 |
|
|
Tanınmış müğənni Sevda Əliqızı hər zaman müsahibələrində gənc müğənnilərin özlərindən böyüklərə salam verməməsini tənqid edirdi. O bildirib ki, artıq həmin müğənnilər onun tənqidlərindən nəticə çıxarıblar.
DİA.AZ bildirir ki, moderator.az-a açıqlama verən müğənni həmin sənətçilərə məsləhətlərini də verib.
“Dediyim o gənc müğənnilər var idi, hansı ki, özlərini çox böyük-böyük aparırdılar. Artıq gəlib yanımdan keçəndə deyirlər ki, “Sevda xanım necəsiniz?”. Salam verirlər, salam alırlar. Bu adama da xoş gəlir. Onlar bir salam verirsə, mən iki salam verib, qucaqlayıb öpürəm. Tənqidlərimdən nəticə çıxarıblar. Mən özümü heç vaxt, heç kimin yanında yuxarıdan aparmamışaç. Onlar elə bilirdilər ki, 1-2 dəfə efirə çıxmaqla ulduz olacaqlar! Nisə xanım, Flora xanım kimi sənətkarlar məni görəndə can-can deyib, üstümə gəlirlər. Deyirəm ki, ay Nisə xanım, ay Flora xanım, mən gəlirəm də sizlə görüşməyə. Onlar böyük sənətkar olmaqla yanaşı, həm də böyük insandırlar. Siz bəyəm onlardan artıqsınız?!” deyə müğənni bildirib.
Sevda Əliqızı müğənnilərin geyimlərindən də danışıb.
“İndi deyəcəklər ki, bu köhnə fikirlidir. Vallah mən köhnə fikirli deyiləm. Müasir insanam, müasirliyi də sevirəm. Bir az geyimlərinə fikir versinlər. Vallah kənardan tamaşaçılar baxırlar, xoş gəlmir. Qadın qadınlığını saxlamalıdır. Sanbal olmalıdır. Mən istəmirəm ki, səhnə podyum olsun. Çox açıq-saçıqlıdır. Biz Azərbaycanlıyıq axı, onu qorumalıyıq. Bəyəndiyimiz gənc müğənnilərdən Almaxanım Əhmədli və Çinarə Məlikzadənin adlarını çəkə bilərəm. Çinarə Məlikzadə ilk dəfə efirə çıxanda az qalırdım ki, gəlib televizoru öpüm. Bu hər iki xanımda istər sənət, istərsə də geyim mədəniyyəti paralel inkişaf edir. Mən yaxşıların adlarını çəkirəm ki, digərləri də onlardan ibrət götürsünlər. Hətta onlar ara mahnısını da elə təqdim edirlər ki, elə bil bəstəkar mahnısıdır” deyə sənətçi bildirib.
2022-ci il üçün “Oskar” mükafatına namizədlərin adları açıqlanıb.
Əsas namizəd nominasiyaları aşağıdakılardır.
“İlin ən yaxşı filmi” nominasiyası üzrə:
“All quiet on the western front”
“Avatar: The Way of Water”
“The banshees of İnisherin”
“Elvis”
“Everything everywhere all at once”
“The Fabelmans”
“Tar”
“Top gun : Maverick”
“Triangle of sadnees”
“Woman talkings”
“İlin ən yaxşı rejissoru” nominasiyası üzrə:
Martin Mcdonagh – “The Banshess of İnisherin”
Daniel Kwan and Daniel Scheinert – “Everything everywhere all at once”
Steven Spielberg – “The Fabelmans”
Todd Field – “”Tar”
Ruben Östlund – “Triangle of sadness”
“İlin ən yaxşı aktyoru” nominasiyası üzrə:
Austin Butler – “Elvis”
Colin Farrel – “The Banshess of İnisherin”
Brendan Fraser – “The whale”
Paul Mescal – “Aftersun”
Bill Nighy – “Living”
“İlin ən yaxşı aktrisası” nominasiyası üzrə:
Cate Blanchett – “Tar”
Ana de Armas – “”Blonde”
Andrea Riseborough – “To Leslie”
Mixhelle Williams – “The Fabelmans”
Michelle Yeoh – “Everything everywhere all at once”
“İlin ən yaxşı ssenarisi” nominasiyası üzrə:
“The Banshess of İnisherin”
“Everything everywhere all at once”
“The Fabelmans”
“”Tar”
“Triangle of sadness”
Qeyd edək ki, qaliblər mart ayının 13-ü açıqlanacaq.
