Teref.az yazır ki, Tovuz rayonu, Vahidli kənd sakini, Şəhid və Qarabağ veteranı anası Həsənova Ceyran Məhəmməd qızı Prezidentə müraciət ünvanlayıb. Müraciətin 1 surətidə redaksiyamızın poçtuna daxil olub. Şəıhid anasının müraciətini bəzi ixtisarlarla təqdim edirik:
Belə ki, Tovuz RİH-nin başçısı mənim şəhid oğlumun dəfn olunduğu qəbiristanlığı və orta əsrə aid olan tarixi abidələrimizi satıb, onun haqqında isə tədbir görən yoxdur.
Onu da qeyd edim ki, Tovuzun Şəhidlər xiyabanında bütün Şəhidlərimizin şəkilləri var. Lakin mənim oğlumun şəkli yoxdur. Daha doğrusu Tovuz RİH-nin başçısı Məmməd Məmmədov bildirib ki, oraya sənin oğlunun şəkli vurulmayacaq, çünki onun uyuduğu qəbiristanlığı da almışam və siz buna ğörə məndən şikayət etmisiniz. O həm də tarixi abidələrin qənimidir, abidələri hərraca çıxararaq yerini ağır texnika ilə dağıtdıraraq gələcəkdə həmin ərazidə restoran tikməyi planlaşdırır.
Teref.az yazır ki, bunu Tovuz rayonu, Vahidli kənd sakini, Şəhid və Qarabağ veteranı anası Həsənova Ceyran Məhəmməd qızı saytımızın redaksiyasına Prezident İlham Əliyevə ünvanladığı müraciətində yazır. Daha sonra şəhid anası yazır:
Məmməd Məmmədov mənim Şəhid oğlumun şəklinin yerinə öz oğlu Rəhmanın şəklini vurdurmaq istəyir. O dərk etmir ki, Şəhidlik uca zirvədir və hər adama nəsib olmur. Eyni zamanda bildirirəm ki, Məmməd Məmmədovun oğlu Rəhman özünə baha qiymətə qara it alıb, yezid kimi itlə oynayır.
Tovuz RİH-nin işçisi Fuad Rzayev isə bildirir ki, bizim şəhidlə oynamağa vaxtımız yoxdur. Eyni zamanda Fuad onu da qeyd edir ki, o, şəxsən Rəhmanın itinə vurulub.
Rəhmətlik necə də yerində deyib, ay Fuad.
İt demə o dəxi bizim birimiz.
Belə ölmüşlərə fəda dirimiz.
Şəhid adının əbədiləşdirilməsi və şəhid ailələrinə edilən güzəştlər haqqında Azərbaycan Respublikasının Qanunu ilə oynamağa nə vaxtım yoxdur, nə də həvəsim. Deyəsən bu qara it Fuadı yamanca həvəsə gətirib. İtlə oynayanın aqibəti isə yaxşı olmur.
Əlavə olaraq bildirirəm ki, mənim Şəhid oğlumun şəklinin Şəhidlər xiyabanına vurulmaması texniki səhv ola bilməz, çünki oğlumun şəkli Tovuz rayon Hərbi Komissarlığına da vurulub və Hərbi komissarlıq dəfələrlə mənə təbrik məktubları da göndərib.Bu məsələdə heç bir araşdırmaya ehtiyac yoxdur, bu yalnız və yalnız qərəzçilikdir.
Hörmətli cənab prezident!
Tovuz RİH-nin başçısı Məmməd Məmmədov artıq bizim rahat nəfəs almağımıza belə imkan vermir. Xahiş edirəm köməkdarlıq edəsiniz.
Həsənova Ceyran Məhəmməd qızı.
Şəhid və Qarabağ veteranı anası.
Tovuz rayonu, Vahidli kəndi.
Teref.az olaraq müraciətdə qaldırılan iddialarla bağlı qarşı tərəfin mövqeyini dərc etməyə hazırıq!
Teref.az

