Salam sizə şikayətim Azercell mobil operatorundandır. Bildiyiniz kimi elə bir ay yoxdur ki, mobil operatorlar heç bir səbəb olmadan qiymətləri qaldırmasınlar. İndi isə Azercell daha da irəli gedərək 1 Fevral 2025-ci il tarixindən etibarən aylıq 2 AZN-lik limit tətbiq edəcək yəni abunəçilər hər ay balanslarına məcburi qaydada 2 AZN vəsait yükləməlidirlər. Əgər 2 AZN-dən az vəsait yüklənilsə və ya balansa ümumiyyətlə vəsait yüklənilməsə 2 AZN xidmət haqqı tətbiq ediləcək və Azercell abunəçinin balansından 2 AZN siləcək bu isə oğurluqdur. Abunəçinin razılığı olmadan mobil operatorun nə ixtiyarı varki abunəçinin balansından vəsait silsin daha doğrusu oğurluq etsin və ya abunəçiyə zorla hər hansısa paket versin? Bu istehlakçı hüquqlarının pozulmasıdır. Bu absurd qayda digər mobil operatorlarda bu ilin Fevral və May ayından var onlarda heç olmasa balansdan silinən 2 AZN müqabilində şəbəkədaxili 60 dəqiqə və 1,2 GB internet paketi verilir Azercell-də isə ümumiyyətlə heç bir dəqiqə və internet paketi verilmir balansdan sadəcə 2 AZN silinir. Özüdə abunəçi balansını kredit vasitəsi ilə və ya Paycell vasitəsi ilə yəni digər nömrədən balansa vəsait yükləsə belə bu aylıq sərfiyyat limiti kimi hesablanılmır yəni abunəçi məcburi qaydada balansa öz pulu ilə vəsait yükləməlidir. Bundan başqa əvvələr danışıq kartının istifadə müddəti bitdikdə nömrənin xətti 180 gün yəni 6 ay birtərəfli qaydada bağlı qalırdı balansa vəsait yüklənilməsə nömrə ləğv edilirdi indi isə bu müddət 90 günə yəni 3 aya endiriləcək. Halbuki bütün dünyada xəttin bağlanılması anlayışı yoxdur bu yalnız Azərbaycanda var. Xatırladım ki, Azercell bir neçə ay öncə danışıq kartlarının müddətini azaltmış bu ay isə bütün tarif paketlərində qiymətləri kəskin şəkildə qaldırmışdı. Bildiyiniz kimi elə bir ay yoxdur ki, hər hansısa xidmətin qiyməti bahalaşmasın. Azercell isə qiymətləri guya xidmət səviyyəsinin yüksəldilməsi üçün bahalaşdırdığını desədə xidmət səviyyəsi əksinə daha da azalıb. Beləki əvvəllər telefon mərkəzinə edilən şikayətlərə zənglə geridönüş edilirdisə indi isə sadəcə şablon şəkildə SMS ilə cavab verilir. Əvvəllər telefon mərkəzində abunəçi həll edilməyən şikayətlər ilə bağlı qrup rəhbəri ilə danışa bilirdisə indi buda ləğv edilib abunəçi şikayətini heç bir yetkiliyə bildirə bilməz. Bundan başqa Azercell 2023-cü ilin maliyyə hesabatını da hələ də açıqlamayıb. Artıq 8 gün sonra 2024-cü ilin sonudur və şirkət 2024-cü ilin maliyyə hesabatını açıqlamalıdır amma 1 ildir ki, 2023-cü ilin maliyyə hesabatı açıqlanmır. Bununla bağlı telefon mərkəzinə iyul ayından müraciət etsəmdə həmin vaxt: "Təklifiniz bizim üçün çox önəmlidir istəyizin tətbiqi imkanları araşdırılacaq" şəkilində şablon şəkildə SMS göndərib götürüb qeydiyyatı bağladılar. Həmin vaxt call center-dən xanım operator: "Yəqinki, yaxın vaxtlarda maliyyə hesabatı sayta qoyulacaq ona görə qeydiyyatı bağlayıblar" şəkilində cavab verdi. Daha bir neçə ay gözləyib Noyabr ayında telefon mərkəzinə maliyyə hesabatı ilə bağlı yenidən müraciət etdikdə operatorlar mənə göndərilən şablon şəkildə SMS-i əsas gətirərək sizə artıq cavab verilib dedilər və bununla bağlı baş ofislə əlaqə saxlamalı olduğumu bildirdilər. 26 Noyabr tarixində baş ofislə əlaqə saxladım müraciətimi yenidən qeydə aldılar və 1 aydır ki, müraciətimə cavab verilmir. Ümumilikdə isə iyul ayından bəri 5 aydan çoxdur ki, bir nəfər belə əlaqə saxlayıb məlumat vermir. Keçən ildə eyni hal baş vermişdi yəni maliyyə hesabatı May ayında açıqlanmışdır onda ancaq müraciətimə Vəfa adlı xanım zəng edərək: "İlkin bəy narahat olmayın hesablanma gedir yaxın vaxtlarda maliyyə hesabatı sayta qoyulacaq" deyə cavab vermişdilər. Maliyyə hesabatını gizlətməyin bir səbəbi var. Bildiyiniz kimi 2018-ci ildən Azercell dövlət şirkətidir və TeliaSonera 2015-ci ildən Avrasiya regionunu tərk edəcəyini açıqladıqdan sonra Azercell 2018-ci ilədək 3 il zərərlə çalışdı və Rabitə Nazirliyi məcbur olub Azercell-in 51%-lik payını TeliaSonera-dan 222,5 milyon dollara almışdır. Həmin vaxt Rabitə Nazirliyi hər kəsi əmin edirdi ki, Azercell gəlirlə fəaliyyət göstərməyə başlayandan sonra Azercell yenidən özəlləşəcək. Bu yaxınlarda İKT üzrə ekspertlər Azercell-in özəlləşmə məsələsini gündəmə gətirəndən sonra görünür Azercell-dən narahat olublar və maliyyə hesabatını gizlətməyə qərar veriblər. Əslində mobil rabitə sahəsində ümumiyyətlə İKT sektorundakı bərbad xidmətin və qiymətlərin durmadan artmasının oğurluq hallarının əsas səbəbi inhisarçılıq və monopoliyadır. Yəni bütün dünyada fəliyyət göstərən Vodafone, Orange, T-Mobile, MTS, Beeline və s. şirkətlərin bazara girməsinə imkan verilmir. Dövlət qurumlarıda illərdir mobil operatorların oğurluğunu görməzdən gəlirlər. Yəni dünyanın heç bir ölkəsində mobil operatorlar heç bir səbəb olmadan qiymətləri durmadan bahalaşdıra və absurd qərarlarla abunəçidən oğurluq edə bilməzlər. Sağolun.
İlkin Məmmədkərimov
Bloqumuzun adresinə göndərilən şikayətdə qaldırılan iddialarla bağlı qarşı tərəfində mövqeyini dərc etməyə hazırıq!
TEREF

