“Təzadlar” qəzeti redaksiyasına Bakı şəhəri, Yasamal rayonu, İsmayıl bəy Qutqaşınlı, Yunis Dağlı, Qədirli, Sultanov, Əjdər Xanbabayev və Mərdanov qardaşları küçələrinin sakinləri tərəfindən şikayət məktubu daxil olub.

Məktubda deyilir:

- Son dövrlər Azərbaycan Respublikasında ələlxüsus paytaxt Bakı şəhərində mühüm abadlaşma işlərinin aparılması, yeni parkların salınması əhali tərəfindən böyük məmnuniyyətlə qarşılanır, qəbul olunur.

Lakin bəzən vəzifəli şəxslər tərəfindən qazanc, gəlir əldə etmək məqsədilə, guya ki, “abadlıq işləri görülməsi, parklar salınması” adı altında insanların konstitusion hüquqlarının pozulması halları baş verir. Konkret olaraq, elə götürək yuxarıda qeyd edilən küçələrin əhatə etdiyi bizim məhəlləni: şəhərin qərb hissəsində yüksək bir yerdə yerləşən, gözəl şəhər və dəniz mənzərəsi olan, şəhərin hər yerinə, eyni zamanda metroya yaxın olan bizim məhəllə paytaxtın digər hissələri ilə müqayisədə fəqlənir. Bu məhəllənin sakinləri dədə-babadan, hələ XIX-XX əsrlərdə burda binə salmış insanlardır. Uzun illərdir ki, burda yaşayırlar.

Lakin günlərin birində, yəni 2022-ci ilin təxminən sentyabr ayında biz sakinlərin rahatlığı pozuldu. Belə ki, bizə konstitusiyamızın 29-cu maddəsinə əsasən, yazılı şəkildə bildiriş təqdim etmədən - məhəllənini sökülməsi, aparılacaq tikintinin təyinatı, söküləcək evlərin dəyərinin məbləği sakinlərlə öncədən razılaşdırılmadan məhəlləni sökməyə başladılar. Bu zaman 64 saylı MİS-in ofisində lövbər salan Bakı şəhər İcra Hakimiyyətində şöbə rəisi işləyən Zülfəli İsmayılovdan, “Kristal Abşeron” tikinti şirkətinin nümayəndəsi Nazim Əliyevdən, 64 saylı MİS-in rəisi Sədulla Abıyevdən və MİS-in pasport qeydiyyatçısından təşkil olunmuş qanunsuz “komissiya” heç bir rəsmi dövlət sənədi olmadan (məhkəmədə bu fakt sübuta yetirildi) biz sakinlərə şifahi surətdə bu ərazinin söküləcəyini bəyan etdilər və bunun müqabilində hər kvadrat metr üçün 2200 manat pul kompensasiyası təklif etdilər.

Halbuki bizim əraziyə qonşu olan ərazinin sakinlərinə başqa tikinti şirkəti tərəfindən hal-hazırda tüğyan edən infilyasiyanı, bahalaşmanı nəzərə alaraq 4000-4500 manat pul məbləği ödənilir. Həmin ərazinin yaxıığında inşa edilən yeni tikililərdə isə təmirsiz mənzillərin hər kvadrat metri 3300-3500 manata satılır. Həmin ərazidə yerləşən binalarda mənzillərin hər kvadrat metrinin bu qədər baha olduğu halda, "Kristal Abşeron" tikinti şirkətinin bugünkü real bazar qiymətinə uyğun olmayan məbləğ verməsi isə biz sakinlərdə haqlı olaraq narazılıq yaradır.

Qanunvericilikdə göstərilir ki, evi söküləcək sakinə yaşadığı əraziyə yaxın olan yerdə mənzil təklif olunur, ya da həmin imkan yoxdursa, ona uyğun pul kompensasiyası ödənilir. Lakin həmin komissiya müxtəlif təzyiq üsullarından istifadə edərək evlərin söküntüsünü həyata keçirir. Bu zaman onlar ətraf mühitə, ərazidə yaşamağa davam edən sakinlərin sağlamlığına ziyan vurur, atmosferi çirkləndirir və ərazidə antisanitariya baş alıb gedir. Bir sözlə, məqsədli şəkildə biz sakinləri evlərimizdən didərgin salmaq üçün dözülməz həyat şəraiti yaradırlar!

