www.dunyapress.info

Nazirlik Abşeron təhsilindən ƏLİNİ ÜZÜB? - YENİ İTTİHAMLAR...

Yaradılıb 15.03.2024 09:25 | Baxış sayı: 200

Dünən Abşeron-Xızı Regional təhsil İdarəsinə 2022-ci ildən rəhbər təyin olunmuş İlhamə Abdullayeva ilə bağlı bir neçə ittiham dolu iddianı təqdim etdik.

İlhamə Abdullayevanın Flaşmob QAZANCI... - İTTİHAM VAR...

İndi isə dia-az.info olaraq vəd etdiyimiz kimi - növbəti iddiaları diqqətinizə çatdırırıq...

Beləliklə, nyus.az saytında bildirilir:

"Məlum olduğu kimi Abşeron-Xızı Regional Təhsil İdarəsinin bütün ümumitəhsil məktəblərində bufetlər fəaliyyət göstərir. Lakin bufetlər hansı şəkildə və necə fəaliyyət göstərirlər? Araşdırmamız nəticəsində aydın oldu ki, bufetlərdəki işçilərlə heç bir əmək müqaviləsi bağlanmayıb. Həmçinin, bufetlərdə satılan mallar Qida Təhlükəsizliyi Agentliyi tərəfindən nəzarətə götürülmür və müddəti ötmüş ərzaq məhsulları şagirdlərə satılır. Satılan ərzaq məhsullarının qiymətləri isə bazar qiymətindən daha bahadır. Məsələn, istənilən marketdə 0.30 və 0.40 qəpiklik adi sular, bufetlərdə 0.50- 0-60 qəpiyə satılır. Həmçinin bufetlərdə satılan malların vergidən yayınması birbaşa Regional İdarənin rəhbəri İlhamə Abdullayevanın tapşırığı ilə həyata keçirilir. Vergidən yayınma ilə məşğul olan İlhamə Abdullayeva yalnız öz şəxsi mənafelərini güdür. Prosesləri izləyərkən bir məqamı da nəzərdən qaçırmadıq. Bir vaxtlar İ.Abdullayevanın müavini olmuş, sonradan Quba -Xaçmaz Regional İdarəyə təyinat almış Coşqun Əliyev də eyni prosedurları həyata keçirir. Nəticədə bunu demək olar ki, İlhamə Abdullayevanın təqdimatı əsasında regionala təyinat alan Coşqun Əliyev “ağasının” tapşırığı ilə qanunsuz əməllərini həyata keçirir. Bu prosedurun vahid bir yerdən idarə olunması kimsədə şübhə doğura bilməz..."

Davamı var...

Sabunçuda SİRLİ-SEHİRLİ inşaat işləri... - Hamı görür, amma kimsənin xəbəri yoxdur...

Yaradılıb 15.03.2024 09:23 | Baxış sayı: 186

Ötən gün "DogruXeber.az" informasiya portalında "Sabunçuda neft ərazisində aparılan qanunsuz işlər - FOTO" başlığı altında məlumat dərc etmişdik.

Hansı ki, həmin məlumatda söhbət Sabunçu rayonunun Sabunçu qəsəbəsində Qambay Vəzirov küçəsində aparılan qanunsuz tikintidən gedirdi. O, tikinti ki, "SOCAR" neft şirkətinin ərazisində aparılır.

Qeyd edək ki, sözügedən məlumat barəsində Sabunçu rayon İcra Hakimiyyəti də daxil olmaqla bütün aidiyyatı qurumlara rəsmi sorğular göndərdiyimizi qeyd etmişdik.

Bu gün isə ötən gün rəsmi sorğu göndərdiyimiz Sabunçu rayon İcra Hakimiyyəti məlum tikinti barəsində facebook sosial şəbəkəsində paylaşdığımız linkin şərh bölməsində belə bir mövqe bildirib:

"Məlumat üçün bildiririk ki, müraciətdə qeyd edilən faktı Sabunçu Rayon İcra Hakimiyyətinin əməkdaşları 2023-cü ilin ilin dekabr ayında Sabunçu rayonu, Sabunçu qəsəbəsi, Q.Vəzirov küçəsinə baxış keçirərkən aşkar etmiş və tikinti sahiblərinə aparılan işlərin dayandırılması barədə xəbərdarlıq olunmuşdur. Bundan sonra tərəfimizdən Azərbaycan Respublikası Prezidentinin 6 iyun 2012-ci il tarixli 648 saylı Fərmanı ilə təsdiq edilmiş “Yerli icra hakimiyyətləri haqqında Əsasnamə”nin 3.11.5-ci bəndinə və Azərbaycan Respublikası Prezidentinin 24 noyabr 2014-cü il tarixli 375 nömrəli Fərmanı ilə təsdiq edilmiş “Dövlət şəhərsalma nəzarətinin həyata keçirilməsi Qaydaları”nın 4.3-cü bəndinə əsasən tikinti işlərinin dayandırılması məqsədilə müvafiq tədbirlər görülməsi üçün aşkar olunmuş pozuntu barədə 30.12.2023-cü il tarixdə Azərbaycan Respublikasının Fövqəladə Hallar Nazirliyi məlumatlandırılmış, buna dair bütün məlumatlar isə Azərbaycan Respublikasının Dövlət Şəhərsalma və Arxitektura Komitəsinə və Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinə göndərilmişdir.
Xahiş edirik nəzərə alasınız."

Gördüyünüz kimi Sabunçu rayon İcra Hakimiyyəti ərazisində baş vermiş qanun pozuntusu barəsində məlumatlı olduğunu deyir və hətta özlərinin də aidiyyatı qurumlara bu barədə məlumat ünvanladığını qeyd edir.

Maraqlıdır ki, ötən gün elektron poçt vasitəsilə sorğu göndərdiyimiz icra hakimiyyəti sorğumuzu bu vaxta qədər cavablandırmadıği halda, sosial şəbəkədə şərh bölməsində artıq bu barədə özünü "sığortalayacaq" bir "açıqlama verib".

Hansı ki, o "açıqlama"da ölkə başçısının müvafiq fərmanına diqqət çəkərək, onların səlahiyyətləri xaricində olduğunu vurğulayıblar.

Halbuki, izləyicilərimiz də təsdiq edər ki, istənilən vətəndaş öz şəxsi həyətində belə "daşı daş üstünə qoyan kimi" birinci qapısını döyən aidiyyatı icra hakimiyyətinin əməkdaşları olur, ardından, sahə müvəkkili, Fövqəladə Hallar Nazirliyi əməkdaşları, Şəhərsalma və Arxitektura, Əmlak Məsələləri Dövlət Xidməti və sair...
O, ki, qaldı üç mərtəbəli iaşə obyekti inşa etdirəsən, özü də tikinti aparılması qanunla qadağan olunan neft ərazisində...

Bəlli ki, onlar da gedib. Amma, nədənsə 2023-cü ilin dekabr ayından sonra, adıçəkilən digər qurumlar kimi o, da susub.

Yeri gəlmişkən, etibarlı mənbənin redaksiyamıza bildirdiyinə görə tikintini aparan sahibkar bir neçə şəxslərin arasında "mən işimi yuxarılarla görürəm" deyə qürrələnirmiş. "Yuxarılar"ın bu qədər "təmkinli" münasibəti, daha doğrusu, ümumiyyətlə münasibətsizliyi isə o, şəxsin "haqlı olduğu"na qarşı bütün şübhələri aradan qaldırmış olur.

