Ceyms Kemeron "Avatar: Su Yolu" filminin nümayişinə bir neçə gün qalmış Fransanın "20 Dəqiqə" agentliyinə müsahibə verib.

Sfera.az bildirir ki, ikinci "Avatar"ın yaradılması beş il çəkib. Hələ adı olmayan üçüncü filmin isə 2024-cü ildə ekranlara çıxması planlaşdırılır.

Filmin davamında Jake Sully, onun sevimli Neytiri və uşaqları bir daha qazanc üçün Pandoranın təbiətini məhv edən acgöz dünyalılarla vuruşur. Burada filmin rejissoru Kemeron okeanın dərinliklərinə olan həvəsini qeyd edərək, Pandoranın su dünyasını və Metkayina Na'vi qəbiləsini göstərib. Görünüşlərini yaradarkən Kemeron Havay adalarının yerli xalqlarından ilhamlanıb.

"Biz məhv edilməkdə olan sualtı fauna və floranın öz versiyasımızı yaratmalı idik. Biz mərcan qayalarından, bir dalğıc həvəskarı kimi mənə tanış olan mühitdən ilham aldıq. Nəyə əsaslanaraq bir kainat yaratmaq istədim”- Kemeron müsahibəsində deyib.

Amma “Avatar”ın üçüncü hissəsindən gözlənilməz süjet dəyişikliyi gözləmək lazımdır. Meşə və okeanın ümumən müsbət və xeyirxah qəbilələrindən köklü şəkildə fərqlənən Pandora qəbiləsi nümayiş etdiriləcək.


"Alovu Ash Tribe təmsil edəcək. Mən Navini fərqli tərəfdən göstərmək istəyirəm. Çünki hazırda onların yalnız yaxşı tərəflərini göstərmişəm. İlk filmlərdə çox mənfi insan nümunələri və çox müsbət Navi nümunələri var. “Avatar3”də biz bunun əksini edəcəyik” - deyə Kemeron bildirib.

"Əsas personajların hekayəsini davam etdirərkən yeni yerləri də kəşf edəcəyik. Deyə bilərəm ki, son hissələr ən yaxşısı olacaq. Qalan hissələr giriş idi, yemək verməzdən əvvəl süfrə açmaq üçün bir üsul idi. Amma açıq-aydın hər şey “Avatar 2” nin necə qarşılanacağından, öz tamaşaçısını tapıb-tapmamasından asılı olacaq"-deyən rejissor, “Avatar” üçün Disneydən istədiyi böyük sərmayəyə görə şəxsi məsuliyyət hiss etdiyini qeyd edib.


"Gələcək haqqında düşünməliyəm: xəstələnsəm və ya yaxınımdan biri xəstələnsə və mən təqaüdə çıxmalı olsam nə olacaq? Mən hər şeyi planlaşdırmalıyam ki, hekayə mənsiz də davam etsin. Bu kainatın ən xırda təfərrüatlarını bilən yalnız mənəm. Mən idarəçiyəm və nəzarətdən imtina etmək mənim təbiətimə uyğun deyil” - deyə Kameron müsahibəsini yekunlaşdırıb.


Yeri gəlmişkən, Kameron bir qədər əvvəl qeyd etmişdi ki, o, artıq “Avatar”ın üçüncü və dördüncü hissələrini işə salıb və materialın bir hissəsini sürətlə böyüyən kollektivdə gənc aktyorlarla lentə alıb.

TV8-in rəhbəri Acun Ilıcalı sahibi olduğu İngiltərənin “Hall Siti” klubunun azarkeşlərinə jest edib.

“Qafqazinfo” “NTV Spor”a istinadən xəbər verir ki, türkiyəli iş adamı mövsümün sonuna qədər komandanın bütün səfər oyunlarında azarkeşlərin xərcini üzərinə götürüb.

O, bununla bağlı klubun rəsmi saytına açıqlamasında deyib: “Bura gəldiyim ilk gündən azarkeşlərin möhtəşəm dəstəyini görürəm. Biz də bu dəstəyə biganə qala bilməzdik”.

Qeyd edək ki, “Hall Siti” Çempionşipdə 26 turdan sonra 33 xalla 24 komanda arasında 16-cı pillədə qərarlaşıb.

Müğənni Billi Ayliş ilk dəfə “Vogue” jurnalının üz qabığı videosunda yer alıb.

İfaçı jurnala bədəni ilə münasibəti və mübarizəsi barədə danışıb.


“Yeniyetməlikdə özümə nifrət edirdim. Bunun çoxu bədənimə olan qəzəbdən, mənə yaşatdığı ağrıdan irəli gəlirdi”, - Ayliş bildirib.

Məşhurun sözlərinə görə, o bir zamanlar rəqslə məşğul olub, lakin omba zədəsi karyerasını davam etdirməsinə imkan verməyib.

“Mən bədənimin özüm olduğunu başa düşmək prosesindən keçməli oldum. Mənim torba paltarlarım bədənimə görə utancımın nəticəsidir, onlar mənim üçün bir növ zirehdir”, - deyə Ayliş vurğulayıb.

Lakin o, 2021-ci ildə “Met Gala” gecəsində dar tül don geyinərək bədəninə yanaşmasını yenidən nəzərdən keçirmək qərarına gəldiyini deyib.

Hollivud aktrisası Ancelina Coli Londonda irlandiyalı aktyor, “Normal İnsanlar” serialının ulduzu Pol Meskalla birlikdə görüntülənib.

Məlumata görə, Coli qızı Şaylo ilə birlikdə restoranda Meskalın yanında oturub söhbət edib.

Bundan əvvəl aktrisa aktyorun oynadığı Almeyda Teatrında tamaşaya qatılıb. Məşhurların görüşünün digər təfərrüatı açıqlanmayıb.