Neftçinin əmək pensiyasını qərar qəbul edib hesablayıb ödəyir,sonra da deyir ki, yox səhv etmişəm, çox ödəmişəm. Əvvəllər 5 - 15 ilə, qanunda dəyişiklik ediləndən sonra isə 3 ilə qədər olan artıq ödənilmiş pulu-geri qaytar.
Sən hesablayıb ödəmisən, haqlı və ya haqsız niyə səhv hesablayıb ödəyirsən, ödəmisənsə niyə bu pulu geri tələb edirsən? Hər 2 halda əmək pensiyasını hesablayan sənin işçilərin deyimi?
Sadə əmək pensiyaçısı necə bilsin ki, hansı düzdü. Bəlkə elə indiki qərarın da səhvdi. Bu səhv deyil, Qanunun pozulmasıdır. Qanun pozulubsa niyə səhv hesablayan məsul şəxsi məsuliyyətə cəlb etmirsən?
Sənin etdiyin, hətta hesab etsək ki, haqlı çox ödəmədir, nədən əmək pensiyası alan şəxs- maddi məsuliyyət daşısın? Nədən əzab və əziyyət çəkib, stress keçirib, maddi ziyana düşüb öz haqqını məhkəmədə bərpa etsin.
Onsuz da öz dərdlərinə çatmayan pensiyası - həm azalsın, həm də borc qaytarsın.?!
Azər Quliyev.
TEREF

