 |
|
|
Zaqatalanın Əliabad qəsəbə xəstəxanası ötən əsrin əvvəllərində inşa edilib. Bu səhiyyə ocağı öz dövrünün ən müasir tibb ocağı kimi Əliabadla yanaşı ətraf kəndlərin sakinlərinə də tibbi xidmət göstərib. Böyük Vətən müharibəsi illərində kənd xəstəxanası bir müddət hərbi hospital kimi də fəaliyyət göstərib. Amma son illər acınacaqlı duruma düşüb.
Bu barədə Bizim.Media-nın yerli bürosuna şikayətlənən qəsəbə sakinlərinin sözlərinə görə ötən dövr ərzində xəstəxana cüzi təmir olunsa da, hazırkı vəziyyəti bərbad və qəzalı hesab edilir:
Qəsəbənin mərkəzində yerləşən və vaxtı ilə 75 çarpayılıq olan bu xəstəxana hazırda Ailə Sağlamlıq Mərkəzi kimi fəaliyyət göstərir. Bu müəssisənin kənardan müşahidəsi yetər ki, onun daxilindəki vəziyyəti anlayasan. Odun sobalarının köməyi ilə qızdırılan xəstəxananın istilik problemləri də danılmazdı.
Sakinlər vaxtı ilə burada hər cür şərait olduğunu və bütün tibbi xidmətlər göstərildiyini deyirlər.
Qəsəbə sakini Əsabəli Şabanov deyir ki, vaxtı ilə xəstəxanada, cərrah həkim və təcili yardım maşını belə olub. Amma indi vəziyyət başqadır:
“Xəstəxanada tibbi bacıları, həkim bu gün də var, lakin nəsə baş versə 20-25 km məsafə qət edib rayon mərkəzi xəstəxanasına getməlidirlər. Ona qədər isə insana olan olur. Əsabəli Şabanovun və digər sakinlərin qənaəti belədir ki, camaat rahatca xəstəxanaya gedib-gələ bilsinlər.
Qəsəbə sakinləri xəstəxananın rayon mərkəzindən ucqarda yerləşməsini nəzərə alıb burada təcili tibbi yardım xidmətinin eləcə də müxtəlif sahələr üzrə həkimlərin xidmətinin bərpasını labüd hesab edir.
Əliabad Ailə Sağlamlıq Mərkəzinin şöbə müdiri Səfiyyə Əfəndiyevanın sözlərinə görə bu tibb ocağı 1927-ci ildən xidmət göstərir. O zaman xəstəxana 75 çarpayılıq olub. 1992-ci ildən isə 15 çarpayılıq səviyyəsinə endililib. Şöbə müdüri bildirir ki, 2020-ci ildən ASM kimi fəaliyyət göstərirlər və pasiyentlərə ambulator xidmətlər göstərilir. Səfiyyə Əfəndiyeva binanın uzun illər öncə tikildiyini və təmir-bərpaya, yenidənqurma işlərinə zərurət olduğunu etiraf edir.
Qeyd edək ki, rayon mərkəzindən ucqarda yerləşən Əliabad qəsəbəsinin hazırda 11 mindən artıq əhalisi var. Bununla yanaşı ətraf 7-8 yaşayış məntəqəsinin də sakinləri bu səhiyyə ocağında qeydiyyatdadır ki, onların ümumilikdə sayı 25 min nəfərdən çox edir.
Bu yaşayış məntəqələrinin isə şəhərlə məsafəsi 25-35 km arasında dəyişir. Sakinlər ucqarda yaşamalarını əsas gətirərək xəstəxanada bir sıra tibbi xidmət və həkim müayinələrinin bərpasını, təcili tibbi xidmət göstərilməsini xüsusən təcili tibbi yardım avtomobili ilə təmin olunmalarını müvafiq orqanlardan xahiş edir.
Abşeron rayonu Mehdiabad qəzəsəbəsində dövlət bayrağına hörmətsizlik
Sosial platformada Abşeron rayon icra hakimiyyətinin Mehdiabad qəsəbə inzibati ərazi dairəsi üzrə nümayəndəliyinin binasının önündə Azərbaycan Respublikasının Dövlət Bayrağının yararsız hala düşməsi ilə bağlı görüntülər yayılıb. Dirəkdən yırtıq formada asılan bayrağın yararsız halda olduğu görünür.
Sosial şəbəkənin bir çox istifadəçiləri tərəfindən video görüntülər narazılıqla qarşılanıb və hörmətsizlik kimi qəbul edilib.
Maraqlısı isə budur ki, nədənsə, Abşeron rayon icra hakimiyyətinin və Mehdiabad qəsəbə inzibati ərazi dairəsi üzrə məsul şəxsləri ümumiyyətlə, heç bir məsul qurum bayrağı dəyişdirmir.
Qeyd edək ki, dövlət bayrağına, hörmətsizlik edənlər “Cinayət Məcəlləsinin 324-cü maddəsinə əsasən Dövlət Bayrağına və Dövlət Gerbinə qarşı təhqiredici hərəkətlərin edilməsi iki ilədək azadlığın məhdudlaşdırılması və ya bir ilədək azadlıqdan məhrumetmə ilə cəzalandırılır.
