmədovun həmtəsisçisi olduğu “Sudotexnologiya” şirkəti Belarusun paytaxtı Minsk şəhərində 3 iri obyektin layihələndiricisi və investoru olub: “Astoria Riverside” restoran kompleksi, “Abşeron” kompleksi və Çervensk bazarı ilə üzbəüz tikilən görkəmli Biznes Mərkəzi.

Bundan əlavə, Rusiyada Aqibət Məmmədovun adına 2023-cü ildə qeydiyyatdan keçən “Deluks” (773434691871) adlı şirkəti mövcuddur.

Şirkət 27 müxtəlif sahələrdə fəaliyyət göstərir. Amma əsasən icarəyə götürülmüş daşınmaz əmlakın icarəsi və ya idarə edilməsi xidmətlərini yerinə yetirir.

Kommersiya qurumlarının dövlət reyestri məlumatlarına görə, onun oğlu Rəşad Məmmədovun adına isə 3 şirkət mövcuddur: “ATRANG” MMC (1501965141), “OSMAN” MMC (7600020171) və “ESA HOME” MMC (1700926071).

Şirkətlərin hansı fəaliyyətlə məşğul olduqları barədə məlumat əldə etmək mümkün deyil.

Bundan başqa, ötən illərdə Aqibət Məmmədov oğlu Rəşad avtomobil kolleksiyası ilə gündəmə gəlmişdi.

Məlumatlarda bildirilirdi ki, Rəşad Məmmədovun avtomobil parkında bahalı maşınlar yer alır. Onun vaxtaşırı avtomobil parkını yenilədiyi iddia olunur.

Aqibət Məmmədov barəsindəki iddialara nə cavab verir?

Aqibət Məmmədov isə özü haqqında dərc etdiyi məqalədə iddiaları təkzib edib:

“Aqibət Məmmədov oliqarx deyil və ömrü boyu hansısa post uğrunda mübarizə aparmayıb. Bəzi media qurumlarında Aqibət Məmmədov haqqında əsası olmayan, heç bir məntiqə və fakta əsaslanmayan açıqlamalar dərc olunur. Sözsüz ki, bu cür əhəmiyyətsiz açıqlamaların dərcində hansısa maraqlı qüvvələr müəyyən rol oynayırlar”.

“Məsələnin düşündürücü tərəfi odur ki, Aqibət Məmmədov haqqında tənqidi açıqlamalar dərc edən mətbu orqanların əməkdaşları, məqaləni dərc etməzdən öncə hər hansı araşdırmalar aparmırlar. Yalnız “ağalarından” almış olduqları sifarişləri yerinə yetirməklə, bir növ işlərini bitmiş hesab edirlər. Belə bir addımların atılması onu sübut edir ki, qeyd olunan “məqalələri” dərc edən KİV nümayəndələrinin araşdırma aparmaq qabiliyyətləri yoxdur. Əgər hansısa qabiliyyətləri olsaydı, o halda, yəqin ki, fərqli addımlar atardılar”, – deyə o bildirir.

Cəhd etsək də aidiyyəti qurumlardan sakinlərin suallarına cavab ala bilmədik…

"Laser Beauty Estetik Klinikası” MMC-nin baş həkimi Rəna Soltanova haqda çoxsaylı şikayətlər var. Şikayətlər isə vaxtı ilə onun pasiyenti olmuş şəxslərdəndir.

TEREF Musavat.com-a istinadən xəbər verir ki, uzun müddət reklamlarla gündəmə gələn Rəna Soltanova klinikasının bağlanması ilə də qalmaqal yaratdı.

Belə ki, o və klinikanın rəhbəri Yeganə Cəfərova yoxlamaya gələn məmurları yuxarılara şikayət edəcəkləri ilə hədələyiblər. Həm də məmurlara telefon çırpıblar. Bu məlumat yanvarın 24-də verilən rəsmi açıqlamada yer alır.