Elə bu kimi halların aşkar şəkildə baş verməsi buna şahid olan digər vətəndaşlar arasında dövlət qurumları və dövlət məmurlarına olan inamı, etimadı sıfıra (0) endirmiş olur.

"Qanunlar pulla işləyir", "bu ölkədə pulun varsa, sən haqlısan " və sair kimi ifadələr də məhz dövlət qurumlarının yol verdiyi bu kimi ciddi nöqsanlardan qaynaqlanır.

Daha bir məqam da bundan ibarətdir ki, İcra Hakimiyyəti "pis-yaxşı" cəmiyyət arasında bir mətn yazıb və bununla da ictimaiyyətin diqqətini üzərindən qaldırmağa, digər dövlət qurumlarının üzərinə atmağa çalışıb. Bəs görəsən, yuxarıda adları çəkilən digər qurumlar bu barədə nə düşünürlər?...

Mövzunu davam etdirəcəyik.

Redaksiyamız hər kəsin söz haqqını tanıyır.

DogruXeber.az

Jurnalist Abşeron-Xızı Regional Təhsil İdarəsinin fəaliyyəti ilə bağlı sensasion faktlar açıqladı

Yaradılıb 14.03.2024 11:48 | Baxış sayı: 197

Bu günlərdə redaksiyamıza tanınmış jurnalist, yazıçı, publisist, AYB-nin və Jurnalistlər Birliyinin üzvü, “Azərbaycan övladı” qəzetinin təsisçisi və baş redaktoru Pənah Azəri tərəfindən, Abşeron-Xızı Regional Təhsil İdarəsinin rəhbərliyinin iş fəaliyyəti ilə bağlı xeyli material təqdim olunmuşdur. Təqdim olunan materialı geniş oxucu kütləsinə təqdim edirik. Pənah Azəri yazır: “Abşeron- Xızı Regional Təhsil İdarəsini rəhbəri İlhamə Abdullayeva və onun özünə yaxın (qohum, rəfiqə və s.) olan vəzifəli şəxslər barəsində redaksiyamıza daxil olan bir qism müraciətlər tərəfimizdən araşdırılmışdır. Onların təfarrüatları aşağıdakı kimidir.

Araşdırma 1: Məlum olmuşdur ki, Abşeron-Xızı Regional İdarəyə 2022-ci ildən rəhbər təyin olunmuş İlhamə Abdullayeva, 2023-cü ilin may ayında Ulu Öndər Heydər Əliyevin 100 illik yubileyi ilə əlaqədar olaraq Flaşmob təşkil edilməsi üçün tabeliyində olan bütün ümumitəhsil məktəb direktorlarına xüsusi tapşırıqlar verib. Əldə olunmuş gizli məlumata görə adının çəkilməsini istəməyən bir neçə məktəb direktorları bildirdilər ki, şagird tutumu 2000 nəfərə qədər olan direktorlar üçün 2000 (iki min) manat, şagird tutumu daha yuxarı olan məktəb direktrolarından isə 3000 (üç min ) manat pul alınmışdır. Lakin

alınmış pulların müqabilində heç bir tədbir görülməmişdir. Yəni, Flaşmob təşkil edilməmiş, yığılan pullar İlhamə Abdullayeva tərəfindən mənimsənilmişdir. Həmin dövrdə İlhamə Abdullayevanın müavini işləmiş Coşqun Əiyev bu işin bilavasitə təşkilatçılığını həyata keçirmişdir. Məslənin öz həllini tapmadığını görən Coşqun Əliyev direktorlara: – gedin məktəbdən yığdığınız pulların cavabdehliyini özünüz daşıyın, demişdi.

Maraqlıdır ki, bu məsələ ilə bağlı Azərbaycan Respublikası Elm və Təhsil Nazirliyinin aidiyyatı qurumları, o cümlədən nazir Emin Əmrullayevin, Azərbaycan Respublikası Elm və Təhsil Nazirliyi,

Məktəbəqədər və Ümumitəhsil üzrə Dövlət Agentliyinin direktoru Eşqi Bağırovun da xəbəri var. İlhamə Abdullayevanın bu rüşvətxor əməlinə nazirlik rəsmləri susdu. Əksinə, bu cinayət işinə tədbir görməli olan nazir Emin Əmrullayev Coşqun Əliyevi Quba Xaçmaz Regional Təhsil İdarəsinə müdir təyin etdi. Budur Emin Əmrullayevin Azərbaycan Təhsilinə verdiyi “töhfə”. Budur Emin Əmrullayevin 2018-ci ildən bəri apardığı kadr siyasəti? ( korrupsiya və rüşvət çirkabına bulaşmış bir nazir (?) ).

Araşdırma 2: Məlum olduğu kimi Abşeron-Xızı Regional Təhsil İdarəsinin bütün ümumitəhsil məktəblərində bufetlər fəaliyyət göstərir. Lakin bufetlər hansı şəkildə və necə fəaliyyət göstərirlər? Araşdırmamız nəticəsində aydın oldu ki, bufetlərdəki işçilərlə heç bir əmək müqaviləsi bağlanmayıb. Həmçinin, bufetlərdə satılan mallar Qida Təhlükəsizliyi Agentliyi tərəfindən nəzarətə götürülmür və müddəti ötmüş ərzaq məhsulları şagirdlərə satılır. Satılan ərzaq məhsullarının qiymətləri isə bazar qiymətindən daha bahadır. Məsələn, istənilən marketdə 0.30 və 0.40 qəpiklik adi sular, bufetlərdə 0.50- 0-60 qəpiyə satılır. Həmçinin bufetlərdə satılan malların vergidən yayınması birbaşa Regional İdarənin rəhbəri İlhamə Abdullayevanın tapşırığı ilə həyata keçirilir. Vergidən yayınma ilə məşğul olan İlhamə Abdullayeva yalnız öz şəxsi mənafelərini güdür. Prosesləri izləyərkən bir məqamı da nəzərdən qaçırmadıq. Bir vaxtlar İ.Abdullayevanın müavini olmuş, sonradan Quba -Xaçmaz Regional İdarəyə təyinat almış Coşqun Əliyev də eyni prosedurları həyata keçirir. Nəticədə bunu demək olar ki, İlhamə Abdullayevanın təqdimatı əsasında regionala təyinat alan Coşqun Əliyev “ağasının” tapşırığı ilə rüşvətxorluq əməllərini həyata keçirir. Bu prosedurun vahid bir yerdən idarə olunması kimsədə şübhə doğura bilməz. İlhamə Abdullayevanın vergidən yayındığı sahələr.

Araşdırma 3: Məktəblərə satılan məktəbli formaları yəni ki, hər bir məktəb üçün ayrı-ayrı rəng çalarlarının seçilməsi onların satışının təşkili niyə məhz Regional İdarə müdiri İlhamə Abdullayevanın maraq dairəsindədir? Çünki, fabrik müdiri olan Səkinə adlı qadınla rəfiqədirlər. İki tərəfli razılaşma əsasında məktəblərə kütləvi şəkildə formaların satışını təşkil etdilər. Nəticə etibarı ilə keyfiyyətsiz materiallardan tikimiş hər bir məktəbli forması 60 manat civarında valideyinlərin cibinə girməklə məcburi şəkildə satışa çıxarıldı. Formalar Sumqayıtda və Xırdalanda yalnız bir satış məntəqəsindən istifadə edildi. Aidiyyatı üzrə hüquq-mühafizə orqanlarında araşdırma aparılarkən Elm və Təhsil Nazirliyinin Bakı Tikiş Evinin satış nöqtələrindən alınan formaların: – bizim regionala aidiyyatı yoxdur deməsi ilə bağlı məsələyə son qoyuldu. Nazir Emin Əmrullayev isə bu işdə yenə də susmaq mövqeyində durdu. Bakıdan Abşerona gələn şagirdlərə yeni məktəbli formasını məcbur aldırmaq ideyasının isə hansı zərurətdən yarandığı İlhamə Abdullayeva tərəfindən susqunluqla qarşılandı. Sual verirəm: Vətəndaş nazir! İlhamə Abdullayevanın bu qədər korrupsiya faktına, rüşvətxorluğuna susmağınızda maraq nədir?