Gəncənin 2020-ci ilin yayında təyin olunmuş baş memarı Elxan Məmmədovun səsi ilk dəfə ucardan 2021-ci ildə çıxmış və hiddət doğurmuşdu. Bildiyimiz kimi, Vətən müharibəsinin gedişində Ermənistanın raket hücumu nəticəsində zərər dəymiş obyektlərin bərpası və təmir-tikinti işlərinin həyata keçirilməsi, habelə inşa prosesində həyata keçiriləcək işlərin təşkili və əlaqələndirilməsi Azərbaycan Respublikasının Dövlət Şəhərsalma və Arxitektura Komitəsinə həvalə edilmişdi. Evi dağılmış Gəncə sakini Elşən Ağaxanov Gəncə Şəhər İcra Hakimiyyətinin memarlıq və tikinti şöbəsinin müdiri Elxan Məmmədovdan şikayətlənmişdi: “Sakinlərlə kobud danışır. Baş memar deyir ki, Gəncəyə bombanı mən atmışam?”
Hər kəsə məlumdur ki, Gəncə Şəhər İcra Hakimiyyətinin başçısı Niyazi Bayramov vaxtaşırı olaraq vətəndaşları qəbul edib, onları narahat edən məsələlərlə maraqlanıb. Şikayət və təklifləri tək-tək dinləyib. Eyni zamanda ehtiyacı olanlara maddi yardımın göstərilməsi, fərdi yaşayış evinin təmiri, müalicə üçün göndərişin verilməsi, işlə təminat və digər məsələlərdə yaxından köməklik olunmasına çalışıb və nail olub. Vətəndaşlar tərəfindən səsləndirilən problemlərin bir çoxu elə yerindəcə öz həllini tapıb.
Amma təssüflər olsun ki, problemləri araşdırılmayan və qanunamüvafiq qaydada həll olunmayan vətəndaşlar da vardır. Bunun da səbəbkarları cənab başçı Niyazi Bayramovun tabeçiliyində fəaliyyət göstərən bəzi vəzifə sahibləridir. Görülən işlərə hansısa maraqlar əsasında kölgə salmaq istəyən məmurlardan biri də yuxarıda adını çəkdiyimiz şöbə müdiri-baş memar Məmmədov Elxan Fazil oğludur. Onun barəsində növbəti şikayət Həsənov İbrahim Firudin oğlundan gəlib. Bir il bundan öncə, icra başçısının tapşırığına əsasən Gəncə şəhər, Atabəylər küçəsində yerləşən kənd təsərrüfatı məhsullarının becərilməsi üçün nəzərdə tutulan 30 hektar torpaq sahəsi Həsənov İbrahim Firudin oğlunun adına icarəyə verilmişdir. Hazırda əkinçilik işlərini daha da inkişaf etdirilməsi üçün Kənd Təsərrüfatı Nazirliyi yanında DAİM idarəsindən subsidiya almaq mümkün olmadığından, İqtisadiyyat Nazirliyi yanında Əmlak Məsələləri Dövlət Xidmətinin Torpaq Agentliyinin reyestrindən keçirib çıxarış sənədi almaq zərurəti yaranıb. Buna görə də Agentliyin çıxarış hazırlaması üçün Gəncə şəhər Kadastr İdarəsinə yerquruluşunun sxeminin çəkdirilməsi üçün rəy göndərilib. Bu rəyə cavab olaraq, Şəhər İcra Hakimiyyətinin baş memarı Məmmədov Elxan Fazil oğlu tabeçiliyində olan nümayəndəsini göndərmək istəmir.
Qeyd edək ki, yerquruluşunun sxeminin götürülməsinə görə torpağın icarədarı, Kadastr İdarəsinin nümayəndəsi və icra hakimiyyətinin memarlıq və tikinti şöbəsinin nümayəndəsinin iştirakı ilə akt tərtib edilib imzalanmalıdır. Amma yuxarıda sadalananlara baxmayaraq, Gəncə şəhər sakini Həsənov İbrahim Firudin oğlu məyus vəziyyətdə qalıb. Belə bir prosesin həyata keçirilməsinə qeyri-qanuni maneələr yaradan Elxan Məmmədovun hansı maraqlara xidmət etdiyini anlamaq olmur. Dövlət məmurunun bu hərəkəti (hərəkətsizliyi) dövlət proqramında xüsusi yer alan qeyri-neft sektoruna zərbə vurmaqdan başqa bir şey deyil. Görünür, Elxan Məmmədov da Gəncə şəhərinin həbs olunan keçmiş baş memarı Məharət Mustafayevin yolu ilə gedir.
Biz inanmaq istəyirik ki, Ölkə başçısının müvafiq tapşırıq və tövsiyələrinə uyğun olaraq, Gəncədə bəzi vəzifə sahibləri tərəfindən vətəndaşlara yaradılmış süni maneələr şəhər icra hakimiyyətinin başçısı cənab Niyazi Bayramovun nəzarəti altında aradan qaldırılacaq və vətəndaş İbrahim Həsənova da təsərrüfatla məşğul olmasına köməklik göstəriləcək.
Araşdırmalarımız davam edir.
Yazıda adıçəkilən vəzifəli şəxslərin də mövqeyini dinləməyə hazırıq.