Bu gün sosial şəbəkələrdə "Lukoil” yanacaqdoldurma məntəqəsində sürücülərin aldadılması barədə bir neçə video paylaşılıb.


Qaynarimfo-nun verdiyi xəbərə görə, belə videolardan birini Haldun Novruzzadə paylaşıb:

"Dünən, yəni 20.12.2024-cü il tarixdə saat 21:05-21:30 radələrində bizim "Rent a car" şirkətinə məxsus 99-XN-288 nömrəli "Hyundai Elantra" avtomobili ilə müştəri "Şamaxinka"da yerləşən "Lukoil"dan 20 manatlıq A92 markalı benzin vurub. Maşın 200 metr gedib, sönüb. Gətirmişik ustaya, çındən benzin yerinə su çıxıb. Bu, konkret biabırçılıqdı. Mənə 500 manat ziyan dəyib, "Lukoil" deyir ki, biz bakdan analiz götürməliyik. Bu, son 1 ay ərzində bu "Lukoil" yanacaqdoldurma məntəqəsində baş verən 4-5-ci belə hadisədir. "LUKOIL-Azerbaijan"dan tələb edirəm, mənə dəyən ziyanı ödəsin!"

Digər bir videoda da bir avtomobil ustası iki sürücünün eyni anda oxşar problemlə ona müraciət etdiyini deyir və bununla bağlı kadrlar göstərir.


Anoloji olaraq bu sürücülərin də "Lukoil"in YDM-də benzin vurduqları bildirilir.

Qeyd edək ki, əvvəllər də "Lukoil” yanacaqdoldurma məntəqələrində, xüsusən də "Şamaxinka"dakı YDM-də oxşar hadisələrin baş verməsi haqqında şikayətlər səslənmişdi.

Mənzil İnşaatı Dövlət Agentliyindən (MİDA) güzəştli mənzillərin satışı üzrə növbəti elektron marafon baş tutub. Bu dəfə Sumqayıt və Lənkərandakı yaşayış komplekslərində onlayn satışlara start verilib - orada bir neçə saniyə ərzində ipoteka əsasında və vətəndaşların şəxsi vəsaiti hesabına satılan 544 mənzil öz sahibini tapıb.

Satışlar dekabrın 6-sı səhər saatlarında başlayıb və qısa müddətdə tamamlanıb. Son zamanlar layihənin sosial mahiyyətinə maraq öz yerini texniki detallara verib - cəmiyyət və analitikləri daha çox kvadratmetrlərin satışının rekord vaxtı maraqlandırır. Bu yaxınlarda keçirilən elektron tur zamanı ilk mənzilin seçimi onun başlamasından 23 saniyə sonra baş verib.