Bütün bu haqsızlıqlar barədə müxtəlif instansiyalara: ölkə Prezidentinə, Birinci vitse-prezidentə, Baş prokurora, hətta Mehriban xanım Əliyevanın katibliyinin rəisi Altay Həsənova şikayətimizi çatdırmışıq.

Buna baxmayaraq, “Kristal Abşeron” tikinti şirkəti yüksək vəzifəli şəxslərin adından sui-istifadə edərək, müraciət etdiyimiz instansiyalara təsir göstərərək biz sakinlərin şikayətini əngəlləyir və bununla da Prezidentimizin son dövrlər ictimaiyyət, insanlar arasında artan nüfuzuna kölgə salmağa cəhd edirər.

Hörmətli redaksiya!

Yuxarıda söylədiklərimizi nəzərə alaraq, xahiş edirik ki, biz sakinlərin üzləşdiyi problemi ictimailəşdirərək, dərdimizin Prezidentə və ya Birinci vitse-prezidentə çatdırılmasında bizə kömək edəsiniz. Və bu problemi müsbət həllini tapana qədər diqqətinizdə saxlayasınız!

Öncədən sizə təşəkkür edirik!

Biz sakinlər yuxarıda qeyd edilənləri imzalarımızla təsdiq edirik:

Masazır qəsəbəsinin Şahmar Ələkbərov küçəsində yaşayan sakinlər tullantıların daşınmamasından şikayətçidirlər.
Onlar iddia edirlər ki, ərazidəki zibillər həftələrlə daşınmır.
Sakinlər deyirlər ki, üfunətdən evdə oturmaq mümkün deyil.
“10 ildən çoxdur burada yaşayırıq. Hər ay sakinlərdən lazımi qədər vəsait yığırlar. Amma zibilin normal qaydada daşındığını görməmişik”, – deyə sakin narazılıq bildirib.
Problem təkcə bununla yekunlaşmır. Üç minə yaxın sakinin yaşadığı küçəyə 10 ildən çoxdur ki, asfalt örtüyü salınmır.
Sakinlərin sözlərinə görə, aidiyyəti qurumlara dəfələrlə müraciət etsələr də, problem həllini tapmır.
Ətraflı Baku TV-nin süjetində:

Bakıda bir həftədən çoxdur ki, Kərbəla müsibəti yaşanır. Paytaxtın böyük hissəsi yayın isti günlərində susuz qalıb. Anaxeber.info bildirir ki, suya ən çox tələbat olan mövsümdə əhali günlərdir ki, su üzünə həsrətdir. Adı özündən qəliz olan İri Şəhərlərin Birləşmiş Su Təchizatı Xidməti bu qədər insanın üzləşdiyi fəlakətli vəziyyətlə bağlı heç bir hesabat, rəsmi, izahat vermir. Sanki heç nə olmayıb və belə də olmalı imiş. Qurumun tabeliyində fəaliyyət göstərən "Azərsu" ASC də "ağzına su alıb oturub". Görəsən, susmaq üçün ağızlarına su almaq üçün suyu hardan tapıblar?! Bakı əhli içməyə bir stəkan su da tapmır...