Fotoda Rəna Soltanova

Adı çəkilən klinikada yoxlamanı Səhiyyə Nazirliyi Analitik Ekspertiza Mərkəzinin yoxlayıcı-mütəxəssisləri həyata keçirib.

Yoxlama nəticəsində məlum olub ki, müəssisədə istifadə edilən tibbi avadanlıqların normativ-texniki tələblərə uyğunluğu barədə təsdiqedici sənədlər yoxlamaya natamam təqdim edilib. Stomatoloji otaqda sanitar-epidemioloji tələblərə dair qaydalara riayət etmədən, "cərrahi-stomatoloji”, "rentgenoloji”, "diş texniki” işlərinin həyata keçirilməsi üçün şəraitin yaradılması faktı aşkar edilib.

Həmçinin müəssisədə 30 nəfərdən çox sertifikasiyadan keçmədən praktik özəl tibbi fəaliyyəti ilə məşğul olma faktları aşkarlanıb. Müəssisədə lisenziyada göstərilən işlərdən və xidmətlərdən kənar tibb fəaliyyətinin həyata keçirilməsi də müəyyən olunub.

Bu qədər ciddi nöqsanlar aşkar edilsə də, maraqlıdır ki, klinika fəaliyyətini davam etdirir.

Klinikadan Musavat.com-a bildirilib ki, fəaliyyətlərinin davam etməsində heç bir problem yoxdur.

Həkim Rəna Soltanova da öz sosial şəbəkə hesablarında fəaliyyətini davam etdirdiyini nümayiş etdirib. O, pasiyentlərinə xidmət göstərməsini əks etdirən foto və videogörüntüləri paylaşıb. Rəna Soltanova onun barəsində yayılan məlumatlara da söz atıb.

Keçən günlərdə Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Suraxanı rayon idarəsindəki neqativ olaylarla bağlı "DİA-AZ" olaraq ittiham dolu məlumatı diqqətinizə təqdim etmişdik.

MƏQALƏ BURADA: Suraxanıda SƏFƏRBƏRLİK PROBLEMİ... - İTTİHAM VAR...

Bu dəfə də eyni dövlət qurumundan, amma fərqli idarədən anoloji gileylə tanış olacaqsınız.

"DUA-AZ"a göndərilən məqalədə iddia olunur ki, SHXÇDX-nin Abşeron rayon şöbəsində rüşvət at oynadır

"Tehran Babatovun kadrı Nuh deyir, peyğəmbər demir..." başlıqlı məqalədə daha sonra bildirilir:

"Səfəbərlik və Hərbi Xidmətə Çağırış üzrə Dövlət Xidmətindəki (SHXÇDX) neqativ hallar və bu halların cəmiyyətdə doğurduğu mənfi rezonans hər kəsə məlumdur. Hüquq-mühafizə orqanlarının bu qurumda apardığı çoxsaylı həbslərə baxamayaraq, hələ də SHXÇDX-də bir sıra arzuedilməz hallar müşahidə edilməkdədir. Sözügedən qurumun Abşeron rayon şöbəsində bu cür hallar daha çox diqqət çəkir.

Xidmətin son illər elektronallaşmasına baxmayaraq, SHXÇDX-nin Abşeron rayon şöbəsində süründürməçilik əvvəlki kimi davam edir.

Həqiqi hərbi xidmətə getmək üçün müraciət edən çağırışçılar günlərlə şöbəyə ayaq döyməli, müxtəlif arayışlar almaq üçün fərqli qurumlara müraciət etməli olur. Bütün sənədlər toplanandan sonra da çağırışçıların hərbi xidmətə yola salınması üçün konkret vaxt təyin edilmir.

Bu səbəbdən də eyni çağırşıçı lazım oldu-olmadı hər gün SHXÇDX-nin Abşeron şöbəsinə gəlib-getməli olur..."

DAVAMI MÜTLƏQ VAR...