Araşdırma 4: Bütün ümumitəhsil məktəblərin IV və IX siniflərində kütləvi şəkildə aparılan monitorinqlərin kağız qiymətləri məktəb rəhbərlərinin belinə yükləməklə həyata keçirildi. Qeyd edim ki,

monitorinqlərin təşkili üçün dövlət büdcəsindən yetərincə maliyyə vəsaiti ayrılıb. Lakin, İlhamə Abdullayevanın rəhbərlik etdiyi Regional İdarə tərəfindən bütün maddiyatın silinərək yeyintiyə yol verilməsi açıq aydın müəyyən olunmuşdu. Sual olunur, monitorinqləri Regional İdarə həyata keçirirsə niyə məktəb rəhbərlərindən pul alınır və bu pul sinif rəhbərlərinin tələbi ilə şagirdlərdən yığılır, Bir korrupsionerin, rüşvətxorun, əməllərinə susmaq bu qədərmi? Nədir bu susqunluğa səbəb? Belə başa düşmək olarmı ki, bu çirkablığın içində elə məktəb direktorlarının özü də maraqlıdır?

Araşdırma 5: Bir neçə kurslarla əlbir olub şagirdlərin imtahana gəlişinin təşkili müqabilində kurs rəhbərlərindən hər bir şagirddən əldə olunan gəlirin 30% – nin məhz Regional İdarə müdirinə çatacağı barədə gizli məlumatlat toplaya bilmişik.

Araşdırma 6: Uşaq Gənclər Yaradıcılıq Mərkəzlərinin (UGYM) fəaliyyətinə də baş vurduq. Məlum oldu ki, Abşeron və Sumqayıtda fəaliyyət göstərən UGYM – lərin dərnəklərinə cəlb olunmuş şagirdlərin adları var, özləri isə yox. Həmçinn, Dərnək rəhbəri vəzifəsinə təyin olunanların adı olub, özü olmayan müəllimlərə ayrılmış əmək haqlarının hara və necə yönləndirilməsi ilə maraqlandıq. Bəzi müəllimlərlə əlaqə saxladığımız zaman məlum oldu ki, müəllimə UGYM- in yerləşdiyi yeri belə bilmir. Rəhbər şəxslərdən birinin verdiyi məlumta görə yazılan dərs saatlarına ayrılan pulların bir başa Regional İdarəyə verildiyi bildirildi. Baxın, görün ki, İlhamə Abdullayeva dövlət əmlakını, onun büdcəsini necə və kimlərin əli ilə talayır? Çox yaxşı taktikadır və bu taktika əvvəlcədən düşünülmüş şəkildə məktəb direktorlarının üzərindən həyat keçirilir.

Araşdırma 7: Məktəblərə Labarant və kiçik texniki işçi adı altında işə qəbul edilən işçilərin müəllimlər otağında, kitabxanada, kargüzarın yanında, direktor müavinlərinin otağında əyləşməklə günlərini boşu- boşuna keçirərək dövlətin onlara ayırdığı pulları beləcə İlhamə Abdullayeva öz yaxın ətrafına hədiyyə edir. Bir neçə Şəhid, qazi ailələrinin övladlarını, o cümlədən bacı qardaşlarını da işlə təmin edir ki, gözdən pərdə assın. Lakin bu heç də İlhamə Abdullayevanın belə insanların qayğısına qalmasından irəli gəlmir. Çünki, işə qəbul edilmiş, ortada yeyib kənarda gəzən “Labarantlar”ın (labaratoriyalar) hansı yolla vəzifəyə təyin edilməsi nəzərimizdən qaçmadı. Araşdırma zamanı məlum oldu ki, ortada yeyib, kənarda gəzən “Labarantlar” müəyyən məbləğ müqabilində işlə təmin olunublar. Bu işləri isə İlhamə Abdullayevanın “Qara Kassaları” həyat keçirir.

Araşdırma 8: Məktəbəqədər müəssisələrdə araşdırma apardıq. Aparılmış araşdırma nəticəsində Abşeron Xızı Regional İdarənin tabeliyində olan bütün Məktəbəqədər müəssisələrdə qeyri qanuni pullu qruplar fəaliyyət göstərir. Bu qruplara şagird qəbulu 500 manatdan başlayır. Həmçinin, hər bir valideyndən əlavə olaraq aylıq 50 manat pul yığılır. Bu qruplar müəssisələrdəki qruplardan əlavə açılır ki, burada tərbiyəçi müəllimlər işə qəbul edilir. Lakin başqa maraqlı fakt odur ki, əlavə qruplara cəlb olunan uşaqlar bağçalara ayrılmış gündəlik maliyədən qidalanırlar. Bəs o zaman valideynlərdən niyə aylıq 50 manat rüşvət yığılır, – hər bir uşaq üçün?

Araşdırma 9: İlhamə Abdullayevaya sual olunur, niyə Regional İdarəyə müdir təyin olunan kimi Sumqayt Təhsil Şöbəsini yenidən təmir ( remont ) etdirdin? Axı adı çəkilən bina 2021 ci ildə təmirdən çıxmışdı. Maraq nə idi? Əsaslı təmir adı ilə dövlətin büdcəsini talamq hansı maraqdan irəli gəlir? Əgər təhsilə belə canın yanırsa Abşeron təhsilinin binasını da əsaslı təmir etdirərdin, niyə etdirmirsən? Özün üçün xüsusi otaq, otağın arxasında istirahət yeri, bufet. Xüsusi ağ mebeller var ki, bunların da qiyməti kəllə çarxa çıxıb. Yoxsa nazir Emin Əmurullayev vəzifəyə yeni təyin olunan kimi öz kabinetinə məxsus mebellərin dəyişdirilməsi ilə bağlı verdiyi sərancamdan sən də ibrət götürdün?

Araşdırma 10: Onu da qeyd edim ki, İlhamə Abdullayeva 2023 cü ilin may ayında özünə yaxın direktorlarla birgə Estoniyaya təlim adı ilə səfər etdi. Səfərin qiyməti isə 5000 EVRO təşkil edirdi. 2023 cü ilin mart ayındakı səfər 1600 EVRO təşkil etdiyi halda may ayındakı qiyməinin yüksək olması bizdə şübhə yaratdı. Araşdırdıq ki, bu dəfəki səfər təlim deyil, şəxsi məqsədlər üçün gəzməyə yönəldilmişdir. Bir qrup İlhamə Abdullayevaya yaxın olan direktorlar öz mənafeləri naminə məktəbdən yığdıqları pullar hesabına xarici ölkələrdə təlim adı ilə istirahət edirlər. Öz əmək haqları 1500 manat civarında dəyişən direktorlar sizcə hansı haram yollarla qazandıqları pullarla Estoniyada istirahət edirlər və iş vaxtlarında…

P.S. Redaksiyanın apardığı araşdırmalardan gəlinən qənaət budur ki, 2022-ci ildən Abşeron – Xızı Regional İdarəyə təyinat alan İlhamə Abdullayeva xeyli miqdarda dövlət əmlakını mənimsənilməsi, vəzifə

səlahiyyətlərindən sui-istifadə, rəsmi sənədlərə bilə-bilə yalan məlumatlar daxil etməklə və vəzifə saxtakalığı etməklə, vəzifə saxtakarlığı edilmsinə əsaslı şübhələr var. Düşünürəm ki, faktla bağlı Azərbaycan Respublikasının Cinayət Məcəlləsinin 179.2.3, 179.2.4 (qulluq mövqeyindən istifadə etməklə və xeyli miqdarda mənimsəmə) və 313-cü ( vəzifə saxtakarlığı ) maddələri ilə cinayət işi başlanmalı və istintaq tədbirləri həyata keçirilməlidir”. Qarşı tərəfin də mövqeyini dinləyə bilərik.

