 |
|
|
"Heç bir sanitar vəziyyətdən danışmaq olmaz" - Çörəyimizə indi də siçanlar "şərik" olub?Bir neçə gün öncə "Karmen" MMC-yə məxsus un kisəsindən gəmiricilərin çıxmasını əks etdirən video sosial şəbəkələrdə yayıldı. İnsanlar həmin heyvanların un kisəsinə necə girdiyini, adıçəkilən firmanın buna necə göz yumduğunu, nəzarətsizliyi müzakirə edirlər. Ölkədə satılan un və un məmulatlarına, onların təmizliyinə nə dərəcədə güvənmək olar? Bu məhsulların əldə olunması üçün tətbiq olunan avadanlıqlar mütəməmadi təmizlənirmi? Gigienik vəziyyət qənaətbəxş hesab oluna bilərmi?Məsələ ilə bağlı Azad İstehlakçılar Birliyinin sədri, qida eksperti Eyyub Hüseynov Bizimyol.info xəbər portalına bildirib ki, bu, olduqca əcaib bir haldır və mütləq araşdırılmalıdır. Qida sahəsində hökumət bürokratik yoxlamanı ləğv etməli və cəld reaksiya mexanizmi, cəld yoxlamalar bərpa olunmalıdır.
"İstənilən dəyirmanda siçanlar yuva salır. lakin həmin dəyirman sahibləri, biznes sahibləri elə bir şərait yaratmalıdırlar ki, həmin gəmiricilər ərzaq mallarına yaxın gəlməsinlər. Ancaq görünür, bu şəraiti yarada bilməyiblər. Əgər unun içindən gəmirici çıxırsa, deməli, orada heç bir sanitar vəziyyətdən danışmaq olmaz. Bu, artıq çox təhlükəlidir və gərək buna görə əhali adıçəkilən firma məhsulunu boykot etsinlər. Görünür, həmin gəmiricilər məhsul üyüdülməmişdən öncə kisəyə daxil oldublar. Belə başa düşmək olar. Çünki üyüdülmə prosesində onlar iştirak edə bilməzlər. Bu, yolverilməzdir.
Onu da qeyd edim ki, ümumiyyətlə, Qida Təhlükəsizliyi Agentliyi (AQTA) qida sahəsini tam əhatə edə bilmir. Agentlik cəld yoxlamalar apara bilmir, buna icazə yoxdur. Hökumətin səhv siyasəti, yəni qida yoxlamalarının qadağan olunması və qurumların cəld reaksiya mexanizminin olmaması belə vəziyyətin çoxalmasına gətirib çıxardacaq. Baxmayaraq ki, AQTA 3 ildir fəaliyyət göstərir, onların əlindən bu imkan gəlir ki, qida zəncirində iştirak edənləri reyestrə daxil etsinlər və planlı yoxlamalar aparsınlar. Planlı yoxlamalar zamanı da öncədən xəbər verilir və bu, uzun, bürokratik bir prosedurdur. Qarşı tərəf də bilir ki, yoxlama gəlir və nələri yoxlayırlar və sair. Hökumət qida sahəsində tətbiq olunan bu cür bürokratik yoxlamanı ləğv etməlidir və cəld reaksiya mexanizmi, cəld yoxlamalar bərpa olunmalıdır. Çox təəssüf ki, bu formada yoxlama hazırda tətbiq olunmur. Əlbəttə, AQTA-nın bu şəkildə "əli-qolu bağlı" vəziyyətdə və Azad İstehlakçılar Birliyinin bir ictimai təşkilat olaraq son dərəcə yetərsiz işləməsi gətirib o yerə çıxarıb ki, artıq un məhsullarının içindən gəmiricilər çıxır. Qeyd olunan belə bir fakt varsa, AQTA bu yöndə ciddi yoxlamalar aparmalıdır" - deyə, qida eksperti qeyd edib.
Məlumat üçün qeyd edək ki, Qida Təhlükəsizliyi Agentliyi məsələnin nəzarətə götürüldüyünü və araşdırılacağını bildirib.
P.S. Adıçəkilən qurumun bu istiqamətdəki açıqlamasını da işıqlandırmağa hazırıq.
DogruXeber.az: - Paytaxtın mərkəzi olan xüsusəndə metro stansiyalarının çıxışlarında son vaxtlar demək olar ki, kifayət qədər dönərxana və restoranlara rast gəlmək olur. Maraqlısı isə budur ki, bu hal Xətai rayonunun ərazisində yerləşən Xətai metro stansiyasının düz qarşısında, piyadalar üçün ayrılmış tratuarda görüntü dairəsini pozan, vətəndaşların bir başa gedişatına kobud şəkildə maneə yaradan, standardlardan kənar konteyner tipli dönərxana üçün nəzərdə tutulan məmurların gözünün pərdəsini tutan bir qanunsuz obyekt peydə olub. Bəli bəli düz eşitdiz, peydə olub.
Gülünc nöqtəsi isə bundan ibarətdir ki, bu baş verən qanun pozuntuları, Xətai rayon İcra hakimiyyətinin bir addımlığındadır.Paytaxtın görünüş dairəsini pozan bu tip obyektin açılmasına qeyri-qanunu icazə verən şəxslər kimlərdir? hələ bunlar azmış kimi bu gün gördüyün kiçik restoran dipli dönərxanalar 1 aydan sonra görürsən ki, iki və yaxud da üç mərtəbəli restorana çevirirlər çünki bəzi işbazlar daha çox gəlir əldə etmək üçün himayadarlarınada çox görüm-baxım etməldirlər.
"Azərbaycan Reallığı" xəbər verir ki, bu qeyri-qanuni səlahiyyətli şəxslərin,görə bilmədiyi bu nəhəng asteroida bənzər bu obyekt Xətai metro stansiyasının, bir neçə metrliyində ölkə başçısının hər il ziyarət etdiyi,Xocalı abidəsi ilə üz-üzə olan vətəndaşların magistral gediş-gəliş yeri olan yol səkisində görünməz qüvvələrin gücünə qoyulan naməlum konteynerdi.