Bizi izləməyə davam edin...

Xəbər verdiyimiz kimi, burun çəpərinə görə “Mərcan Medicare” klinikasında Sənan Mehdiyev tərəfindən əməliyyat olunan 31 yaşlı Nəzrin Mansurova vəfat edib.

Nəzrin Mansurovanın ölümü ilə bağlı cərrah Sənan Mehdiyev məhkəmə qərarı ilə həbs olunub.

Bu məsələdə klinika da məsuliyyət daşıyırmı?
Məlumdur ki, əməliyyatı tək cərrah tərəfindən həyata keçirilmir. Əməliyyata qədər pasiyentdən xüsusi tibbi analizləridən keçirilməli və yoxlanılmalı, anestezioloq tərəfindən əməliyyata hazırlıq işləri görülür. Həmçinin baş həkimin rəyi ilə əməliyyat həyata keçirilir. Əməliyyat prosesində əsas iş icracısı isə cərrahdır.
“Mərcan Medicare” klinikasında isə ilk dəfə deyil ki, ölüm hadisəsi ilə gündəmə gəlirdi.
2024-ci ilin dekabrında bloqer Nərmin Bəylər qızı İsgəndərovanın ölüm xəbəri yayıldı. Nərmin İskəndərovada Mərcan klinikasında plastik əməliyyatdan sonra vəfat edib. Əməliyyatı Nurlan Həsənli həyata keçirdiyi bildirildi. ” Mərcan klinikasında həkimə 5 min manat pul ödənilib. Əməliyyatdan sonra halı pisləşdi, həkimlə əlaqə saxlayıb. O isə boyun olmayıb və başqa klinikaya yollayıb. Orada isə günü 180 manat istəyiblər. Pulu olmadığı üçün evdə müalicə edib. Dərman almağa gedəndə yolda rəhmətə gedib qalıb”deyə Nərmin İskəndərovanın anası açıqlamasında bilidirb.
Lakin “Mərcan Medicare” klinikasının baş həkimi Araz Ağayev bildirib ki, əməliyyatı cərrah Oruc Məmmədov icra edib, Nurlan Həsənli onun köməkçisidir . Üstəlik, Nurlan Həsənlinin Rusiyada tibb təhsili aldığını, lakin Səhiyyə Nazirliyində sertifikasiya komissiyasından keçmədiyindən klinikada həkim köməkçisi kimi fəaliyyət göstərib.
Araşdırmalarımız nəticəsində həmçini məlum olmuşdur ki, “Baş vermiş ölüm faktı ilə bağlı araşdırmanı hüquq-mühafizə orqanları aparırlar. O ki, qaldı Səhiyyə Nazirliyində sertifikasiya komissiyasından keçməyən şəxsin özəl klinikada həkim köməkçisi kimi fəaliyyət göstərməsinə, bu məsələ ilə əlaqədar “Mərcan Medicare” klinikasında plandankənar yoxlama aparılıb. Nəticədə tibbi müəssisə İnzibati Xətalar Məcəlləsinin 215.4-cü maddəsi ilə cərimə nəzərdə tutulmaqla inzibati xəta haqqında protokollar tərtib edilərək, aidiyyəti üzrə Səhiyyə Nazirliyinə növbəti icraata göndərilib.
Hüquqşunas məsələ ilə bağlı bildirib ki, son günlərdə bu mövzu gündəmdədir. Ümumiyyətlə, həkim səhvləri ilə bağlı vətəndaşların ağır nəticələr keçirməsi, hətta ölümə səbəb olması hadisələri baş verib. Bu tip işlərdə son nəticənin verilməsi üçün vacib olan məsələ keçirilmiş ekspertizanın rəyidir. Yəni, istintaq dövründə ekspertiza keçirilir və rəy verilir. Hadisədə həkimin səhvi, səhlənkarlığı yer alırsa, bu zaman əlbəttə ki, onu cinayət məsuliyyətinə cəlb olunması mümkündür.Hüquqşünasın sözlərinə görə, klinika bu tip işlərdə yalnız mülki məsuliyyət daşıyır. Yəni, dəymiş maddi-mənəvi ziyanla bağlı klinikaya iddia qaldırılması mümkündür.“Ölüm hadisəsi baş veribsə, ekspertizanın keçirilməsində məqsəd ölümün nəticəsini, səbəbini müəyyən etmək məqsədilə aparılır. Əgər cinayət işi ilə bağlı hissədə həmin həkim təqsirkar hesab edilərsə, ona cəza verilərsə, belə olan təqdirdə zərərçəkmiş şəxsin hüquqi varisi klinikaya qarşı da maddi və mənəvi ziyanın ödənilməsilə bağlı iddia qaldıra bilər”.
Bu faciələrin baş verdiyi klinikanın baş həkimi Anestezioloq- Reanimatoloq Araz Ağayevdir.
Klinika isə keçmiş spiker Oqtay Əsədovun qızı Nərmin Əsədovaya məxsus olduğu iddia olunur.
Bu barədə nə Araz Ağayevdən nə də ki, Oqtay Əsədovla əlaqə yaratmaq mümkün olmadı.
Məlumdur ki, bu hadisələrdə hüquq-mühafizə orqanları ciddi araşdırma apararaq bu faciələr bir daha təkralanması üçün lazımi tədbirlər görüləcək.