Hazırda Bakı səhraya çevrilib. Şəhər orta əsrlər dövrünə oxşayır. Ərəbistan çöllərində belə susuzluq olmamışdı. Hətta Bakının 90-cı illərini xatırladır. O dönəmdə su fasilə ilə verilərdi, əhali cəhənnəm əzabı yaşayırdı. İndi il olub 2024, Bakı camaatı yenə zülmün içindədir. Artıq sosial şəbəkələrdə hansı səhifəni açırsan, vətəndaşların etiraz videoları, ayrı-ayrı yerlərdə aksiyalar keçirilməsi başına alıb gedir. Ancaq bütün bunlar qurumun indiyə qədər səsi eşidilməyən rəhbəri Zaur Mikayılovu qətiyyən narahat etmir. Nə dərəcədə bivec və laqeyd olasan ki, şəhəri 1 həftədən çox susuz qoyasan, amma özün də brifinq keçirib xalqa problemin səbəbini izah etməyəsən. Yəni üzrü günahından betər. Həm camaatı yayın istisində susuz qoy, həm də əhalini sayma, insanlara yaşadığın məşəqqətlə bağlı açıqlama vermə.
Ona görə də Bakının Yasamal, Suraxanı, Sabunçu və digər rayonlarında lokal etiraz aksiyaları keçirilir, insanlar sanki bulaq başına gedirmiş kimi əllərində qablarla hardansa su mənbəyi tapmağa gedirlər, beləliklə, mənzillərdə, həyət evlərində rəzalət yaşanmaqdadır. Əgər bir az da belə davam etsə, Bakıda su üsyanı baş verəcək. Təsəvvür edin ki, yayın istisində milyonlarla insan su tapmır - içməyə, gigiyenik şəraitini saxlamağa...
Yəni Zaur Mikayılov nə düşünür, bu insanlar necə tualetə getməlidir, necə çimməlidir, necə gündəlik suya olan ehtiyaclarını qarşılamalıdır? Əgər təmir işləri aparılırsa, bəs, niyə alternativ su mənbələri haqda fikirləşməyiblər? Deməli, sabah yenə hansısa kəmərdə qəza olsa, əhali təzədən günlərlə susuz qalacaq. Halbuki "Azərsu" ehtiyat tədbirlər görməli, alternativ su mənbələri təklif etməli idi. Niyə yoxdur? Əhalini təkcə Qəbələ-Bakı su xəttinin ümidinə qoymaq məsuliyyətsizlikdir. O zaman gələcəkdə daha böyük fəlakətlərin baş verməsinə indidən hazır olmalıyıq. Çünki ölkənin su təsərrüfatının başbilənləri bu sahəni başdansovdu idarə edir, hər şeyi başlı-başına buraxıb, insanlar Allahın ümidinə buraxılıb. Hərçənd, bu da ayrı məsələdir ki, milyardlarla vəsaitin xərcləndiyi Qəbələ-Bakı su kəmərində niyə belə nəhəng problem meydana gəlib? Sualın cavabı sadədir - su korrupsiyası. Bunun üçün isə dərhal yoxlamalar başlamalı, "Azərsu"da kimlərinsə başları getməlidir. Onların əhaliyə yaşatdığı cəhənnəmin səbəbi onların maliyyə cinayətlərindən, xalqın pulunu mənimsəməkdən irəli gəlir. Xalqın pulunu talan ediblər, xalqı da su üzünə həsrət qoyublar. Əslində, təəccüblü deyil. Bu həmin "Azərsu" ASC-dir ki, Bakının