Qeyd edək ki, Abşeron Rayon İcra Hakimiyyəti başçısının Mehdiabad qəsəbə inzibati ərazi dairəsi üzrə nümayəndəsi Əli Həsənov qanunsuz əməlləri ilə Mehdiabad qəsəbəsində yerləşən kənd təsərrüfatı təyinatlı torpaq sahələrində fərdi yaşayış evlərinin tikintisinə icazələrin, müxtəlif məzmunlu arayışların verilməsi və ümumi himayədarlıq müqabilində çoxsaylı vətəndaşlardan rüşvət almasına əsasən 2023-cü ildə həbs olunub. (Xalq.az)
Nazirlər Kabinetinin təsdiq etdiyi minimum istehlak səbətinə əsasən, əmək qabiliyyətli bir şəxs il ərzində ən azı 7 kq, pensiyaçılar 5,8 kq, uşaqlar isə 6 kq kərə yağı istehlak etməlidir. Bu hesaba görə, dörd nəfərlik bir ailənin (ata, ana və iki uşaq) kərə yağına olan minimum illik tələbatı 26 kq təşkil edir. Bu isə o deməkdir ki, ailə hər ay orta hesabla ən azı 2 kq kərə yağı almalıdır. Minimum gəlirə malik bir ailə mövcud bazar qiymətləri ilə bu tələbatı ödəyə bilərmi? Bəs Azərbaycan ailələrinin keyfiyyətli kərə yağına əlçatanlığı hansı dərəcədədir?
Azərbaycanda satışda olan kərə yağlarının qiymətləri müxtəlifdir. Lakin ekspert rəyləri və Azərbaycan Qida Təhlükəsizliyi Agentliyinin (AQTA) açıqlamalarından aydın olur ki, bazarda bu sahədə keyfiyyətsiz və saxta məhsulların sayı kifayət qədər çoxdur. Belə ki, AQTA-nın məlumatında bildirilir ki, “Natural”, “Tac”, “Selskoe”, “Rossiyskoe”, “Belaruskoe”, “Milk World” və “Golden Farm” əmtəə nişanlı, 82,5% yağlılıqla təqdim edilən kərə yağları saxta məhsullardır. Bu məhsulların tərkibində sağlamlıq üçün təhlükə yarada biləcək kimyəvi qatqılar və zərərli bitki yağları aşkarlanıb.
Saxta kərə yağı istehsal edən şirkətlərin adları da açıqlanıb. Bunlar “Allbuy” MMC, “Golden Farm” və “Şamaxı Dairy Farm” MMC şirkətləridir. Həmin şirkətlər müxtəlif adlar altında saxta kərə yağı məhsulları qablaşdıraraq həm iri market şəbəkələrində, həm də kiçik məhəllə marketlərində satışa çıxarıblar. Bu məhsullar 7-20 manat arasında satılır.
Gununsesi.info-ya şikayət edən istehlakçı Fərman Qasımov (ad şərtidir) bildirir ki, yerli istehsal olunan kərə yağlarının keyfiyyətinə güvənmir: “Yeni Zelandiyadan idxal olunaraq burada qablaşdırılan “Best Cow”, “Dayaruşka”, “Wellington”, “Novaya Zemlya”, “No 47” və digər yağları da almıram. Elə Qida Təhlükəsizliyi Agentliyinin son dövrlərdə yerli istehsal olunan kərə yağlarında apardığı yoxlamalarda əksəriyyətinin tərkibində bitki yağı olduğu müəyyən edilib. Tam əminliklə deyə bilərəm ki, AQTA-nın adlarını açıqlamadığı digər yerli istehsal yağlar da eyni vəziyyətdədir. Son yoxlamalar göstərir ki, bu saxta kərə yağlarının tərkibinə yalnız bitki yağı əlavə edilməyib, həm də bütün dünyada istifadəsi qadağan olunan sorbin və benzoy turşuları aşkarlanıb. Bu maddələr birbaşa xərçəng xəstəliyinə səbəb ola bilər. Bunların üzərinə Yeni Zelandiya, Belarus və Ukraynada istehsal olunan və burada satılan məhsulların vəziyyəti isə ayrıca bir problemdir.”
Əhalini keyfiyətli yağ əldə etmək istəsə də, bu məhsullarım qiymətiləri isə olduqca bahadır. Hətta eyni məhsulların qiymətlərini qonşu Gürcüstanla müqayisə etdikdə, Azərbaycanda kərə yağının daha baha olduğu müşahidə olunur. Halbuki hər iki ölkə kərə yağını əsasən idxal edir və idxal üçün nəqliyyat məsafələri də təxminən eynidir. Gürcüstanın ərzaq bazarında ötən həftə kərə yağının pərakəndə satış qiyməti 15–25 manat arasında dəyişib. Əgər Gürcüstanda ən bahalı kərə yağı 25 manat civarındadırsa, Azərbaycanda nisbətən normal keyfiyyətli yağların qiyməti 26–27 manatdan başlayır və 30–35 manata qədər yüksəlir.