Ardı var
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!

Nyus.Az

251 saylı orta məktəbində müəllim şagirdi döydürdü - BELƏ HARA GEDİRİK?..

Yaradılıb 14.03.2024 10:22 | Baxış sayı: 247

Acı da olsa reallıq olan odur ki, ölkənin təhsil sahəsindəki vəziyyət heç də ürək açan səviyyədə deyil.

Danılmaz faktdır ki, repetitorlar və hazırlıq kursları olmasa orta məktəblərdə tədris olunan proqram və müəllim heyyətinin keçdiyi həvəssiz dərslər ilə ali təhsil müəssisələrinə qəbul olmaların göstəriciləri biyabırçı səviyyədə olardı. Bunda isə cənab Prezident İlham Əliyevin ölkənin təhsil siyasətini həvalə edərək etibar etdiyi Elm və təhsil naziri Emin Əmrullayev maraqlı olmalıdır.

Orta məktəb təhsil ilə yanaşı uşaqlara eyni zamanda təlim və tərbiyyə ocağı da olmalıdır. Bir çox məktəblərdə müəllimlərin və şagirdlərin geyim uniforması, dres kodu demək olar ki, yoxdur. Belə desək kim nəyi necə istəyir elə də geyinərək məktəbə gəlir. Təbii ki, bu bütün təhsil ocaqlarına şamil edilmir. Kifayyət qədər nizam intizamlı və təlim-tərbiyyəyə diqqət yetirən təhsil ocaqlarımız da var.

Lakin, Bakının Nizami rayonunun 251 saylı məktəbində baş verən olay ölkə təhsilinə bir ləkədir.

NOCOMMENT.az-a daxil olan məlumatda bildirilir ki, cari il martın 11-də məktəbin 10 D sinifində baş verənlər sanki xarici filmdə baş vermiş dəhşətli və üzücü bir olaydır.

Belə ki, sinifdə təhsil alan məktəbli qıza “Maqa” ləqəbli sinif yoldaşı söz ataraq sataşıb. Qız isə öz növbəsində kənardan məktəbə özünün oğlan dostunu dəvət edərək məsələyə aydınlıq gətirilməsini istəyib. “Razborkaya” gələn qızın oğlan dostu sinifin oğlanları ilə görüşüb danışırlar. Bu zaman qızın yanında oturan Murtuzov Saleh (ad və soyad şərtidir) sadəcə söhbətin qulaq şahidi olduğuna görə prossesə cəlb edilir.

Daha sonra qızın 4 nəfər sinif yoldaşı söhbətə heç bir aidiyyatı olmayan Saleh Murtuzovu məktəbin ayaq yolusuna apararaq təhqir ediblər, hədə qorxu gəlməyə başlayıblar. Onlar Salehə telefon verərək tələb ediblər ki, vatsapda qızın oğlan tanışına bildirsin ki, Maqa qıza söz atmayıb.

Bunun ardınca S.Murtuzovun sinifin 2 nəfər Rəfi və Şamxal adlı “qoçusu” sinif rəhbərləri olan Şəhla Surxayevnanın yanına gətiriblər. Sinif rəhbərinin yanında uşaqlardan biri əlini Salehin çiyninə qoyaraq “Müəllimə nə deyirsiniz, cəzalandıraq, döyək bunu?” deyiblər. Müəllimə isə bəli, döyün deyib.
Məktəb qoçularına yaşıl işıq yandıran Şəhla Surxayevna ocağa su əvəzinə sanki benzin töküb. “Razborka”nın kulminasiyası da bundan sonra baş verib.

Sinifdə qıza söz atıb sonra qızın məktəbə gətirdiyi oğlandan qorxaraq sözlərini geri götürüb, özlərinə yalançı şahid axtaran qoçular sinif rəhbərləri Şəhla “müəllimə”nin “dobro”sundan sonra Salehi yenidən məktəbin ayaq yolusuna apararaq döyüblər.

Səməd Mütəllimov 251 saylı məktəb
Üzərində xəsarət izləri və paltarı cırılmış vəziyyətdə olan Saleh sinifə, həmin 2 nəfər isə sinif rəhbərlərinin yanına gedərək tapşırığın icra olunduğunu bildiriblər.

Elçin Abdullayev

Sinif rəhbəri məsələnin necə qəlizləşdiyini gördükdən sonra həmin uşaqlar ilə sözləşərək belə bir sözün demədiyini bildirib.

Ən pisi isə odur ki, bütün bunlar paytaxtın Nizami rayonunda yerləşən bir məktəbində baş verir və məktəb direktoru Elçin Abdullayev bütün bunları görməzdən gəlir və məsələyə çox səthi yanaşır.

Məktəbin Təlim-tərbiyyə işləri üzrə 2 direktor müavini olsa da, məktəbdə kriminala meyilli gənclər yetişir və digər şagirdlərin də, təhsil almasına mane olurlar.

Görəsən 10-cu sinifdə oxuyan bu zavallı uşağın yaşadıqları, stressin acı xatirələri nə qədər çəkəcək və hansı izlər buraxacaq? İndən sonra daha 2 il necə bir sinifdə oxuyacaqlar?

Leyla Sadıqova

Görəsən Təlim-tərbiyyə işləri üzrə direktor müavinləri hörmətli Ülviyyə Nuriyeva və Leyla Sadıqova harda idi ki, məktəbə kənardan oğlanlar gələrək məsələ aydınlaşdırır və sinifdə özlərini avtoritet sayan gənclər yetişir.

Məktəbin təlim tərbiyyə işi axı heç də təhsildən aşağıda deyil və az əhəmiyyət daşımır.

Bu gün kriminala meyilli bu şagirdlər sabahın gənci və hər hansı bir sahənin mütəəxəssisləridir. Nizam intizamsız, kobud desək tərbiyyəsiz hər hansı bir mütəxəssisdən isə özündən başqa heç kəs faydalanmayacaq. Axı məktəbin məhz təlim-tərbiyyə işləri bu iki xanıma tapşırılıb.

Ülviyyə Nuriyeva

Xatırladaq ki, Azərbaycan Respublikasının Prezidenti İlham Əliyev 2020-ci il sentyabrın 7-də paytaxtın Nizami rayonunda 251 nömrəli tam orta məktəbdə aparılan əsaslı təmir işləri ilə tanış olub, bu təhsil ocağının yeni korpusunun açılışında iştirak edib. Məktəbdə ümumilikdə 1700-dən artıq şagird təhsil alır. Onların təlim-tərbiyəsi ilə 100-ə yaxın müəllim məşğul olur. Daha doğrusu olmalıdır.