Yeni Günəşli ərazisində "Sahil - S İnşaat" binasının 165 ailəsinin su probleminin həlli ilə bağlı Birinci Vitse-Prezident Mehriban Əliyevanın verdiyi tapşırığı yerinə yetirmir. Mehriban Əliyeva göstəriş verib ki, "Azərsu" dələduzluğun qurbanı olmuş bu ailələrə köməklik edilsin, digər kommunal qurumlar vətəndaşlara yardım edib, amma "Azərsu" ölkə rəhbərliyinin əmrini saymır. İndi nəticə çıxarın, Zaur Mikayılov Mehriban xanımın sakinlərə köməklik olunması barədə tapşırığını heçə sayırsa, bu məzlum xalqın günlərdir susuz qalması ilə bağlı əhalini sayıb izahat verərmi? Həmin 165 ailə hovuza qədər tikdirib, amma "Azərsu" mənzillərə sayğac qoyub əhalini su ilə təmin etmir. O baxımdan təəccüblü olmadı və bir dərs çıxarmaq lazımdır ki, Zaur Mikayılovun rəhbərliyi altında "Azərsu" və onun adı yadda qalmayan baş idarəsi bundan sonra da camaata su müsibəti yaşada bilər. İndi bilmək olmur ki, Yezid kimdir, suyun qabağını kəsən əjdaha kimdir. Bilmirsən ki, Bəhram Gur lazımdır bizə, yoxsa Məlikməmməd... Bu dərəcədə qorxulu bir nağıla çevrilib Bakı əhalisinin günü. Ancaq bütün hallarda Bakıda yaşanan bu müsibətlə bağlı bir komissiya yaradılmalı, səbəblər araşdırılmalı və su korrupsiyasının başında dayananlar dərhal həbsə göndərilməlidir. Qəbələ-Bakı su xəttində yeyintiyə yol vermiş şəxslər cəzalanmalıdırlar.
Ümumiyyətlə, ölkənin birinci şəhərini bu qədər müddət susuz qoymaq üçün elə qlobal problem baş verməlidir ki, bundan nəinki Azərbaycan əhalisi, hətta bütün dünya xəbər tutmalıdır.
Bakının su təhcizatı faktiki olaraq üç istiqamətdə təmin olunur: birinci istiqamət Ceyranbata su anbarıdır ki, o öz yerindədir. Anbarda suyun az olmasını iddia belə etmək mümkün deyil. Düzdür, bu anbar Bakının su təhcizatını qarşılamaq gücündə deyil. Amma belə problemlər yarananda şəhərin ən azı 50-60 faiz yükünü üzərinə götürmək gücündədir.
İkinci xətt qədim Şollar suyudur ki, Xaçmazdan Bakıya bir zamanlar saxsı turbalarla axan həmin mənbənin paytaxtı su ilə təhciz etmək gücü yoxdur. O, ən yaxşı halda İçərişəhəri su ilə təmin edə bilər.
Üçüncü ana xətt isə Oğuz-Qəbələ su anbarıdır ki, bunun üçün hökumət 300 milyon manata yaxın pul xərcləyib. Bir müddət Bakının suya olan təhcizatını da lazımi səviyyədə həyata keçirib. Lakin son zamanlar bu xəttdə “axsamalar” baş verir ki, onun da səbəbi aydın deyil. Daha doğrusu, bu hansısa problemlərdən qaynaqlanan deyil, elə adını dəyişmiş “Azərsu” rəhbərliyinin səriştəsizliyinin nəticəsidir...
Azər Talıbov