Qonşu ölkədəki qiymətlərlə bağlı maraqlı müqayisələr ortaya çıxır. Məsələn, Gürcüstanda 400 qramlıq “Président” kərə yağı təxminən 11.70 manata (19 lari) təklif olunur. Eyni məhsul Azərbaycan marketlərində isə 13.70 manata satılır.
Bu qiymətlər fonunda bir ailənin minimum aylıq kərə yağı tələbatını ödəməsi üçün 55–70 manat arası vəsait xərcləməsi tələb olunur. Bu isə o deməkdir ki, minimum gəlirə malik bir ailə yalnız keyfiyyətli kərə yağı almaq üçün aylıq gəlirinin təxminən 15 faizini xərcləməlidir.
Azərbaycanda qiymət fərqi niyə belə yüksəkdir?
Ekspertlərin fikrincə, kərə yağı qiymətlərində Azərbaycanda müşahidə olunan kəskin fərqlərin əsas səbəblərindən biri təkəlləşmədir, yəni monopoliyadır. Gürcüstanda bu sahədə bir neçə idxalçı fəaliyyət göstərdiyi halda, Azərbaycanda bazara monopolist şirkətlər nəzarət edir və qiymətləri diktə edir.
Kənd təsərrüfatı üzrə ekspert Vahid Məhərrəmov Gununsesi.info-ya açıqlamasında bildirir ki, Gürcüstan, Ermənistan, İran və Türkiyədə kərə yağı qiymətlərinin Azərbaycana nisbətən daha ucuz olmasının əsas səbəbi bu ölkələrdə kənd təsərrüfatı məhsullarının idxal və ixracında monopoliyanın olmamasıdır: “Gürcüstanın Avropa ölkələri ilə müqaviləsi var, habelə Dünya Ticarət Təşkilatına üzv olduğu üçün onlara müəyyən güzəştlər əldə edib. Belə ki, yağ Gürcüstana aşağı rüsumla gətirilir. Azərbaycanda monopoliya olduğuna görə, qiymətlər qonşu ölkələrlə müqayisədə baha başa gəlir. Həm də orada yağın keyfiyyəti də bizdəkindən daha yüksəkdir. Məsələn, qonşu ölkə Azərbaycandan idxal edilən yağların tərkibində zərərli maddələrin olduğunu dərhal müəyyən ediblər. Bu isə daxili bazarda effektiv nəzarətin olmasından xəbər verir.”
Eskpert bildirir ki, Azərbaycanda monopolistin nüfuzundan asılı olaraq, onun adamlarının gətirdiyi məhsulun keyfiyyəti yoxlanılmır: “Onlar məhsulu xaricdən gətirərək burada qablaşdırır, müxtəlif qatqılar əlavə edir və çox yüksək qiymətə satışa çıxarırlar. Çünki bazara başqa oyunçuların daxil olmasına imkan verilmir. Nəticədə həm də qiymətə diktə edirlər. Azərbaycanda ürək-damar və xərçəng xəstəliklərinin bu qədər geniş yayılmasının səbəblərindən biri də qidalara əzarətin zəif olmasıdır”.
V.Məhərrəmovun sözlərinə görə, bahalı yağların belə keyfiyyətinə etibar etmək çətindir: “Kərə yağı qidalar arasında ən faydalı məhsullardan biridir. Lakin ona təhlükəli qatqılar əlavə edilirsə, artıq onun faydasından danışmağa dəyməz, əksinə, ciddi sağlamlıq riskləri yaradır. Tərkibinə heyvan piyi, müxtəlif bitki yağları, xüsusilə palma yağı əlavə olunur. Azərbaycana hər il 60 min tondan çox palma yağı idxal olunur, amma bazarda bu yağın satışına rast gəlinmir. Palma yağı əsasən kərə yağı istehsalında, süd və pendirin yağlılığının artırılmasında, eləcə də dondurma istehsalında istifadə olunur.”
Yerli yağ istehsalındakı problemlər
Azərbaycanda kərə yağına olan illik tələbat təxminən ən azı 73 min ton təşkil edir. Bu tələbatın cəmi 12 faizi yerli istehsal hesabına ödənilir. Hətta Vahid Məhərrəmov bildirir ki, bu rəqəmin də tam şəffaf olduğu şübhəlidir: “Dövlət Statistika Komitəsinin təqdim etdiyi məlumatlarda xətalar var. Statistikaya xam mal şəklində xaricdən gətirilib, sadəcə burada qablaşdırılıb, daha sonra yerli istehsal kimi təqdim edilən məhsullar daxil edilir”
“İstehlak səbətində adambaşına kərə yağı üzrə minimum tələbat 7 kiloqram müəyyən olunub. Bu, yalnız minimum istehlakı əhatə edir. Bu rəqəmdən çıxış etsək, ümumi əhalinin minimum ehtiyaclarını qarşılamaq üçün ildə təxminən 70–75 min ton kərə yağı istehsal olunmalıdır. Bunun üçün isə çox böyük miqdarda südə ehtiyac yaranır”- deyə mütəxəssis deyir.
