 |
|
|
Lənkaran meşəsində kütləvi ağac kəsimi və torpq daşınması həyata keçirilir.
Bu barədə Ekologiya.az-a video və fotolar göndərilib.
Yaşıllıq əraziyə qənim kəsilənlər, gündüzlər meşenin dərinliklərində qiymətli gənc ağacları kəsib toplayır, gecələr isə gizlicə yük maşınlarla daşındığı bildirilir.
Meşəni qazıb torpaq daınması da yük maşınının izlərindən fotoda aydın görünür, bu vəziyyətə nail olanlar həm ərazini mal - heyvan otlağına çevib həm də yaşıllığa ciddi ziyan vururlar həmçinin meşə torpaqlarını "dədəmalı" kimi satılar.
Bütün bunları kimlər nə üçün etməsi məlum olsa da Lənkaran rayon meşə rəhbərliyi və gözəçiləri hələ də susurlar.
Ekologiya və təbii sərvətlər nazirliyinin mərkəzdə və regionlarda apardığı ekoloji tənzimləmələr, salınan böyük yaşıllıqlar, kadr islahatlarına baxmayaraq yenə də meşələrimiz ciddi problemlərlə qarşı- qarşıyadır.
Qeyd edək ki, Ekologiya və təbii sərvətlər nazirliyinin 1 saylı regional ekologiya idarəsi Lənkaran şəhər Osaküçə kənd ərazisində yerləşən meşəsində dəfələrlə reydlər aparıb, aktlar tərtib edib. Buna baxmayaraq görünür yaşıllığa qənim kəsilənlər mənafeləri uğrunda qanunları heçə sayıb, yaşıl dünyamızı qaraldırlar.
Daha ətraflı aşağıdakı videoda:
Mənbə: Ekologiya.az
Təqdim etdi: DİA-AZ.COM (ƏRSOYUN BLOQU)
Səhifəmiz bütün maraqlı tərəflərin rəy və mövqe ifadəsi üçün açıqdır...
Sumqayıt Apellyasiya Məhkəməsinin sabiq hakimi Şəmsəddin Abbasovun hakim olarkən vəzifəsindən sui-istifadə edərək, biznes monopoliyası yaratması barədə oxucularımıza bir neçə dəfə məlumatlandırmışıq.
Həmin məlumatlarda qeyd etmişdik ki, Azərbaycanda hər il dövlət və özəl şirkətlərin balanslarında olan avtomobillərin təmiri üçün külli-miqdarda vəsaitlər xərclənir. Qeyd etdiyimiz sahənin gəlirli olduğunu bilən Şəmsəddin Abbasov hakim işlədiyi dövrdə bacısı oğlu Arif Fətiyevin vasitəsi ilə avtomobil mühərriklərinin təmiri işinə girişib.
Şəmsəddin Abbasov işi böyütmək üçün vəzifə səlahiyyətindən sui-istifadə edərək, dövlət qurumlarının və özəl şirkətlərin rəhbərləri ilə müxtəlif vasitələrlə əlaqə quraraq balanslarında olan avtomobillərin təmir işlərini bacısı oğlu Arif Fətiyevə verilməsini təşkil etdirib. Məhz buna görədə hazırda "Körpü Bina Tikinti", "Əfqan Construction", "Şinkar Holdinq", "Evroscon" ASC, "Borusan Makina Azerbaijan", "Grand Motors" və "AzTexnika" kimi böyük şirkətlər avtomobillərin təmiri işlərinin tenderini Şəmsəddin Abbasovunda şərik olduğu Arif Fətiyevə verirlər.
AzFakt.com-a daxil digər məlumatda isə bildirilir ki, Şəmsəddin Abbasov avtomobil mühərriklərinin təmiri işi ilə bərabər həm də həyətyanı torpaq işinə də girişibmiş. Belə ki, Şəmsəddin Abbsovun hakim işlədiyi dövrdə hazırda bacısı oğlu Arif Fətiyevin işlətdiyi avtomobil mühərriklərinin təmir sexinin ərazisini və ətrafındakı torpaq sahələrini qanunsuz olaraq zəbt edib.
