Goranboyda suvarma şefinin TENDER OYUNLARI - BU DA FAKT!!!

Yaradılıb 24.05.2024 09:12 | Baxış sayı: 313

Ardını oxu...
İlqar Məhərrəmovun rəisi olduğu Goranboy Suvarma Sistemləri İdarəsi "tender marafonu"na 2021-ci ildən qatılsa da, ən böyük "planlar" 2022-2023-cü illərdə həyata keçirilib.

2021-ci ildən bu günə qədər İlqar Məhərrəmov 3 milyon manatdan çox pulu şirkət və idarələrə "paylayıb".
İdarənin 2021-ci ildən bu günə kimi baş tutan yüksək məbləğli "alış-veriş"lərini təqdim edir.

2021-ci ilin müqavilələri...

MELİORASİYA VƏ SU TƏSƏRRÜFATI AÇIQ SƏHMDAR CƏMİYYƏTİNİN GƏNCƏ İXTİSASLAŞDIRILMIŞ TƏMİR-QURAŞDIRMA VƏ SAZLAMA İDARƏSİ - LOT-2 Suvarma kanallarının lildən təmizlənməsi Məbləğ: 200.867,27 AZN

Qalib idarənin nizamnamə kapitalı 2400 AZN, qanuni təmsilçisi isə RAMİS İSMAYILOV HÜSEYN Oğludur.

İXTİSASLAŞDIRILMIŞ ELEKTRİK AVADANLIQLARI TƏMİR QURAŞDIRMA- SAZLAMA İDARƏSİ - LOT-4 Xan arxı kanalının torpaq məcaralı hissəsinin üzərindəki qurğularla birlikdə beton üzlüyə alınması -Məbləğ: 140.495,52 AZN

"ART-PROJE" MƏHDUD MƏSULİYYƏTLİ CƏMİYYƏTİ - Nasos stansiyalarının elektrik və mexaniki avadanlıqlarının cari təmiri üçün mal-materialların və ehtiyyat hissələrinin satın alınması - Məbləğ: 118.684,11 AZN

Bildirək ki, nizamnamə kapitalı 1370010 AZN olan MMC-nin qanuni təmsilçisi ƏKRAM ƏLİYEV MUSA OĞLU OĞLUdur.


2022-ci ilin "alış-veriş"i...

"TAYQA LTD" Məhdud Məsuliyyətli Cəmiyyəti - Subartezian quyularının elektrik və mexaniki avadanlıqlarının cari təmiri üçün mal-material və ehtiyyat hissələri satın alınması- Məbləğ: 263.948,3 AZN

Nizamnamə kapitalı 10 AZN olan MMC-nin qanuni təmsilçisi MÖVSÜM SÜLEYMANOV SÜLEYMAN OĞLUdur.

"SABİROĞLU" Məhdud Məsuliyyətli Cəmiyyəti -Maşın-mexanizmlərin və avtomobillərin cari təmiri üçün ehtiyyat hissələrinin satın alınması -Məbləğ: 199.774 AZN

Şirkətin Nizamnamə kapitalı: 50 manat, Qanuni təmsilçi SABİR CƏFƏROV SALEH OĞLUdur.

İXTİSASLAŞDIRILMIŞ ELEKTRİK AVADANLIQLARI TƏMİR QURAŞDIRMA- SAZLAMA İDARƏSİ - Xanarx kanalının (PK 135+00-PK 155+50) torpaq məcralı hissəsinin beton üzlüyə alınması və üzərində qurğularla birlikdə əsaslı təmiri (1876 km) işlərinin satın alınması -Məbləğ: 154.403,08 AZN

"CONSTRUCTİON TRADE" MƏHDUD MƏSULİYYƏTLİ CƏMİYYƏTİ - İdarə binasının təmiri işləri üçün mal-materialların satın alınması - Məbləğ:179.450,71 AZN

Nizamnamə kapitalı Cəmi 4 AZN olan şirkətin qanuni təmsilçisi ƏLİZADƏ HƏSƏNOV ƏMİR OĞLUdur.

"İQBAL-R" MƏHDUD MƏSULİYYƏTLİ CƏMİYYƏTİ - Subartezian quyularının (yeni quyu kolonunun qazılması, elektrik təsərrüfatının təmiri, su sayğacının quraşdırılması və abadlıq işləri) təmiri işlərinin satın alınması - Məbləğ: 168.334,26 AZN

Bu şirkətin qanuni təmsilçisi RAHİM ZEYNALOV ZAHİD OĞLU, nizamnamə kapitalı 50 AZN-dir.

"ART-PROJE" MƏHDUD MƏSULİYYƏTLİ CƏMİYYƏTİ - Xüsusi vəsait hesabına subartezian quyularının elektrik və mexaniki avadanlıqlarının cari təmiri üçün mal-material və ehtiyyat hissələrinin satın alınması - Məbləğ: 56.089,83 AZN

2023-cü ilə baş tutan tender müqavilələri...

ART-PROJE" MƏHDUD MƏSULİYYƏTLİ CƏMİYYƏTİ - Subartezian quyularında hidromexaniki və elektrotexniki avadanlıqlar üçün mal-material və ehtiyyat hissələrinin satın alınması - Məbləğ: 194.211,83 AZN

OSKAR-AR MMC - Subartezian quyularının əsaslı təmiri və smeta sənədlərinin hazırlanması işlərinin satın alınması - Məbləğ: 503.839,21 AZN

Bu tenderrin diqqət çəkən məqamı, İlqar Məhərrəmovun yarım milyon manatı 10 manatlıq şirkətə köçürməsidir. Belə ki, qanuni təmsilçisi ZİYA MUSAZADƏ VAQİF OĞLU olan şirkətin nizamnamə kapitalı 10 AZNdir.

"PERLİT" MƏHDUD MƏSULİYYƏTLİ CƏMİYYƏTİ - Suvarma kanallarının mexanizmlə lildən təmizlənməsi işlərinin satın alınması -Məbləğ:123.433,55 AZN

Perlit MMC-nin nizamnamə kapitalı 300 AZN , qanuni təmsilçisi MƏHƏRRƏM ÖMRÜMOV XANSUVAR OĞLUdur.

"AVTO TEXNİKA DETALİNG" Məhdud Məsuliyyətli Cəmiyyəti - Nəqliyyat vasitələri və maşın mexanizmlər üçün ehtiyyat hissələrinin satın alınması -Məbləğ:183.997,4 AZN

Bu şirkıətin isə nizamnamə kapitalı 20 AZN, qanuni təmsilçisi TEYMUR MÜSLÜMOV ƏKRƏM OĞLUdur.

"HMX TİKİNTİ TİCARƏT" Məhdud Məsuliyyətli Cəmiyyəti - İdarə binasının əsaslı təmiri işləri üçün mal-materialların satın alınması -Məbləğ:79.646 AZN

Nizamnamə kapitalı 10 AZN olan şirkətin qanuni təmsilçisi İNTİQAM RÜSTƏMOV FİRUDİN OĞLUdur.