Ümid edirik ki, aidiyyatı üzrə hüquq mühafizə orqanları, Elm və Təhsil Nazirliyi bu məsələni diqqətdə saxlayacaq və məsələni araşdırıb hüquqi qiymət verəcək.

Elm və Təhsil Nazirliyinin mövqeyini işıqlandırmağa hazırıq.

Sabunçuda şıdırğı TORPAQ ALVERİ...

Yaradılıb 14.03.2024 08:50 | Baxış sayı: 211

Ölkə ərazisində - xüsusilə də Bakının bir çox rayonlarında aparılan qanunsuz tikintilər barəsindən tez-tez məlumatlar yayımlayırıq. Buna misal olaraq, Xətai, Binəqədi, Nizami və digər rayonların adlarını çəkə bilərik. Amma, maraqlısı budur ki, bu kimi məlumatlar da "bərəkət" kimi paylaşdıqca çoxalır. Aidiyyatı qurumların bu cür qanunsuzluq hallarına laqeydliyini görən digər rayonlar da sanki "olanlardan ilhamlanaraq" eyni halların onların da ərazisində artmasına şərait yaradırlar.

Əslində, dərindən araşdıranda, bu "ilhamın" qaynağının ciblərdən başladığını aydınca görmək olur da, biz sadəcə nəzakət xatirinə məlumatların çoxluğuna bağladıq.

Yeri gəlmişkən, bu cür "palaza bürünüb, elnən sürünən" rayonlardan biri də paytaxtın Sabunçu rayonudur.

Belə ki, "DogruXeber.az" redaksiyasına Sabunçu rayon Sabunçu qəsəbəsində qanunsuz tikinti aparıldığı barəsində məlumat daxil olub.

Məlumatda bildirilir ki, Qambay Vəzirov küçəsində fəaliyyət göstərən birmərtəbəli maşınyuma (moyka) məntəqəsinin üstündən əlavə iki mərtəbə də inşa etdirilir. Deyilənə görə həmin obyektin ikinci və üçüncü mərtəbələrinin "xeyir-şər evi" kimi fəaliyyət göstərməsi nəzərdə tutulub.

Hansı ki, redaksiyamıza həmin ərazinin "SOCAR' neft şirkətinə məxsus olduğu üçün elə üstündə "daha böyük xəyallara doğru start götürən" o, "moykan"ın özünün tikintisinin də tamamilə qanunsuz olduğu bildirilib.

Qeyd edək ki, sözügedən qanunsuz tikinti barəsində redaksiyamız tərəfindən aidiyyatı qurumlara rəsmi sorğular göndərilib.

Qarşıdakı günlərdə sözügedən tikinti barəsində daha ətraflı məlumat və fotoşəkillər portalımızda dərc ediləcək.

Diqqətiniz bizdə olsun.
Mövzunu davam etdirəcəyik

Redaksiyamız hər kəsin söz haqqını tanıyır.

İmişlidə məktəb direktorundan Prezidentə -ŞİKAYƏT

Yaradılıb 13.03.2024 19:19 | Baxış sayı: 142

Facebook-da paylaş

Masallıda bir məmurun MANİFESTİ... - İLGİNC FAKTLAR

Yaradılıb 13.03.2024 12:59 | Baxış sayı: 333

Muradov Nazim Abusət oğlunun atası olduqca imkanlı şəxs olduğundan, səndemə o, öz savadına görə deyil, atasının "şot"una ali təhsil alır. Bu şəxs Masallı RİH-nin Güllütəpə ərazisi üzrə icra nümayəndəsi işlədiyi vaxtlarda, yüz hektarlarla paybəlli torpaq sahələrində qanunsuz evlərin və digər tikililərin salınmasına lazımi şərait yaradır. Daha sonra Nazim Muradov "qara yollar”la Masallı DSMF-nin rəis müavini vəzifəsinə sahib olmağı da bacarır. Söylənilənlərə görə bu dövlət qurumunda işlədiyi vaxtlarda isə, ayrı-ayrı şəxslərə saxta stajlar yazılmasında xüsusi rol oynayır. Bir müddətdən sonra daşıdığı vəzifəsindən uzaqlaşdırılan Nazim Muradov, çox keçmir ki, Masallı RİH-də işə girir.

Bir sözlə, bu şəxs ayrı-ayrı vaxtlarda müxtəlif vəzifələrdə çalışır və hər zaman da daşıdığı vəzifəsinin imkanlarından sui-istfadə edir. Hətta o, rayonun Güllütəpə adlanan ərazisində kənd təsərrüfatı üçün nəzərdə tutulan "tolkə dərə"sindəki su bəndini zəbt edir və o, burada özü üçün balıqçılıq təsərrüfatı yaradır. Elə hallar da olur ki, Nazim Muradov su bəndindəki balıqları tutmaq məqsədilə, bəndin suyunu tamamilə qurudur. Qeyd edək ki, bu günə kimi həmin bəndə Tatyanoba kənd sakinlərindən bir neçə nəfərin iribuynuzlu mal-qarası düşmüş və qurudulmuş bənddə tələf olmuşlar. (Bu barədə bəzi xəbər saytları illər öncə məlumatlar yaymışdır). Faciəli hal odur ki, belə bir əməllərin sahibi olan bu şəxs, xeyli vaxtdan sonra Masallı "Komxoz"unun rəisi də olur. Nazim Muradov bu dövlət qurumunda çalışdığı vaxtlarda külli miqdarda dövlət əmlakını mənimsədiyi üçün vəzifəsindən uzaqlaşdırılır və belə bir səbəbdən də az qalır ki, onu həbs etsinlər. Hər kəsi şoka salan halın varlığı odur ki, bu şəxs Masallı Rayon Mərkəzi Xəstəxanasının təsərrüfat şöbəsində müdir vəzifəsində çalışır, bir müddətdən sonra isə, Masallı şəhəri üzrə “mer” vəzifəsinə də yiyələnir. Deyilənlərə görə Nazim Muradov “hal əhlidir” və hal-hazırda sahibkarlıq fəaliyyəti ilə məşğul olur (Yəni, özünün kartof sahələri var). Buradan aydın olur ki, Nazim Muradovun "sehrli çubuğ"u elə bir formada gücə malikdir ki, iki oğlu universiteti başa vuran kimi, o, oğlanlarından birini “Kapital Bank”da, digərini isə Masallı Rayon Mərkəzi Xəstəxanasında işlə təmin etdirir. Bu da onu göstərir ki, ötən illər ərzində büdcə vəsaitlərini talan etməklə geniş maliyyə imkanına malik olan Nazim Muradov, bu gün hər addımında qanunsuzluğa qol qoyur, haqqı-ədaləti vecinə almır. Bir sözlə, bu şəxs "ağa nəzərə, belə gəcərəm" prinsipini əsas tutub, hər cür haqsızlığa qol qoyur.
Qarşı tərəfin də mövqeyini dinləməyə hazırıq.

Nyus.Az

Bakı Sağlamlıq Mərkəzində milyonlar necə xərclənir? - Asiman Həsənovun göz çıxaran tenderləri...

Yaradılıb 13.03.2024 10:45 | Baxış sayı: 341

Baş direktorun adı illərdir müxtəlif qalmaqallarda, maxinasiyalarda hallanan Bakı Sağlamlıq Mərkəzində real vəziyyət necədir?..