“Avatar: Suyun Yolu” filmi 2 milyard dollarlıq gəlir həddini keçib.
Gununsesi.info xəbər verir ki, sözügedən film rejissor Ceyms Kameronun üçüncü filmidir ki, 2 milyard dollarlıq gəlir əldə etmiş olur.
Bundan öncə “Titanik” və “Avatar” filmləri də oxşar nəticəni göstərib.
Qeyd edək ki, 2009-cu ildə nümayiş olunan ilk “Avatar” filmi dünya üzrə 2,9 milyard dollar gəlir gətirib. Bu göstərici hazırda tarixdə ən uğurlu göstəricidir.
Məhşur Sovet aktrisası Maya Menqlet 87 yaşında vəfat edib.
Bu barədə "Nyus.ru" məlumat yayıb.
Məlumata görə, o uzun illər öncə ailəsi ilə birgə mühacirət etdiyi Avstraliyanın Melburn şəhərində ölüb.
Aktrisanın ölüm səbəbləri dəqiq məlum deyil.
Qeyd edək ki, karyerası ərzində ümumilikdə, 18 ekran işində çəkilən M.Menqlet "İş Penkovada idi" filmindən sonra geniş populyarlıq əldə etmişdi.
“Hansı sahədə oluruqsa-olaq, hər birimiz bu günlərdə çox aktiv olmalıyıq. İstər yaradıcılıqda, istər yaşadığımız bu dövrün çətinliklərində, kişi-qadın, yaşlı-gənc demədən çalışmalıyıq. Yaradıcı insanlar da öz musiqiləri ilə, yetirmələri ilə vətənə dəstək olmalıdır. Mən xoşbəxtəm ki, bir neçə tələbəm musiqimizi xarici ölkələrdə, nüfuzlu müsabiqələrdə təbliğ edir. Bu gün gənclərin gələcəyi, onların yaxşı yaşaması üçün bizim görəcəyimiz işlər çox vacibdir”.
DİA.AZ bildirir ki, bunu Moderator.az-a açıqlamasında xalq artisti Nazpəri Dostəliyeva deyib.
Xalq artisti müasir mətbuatın xeyli yaxşılığa doğru dəyişdiyini bildirib.
“Bu gün mətbuatın, televiziyanın gücü həqiqətən də böyükdür. Mətbuatımız daha əvvəlki kimi deyil, hər şey yaxşılığa doğru dəyişib. Hər zaman mətbuatla dost olmuşam, çalışıram ki, bu gün də o dostluğu qoruyub saxlayım. Günün hansı saatında, hansı vaxtında mənə ehtiyac duyulursa “mən məşğulam”, “işim çoxdur” deyə bilmərəm. Jurnalistlər bizə hər zaman dəstək olublar. Onların qələmləri tək biz müğənnilər üçün deyil, bütün sahələrdə çalışan insanlar üçün yararlı olub” deyə sənətkar bildirib.
Xalq artisti bildirib ki, yaradıcılığında daim ona dəstək olan insanlar olub.
“Çalışmışam ki, Azərbaycan musiqisini dünya xalqlarının bələd olduğu janrlarda oxuyub, onlara çatdırım. Bu kənardan asan görünə bilər. Heç vaxt “bunları mən təkbaşına etmişəm” deyə bilmərəm. İnsanlar var ki, başqalarının əməyini, əziyyətini qiymətləndirməyi bacarmırlar. Amma belə olmaz! Böyük layihələrimdə mənə mənəvi cəhətdən, musiqi tərəfdən kömək edənlər çox olub. Maddi tərəfini təbii ki, özüm etmişəm. Dəstəkçilərimdən biri də xalq artisti Siyavuş Kərimi olub. Biz Azərbaycan, aşıq, ozan musiqimizin sintezini başqa ölkələrdə nümayiş etdirmişik. O ölkələrdə bizi heyranlıqla dinləyirdilər. Ümumiyyətlə mənim yaradıcılıq gündəliyimi bu gün gənc müğənnilərimiz vərəqləyə bilsəydilər bilərlər ki, Azərbaycan xalqının əməkdar, xalq artisti olmağı üçün insan nə qədər əziyyətli və çətin yollar keçməlidir. Hər şeyə yüngül baxmaq olmaz, çətinliyini görmək lazımdır. Layihələrimin, mahnılarımın üstündə illərlə əziyyət çəkmişəm. Çəkilən əziyyət axır-əvvəl qiymətləndirilir” deyə xalq artisti bildirib.