"SUTİKİNTİ-TƏMİR” MMC - 3 pilləli Səfikürd nasos stansiyasının 1-ci pilləsində (D=1020 x10mm,L=9.0 km) boru xəttinin təmiri işlərinin satın alınması - Məbləğ: 216.400 AZN

Bildirək ki, nizamnamə kapitalı 20 AZN olan MMC-nin qanuni təmsilçisi ƏRƏSDUN İSMAYILOV FƏHRAD OĞLUdur.

Qeyd etmək mütləq yerinə düşər ki, burada göstərilə müqavilələr yüksək məbləğli olanlardır. Bu yazıda sadəcə sürtkü yağına 31 min manatdan çox pul xərclənməsi, dəyəri önəmli olmayan müqavilələr üçün xırda da olsa tender müqavilələrinin bağlanması kimi xırda detallar qeyd edilməyib.

Aidiyyəti qurumlardan xahiş olunur ki, Goranboy Rayon Suvarma Sistemləri İdarəsinin maliyyə şöbəsi, Suvarma İdarəsinə ayrılan Tenderlərin maliyyəsi, yazıda sözü gedən yerlərə xərclənməsi araşdırılsın. Şübhə doğuran odur ki, təkrar olaraq adı dəyişikliyi olduğu halda yenidən Goranboy Rayon Suvarma İdarəsi müxtəlif illərdə Tender elan edibdir.

Hurriyyet.az
 

BU LAP AĞ OLDU: Hamilə qadınların cibinə göz dikirlər... - "Qorxuram ki, sonra acığa düşüb...

Yaradılıb 24.05.2024 09:10 | Baxış sayı: 335
Ardını oxu...
"Hər kəsdən üzr istəyirəm, mən ana olmağa hazırlaşıram. Yaşadığım Xətai rayonunda 10 Saylı Qadın Məsləhətxanasında (dəyişib 4 saylı olduğunu deyirlər) qeydiyyatdayam..." Dia-azinfo bildirir ki, bunu öz gileyində Gülarə Həmidova adlı şikayətçi ifadə edib.

Narazı vətəndaş daha sonra yazır: "Məni həmin məsləhətxanaya bir həkimə yönləndirdilər. Mən bir neçə aydır ora gedirəm... əvvəlcə hər şey pulsuz idi. Lakin, bildirdilər ki, 3 dəfə "UZİ"yə düşməyi sığorta qarşılayır, amma sonrakıları hər "UZİ"-yə düşəndə (15 manat) ödəməlisən.

Amma icbari sığorta ilə də danışdım, eyni zamanda mənim kimi qeydiyyatda olduğu yerə başqa yerə gedən hamilə tanışlardan da soruşdum dedilər ki, 10 dəfə də "UZİ"yə düşsən, pulsuzdur.

Mən bu xəstaxananı hara şikayət edə bilərəm?

Onsuz da hər dəfə gücüm çatandan hörmət edirəm, amma məcbur etmələri xoşuma gəlmir.

Sığorta, dövlət belə demir desəm, qorxuram ki sonra acığa düşüb cavabları düz deməz yaxşı baxmaz.

Ona görə səssiz-sədasız şikayət etmək istəyirəm... Hara şikayət edə bilərəm?"
 

Zakir İbrahimov SİLİSƏ ÇƏKİLİR... - İTTİHAM VAR...

Yaradılıb 24.05.2024 08:31 | Baxış sayı: 213
Ardını oxu...
Adı kifayət qədər qalmaqallarla müşaiyət olunan “AzerGold” QSC-nin rəhbərliyində dəyişiklik gözlənilir. Bu barədə dia-az.info-ya mötəbər mənbələrdən informasiya verilib.

Xəbəri verən qaynaq iddia edir ki, yaxın günlərdə sözügedən QSC-də ciddi islahatlar aparılacaq.

Mənbənin söylədikləri: "Məlumdur ki, hazırki rəhbərlik kifayət qədər reputasiyası korlanmış hesab olunur. O da məlumdur ki, ölkəmiz ciddi bir tədbirin - COP29-un tədarükündədir və bütün dünyanın diqqətinin üzərimizdə olduğu bir məqamda adı yetərincə yıpranmış və məhjz EKOLOJİ QALMAQALLARDA hallanmış simalar hazırda ölkəmiz üçün ÜMUMİ BƏLA hesab olunur ki, hazırda da “AzerGold” QSC məhz belələrinin rəhbərliyi altındadır".

Qeyd edək ki, “AzerGold” QSC-nin İdarə Heyətinin sədri postunu Zakir İbrahimov tutur ki, onun adı təkcə təhlükəli işlərdə yox, həm də bir sıra yeyinti məsələlərində də hallanıb ki, günü bu gün də həmin məlumatlar yerli elektron KİV-də yer almaqdadır.

Görünəni odur ki, məhz belə bir keyfiyyətdə olan kadr hazırki məqamda rəsmi Bakı üçün heç də arzuolunan hesab olunmur.

Əlavə bilgilərimiz olacaq... Bizi izləyin...

ANONS

1. Zakir İbrahimov nədən hədəf hesab olunur?

2. “AzerGold” QSC-nin İdarə Heyətinin sədrinə qarşı maliiyyə ittihamları...

Bütün bunlar növbəti yazıda...
 

Zirzəmisi oyulan bina yıxılanda kim cavab verəcək - Kəmaləddin Heydərovmu, Abdin Fərzəliyevmi? -VİDEO