Abşeron rayon Masazır qəsəbəsi Rafiq Dünyamalıyev küçəsində yerləşən həmin torpaq sahəsinin böyük hissəsində Şəmsəddin Abbasovun bacısı oğlu dayısının dəstəyi ilə həyət evləri tikdirərək satıb. Bu işdə də Arif Fətiyvə şərikliyi və himayədarlığı Şəmsəddin Abbasovun etdiyi bildirilir.
Əldə etdiyimiz məlumata görə, hazırda Masazır qəsəbəsi, Rafiq Dünyamalıyev küçəsində yerləşən təmir sexinin ətrafında hasara alınmış bir çox torpaq sahələri keçmiş hakimə məxsusdur. Şəmsəddin Abbasovun Sumqayıt Apellyasiya Məhkəməsinin hakimi işlədiyi dövrdə bu əraziləri qanunsuz olaraq zəbt etdirdiyi bildirilir.
Mənbə: AzFakt.com
Teref. Xocanın Blogu
Məlumdur ki, ölkə vətəndaşları icbari tibbi sığorta ilə Xidmətlər Zərfinə daxil olub tibbi xidmətlərdən ödənişsiz istifadə edə bilərlər. Azərbaycan vətəndaşının tibbi xidmətə ehtiyacı yarandığı halda TƏBİB-in tabeliyindəki istənilən dövlət tibb müəssisəsinə, yaxud da Azərbaycan Respublikası Səhiyyə Nazirliyinin 9 elmi-tədqiqat institutuna şəxsiyyət vəsiqəsi ilə müraciət etmək hüququna malikdirlər.
Gündemxeber.az xəbər verir ki, tibb müəssisələrində insanlara ixtisaslı həkimlər tərəfindən lazımı tibbi xidmət göstərilir və tibbi zərurət olduqda təminata alınan bütün laborator, diaqnostik müayinələr, fizioterapiya, ambulator və stasionar (xəstəxanada yatış) tibbi xidmət ödənişsiz həyata keçirilir.
Dövlətin rəsmi qərarında bu belə olduğu halda, İcbari Tibbi Sığorta xəstələrin müalicəsi mümkün olan, eyni zamanda xəstənin öz istədiyi dövlət xəstəxanalarına göndəriş vermir. Misal üçün deyə bilərik ki, bugünlərdə Beyləqan RMX-dan Həmidova Dürrü Şəmsəddin qızına Tibb Universitetinin Tədris Cərrahiyyə Klinikasına göndəriş verməyiblər. Amma, İcbari Tibbi Sığortadan Dünyagöz Klinikasına, Badama, Brizelə və digər özəl klinikalara göndəriş verirlər. Bu da onunla bağlı olur ki, həmin özəl klinikalarda işləyən həkimlərlə İcbari Tibbi Sığortada çalışanlar müəyyən işbirliyində olurlar. Hansı ki, mövcud qanunvericiliyə görə xəstə müalicə olunmaq istədiyi səhiyyə müəssisəsini seçməkdə sərbəstdir. Bütün bunlara baxmayaraq, bu gün də İcbari Tibbi Sığorta öz əməllərindən əl çəkmək istəmir.
Qeyd edək ki, Həmidova Dürrü Şəmsəddin qızı belə bir problemi yaşayan xəstələrdəndir. Hansı ki, adı çəkilən bu xəstənin sağ gözü Tibb Universitetinin Tədris Cərrahiyyə Klinikasının göz şöbəsində əməliyyat olunub, hal-hazırda sol gözünün də əməliyyat olunmasına ehtiyac duyulur. Digər xəstə Ağacanova Səyyarə İsmayıl qızı da oxşar aqibəti yaşamaqdadır. Fakt budur ki, bu gün də xəstənin öz seçiminə bir kimsə əhəmiyyət vermir. Niyə, nə səbəbə? Söz yox ki, bütün bunların hər biri hər kəsi düşündürən məsələlərdir.
İcbari Tibbi Sığorta mövzuya münasibət bildirməyib.
Teref. Xocanın Blogu
Səhifəmiz hamnın üzünə açıqdı
Səhiyyə Nazirliyinin Akademik C.Abdullayev adına Elmi-Tədqiqat İnstitutunda növbəti qalmaqal baş verib. Buna İnstitutun direktoru Gülnaz Dadaşovanın 20 ilə yaxın infarkt şöbəsinə rəhbərlik etmiş tibb elmləri doktoru, professor Elman Ələkbərovu Elmi Şura üzvlüyündən çıxarması səbəb olub.