Vətəndaşların "Azərbaycan Reallığı"na dediklərinə görə bu konteinerə oxşar obyekt ticarət məqsədi üçün istifadə olunacaq, amma maraqlısı odur bir neçə gün bundan öncə Fövqaladə Hallar Nazirliyi həmin obyekti blomlamışdır. Təssüflər olsun ki, dövlətin blombunu sökən görünməz qüvvələr, FHN -nədə qanunsuzluqla qanuni meydan oxudular. Bu yazımızdan ümid edir ki, Xətai rayonun başçısı Rafiq müəllim görməzdən gəlməyərək, Xətai rayonuna düşən asteroidi zərərsizləşdirəcək.
Mövzunu diqqətimizdə saxlayacağıq
DogruXeber.az: - Könlündən "Bakı meri" olmaq keçən icra başçısı Əziz Əzizovun, rəhbərlik etdiyi Suraxanı rayon sakinlərinin narazılıqları artmaqda davam edir.
Dəfələrlə bərbad yollarından və aparılan tikintilərdə yaradılan süni maneələrdən bəhs edən Suraxanı sakinləri, sosial şəbəkələrdə paylaşımlar edərək, icra başçısı Əziz Əzizovun hətta, ölkə başçısından belə çəkinmədiyini deyirlər. Cəlilabad rayon sakinləri də onlarla həmdərd , həmfikir olduqlarını, "Əziz Əzizov ordadırsa, vay sizin halınıza" sözlərini yazmaqla ifadə ediblər.
Həmkarlarımızın da yazdığı kimi, tramvay parkında usta işləyən adamın birdən-birə arpa-buğda alveri ilə məşğul olan iş adamına çevrilməsi, həmən ardından da arpa-buğdanın Azərbaycanda ən çox yetişdirildiyi rayona İcra Hakimiyyətinin başçısı getməsi təbiidir ki, təsadüfi deyil. Elə yəqin tramvay ustasını icra başçısı edən "şans mələyi"nin verdiyi özgüvəndən və yüksək səviyyəli himayədarlığından irəli gəlir ki, bu gün bu qədər Suraxanı sakinləri dərdini deməyə ünvan tapa bilmirlər.
Cəlilabad rayonundan 12 il bəslənən, bəhrələnən, hətta orada olarkən əldə etdiyi bizneslərinin bəzilərini Neftçala rayonuna köçürən, hər iki rayonda özünə bəs qədər sərvətlər toplayan, bizneslər quran Əziz Əzizov rayon həyatını geridə qoyaraq, "şans mələyi"nin "bir lələyini yandırıb", ondan şəhər istədi.
Əziz Əzizov Yasamal rayonuna icra başçısı təyin edildi və 12 illik təcrübəsinə əsaslanaraq, Yasamal rayonunda da sərvət artırmaqda davam etdi. Biz yuxarıda "bəs qədər sərvətlər topladı" ifadəsini işlətmişdik, lakin Əzizov Yasamal rayonuna gəldikdən sonra eyni qayda ilə çalışaraq göstərdi ki, "bəs" kəliməsi onun "söz bazasında mövcud deyil".
Yeri gəlmişkən cənab Əzizovun Yasamal rayonunda sahib olduğu biznes obyektləri, həmçinin yaşayış binaları barəsində "DogruXeber.az" informasiya portalında əvvəllər də məlumat vermişik.
Əzizovun rəhbərlik etdiyi Suraxanıda qanunsuz tikintilər və daha nələr... nələr.... - FOTO + VİDEO
Əzizovun "biznes sevdası" indi də Suaraxanıda davam edir - VİDEO
"Özümə yer edərəm, görün sizə nələr edərəm" - Blogerlərin "başına sığal çəkən" Əzizovun gələcək planları
Həmçinin, vətəndaş müraciətləri əsasında Hövsan qəsəbəsi ərazisində aparılan və qanunsuz olduğu iddia olunan tikintilər barəsində də məlumatlar dərc edib, aidiyyatı üzrə Şəhərsalma və Arxitektura Komitəsinə də sorğular göndərmişdik. ARXKOM -dan "DogruXeber.az"ın sorğusuna cavab olaraq, işin Suraxanı rayonu icra hakimiyyətinə yönləndirilməsi barəsindəki məktubun surəti göndərildi. Hansı ki, həmin məktubda məlumatın araşdırılması, barəsində hüquqi tədbir görülməsi və nəticələr barəsində müraciətin müəllifi olaraq, redaksiyamızın da məlumatlandırılması qeyd olunurdu. Lakin, artıq uzun müddət keçməsinə baxmayaraq, hələ də Suraxanı rayon İcra Hakimiyyəti bu barədə susqunluq nümayiş etdirir.
Görünür, İcra Hakimiyyəti bütün bu məlumatlardan çoxdan (hətta bizdən də əvvəl) xəbərdardır və bu onu zərrə qədər narahat etmir.
Maraqlıdır, niyə?
Bütün bu məlumatların sosial mediada dərc ediləcəyi də sözügedən icra hakimiyyətini narahat etmir. Çünki, "qoruyucu mələyi"nə arxayındır. Onsuzda sosial mediada və sosial şəbəkələrdə barəsində kifayət qədər tənqidi materiallar və şikayətlər yer alan icra başçısı Əziz Əzizova bugünə qədər "gözün üstə qaşın var" deyən olmayıbsa, əmindir ki, bundan sonra da deyən olmayacaq.
Bu rahatlıq isə onun göstəricisidir ki, nə Əziz Əzizov, nə də onun himayədarı ölkə başçısından çəkinmir, onun tapşırıqlarını ciddi hesab etmirlər. Əgər belə olmasaydı, Bakının meri olmaq arzusunda olan Əzizov heçolmasa bu arzusuna həlledici imza atacaq olan Ölkə başçısına ən azından özünü sübut etmək üçün Bakının bir rayonu olan Suraxanıda bu qədər narazılıqlar yaratmaz, sakinləri sözün əsl mənasında incitməzdi.