Onun fikrincə, belə bir istehsal həcmini təmin etmək üçün təxminən 1 milyon 750 min ton süd tələb olunur: “Azərbaycanın ümumi süd istehsalı isə rəsmi statistikaya görə 2 milyon 200 min ton civarındadır. Lakin bunun bir hissəsi xaricdən gətirilən quru süd hesabına ödənilir. Azərbaycanda hər inəkdən illik orta hesabla 1700–1800 litr süd əldə olunur. Bu səbəbdən də yerli süd istehsalı baha başa gəlir.
Digər ölkələrdə 50-60 qəpik olan süd Azərbaycanda 1 manatdan baha satılır. Hətta paketlənmiş südün qiyməti 2.60–2.80 manat, bəzi hallarda isə keyfiyyətindən asılı olaraq 3 manatdan da yuxarı olur. Azərbaycanda südün baha başa gəlməsinin əsas səbəblərindən biri kifayət qədər yemin olmamasıdır.
Süd istehsalı üçün yaşıl yem, quru ot, şirəli yem, senaj və silos tələb olunur. Lakin Azərbaycanda şirəli yem və senaj istehsal olunmur. Silos istehsalı tələbatdan 100 dəfə, ot 2,5 dəfə, qüvvəli yem isə 15 dəfə azdır. Yaşıl yem isə yay aylarında həm az olur, həm də qiyməti çox baha olur.
Bu səbəblərdən Azərbaycanda kərə yağı istehsalı da kifayət qədər deyil. Ölkə tələbatının 30 faizini belə özü təmin edə bilmir. Yem istehsalı olmadığı üçün süd istehsalı da azdır. Azərbaycanda bir inəkdən illik orta hesabla 1 ton 700 kq süd əldə olunur. Bu göstərici qonşu ölkələrdə 3 ton, öz kərə yağını istehsal edə bilən ölkələrdə isə 6-7 ton təşkil edir. İsraildə isə hər inəkdən illik 13 ton süd alınır”.
Mütəxəssis bildirir ki, məhsuldarlığı artırmaq üçün konkret addımlar atılmalı, heyvandarlığın inkişafı ilə bağlı dövlət proqramı qəbul edilməlidir.
Məhərrəm Talıbov özgənin əmlakını mənimsəmə iddiası ilə məhkəməyə verilib.
XALQ.AZ xbər verir ki, Naxçıvan Muxtar Respublikası prokurorunun sabiq müavini Məhərrəm Talıbov və onun oğlu Samir Talıbova qarşı məhkəmə iddiası qaldırılıb.
Hazırda iş Naxçıvan Şəhər Məhkəməsinin icraatındadır. Şikayətçilər iddia edirlər ki, M.Talıbov və oğlu fırıldaq yolu ilə bəzi vətəndaşların bahalı əmlaklarını ələ keçiriblər. İddia tələbində görünür ki, şikayətçilər arasında M.Talıbovun yaxın qohumları da var.
Məhkəmədə baxılan işin məzmunundan bəlli olur ki, Talıbovlara bu işdə Naxçıvan MR-in sabiq ədliyyə naziri Daşqın Rəhimov və notariat kontorunun müdiri kimi fəaliyyət göstərmiş Cavid Eyvazov adlı şəxs də yaxından dəstək olub.
Bildirilir ki, bu işlə bağlı Cavid Eyvazov dindirilib və o, sözügedən hərəkətləri sabiq nazir Daşqın Rəhimovun göstərişi əsasında həyata keçirdiyini etiraf edib.
Hazırda M.Talıbovun digər qanunsuz əməlləri ilə bağlı da hüquq-mühafizə orqanlarında araşdırmaların aparıldığı deyilir.
Məlumata görə, M.Talıbov Naxçıvanda tutduğu vəzifədən azad edildikdən sonra Bakı şəhərinə köçüb və hazırda oğlanları ilə birlikdə hakimiyyətdə olduğu dövrdə əldə etdiyi ailə biznesini idarə etməklə məşğuldur.
Onun Bakının bir neçə yerində bahalı ticarət obyektləri və mənzilləri mövcuddur. M.Talıbova və ailə üzvlərinə məxsus olan bahalı mülklərlə bağlı da ətraflı məlumat təqdim ediləcək.
Qeyd edim ki, M.Talıbov Naxçıvanın MR Ali Məclisinin sabiq sədri Vasif Talıbovun doğma qardaşıdır.
Məhərrəm Talıbov eyni zamanda Azərbaycan Boks Federasiyasının vitse-prezidentidir.
Qeyri-Hökumət Təşkilatlarına Dövlət Dəstəyi Agentliyinin ictimaiyyətlə əlaqələr üzrə meneceri Ülviyyə Qarayevanın 6 mart 2025-ci il tarixində “Azərtac”a müsahibəsində bildirmişdir ki, “Qrant müsabiqələrində şəxslər deyil, QHT layihələri qiymətləndirilir”.