GundemXeber.Az

Bu günlərdə Göyçay rayonunda "COLD KORONA" MMC adı altında təmir tikinti işləri ilə məşqul olan dələduzun toruna düşən sakinlər və həmçinin tikinti materialları satışını həyata keçirən bir çox sahibkarlar çıxılmaz vəziyyətdə qaldıqları barədə hefteaz.com-a video material təqdim ediblər. Apardığımız araşdırmalardan məlum olur ki, bu MMC rəhbərinin ucbatından yerli sakinlərə 150 min manata yaxın ziyan dəyib.

01.08.2023 ci il tarixdə Göyçay Şəhəri Nizami küçəsində ofis icarəyə götürərək fəaliyyətə başlayan COLD KORONA TƏMİR TİKİNTİ MMC sahibi Fərəcov Yalçın Elman oğlu xeyli sayda rayon sakinlərinin evini təmir edəcəyi adı altında külli miqdarda pulunu dələduzluq yolu ilə mənimsəyərək, özü ilə gətirdiyi ustalarla birlikdə aradan çıxıb.

foto – Yalçın Cəfərov
Maraqlı hal odur ki, Yalçın Fərəcov ofisə işə götürdüyü işçilərin əməkhaqlarının 50%-ni ödəsə də qalan hissəsini ödəməmişdir.
Burada dələduzluq halları baş verdiyindən hesa edirik ki, aidiyyatı qurumlar məsələyə münasibət bildirəcək, lazım olan tədbirləri görəcəklər.
Mövzu diqqətimizdədir.

Bu günlərdə Göyçay rayonunda "COLD KORONA" MMC adı altında təmir tikinti işləri ilə məşqul olan dələduzun toruna düşən sakinlər və həmçinin tikinti materialları satışını həyata keçirən bir çox sahibkarlar çıxılmaz vəziyyətdə qaldıqları barədə hefteaz.com-a video material təqdim ediblər. Apardığımız araşdırmalardan məlum olur ki, bu MMC rəhbərinin ucbatından yerli sakinlərə 150 min manata yaxın ziyan dəyib.