Qeyd edək ki, qanunsuz tikintilər barəsində ətraflı məlumatı qarşıdakı günlərdə fotoşəkilləri ilə birlikdə dərc edəcəyik.
Redaksiyamız hər kəsin söz haqqını tanıyır.
DogruXeber.az
Nizami rayonu Rüstəm Rüstəmov 50/A ünvanında yerləşən "Sitarə uşaq və inkişaf mərkəzi " əvvəllər eyni adlı uşaq bağçası kimi fəaliyyət göstərib. Uşaq bağçası haqqında sosial mediada ictimaləşən problemlər üzərindən araşdırmalara başlayan aidiyyatı qurumlar sözügedən bağçanın fəaliyyətinə xitam veriblər. Amma Həsənova Sitarə Xancan qızı adını daşıyan bağcanın bağlanması ilə barışa bilmədiyindən "Sitarə uşaq və inkişaf mərkəzi" adı altında fəaliyyətə davam edib. Adının çəkilməsini istəməyən valideynlərin və qonşuların iddiasına görə burada inkişaf mərkəzi adı altında bağça fəaliyyətinə qanunsuz olaraq davam edir. Daxili qaydalarla isə tərbiyəçi qəbul edilir. Otaqda qurulan sanitar otaqğında Sitarə xanım özü həkim kimi xidmət göstərir. İddia edilir ki, həmin otaq həm də qida anbarı kimi fəaliyyət göstərir. Mərkəzə gələn körpələrə verilən qida məhsulları, xüsusiə də ətin mənşəyi bilinmir. Elektrik xətləri standartlara cavab vermir. Belə ki, əgər körpələr nəzarətsiz qalarsa, elektrik cəryanı hər an faciəyə səbəb ola bilər.Müəsisədə 40 -a yaxın uşaq var. Valideynlər deyir ki, hər körpə üçün aylıq 250 AZN ödəniş edirik.
Mərkəz adı altında fəaliyyət göstərən qurumun qapısı isə bir başqa b*birçılıqdir. Şəhidlərin fotosunun əl qapısina vurulduğunu harda görmüsünüz? Nümayişkəranə şəkildə də yazılıb ki, "Şəhid övladları üçün təmənnasızdır". Bir daha xahiş edirəm bunu edərək onların ruhunu incitməyin.İddialarla bağlı Sitarə xanımdan mövqe öyrənməyə çalışsaq da xanım suallarımıza cavab vermək əvəzinə, qarşımıza özünü təqdim etməkdən yayınan bir gənci çıxardı. O isə bütün medianın əllərində olduğunu söyləməklə kifayətləndi,suallarımızı cavabsız qoydu.
İfadə Cəfərzadə
Azərbaycanda “Dövlət satınalmaları haqqında” deyilən bir qanun var. Sözügedən qanunun tətbiq edilməsi barədə Fərman hələ 2002-ci ildə mərhum Heydər Əliyev tərəfindən verilib. Qanunda ara-sıra adəyişikliklər olub. Prezident İlham Əliyevin 29 avqust 2023-cü il tarixli Fərmanı ilə “Dövlət satınalmaları haqqında” yeni qanun təsdiqlənib və 2024-cü il yanvarın 1-dən qüvvəyə minəcək. Bu Qanun Azərbaycan Respublikasında dövlət satınalmalarının iqtisadi, hüquqi və təşkilati əsaslarını müəyyənləşdirir, satınalmalar zamanı dövlət vəsaitindən səmərəli və qənaətlə istifadə edilməsi, müsabiqə və aşkarlıq əsasında bütün malgöndərənlərə (podratçılara) bərabər rəqabət mühiti yaradılması prinsipləri və qaydalarını müəyyən edir.
Amma bu gün elektron media vasitələrində demək olar ki hər gün rastlaşdığımız mövzuların çoxu müxtəlif dövlət qurumları tərəfindən keçirilmiş satınalmalarda yol verilən qanunsuzluqlarla bağlıdır. Bəzi nazirlikliklərdə aparılan kadr dəyişikliklərindən sonra dövlət satınalmalarda şəffaflıq qismən təmin olunub. Amma bir çox icra hakimiyyəti strukturlarında bu qanunsuzluq davam etdirilir. Bəzən gizli şəkildə, bəzən də açıq-aşkar.
Aktualinfo.org bir müddət əvvəl Sumqayıt şəhər İcra Hakimiyyətinin tabeliyində olan Mənzil Kommunal Təsərrüfatı İstehsalat Birliyi Yaşıllaşdırma İdarəsi tərəfindən keçirilmiş satınalmalarda çiddi nöqsanlara, qanun pozuntularına yol verildiyini geniş ictimaiyyətə çatdırmış və aidiyyatı qurumlara təcili tədbirlər görülməsi üçün müraciət etmişdi. Amma dövlət satınalmalarına nəzarət edən İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti nəinki bunun qarşısını aldı, əksinə qanunsuzluqlara yenidən şərait yaratdı. Araşdırılıb, tədbir görülməsi məqsədi ilə Sumqayıt şəhər Prokurorluğuna ünvanladığımız məktub cavabsız qaldı.
Sumqayıt şəhər Mənzil Kommunal Təsərrüfatı İstehsalat Birliyinin Yaşıllaşdırma İdarəsi də “Dövlət satınalmaları haqqında”qanuna məhəl qoymadan istədiyi kimi tender keçirir, istədiyi şəxsləri qalib elan edir , istədiyi məbləğdə dövlət vəsaitlərini heç kimə bəlli olmayan şirkətlər vasitəsi ilə yaşıllıqların salınması adı altında silir. Bu, dövlət satınalmalarının vahid internet portalında da açıq aydın görünür. Bunun üçün nə mütəxəsis olmağa gərək var, nə də baş sındırmağa dəyməz. Sözügedən qurumun yekunlaşdırdığı son tenderlərdə də bunları görməmək mümkün deyil.