Bakupost.az -ın əldə etdiyi məlumata görə, bu günlərdə Elmi Şuradan iclasına qatılmaq üçün İnstituta gələn professor gözlənilməz situasiya ilə qarşılaşıb. İclas zalına daxil olarkən, İnstitutun işçiləri ona "Sizin adınız siyahıda yoxdur" deyiblər.
E.Ələkbərov bunun səbəbi ilə maraqlananda İnstitutun direktoru ona Elmi Şura üzvlüyündən uzaqlaşdırıldığını bildirib. "Məni üzvlükdən çıxarmısınızsa, onda niyə xəbər etməmisiniz, niyə mən səsvermədə olmamışam?" deyə soruşduqda isə Gülnaz Dadaşova professora "Siz "Bakupost"a müsahibə verəndə bəyəm mənə demişdiniz?" deyə cavab verib. Onun bu cavabına, həmçinin Elmi Şuradan prosedura zidd və qanunsuz şəkildə uzaqlaşdırılmasına əsəbiləşən E.Ələkbərov "Mən onsuz da sənin rəhbərliyin altında işləməyi öz səviyyəmə yaraşdırmırdım, ona görə də İnstitutdan getdim. Sən anestezioloqsan, necə kardioloq olduğun bəlli deyil, professorsan, necə müdafiə etdiyin bəlli deyil, idarəetməni, işçilərlə necə davranmağı da bilmirsən" deyərək, İnstitutu tərk edib.
Qeyd edək ki, bütün bunlar Elmi Şuranın iclas zalında, İnstitutun əməkdaşlarının gözü qarşısında baş verib.
Məsələ ilə bağlı E.Ələkbərovla əlaqə saxlasaq da, o bu barədə danışmaq istəmədiyini bildirdi: "Mən onun nə əleyhinə, nə də lehinə danışmaq istəyirəm". (Bakupost.az)
11 Saylı Regional Meşə Təsərrüfatı Mərkəzinin xidməti ərazisində yenidən kənd təsərrüfatı bitkiləri əkilib.
Yerli sakinlərin AzToday.az-a verdiyi məlumata görə, Göytəpə meşəbəyliyinin 12 və Cəlilabad meşəbəyliyinin 2 saylı meşə dolayında boş qalan sahələr şumlanaraq taxıl səpilib.
Cəlilabad rayonun Ağdaş kənd sakini, bir neçə il öncə meşə təsərrüfatından Əmək Məcəlləsinin 70-ci maddəsinin “ç” bəndi ilə işdən çıxarılmış Salayev Xaləddin Faiq oğlu 11 Saylı Regional Meşə Təsərrüfatı Mərkəzinin direktoru Nəsimi Nəsibov tərəfindən 4 ay öncə Göytəpə meşəbəyliyinin 12 saylı dolayına gözətçi təyin edilib. Qeyd edək ki, Əmək Məcəlləsinin tələblərinə görə, 70-ci maddənin “ç” bəndi ilə işdən çıxarılmış şəxsin yenidən işə götürülə bilməz. Amma Nəsimi Nəsibov 70-ci maddənin “ç” bəndi ilə işdən çıxarılmış bizə məlum olan iki şəxsi yenidən işə götürüb. Görünür, direktor ya qanunları bilmir, ya da özünü qanunlardan üstün tutur. Əks halda belə qanunsuzluqlara imza atılmazdı…
Göytəpə meşəbəyliyinin 12 saylı dolayına gözətçi təyin olunan Xaləddin Salayevin işə başlayar-başlamaz həmin dolayın ərazisində taxıl əkilməsi qaranlıq məqamlardan xəbər verir. Ümid edirik, ekologiya və təbii sərvətlər naziri Muxtar Babayev və Əmək Müfəttişliyi direktorun yol verdiyi qanunsuzluqlarla bağlı lazımi ölçü götürəcək.
Bu arada qeyd edək ki, qüvvədə olan Meşə Məcəlləsi və mövcud normativ aktlar meşə ərazində taxıl əkilməsini qəti qadağan edir…
Yardımlı rayonunda ekologiya içilərinin meşələrin kütləvi şəkildə məhv etməsindən xəbər vermişdik. Həmçinin, baş verən ekoloji cinayəti gizlədilməsinə cəhdlər edildiyini də bildirmişdik.