01.08.2023 ci il tarixdə Göyçay Şəhəri Nizami küçəsində ofis icarəyə götürərək fəaliyyətə başlayan COLD KORONA TƏMİR TİKİNTİ MMC sahibi Fərəcov Yalçın Elman oğlu xeyli sayda rayon sakinlərinin evini təmir edəcəyi adı altında külli miqdarda pulunu dələduzluq yolu ilə mənimsəyərək, özü ilə gətirdiyi ustalarla birlikdə aradan çıxıb.

foto – Yalçın Cəfərov
Maraqlı hal odur ki, Yalçın Fərəcov ofisə işə götürdüyü işçilərin əməkhaqlarının 50%-ni ödəsə də qalan hissəsini ödəməmişdir.
Burada dələduzluq halları baş verdiyindən hesa edirik ki, aidiyyatı qurumlar məsələyə münasibət bildirəcək, lazım olan tədbirləri görəcəklər.
Mövzu diqqətimizdədir.

Beyləqan rayon xəstəxanasındakı vəziyyət hər kəsə bəllidir. Məlumdur ki, xəstəxananın əvvəlki direktoru Nurəngiz Bəşirova 3 Saylı Sabunçu Şəhər Klinik Xəstəxanasına direktor təyin olundu. Əslində bu mənim tərəfimdən təqdir olunur. Beyləqan rayon xəstəxanasına isə Bayram Muradovu təyin olundu. Daha doğrusu, Bayram doktoru Nurəngiz Bəşirova bu vəzifəyə təyin etdirdi. Danılmaz faktdır ki, Bayram Muradovun “karyera yüksəlişi” Nurəngiz Bəşirovanın “xeyir-duası” ilə reallaşdı. Yoxsa, nə illah olsa da Vüqar Qurbanov Bayram Muradovu qəti Beyləqan Rayon Mərkəzi Xəstəxanasına direktor təyin etməzdi. Niyə təyin etdi, hansı şərtlə təyin etdi bu bizi hələ ki, ilgiləndirmir. Fakt odur ki, Beyləqan xəstəxanasının direktoru dəyişdi. Yəni əl dəyişdi. Qaydalar isə dəyişməyib.
Artıq indi Beyləqan xəstəxanasında, necə deyərlər, hər şey yeni direktorun əli ilə “yerbəyer” olunur. Bu isə, İlanı Seyd Əhməd əli ilə tutmaq deməkdir. Məsələ ondadır ki, Bayram doktor da bu işdə yeni olduğundan, idarəetməni bilmədiyindən deyilənlərlə tez razılaşır. Həm də o çox sadəlövhdür.
Xatırladaq ki, Beyləqan rayon xəstəxanasında son illər işə götürülən işçilərin (tibb bacılarının) azından orta tibb təhsili yoxdur. Əksəriyyəti 3 ya 6 ay kurs keçmiş şəxslərdir ki, onlar Beyləqan xəstəxanasında tibb baçısı və baş tibb bacısı ştatlarına təsdiq olunub, işləyirlər. Hətta illərlə kənd xəstəxanalarında xadimə işləyən şəxslər var ki, sonradan onlar 3 aylıq kurs keçməklə tibb bacısı və yaxud baş tibb bacısı vəzifəsində işləyirlər. Xadimələrdə var ki, adları ştat üzrə xadimə kimi göstərilsə də, lakin hansısa “xidmətləri” qarşılığında qeydiyyayçı kimi kompüter arxasında otuzdurulublar. İnsafən desək, əvvəlki rəhbərliyin dövründə belə “ştat”lar olmurdu. Hər kəs öz işi ilə məşğul olurdu.