Yaradılıb 24.05.2024 08:27 | Baxış sayı: 171
Ardını oxu...
Xırdalan şəhəri, Qalibiyyə küçəsi (köhnə adla Nəsibə Zeynalova küçəsi), 27 ünvandakı (bazarın və bələdiyyə binasının yaxınlığı) binanın zirzəmisində şəhərsalma və tikintiyə dair normativ sənədlərin tələblərinə zidd olan dəyişikliklər edilməsi, binanın bünövrə və konstruksiyasına bu cür özbaşına müdaxilənin onun etibarlılığını və təhlükəsizliyini azaltması, beton təbəqələrin kəsilərək qapı oyuğu açılması, dayanıqlığı təmin edən armaturların doğranması barədə narahatlığımızı portalımızda dərc olunan “Abdin Fərzəliyev yaşayış binasını qəzalı vəziyyətə salıb?” sərlövhəli, video-materialla müşayiət olunan tənqidi məqaləmizdə bildirmişdik. Sözügedən neqativ faktla bağlı ölkə Prezidentinə, Birinci Vitse-Prezidentə, Baş nazirə, Fövqəladə hallar nazirinə, Dövlət Şəhərsalma və Arxitektura Komitəsinin sədrinə, Abşeron rayon İcra Hakimiyyətinin başçısına ünvanladığımız 6 mart 2024-cü il tarixli məktublarımızda sözügedən binanın zirzəmisinin sakinlərin sözlərinə görə, Abşeron Rayon İcra Hakimiyyətinin Mənzil Kommunal Təsərrüfat Birliyinin Abadlıq və Kommunal Xidmətlər İdarəsinin rəisi Mehman Səfərov tərəfindən peşəsi həkim olan bir şəxsə satıldığı barədə informasiyanı, habelə Mehman Səfərovun özünün bu məsələ barədə sualımıza verdiyi cavabı qeyd etmişdik: “Həmin işlər mənlik deyil, yaxşı olar ki, bu kimi suallarınızı Abşeron rayon icra Hakimiyyətinin başçısı Abdin Fərzəliyevə verin. Bilmək lazımdır ki, bu rayonun ərazisində bütün işlər icra başçısının razılığı ilə həyata keçirilir. Halbuki, “Nyus.az” xəbər portalında gedən məlum başlıqlı məqaləyə Abşeron Rayon İcra Hakimiyyətinin feyzbuk səhifəsindən yazılmış şərhdə bildirilir ki, sözügedən videoda nümayiş olunan neqativ halın tez bir zamanda aradan qaldırılması üçün RİH-nin Memarlıq və Tikinti Şöbəsinə və Abadlıq və Kommunal Xidmətlər İdarəsinə müvafiq tapşırıqlar verilmişdir.
Deməli, Mehman Səfərov bunca qanunsuz işlərə rəvac verməklə, əlbəttə ki, ona etimad göstərmiş icra başçısı Abdin Fərzəliyevin fəaliyyətinə kölgə salır. Başqa sözlə, idarə rəisi ictimaiyyətdə elə rəy yaratmağa çalışır ki, guya icra başçısı “dovşana qaç, tazıya tut” deyir. Hərçənd, nə bilmək olar? Bizə qəribə gələn budur ki, faktla bağlı tərəfimizdən məktubla müraciət edilən adresatlardan biri də Abşeron rayon rəhbərliyidir və icra hakimiyyəti zirzəmidə aparılan qanunsuz işlərin təcili dayandırılması üçün heç də tələsmir. Qarşıdan Novruz bayramının gəldiyini nəzərə alsaq, keçmiş müşahidələrimizdən çıxardığımız təcrübəyə əsasən deyə bilərik ki, yəqin vaxtı uzatmağa çalışırlar – ümid edirlər ki, tətil günlərində “dərə xəlvət” olacaq, “tülkü bəylər” də öz işlərini sürətlə görüb-bitirəcəklər.
Amma məsələ burasıdır ki, Allah eləməmişkən, sabah zirzəmisinin dayaqları sökülmüş bina uçub-dağılsa, bunun cavabını kim, hansı vəzifəli şəxs verəcək, FHN rəhbəri cənab Kəmaləddin Heydərovmu, Abşeron RİH başçısı cənab Abdin Fərzəliyevmi? Problemin faciə ilə sonuclanmasını qabaqlamaq üçün qeyd olunan yaşayış binasının zirzəmisinə aidiyyəti orqanların əməkdaşları baxış keçirməli, vəziyyəti yerində qiymətləndirməli, lazımi ölçü götürməli, ən əsası isə söküntü işlərini dərhal dayandırmalıdırlar. Ən nəhayət, təqsirkarlar müəyyənləşdirilərək, barələrində müvafiq tədbir görülməlidir. Bizə qəribə gələn budur ki, faktla bağlı tərəfimizdən məktubla müraciət edilən adresatlardan biri də Abşeron rayon rəhbərliyi, cənab başçı Abdin Fərzəliyevdir.
Vahid Məmmədov,./nyus.az)

 

Sabirabad Rayon Mərkəzi Xəstəxanasında yeni direktorla yeni "qanun"-lar - Xəstəxananı açıq bazara çevirib...

Yaradılıb 24.05.2024 08:24 | Baxış sayı: 201
  
Ardını oxu...
Bir neçə gün öncə Sabirabadda ana ölümü baş verib. Əzimova Sevinc Elman qızı doğuş zamanı dünyasını dəyişib. Artıq fakt ört-basdıır edilib. Belə işlərdə çox mahirdilər. Amma necə deyərlər, yerin də qulağı var. Məlumat gec-tez sızır. Bizə də Sabirabaddan sədalar gəlib çatır.
Keçən il Sabirabad Rayon Mərkəzi Xəstəxanasının direktoru Ənvər Lümənovun yerinə Həsən Hüseynov təyin edildi. Buna qədər o bir çox yerdə işləyib. Bərdə Diaqnostika Mərkəzi və s. Ən son işi Ağcabədi RMX direktoru olub. Deyirlər, Həsən doktor Sabirabada göndəriləndə Ağcabədidə deyirlərmiş buna görə yeddi qurban kəsilməlidir. Çünki rayonda səhiyyəni daha da pis günə qoyubmuş. Ondan əvvəlki direktoru korrupsiya əməllərinə görə dövlət orqanları cəzalandırmışdı. Bundan sonra gözləyirdilər ki, Həsən doktor ciddi bir düzəliş edər. Ancaq bu da elə köhnə qayda ilə davam edib. Camaat şikayəti günü-gündən artırdı. İndi də "iş təcrübəsi"ni adamları ilə birlikdə Sabirabada daşıyıb. İşlərini Elnur adlı ağxalatlı əlaltısı vasitəsi ilə düzüb qoşur. Məsələn, deyilənə görə Rasim Gözəlov adlı həkimi 30 min manat qarşılığında rayon poliklinikasına müdir qoyub. Rasim həkim əvvəllər VTEK deyilən əlilliyin təyin edildiyi agentlikdə işləyib. Saxta sənədlər verməkdə usta olub. Əmək Məcəlləsinin 70 c maddəsi ilə işdən azad olunub. İndi isə Həsən doktorun əsas kadrlarından biridir. Rasim gizli işləri, saxtalıqları Alıyev Cavanşir Cabbar oğlu ilə görür. Hər gün axşam işdən sonra Həsənə hesabat verilir. Hamısının da aylıq "hörmət" öhdəliyi var.
Tahir Mehdiyev adında adamı təcili yardıma müdir təyin edib. Tahir Sabirabadda patoloji ekspertizanın rəisi olub. Korrupsiya idarəsi tərəfindən saxlanılıb, 6 il iş alıb. O vax cavan katibəsi bədbaxt etdiyi barədə danışırlar.
Həsən Hüseynovun "ehtiyat cib"lərindən biri isə Saatlıdan gətirilmiş Raqib Əliyevdir. Deyirlər, xəstədən çox cibləri yoxlamağı yaxşı bacarır.
Həsən doktorun daha bir üsulunu da bilin. Əslində bu hallar tək Sabirabadda olmur. Xəstələri əvvəldən anlaşdıqları özəl klinikalara yönəldirlər. Göndərilən xəstə sayına uyğun olaraq geri ödəniş gəlir. Yəni cibdən cibə. Dövlət büdcəsini yan keçərək. Məsələn, Həsən doktor işini PHOTOMED klinikası ilə görür. MRT, KT üçün vətəndaşlara zəng edilir və israrla PHOTOMED klinikasına gəlmələri istənilir. Az qala məcbur edilirlər...Daha xəstəxana daxilində Həsən doktorun qoyduğu qiymətləri yazmıram. Yazsam, uzun bir siyahı çıxacaq. O da qalsın başqa yazıya.
Sima Babayeva
TEREF
 

Naziri kimlər aldadıb? - İTTİHAM VAR...