Qeyd edək ki, noyabrın 18-dən başlayaraq 11 Saylı Regional Meşə Təsərrüfatı Mərkəzinin 1 saylı meşəbəyliyinin 2 saylı dolayında yüzlərlə ağac işlik material üçün kəsilib. Və işlik material üçün lazım olmayan hissələr odun kimi satılıb.
Ləzir kəndinin sakinlərinin AzToday.az-a verdiyi məlumata görə, Ekologiya və Təbii Sərvətlər Nazirliyinin yayılan görüntülərlə bağlı apardığı yoxlamalar meşə təsərrüfatı mərkəzinin rəhbərliyinin məsuliyyətini azaltmaq məqsədi ilə keçirilib. Görüntülər yoxlama aparan ekologiya işçilərinin müdhiş saxtakarlığa əl atdığını göstərir. Belə ki, diametri 1.1 metr olan ağacı Rauf adlı ekologiya müfəttişi ölçü qoyulmamış 52 santimetr göstərir və bu barədə ölçünü götürən şəxsə piçıltı ilə bildirir. Görüntülərdə cinayət faktını əks etdirən səs aydın şəkildə eşidilir.
Meşə mafiyası niyə kəsilmiş ağaca 52 santimetrdən artıq ölçü qoymağa imkan vermir?
Azərbaycan Respublikası Nazirlər Kabinetinin 2019-cu il 31 yanvar tarixli 30 nömrəli Qərarı ilə təsdiq edilmişdir ki, meşə ərazisində diametri 52 sm-dən yuxarı kəsilmiş ağacın hər sm üçün 33 manat əlavə cərimə hesablanmalıdır. Deməli, 52 sm-ə qədər 50 manat hesablanır, ondan yuxarı isə hər sm-ə 33 manat üzərinə gəlir.
Bu arada ekologiya müfəttişlərinin videogörüntülərdə ölçüsünü azaltmağa çalışdığı sözügedən ağacın cəriməsi 50 manat yox, 1954 manatdan çox olmalıdır. Üstəlik adı “Qırmızı Kitab” a salınmış ağac olduqda isə bunun cəriməsi 5 mislinə vurulur. Həmin ağac şabalıdyarpaq palıd ağacıdır. Bu isə adı Qırmızı Kitaba daxiı edilmiş ağac cinsidir.
Meşə quldurları isə həmin ağacı şabalıdyarpaq palıd yox, şərq palıdı kimi qeydə alırlar. Halbuki şərq palıdının gövdəsinin diametrli 60 sm gəlib çatır, şabalıdyarpaq palıdın gövdəsinin diametri isə 100-150 sm.
Göründüyü kimi, meşə mafiyası təkcə adi ağacları yox, qanunla kəsilməsi qadağan olunan nadir agac cinslərini də məhv ediblər. Amma təbiəti qorumalı olan Ekologiya və Təbii Sərvətlər Nazirliyinin Meşələrin İnkişafı Xidməti baş verən ekoloji cinayət faktının miqyasını azaltmağa çalışır…
Mənbə: "Aztoday.Az"
Təqdim etdi: DİA-AZ.COM (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...
Mətbuatda 48 saylı notariat ofisinin xüsusi notariusu Səadət Hüseynovun Bakı şəhərində fərqli üç ünvanda, o cümlədən Baş Dövlət Yol Polisi İdarəsinin Qeydiyyat İmtahan İdarəsinin həyətində, bundan başqa “Meyvəli” deyilən yerdə Baş Dövlət Yol Polisi İdarəsinin (BDYPİ) Qeydiyyat İmtahan İdarəsinin həyətində və eləcə də Binəqədi şossesində də fəaliyyət göstərməsi barədə təəccüb doğuran informasiyalar dolaşır. Məsələ burasıdır ki, Azərbaycan Respublikasının Qanununa və Azərbaycan Respublikasının digər qanunvericilik aktlarına əsasən əqdlər, habelə ərizələr və başqa sənədlər notariusun və ya notariat hərəkəti aparan digər vəzifəli şəxsin iştirakı ilə imzalanmalıdır. Sual olunur: Əgər Səadət Hüseynov bir ofisdə əyləşirsə, digər ofislərdə sadalanan qaydalara necə əməl olunur?”