Məşhur türk aktyoru Necati Şaşmaz “Kurtlar Vadisi”nin yanvar ayında ekranlara dönəcəyi xəbərini açıqlayıb. Maraqla gözlənilən serialın hansı kanalda tamaşaçı ilə görüşəcəyi də bəlli olub. Çağlar Ərtoğrul və Kənan İmirzalıoğlunun filmdə yer alacağı iddiaları da həyəcan yaradıb.
Teref.az afn.az-a istinadən xəbər verir ki, Türkiyə televiziya tarixinin unudulmaz əsərlərindən olan “Kurtlar Vadisi” serialındakı “Polat Alemdar” obrazı ilə yadda qalan məşhur aktyor Necati Şaşmaz bir müddət əvvəl TRT Music-də qatıldığı canlı yayımda Mazhar Alansonun suallarını cavablandırarkən sevənlərinə əfsanəvi serial “Kurtlar Vadisi”nin yenidənq ekranlara qayıtması müjdəsini vermişdi. Çoxdan gözlənilən layihə üçün yeni iddialar səslənib.
Necati Şaşmaz yayımlandığı dövrdə reytinq rekordları qıran serialın yanvar ayında ekranlara qayıdacağını açıqlamışdı. Aktyor, “Kurtlar Vadisi”ndə 397 seriya oynadım, həyatımın 20 ilini “Kurtlar Vadisi” ilə keçirdim. Dəyərli amma yorucu bir iş idi, ona görə də ara verməli olduğumuzu düşündük. Yenidən serial tələb olunmağa başladı. Əgər mümkün olsa, baş verəcək, məncə, yanvarda olacaq” – deyə müəmmalı açıqlaması ilə gündəm olmuşdu.
Şaşmazın bu açıqlamaları serialın pərəstişkarlarında böyük həyəcan yaratsa da, “İskəndər Büyük” obrazı ilə yadda qalan Musa Uzunların serialda olmayacağı xəbəri onları kədərləndirdi. Lakin Kənan İmirzalıoğlu və Çağlar Ərtoğrulun “Vadi”yə qatıla biləcəyi iddiası seriala marağı artırıb. TRT 1 ekranlarında tamaşaçılarla görüşən “Təşkilat” serialında “Serdar Kılıçarslan” obrazına həyat verən məşhur oyuçunun seriala qatılmağa razı olduğu iddia olunur.
Pərəstişkarlarının maraqla gözlədiyi layihə ilə bağlı yeni iddia ortaya atılıb. “Yeni Akit” xəbər verir ki, serialın yeni bölümləri iyun ayında Türkiyədə təqdim edilən və abunə sayının sürətlə artması müşahidə edilən ABŞ-ın onlayn serial və film platforması “Disney Plus”da tamaşaçılara təqdim ediləcək.
“Dədə Qorqud”un yeni tapılmış nüsxəsinin restavrasiyası davam etdirilir.
Bunu APA-ya açıqlamasında professor Ersen Ersoy bildirib.
Onun sözlərinə görə, proses davam etdirilir.
“Dədə Qorqud" kitabının əlyazması Bursa Bədədiyəsinin Əlyazmalar və Quran muzeyində saxlanılır. Kitab bu dəqiqə restavrasiya mərhələsindədir. Bu mərhələdən sonra onun orjinal və günümüzün əlifbasına uyğunlaşdırılmış versiyasında nəşrlərinin hazırlanması nəzərdə tutulub”.