Sumqayıt şəhər Mənzil Kommunal Təsərrüfatı İstehsalat Birliyi Yaşıllaşdırma İdarəsi yaşıllıqların salınması işlərinin satın alınması üzrə keçirmiş olduğu daha bir açıq tenderə yekun vurub. Yaşıllaşdırma İdarəsi “SAFFİRA PLUS” Məhdud Məsuliyyətli Cəmiyyətini qalib elan edib və 279.660 manat məbləğində satınalma müqaviləsi bağladığını 14.12.2023-cü il tarixdə dövlət satınalmalarının vahid internet portalında açıqlayıb.
Qeyd edək ki, Sumqayıtın Yaşıllaşdırma İdarəsi elə həmin gün yaşıllıqların salınması işlərinin satın alınması üzrə “SAFFİRA PLUS” MMC ilə 292.050 manat məbləğində daha bir satınalma müqaviləsi bağladığını elan edib. Birinci müqavilənin şərtlərinə görə podratçı təşkilat satınalan təşkilatı qızıl gül, geran, xına gülü, kanna, ivan – mariya kimi 11 adda dibçəkdə gül ilə və suvarma şlanqı, motorlu ot biçən, bel (düz) kimi təsərrüfat alətləri ilə təchiz etməli, ikincinin şərtlərinə görə isə primula, lakfiola, xalenxoy, xrizantema, alyandra, qərənfil kimi 15 adda 15-25 min ədəd arası dibçəkdə gül ilə təchiz etməlidi.
Göründüyü kimi Sumqayıt şəhər Mənzil Kommunal Təsərrüfatı İstehsalat Birliyi Yaşıllaşdırma İdarəsi “SAFFİRA PLUS” MMC ilə bir günün içində eyni lot üzrə iki satınalma müqaviləsi bağlayıb ki, ümumi dəyəri 571 710 manat təşkil edib. Yaşıllaşdırma İdarəsi eyni lot üzrə eyni güllərin alınması üçün “SNS COMPANY” MMC ilə 289.690 manat məbləğində daha bir satınalma müqaviləsi bağlamağı planlışdırır ki, bu barədə 29.11.2023-cü il tarixdə dövlət satınalmalarının vahid internet portalında açıqlayıb.
Hər biri 15-25 min ədəd olmaqla eyni lotlar üzrə iki satınalma müqaviləsi də “FİRE ENGİNEERİNG” MMC ilə bağlanılıb. Bunlardan 293.230 manat məbləğində 26.07.2023-cü il, 293.702 manat məbləğində isə 05.05.2023-cü il tarixlərində bağlanılıb. Səkkiz ay ərzində bağlanılmış bu 5 satınalma müqaviləsinin ümumi dəyəri isə 1 448 332 manat təşkil edir. İndi gəlin görək bu MMC-lər nə işlə məşğuldurlar
Başlayaq “SAFFİRA PLUS” MMC-dən.
Dövlət Verği Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “SAFFİRA PLUS” Məhdud Məsuliyyətli Cəmiyyətinin 26.01.2023-cü il tarixdə 5 saylı Ərazi Vergilər İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanı SAATLI RAYONU, ƏLİSULTANLI, ƏLİSOLTANLI, ev 1, m. 23, qanuni təmsilçisi kimi isə Fətəliyeva Nurlanə Şahin qızı qeyd olunub.
Bəs Fətəliyeva Nurlanə Şahin qızı kimdi?
Sumqayıt şəhər Yaşıllaşdırma İdarəsi tərəfindən yaşıllıqların salınması işləri üzrə mart ayında keçirilmiş dəyəri 293 min 230 manat olan tender müsabiqəsinin qalibi olmuş “4 MM AQRO” (VÖEN- 6701560141) MMC-nin də qanuni təmsilçisi. Hansı ki, araşdırdığımızda məlum oldu ki, “4 MM AQRO” MMC tender müsabiqəsinin başlamasından cəmi 7 gün əvvəl dövlət qeydiyyatına alınıb. Kommersiya qurumunun hüquqi şəxslərin dövlət reyestrinə daxil edilmiş məlumatlarda bu MMC -də “SAFFİRA PLUS” MMC ilə eyni tarixdə, eyni ünvanda dövlət qeydiyyatına alınıblar.
Burada bir məqamı xüsusilə diqqətinizə çatdırmaq istərdik. Bizim də, elektron medianın da 9 mart 2023-cü il tarixdə “4 MM AQRO” MMC-nin Sumqayıt şəhər Mənzil Kommunal Təsərrüfatı İstehsalat Birliyinin Yaşıllaşdırma İdarəsi tərəfindən keçirilən tender müsabiqəsinin qalibi olması barədə rəsmi mənbəyə istinadla verdiyimiz məlumatlar bu gün dövlət satınalmalarının vahid internet portalında yoxdu. SİLİNİB. Bilirsinizmi nəyə görə. Çünki, Sumqayıt şəhər Yaşıllaşdırma İdarəsinin saxtakarlığı burada açıq aydın görsəndi. Cəmi 7 gün əvvəl yaradılmış bir MMC ilə üç yüz min manat çivarında satınalma müqaviləsi bağlamaq nə deməkdi? Satınalmalara nəzarət edən İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti də məcbur olub məlumatı portaldan sildi. Amma bir neçə aydan sonra həmin şəxsə məxsus eyni gündə, eyni ünvanda qeydiyyata alınmış başqa şirkəti qalib çıxardı.
Digər “FİRE ENGİNEERİNG” MMC- yə gəlincə.
Dövlət Verği Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “FİRE ENGİNEERİNG” Məhdud Məsuliyyətli Cəmiyyətinin 02.11.2010-cu il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanı , BAKI ŞƏHƏRİ NƏSİMİ RAYONU, MİR CƏLAL 4 MKR, ev 68, m. 79, qanuni təmsilçisinin isə Hüseynov İqbal İlqar oğlu olduğu göstərilir.
