Uşaqdan böyüyə bir çoxunun sevərək izlədiyi sehrli türk serialları yutubda indi də çox izlənilir.

Musavat.com olay-a istinadən bildirir ki, illər əvvəl çəkilmələrinə baxmayaraq "Sihirli Annem", "Selena", "Bez Bebek", "Acemi Cadı" kimi serialların yutub kanallarındakı izləyici sayı diqqət çəkir.

Belə ki, "Sihirli Annem" serialının 3 fərqli kanalda 2.48 milyon, 711 min və 494 min izləyicisi var.

"Selena" 3.44 milyon, "Bez Bebek" 1.12 milyon, "Sana Bir Sır Vereceğim" 159 min, "Acemi Cadı" 148 min, "Ruhsar" 45.2 min izləiciyə sahibdir.

“Təklik mənim üçün deyil. Amma bu mənim alnıma yazılıb. Mən bunu yaşamalıyam” deyirdi hər zaman. Azərbaycan teatr və kino səhnəsində ana, qaynana obrazı elə bil onun əyninə biçilmişdi.

Həyatın işinə bax ki, səhnədə ana obrazlarını ürəkdən, təbii, elə özü kimi canlandıran aktrisa həyatda heç vaxt ana ola bilməyib. Övladlığa uşaq götürmək istəsə də, həmin vaxt buna maddi imkanı çatmayıb.

Publika.az xəbər verir ki, bu gün “Şöhrət” ordenli Xalq artisti Zərnigar Ağakişiyevanın anım günüdür.

Zərnigar Ağakişiyeva 1945-ci il noyabrın 6-da Quba rayonunun Rustov kəndində dünyaya göz açıb. Anası Səadət xanımın birinci həyat yoldaşı müharibədə həlak olub. O, ikinci dəfə ailə qurub. Bu evlilikdən Zərnigar Ağakişiyeva doğulub. Məktəbə “Güləliyeva” soyadı ilə qəbul olunan aktrisa 12 yaşı olanda atasından ulu babasının adını özünə soyad kimi götürmək üçün icazə alıb. O, heç kimə yük olmamaq üçün evlərini tərk edib. Aktrisa müsahibələrinin birində belə deyib:

“Anam işləməyimə qarşı çıxırdı. Qonşudan pul alıb, Bakıya gəldim. Həm oxuyurdum, həm də işləyirdim. Maddi sıxıntılarım hər zaman olurdu. Ailə qurmamağımın səbəbi isə şəxsi həyatımı sənətimdən artıq sevdirə biləcək insanla qarşılaşmamağım oldu. Qarşılaşdığım insanlar tələblərimə cavab vermədi. Mən də bütün ömrümü sənətə həsr etdim, həyatımı teatrda, tamaşalarda keçirdim”.

Aktrisa 1972-ci ildə Mirzağa Əliyev adına Azərbaycan Dövlət İncəsənət İnstitutunun “Dram və kino aktyoru” fakültəsini bitirib. Təhsilini tamamlayandan sonra bir müddət Tədris teatrında aktrisa kimi çalışan Zərnigar xanım rejissor Əşrəf Quliyevin dəvəti ilə Azərbaycan Dövlət Akademik Milli Dram Teatrında A.Ostrovskinin “Müdriklər” dramında ilk dəfə Mamayeva rolunu oynayıb. 1974-cü ildən isə Akademik Milli Dram Teatrının aktyor heyətinə aktrisa kimi qəbul olunub. 1989-1992-cil illərdə aktrisaya cəmi iki rol həvalə olunub. Bu haqsızlığa dözə bilməyən Zərnişan Ağakişiyeva Akademik Milli Dram Teatrından uzaqlaşıb. Bir də düz yeddi ildən sonra doğma teatrına qayıdıb.

Ömrünün 40 ilini bu sənət ocağına bağlayan aktrisa yaxın müddətdə Zərnigar xanım “Vaqif”, “Kölgələr pıçıldaşır”, “Kimdir haqlı?”, “Təhminə və Zaur”, “Mahnı dağlarda qaldı”, “Poçt şöbəsində xəyal”, “Eşq və intiqam”, “Ölülər”, “Qatarın altına atılan qadın” kimi səhnə əsərlərində özünəməxsus, bənzərsiz və təkrarsız obrazlara imzasını ata bilib.

Zərnigar Ağakişiyeva milli kino sənətimizin ən gözəl simalarından biri olmağı bacarıb. 50-yə yaxın ekran əsərində bu gün də sevilərək izlənilən, yadda qalan obrazlar yaradıb. “Təhminə və Zaur”, “Yuxu”, “Yaramaz” filmlərindəki rolları ilə bir başqa cür sevilib aktrisa. Özünün ən çox sevdiyi obrazı isə “Təhminə və Zaur” filmindəki Zivər rolu olub.