Yaradılıb 23.05.2024 10:41 | Baxış sayı: 346
 
Ardını oxu...
     

Beyləqan təhsilinə təyin edilmiş rəhbər saxta diplomludurmu deyə sual edirik. Amma “görünən dağa bələdçi nə gərəkdir” hazırda araşdırmamızdan əldə etdiyimiz sənətlərin həqiqiliyinin yoxlanması naminə həmin sənədlərin nüsxəsini Baş Prokurorluğa ünvanlamışıq. Tiktok hesabından Elvin Abbasovun saxta diplomu ilə vəzifəyə gətirilməsinin təfərüatları baxımından bəhs edən məqaləmizə görə, bu gün təhqirdə edildik. Lakin qeyd edək ki, hər bir ərizə sualın bir mərzədə cavabı var. Elvin Abbasov və ya yaxınları olan şəxslər tərəfindən əxlaqsız ifadələrə məruz qalsaqda bunlar peşə fəaliyyətimizi icra etmək üçün maneə deyildir.
Beyləqan Təhsil Sektoruna rəhbər təyin edilən Elvin Abbasov Sevdimalı oğlu eks Təhsil Nazirlərin müraciətlərə baxışı zamanı rədd edilib. Şəxsin nəyinki təhsil sektoruna hətta direktor imtahanlarına qəbuluna qadağa qoyulub. Aparılan islahatlar Elm və Təhsil Naziri Emin Əmrullayevin vasallarının etmədiyinə imza atması bir mənalı qarşılanmayıb. 25.03.2023-cü il tarixində verilmiş əmrlə Elvin Abbasov Sevdimalı oğlu Təhsil Sektor müdiri təyin edilir. Nə təsadüf ki Mİl-Muğan Regional Təhsil Müdiri Rəşad Musayevin təyuin edilməsindən sonra Elvin Abbasovun bəxti gətirməyə başlayıb. E.Abbasovun diplom sahibi olmasına şərait yaratmış mərhum RTŞ müdiri Tofiq Sadıqov olduğuda Beyləqanda bilinən məlumatlarda yer almaqdadır. Hələ Beyləqan Təhsil Şöbəsinin rəhbəri işləmiş Tofiq Sadıqov bir çox qanunsuz əməlləri ilə medianın gündəmindən düşməyən rəhbər şəxslərdən idi. 2023-cü ildən isə onun qanundan kənar əməllərinin biridə vaxtiykən oturduğu kresloya sahiblənib. Nəticəsini Beyləqan təhsili çəkmək məcburiyyətindədir desək yanılmarıq. Buna nümunə olaraq Beyləqan şəhər və kənd məktəblərinin bir çoxunu misal çəkmək olar. Məsələ ilə bağlı detaları isə gələn yazımızda oxuculara təqdim edəcəyik.
Nazirin Elvin Abbasovu Beyləqan Rayon Təhsil Sektorunun rəhbəri vəzifəsinə təyin edilməsi ilə bağlı əmri imzalamasında aparat oyunlarının rolu var. Aparat oyunu əslində illərdir davam edir. Kimi uzaqlaşdırmaq istədikdə və ya harasa vəzifəyə gətirmək cəhdlərində məhs bu aparat oyunları mexanizmi işə düşür. Lakin saxta diplomlu birinin təhsil sektoruna müdir təyin edilməsində kiminsə rolu olmalıdır. Çox maraqlıdır görən bu təqdimatı edən şəxs kimdir? Bu kilid adın nazirin yaxınında olan şəxs olması məlumdur! (yazılarımızda qeyd ediləcək)
Abbasov Elvin Sevdimalı oğlu Azərbaycan Respublikası 2 saylı İnzibati-İqtisadi Məhkəməsinin hakimi Mustafayev Etibar Mustafa oğlunun sədrliyi ilə №2-1(82)2963/2016 nömrəli iş üzrə keçirilən prossesi zamanı Təhsil Nazirliyinə sorğu göndərilib. E.Abbasovun diplomunun saxta olub olmaması təsdiqinin təlqin edilməsi üçün vacib olan cavab yubanmadan Təhsil nazirliyindən verilir.
Sorğu: “Azərbaycan Müəllimlər İnistitunun 2004-2009-cu illərdə Abbasov Elvin Sevdimalı oğlunun Coğrafiya ixtisası üzrə təhsilinin olub-olmadığı məhkəmə tərəfindən sual edilib.”
Cavab: “Qeyd edilir ki, Azərbaycan Müəllimlər İnistitunun 2004-2009-cu illərdə Coğrafiya ixtisası üzrə Abbasov Elvin Sevdimalı oğlunun rəsmi Tələbə Qəbulu bazasında heç bir qeydiyyatına rastlanmamışdır. Digər tərəfdən isə həmin sorğuya cavab olaraq ADİU tərəfindən Təhsil Nazirliyinə verilən məlumatda qeyd edilən illərdə tələbə siyahısında Abbasov Elvin Sevdimalı oğlunun adı yoxdur.
Hakimə təqdim edilən sorğuya cavabda qeyd edilən cavab göründüyü qədər “şirinliyin” qarşısında bəs etməyib. Nazirliyin verdiyi cavab şəxsin hər hansı kursda təlimdə iştirakına baxmayaraq onun diplomunun qanuni olmasın təmin edilməsinə izin vermir. Lakin 19 avqust 2016-cı il tarizxində A-774/18-24 saylı Təhsil Nazirliyi tərəfindən göndərilən məktubda buna maddi subutdur.
Ardı gələn yazımızda.