MMC (VÖEN 2001805261) 02.11.2010-cu il tarixdə dövlət qeydiyyatına alındığında ilk adı “MAGNİT-SS” olub və 19.10.2021-ci ilə qədər bu adı daşıyıb. Həmin tarixdən 07.02.2023-cü ilə qədər “AQUA İNŞAAT” olub. 2023-cü ilin fevral-avqust aylarında “FİRE ENGİNEERİNG” MMC kimi Sumqayıt şəhər Yaşıllaşdırma İdarəsi ilə ümumi dəyəri 586 932 manat olan 2 satınalma müqaviləsi bağladıqdan sonra dönüb olub “SM CONSTRUCTİON COMPANY” MMC. İlk qanuni təmsilçisi Səlimov Zakir Səttar oğlu olub.
“SNS COMPANY MMC isə Dövlət Verği Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlar da 30.09.2022-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alınıb. MMC-nin nizamnamə kapitalı 10 manat, hüquqi ünvanı isə BAKI ŞƏHƏRİ NƏSİMİ RAYONU, CAVAD XAN, ev 2, m. 41 də yerləçir. Qanuni təmsilçisi isə Bayramov Müstəqil Füzuli oğludur. Təsisçisi isə Ağayev Zülfi Eyvaz oğlu olub.
Bayramov Müstəqil Füzuli oğlu həm də 22.05.2023-cü ildə dövlət qeydiyyatından keçmiş “QALA ART GROUP” Məhdud Məsuliyyətli Cəmiyyətinin qanuni təmsilçisidir.
Dövlət satınalmalarının vahid internet portalında 2023-cü ildə Sumqayıt şəhər Yaşıllaşdırma İdarəsinin satınalma müqaviləsi bağladığı daha iki MMC-nin də adı keçir. Bu müqavilələr də yaşıllıqların salınması işlərinin satın alınması üzrə keçirilib. Portalda 286.032 manat məbləğində bir müqavilənin “EKO-TERMİNAL” MMC ilə 16.06.2023-cü il tarixdə, 289.218 manat məbləğində bir müqavilənin də “VAHİD” MMC ilə 20.02.2023-cü il tarixdə bağlanılması barədə məlumatlar var.
“EKO-TERMİNAL” MMC 10 saylı Ərazi Vergilər İdarəsi 10.03.2015-ci ildə dövlət qeydiyyatına alınıb.Hüquqi ünvanı QƏBƏLƏ RAYONU, VƏNDAM kəndidir. Cəmi 5 manat nizamnamə kapitalı var. Qanuni təmsilçisi isə Əhmədov Xəqani Haqverdi oğludur.
“VAHİD” MMC isə 27.01.2003-cü ildə 5 saylı Ərazi Vergilər İdarəsində dövlət qeydiyyatına alınıb. 10 manat nizamnamə kapitalı da bu MMC-nin var. Hüquqi ünvanı SAATLI RAYONU, ƏHMƏDBƏYLİ kəndi, qanuni təmsilçisi isə Həsənova Həqiqət Həsən qızıdır. Hələ fevral ayında Mərkəzi Seçki Komissiyasının seçicilərin 2020-ci ilə olan siyahısında Saatlı rayonunun Əhmədbəyli kəndində Həsənova Həqiqət Həsən qızı adında seçicinin olmadığını müəyyən etmişdik. Saatlı rayon İcra Hakimiyyəti başçısının Əhmədbəyli kəndi üzrə İcra Nümayəndəliyindən də kənddə Həsənova Həqiqət Həsən qızı adlı şəxsin ümumiyyətlə olmadığını bildirmişdilər.
Qeyd edək ki, açıq internet resurslarda yuxarıda adları çəkilən MMC-lərin barəsində heç bir məlumat yoxdur. Dövlət qeydiyyatına alınmış hüquqi ünvanlarından da göründüyü kimi hərəsi bir tərəfdə yaradılıb. Ötən il Sumqayıt şəhər Yaşıllaşdırma İdarəsinin keçirdiyi tenderlərin qalibi olmuş, “ASTROİT” MMC-nin ( SAATLI RAYONU, ƏLİSULTANLI, , ev 170 (Qaçqın və köçkün şəhərciyi) 23 756.06, “ARSENAL-M” MMC-nin ( BİLƏSUVAR RAYONU, BİLƏSUVAR, 10-CU QƏSƏBƏ, ev 336) 66 468.08, “CRATOS-BOOKSTORE” MMC-nin ( SABİRABAD RAYONU, NİZAMİ,) 29 060.07, “VAHİD” MMC-nin (SAATLI RAYONU, ƏHMƏDBƏYLİ, ƏHMƏDBƏYLİ) 2 335 manat vergi borcu var. Bütün bunlar Yaşıllaşdırma İdarəsinin müqavilə bağladığı bütün MMC-lərin qanuni fəaliyyətini şübhə altına almırmı?
Daha əvvəlki yazılarımızda qeyd etdiyimiz kimi, Sumqayıt şəhər Mənzil Kommunal Təsərrüfatı İstehsalat Birliyi Yaşıllaşdırma İdarəsi “Dövlət satınalmaları haqqında” Qanunun tələblərinə ümumiyyətlə məhəl qoymur. Sözügedən qanunun 6-cı maddəsində malgöndərənlərin (podratçıların) ixtisasına dair tələblər müəyyən edilib. Belə ki, həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün podratçıların müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır.
Amma göründüyü kimi Sumqayıt şəhər Yaşıllaşdırma İdarəsində Tender Komissiyasının heç vecinə deyil. Burada hər il eyni qanunsuzluqlar təkrar olunur. Həm də açıq-aşkar. Media orqanlarında, sosial şəbəkələrdə bu kimi hallarla bağlı çoxsaylı yazılanlara baxmayaraq. Görsənən odur ki, İdarə qanunlara açıq -aşkar meydan oxumaqdadı. “Dövlət satınalmaları haqqında” Qanunun tələblərini heçə saymaqdadı.