/Xalq.az

Son illər Azəraycanda müxtəlif sahədə çalışan həkimlərin səriştəsizliyindən minlərlə insan əziyyət çəkir.Bu saxta həkimlər insanları müalicə etmək avəzində sağlamlıqlarına daha ağır zərbə vuraraq hadisələr ölümlə nəticələnir.

”Yeni Gundem” xəbər verir ki, müraciət edən Bakı sakini M.Həsənov stomatoloq Anar Ağayevin səriştəsiz əməliyyatının qurbanı olub.

Belə ki, 2023-cü ilin avqust ayında stomatoloq Anar Ağayevin instagram səhifəsindən “Aristokrat” klinikasında qəbuluna yazılıb.

Bakı ş. A.Molla Cümə küç.16-da yerləşən “Aristokrat” klinikasında qəbulda həkim A.Ağayev implant əməliyyatı və dişlərin düzəlməsi üçün ondan 5900 manat tələb edib.

M.Həsənova bildirir ki, 800 manat və 2500 manat həmin gün həkimin kartına pul göndərib, implant etdikdən 1 gün sonra isə ikisi düşüb, digərləri isə ilthablaşmağa başlayıb.

Mən bu barədə həkimə bildiridik də “heç bir problem yoxdur mən sənin dişlərini düzəldəcəyəm” deyib. 2023-cü ilin sentyabr ayında mən əlavə 2200 manat A.Ağayevin kartına dişlərimin düzəlməsi üçün pul göndərdim.

Həkim bildirdi ki, “Aristokrat” klinikasından çıxır M.Əlizadə küç. 42 ünvanında yerləşən “Perfect Smile Dental” Klinikasında müalicə edib dişlərinizi düzəldəcəyəm.

Mən dəfələrlə stomatoloq Anar Ağayevin “Perfect Smile Dental” klinikasında müalicə və dişlərimin ölçü götürülməsi üçün yanında oldum. Lakin noyabr ayına qədər mənim nə düşən imlantlarımı düzəltdi nə də ki, dişlərimi.

Mən ona pulumu geri qaytarılmasını tələb etdikdə bildirdi ki, hissə-hissə pulumu qaytaracaq. Amma bu günə qədər nə dişlərimi dəzəltdi nə də ki, pulumu geri qaytardı.