Zərnigar Ağakişiyeva 1982-ci ildə Əməkdar artist, 2000-ci ildə isə Xalq artisti fəxri adları ilə təltif olunub. 2014-cü ildə “Şöhrət” ordeninə layiq görülüb. Prezident təqaüdçüsü olub. Amma bütün bunlar onun xoşbəxtliyi üçün bəs etməyib nə yazıq ki...

Heç vaxt ailə həyatı qurmayan Zərnigar Ağakişiyeva böyük bir eşq yaşayıb. O, sirli sevgilisinin adını çəkməsə də, müsahibələrində onları aktyorluq sənətinin ayırdığını bildirərək, sevdiyi insan haqqında daşıb:

“Həyatımın böyük sevgisini yaşadım. Amma bu sevgi ailə həyatı ilə tamamlanmadı. O adam mənim sənətimi qəbul etmirdi”.

Zərnigar Ağakişiyevanın vəfatından sonra Əməkdar artist Məcnun Hacıbəyov ağlaya-ağlaya verdiyi açıqlamasında onu sevdiyini etiraf edib. İlk sevgisi daşa dəyən aktrisa illər sonra bir şəxslə nikahsız birlikdə yaşamağa başlayıb. Bu bərabərliyin də sonu olmayıb. 13 il sonra birlikdə yaşadığı adamdan ayrılan sənətkar ömrünün sonuna qədər tənhalığı seçib. Heç vaxt övlad sahibi ola bilməyən aktrisanın övladlığa uşaq götürmək istəyi maddiyat baxımından alınmayıb. 

Onun həyatda ən böyük qorxusu tək ölmək olub:

“Qorxuram ki, qəfildən çətin vəziyyətə düşərəm, heç kimə əlim çatmaz”.

Qeyd edək ki, Zərnigar Ağakişiyeva 2018-ci il fevralın 8-də evində yalnız, səssiz-səmirsiz dünyasını dəyişib.

Tənhalığı sevməyən aktrisa ömrünü elə tənhalıqda başa vurub. Yaşadığı mənzildə üç gündən sonra cansız meyitinin aşkar olunması aktrisanın oynadığı bütün faciəli obrazları kölgədə qoyub.

Ekspertlər deyir ki, problem həddən artıq ciddidir, mütləq tədbirlər görülməlidir

“Məişət zorakılığının qarşısının alınması haqqında” 50 qanun da qəbul eləsəniz, zorakılığın qarşısını ala bilməyəcəksiniz. Milli Məclisin son iclasında deputat Aqil Abbas belə deyib. Deputat bildirib ki, Avropadan, xaricdən fondlar kütləvi pullar buraxır ki, Azərbaycanda insanların əxlaqını pozsunlar: “Azərbaycan televiziyalarında məişət zorakılığı, əxlaqsızlıq təbliğ olunur. Bunun qarşısını heç kim ala bilmir, parlament də ala bilmir. Televiziyalarda elə bil it boğuşdururlar, əri arvadla dalaşdırırlar, ərini qoyub onun qardaşı ilə qaçır. Bunlar istisna hallardır. Amma bu, təbliğatdır. Baxanlar deyir ki, mən niyə etməyim?! Bunun qarşısı alınmalıdır”. 

Prezident Administrasiyasının sabiq rəhbəri Ramiz Mehdiyev bir neçə il əvvəl dövlət qəzetindəki məqaləsində yazıda giley edirdi ki, televiziyalar reytinq ardınca qaçır, milli-mənəvi dəyərlərdən uzaqlaşırlar. R.Mehdiyev telekanallarda  aşağı səviyyəli, keyfiyyətsiz əyləncə və şou-biznes xarakterli verilişlərin çəkisinin artmasından gileylənirdi. “Problemin ekspertlər səviyyəsində müzakirəsi göstərir ki, teleradio qurumlarının biznes maraqları, efir vaxtının mentalitetimizə yad verilişlərlə doldurulması, peşəkar kadrların azlığı və digər məsələlər bu kimi ciddi çatışmazlıqların yaranmasının əsas səbəbləridir”, - deyə R. Mehdiyev bildirirdi. Amma ölkənin əsas ideoloqunun bu cür mövqeyindən sonra da efirdə heç nə dəyişmirdi. İndi isə bu cür tənqidlərə, ümumiyyətlə, rast gəlinmir.  