Redaksiyamıza müraciət edən sahibkar Ramil Aslanov bildir ki, Elmir Ramazanov özünə yaxın sahibkarlar imtiyazlar tanımaqla bizim kimi sahibkarları öz basqısına tabe etmək üçün əlindən gələni edir. Lakin qeyd etməliyik ki, Ölkə rəhbəi hər bir məmura dəfələrlə xəbərdarlıq edərək sahibkarların inciudilməsinə görə şiddətli cəza tədbirləri görəcəyini bildirmişdir. Amma E.Ramazanov bundan heç bir nəticə çıxarmadığı kimi çirkin niyyətini əl altından davam etdirməyədə davam etdirir.

Qanunların işləmədiyi Bakı Baş Gömrük idarəsi Elmir Ramazanovun qanunsuz əməllərinin poliqonuna çevrilib. Beləki, Gömrük rüsumlarının hesablanması təyinatların verilməsi ilə məşğul olmaq əvəzinə Sahibkara nə qədər ziyan vura biləcəyinin hesabatın aparan Elmir Ramazanov qanunları deyil şəxsi maraqlarını əsas götürür. Maddi subutları ilə deyilənləri sözdə deyil sənədlərdə təsdiq edən Sahibkar Ramil Aslanov şənbə günü işin bitdiyi saatdan sonra ona bildirişin verilməsi təmin edilib. Məhs Gömrük qanunlarında 5 iş günü müddəti göstərilsədə Elmir Ramazanov prinsip apardığı sahibkara qanundan kənar nə qədər əməl varsa tətbiq edir. Sahibkar bildirir ki, Elmir Ramazanov İqtisadiyyat nazirinin birinci müavinin adından ona təzyiq edir. Gömrük haqqında qanunda deyilir ki, sahibkarlığın inkişafı üçün iş adamlarına tarif qanun 7.4-cü maddəsində deyilir malların dəyərləndirilməsi ən sadə və ədalətli prinsiplə təqdim edilməlidir. Lakin Elmir bəyin niyyəti ifşa edilir. Elmir Ramazanov kimə və hara tabe olduğunu unutsada Dövlət Gömrük Komitəsi ona bunu xatırlatmağızərurət daşıyır. Axı sahibkarın incidilməsində onun müflis edilməsi atılan addımlar ölkə iqtisadiyyatına vurulan zərbələrdəndir. Bir iş adamının formalaşması və uğurlu biznesmenə çevrilməsində mütləq dövlət qayğısı və zəhməti var. Dövlətin sahibkarları dəstəkləməsi isə Prezidentin çıxışları ilə öz təsdiqin tapır. İllərlə çəkilən zəhmətlər bir Elmir Ramazanova qurban edilə bilməz. Monopolis şəbəkəyə rəhbərlik edən və İqtisadiyyat Nazirinin birinci müavini Elnur Əliyevin adını özünə qalxan edən Elmir Ramazanov artıq həd-hüdud tanınmaz hala çatıb desək yanılmarıq. “Gözlə görülən dağa nə bələdçi gərəkdir”. Artıq aylardır eyni mövzu suni qiymət artımına israrlı olan Bakı Baş Gömrük idarəsinin məqsədi Ölkə rəhbərinin apardığı iqtisadi siyasətə kölgəmi salmaqdır... deyə sual yaranır. Axı apardığınız iş prossesinizin nəticələri onu göstərir ki, Sahibkarı düşdüyü durumdan çıxmasına deyil daha da dərinə batmasına şərait yaratmaqda olan Elmir Ramazanov durmadan iş adamının hesabında olan puları ödəniş olaraq qəbul edir. Lakin sonuncu məktublarında pulunun geri qaytarılmasını tələb etsədə təəsüf hissi ilə qeyd etməliyik ki, sahibkarın depozit hesabına pulu geri qaytarmayıb. Qanunsuzluğun təməli isə sahibkarın haqlı tələbinin icra edilməməsi Elmir Ramazanov tərəfindən verilən əmirdir. BGİ mallarını buraxılışda göstərsədərək yuxarı dairələrə yalan məlumatlar ötürərək sahibkarı haqsız çıxarmağa cəhd edir. Hazırda bir neçə malın ödənişini etmiş olan Ramil Aslanov günlərdir Elmir Ramazanovun şəxsi prinsiplərinin qurbanına çevrilir. Məhs bu prinsiplərin əsasında isə gömrük əməkdaşları qanuna zidd verilən əməlləri icra etməkdən geri durmur. Depozitdən pulları silən Elmir Ramazanov monopoliyasına boyun əymiyən sahibkarın sonun gətirəcək hər bir addımı məqbul hesab edir?

Ölkədə siyasi iqtisadi vəziyyətin çətinləşməsi Elmir Ramazanova niyə sərf edir?