Qeyd edək ki, yeni nüsxə ötən ilin mart ayında türkiyəli kitab kolleksiyaçısı Mehmet Yayla tərəfindən aşkar olunmuşdu.
Yeni nüsxə “Kitabi Dədə Qorqud”un Drezden nüsxəsinə daha çox bənzəyir və 12 boy var.
Məşhur türkiyəli aktyor Mesut Akustanın barmaqları qırılıb.
Serial çəkilişləri zamanı dişi düşən aktyor həkimə getmək üçün çəkiliş heyətinin maşınına minib.
Mesut Akusta maşından düşdükdən sonra müvazinətini itirərək yıxılıb. Maşını idarə edən sürücü isə arxasına baxmadan hərəkət edib və aktyorun barmaqları təkərlərin altında qalaraq əzilib. Nəticədə onun üç barmağı qırılıb.
Akustaya tibbi yardım göstərilib, barmaqlarına gips qoyulub və o, işinin başına qayıdıb. Səhhətindəki problemlərə baxmayaraq, işini heç vaxt yarımçıq qoymayan məşhur aktyora görə serialın ssenarisində dəyişiklik edilib. O, kiminləsə dava etmiş kimi göstərilib.
Mənbə: Haber Global
Şair və tədqiqatçı kimi tanınan Şirvani Ədillinin “Türküstan kitabxanası” seriyasından “Tək vətən sevgisi bəsdir” adlı yeni kitabı nəşr olunub. Kitabda müəllifin şeirləri, hekayələri və elmi-ədəbi məqalələri toplanıb. Geniş oxucu kütləsi üçün nəzərdə tutulmuş kitabın redaktoru və ön sözünün müəllifi filologiya üzrə fəlsəfə doktoru, dosent, şair Zəkulla Bayramlıdır.
Xatırladaq ki, Ş.Ədillinin indiyədək “Mənim odlar diyarım” (2011) adlı şeirlər, “Əruz vəzninin sadələşdirilmiş qəlibləri” (2011), “Milli ideologiyamız: Türklük, Çağdaşlıq, İslam” (2013) və “Azərbaycan şeirində forma məsələləri” adlı araşdırma kitabları nəşr olunub.
“Tək vətən sevgisi bəsdir” kitabına yazılmış ön sözü oxuculara təqdim edirik.
ÖN SÖZ
Mən Şirvani Ədillini əvvəllər əsasən aktiv bir BAO (Bütöv Azərbaycan Ocaqları) üzvü, eyni zamanda, keçirdiyimiz bütün tədbirlərdə yaxından iştirak edən ictimai-mədəni fəal kimi tanı¬yırdım. Doğrusu, onun ciddi elmi, ədəbi və bədii yaradıcılıqla məşğul olduğunu təsəvvür etməzdim. Bir dəfə təsadüfən ümumi çay süfrəsi arxasında BAO-çularla söhbət edərkən mətləb gəlib elmi-ədəbi mövzulara, ədəbiyyat və şeir məsələlərinə çıxdı. Bu zaman təbiətcə sakit və mülayim xarakterli Şirvani bəyin klassik ədə¬biyyatımız və şifahi xalq yaradıcılığı nümunələrimiz haq-qında özünəməxsus maraqlı və orijinal fikirləriylə qarşılaşdım və çox təəccübləndim. Həmin söhbət zamanı mən maraqlanan dostlara heca və əruz vəznlərinin fərqli özəllikləri haqqında öz fikirlərimi izah edirdim. Bu zaman bəzi ağız ədəbiyyatı örnək¬lərimizdə əruz vəzninin işləndiyi haqqında mübahisələrin ol-duğunu dedikdə, Şirvani bəy, hamıdan fərqli olaraq, bu fikri qətiyyətlə müdafiə etdi və hətta fikrini təsdiq etmək üçün bəzi özü¬nəməxsus örnəklər də gətirdi. Mən bu mülahizəylə razı¬laş¬masam da, texniki sahələrdə çalışan, filoloji təhsili olmayan bir gənc fəalımızın ədəbiyyat nəzəriyyəsinin belə incə və həssas mə¬qamlarına bələd olmasından qürur duydum və özümçün gələcəkdə belə söhbətlərdə ehtiyatlı olmağa qərar verdim. Son¬ralar mən onun şeirlər də yazdığını, hətta bəzi kitablarının nəşr olunduğunu da öyrəndim. Eyni zamanda, ictimai-mədəni təd¬birlərdə öz şeirlərini həvəslə qiraət etdiyinin də şahidi oldum.