Azərbaycan İnternet Forumunun (AİF) prezidenti, yüksək texnologiyalar üzrə ekspert Osman Gündüz deyib ki, əsas olan ilk mənzilin satılması üçün lazım olan saniyələrdir: “Bu hesabat ölçüsündə MİDA iki parametrə istinad edir - bu, mənzilin sistemdə tapıldığı, baxıldığı və təsdiqləndiyi zamandır. Mənzil seçimi satışın başlamasından istədiyiniz evi tapmaq üçün lazım olan vaxtı göstərir. Müştəri sistemə daxil olur, seçim seçir, onu gecikdirir və təklif vahidi artıq axtarışda digər istifadəçilər üçün görünmür. Sonra seçimini təsdiq edə bilər, dördüncü, yeddinci, qırxıncı saniyədə edə bilər və ya imtina edə bilər, lakin birinci hərəkət həlledici sayılır. Buna görə də strukturun satış hesabatlarında və statistikasında məhz bu vaxt görünür”.

Ekspertin sözlərinə görə, onlayn satışlar başlayandan mənzillər sözün əsl mənasında saniyələr içində satılır: “Əvvəlcə 2018-2019-cu illərdə vətəndaşlar ilk dörd-beş saniyə ərzində öz seçimini edirdilər, daha sonra 2020-ci ildə bu müddət 10 saniyəyə, 2022-ci ildən isə Hövsan və Yasamal yaşayış komplekslərində mənzil satışı zamanı 29-32 saniyəyə qədər uzadılıb. Nəticədə, əvvəlcə sistem müştəri kimi maskalanan kompüter proqramları olan botlardan qorunmamışdı. Üstəlik, strukturun özü dəfələrlə kənar şəxslərin satışa qanunsuz müdaxilə edərək, satış nəticələrini ləğv edib. İki il əvvəl MİDA sistemə insan amilinin rolunu məhdudlaşdırmaq və şəffaflıq üçün vacib olan köklü texnoloji düzəlişlər etdi”.

İndi camaat, deyəsən, ani elektron tenderə öyrəşib, lakin əvvəllər bir neçə saniyə ərzində yüzlərlə mənzilin satışı ilə bağlı elanlar sosial şəbəkələrdə və mediada böyük əks-səda doğurmuşdu. Ruhdan düşmüş vətəndaşlar bunun sırf texniki cəhətdən necə mümkün olduğunu başa düşmürdülər. Başqa təşəbbüskar vətəndaşların, maklerlərin İT mütəxəssislərinə 3-7 min manat ödədikləri və avtomatik olaraq botların köməyi ilə onlara bu mənzilləri aldıqları barədə söz-söhbətlər vardı. Onda maklerlər mənzilləri sonradan 15-20 min manata baha qiymətə satırdılar. Güzəştli mənzillərin biznesə çevrilməsi ilə bağlı çox danışılıb və söz-söhbət yeni tikilən sahiblərin belə mənzillərin satışı ilə bağlı elanlarla gücləndirilir.

Hər halda, vətəndaşlarımızın sosial kateqoriyaları üçün nəzərdə tutulmuş güzəştli mənzillərin həyata keçirilməsi üçün belə bir model qəbuledilməzdir və yerli analitiklər hesab edirlər ki, başqa, daha optimal və effektiv həll yollarını sınamaq lazımdır. Bunun əleyhdarlarının fikrincə, mənzil probleminin həlli üçün nəzərdə tutulan güzəştli mənzillərin verilməsi dövlət layihəsinin mənzilə ehtiyacı olan vətəndaşlarımızın sosial kateqoriyalarının dəstəklənməsi istiqamətində nəzərdə tutulmuş məqsəddən fərqlidir. Çünki əsas vəzifə əhalinin kompüter bacarıqlarını yoxlamaq deyil, özünə ev əldə etmək imkanı olmayan ehtiyacı olanlara kömək etməkdir.

