Keçmiş həyat yoldaşı Ancelina Coli ilə gündəmdən düşməyən Hollivud ulduzu Bred Pitt təqaüdlə bağlı danışıb.

KONKRET.az xarici KİV-ə istinadən xəbər verir ki, Bred müxbirlərin təqaüd barəsində verdikləri sualların cavabında deyib:

“Sadəcə orta yaşımı keçdim. Heç bir zaman 5 illik plan quran adam olmamışam. O gün üçün mənə nə düzgün gəlirsə, onu da edirəm. Hələ də elə çalışıram və belə davam edəcəm”.

Qeyd edək ki, aktyorun son filmi “Bullet Train”nin ( Sui-qəsd qatarı) avqustun 5-də kinoteatrlarda nümayişi gözlənilir.

“Warner Bros.” film studiyası baş rolda amerikalı aktyor Joaquin Phoenix ilə “Joker” filminin ikinci hissəsini təqdim edəcək.

Lent.az xəbər verir ki, bu barədə “The Hollywood Reporter” jurnalında məlumat verilib.

Nəşrin məlumatına görə, rollardan birini müğənni Ledi Qaqa canlandıracaq.
Filmin süjeti haqqında hələ ki, məlumat yoxdur.

“Joker”in ilk hissəsi 2019-cu ildə işıq üzü görüb. Film eyni anda iki Oskar qazanıb.

Xalq artisti Səməd Səmədov haqqında maraqlı faktlar məlum olub.

Kulis.az-ın araşdırmasını təqdim edirik:

Səməd Səmədov 1946-cı il, sentyabrın 17-də Aşqabadda anadan olub. 1948-ci ildə baş verən zəlzələdən sonra ailəsi ilə birlikdə Bakıya, İçərişəhər məhəlləsinə köçüb. Müslüm Maqomayev, Fərhad Bədəlbəyli, Polad Bülbüloğlu kimi musiqi xadimləri ilə birgə Bülbül adına musiqi məktəbinin skripka sinfini bitirdikdən sonra A.Zeynallı adına Musiqi Məktəbinin nəzəriyyə sinfinə daxil olub.



Hərbi xidmətə yollanan Səməd xidməti başa vurub qayıtdıqdan sonra qonşuluğunda yaşayan Zərifə adlı qızdan xoşu gəldiyini hiss edir. On altı yaşı olan Zərifə ilə Səməd bir-birlərini sevirlər və ailə qurmaq qərarına gəlirlər. Ancaq ailələrinin etirazını nəzərə alan Səməd Zərifəni qaçırır. Onlar ailə qururlar. Bu evlilikdən cütlüyün Emin adlı oğlu doğulur.

Yeddi ildən sonra isə cütlük yollarını ayırır. Səməd Səmədov İradə adlı xanımla, Zərifə xanım isə başqa bir bəylə ailə həyatı qurur. Müğənninin ikinci evlilikdən bir qız, bir oğul övladı dünyaya gəlir.



Müğənninin ilk evliliyindən olan oğlu Emin polis işləyir. Uzun illərdən sonra ilk dəfə atasını görməkdən ötrü onun evinə gedir, ancaq Səməd bəy oğlunu qarşılamaq üçün qapıya çıxmır. Peşman halda evlərinə qayıdan Emin anasına deyir:

“Sən ilk dəfə idi ki, mənim başımı yerə soxdun”.

Emin ömrünün ən gözəl çağında, 24 yaşında dünyasını dəyişir. Onun ölümü barədə isə Zərifə xanım müsahibələrinin birində deyir:

“Oğlum bir qızın namusunu qorumaq üçün 47 dəfə bıçaqlanıb. Atası oğlumun ölümündən üç gün sonra yasa qırmızı pencəklə gəldi”.



Ancaq Səməd Səmədov müsahibələrinin birində deyir:

“O xanım məni, xəstə atamı və oğlumu atıb cavan oğlana qoşulub getdi. Oğluma 10 yaşına kimi anamla mən baxmışam. Sizcə, hansı ata öz oğlunun yasına qırmızı geyinib gələ bilər? Canımın bir parçası olan övladımın ölümü məni necə sevindirə bilər? O ki qaldı oğlumun qəbrini ziyarət etməməyimə, mən çəkiliş qrupunu belə oraya apardım. Oradakı molla bildirdi ki, Səməd müəllim ayda heç olmasa iki-üç dəfə oğlunun ziyarətinə gəlir. Onun həyat yoldaşını isə biz səkkiz il olar ki, burada görmürük. Oğlum Eminin qəbrini onun qırx mərasimi hələ çıxmamış düzəltdirmişdim”.