Bəs buna kimlər rəvac verir? Ən birinci Sumqayıt şəhər İcra Hakimiyyətinin başçısı Zakir Fərəcov. Sonra da Sumqayıt şəhər Mənzil Kommunal Təsərrüfatı İstehsalat Birliyinin rəisi Nüseyn Həsənov. Başçının bacısı oğlu olduğu deyilir. Daha sonra da Yaşıllaşdırma idarəsinin rəisi İlyas Həsənov. O da Məcburi Köçkünlər və Qaçqınlarla İş üzrə Dövlət Komitəsinin keçmiş sədri Əli Həsənovun qardaşıdı. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti də qanunsuzluqlara yol verənlərin sırasındadı. Yol verilən bütün bu kimi qanunsuzluqlara göz yummaqda şübhəli görsənirlər.
Teref. Xocanın Blogu
Səhifəmiz hamnın üzünə açıqdır
Azərbaycanda həmkarlar ittifaqları və onların birləşdiyi konfederasiyanın fəaliyyəti ilə bağlı insanların yaddaşında qalan əsas xüsusi məqam bu qurumların “putyovka” biznesi ilə məşğulluğudur. Həmkarlar ittifaqlarının rəhbər şəxsləri hər il minlərlə “putyovka” satmaqla böyük gəlir əldə edirlər.
Sfera.az bildirir ki, qanunvericiliyə əsasən həmkarlar təşkilatına üzv olan işçilərin müalicə və istirahətini səmərəli təşkil etmək üçün həmkərlar təşkilatlarından yollayış (“putyovka”) almaq hüququ var. Həmin yollayışların vasitəsilə işçilər, onların ailə üzvləri Abşeron yarımadası, Nabran, Quba, Qusar, İsmayıllı, Şamaxı, Qəbələ, Lənkəran, Masallı, Lerik, Naftalan, Şabranda yerləşən istirahət mərkəzlərinə, sanatoriya-kurort müəssisələri və sağlamlıq düşərgələrinə gedə bilərlər.
Çoxlu sayda üzvü olan həmkarlar qurumlarlarının bu sahədə fəaliyyətini necə təşkil etdiyi, nə qədər yollayışı pulsuz verdiyi, yaxud nə qədərinin satıldığı, yollayışların hansı istirahət mərkəzlərinə verildiyi haqqında ətraflı məlumata rast gəlinmir.
Həmkarlar təşkilatlarının birləşdiyi Azərbaycan Həmkarlar İttifaqları Konfederasiyasının da fəaliyyəti bu baxımdan olduqca şübhəlidir.
Azərbaycanda 1 700 000 nəfərə yaxın əmək müqaviləsi ilə işləyən şəxs var. Bundan başqa, çoxlu sayda insan pensiya alır. Qanunvericilik həmkarlar təşkilatına üzvlük haqqı ödəyənlərə, “pensiya fondu”na sığorta haqqı ödəyənlərə və onların ailə üzvlərinə yollayış almaq hüququ verir. Ümumilikdə bir neçə milyon insan həmkarlar təşkilatından yollayış ala bilər.
Amma sosial şəbəkələrdə, mediada dərc olunan məlumatlardan anlaşılır ki, yollayış ala bilən insanların sayı olduqca azdır. Halbuki, bu insanların bir qisminə “putyovka”lar pulsuz, bəzilərinə haqqını qismən ödəməklə, digərlərinə isə haqqı tam, lakin bazar qiymətlərindən aşağı olmaqla yollayış verilməlidir. Narazılıqlardan aydın olur ki, uzun müddət əmək fəaliyyəti ilə məşğul olan, həmkarlar təşkilatlarına üzv olan insalar ötən 20-30 il ərzində bir dəfə də olsun, “putyovka” ala bilməyib.
Bunun başlıca səbəbi həmkarlar ittifaqlarının və onların birləşdiyi konfederasiyanın “putyovka” satışını biznesə çevirməsidir. Bu biznes konfederasiyaya 1993-cü ildən bəri 30 ildir ki, rəhbərlik edən Səttar Möhbalıyevin vaxtında xeyli “inkişaf” etdirilib.
Hazırda həmkarlar ittifaqlarının balansında Azərbaycanın şəfalı guşələrində onlarla istirahət mərkəzləri, sanatoriya-kurort müəssisələri, sağlamlıq düşərgələri fəaliyyət göstərir. Bu mərkəzlərdə hər il on minlərlə insan məhz “haqqını” ödəməklə yollayış alaraq istirahət edirlər. Şəfalı yerlərdə istirahətə və müalicəyə ehtiyac yüksək olduğundan həmin yollayışlara tələb də böyük olur. Buna görə də uzun müddət əmək fəaliyyəti ilə məşğul olan şəxslər “putyovka” ala bilmədiyi halda ayrı-ayrı insanlar, “haqqını” ödəməklə, asanlıqla yollayış alıb istirahət və müalicə mərkəzilərinin xidmətlərindən yararlanırlar.
Həmkarlar konfederasiyasının hesabatlılığının aşağı səviyyədə olması, fəaliyyətində şəffalığı təmin etməməsi də qurumun fəaliyyətinin nöqsanlı olmasının göstəricisidir. Konfederasiyanın rəsmi informasiya resurslarından qurumun maliyyə hesabatları ilə bağlı məlumat əldə etmək mümkün deyil. Bilmək olmur ki, konfederasiyaya üzv olan təşkilatlar il ərzində nə qədər üzlük haqqı toplayır, bunun nə qədəri yollayışların maliyyələşdirilməsinə yönəldilir, istirahət və müalicə mərkəziləri hansılardır, təşkilatın balansında olan əmlakların saxlanılması üçün nə qədər vəsait ayrılır.
Konfederasiyanın bu məlumatları açıqlamaması “putyovka” biznesi ilə bağlı narazılıqların əsassız olmadığını göstərir.