Sahibkar birdirir ki, Elmir Ramazanova göstəriş verib sahibkarı narazı salmamağı tapşıran DGK rəhbərlər şəxslərin sözləri sanki Dövlət Gömrük Komitəsinin inzibati binasında qaldı. Elmir Ramazanova Şahin Bağırovun tövsiyələrini xatırlatdıqda isə aldığımız cavab şok edici oldu. “Mən Şahin Bağırov u tanımıram və yeganə əmr aldığım adam isə Elnur Əliyevdir”. Bu halın yaşanmasından təsirlənən sahibkar təsüf hissi ilə qeyd edib. Sahibkarın müflis edilməsində maraqlı təəf olan Elmir Ramazanov onun depozitə qoyduğu pulların silir amma və lakin gətirilən mallarını götürə bilmir. Yazılı olaraq malının verilmədiyi üçün silinən vəsaitinin hesabına qaytarılmasın tələbinədə məhəl qoyulmur.
Ölkədə işsizliyin sayının artmasına yönələn addımlar cəmiyyət tərəfindən qəbul edilmir. Bu gün Aqil İbadov adlı gömrük əməkdaşının Qazinin sənədlərin qəbul etməməsi ilə ölkənin rəhbər şəxslərinin tövsiyələrinədə məhəl qoymadıqların açıq bəyan edirlər. Elmir Ramazanovun qurduğu daxili imperiyası tək sahibkarlara deyil Azərbaycanın daxili bazarında yüksək artımlara hesablanıb. Beləliklə ölkədə total narazılığın qimətlərin suni artımı Elmir Ramazanovun qəbul edilməz qərarları ucbatından formalaşır. Bəs bu şəxsin qanunsuz addımlarına nə vaxt dur deyiləcək. Sahibkar efir vasitəsi ilə dəfələrlə qanunsuzluqları dilə gətirib. Amma yenədə şəxs toxunulmaz olaraq qalmaqdadır. Broker siyyasətini yenidən qurmaq yönündə sürətlə addımlarıan Elmir Ramazanov 000karqoların bir əldə cəmlənməsini mütləq lüzumsuz məclisdə dilə gətirməsidə verilən məlumatlarda yer almaqdadır. Bu isə Prezidentin iradəsinə qarşı atılan addım olaraq qiymətləndirilən gedişatdır. Qısa müddət əvvəl məhs Prezident İlham Əliyevin göstərişi ilə Gömrük sistemində yaradılan qanunsuz bkoker şəbəkəsi hüquq mühafizə orqanları tərəfindən ifşa edilərək ləğv edildi.
Dərc edilən ittihamlara qarşı tərəfin mövqeyn dinləməyə hazırıq.
Mövzuya qayıdacağıq.
BakuNews

Azərbaycanın mənzil tikintisi sahəsində boşluqlar və özbaşınalıqlar saysız-hesabsızdır. Rəsmi qurumlar tərəfindən ciddi tədbirlər görüləcəyi barədə tez-tez məlumatlar verilməsinə baxmayaraq, tikinti şirkətləri və MTK-lar tərəfindən sakinlərdən sayğaclara görə qanunsuz ödənişlərin yığılması, onların aldadılması, işlərin natamam görülməsi (tikinti norma və qaydalarına əməl edilmir) və s. kimi problemlər davam edir.

Xeberle.com-a müraciət edən Bakı şəhər sakini V. Süleymanov “Dörd Qardaş” MTK-ya qarşı öhdəliyin icra edilməsi tələbinə dair iddia ərizəsi ilə məhkəməyə müraciət edib. Belə ki, vətəndaşın sözügedən MTK-dan aldığı mənzilin təmiri və sağac quraşdırması üçün əlavə ödənişlər tələb edilib.

Saray qəsəbəsi, Novxanı-Masazır şossesi ünvanında yerləşən mənzil onun üçün əsl problemə çevrilib.

Abşeron rayon Məhkəməsinin hakimi Mirnəsir Mirhəsənli V.Süleymanovun xeyrinə qərar çıxarsa da, qərar bu günə qədər icra edilməyib. Bu qərardan sonra öhdəliyi icra etməyən “Dörd Qardaş” MTK qərardan apellyasiya şikayəti verib. Sumqayıt Apellyasiya Məhkəməsində baxılacaq işin hakimi Lalə Rəhimlidir. İddiaçı V. Süleymanov hakimin ədalətli qərar çıxaracağına ümid edir: “Ədalət mühakiməsini həyata keçirən hakimlər qanunlara dürüst əməl etməli, məhkəmələrin cəmiyyətdə nüfuzunun artmasına, məhkəmələrə inamın yüksəlməsinə nail olmalıdırlar. Məhkəmə proseslərinin şəffaf, qərarlarının ədalətli olması əsas şərtdir. Ədalətli qərarlar insanlarda dövlətə inamı artırır. Mən də haqlı olduğuma əmin olduğum üçün Həqiqət xanımın ədalətli qərar çıxaracağına inanıram”.