BakuNews.az

Yuxarı instansiyalar Ramin Abdullayev barədə cəza tədbiri görə bilmir? – VİDEO

Yaradılıb 23.05.2024 09:09 | Baxış sayı: 224
Ardını oxu...
Şəhərsalma və Arxitektura Komitəsinin Ərazi Tikinti Planlaşdırma Mərkəzinin sədri Ramin Abdullayevdən şikayətlərin gündən-günə çoxalması Komitə sədri Anar Quliyevi çətin vəziyyətə salıb.Ərazi Tikinti Planlaşdırma Mərkəzinin sədrinin fəaliyyətinin aidiyyatı instansiyalarda müzakirəyə çevrilməsi isə bu qurumun başı üzərini qısa zamanda “qara bulud”ların alacağını istisna etmir.
“Yeni Gundem” xəbər verir ki, Dövlət Arxitektura və Şəhərsalma komitəsinin nəznində olan Ərazi Tikinti Planlaşdırma Mərkəzinin sədri Ramin Abdullayevlə bağlı ağır ittihamların yer aldığı material yerli KİV-də yayılsa da, ortada ciddi tədbirlər müşahidə olunmur. Səslənən ittihamlara görə, Ramin Abdullayev ölkə başçısının yaratdığı şəffaf biznes mühitinə kölgə salaraq tikinti biznesinə ciddi zərbə vurur.”
Görünən odur ki, Ramin Abdullayev öz “biznes bacarığı” sayəsində kifayət qədər şöhrət qazanan, media və sosial mediada populyarlıq əldə edə bilib. Lakin nə qədər qəribə olsa da, media Ramin Abdullayevin göydələn biznesi haqqında məlumatsızdır. Halbuki, bu biznes İdarə Heyətinin sədrinin əsas gəlir mənbələrindən biridir.
LİNK:https://vt.tiktok.com/ZSYNwPC8N/
Ərazi Tikinti-Planlaşdırma Mərkəzinin İdarə Heyətinin sədri Ramin Abdullayev 4 ildir ki, yüzlərlə Gəncə sakinini sözün həqiqi mənasında Kərbala müsibəti yaşatmaqdadır.
Məhz bu yolla Ramin Abdullayev hər ay onlarla mənzil ələ keçirir ki, bu da onu nəinki paytaxtın, bütün ölkənin ən çox mənzi sahibi olan adamına çevirir.
LİNK:https://vt.tiktok.com/ZSYNwUCMD/
Nəhəng daşınmaz əmlak imperiyasına malik olan Ramin Abdullayev iş adamlarını, tikinti şirkətlərini inşa edilən hər binadan ona “xərac” verməyə məcbur etməklə öz mülklərinin sayını sürətlə artırmaqdadır. Bəzi iş adamları Ramin Abdullayevin qanunsuz tələbini qarşılaya bilmədikləri üçün öz layihələrini illərlə gerçəkləşdirə bilməmiş, maddi baxımdanböyük itkiyə məruz qalmış, dövlətdən narazı salınmışdır.
Xülasə, sədri olduğu idarənin adı ilə əməlləri uyğun gəlməyən Ramin Abdullayev tam bir yoxlanmalı məmurdur. Nəzərinizə çatdıraq ki, Ramin Abdullayev 2021-ci ildən Arxitektura və Şəhərsalma komitəsinin nəznində olan Ərazi Tikinti Planlaşdırma Mərkəzinin sədri vəzifəsində çalışır. Ancaq buna çalışmaq demək olmaz, çapmaq, talamaq demək olar.
Ola bilsin ki, dövlət rəhbərliyi bu qədər işlərin, sıx qrafikin içində onun əməllərindən xəbərsizdir. Amma Bakının Baş Planı açıqlandığı, 2040 planları qurulduğu bir zamanda Ramin Abdullayevin fəaliyyəti araşdırılmalıdır. Bilinməlidir ki, onun Bakının Baş Planına vurduğu zərbə, dövlət əleyhinə apardığı iş nədən ibarətdir. Bilinməlidir ki, Baş Plana balta vuran, şəhəri az qala kəndə-kəsəyə çevirən, harda gəldi rüşvət aldığı üçün tikintiyə icazə verən, Şəhərin tikinti planlaşdırmasını pozan Ramin Abdullayev əslində hansı xəyanətlə, siyasi rəhbərliyə hansı pisliyi etməklə məşğuldur. Ona görə onun kabinetinin qapısı döyülməmiş içəri girilib siyirməsindəki sənədlər yoxlanmalı, qara dəftəri oxunmalıdır
Aldığımız məlumata görə, Ramin Abdullayev yüksək vəzifəyə getmək üçün dəridən-qabıqdan çıxıb və yuxarı instansiyaların qapılarında qalıb, xaişlər edir.
P.S. Qarşı tərəfi də dinləməyə hazırıq.
Yenigundem.az

 

SƏBUHI ƏHMƏDOV “BÖYÜK QAYIDIŞA” INANMIR – “QAÇQINKOM”UN VƏZIFƏLI ŞƏXSI CƏRIMƏDƏN NƏTICƏ ÇIXARMIRSA, CƏZALANDIRILMALIDIR

Yaradılıb 23.05.2024 08:34 | Baxış sayı: 176
Ardını oxu...
Aprelin əvvəlində məlumat yayıldı ki, Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamentinin direktoru Səbuhi Əhmədov cərimələnib. Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Səbuhi Əhmədova İnzibati Xətalar Məcəlləsinin 192.4-cü maddəsi ilə cərimə yazıb.

Bu maddə işçinin əmək və məzuniyyət haqlarının, ezamiyyə xərclərinin, əmək qanunvericiliyində nəzərdə tutulmuş müavinət və digər ödənişlərin hesablanmasında və ödənilməsində, riyazi hesablamalar nəticəsində yol verilən nöqsanlar istisna olmaqla, qanun pozuntularına yol verilməsi ilə bağlıdır. 192.4-cü maddəyə əsasən, vəzifəli şəxslər 700 manatdan 1500 manatadək məbləğdə cərimə edilir.

Səbuhi Əhmədov dövlət xidmətinin qərarından məhkəməyə şikayət ərizəsi ilə müraciət edib. Onun şikayəti Binəqədi Rayon Məhkəməsinin hakimi Aynurə Sadıqovanın icraatına verilib. Ötən müddət ərzində məhkəmənin hansı qərar çıxardığı barədə informasiya yoxdur. Hərçənd, bu dəfəki söhbətimizin mövzusu bu deyil.

Xatırladaq ki, Səbuhi Əhmədov 2003-2006-cı illərdə “Azneft” İstehsalat Birliyinin baş direktoru, daha sonra “Balaxanıneft” Neft Qaz Çıxarma İdarəsinin rəisi vəzifəsində çalışıb. Bu günlərdə redaksiyamızın elektron poçtuna daxil olan məlumata görə, mayın 2-də Səbuhi Əhmədovun rəhbərlik etdiyi departament “Kral” Təmir Tikinti MMC təmir-tikinti şirkəti ilə Bakıda Abşeronda və digər rayonlarda müvəqqəti məskunlaşmış məcburi köçkünlərin mənzillərinin təmiri təyinatı ilə 685700 (Altı yüz səksən beş min yeddi yüz) manat məbləğində müqavilə bağlayıb. Məlumatda bildirilir ki, sözügedən MMC-nin özünün xeyli vergi borcu var. “Satınalmalar haqqında” Azərbaycan Respublikası Qanununun tələbinə görə isə, vergi borcu olan müəssisələrlə dövlət satınalmaları üzrə müqavilə bağlamaq olmaz. Ümumiyyətlə, məcburi köçkünlərin işğaldan azad edilmiş ərazilərə qaytarılmasının gündəmdə olduğu indiki vaxtda bu təyinat üzrə külli miqdarda dövlət vəsaitinin büdcədən silinməsini nə dərəcədə səmərəli xərc hesab etmək olar: Yaxşı olmazdımı ki, həmiun vəsait Qarabağda və Şərqi Zəngəzurda evlərin inşasına və infrastrukturun qurulmasına yönəldilsin? Bu və digər suallarımızı səsli mesaj kimi cənab Səbuhi Əhmədovun vatsap nömrəsinə göndərdik. Təəssüf ki, hələ ki ondan cavab yoxdur. Ümid edirik ki, bu suallarımızı Qaçqın və Məcburi Köçkünlərin işləri üzrə Dövlət Komitəsi, Hesablama Palatası və digər aidiyyəti qurumlar cavablandıra biləcəklər.