Başqa məqamlar da var. Daşınmaz əmlak eksperti Elnur Fərzəliyevin fikrincə, əsas problem belə mənzillərin satışının şərtlərindədir: “Elektron müsabiqələr, ardınca isə mənzillərin ani satışı, güzəştli mənzil almaq istəyən potensial namizədləri narahat edir. Bir göz qırpımında satılır və buna görə də bir çox müraciət edənlər dəfələrlə bu hərraclarda iştirak edirlər, lakin əliboş qalırlar. Və sonra biz sosial layihə ilə məşğul oluruq, onun çərçivəsində digər vətəndaşlar kreditə müraciət etmədən öz vəsaitləri ilə mənzil alırlar. Bununla belə, əllərində pul olduqda, onlar özəl inşaatçıların təkliflərini nəzərdən keçirə bilərdilər, çünki bu cür mənzillər bu komplekslərdə də mövcuddur”.

Mütəxəssis hesab edir ki, MİDA tabeliyində olan mənzillərin qiymətini bizim bir çox ailələrimizin büdcəsi üçün məqbul hesab etmək olar və bu, onların əsas üstünlüyüdür. Güzəştli daşınmaz əmlakın kvadratı demək olar ki, yarı qiymətinədir. Bundan əlavə, biz daha yığcam, buna görə də sərfəli mənzil fondundan danışırıq. Güzəştli mənzillərin qiymətləri ilə bağlı digər bazar mütəxəssisləri də oxşar fikirdədirlər və onlar elektron satışı layihənin yeganə mənfi cəhəti adlandırır və başqa yanaşmalar təklif edirlər.

Xəbər verdiyimiz kimi, bu gün Prezident İlham Əliyevin sərəncam ilə “Bakı Metropoliteni” Qapalı Səhmdar Cəmiyyətinin sədri Zaur Hüseynov işdən çıxarılıb.
Bakupost.az -ın əldə etdiyi məlumata görə, buna onun işində yol verdiyi nöqsanlar, metropolitenin işini lazımı səviyyədə qura bilməməsi səbəb olub.
Qeyd edək ki, o, bu vəzifəyə 27 fevral 2014-cü ildə təyin olunmuşdu. Z.Hüseynov 10 ildən artıq müddətdə “Bakı Metropoliteni”nə rəhbərlik etsə də, paytaxt sakinlərinin rahat və ucuz olduğu üçün ən çox istifadə etdiyi nəqliyyatın işində dönüş yarada bilmədi. Bir neçə yeni stansiyanın açılışını (onların tikintisinə əvvəlki rəhbərliyin vaxtında başlanmışdı) nəzərə almasaq, ötən 10 il ərzində metro təsərrüfatında ciddi yeniliklərin baş verdiyini söyləmək çətindir.
Amma əvəzində biz nələri müşahidə etdik? Metroda hərəkətin intensivləşməsini gözlədiyimiz halda qatarların gecikməsinin adi hal almasını. Bu, problem xüsusən də son aylarda daha qabarıq şəkildə nəzərə çarpmağa başladı. Bu yaxınlarda "28 May" stansiyasında yaranan problem yəqin ki, hər kəsin yadındadır. Xəttə buraxılan qatarın nasaz olması səbəbindən sərnişinlər "28 May"da düşürüldü və qatar müayinəyə göndərildi. Uzun intervalın yaranması insanların bir saata yaxın metroda qalmasına səbəb oldu. Metropolitendən verilən açıqlamada problemlə bağlı xüsusi iclasın keçiriləcəyi bildirildi. İclas keçirilsə də, heç bir nəticəsi olmadı.
Bu gün metronun "Sahil" stansiyasında yaşananlar bunu bir daha təsdiq etdi. Stansiyada eskalatorlardan birinin hərəkətində fasilə yarandı və bu da öz növbəsində metroda ciddi sıxlıq yaratdı. Nəticədə yalnız metroda deyil, şəhərin mərkəzində ictimai nəqliyyat, bütövlükdə yol hərəkəti müəyyən müddətə iflic oldu, insanlar saatlarla dayanacaqlarda qaldılar.
Beləliklə, Zaur Hüseynovun rəhbərlik etdiyi sahədə işi düzgün qura bilməməsinin məntiqi nəticəsi olaraq, o, vəzifəsindən azad edildi.
Bəs, onun yerinə təyin olunan Vüsal Aslanov bu çətin və məsuliyyətli vəzifənin öhdəsindən gələ biləcəkmi? Hələlik yalnız onu deyə bilərik ki, o, gənc olmasına rəğmən, nəqliyyat sahəsində mühüm vəzifələrdə çalışıb və müəyyən təcrübə əldə edib. Yeni vəzifəsində nə qədər ugurlu olacağını isə yaşayarıq, görərik...