Ancaq təssüf ki, QHT Agentliyinin qrant müsabiqəsinin nəticələri elan olunduqdan sonra siyahıya diqqətlə baxdıqda görürük ki, əksinə QHT Agentliyi qrant müsabiqələrində QHT layihələri deyil, şəxslər qiymətləndirir.
Belə olmasaydı QHT Agentliyi əvvəllər olduğu kimi bu ildə müsabiqənin nəticələri olan siyahıda təşkilat sədrlərinin adlarını da yazardılar. Belə ki, Millət vəkili Tənzilə Rüstəmxanlının “Azər-Türk Qadınlar Birliyi” (25.000 AZN), Millət vəkili Naqif Həmzəyevin “Dünya Azərbaycanlıları Gəncləri İB” (18.000 AZN), Millət vəkili Vüqar İsgəndərovun “Qeyd-Sosial Maarifləndirmə İB” (8000 AZN), Millət vəkili Mehriban Vəliyevanın “İnsan Alverinə Qarşı mübarizə Təşkilatı İB” (10.000 AZN), Millət vəkili Məlahət Həsənovanın “İnnovativ təşəbbüslərə Dəstək” İB (10.000 AZN), YAP Nizami rayon təşkilatının sədri Ramil Vəlibəyovun “Sosial-İctimai Marrifləndirmə” İB (9.000 AZN), Sosial Tədqiqatlar Mərkəzinin Aparat rəhbəri Sahib Məmmədovun “Vətəndaşların Əmək hüquqları Müdafiəsi” İB (19.000 AZN), Efiopiyanın fəxri konsulu Səfiri Ceyhun Ələkbərov “Soyqrım həqiqətlərinin tanıdılması” İB, Mədəniyyət nazirliyinin şobə müdiri (Gənclər Fondunun keçmiş şöbə müdiri) Seymur Hüseynovun “Qlobal sahibkarlıq Şəbəkəsi Azərbaycan” İB, Millət vəkili, QHT Agentliyinin Müşahidə Şurasının üzvü Azər Allahverənovun bir neçə QHT- si, Pedeqoji Kollecin direktoru, QHT Agentliyinin Müşahidə Şurasının üzvü, İsrail İsgəndərovun “Ümid” Sosial İnkişafa Yardım İctimai Birliyi, QHT Agentliyinin Müşahidə Şurasının üzvü Nürədidin Mehdiyevin bir neçə QHT-si (“Virtual Qarabağ İnformasiya KommunikasiyaTexnologiyaları Gənclər” İB, “Üfiq” Gənclərin İnkişafı naminə İB) və.s Ən paradoksalı isə bu yaxınlarda özünü buraxan, ləğv edən, Dövlət Turizm Agentliyində casus şəbəkəsi quran “İnternational Transperance” Təşkilatının icraçı direktoru Əliməmməd Nuriyevə QHT Agentliyinin ən yüksək məbləğini 31.000 AZN verilib.
QHT Agentliyinin direktoru Aygün Əliyeva öz rəfiqələrinə (Məsələn, Firuzə Cəlilova və.s) qrantlar ayırır. Agentliyin aparatına Prezident Administrasiyasının sektor müdiri Tural Əliyevin qohumları (Məsələn, Nilufər Əhmədova və.s) və Aygün Əliyevanın rəfiqələri qanunsuz formada işə götürülüblər.
/gundemxeber.az
Azərbaycan Dövlət İqtisad Universitetinin Dərbənd filialının məzunları 2 ildir ki, diplomlarını ala bilmirlər. Universitetin 2023-cü il məzunları diplom ala bilmədiklərinə görə, heç yerdə iş tapa bilmədiklərini bildirirlər. Çətinliklər yaşayan məzunlar çarəsiz vəziyyətdə qalıblar.
Mövzu ilə bağlı APA TV-nin qaynar xəttinə müraciət edən Elnur Babayev bildirir ki, özü ilə birlikdə 33 tələbə bu problemlə üzləşib.
Daha ətraflı aşağıdakı videoda:
AFFA-nın baş katibi Cahangir Fərəcullayev qurumun Hesabat Konfransında sensasion etiraflar etdi. O, Azərbaycan futbolunun hazırkı durumunun yaxşı olmadığını bildirdi. Gəlin əvvəlcə Cahangir Fərəcullayevin dediklərini oxuyaq:
“Əsas millimizin nəticələri hamımızı üzür. Avropa futbolunda autsayderlər sırasındayıq. AFFA-da kadr çatışmazlığı var. Müasir futbol idarəçiliyi qarşımıza ciddi tələblər qoyur. Ona görə AFFA-nın strukturunda ciddi dəyişikliklər olacaq. Hər şeyi sıfırdan başlamalıyıq. Yalnız bunu gerçəkləşdirməklə, strategiyanı həyata keçirmək olar. Bundan ötrü xüsusi qrup yaradılacaq.
Uşaq futbolunun inkişafı üçün yaxşı infrastruktur lazımdır. Hazırda bir nömrəli problem məşqçi qıtlığıdır. 10 milyonluq ölkə üçün cəmi 7 təlimçimiz və qapıçı üzrə 1 instruktorumuz var”.