Nəzərə alaq ki, həmkarlar ittifaqları ictimai qurumdur və onların gəliri əsasən üzvlük haqları hesabına formalaşır. Belə qurumlar üzvləri və ictimaiyyət qarşısında hesabatlı olmalıdır.
Müxtəlif mənbələrdən əldə etdiyimiz məlumatlar göstərir ki, 2022-ci ildə həmkarlar konfederasiyasına 27 həmkarlar ittifaqı üzvdür. Həmkarlar ittifaqları isə 1 102 484 üzvü özündə birləşdirir. İttifaqlarda 14 202 həmkarlar təşkilatı, o cümlədən 60 birləşmiş və 501 şəhər, rayon komitələri fəaliyyət göstərir.
Həmkarlar ittifaqı hər ay üzlərindən əməkhaqqı, təqaüd və əlavə hesablanmış qazancların, maddi yardımın, mükafatın və digər gəlirlərin müəyyən hissəsini üzvlük haqqı kimi alır. Adətən üzvlük haqqı 2 faiz civarında olur. Azərbaycanda orta aylıq əməkhaqqının 921 manat olduğunu nəzərə alsaq, təşkilatlar üzvlərindən hər ay ümumilikdə təxminən 20 milyon manat, bir ildə 240 milyon manat üzvlük haqqı toplayır.
Üzvlük haqqından başqa həmkarlar ittifaqları təsərrüfat hesabı ilə işləyən mədəni-maarif, idman müəssisələrindən və fəaliyyətin digər növlərindən, başqa mənbələrdən, o cümlədən ianələr hesabına vəsaitlər əldə edirlər. Digər vəsaitləri də nəzərə alsaq, ittifaqlar və konfederasiya il ərzində bir neçə yüz milyon manat gəlirə sahib olur.
Bu gəlirlərin çox hissəsi məhz üzvlərin və onların ailə üzvlərinin istirahətinə, müalicəsinə yönəldilməlidir. Lakin S.Mehbalıyevin rəhbərlik etdiyi konfederasiya bu vəsaiti qaranlıq məqsədlər üçün istifadə etməklə yanaşı, kütləvi şəkildə “putyovka” biznesinə də himayədarlıq edir.
Orxan
Eyvaz Hüseynovun `səxavət siyahısı`nı təqdim edən müharibə əlili yenə danışdı
"Rekord" sayda narazı şəhid ailələri və qazilər birliyinin yaranmasında səbəbkar olan Eyvaz Hüseynovdan yeni xəbər var.
"DogruXeber.az"ın daimi izləyiciləri xatırlamış olar ki, Xocavənd rayonunun icra başçısı Eyvaz Hüseynovdan şikayətçi olan 80 dən çox şəhid ailələri, qazilər və digər sakinlərinin ortaq problemləri barəsində dəfələrlə məlumatlar dərc etmişik. Həmçinin, agentliyimizin tabeliyində fəaliyyət göstərən "Kanal14" YouTube kanalında həmin şəxslərin müraciətlərini canlı yayımlamışıq.
Elə bir neçə gün əvvəl Xocavənd rayon Kuropatkin kənd sakini, birinci vətən müharibəsi veteranı, üçüncü qrup müharibə əlili - eyni zamanda "Respublika şəhid ailələrinə qayğı" cəmiyyətinin sədri Hamlet Gülməmmədovun təqdim etdiyi siyahını ictimailəşdirmişdik. Hansı ki, o siyahıda hektarlarla torpaq sahələrinə sahib olan Eyvaz Hüseynovun özünün, qardaşlarının və ona yaxın olan bir çox vəzifəli şəxslərin adları yer alırdı. Lakin, illərdir ki, 80-dən çox şəhid ailələri, qazilər, müharibə veteranları və digər Xocavənd sakinləri təsərrüfatla məşğul olmaq üçün pay torpaqlarının olmadığından, məhsuldar torpaqlara Eyvaz Hüseynovun sahibləndiyindən şikayətlənirlər.
Yeri gəlmişkən, Hamlet Gülməmmədov "Kanal14" YouTube kanalında canlı yayımlanan "Kamalın zamanı" proqramında sözügedən siyahını səsləndirdikdən iki gün sonra Hamlet Gülməmmədov redaksiyamızla telefon əlaqəsi saxlayıb bildirdi ki, canlı yayımın ertəsi günündən etibarən İcra Hakimiyyətindən şəhid ailələri və qazilərə zənglər edilir, onlara şikayətçi olmamaları üçün müəyyən vədlər verilir.
Qeyd edək ki, ötən yazımızda da bildirdiyimiz kimi, qarşı tərəfin mövqeyini öyrənmək məqsədilə hətta Eyvaz Hüseynovun mobil nömrəsinə belə zəng etsək də o, telefona cavab vermədi.