Rusiyanın günün səhər saatlarında Kiyevdə "İsgəndər"lə vurduğu "Şah Plov" restoranı Milli Məclisin deputatı Ağalar Vəliyevə məxsusdur.
TEREF yazır ki, bunu müstəqil araşdırmaçı jurnalist Cavanşir Həsənli öz sosial şəbəkə səhifəsində yazıb. Jurnalist daha sonra yazır:
Restoran 2015-ci ilin iyulunda Ağalar Vəliyevin qardaşı oğlu Vəliyev Ramin Şahbaz oğlunun 33.3 faiz pay ortaqlığı ilə Ukraynada qeydiyyatdan keçmiş AXSAN MƏHDUD MƏSULİYYƏTLİ CƏMİYYƏTİ tərəfindən alınıb və restavrasiya olunub. Ramin Vəliyev 2011-ci ildən fəaliyyət göstərən və faktiki olaraq Ağalar Vəliyevə aid AZİTAL MMC-nin də təsisçisidir.

Sumqayıt şəhər Mənzil Kommunal Təsərrüfatı İstehsalat Birliyinin Yaşıllaşdırma İdarəsi ”SAFFİRA PLUS” Məhdud Məsuliyyətli Cəmiyyəti ilə işbirliyini davam etdirir. Dövlət satınalmalarının vahid internet portalına yerləşdirilmiş məlumatlar əsasında hazırlanan bu məqalədə qeyd edilən faktların aidiyyıti orqanlar tərəfindən təxirəsalınmaz araşdırlamsı zəruriyyəti yaranmışdır. Redaksiya olaraq bu istiqamətdə apardığımız araşdırmanı saytımız vasitəsilə də təkrar ictimailəşdiririk.
Sumqayıt şəhər Mənzil Kommunal Təsərrüfatı İstehsalat Birliyinin Yaşıllaşdırma İdarəsi daimi işbirliyində olduğu bir MMC var. “SAFFİRA PLUS” adlanır. Dövlət Verği Xidmətinin 5 saylı Ərazi Vergilər İdarəsinin MMC ilə bağlı sorğu məktubuna aldığımız cavabda deyilir:
“”SAFFİRA PLUS” Məhdud Məsuliyyətli Cəmiyyətinə məxsus məlumatların təqdim edilməsi barədə sorğunuza 5 saylı Ərazi Vergilər İdarəsində baxılmışdır. Dövlət reyestrində olan məlumatlara əsasən bildiririk ki, “SAFFİRA PLUS” Məhdud Məsuliyyətli Cəmiyyəti (VÖEN: 6701559471) 26.01.2023-cü il tarixdə dövlət qeydiyyatına alınmışdır. Dövlət reyestrində cəmiyyətin təsisçisi və rəhbəri Cəbrayıl rayonu, Minbaşılı kəndində qeydiyyatda olan Zeynalova Nurlana Şahin qızı qeyd olunmuşdur. Dövlət reyestrində “SAFFİRA PLUS” MMC-nin hüquqi ünvanı Saatlı rayonu, Əlisoltanlı kəndi qeyd olunmuşdur. Sözügedən hüquqi şəxsin sahibkarlıq fəaliyyəti və digər vergi tutulan əməliyyatları hazırda aktiv vəziyyətdədir. “SAFFİRA PLUS” MMC Azərbaycan Respublikası Nazirlər Kabinetinin 21.12.2018-ci il tarixli 556 saylı qərarı ilə təsdiq edilmiş “Mikro, kiçik, orta və iri sahibkarlıq subyektlərinin bölgüsü meyarları” üzrə kiçik sahibkar kateqorayası üzrə fəaliyyət göstərir. Dövlət reyestrində cəmiyyətin öz əmlakından sərbəst və məhdudiyyətsiz istifadə etməməsi, müflis elan olunması, təsisçilərinin nizamnamə kapitalındakı paylarının girovda olması, üzərinə həbs qoyulması və digər qaydada yüklü olması barədə heç bir məlumat aşkar edilməmişdir.