Dəhşətli etirafdır. Niyə dəhşətli? Ona görə ki, illərdir bizim bar-bar bağıraraq dediklərimiz ilk dəfədir ki, AFFA rəhbərliyi tərəfindən etiraf olunur.
Bu, etiraf deyil, həm də mesajdır, anonsdur, xəbərdarlıqdır: İllərdir Azərbaycanda futbola milyardlar ayrılıb, amma heç bir iş görülməyib. Hər şey sıfır səviyyəsindədir.
Yəni 16 il ərzində Rövnəq Abdullayevlə Elxan Məmmədov birlikdə bu milyardları mənimsəyiblər.
Maraqlı sual yaranır: Cahangir Fərəcullayevin bu etirafı hansı məqsədi güdür? Burada iki versiya ola bilər.
Birinci versiya: Baş katib AFFA-ya yönələn sərt tənqidlərin fonunda alibi axtarır. Ən yaxşı alibi isə hər şeyi əvvəlki rəhbərliyin üzərinə yıxıb müəyyən müddət ictimai fikirlə manipulyasiya etməkdir.
İkinci versiya: AFFA rəhbərliyi ölkə futbolunun real durumunu bilir və bunu ictimaiyyətlə bölüşür. Real durumu açıqlamaqla, AFFA rəhbərliyi cəmiyyətə mesaj ötürür ki, yaxın vaxtlarda ölkə futbolunda, xüsusən də milli komandadan nəticə gözləməyə dəyməz. Çünki heç bir potensial yoxdur. Və həm də deyir ki, problemlərin olduğunu etiraf edirik və iş görmək niyyətindəyik.
Məqsəd ikinci variantdırsa, alqışlanmalıdır. Zatən biz deyirdik ki, bu yığmadan nəticə gözləməyə dəyməz. İndi işə başlanılsa, yığma səviyyəsində nəticə ən azı 10 ildən sonra olacaq. Özü də əvvəlcə aşağı yaş qrupları üzrə yığmalar nəticə verməlidir, sonra isə əsas milli. Bu aksiomadır.
Ümid edək ki, AFFA rəhbərliyi həqiqətən də iş görmək istəyir. Amma başqa bir sual da açıq qalır: Bu etirafdan sonra Rövnəq Abdullayevlə Elxan Məmmədov haqqında hansı tədbirlər görüləcək? Dövlətin futbolun inkişafı üçün ayırdığı milyardları mənimsəyiblər və indi də xımır-xımır yeyirlər.
Belə olmamalıdır. Baş katibin açıqlaması diktə edir ki, yaxın gələcəkdə biz bu xəbəri oxuyacağıq: Rövnəq Abdullayevlə Elxan Məmmədov həbs olundu!
Natiq Muxtarlı
Aut.az
Azərbaycanın ən qədim tarixə malik və ən böyük qəsəbələrindən olan Qıvraq qəsəbəsi mərkəz olaraq Kəngərli rayonu 2004-cü il martın 19-da Azərbaycan Respublikasının Prezidenti İlham Əliyevin Azərbaycan Respublikasının Qanununu imzalaması ilə yaradılıb. Lakin bu rayon yaradılan gündən problemlər bitib tükənmir.
Rayona 2015-ci ilin 31 avqust tarixindən icra başçısı təyin edilən Kamal Ələkbərov işlədiyi dövr ərzində elə bir ciddi işlərlə diqqət mərkəzində olmayıb. Kamal Ələkbərov icra başçısı işlədiyi 10 il ərzində yalnız öz ənənlərinə sadiq qalıb. Rayon mərkəzində yalnız təmir adı ilə işlər görülüb. Kamal Ələkbərovun gözü qarşısında inşa edilən Bayraq Meydanı icra hakimiyyətinin yaxınlığındadır. Amma nədənsə hər gün öz kabinetindən bayrağa baxan icra başçısı çırılmış, çirk içərisində olan Azərbaycan bayrağını görmür. Bu Azərbaycan bayrağına bir məmurun göstərdiyi həqarətdir.
Naxçıvandan Türkiyəyə yol alan əsas magistral yolun kənarında yerləşən Bayraq Meydanını hər gün yüzlərlə avtomobil keçir. Yerli sakinlərin bayrağı dəyişdirilməsi üçün etdikləri şikayət də öz nəticəsini verməyib. İcra başçısı nədənsə bu bayrağı yeniləməyə tələsmir. Naxçıvan Muxtar Respublikasının sabiq rəhbəri Vasif Talıbovun zamanında yəqin ki, Kamal Ələkbərov bu cəsarəti nümayiş etdirə bilməzdi. Yəqin ki, o zaman Vasif Talıbov bu icra başçısını başqa cür cəzalandırardı. Görünən isə odur ki, Kamal Ələkbərov bu əməli ilə dövlətə və dövlətçiliyə meydan oxuyur. Vasif Talıbovun dövründə hər həftə iməcliklər təşkil edilər, yol kənarları, küçələr təmizlənərdi. Bu gün Kəngərli rayonunun mərkəzi olan Qıvraq qəsəbəsi zibillik içərisindədir . Yol kənarları isə cəngəllikləri xatırladır. İcra hakimiyyətinin saytı işləmir. İcra hakimiyyətinin saytında qeyd edilən əlaqə nömrələri isə zənglərə cavab vermir. Bu isə o deməkdir ki, icra başçısı Kamal Ələkbərov yerində deyil.