Bir gün Ş. Ədilli nəşr etdirmək istədiyi yeni kitabının redak¬to¬ru olmağımı xahiş etdikdə, düzünü deyim ki, sevindim. Çünki onun, çoxları kimi, yalnız ad və şöhrət xatirinə kitab buraxdır¬maq istədiyini ağlıma gətirmədim və ona görə də məmnuniy-yət¬lə razılaşdım.
Öncə onu deyim ki, Şirvani Ədillinin “Tək vətən sevgisi bəs¬dir” adlı kitabı quruluşuna görə başqa kitablardan fərqlənir. Belə ki, burada həm şeir və hekayələr, həm də ədəbi-elmi mə¬qalələr toplanıb. Maraqlıdır ki, həm bədii əsərlərində, həm də elmi-publisistik məqalələrində ədalətli və vicdanlı bir insanın, xalqının və vətəninin taleyinə biganə qala bilməyən bir yazarın ürək çırpıntıları duyulur. Müəllifi yaxından tanımaq istəyən hər kəsi bu kitabı diqqətlə oxumağa, Şirvani bəyin könül dünyasına və ruh aləminə baş vurmağa səsləyirəm. Qoy, Şirvanini şəxsən tanıyan insanlar zəhmət çəkib onun bədii və elmi yaradıcılığı ilə də yaxından tanış olsunlar.
Ş. Ədillinin bu kitabında daha öncə yazılmış bəzi şeirlər ol¬sa da, əsasən son on ildə qələmə aldığı şeirlər üstünlük təşkil edir. Bu şeirlərdə Güney problemi, xalqımızın keçdiyi ağır və iztirablı yollar, öz yurd-yuvasından didərgin düşmüş soy¬daş¬larımızın ağrılı-acılı taleyi və 44 günlük II Qarabağ sa¬vaşının hamımızın qəlbində doğurduğu qürur və iftixar duy¬ğuları qır¬mızı xətt kimi keçir. Şirvani bəy istər klassik üslubda, istər aşıq yaradıcılığı səpgisində, istərsə də sərbəst vəzndə qə-ləmini sı¬naya bilir, ürəyindən keçənləri müxtəlif ölçülü mis¬ralarla çat¬dırmağı bacarır. Məsələn, kitabın adına çıxarılmış “Tək Vətən sevgisi bəsdir” başlıqlı şeirdən bəzi misralara baxaq:
Bir vətən sevgisi bəsdir
sevəsən sən bütün insanlığı qəlbdən,
Olasan məzluma dost, zalıma düşmən,
Edəsən haqqa və insanliğa xidmət,
Qoy vətən sevgisi üstündə də
xoşbəxtliyə çatsın bəşəriyyət!
Qoy bütün dünyanın insanları
öz yurdunu sevsin,
Xoş gedər göydə Xudaya.
Çünki, zatən bəşərin düşdüyü min
dərdə, bəlaya
Başqa bir çarə əbəsdir,
Tək vətən sevgisi bəsdir!
Bu şeirin bütünlüklə çağdaş sərbəst şeirlə klassik ədəbi ənə¬nə¬lərin qovuşuğunda qələmə alındığı və bu zaman məzmun və ideyaya heç bir xələl gəlmədiyi göz qabağındadır. Ümumən ki¬tabda toplanmış şeirlərin bədii-estetik baxımdan hansı səviy¬yədə olduğu barəsində heç bir rəy söyləmədən bu işi oxucuların ixtiyarına buraxırıq.