Mənbə: DogruXeber.az
Teref. Xocanın Blogu
Səhifəmiz hamnın üzünə açıqdır
Qanunlarda MTK əslində tikdiyi binalarda mənziləri satdıqdan sonra mənzilərin çıxarışların payladıqdan sonra tikinti üzərində hüquqların təhvil verməlidir sakinlərə. Lakin Azərbaycanda bu heçdə belə deyil. Qeyri qanuni qaydalar şərtlər insanları aldığı mənzildə ağzı şirin yaşamğa imkan vermir. Bu MTK-dan biridə “Greenville Residence” layihəsidir. ARAL GROUP layihəsi olan “Greenville Residence” mənzil almaq istəyənlərə əvvəlcədən şərtləq qoyulması ilə bağlı məlumatlar daxil olmaqdadır. Beləki, mənzil almaq istəyən müştərilərdən kvadrata görə 1 manat kamunal xidmət adı altında vəsait ödəniləcəyi şifahi olaraq razılaşdırılır. Məsələyə aydınlıq gətirmək üçün şəhərin ən pristijli yeri sayılan “Port Baku”da bu kamunal xidmət adı altında yığılan vəsaitlə maraqlananda şoka düşmək olar. “Greenville Residence” məhs “Port Baku” ilə eyni “kamunal xidmət”i yığmaq həvəsinə düşən sahibkar, eyni şərait, eyni xidməti göstərə bilməyəcəyi aşikardır. Əslində isə tələblə təklifin üst-üstə düşməməsi bu məsələdə ciddi problemdən xəbər verir. “Port Baku”da olan xidmətin üçdəbiri bu “Greenville Residence”də ola bilməyəcəyinidə hamımız yaxşı bilirik. Şəhərin bir çox yerlərində hündür mərtəbələrin inşaasın həyata keçirən MTK-lar həmin kamunal xidmətin qiymətini kvadrata görə 40 qəpik nəzərdə tutduğu halda Delfin otelin yerində inşaa edilən “Greenville Residence” bunu 1 manat dəyərində qanunsuz olaraq tətbiq edir. Əslində heç bir MTK xidmət haqqı yığım qanuni deyil. Sakinlərin özləri toplaşaraq binanın hər bir problemini həl edəcək şəxslər və onlara veriləcək məvaciblər məsələsin hll etməli olduğu halda MTK sahibləri bu hüquqlarıda vətəndaşların əlindən almış hesab edilir. Lakin qiymətə nəzər saldıqda hər mənzildən kvadrat hesabı alınan pullar o qədər yüksəkdi ki, bunu hara nə cür xərclənə biləcəyi haqda söylənənlər yalnız fərziyə ola bilər. Kamunal adı altında hər ay bir mənzilin satış qiyməti dəyərində vəsait yığılması və buna görə qurumlara hesabat verməyən MTK rəhbərləri qısa müddətdə milyoncu olmağı hədəfləyir?.
Hələ bu harasıdır? Mənzil alan şəxslərin məzilini təmir üçün tədarük etdiyi materyaların nə daxili liftlə nədə pilləkənlərlə daşınmasına heç cürə icazə verilmir. Məzilin təmir etdirmək istəyən şəxslər mütləq olaraq 800 azn vəsaiti “Greenville Residence” ofisinə ödədikdən sonra mənzil sahibinə binanın çöl hissəsindəki quraşdırılmış qaldırıcılar vasitəsi ilə mənzilərinə təmir üçün materyaların qaldırılmasına evin təmirinə başlamasına icazə verilir. Tək binada bir blok üzrə 50 mənzil hesabı ilə götürsək hər mənzilə görə 800 manat ödəniş etdikdə bu bir mənzilin nəğd alışı deməkdir (40.000 manat məbləğdən gedir söhbət). Bu yığılan vəsaitin isə hara xərclənməsi şübhəsiz ki hardasa göstərilmir. Çünki qeyri qanuni yığılan pulun rəsmi xərclərdə göstərilməsi mümkün reallıq deyil.
Yazıda adları keçən şəxs və ya qurumların səlahiyyətli şəxslərinin mövqe bildirmə hüquqlarından sitifadə edə bilmələri üçün hər bir şərait yaratmağa hazırıq. KİV haqqında qanunun tələblərinə uyğun olaraq məsələyə qarşı tərəfin mövqe haqqı tanınmaqdadır.
“Aral GROUP” məxsus bu layihələrin geniş araşdırmamız yaxın amanda sizlərə təqdim ediləcəkdir
/bakunews.az/
Teref. Xocanın Blogu
Səhifəmiz hamnın üzünə açıqdır
"Çox hörmətli TƏBİB, Qazaxda dövlət milyonluq xərc çəkib yaraşıqlı Mərkəzi Xəstəxana tikdi. Təşkilati hüquqi formanı dəyişdi. Publik hüquqi şəxs oldu. Hər şey dəyişdi, amma Baş Həkim Sevda xanım dəyişmədi və idarəetməniz köhnə hamamda, köhnə tas kimi qalıb..." Bu barədə sakinlər adından edilən müraciətdə bildirilir.
Müraciətdə daha sonra bildirilir: "Şadlıq sarayına bənzəyən xəstəxananın rentgen aparatı 5 gün işləmir, aparat işləyəndə həkim məzuniyyətdə olur, o həkim də işdə olanda başqa şeyiniz işləmir.
Tibbi sığortaya pulu ona görə ödəyirk ki, kəndlərdə imkansız insanların başına itin oyununu açasız?
Qazax rayonu Bakıdan çox uzaqdı bilirəm...
Rüşvətin, Korrupsiyanın, məmur biznesmenliyinin də bir həddi vardı illərlə. Vəzifəyə təyinatın məbləği dəyişib, ya daha çox qalmaq üçün şərtlər?
TƏBİB-in Səhiyyə Nazirliyindən heç bir fərqi yoxdur. Rayonlarda daha da betər olub. İnsanları özəl klinikalara göndərirlər. Bu o bildiyiniz göndəriş deyil haa.
Həkim fermer, həkim biznesmen olub. Ancaq həkimin həkimlik etməyə vaxtı yoxdur. Niyəsi də budur ki, onu vəzifədə saxlayan biznsesidir, həkimliyi deyil.
Yerlibazlıq, qohumbazlıq, tələbə yoldaşı, sinif yoldaşı, biznes ortağı şəkilində iş sistemi ilə sizə olunan etimadı da doğrultmadız.
Guya bizim səhiyyə sistemini bataqlıqdan çıxaracaqdız, amma hazırda əksini görürük. Siz arayışı Səhiyyə Nazirliyinin zamanındakından daha baha satırsız. Həm də qanuniləşdirilmiş şəkildə. Fərqiniz budur.
Zəhmət olmasa Qazax rayonuna bir səfər təşkil edin. Mərkəzi Xəstəxanasına, Məmur obyektlərinə.... Üzü bəzək, altı təzək İnfrastrukturu hamı görsün. Çağırırlar 50 manatlıq "jurnalistlər"i, özlərini təriflədib vəzifələrindən sui-istifadə etdiklərini pərdələməyə çalışırlar..."
Təqdim etdi: DİA-AZ.COM (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...