1988-ci ildən Səməd Səmədov toylarda çıxış edir. 1992-ci ildə, Eldar Mansurovun Firuz Dilənçinin “Qızlar” adlı şeirinə bəstələdiyi mahnını ifa etdikdən sonra xeyli məşhurluq qazanır.



Məclislərin birində Xalq artisti İlhamə Quliyeva Səməd Səmədova “Toylar kralı” titulu verdiyini deyir. Bundan sonra, doğrudan da, hər kəs onu bu ləqəblə çağırmağa başlayır. Müğənniyə olan toy tələbatı da günü-gündən çoxalır.

Səməd Səmədov “Gözlər, gözlər”, “Ad günü”, “Nazlı yarım”, “Qayıt, gəl” mahnıları ilə məşhurluq qazanıb.

Müğənni haqqında ən çox gəzən söz-söhbətlərdən biri belə idi: O, əvvəllər müğənni kimi yox, toy məclislərində müğənnilərin köməkçisi kimi işləyib, onların musiqi alətlərini daşıyıb. Ancaq onun gənclik illərində toylarda mahnı ifa edərkən çəkdirdiyi şəkillər bu söhbətlərin əsassız olduğunu sübut edir.



Bir dəfə isə Səməd Səmədov efirdə Azərbaycan dövlət himninin müəlliflərini tanımır. Bu söhbətdən sonra əleyhinə danışanlar və yazanlar daha da çoxalır. “Dövlət himninin bəstəkarını tanımayan Xalq artisti” adlı yazılar yayılmağa başlayır.

Müğənni karyerası boyu Ruhəngiz Allahverdiyeva, Bəsti Bəkirova, Sevda Əliqızı ilə duetlər ifa edib. Onun ən uzunmüddətli dueti Sevda Əliqızı ilə olub.



24 iyul 2021-ci ildə Səməd Səmədov 74 yaşında koronavirus səbəbi ilə müalicə aldığı xəstəxanada dünyasını dəyişir. Həmkarı Sevda Əliqızının sözlərinə görə, sənət dostları Cavanşir Məmmədov, Əli Mirəliyev və Ədalət Şükürovdan başqa, heç kim müğənninin dəfninə gəlmir.

Səməd Səmədovla ən çox mübahisəsi olan, onu müğənni hesab etmədiyini, Xalq artisti adının ona yaraşmadığını deyən müğənni Əli Mirəliyev Səməd Səmədov dünyasını dəyişəndən sonra açıqlama verərkən deyir:

“Onun sağlığında qədrini bilmədim. Səmədin ölümündən sonra bir müddət ümumiyyətlə efirlərə çıxmadım. Heç kimlə danışmadım, heç kimə heç nə demədim. Düz adam idi. Heç kimin etmədiyini etdi. Xəstəxanadan zəng edib deyib ki, mən koronavirusa yoluxmuşam, ölürəm, behi qaytarın. Hansı müğənni onu edərdi?”

Türkiyənin “Haber Global” telekanalı Azərbaycan Ordusunun Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinə qarşı həyata keçirdiyi antiterror əməliyyatı barədə süjet hazırlayıb.

Süjetdə mətbuatda yayılan, həmçinin Müdafiə Nazirliyinin ictimailəşdirdiyi pilotsuz uçuş aparatlarının zərbə endirməsinin görüntüləri yayımlanıb.

Süjetdə bildirilib ki, erməni yaraqlılarının açdığı atəş nəticəsində səhər saatlarında Azərbaycan Ordusunun hərbi qulluqçusu Anar Kazımov şəhid olub: “Azərbaycan Ordusu dərhal əks-əməliyyata start verib”.

Vurğulanıb ki, Azərbaycanın 44 günlük Vətən müharibəsində zəfər qazanması ilə gələn sülh çağırışları istiqamətində Azərbaycan Prezidenti İlham Əliyev son aylarda Ermənistan tərəfini son dəfə xəbərdarlıq edib.

Qeyd olunub ki, antiterror əməliyyatı “Bayraktar TB2” pilotsuz uçuş aparatları vasitəsilə gerçəkləşdirilib: “Əlbəttə, atəşkəsin pozulması halında Azərbaycanın antiterror əməliyyatını həyata keçirəcəyi gözlənilir”.