Təbiidir ki, 48 saylı notariat ofisinin rəhbərinin bunca geniş səlahiyyəti Ədliyyə Nazirliyinin Qeydiyyat və Notariat Baş İdarəsi, bu idarənin notariat sahəsinə nəzarət edən rəis müavini Mehman Soltanov verib. Diqqətəlayiq haldır ki, Səadət Hüseynovun ofisinin məhz BDYPİ-nin strukturlarının həndəvərində fəaliyyət göstərməsi əsasən avtomobillə, sahiblik, etibarnamə və s. ilə bağlı əməliyyatların təsdiqi məsələlərinin cazibədar olması ilə əlaqədardır.
KİV həmçinin yazır ki, Səadət Hüseynov BDYPİ-nin siqnal idarəsinin rəisi Müşfiq Rəhimovun yeznəsidir. Müşfiq Rəhimov isə uzun illər BDYPİ-nin Qeydiyyat-İmtahan İdarəsinin rəis müavini işləyib. Belə çıxır ki, eyni müştərilər yeznə və qayının xidmətindən istifadə ediblər.
Bu və digər məsələlərlə bağlı suallarımızı cavablandırması üçün Səadət Hüseynova zəng vursaq da, telefonun dəstəyini qaldırmadı. Salamlaşma və ilk suallarımızı mesaj formasında göndərəndən sonra cavab əvəzinə ondan hədələyici mesaj aldıq: “Xahiş edirəm artıq dərəcədə narahat eləməyin. Mən sizi tanımıram, qoy bizdə sizə nəzarət edən ağsaqqaları narahat etməyək»
Qərara gəldik ki, Səadət Hüseynovla söhbətimizin davamını örtülü mesaj statusundan ictimai müstəviyə keçirək. Əlbəttə, S.Hüseynov jurnalistlərlə söhbət etməyi nəinki özünə, heç 50 min manat qiyməti olan telefon nömrəsinə sığışdırmır. Malik olduğu başqa daşınar və daşınmaz əmlakları, nəhayətsiz kapitalı demirik, təkcə o telefon nömrəsini quru maaşla alması üçün orta statistik məmur yarım ömür xərcləməlidir.
Mövzuya qayıdacağıq.
Mənbə: Dəryaz.az
Təqdim etdi: DİA-AZ.COM (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...
"Göygöl Rayon Mərkəzi Xəstəxanası" publik hüquqi şəxs tenderləri ilə diqqət çəkib. Hurriyyet.az xəbər verir ki, son 4-5 ay ərzində xəstəxana 120 min manatdan çox tender "alış-verişi" edib.
Həmin siyahını təqdim edirik:
"NAM GROUP" MMC ilə - Avadanlıqların təmiri xidmətinin satınalınması - Məbləğ: 18.487,06 AZN
Bildirək ki, nizamnamə kapitalı 10 AZN olan şirkətin qanuni təmsilçisi Həmid Kamil oğlu Mustafayevdir.
Fiziki şəxs Ziya Qadir oğlu Əhmədov ilə - Yumşaq inventarların satınalınması - Məbləğ: 8.997 AZN
"SPARTAK-111" Məhdud Məsuliyyətli Cəmiyyəti ilə - Dəftərxana, təsərrüfat və bir sıra mal-materialların satınalınması - Məbləğ: 35.337,74 AZN
"SPARTAK-111" MMC-nin qanuni təmsilçisi Əliş Əhməd oğlu Şamıyev, nizamnamə kapitalı 200 AZN-dir.
Fiziki şəxs Tural Arif oğlu İsmayılov ilə - Mətbəə məhsulları üzrə xərclərin satın alınması - Məbləğ: 19.595 AZN
“Ozon Tibb Mərkəzi" Məhdud Məsuliyyətli Cəmiyyəti ilə - Laboratoriya xidmətinin satınalınması - Məbləğ: 59.013,53 AZN
"Ozon Tibb Mərkəzi" MMC-nin nizamanmə kapitalı 22 manat, qanuni təmsilçisi isə Famil Musayev İbrahimxəlil oğludur.