Cəmiyyətin şəxsi hesab vərəqəsinin 11.10.2024-cü il tarixə olan göstəricilərinə əsasən vergilər üzrə borcu yoxdur. Sosial sığorta və işsizlikdən sığorta haqları üzrə 1,36 manat, icbari tibbi sığorta haqqı üzrə 0,12 manat borcu mövcuddur. “SAFFİRA PLUS” MMC-nin 11.10.2024-cü il tarixə aktiv əmək müqavilələri üzrə işçilərinin sayı 2 nəfər təşkil edir.”

5 saylı Ərazi Vergilər İdarəsinin məlumatlarından da göründüyü kimi “SAFFİRA PLUS” MMC Nazirlər Kabinetinin 21.12.2018-ci il tarixli 556 saylı qərarı ilə təsdiq edilmiş “Mikro, kiçik, orta və iri sahibkarlıq subyektlərinin bölgüsü meyarları” üzrə kiçik sahibkar kateqorayası üzrə fəaliyyət göstərir. Həmin bölgüdə kiçik sahibkarlara işçilərinin orta siyahı sayı 11 nəfərdən 50 nəfərədək, illik gəliri 200 min manatdan 3 milyon manatadək olan müəssisələr aid edilirlər.

Amma Sumqayıt şəhər Mənzil Kommunal Təsərrüfatı İstehsalat Birliyinin Yaşıllaşdırma İdarəsi tərəfindən dövlət satınalmalarının vahid internet portalına yerləşdirilmiş məlumatlardan da göründüyü kimi cəmi iki nəfər işçisi olan “SAFFİRA PLUS” MMC ilə son bir ildə 8 satınalma müqaviləsi bağlanılıb. İkisi 2023-cü ildə, altısı sə 2024-cü ildə.

“Yaşıllıqların salınması işləri”nin satın alınması üzrə “Saffira Plus” MMC ilə 290.870 manat məbləğində satınalma müqaviləsi 13.12.2024-cü ildə bağlanılıb.

Yaşıllıqların salınması işlərinin satın alınması üzrə “Saffira Plus” MMC ilə 292.994 manat məbləğində satınalma müqaviləsi 18.11.2024-cü ildə bağlanılıb.

yaşıllıqların salınması işlərinin satın alınması üzrə “Saffira Plus” MMC ilə 289.690 manat məbləğində satınalma müqaviləsi 21.10.2024-cü ildə bağlanılıb.

Yaşıllıqların salınması işlərinin satın alınması üzrə “Saffira Plus” MMC ilə 294.292 manat məbləğində satınalma müqaviləsi 22.08.2024-cü ildə bağlanılıb.

Yaşıllıqların salınması işlərinin satın alınması üzrə “Saffira Plus” MMC ilə 293.230 manat məbləğində satınalma müqaviləsi 13.08.2024-cü ildə bağlanılıb.

Yaşıllıqların salınması işlərinin satın alınması üzrə “Saffira Plus” MMC ilə 283.672 manat məbləğində satınalma müqaviləsi bağlanılıb. Başlanma tarixi 09.10.2023-cü il, bitmə tarixi 28.02.2024-cü ilə müəyyən edilmiş tenderin nəticəsi 18.07.2024-cü ildə açıqlanıb.