P.S. Baş Prokurorluğun Mətbuat Xidməti tərəfindən 14 martda yayılmış məlumatda Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamentinin Ağdam rayon Mənzil Kommunal İstismar Sahəsinin rəisi Valeh Abdullayevin qanunsuz hərəkətləri ilə bağlı keçirilmiş təxirəsalınmaz əməliyyat-axtarış tədbirləri nəticəsində Baş prokuror yanında Korrupsiyaya qarşı Mübarizə Baş İdarəsində cinayət işinin başlanıldığı göstərilirdi.

Məlumatda həmçinin qeyd edilir ki, əməliyyat-istintaq tədbirləri ilə Valeh Abdullayevin müxtəlif şəxslərin işlə təmin olunması, təqaüd yaşına çatanların işdən çıxarılmaması, faktiki olaraq işə gəlməyən şəxslərə əməkhaqqı verilməsinə şərait yaradılması, təmsil etdiyi qurumun balansında olan mənzillərin başqa şəxslərin istifadəsinə verilməsi və digər bu kimi qanunsuzluqlar müqabilində onlardan təkrarən rüşvət istəməsinə əsaslı şübhələr müəyyən edilib. Valeh Abdullayev tələb etdiyi pul vəsaitlərini vətəndaşlardan alarkən cinayət başında yaxalanıb.

Bəs necə oldu ki, Səbuhi Əhmədov bu cinayət hadisəsindən quru çıxdı.

Bu barədə gələn sayımızda geniş məlumat verəcəyik.

Mövzuya qayıdacağıq.

Deryaz.az
 

AĞSTAFA TƏHSILINI AĞLAR GÜNƏ QOYANLAR-FOTO,VIDEO

Yaradılıb 23.05.2024 08:32 | Baxış sayı: 159
Ardını oxu...
Yenigün məktəbinin direktorunun məktəbdən qovduğu şagird intihara cəhd edib
“Dəryaz” qəzetinin internet səhifəsi olan “Deryaz.az” saytında 17 may 2024-cü il tarixdə “Yenigün məktəbinin qara günləri” sərlövhəli, “Direktor əzizi ölən müəllimlərə icazəni pulla satır” yarımbaşlıqlı tənqidi məqalə dərc olunmuşdu. Ağstafa rayon Elçin Mustafayev adına Yenigün kənd tam orta məktəbində korrupsiya və direktor özbaşınalığının baş alıb getdiyi barədə redaksiyamıza daxil olmuş məlumatlar əsasında hazırlanmış həmin məqalədə söhbət təhsil müəssisəsinin rəhbəri Tamella Bayramovanın həm müəllimlərdən, həm də texniki işçilərdən hər vəchlə rüşvət qoparmaq üçün istədiyi yola əl atmasından, müəllimləri ən adi qüsur üstündə, çox vaxt da əsası olmayan arqumentlərlə şagirdlərin gözü qarşısındaca təhqir etməsindən, onun kobud rəftarından bir çox müəllimin xəstəlik tapmasından, dərs bölgüsündə rəvac verdiyi ədalətsizlikdən, dərs vəsaitləri və ləvazimatları ilə təchizat məsələsində süni surətdə problem yaratmasından, səhər dərsə bir neçə dəqiqə gecikən şagirdləri məktəbə buraxmamasından və s. özbaşınalıqlarından gedirdi.
Ardını oxu...
Onu da qeyd etmişdik ki, redaksiyamıza daxil olan məlumatları dəqiqləşdirmək üçün Regional Təhsil İdarəsinin müdiri Arslan Hacıyevə, müavini Nizaməddin Babanlıya, Ağstafa Təhsil sektorunun müdiri Mədəd Zeynalova etdiyimiz müraciətlər də cavabsız qalıb. Görünür, onlara qızıl alveri ilə məşğul olan, sələmə pul verən, dövlətin məktəbə ayırdığı vəsaiti, A4 formatlı kağız, marker kimi tədris ləvazimatlarını satıb varlanan, rəhbərlik etdikləri kollektivlərə, çiyin-çiyinə çalışdıqları həmkarlarına qan udduran, bir sözlə, pul yığmağı və “yuxarı” ötürməyi bacaran şəxslər sərf edir.

Əvəzində isə redaksiyamıza T.Bayramovanın despotik üsuli-idarəsindən şikayətlər daxil olmaqda davam edir. Belə ki, valideyn Arzu Zaur qızı redaksiyamızın əməkdaşına kamera önündə müsahibə verərək bildirib ki, direktor onun oğlu Nəzərov İlkini “sən qıza oxşayırsan” deyə təhqir edib və saçını qırxaraq məktəbdən qovub. Üstəlik, IX sinifdən xaric edib: “Mənin uşağım vaxtlı-vaxtında dərsinə gedirdi. Qovulduqdan sonra üç aydır depressiyaya düşüb, hətta intihara cəhd edib. Direktor deyir ki, mən Tamellayam, bildiyimi eləyirəm”.
Ardını oxu...
Texniki işçilərdən Zülfiyyə Musayeva deyir ki, ayağı burxularaq xəsarət almış şagirdi həkimə aparmaq üçün icazə istəyib, direktor razı olmayıb, “həkim adı ilə icazə alıb başqa yerə gedirsiz” deyib. Z.Musayeva direktora xatırladıb ki, onun özü də qardaşı oğlunu həkimə aparanda məktəbə gəlməyib. Bundan sonra direktorun acığı tutub: “Sən ki mənim qardaşım oğlunu dilə-dişə salırsan, gör başına nə oyun açacağam!” Z.Musayeva həmçinin bildirib ki, T.Bayramova işçiləri hədələyərkən, “hətta şikayətlərinizlə işdən çıxarılası olsam da, yenidən bərpa olunub sizi işləməyə qoymayacam” deyir.

Məktəbdə ocaqçı işləmiş başqa bir qadın isə deyir ki, ailə başçısını itirib, azyaşlı uşağını saxlamağa maddi imkanı yoxdur. Bununla belə direktor onu işdən qovub, yerində qalması üçün 500 (beş yüz) manat rüşvət istəyib ki, o da verə bilmir.

Mövzuya qayıdacağıq.

Deryaz.az
 

Zaur Mikayılov Ağsudakı qəbulda daha nələri görməli idi… - İLGİNC GƏLİŞMƏ...