Bu gün özəl telekanallarda əsasən ailə taleləri ilə bağlı nümayiş olunan verilişlər məşhur “Trumenın şousu” filmini  xatırladır. Burada insanların taleləri illərdir ki, serial kimi izlədilir, adamlar özləri də bilmədən hər kəsin gözü qarşısında telekanal heyətinin qurduğu “oyun” nəticəsində ya alçaldılır, ya  alqışlanılır, bəzən də mənəvi olaraq öldürülürl... Kimlərinsə acı taleyi bir şounun əsas alətinə çevrilir. 

Eynilə Trumen kimi, birdən başa düşməyə başlayırsan ki, ətrafındakı hər şey mənzərədir və insanlar sizə göründükləri kimi davranan aktyorlardır. Sənin bütün dünyan özün də bilmədən baş rolu oynadığın böyük bir televiziya serialına çevrilir. Bütün həyatın planetin otuz ildir izlədiyi televiziya şousunun müəllifinin əməyinin nəticəsidir. Amma o da nəzərə alınmalıdır ki, bizim insanlar  Trumen kimi hər şeyi anlayıb, “oyunu” vaxtında tərk edə bilmirlər. 

Bəs telekanallardakı bu hərc-mərcliyin, özbaşınalığın, qeyri-səmimiliyin qarşısı nə zaman alınacaq? Nəyə görə Azərbaycan efirində A. Abbasın dediyi problemlər davam edir? 

Qulu Məhərrəmli

Bakı Dövlət Universitetinin professoru, teletənqidçi Qulu Məhərrəmli mövzu ilə bağlı “Yeni Müsavat”a dedi ki, Aqil Abbasın dedikləri çox ciddi, həyəcan doğuran məqamdır: “Bu yeni məsələ deyil. Dəfələrlə mətbuatda, parlamentdə polemikalar olub, rəy bildirilib. Bu cür verilişlərin yığışdırılması ilə bağlı təkliflər olub. Amma yenə də bu cür verilişlər verilir. Xüsusən də özəl televiziya kanallarında, şou proqramlarda insan taleləri, məişət mövzuları, o cümlədən məişət zorakılığı və digər mentalitetə, əxlaqa uyğun olmayan hadisələr müzakirəyə çıxarılır. Bəzən bu hadisələr uydurulur, süni dramatizm yaradılır. İnsanların diqqətini bu cür verilişlərə cəlb etməklə müəyyən şüuraltı fikirlər yayırlar. Bunların qarşısını birinci növbədə həmin televiziya kanallarının rəhbərləri almalıdır. İctimai qınaq, mətbuat və səlahiyyəti olan digər qurumlar almalıdır. Söhbət hansısa televiziyanın yaradıcılıq işinə qarışmaqdan getmir. Amma ümumiyyətlə, "Media haqqında" Qanunda da, digər sənədlərdə də Azərbaycan əxlaqının, milli dəyərlərin qorunması ilə bağlı tələblər var. Sadəcə olaraq, bəzən verilişlərin reytinqi, pul qazanmaq istəyi tələblərdən yüksəkdə dayanır. Ona görə də bu cür hallar ortaya çıxır. Əgər parlament səviyyəsində bu cür məsələlər qaldırılırsa, deməli, məsələ həddən artıq ciddidir. Bununla bağlı ciddi tədbir görülməlidir".

Ələsgər Əhmədoğlu

Hüquqşünas Ələsgər Əhmədoğlu da mediaya açıqlamasında deyib ki, telekanallar media qanunlarını heçə sayırlar: “Nə media qanununa, nə də jurnalistlərin etik qaydalarına əməl edilir. Bu qayda-qanunlar "toxunulmazlığı" olan media qurumlarının - televiziyaların uyacağı qayda deyil. Onların öz “norma”ları var. Nə qanunu, nə etikanı sayırlar. Qanunlar yalnız acizlərə, gücsüzlərə və yuxarıdan təlimat gəlməyənərə aid olur. Ona görə də təəssüf ki, bəzən telekanallarda gedən müzakirələrdə prezumpsiya hüququ çox ciddi şəkildə pozulur. Qanunun 163-cü maddəsinə əsasən, məhkəmə qərarı olmadan hansısa şəxsin təqsirli kimi təqdim olunması qadağan edilir. Amma bəzən telekanallar açıq formada, məhkəmə qərarı olmadan insanları ittiham edirlər, hətta şəxsləri şübhəli şəxs kimi yox, birbaşa cinayətkar kimi göstərirlər. Əlbəttə ki, fakt olmadan efirdən bu cür ifadələr səsləndirmək doğru deyil".

Afaq MİRAYİQ,
“Yeni Müsavat”