Kitabdakı hekayələrdə də milli-mənəvi dəyərlərimiz, tarixi-etnik gələ-nəklərimiz, dilimiz, dinimiz və mənəviyyatımız haq¬qında əsil yazıçı münasibəti və narahatlığı boy göstərir. Bu hekayələrin qəhrəmanları əsasən ana vətənimizin və xalqımızın ağrı-acılarıyla yaşayan, tarixin sınaq və ibrət dərslərindən baş çıxarmaq üçün daim axtarışda olan, əqli-mənəvi təkamül yolunu tutan çağdaş gənclikdir. Bu hekayələri diqqətlə oxuyan hər kəs xalqının və vətəninin problemlərinə biganə qala bilməyən hə¬min gənclər arasında müəllifin özünü də görə bilər. Məsələn, “Köhnəlmiş gənclik” adlı hekayədə XX əsrin son onilliklərində keçmiş SSRİ-də özünü göstərən iqtisadi tənəzzül və mərkəz¬dənqaçma meylləri, demokratiya və “yenidənqurma” şüarları fonunda Azərbaycanda gedən ictimai-siyasi oyanış və milli dir¬çəliş hərəkatının ardıcıl izlənildiyini görürürk. Həmin qarma¬qarışıq və xaotik illərdə respublikamızda baş verən inqilabi pro¬seslərin məntiqi sonucu olaraq Azərbaycanın milli müs¬tə¬qil¬liyini elan etməsi, dilimizin tarixi adının bərpası, ilk müstəqil kons¬titusiyamızın qəbulu və b. məsələlərdə xalqın bağrından qopan milli ideoloqların və yurdsevər gənclərin yorulmaz mü¬ba¬rizəsi bədii şəkildə əks olunur.
Şirvani bəyin kitabında, yuxarıda qeyd etdiyimiz kimi, bəzi ədəbi-elmi məqalələri də yer alıb. Vaxtilə müxtəlif qəzet və jurnallarda, internet saytlarında işıq üzü görmüş bu məqalələr də müəllifinin nəzəri-elmi səviyyəsi və ədəbi-bədii zövqü haqqında çox şey deyir. Ş. Ədillinin istər klassik və çağdaş ədəbiyyatımız, istərsə də Avropa ədəbiyyatının hər hansı problemi haqqında irəli sürdüyü, yaxud müdafiə etdiyi mülahizələri peşəkarlıq və səriştəliliyi ilə diqqəti çəkir. Məsələn, Fransa ədəbiyyatının ən gö¬zəl və ən çox oxunan nümunəsi olan “Səfillər” romanında ailə dəyərlərinin araşdırılması olduqca maraqlıdır. Fikrimizi sübut etmək üçün müəllifin gəldiyi son nəticəni burada olduğu kimi vermək istərdik: “Beləliklə, “Səfillər” romanındakı hadisələr onu deməyə əsas verir ki, XIX əsrin əvvəllərində fransız cə¬miy¬yəti kifayət qədər ailə təməllərinə əsaslanan bir cəmiyyət ol¬muşdur. Yəni bu gün “şərq ailə ənənələri” adlandırılan ənə¬nə¬lərə oxşar ənənələr əslində əvvəllər Avropa xalqlarında da möv¬cud olmuş və yalnız son 100-200 ildə həmin ənənələrdə aşın¬malar baş vermişdir. Qərbin ailə dəyərləri ilə bağlı bu¬günkü durumu heç də qədim Avropa ənənələrindən qaynaq¬lanmır”. İlk baxışda qəribə görünsə də, Ş. Ədillinin bu sözlə¬riylə razılaş¬ma¬maq mümkün deyil.
“Ağa Məhəmməd şah Qacar bədii əsərlərdə” adlı məqaləni isə geniş spektrli və dərin məzmunlu bir araşdırma kimi sə¬ciyyələndirmək olar. Burada XIX əsr Azərbaycan nəsrinin gör¬kəmli nümayəndəsi Ə. Haqverdiyevin “Ağa Məhəmməd şah Qa¬¬car” faciəsindən başlamış çağdaş dramaturqumuz Əli Əmir¬linin “Bütün deyilənlərə rəğmən və ya Ağa Məhəmməd Şah Qa¬car” pyesinədək bir neçə dram əsəri tədqiqata cəlb edilir. Bu za¬man o, Y. V. Çəmənzəminlinin “İki od arasında” romanını, xalq şairi S. Vurğunun “Vaqif” mənzum dramını, A. Abbasın “Bat¬-manqılınc” romanını və N. Kəsəmənlinin “Yaddan çıxmaz Qa¬rabağ” lirik-dramatik poemasını, hətta Avropa yazıçısı Jan Gevrin “Xacə şah” romanında da Qacar obrazını diqqətlə təhlil edir, maraqlı nəticələr çıxarır. Adı çəkilən bütün əsərlərdə mü¬əllif Ağa Məhəmməd şah Qacarın faciəli taleyi, hakimiyyət uğ¬runda mübarizəsi və vahid mərkəzi dövlət yaratmaq yolunda keç¬diyi məşəqqətlərin bədii təsvirinə nəzər salır və onun ba¬carıqlı dövlət xadimi, iradəli sərkərdə və ağıllı diplomat kimi təqdim edildiyi əsərlərə üstünlük verir.