Bu avadanlıqların alınması sual altındadır. İlkin məlumatlara görə, Göygöl Rayon Mərkəzi Xəstəxanasına ayrılan 120 min manatlıq tender hələlik tam istifadə olunmayıb. Maraqlı məqam ondadır ki, ilin sonuna az bir müddət qalmasına baxmayaraq, hələlik tenderin pul məbləği ortada yoxdur.
Sosial şöbə
Azərbaycanda mənzil dələduzluğu bağışlanmaz cinayətdir. Bu, vətənə xəyanət qədər ağır günahdır. Çünki bir mənzilin fırıldaq yolu ilə satılması bir ailənin, bir ocağın evini yıxmaq deməkdir. Bu, ev arzusu ilə yaşayan uşaqları gözü yaşlı qoymaqdır. Bu, vətəndaşı vətəndən, dövlətdən küsdürməkdir. Bu, dövlətə etibarı sarsıtmaq, inamı öldürməkdir. Ona görə ki, tikintiyə icazə verən, ona təminat verən dövlətin strukturlarıdır. Amma ölkədə indiyə qədər neçə-neçə mənzil dələduzluğuna yol verən tikinti şirkətlərinin rəhbərləri həbs edilsə də, hələ də bu cür fırıldaqlarla məşğul olan və azadlıqda gəzənlər var. Onlardan biri də "İnşaat Konstruksiyaları” Məhdud Məsuliyyətli Cəmiyyətinin (MMC) vəzifəli şəxsləridir. Baxmayaraq ki, onların barəsində başlanmış cinayət işinin istintaqı tamamlanıb, hələ də şirkət sahibləri Bakıda bir mənzili bir neçı nəfərə sataraq varlanmaq dələduzluğuna davam etdirirlər. Anaxeber.info bildirir ki, təqsirləndirilən şəxs qismində "İnşaat Konstruksiyaları" MMC-nin sahibi Əliyev Rauf Rəhim oğlu, onun yaxın qohumu Əhmədov Rəsul Süleyman oğlu və Nəcəfov Zahir Vahid oğlu Cinayət Məcəlləsinin 177-189 - 178.4-cü maddələri ilə ittiham olunurlar. Bununla belə paytaxtın müxtəlif ərazilərində, hazırda Yasamal, Nəsimi rayonlarında yeni binalar tikməyə davam edərək yenə də eyni fırıldaqlarla məşğuldurlar. Onlar barəsində yekun ittiham elan edilərək cinayət işi baxılması üçün Bakı Ağır Cinayətlər Məhkəməsinə göndərilib. İşin bu yerə gəlib çıxmasına, məhkəmə prosesinin başlanmasına rəğmən, Rauf Əliyev və dəstəsi vətəndaşları aldadır, yüzlərlə belə mənzil alan şəxslərin ümidlərini puç edirlər. Bu azmış kimi, Rauf Əliyev yaxın çevrəsinə danışır ki, onu bu qanunsuz hərəkətlərə vadar edən guya dövlətin sifarişi ilə Pirallahı rayonunda şəhid ailələrinə bina tikməsi, sonra onun pulunu ala bilməməsi və itirdiyi məbləği kompensasiya etmək üçün dələduzluq etməyə başlamasıdır. Bu minvalla Rauf Əliyev Bakının ayrı-ayrı ərazilərində öz quldur dəstəsi ilə birlikdə binalar tikərək bir mənzili bir neçə nəfərə satmaqla pul qazanmağa davam edib. O, ətrafındakılara bildirir ki, sonrakı dövrdə də ona ayrılan torpaq sahələrində tikdiyi binalarda etdiyi fırıldağın pulları ilə digər dələduz əməllərini ört-basdır etməyə, şikayətçi vətəndaşları razı salmağa çalışıb. Və belə-belə Rauf Əliyev rəhbərlik etdiyi şirkəti vasitəsi ilə minlərlə insanı aldadıb. Bu günə qədər də aksiyalar keçirilib, şikayətlər olunub, nəticəsi yoxdur. Üstəlik, guya şəhid ailələrinə tikdiyi binanın pulunu ala bilməməsini bəhanə edərək fırıldağa yol verdiyini bəhanə etmək gülüncdür.