Yaşıllıqların salınması işlərinin satın alınması üzrə “Saffira Plus” MMC ilə 279.660 manat məbləğində satınalma müqaviləsi bağlanılıb. Başlanma tarixi 13.06.2023-cü il, bitmə tarixi 31.08.2023-cü ilə müəyyən edilmiş tenderin nəticəsi 14.12.2023-cü ildə açıqlanıb.

Yaşıllıqların salınması işlərinin satın alınması üzrə “Saffira Plus” MMC ilə 292.050 manat məbləğində satınalma müqaviləsi 14.12.2023-cü ildə bağlanılıb.

Qeyd edək ki, cəmi iki nəfər işçisi olan “Saffira Plus” MMC ilə son 4 ayda ümumi dəyəri 1 744 748 manat olan altı satınalma müqaviləsi bağlayıb. Ötən il isə onların arasında bağlanan müqavilənin dəyəri 571 710 manat olub. Bu isə ötən ilin dekabrından cari ilin dekabr ayına qədər MMC ilə 2 316 458 manat dəyəri olan 8 satınalma müqaviləsinin bağlanıması deməkdir. Maraqlıdır, cəmi iki nəfər işçisi olan MMC bu sifarişləri necə yerinə yetirir.

Burada tenderlərin keçirilməsində pərdəarxası, görünməyən məqamlar var. Belə ki, Sumqayıtın Yaşıllaşdırma İdarəsi “Saffira Plus” MMC ilə satınalma müqaviləsi bağlayıb sifarişlərin yerinə yetirilməsi üçün vəsaitləri köçürür. İşləri isə ya Yaşıllaşdırma İdarəsinin işçiləri görür, ya da “Saffira Plus” MMC işi başqa bir subpodratçı şirkətə verir. Ortada isə hər iki halda da dövlətin milyonları talanır.

Daha əvvəlki yazılarımızda qeyd etdiyimiz kimi, bu satınalmalarda Sumqayıt şəhər Mənzil Kommunal Təsərrüfatı İstehsalat Birliyi Yaşıllaşdırma İdarəsi “Dövlət satınalmaları haqqında” Qanunun tələblərinə ümumiyyətlə məhəl qoymur. Burada hər il eyni qanunsuzluqlar təkrar olunur. Həm də açıq-aşkar. Media orqanlarında, sosial şəbəkələrdə bu kimi hallarla bağlı çoxsaylı yazılanlara baxmayaraq.

Qeyd edək ki, Sumqayıt şəhər Mənzil Kommunal Təsərrüfatı İstehsalat Birliyi Yaşıllaşdırma İdarəsinin rəisi İlyas Həsənovdur. O, uzun illər Azərbaycanda Baş nazirin birinci müavini işləmiş, Qaçqınların və Məcburi Köçkünlərin İşləri üzrə Dövlət Komitəsini sədri olmuş Əli Həsənovun qardaşıdı. Sumqayıt şəhər Mənzil Kommunal Təsərrüfatı İstehsalat Birliyinin rəisi isə Hüseyn Həsənovdur. Sumqayıt şəhər İcra Hakimiyyətinin başçısı Zakir Fərəcovun bacısı oğludur.

Aktualinfo.org

Qeyd edək ki, Sumqayıt şəhər Mənzil Kommunal Təsərrüfatı İstehsalat Birliyi Yaşıllaşdırma İdarəsinə yaşıllıqların salınması işlərini görən “Saffira Plus” MMC Neftçala rayon İcra Hakimiyyəti ilə bir sıra malların satınalınması üzrə 61.820 manat, Neftçala rayon İcra Hakimiyyəti başçısının Neftçala şəhər İnzibati Ərazi Nümayəndəliyinə isə mal- materialların satınalınması üzrə 55.219,87 manat məbləğində satınalma müqavilələri bağlayıb. Bu barədə növbəti yazımızda.