Hələ bunlar bir yana qalsın, xəstəxananın qaçaqar və sair kişi işçilərinin adı ştat üzrə hansısa şöbədə və həkim yanında xadiməçi gedir. Özləri kişi işi ilə məşğul olsalarda, ancaq adları ştat cədvəlində xadimə gedir. İndi təsəvvür edin ki, burda vəziyyət necə acınacaqlı, necə çirkindir. Axı kişi hara, xadiməçi hara… kişinin xadiməçi işləməsi hansı kitabda yazılıb, Vüqar Qurbanov? Olmaya, TƏBİB-in kitabında yazılıb biz xəbərsizik? Vüqar Qurbanov, onu da deyim ki, siz özünüzdə yaxşı bilirsiniz ki, Beyləqan xəstəxanasında nə baş verir, hansı həngamələrdən çıxılıb və çıxılırda. Sadəcə olaraq yaxşı mala çəkməyiniz var. Amma hara qədər? Hara qədər malalayacaqsınız, axı? Sizdən əvvəlki, Ramin Bayramlı da bir ara min hoqqadan çıxdı, nə oldu? Hardadı indi? Gec-tez əmin olun ki, sizdə onun taleyini yaşayacaqsınız.
Çox qəribədir ki, bu günləri Beyləqan xəstəxanasında baş verən bütün qanunsuzluqları yenə də köhnə rəhbərliyin və hazırda xəstəxananın insan resursları şöbəsinin müdiri Mətanət Qarayevanın üzərinə atırlar. Belə yerdə deyirlər, adın çıxınca canın çıxsa yaxşıdır. Güya ki, vaxtilə də elə indinin özündə də bütün işləri kadrlar şöbəsi qarışdırırmış. Hansı ki, bir müddət “tik-tok” və sosial şəbəkələrdə Nurəngiz Bəşirova ilə bağlı tənqidi yazıları və müəyyən əmrləşmə sənədlərini də kadrlar şöbəsi onlara ötürməklə ictimailəşdirilməsinə vəsilə olub. Nə köhnə rəhbərliyi nə də yeni rəhbərliyi kadrlar şöbəsi saymayıb, özü necə bilirmişsə elə də edirmiş. Biz sözlə, kadrlar şöbəsi iç düşmən imiş.
Bu gün də şəyə gəzir ki, elə köhnə rəhbərliyi də İnsan Resursları şöbəsinin müdiri Mətanət Qarayeva didərgin salıb. Hər dəfə onun qanunsuz işlərinə görə köhnə rəhbərlik hüquq mühafizə orqanlarında, prokurorluqda izahat verməli, dindirilməli olurdu. Güya bu üzdən də köhnə rəhbərlik bezdi və başını götürüb Bakıya qaçdı. Əslində isə onun heç Bakıya gəlmək fikiri yox imiş. Dolaşan söhbətlərə görə, Nurəngiz Bəşirova Sabunçu xəstəxanasına təyin olandan sonra Mətanət Qarayeva Beyləqan rayon xəstəxanasına direktor keçmək istəyirmiş, lakin N. Bəşirova buna imkan verməyib. Və o, çətinliklə də olsa Bayram Muradovu öz yerinə direktor təyin etdirib.
Biz isə öyrənmişik ki, Mətanət Qarayeva savadlı,bacarıqlı, işini bilən və özünə hörmət edən xanımdır. Hətta onun Beyləqan rayon xəstəxanasına direktor gəlmək arzusu belə olmayıb. N. Bəşirova ilə çox səmimi münasibətləri, ailə yaxınlıqları olub. Nurəngiz xanım Bakıya təyinat aldıqdan sonra M. Qarayeva da işdən çıxmaq istəyib, lakin yeni rəhbərlik onu xahiş minnətlə saxlayıb ki, ona kömək eləsin.
Öyrənmişik ki, Mətanət xanım dürüst, ləyaqətli və gözü tox xanımdır. Onun əvvəllərdə, elə indinin özündə də heç bir korruptiv işlərdə əl olmayıb. Yalnız ona nə deyilibsə, onu da edib. Deyilənləri etmək də idarəçilik prinsiplərindən biridir. Yəni qaydalara uyub, ona verilən əmri yerinə yetirib.
Biz qəti şəkildə Mətanət xanım barəsində dolaşan söhbətləri rədd edir, onun həqiqət olmadığını düşünür, məhz bunu sübut etmək üçün də 3 illik kadrlar şöbəsinin iş fəaliyyətini işlərinin yoxlanılması üçün ölkənin Baş prokurorluğuna müraciət etməyi düşünürük.
Gec-tez haqq öz yerini tapmalıdır. //reamedia.az//