Qeyd edək ki, Cinayət Məcəlləsinin 177-189 - 178.4-cü maddələri ilə ittiham olunan 3 iş adamı ilə bağlı keçiriləcək istintaqa 280-dən çox zərərçəkən müraciət edib.
"İnşaat Konstruksiyaları" MMC-nin qanuni təmsilçisi, Rauf Əliyevin yaxın qohumu Əhmədov Rəsul Süleyman oğludur. "Dərəçiçək” MTK da Rauf Əliyevə məxsusdur.
Rauf Əliyevin şirkətləri 2016-cı ildə Bakının Yasamal və Nizami rayonlarında pilot layihələr çərçivəsində binalar tikib. Onlar dövlət tərəfindən icazəsi verilmiş 14 mərtəbəli binaların bəzilərini 17 mərtəbəyə kimi də yüksəldiblər. Rauf Əliyev vergidən yayınmaya görə də bir müddət əvvəl saxlanılmışdı.
Mənbə: Anaxeber.info
Teref. Xocanın Blogu
Səhifəmiz hamnın üzünə açıqdı
Sabirabad Regional Meşə Təsərrüfatı Mərkəzinin direktoru Vüsal Talıblı meşə ərazilərinin yararlı torpaqlarının böyük hissəsini müxtəlif şəxlərə icarəyə verib.
Ötən həftə Baş prokuror yanında Korrupsiyaya qarşı Mübarizə Baş İdarəsi Ekologiya və Təbii Sərvətlər Nazirliyi yanında Meşələrin İnkişafı Xidmətinin Meşə Fondunda əməliyyat həyata keçirdi. Prokroluğun rəsmi açıqlamasında bildirildi ki, Ekologiya və Təbii Sərvətlər Nazirliyi yanında Meşələrin İnkişafı Xidmətinin Meşə Fondunda istifadə şöbəsinin müdiri Sadiq Salmanov və həmin qurumun Meşələrin İnkişafı Xidmətinin Zaqatala Regional Meşə Təsərrüfatı Mərkəzinin direktoru Rəşad Mahmudov qanunsuz əməllərə görə həbs olunub. Toplanmış ilkin sübutlar əsasında Sadiq Salmanova Cinayət Məcəlləsinin 311.3.1 (qabaqcadan əlbir olan bir qrup şəxs tərəfindən rüşvət alma) və 311.3.2-ci (təkrar rüşvət alma) maddələri, Rəşad Mahmudova isə həmin Məcəllənin 311.3.1-ci maddəsilə ittiham elan edilib və onların hər ikisi barəsində məhkəmənin qərarı ilə vəzifədən kənarlaşdırma və həbs qətimkan tədbirləri seçilib.
Ekologiya və Təbii Sərvətlər nazirliyində gəlirli yerlərdən birinin məhz meşə sahələri olması hər kəsə bəllidir. Bir çox meşə idarələrinin rəhbərləri gizli şəkildə meşə torpaqlarının bir hissəsini müxtəlif adamlara icarəyə verməsi, daha məhsuldar olan əraziləri isə yaxın ətraflarına məxsus adamların adlarına rəsmiləşdirməsi ilə bağlı mətbuatda dəfələrlə məlumatlar yer alıb.
Belə məmurlardan biri də Sabirabad Regional Meşə Təsərrüfatı Mərkəzinin direktoru Vüsal Talıblıdır.
AzFakt.com saytına daxil olan məlumatda bildirilir ki, Vüsal Talıblı dövlətə məxsus meşə ərazilərinin yararlı torpaqlarının böyük hissəsini müxtəlif şəxlərə icarəyə verib. Həmçinin direktorun bəzi əraziləri özü əlkdiyidə qeyd edilir. Vəzifəyə təyin ediləndən torpaq icarəyə verilməsi işinə girişən Vüsal Talıblının bu işdən yaxşı qazanc əldə etdiyi bildirilir.
Qeyd edək ki, ölkə mətbuatında Vüsal Talıblının Sabirabad Regional Meşə Təsərrüfatı Mərkəzinin direktoru vəzifəsinə təyin edilməsi üçün 70 min manat xərc çəkdiyi iddia edilirdi.
Mövzunu diqqətdə saxlayacağıq.
Qarşı tərəfin mövqeyini dərc etməyə hazırıq.
Teref. Xocanın Blogu