Yaradılıb 23.05.2024 08:30 | Baxış sayı: 197
Ardını oxu...
Azərbaycanda uzun müddət “Meliorasiya və Su Təsərrüfatı” ASC-yə sədrlik etmiş Əhməd Əhmədzadədən sonra bu sahədə köklü islahatlar aparıldı. “Azərsu” ASC və Meliorasiya və Su Təsərrüfatı ASC əmlakları ilə birlikdə 2023-cü ilin martında yaradılmış Dövlət Su Ehtiyatları Agentliyinin tabeliyinə verildi. Yeni yaradılan quruma da Əhməd Əhmədzadədən sonra gətirilmiş Zaur Mikayılov sədr təyin edildi. Bu kimi vacib islahatlarla bərabər ölkədə kənd təsərrüfatının, aqrar sahənin dayanıqlı inkişafının təmin edilməsi, əkin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, meliorasiya və irriqasiya işlərinin keyfiyyətlə aparılması məqsədi ilə dövlət büdcəsindən milyonlarla manat vəsaitlər ayrılır. Amma bölgələrdə suvarma suyunun yoxluğundan əziyyət çəkən kənd təsərrüfatı işçilərinin narazılıqları səngimək bilmir.

Qeyd edək ki, Azərbaycan Dövlət Su Ehtiyatları Agentliyinin sədri Zaur Mikayılov mayın 17-də Ağsu Suvarma Sistemləri İdarəsinin inzibati binasında Ağsu, İsmayıllı və digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.

Qəbulda Agentliyinin sədri Zaur Mikayılov hər bir vətəndaşın müraciətini diqqətlə dinləyib. Müraciətlər əsasən suvarma suyuna olan tələbatın ödənilməsi, suvarma kanallarının beton üzlüyə alınması, suvarma suyunun limitinin artırılması və digər məsələlərlə bağlı olub.

Diqqət yetirin, sakinlər Agentlik sədrindən suvarma kanallarının beton üzlüyə alınmasını da tələb ediblər. Yuxarıda qeyd etdiyimiz kimi dövlət tərəfindən hər il milyonlarla manat vəsaitlər ayrldığı halda rayonda yaşanan bu kimi problemlər nə üçün vaxtında aradan qaldırılmır?

Qeyd edək ki, dövlət satınalmalarının vahid internet portalına yerləşdirilmiş məlumatlarda Ağsu Suvarma Sistemləri İdarəsinin 2023-ci ildə kanalların və çay məcralarının lildən təmizlənməsi, cari təmir üçün tikinti materialları, əsaslı təmir işləri üçün tikinti materialların, əsaslı təmir üçün beton qarışıqlarının, cari təmir işləri üçün beton qarışıqların satın alınması üzrə ümumi olaraq 1 142 153 manat məbləğində satınalma müqavilələrin bağlanıldığı görsənir. Burada daha çox vəsaitlər “ELİT-S” ( 460.000), “GİRDİMAN TƏMİR-TİKİNTİ” (201.054,3 ), “TEXNOLOG” ( 214.880.36), “BETA CONSTRUCTION” ( 100.409,74), Məhdud Məsuliyyətli Cəmiyyətinin qalib olduğu tenderlərə ayrılıb.

Göründüyü kimi dövlət ötən il yalnız Ağsu rayonunda suvarma kanallarının təmirinə və lildən təmizlənməsinə bir milyon manatdan çox vəsait ayırıb. Əvvəllər bu sahədə korrupsiya və mənimsəmə hallarının çox olduğu iddia edilirdi. Bəs indi. Zaur Mikayılovun büdcə vəsaitlərinə nəzarətin gücləndirildiyi dövrdə ayrılan həmin pullar indi hara gedir? Əhməd Əhmədzadə olmasa da bu sahədə uzun illərdir at oynadan kadrları hələ iş başındadı.

Ağsu Suvarma Sistemləri İdarəsinin rəisi Səfər Məmmədov kimi.

Qeyd edək ki, Ağsu Suvarma Sistemləri İdarəsinin satınalma müqaviləsi bağladığı şirkətlərin əksəriyyəti rəis Səfər Məmmədova yaxınlığı ilə tanınır. Götürək “GİRDİMAN TƏMİR-TİKİNTİ” MMC-ni. 03.06.2010-cu ildə 4 saylı Ərazi Vergilər İdarəsində dövlət qeydiyyatına alınıb. Reyestr məlumatlarında nizamnamə kapitalı 40 manat, hüquqi ünvanı Ağsu şəhəri M. Rəsulzadə 21-dir. Qanuni təmsilçisi Əşrəfov Mirhicab Mirhüseyn oğlu göstərilir. Onun 2013-cü ildə keçirilən prezident seçkilərində “ÜMİD” partiyasından vəkil olması barədə açıq mənbədə məlumatlar var. Reyestr məlumatlarına edilmiş dəyişikliklərdə MMC-nin təsisçisi və ilk qanuni təmsilçisi Aslanov Segah Bayram oğlu olub. Daha sonra MMC-yə Xasayev Şahlar Qüdrət oğlu, Quliyev Madar Arif oğlu, Mirzəliyev Fərhad Ağamehdi oğlu, Həsənov Rüfət Fuad oğlu “rəhbərlik” ediblər. Əslində isə MMC-ni kənardan idarə edənin Səfər Məmmədov olduğu bildirilir.

Səfər Məmmədovun idarə etdiyi MMC-lərdən biri də “ŞÜKRAN-2002” olub. 1952-ci il təvəllüdlü Rəhimova Narıngül Əli qızının adına yaradılmış “ŞÜKRAN-2002” MMC ilə Səfər Məmmədov 2019-2022-ci illərdə əsaslı və cari təmir üçün tikinti materiallarının satın alınması və maşın və mexanizmlərə ehtiyat hissələri və sürtkü yağlarının satın alması üzrə ümumi olaraq 1 402 582 manat məbləğində satınalma müqaviləsi bağlamışdır ki, vəsaitin böyük əksəriyyətinin Səfər Məmmədovun təyinatından kənarlaşdırdığı ehtimal olunur.

Ağsu Suvarma Sistemləri İdarəsi ötən il bir şübhəli satınalma müqaviləsi də “ELİT-S” MMC ilə bağlayıb. Əlabbas kanalı üzərindəki Bəddərə akvedukunun əsaslı təmiri üzrə satınalma müqaviləsi birbaşa bağlanılıb. Satınalma proseduru dövlət satınalmalarının vahid internet portalında keçirilməyib. Ağsu Suvarma Sistemləri İdarəsi MMC ilə 12.12.2023-cü il tarixdə 460.000 manat məbləğində satınalma müqaviləsi bağladığını açıqlayıb. Satınalmaların portalında müqavilənin başlanma tarixi 20.11.2023-cü il, bitmə tarixi isə 31.12.2023-cü il qoyulub. Şərtlər toplusu açıqlanmadığından və görüləcək işin həcmi bəlli olmadığından şübhələrə yol açır. Yarım milyona yaxın vəsait ayrılan əsaslı təmir işini 41 günə bitirmək mümkündürmü?