Veteninfo.az
Aprelin 15-də görkəmli oftalmoloq-alim, akademik Zərifə Əliyevanın vəfatından 40 il ötür.
"DogruXeber.az" xəbər verir ki, Naxçıvanın Şahtaxtı kəndində dünyaya göz açmış akademik Zərifə Əliyevanın tədqiqatları, alim kimi qazandığı böyük uğurlar Azərbaycan tibb elminin tarixində xüsusi mərhələ təşkil edir. O, Azərbaycan Tibb İnstitutunu bitirəndən sonra təhsilini Moskvada, Həkimləri Təkmilləşdirmə İnstitutunda davam etdirib. Əmək fəaliyyətinə 1949-cu ildə Azərbaycan Elmi-Tədqiqat Həkimləri Təkmilləşdirmə İnstitutunda elmi işçi kimi başlayıb və bütün ömrünü tibbin oftalmologiya sahəsinə həsr edib.
1940-1950-ci illərdə Azərbaycanda göz xəstəlikləri, xüsusən traxoma geniş yayılmışdı. İnsanları bu bəladan xilas etmək, eləcə də digər aktual problemə - gözün peşə xəstəliklərinə dair fundamental tədqiqatlar aparmaq, onların effektli müalicə metodlarını və profilaktik tədbirləri işləyib-hazırlamaq lazım idi. Zərifə Əliyeva elmi istiqamətlərinin ilkin mərhələsini traxomanın müalicəsinə həsr edib. O, bu xəstəliyin daha geniş yayıldığı rayonlara gedib, xəstəlik ocaqlarını aşkarlayıb, göz həkimlərinə mühazirələr oxuyub, əhali arasında söhbətlər aparıb.
Çox keçmədən Zərifə Əliyeva traxoma xəstəliyinin başlanğıc dövründə sintomisinin tətbiqində uğurlu nəticələrə nail olub. Tədqiqatlarının yekunu olaraq 1959-cu ildə “Traxomanın digər terapiya üsulları ilə birlikdə sintomisinlə müalicəsi” mövzusunda namizədlik dissertasiyasını uğurla müdafiə edib. Onun təklif etdiyi müalicə metodu respublikada geniş tətbiq olunub və traxomanın bir xəstəlik kimi aradan qalxmasında mühüm rol oynayıb.
Zərifə Əliyevanın oftalmoloq-alim kimi diqqət yetirdiyi aktual problemlər sırasında diaqnostika, qlaukomanın və görmə orqanının iltihabının müalicəsi xüsusi yer tutub. O, oftalmologiyanın elmi cəhətdən az araşdırılmış sahəsi - görmə orqanının peşə patologiyasını dərindən tədqiq edib. Bu problemin aktuallığı yalnız kimya və elektronika sənayesinin geniş inkişafı ilə deyil, həm də bir çox yeni kimyəvi birləşmələrin görmə orqanına təsirinin tədqiqi ilə əlaqədar idi. Zərifə Əliyeva bu sahənin ilk tədqiqatçısı olub. O, dünyada ilk dəfə olaraq görmə orqanının peşə patologiyasını araşdıran elmi-tədqiqat laboratoriyası yaradıb və elm aləmində yeni bir istiqamətin - peşə oftalmologiyasının əsasını qoyub. Bu sahəyə dair araşdırmalarının ilkin nəticələrini ümumiləşdirərək “Azərbaycanın kimya sənayesi işçilərində görmə orqanının vəziyyəti” mövzusunda doktorluq dissertasiyası yazıb. 1977-ci ildə ona tibb elmləri doktoru alimlik dərəcəsi verilib.
Gərgin və məhsuldar elmi fəaliyyətinə görə 1980-ci ildə “Əməkdar elm xadimi” fəxri adına layiq görülüb. 1981-ci ildə görmə orqanının peşə patologiyası sahəsində apardığı elmi-tədqiqat işlərinin uğurlu nəticələrinə və oftalmologiyanın inkişafına verdiyi töhfələrə görə ona keçmiş ittifaqın oftalmologiya sahəsində ən mötəbər mükafatı olan SSRİ Tibb Elmləri Akademiyasının M. İ. Averbax adına mükafatı verilib. O, həmin mükafata layiq görülən ilk qadın alimdir.
Zərifə Əliyeva 1983-cü ildə Azərbaycan Elmlər Akademiyasının həqiqi üzvü seçilib. O, həmçinin bir sıra dərs vəsaiti və monoqrafiyaların müəllifidir. Zərifə Əliyevanın əsərləri bu gün də aktuallığını qoruyub saxlayır. O, iridodiaqnostika və iridoterapiya problemləri ilə də məşğul olub, bu sahəyə dair iki monoqrafiya hazırlayıb. Dünya miqyasında iridodiaqnostikaya aid kitabları ilk dəfə Zərifə Əliyeva yazıb.