Fevral ayının 21-də Bakı Sağlamlıq Mərkəzinə 2 dişinə plomb qoyulması üçün müraciət edən Xədicə Babazədinin vəziyyəti sonradan ağırlaşaraq komaya düşdü. Bu hadisədən sonra uşağın atası Zamin Babayev mediaya açıqlama verərək Bakı Sağlamlıq Mərkəzinin stomatoloji kabinetinə tələm-tələsik oksigen xətti çəkildiyini bildirdi.
Bəs, doğrudanmı Bakı sağlamlıq Mərkəzinin stomatoloji kabinetində baş verən biabırçı hadisəyədək oksigen xətti olmayıb? Axı hər il dövlət büdcəsindən milyonlarla vəsait ayrılan, şəhərin mərkəzində yerləşən, digər tibb müəssisələri ilə müqayisədə yalnız və yalnız ödənişli xidmət göstərən Bakı Sağlamlıq Mərkəzində ümumiyyətlə vəziyyət nə yerdədir? Büdcədən hər il bu tibb müəssisəsinə nə qədər pul ayrılır? Baş direktorun adı illərdir müxtəlif qalmaqallarda, maxinasiyalarda hallanan Bakı Sağlamlıq Mərkəzində real vəziyyət necədir?
GUNDEMXEBER.AZ xəbər verir ki, AzFakt.com saytı Bakı Sağlamlıq Mərkəzinin sifarişçi olduğu bir neçə satınalma üzərində araşdırma aparıb. Araşdırmamız zamanı məlum oldu ki, bu müəssisə cari ilin ilk 2 ayında xərclədiyi vəsait on milyon manata yaxındır:
Bakı Sağlamlıq Mərkəzi bu ilin yanvar ayının 15-də "Tibbi avadanlıqların satınalınması" lotu üzrə sifarişçi olduğu tenderə yekun vurub. Tenderin məbləği 4.9 milyon manat, qalibi isə "SOLAMEDICAL" Məhdud Məsuliyyətli Cəmiyyəti qalib seçilib.
Bakı Sağlamlıq Mərkəzi bu tenderdən 9 gün sonra- yanvar ayının 24-də "Dərman preparatları, laboratoriya tibbi sərf malları və kardioloji invaziv əməliyyatlarda istifadə edilən xüsusi tibbi sərf mallarının satınalınması" lotu üzrə daha bir tenderə yekun vurub. Bu tenderin məbləği 4.6 milyon manat olub. Tenderdə bu dəfə də "SOLAMEDICAL" Məhdud Məsuliyyətli Cəmiyyəti qalib seçilib.
Mərkəzin ötən ilin sentyabr ayının 27-də yekunlaşdırdığı "Informasiya texnologiyaları avadanlıqlarının satınalınması" adlı tenderin məbləği isə nə az -nə çox - 557.669 manat təşkil edib. Bu tenderdə isə "Az Services" MMC qalib seçilib.
Bakı Sağlamlıq Mərkəzinin çoxrəqəmli tenderlərindən biri isə 2023-cü aprel ayının 17-də keçirilib. "Maye oksigenin satınalınması" lotu üzrə keçirilən bu satınalmanın məbləği 120,360 manat, tenderin qalibi isə "Çinar-Servis" İstehsalam Kommersiya Firması olub.

Bəs yuxarıda da qeyd etdiyimiz kimi büdcədən milyonlar ayrılan Bakı Sağlamlıq Mərkəzinin real durumu necədir?

Araşdırmamız zamanı məlum oldu ki, hər il milyonlarla manat xərclənən Bakı Sağlamlıq Mərkəzində vəziyyət heç də ürəkaçan deyil.
Belə ki, Mərkəzə ayaq basan ilk adam burada döşəmədə oynayan sınıq-salxaq daşların üzəri ilə birtəhər özünü qeydiyyat şöbəsinə çatdırmalıdır. Sınıq-salxaq, yerindən qopan döşəmə daşların üzərindən qeydiyyat şöbəsinə çatan şəxs allahına şükür eləməyə macal tapmamış soyğun başlanır. Qiymətlər heç də özəl xəstəxanalardan fərqlənmir. Keyfiyyət sıfır olan Mərkəzdə həkimlərin əksəriyyətinin savadsız olduğu bildirilir.
Məlumata görə Bakı Sağlamlıq Mərkəzində savadlı həkimlərin çalışmaq istəməməsinin əsl səbəblərindən biri müəssisənin rəhbərliyi ilə bağlıdır.
Belə ki, Mərkəzin baş direktoru Asiman Həsənovun burada əsl avtoritar rejim yaratdığı deyilir. Mərkəzə üz tutan xəstələrin əsasən Asiman Həsənova xüsusi yaxınlığı ilə seçilən həkimlərə yönləndirilir.
Günün bir neçə saatını Mərkəzdə keçirən Asiman Həsənovu əsas maraqlandıran məsələ burada yığılan vəsaitlərin miqdarıdır.

Araşdırmamız zamanı o da məlum oldu ki, Bakı Sağlamlıq Mərkəzində illərdir həkimlik karyerası olanların yox, baş direktora yaxın olan çevrənin sözü daha keçərlidir. Hətta bu "çevrə"nin Mərkəzdə işə qəbul məsələlərinə də baxdığı vurğulanır.

Əlbəttə ki, bizi Bakı Sağlamlıq Mərkəzini kimlərin idarə etdiyi, daha doğrusu "fırlatdı" yox, bu müəssisənin əhalinin sağlamlığı keşiyində necə dayandığı, ayrılan milyonlarla vəsaiti necə xərclədiyi daha çox maraqlandırır.

Qeyd etdiyimiz kimi Bakı Sağlamlıq Mərkəzi son iki ayda dərman vasitələri və preparatlarına, tibbi sərf materiallarına üst-üstə on milyon manata yaxın vəsait xərcləyib.
Amma bu müəssisədə əməliyyata alınan şəxslərin əksəriyyətinə kənardan dava-dərman aldırırlar.
Bu barədə sosial şəbəkələrdə xeyli sayda məlumatlar yer alır.
O zaman sual olunur, bazada əməliyyat olunan xəstələr üçün dərman preparatı çatmırsa büdcədən ayrılan milyonlar nəyə xərclənir?
Daha bir sual olunan məsələ isə Bakı Sağlamlıq Mərkəzinin tenderlərinin qeyri-şəffaf keçirilməsi, daha dəqiqi qalib edilən şirkətlərin rəhbər şəxslərinin Asiman Həsənovla müəyyən maraqlarının birləşməsidir. Bakı Sağlamlıq Mərkəzinin baş direktorunun son illər artan mal-mülklərinin nəyin hesabına əldə edilməsinə gəlincə isə... Bu barədə növbəti araşdırmamızda daha geniş bəhs edəcəyik.
Xatırladaq ki, Bakı Sağlamlıq Mərkəzində 19 şöbə fəaliyyət göstərir.
Mərkəzə 2019-cu ildən Asiman Həsənov rəhbərlik edir. Məsələ ilə bağlı Bakı Sağlamlıq Mərkəzindən mövqe ala bilmədik.

GUNDEMXEBER.AZ

Sənədləri saxtalaşdırmaqda ittiham olunan "AĞ NAFTALAN" MMC vergi borcunu niyə ödəmir?

Yaradılıb 13.03.2024 10:34 | Baxış sayı: 184

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti dövlət satınalmalarında ciddi qanun pozuntusu ilə əlaqədar ötən il Baş Prokurorluğa müraciət edib. Dövlət Xidmətinin müraciətinə səbəb dövlət satınalmalarına təqdim edilən sənədlərin sahibkarlar tərəfindən saxtalaşdırılmasına dair əsaslı şübhələrin müəyyən edilməsi idi.