“Meyxana folklordurmu”, “Sərbəst şeir və onun növləri” və s. məqalələr də elmi-nəzəri baxımdan mütaliəli və hazırlıqlı bir ədəbiyyatşünas alim qələmindən çıxmış tənqidi yazılar kimi qiymətləndirilə bilər. Bu barədə də daha çox danışmadan “Tək Vətən sevgisi bəsdir” kitabının ayağının sayalı olacağına inan-dığımı bildirir və müəllifi Şirvani Ədilliyə yeni yaradıcılıq uğur¬ları arzulayıram.
Zəkulla Bayramlı
filologiya üzrə fəlsəfə
doktoru, dosent, şair
Teref.az
100 səhifəlik elmi əsərində HƏMZƏ VƏLİ sübut edir ki, Babək, özünün son döyüşlərini (938-939-cu illər) Qafanın Pir Davidan kəndindəki Gəzbel dağının üstündəki, ermənilərin indi özlərinə çıxıb, "Davidbek" adlandırdıqları qalada keçirib. Əfsus ki, o, Kəleybərdəki BƏZZ qalasını inkara vardırıb, GƏZBEL dağındakı qalanı GƏZZ kimi qısaldaraq, onu BƏZZ kimi qəbul edirdi.
Həm də sonda Babəki Samarrada deyil, Nüvədi-Astazur ərazilərində öldürtdürür və "Baba Hacı" adlı Nüvədi dağlarındakı orta əsrlərə aid məqbərədə dəfn elətdirirdi. Bununla bərabər, o, çoxlu tarixi dəlillərə və mövcud coğrafi obyektlərə əsaslanaraq, Babəkin son döyüş səhnələrini elə doğru-düzgün təsvir edib ki, kitabı oxuduqcan, sanki canlı kino lentini seyr edirsən.
O, Babəkin döyüşünü tək bir qalada deyil, Afşin ordusuna qarşı apardığı gərgin müqavimət teatrını genişləndirib, Ordubadın Xaraba Gilanından Bərgüşad çayına qədərki ərazilərə atırdı. Və sonda da Astazurun başı üstündəki "Astazur-" və ya "erməni qalasının" sahibi Alban knyazı Səhl İbn-Snbat tərəfindən qonaq kimi qəbul edilərək, ərəb tulalarına təhvil verildiyi səhnəsini dəqiq açırdı.
Kitab qalmaz indiyə. O satışa da qoyulmamışdı. Məndə də özünün avtoimzası ilə yeganə nüsxəsi qalıb.
Şəkildə: Ömrünün son 25 ilini BABƏK XÜRRƏMDİNİN ZƏNGƏZUR-ORDUBAD ərazisindəki döyüş səhnələrinin təsvirini ciggə-ciggə üzə çıxarmış və Nüvədidə Orxon runi yazılı daşı tapıb, qaçhaqaçda onu Bakıya gətirib, sirrlərini oxumuş və "Nüvədi kitabələri" əsərində həmişələşdirmiş Müəllim, Şair, Tədqiqatçı HƏMZƏ VƏLİ.
Kəndimizin qarşısındakı uca SƏNGƏR zirvəsində oturduğu qaya üstündən o çox sevdiyi Nüvədini seyr edir.
*************************************************
Foto Fəxrəddin Əlinindir:
Yazı, böyük tarixçi alimimiz Tariyel Azərtükündür
Teref.az