Akademik Zərifə Əliyeva keçmiş SSRİ Sülhü Müdafiə Komitəsinin üzvü, Azərbaycan Sülhü Müdafiə Komitəsi sədrinin müavini, Ümumittifaq “Bilik” Cəmiyyəti İdarə Heyətinin, Ümumittifaq Oftalmoloqlar Elmi Cəmiyyəti Rəyasət Heyətinin üzvü olub.
Zərifə Əliyeva 1985-ci il aprel ayının 15-də Moskva şəhərində vəfat edib. Onun cənazəsi 1994-cü ildə Moskvanın Novo-Deviçye qəbiristanlığından Bakıya gətirilərək Fəxri Xiyabanda, atası Əziz Əliyevin məzarı yanında dəfn olunub.
"Kimisi “uzman fizioterapevt”, kimisi “uzman dental”, kimisi “uzman varikoz” kimi təqdim olunur"
Xəbər verdiyimiz kimi, burun əməliyyatından sonra vəfat edən Nəzrin Mansurovanın ölümü ilə bağlı cinayət məsululiyyətinə cəlb edilən cərrah Sənan Mehdiyevin həbs müddəti uzadılıb.
Məlumata görə, Nəsimi Rayon Məhkəməsi prokurorun təqdimatı əsasında belə qərar qəbul edib. Məhkəmə əlavə sübutların toplanmasını nəzərə alaraq təqdimatı təmin edib. Qərara əsasən, Sənan Mehdiyevin həbsdə saxlanılma müddəti daha 2 ay uzadılıb. Xatırladaq ki, bu il yanvarın 12-də 30 yaşlı Mansurova Nəzrin Aydın qızı müalicə aldığı xəstəxanada vəfat edib.
İlkin araşdırma zamanı N.Mansurovanın klinikaların birində rinoplastika əməliyyatı etdirməsi, əməliyyatdan qısa müddət sonra vəziyyəti kəskin ağırlaşdığı üçün müalicə məqsədilə yerləşdirildiyi xəstəxanada ölməsi müəyyən edilib. Faktla bağlı Nəsimi Rayon Prokurorluğunda Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb. Nəzrini əməliyyat edən cərrah Sənan Mehdiyev təqsirləndirilən şəxs qismində həbs edilib. Məsələ ilə bağlı mərhum Nəzrin Mansurovanın atası Aydın Abışzadə “Cebheinfo.az”-a açıqlamasında bildirib ki, məhkəmə hələ baş tutmayıb:
“Şikayəti edən, Sənanı həbs etdirən kürəkənimdir. Bu yaxınlarda Apellyasiya Məhkəməsinə müraciət olunmuşdu, lakin rədd edilib. Yəni ev dustaqlığına çıxmaq istəyib, amma məhkəmə əvvəlki qərarı qüvvədə saxlayıb. Bu 2 ay ərzində çox şey bəlli olacaq”.
O, səhiyyənin vəziyyətindən də şikayətlənib:
“Səhhətimdə ciddi problem yaranmışdı. Açığı, yarımcan vəziyyətdəyəm. Hərəkət edə, heç bir iş görə bilmirəm. Bu hadisə məni məhv etdi. Ürəyimə stent taxılıb, amma kifayət etmir. Həkim deyir ki, əməliyyat olunmalıyam, amma mən inanmıram. Tibbin vəziyyəti elədir ki, əməliyyata getsəm, öləcəyimdən qorxuram.
Azərbaycan kardioloji xəstələrin ölüm sayına görə dünyada birinci yerdədir. 50-60 il elmə xidmət edən alimlərimiz adi vətəndaş kimi yaşayırlarsa, bəzi həkimlər özlərini sanki ölkənin sahibi kimi aparırlar. Xəstədən 10 min manat alırlar, xəstə narkozdan ayılmamış pulu bölüb evlərinə gedirlər. Xəstə öldü-qaldı, heç vecinə alan yoxdur. Hansı həkim indiyə qədər xəstəni öldürdüyü üçün pulunu geri qaytarıb?”
Aydın Abışzadə bildirib ki, sosial şəbəkələrə həkim reklamı həddən artıq çoxdur:
“Kimisi “uzman fizioterapevt”, kimisi “uzman dental”, kimisi “uzman varikoz” kimi təqdim olunur. Hamısına yazıram, yazan kimi dərhal cavab verirlər, qəbul günləri, nömrələr yazırlar. Amma profilində harada təhsil aldığı belə qeyd olunmur. Ancaq biznesdir. Bunlar həkim deyillər, fərasətli adamlardır. Mənim böyük qızım 2012-13-cü illərdə 580 balla Tibb Universitetinə daxil ola bilmədi. İndi mənim həmin qızım kimya sənayesi üzrə oxudu, Elmlər Akademiyasında baş elmi işçidir. Yəni məsələ səhlənkarlıqdır, həkim işində diqqətli olmalıdır”.