Qlobal.az xəbər verir ki, Baş Prokurorluğa edilən müraciətdə sənədləri saxtalaşdıran şirkətlərin sırasında "Ağ Naftalan" Məhdud Məsuliyyətli Cəmiyyətinin də adı var.

"Ağ Naftalan" MMC 2007-ci ilin oktyabr ayında təsis edilib.

Şirkətin hüquqi ünvanı Goranboy rayonu Şəfəq kəndi, qanuni təmsilçisi isə Zamanov Volodya Nadir oğludur.

Rəsmi səhifəsində yazılan məlumatlara görə "Ağ Naftalan" MMC kommersiya-istehsalat və xidmət sahələrində fəaliyyət göstərir.

"Ağ Naftalan" MMC dövlət satınalmalarında da aktiv iştirak edən təşkilatlardandır.

Əsasən Suvarma Sistemləri İdarələri ilə əməkdaşlqı edən şirkətin 2022-ci ildə 4 lot üzrə qalib elan edildiyi tenderlərin ümumi məbləği 497.508 manat təşkil edib:

1. Sifarişçi təşkilat - Tovuz rayon Suvarma Sistemləri İdarəsi

Lot - Əyyublu kəndində 03/252A, 03/230, 03/120A, 03/124A, 03/156, 03/257, Aşağı Quşçu kəndində 03/BN66 və Düz Qırıqlı kəndi 03/157 reper nömrəli subartezian quyularının (yeni quyu kolonunun qazılması, elektrik təsərrüfatının təmiri, su sayğacının quraşdırılması və abadlıq işləri), təmiri işinin layihə-smeta sənədlərinin hazırlanması və Əyyublu kəndində 03/252A, 03/230, Aşağı Quşçu kəndində 03/BN66 əsaslı təmiri işlərinin satınalınması

Məbləğ - 88.552

2. Sifarişçi təşkilat - Tovuz rayon Suvarma Sistemləri İdarəsi

Lot - Arxların lildən təmizlənməsi işinin satınalınması

Məbləğ - 229-687

3. Sifarişçi təşkilat - Samux rayon Suvarma Sistemləri İdarəsi

Lot - LOT_4 - 4 ədəd artezian quyusunun əsaslı təmiri və layihə sənədlərinin hazırlanması işləri

Məbləğ - 119.652

4. Ağstafa Suvarma Sistemləri İdarəsi

Lot - S.Vurğun qəsəbəsində 01/14 və Dağ Kəsəmən kəndində01/232 reper nömrəli subartezian quyusunun(yeni quyu kolonunun qazılması,elektrik təsərrüfatının təmiri,su sayğacının quraşdırılması,layihə smeta sənədlərinin hazırlanmsı) və abadlıq işləri (2 ədəd)

Məbləğ - 59.617

"Ağ Naftalan" MMC-nin rəsmi səhifəsində şirkətin "ağ naftalan yağı, "sulnaftal", "kosmetik qoruyucu krem", "holekol" kimi məhsulların satışı ilə məşğul olduğu yazılıb.

Şirkət istehsal etdiyi məhsullarını Ukrayna bazarlarına da çıxarıb.

Rəsmi səhifəsində əcza qrupun olduğunu qeyd edən şirkətin fəaliyyət sahəsi daha genişdir. Belə ki, maye və təbii qaz təsərrüfatı obyektlərinin quraşdırılması və istismarı, tikintisinə icazə tələb olunan bina və qurğuların tikinti-quraşdırma işləri, təmir və restavrasiya işləri, su təchizatı sistemlərinin layihələndirilməsi və tikintisi, artezian su quyularının qazılması və istifadəyə verilməsi, binadaxili elektrik və maqistral elektrik xətlərinin çəkilişi, naftalan mənşəli dərman vasitələrinin istehsalı və aparılması üşün lisenziya tələb olunmayan bir çox digər işlər gördüyünü yazır.

"Ağ Naftalan" MMC rəsmi səhifəsində Səhiyyə Nazirliyi, Azərsu ASC və Azəriqaz İstehsalat Birliyi kimi qurumlarla iş birliyi yaratdığını qeyd edir.

İlginc məqamlardan biri isə yarım milyonluq satınalmada qalib elan edilən "Ağ Naftalan" MMC-nin vergi mükəlləfiyyətini yerinə yetirməməsidir.

Belə ki, hazırda "Ağ Naftalan" MMC-nin dövlətə 15.433 manat vergi borcu var.

Cahandar Laçınlı

Qlobal.az

Facebook-da paylaş

POLKOVNİK İKİ NƏFƏRİN ÖLÜMÜ İLƏ NƏTİCƏLƏNƏN TÖRƏTDİYİ AVTOQƏZADAN NƏ QƏDƏR QAZANCLI ÇIXDI?- Nazirə müraciət

Yaradılıb 13.03.2024 10:26 | Baxış sayı: 222

Və yaxud, UDUZANDA DA UDAN POLKOVNİKİN PULA SONSUZ HƏRİSLİYİ

Təxminən bir neçə il bundan əvvəl ölkə mətbuatında dərc edilmiş “Polkovnikin kürəkəni 2 nəfəri öldürdü və yüksək vəzifə aldı” başlıqlı araşdırma yazımız ictimaiyyətdə geniş rezonans doğurmuşdu. Belə ki, araşdırma yazısında qeyd edilən faktlar üzrə baş vermiş hadisələrin səbəbkarı- Azərbaycan Respublikasının Hərbi Komissarının siyasi məsələlər üzrə müavini olmuş, sonralar isə Ədliyyə Nazirliyinin Pentensiar Xidmətin Qərərgah rəisi olmuş Sadıqov Rasim Sadıx oğlu olmuşdur. Doğrudur, özünü hər yerdə Ədliyyə naziri olmuş cənab Fikrət Məmmədovun əmisioğlu kimi tanıtmağa çalışan, əslində isə belə qohumluğu olmayan sabiq polkovnik o vaxtı bizə qarşı məhkəmə davası açmağı planlaşdırsa da, ətrafında dolaşan ağıllı adamları onu başa salmışlar ki, "əlahəzrət fakt qarşısında nəinki məhkəmə, elə hamı acizdir, bir az ağıllı olsan yaxşıdır".
Bəli, biz elə düşündük ki, karyerası dövründə törətdiyi qanunsuz hərəkətlərə və digər cinayətlərə görə Sadıqov Rasım peşimançılıq hissi keçirərəck və səhvlərini düzəltməyə çalışacaq. Amma tarix göstərdi ki, Sadıqov elə həmin adamdır. Məsələn, Bakıda, Qaxda, Şəkidə sahub olduğu obyektlərdən gələn gəlirlərdən yenə əvvəlki tək vergilərdən yayınmaqla məşğuldur, Şəkinin Aşağı-Göynük kəndində yerləşən və 2001-ci ildən fəaliyyət göstərən 600 nəfərlik tutumu olan şadlıq evinin göstərdiyi xidmətə görə yenə külli-miqdarda vergilərdən yayınmaqla məşğuldur, 12 nəfərdən ibarət işçi personalı ilə əmək müqaviləsi bağlamadan onların əməyini qul kimi istismar edir, Sosial Müdafiə Fonduna 20 ildən çoxdur ki, 1 qəpik də olsa ödəniş etmir və s.