Həmçinin M. Həsənova bildirir ki, şəxsi qızıllarını satmaq üçün vatsap statusunda elan paylaşmış. Bunu görən stomatoloq Anar Ağayev ondan 6023 manatlıq qızıl qolbaq və qızıl sep alıb. M. Həsənova bildirir ki, 2150 manatını ödədi digər qalan pulu ödəmədi.

Mən bununla bağlı hüquq-mühafiə orqanlarına müraciət etmişəm lakin heç bir tədbir görülmür.

Qeyd edək ki, XALQ.AZ-ın araşdırmalarına görə stomatoloq Ağayev Anar tibbi təhsili belə yoxdur, sadəcə olaraq sertifikat əsasında xidmət edirmiş.

Zərərçəkmiş onu da qeyd etdi ki, hazırda Anar Ağayev nömrələrini və iş yerini, həmçinin sosial şəbəkələrini də dəyişdiyi üçün onunla əlaqə saxlamaq mümkünsüzdür.

Məlumat üçün bildirir ki, stomatoloq Anar Ağayevlə əlaqə saxlamaq mümkün olmadı.

Xalq.az

SOCAR saytımızın rəsmi sorğusuna niyə cavab vermir?

Bir neçə gün öncə 7NEWS.az saytında "SOCAR-ın audit rəisi bağ qonşusunu ölümcül döydü – TƏFƏRRÜAT” başlıqlı yazı dərc etmişdik. Yazıda qeyd edilirdi ki, SOCAR-ın Daxili Audit İdarəsinin rəisi Təhmas Rüstəmov Bilgəhdəki villasında olarkən maraqlı hadisə yaşanıb. Belə ki, Təhmas Rüstəmov tutarlı səbəb olmadan öz bağ qonşusu ilə mübahisə edib, ağır bədən cəsarətləri yetirib, ölümcül döyüb.

Məlumatda qeyd edilir ki, məsələyə Sabunçu rayon hüquq-mühavizə orqanları qarışıb. Təhmas Rüstəmov bütün gücünü ortaya qoyub hüquq-mühavizə orqanlarına təsir göstərmək istəsə də, şikayətçi sona qədər ədalətin bərpa olunması üçün mübarizə aparacağında israrlıdır. Məlumatda o da qeyd edilir ki, bu Təhmas Rüstəmovun ilk kriminal addımı deyil. Belə ki, o bütün bağ qonşularına qənim kəsildiyi, özünü Bilgəhin hamisi elan etdiyi deyilir. Məsələ ilə bağlı müvafiq qurumlara sorğu göndərəcəyik. Eyni zamanda, qeyd olunur ki, döyülən şəxs də ölkədə sayılıb-seçilən, hörmətli şəxslərdəndir.

Məsələ ilə bağlı AZƏRBAYCAN RESPUBLİKASININ CİNAYƏT MƏCƏLLƏSİ nə deyir? Cinayət məcəlləsinin 126.1 , 126.2.2, 126.2.4 maddələrinə görə bu əməli törədən şəxs doqquz ildən on iki ilədək müddətə azadlıqdan məhrum etmə ilə cəzalandırılır.

"Media Haqqqında qanun"a müvafiq olaraq biz məsələ ilə bağlı SOCAR-a rəsmi sorğu da göndərmişik. Təəssüflər olsun ki, sorğuya rəsmi qurumdan heç bir cavab gəlməyib. Bu yanaşmanın bir çox səbəbləri ola bilər. Öncə qeyd edək ki, sorğudan yayınma səbəbi Təhmas Rüstəmovun əməlini ictimaiyyətdən gizlətmək niyyəti ola bilər. Başqa bir ehtimal odur ki, SOCAR hüquq-müvafizə orqanlarının yekun rəyini gözlədiyindən erkən açıqlamadan yayınır. Hər bir halda digər qurumlara göndərəcəyimiz sorğular bu dəhşətli əməlin ifşasını surətləndirəcək.

Mövzunu diqqətdə saxlayacağıq.

Bütün tərəflərin mövqeyini dərc etməyə hazırıq.