Açıq mənbələrdə MMC haqında heç bir məlumat yoxdu. Dövlət Vergi Xidmətinin reyestr məlumatlarında MMC-nin 09.06.2004-cü ildə Qarabağ Ərazi Vergilər Baş İdarəsində dövlət qeydiyyatına alındığı göstərilir. İlk hüquqi ünvanı Nizami rayonu ev 13, mən 41 (küçəsi yoxdu) olan MMC-nin son ünvanı Füzuli rayonun Aybasanlı ərazi vahidliyi qeyd olunub. Qanuni təmsilçisi Əliyev Elmidar Eldar oğlu olan MMC-nin nizamnamə kapitalı 10 manatdır. Barəsində heç bir məlumat olmayan bu MMC ötən il “Meliorasiya və Su Təsərrüfatı” ASC-yə tabeli bir neçə idarənin ümumi dəyəri iki milyon manata yaxın olan tenderlərinin qalibi olub. Ağsu Suvarma Sistemləri İdarəsi ilə bağlanılan müqaviləyə gəlincə. Bu bir təmir işindən daha çox ilin sonunda büdcədən vəsait çıxarmağa bənzəyir.

Səfər Məmmədovun Ağsu Suvarma Sistemləri İdarəsində bu kimi işləri çoxdu. Xüsusilə qeyd etmək istərdik ki, keçirilən bir neçə tenderdən başqa İdarə tərəfindən təşkil olunan satınalmalarda ciddi qanun pozuntularına yol verilir, keçirilmiş kotirovka sorğularının nətcələri barədə satınalmaların portalına heç bir məlumat yerləşdirilmir. Bu da satın alınan malların ehtimal olunan qiymətinin süni şəkildə şişirdilməsi və təyinatından kənarlaşdırılması üçün edilir.

Dövlət Su Ehtiyatları Agentliyinin sədri Zaur Mikayılov mayın 17-də Ağsu Suvarma Sistemləri İdarəsinin inzibati binasında qəbul keçirərkən hər bir vətəndaşın müraciətini diqqətlə dinləyib, ərizə və şikayətlərinə baxıb, bir qism problemləri yerindəcə həll edib. Amma Zaur Mikayılov Ağsuda mövcud problemlərin yaranma səbəblərini nədənsə görməzdən gəlib.

Aktualinfo.org

P.S. Ağsu Suvarma Sistemləri İdarəsi tərəfindən keçirilən tenderlərdəki şübhə doğuran məqamlara aydınlıq gətirilməsi məqsədi ilə Səfər Məmmədovdan məqalədə göstərilənlərə münasibət bildirməyi xahiş etdik. Onun imzası ilə redaksiyamızın elektron poçtuna göndərilmiş cavabda yazırlar: “Ağsu SSI-nin 2021-22-23-cü illərdə xidmət etdiyi şəbəkə vasitəsi ilə müvafiq olaraq 2021-ci ilde 123,7 ml m³, 2022-ci ildə 113,8 ml m³, 2023-cü ilde 150,4 ml m³ suyu çatdırılmışdır ki, buda ekin sahələrinin 2,5 defe, 3,5 defe, 3,8 dəfə suvarılması deməkdir. Son illər əkin sahələrinin aparılan əsaslı və cari işlərin nəticəsində su itkisi 36,4%-dən 13,2%-ə düşmüşdür.

İdarəyə lazım olan mal-material və xidməti işlərin görülməsi açıq tender vasitəsi ilə keçirilmişdir. Qalib müəssələrin heç biri ilə yaxından uzaqdan heç bir qohumluq əlaqəmiz yoxdur. Qohumluq əlaqəsi olsa belə heç bir qanun qadağan etmir ki. Mənim hansısa qohum və ya tanışım keçirilən açıq tenderlərdə iştirak etməsin.

Məlumat üçün bildiririk ki, 2023-cü ildə satın alınacaq malların və digər xidmətlərin ehtimal olunan qiymətlərindən tender nəticələrində bağlanmış müqavilələr arasında 307.312 manat qənaət olunmuşdur, burda tender rəqəmlərinin şişirdilməməsi və sövdələşmənin olmamsına bariz nümunədir. Alınan mal-material və digər material hissələri imkan yaratmışdır ki, kanalların beton üzlüyə alınması hidrotexniki qurğuların təmiri sahil mühafizə bəndlərinin tikintiləri plana uyğun icra edilmişdir. “Elit-S” MMC ilə bağlanmış müqavilə 7 kende ve Ağsu şəhərinə xidmət edən bu qurğunun istismar müddətinin başa çatması və sel nəticəsində sıradan çıxmışdır. Müvafiq qurumların icazəsi olmaqla qanuna müvafiq müqavilə bağlanaraq işin görülməsi qısa müddətdə başa çatdırılmışdır. Agentliyin müqavilələrə nəzarət qurumu tərəfindən mütəxəssislərin iştirakı ilə baxış keçirilərək qəbul olunmuşdur. Bildirmək istəyirik ki, dövlət büdcəsindən ayrılan vəsaitlər təsdiq olunmuş illik plana uyğun olaraq işlərin vaxtında və keyfiyyətlə görülməsinə sərf olunmuşdur.

Çox heyf ki, şər-böhtan və şərləməklə pul əldə etmək vətəndaşlarımız helede qalmaqdadır. Biz hüquqi demokratik ölkədə yaşamaqla hər bir vətəndaşın sorğusuna cavab verməyə hazırıq. Məlumat verdiyiniz üçün təşəkkür edirik.”

P.P.S. Yazılanlar doğru isə nə gözəl. Təbii ki, bunlar sənəd üzərində olanlar, yəni Zaur Mikayılova təqdim olunan məsələlərdir. Məsələnin görünməyən tərəfləri də olur, həmişə. Bunlarla bərabər “Dövlət Satınalmaları Haqqında” Azərbaycan Respublikası Qanununun bir maddəsini Səfər Məmmədovun diqqətinə çatdırırıq:

Maddə 6. Satınalmalarda maraqlar toqquşması:

6.1. Təchizatçıların aşağıdakı hallarda satınalmalarda iştirakına yol verilmir:

6.1.4. satınalmada təchizatçı qismində çıxış edən fiziki şəxs və ya hüquqi şəxsin Azərbaycan Respublikasının Mülki Məcəlləsinin 49-1-ci maddəsinə əsasən aidiyyəti şəxsi satınalan təşkilatın rəhbəri ilə qohumluq (ər-arvadlar, valideynlər, övladlar, övladlığa götürənlər, övladlığa götürülmüş şəxslər, babalar, nənələr, nəvələr, doğma (ögey) bacılar və qardaşlar, bacı və qardaşların övladları, bacıların ərləri, qardaşların arvadları, valideynlərin bacıları və qardaşları, ər-arvadların valideynləri, bacıları və qardaşları) münasibətində olduqda.

1952-ci il təvəllüdlü Rəhimova Narıngül Əli qızının adına yaradılmış “ŞÜKRAN-2002” və “GİRDİMAN TƏMİR-TİKİNTİ” Məhdud Məsuliyyətli Cəmiyyətlərinin kimlər tərəfindən idarə olunduğuna da aydınııq gətirilsəydi lap yaxşı olardı.

Dünyapress TV

Xəbər lenti