Mədət Quliyevin vaxtilə işdən qovduğu polkovnik Sadıqov Rasim

CİNAYƏT TÖRƏDİB PUL QAZANAN POLKOVNİK ÖZÜNÜ KİMİN ƏMİSİ OĞLU HESAB EDİR?

Amma işin digər maraqlı tərəfi ondan ibarətdir ki, Sadıqov Rasim özünəməxsus qara rəngli, “REXTON” markalı, 90—098 dövlət nömrə nişanlı avtomobili ilə ailəsi və kürəkəni Raufla 2017-ci ilin avqustun 17-də mülkiyyəti olan və rayonda yerləşən şadlıq sarayından haq –hesab etdikdən sonra Bakıya qayıdarkən Qəbələ şəhərinin “Dəmiraparan” çayı yaxınlığında VAZ 21 06 mamrkalı avtomobillə qarşı qarşıya toqquşaraq ağır yol nəqliyyat hadisəsi törətmişdir. Avtomobilin içərisində olan 34 və 43 yaşlı iki kişi hadisə yerindəcə dünyalarını dəyişmişlər. Qəza zamanı həlak olan Qəbələ rayon sakinləri olan ailə başçılarından birinin iki , digərinin isə 3 övladı yetim qalmışdır. Hadisədən dərhal sonra Rasim kürəkəni Raufdan xahiş etmişdir ki, sənin Akif dayın çox imkanlıdır, istintaq zamanı bildirərsən ki, sükanı mən idarə etmişəm. Akif dayın istintaqın da, ölü sahiblərinin də pulunu verib məsələni yoluna qoya bilər. Bəli, məsələ, uzun müddət Sumqayıt Telekommunikasiya Qovşağının müdiri olmuş oliqarx Akif Əsgərov tərəfindən necə lazımdırsa bağlanır və R.Sadıqov tərəfindən törədilən, iki nəfərin ölümü ilə baş vermiş cinayət elə istintaq araşdırmasında ört -basdır edilir. Arada vasitəçilk edən Rasim bildirir ki, ailə başçılarını itirmiş ailələrə də 70 min manat pul verilsə, onlar şikayətçi olmayacaqlar. Sonradan məlum olur ki, Rasim “qan pulu” adı ilə aldığı pulun cəmi 30 min manatını iki ailəyə vermiş, qalan 40 min manat "qan pulu"nu özü mənimsəmişdir. Bir ildən sonra Akif Əsgərovun Rasimin pul oyunbazlığından xəbəri olan kimi qohumlar arasında mübahisələri düşmüşdür. Bir sözlə, Rasim törətdiyi avtomobil qəzasında iki nəfəri öldürməsinə baxmayaraq cinayət işi açılmır, əksinə, maddi maraqlar hesabına Qəbələ Polis Şöbəsində ört- basdır edilir. Ortada qazanan isə yenə Sadıqov Rasim olur. Baş vermiş cinayət faktı ört basdır edildikdən sonra Rasim yenə kürəkəni Raufa bildirir ki, bəs Akif dayına deki, Rasimin avtomobilinə də ciddi ziyan dəyib, onu da düzəltmək üçün maddi köməklik göstərsin. Belə yerdə deyiblər- “utanmasan oynamağa nə var ki,”

Əsgərov Akif- Sumqayıt Telekommunikasiya Qovşağının sabiq müdiri

Rasimin törətdiyi avtoqəzadan 2 il sonra isə qardaşı Mais Sadıxov da Zaqtaladan evinə qayıdarkən idarə etdiyi avtomobillə yolda digər avtomobillə toqquşmuş, nəticədə 2 nəfər hadisə yerindəcə həlak olmuşdur. O vaxt da Sadıxov Rasim qardaşının işinin yüngülləşdirilməsi üçün müstəntiqə bildirmişdir ki, ikinci ölən qadının 81 yaşı vardı və onu sənəddə ölmüş kimi göstərməsin, onsuz da qadının ömrünün axırı idi. Rasim məsələnin həll edilməsi üçün avtotexniki ekspertdən lazımi rəy almaq üçün danışıqlar aparır. Cinayət işini ört-basdır etmək üçün tələb olunan ekspert rəyi üçün lazım olan 10000 manat əvəzinə çox xahiş-minnətdən sonra 5000 manat pul ( qohum-əqrəba tərəfindən qəpik qəpik yığılan) verib rəyi alıb müstəntiqə verirlər. Müstəntiq verilən belə saxta rəy əsasında qardaşı Maisi buraxdıra biləcəyini bildirir. Bundan sevinən R.Sadıxov bir neçə gündən sonra avtotexniki ekspertin yanına gələrək müsbət rəy üçün verdiyi 5000 manatı ( hansı ki, bu pulları da qohumlar tərəfindən yığılmışdır) geri tələb edir. Ekspert narazı qaısa da pulu qaytarır. Lakin verdiyi rəyi də ləğv edib yenidən hadisənin baş vermə səbəblərini olduğu kimi yenidən rəy yazıb müstəntiqə göndərir. Nəticədə Mais Sadıxov 5 il 6 ay müddətində azadlıqdan məhrum edilir. Arada 5000 manat qazanan isə yenə də R.Sadıxov olur. Bu hadisəni də çoxları bilir.
R.Sadıxovun kürəkəni Rauf isə Qəbələdə "sənədlər" üzərində törətdiyi" avtoqəzadan sonra hərbi xidmətdə olmadığı halda dərhal leytenant rütbəsilə mükafatlandırılaraq Ədliyyə Nazirliyin Penitensiar Xidmətində vəzifəyə təyin edilir. 1 il sonra baş leytenant, hazırda isə mayor rütbəsində kefə baxır. Yəni, sənəd üzrə qəza törədərək iki və daha çox adamın ölümünə səbəb olan şəxs Rauf 1 gün də olsa inzibati cəza almadan belə yüksək vəzifəyə təyin olunur.

POLKOVNİKİN ŞƏXSƏN ÖZÜNÜN TÖRƏTDİYİ CİNAYƏT İŞİ YENİDƏN ARAŞDIRILMALI VƏ HÜQUQİ QİYMƏTİNİ ALMALIDIR!

Hesab edirik ki, Sadıqov Rasimin şəxsi mülkü hesab edilən , qara rəngli, 90—098 dövlət nömrə nişanlı. “Rexton” avtomobili ilə Qəbələ şəhərində 17 avqust 2017-ci il tarixində, saat 16 radələrində iki və daha çox adamın ölməsilə nəticələnən avtoqəza törətməsi və baş vermiş cinayətin istuntaq zamanı ört-basdır edilməsi DİN-nin aidiyyatı üzrə istintaq orqanlarında yenidən araşdırılmalıdır.
Hesab edirik ki, Sadıqov Rasimə məxsus Şəki-Qax şossesinin 18-ci km-də yerləşən şadlıq evinin 21 illik fəaliyyəti dövründə külli –miqdarda vergilərdən yayınmasına,( vergi ödəyicisi kimi bir manat rəsmi ödəmə qəbzi olmadığı halda) obyektdə bu müddət ərzində işlətdiyi 12 nəfər işçi personalla əmək müqaviləsi bağlamadığına, Sosial Müdafiə Fonduna tələb olunan vəsaitləri köçürmədiyinə, tibbi sosial sığortadan yayındığına görə məsuliyyətə cəlb edilməlidir.
Bizi izləyin.
https://yenixeber.org/arasdirma/57907-polkovnikin-kurekeni-2-neferi-oldurdu-ve-yuksek-vezife-aldi.html

İfadetv.com-un araşdırma qrupu

209 -dən səhifə 613