Xatırladaq ki, V. Süleymanov məhkəməyə müraciətində 2 otaqlı, sahəsi 63.47 kv.m olan 42 saylı mənzilin və həmin mənzilin açarlarının ona təhvil verilməsi öhdəliyini cavabdehə həvalə edilməsi, mənzilin sahəsi müqavilədə nəzərdə tutulan 9.19 kv.metrdən az olduğundan həmin çatışmayan hər kv.metrin 640 manatdan hesablanaraq, cəmi 5881.60 ( beş min səkkiz yüz səksən bir tam yüzdə altmış) manat, hazırkı iddia tələbi üçün ödənilmiş 101 (yüz bir) manat dövlət rüsumunun, 600 (altı yüz) manat kirayə haqqının, vəkilə xidmət haqqına görə ödənilən 221 (iki yüz iyirmibir) manat pulun cavabdeh ”Dörd Qardaş” MTK-dan tutularaq iddiaçının xeyrinə ödənilməsi barədə qətnamə çıxarılmasını xahiş edib.

Həmçinin iş materiallarında olan “Dörd Qardaş” MTK tərəfindən verilmiş 31.05.2022-ci il tarixli maliyyə arayışının surətindən müəyyən edilir ki, Süleymanov Vüqar Tahir oğlu tərəfindən Abşeron rayonu, Saray qəsəbəsi, Novxanı-Masazır şossesi ünvanında yerləşən “Dörd Qardaş” MTK-ya məxsus yaşayış kompleksində 3-cü girişin 5-ci mərtəbəsində yerləşən 2 otaqlı, sahəsi 63.47 kv.m olan 2 saylı mənzilin sahəsinin pay dəyəri tam ödənilmişdir, payçının MTK-ya mənzil üzrə borcu yoxdur. Azərbaycan Respublikası Mənzil Məcəlləsinin 112.1-ci maddəsinə əsasən mənzil tikinti kooperativinin üzvü pay haqqını tam ödədikdə yaşayış sahəsinə mülkiyyət hüququ əldə edir.

Abşeron rayon məhkəməsi vətəndaşın xeyrinə qərar çıxarıb. Belə ki, qərarda bildilir ki, iddiaçı Süleymanov Vüqar Tahir oğlunun cavabdeh «Dörd Qardaş» MTK-ya qarşı öhdəliyin icra edilməsi tələbinə dair ilkin iddiası qismən təmin edilsin. Abşeron rayonu, Saray qəsəbəsi, Novxanı-Masazır şossesi, ünvanında yerləşən ”Dörd Qardaş” MTK-ya məxsus yaşayış kompleksində 3-cü girişin 5-ci mərtəbəsində yerləşən 2 otaqlı, sahəsi 63.47 kv.m olan 42 saylı mənzil «Dörd Qardaş» MTK tərəfindən Süleymanov Vüqar Tahir oğluna təhvil verilsin. 101 (yüz bir) manat dövlət rüsumu (xidmət haqqı ilə birgə) və vəkilə xidmət haqqına görə ödənilən 221 (iki yüz iyirmi bir) manat pul cavabdeh ”Dörd Qardaş” MTK-dan tutularaq Süleymanov Vüqar Tahir oğluna ödənilsin. İlkin iddia qalan hissədə təmin edilməsin. İddiaçı «Dörd Qardaş» MTK-nın cavabdehə qarşı müqavilənin ləğv edilməsi tələbinə dair qarşılıqlı iddiası təmin edilməsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Abşeron Rayon Məhkəməsi vasitəsi ilə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) Sumqayıt Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir.

Təəssüf ki, “Dörd Qardaş” MTK tərəfindən hələ də məhkəmə qərarı icra edilməyib.

Ümid edirik ki, Sumqayıt Apellyasiya Məhkəməsi də Abşeron rayon Məhkəməsinin qərarını qüvvədə saxlayacaq və vətəndaşın hüquqlarını ədalətli şəkildə bərpa edəcək.