Yeni il gecəsi Kiprdə səhnəyə çıxan məşhur müğənni Tarkan konsert zamanı 19 mahnı ifa edib. Pərəstişkarlarına unudulmaz gecə yaşadan meqastar hər mahnıya görə 475 min TL qazanıb.

Bu barədə Türkiyənin “Akşam” qəzeti məlumat yayıb.

Müğənninin konsertdən ümumilikdə 9 milyon TL qazandığı deyilir.

Mənbənin yazdığına görə, Tarkanın konsertində iştirak edən pərəstişkarları bilet üçün ödənişdən əlavə də xeyli xərcə düşüblər. Belə ki, konsertin keçirildiyi hoteldə 3 gecə qalmaq adambaşına təxminən 91 min TL edib.

Xalq artisti Aygün Kazımova qara bəbirlə yeni fotosessiya etdirib.

"Qafqazinfo" xəbər verir ki, müğənni görüntüləri sosial şəbəkə hesabında paylaşıb.

Sənətçi fotosessiya zamanı çətin anlarla üzləşib.

Həmin videonu təqdim edirik:

Lilith şeklinde bildiğimiz kötücül Tanrıça Sümer dilinde Rüzgar anlamına gelen “Lil” kelimesinden gelir. Arkaik insan “Görünmez” bir varlık olan rüzgarı, cinler ve ruhlar ile bağlantılı görür. Ninlil, Lilith hikayelerine kaynaklık eden en arkaik kötücül Tanrıça olarak dikkat çeker. Onun şeytani tarafı, şiddetli esen rüzgarlara benzetilir ve Rüzgar Tanrıçası olarak karşımıza çıkar.
Lilith Yahudi folklorunda bulunan, cinsel cazibeler, fırtınalar, hastalıklar, hastalıklar ve ölümle ilişkilendirilen bir dişi şeytan figürüdür. Tarihsel olarak, Lilith figürü ilk olarak rüzgar ve fırtına demonlarının bir sınıfı olarak ortaya çıkar. Sümer mitlerinde Tanrıların Hanımı olan Ninlil ve Ninhursag sonraki çağlarda Adem’in reddettiği kötücül Lilith olarak anılacaktır. Aslında bu reddetme bir anlamda eski dini düşünceleri reddetmek anlamına gelir. İbrahimi dinlerin mitolojik anlatılarının Sümer mitlerinden etkilendiği açıktır. Bunların bir kısmı kutsal kitaplarda korunarak günümüze kadar gelmiştir.
Tüm bu anlatılar erkek egemen Yahudi kültürünün ürünüdür. Lilith’in özgürlüğü ve bireyselliği, Adem’e itaat etmemesi bu tür kadınların kötü hatta iblis doğuran şeytani bir varlık olarak tanımlanmasına yol açmıştır. Bu söylencede dikkat edilmesi gereken bir başka nokta Lilith’in doğurduğu çocukların kız olmasıdır. Bu kızlar daha sonra erkeklere musallat olan kötü dişil varlıklara dönüşür.
Lilith’in Babilcesi Lilîtu, Asurcası līlātu,İbranicesi laylâ, Arapçası Leylâ, Habeşçesi Lelīt, Aramicesi Lēylā, Süryanicesi Leyla şeklindedir.
Nuray Bilgili
İNANNA'DAN UMAY'A, LİLİTH'DEN ALKARISINA TÜRK MİTOLOJİSİNDE TANRIÇALAR VE CADILAR
Kitabından...

Bu gün 31 Dekabr - Dünya Azərbaycanlılarının Həmrəyliyi Günüdür.

"Report" xəbər verir ki, bu bayram dünyanın müxtəlif ölkələrində yaşayan azərbaycanlılar arasında həmrəylik bağlarının yaranmasında mühüm rol oynayır.

Təbii ki, azərbaycanlılar arasında birlik və həmrəylik hər zaman müşahidə olunub. Bu bayramın qeyd edilməsi isə artıq bütün dünya azərbaycanlıları üçün zərurətə və mənəvi ehtiyaca çevrilib.

Dünya Azərbaycanlılarının Həmrəyliyi Gününün əsası 1989-cu il dekabrın axırlarında Naxçıvanda sərhədlərin (SSRİ-İran sərhədləri) dağılması zamanı qoyulub. Şimali və Cənubi Azərbaycan arasındakı sərhəd dirəkləri dağıdılıb. Bu vaxt İstanbulda türkdilli xalqların konfransı keçirilirdi. Konfrans da dünya azərbaycanlılarının həmrəyliyinin qeyd olunmasına qərar verib. 1991-ci ilin 16 dekabrında Azərbaycan xalqınının ümummilli lideri, o vaxt Naxçıvan Muxtar Respublikası Ali Məclisinin sədri vəzifəsində çalışan Heydər Əliyev dünya azərbaycanlılarının birliyini yaratmağın əhəmiyyətini nəzərə alaraq dekabrın 31-ni Dünya Azərbaycanlılarının Həmrəyliyi Günü elan edib. Beləliklə, bütün azərbaycanlılar üçün əziz olan 31 dekabr - Dünya Azərbaycanlılarının Həmrəyliyi Günü bayram edilir. Azərbaycanlılar bu gün ilə fəxr edir və onu qürurla qeyd edirlər.

Dünya Azərbaycanlılarının Həmrəyliyi Günü dünyanın bütün ölkələrində yaşayan azərbaycanlılar bayram kimi qeyd olunur. Bu gün Azərbaycan diasporu üçün ən mühüm və əlamətdar bayramlardan biridir. Dünya Azərbaycanlılarının Həmrəyliyi Gününü hətta milliyyətcə azərbaycanlı olmayıb, lakin Azərbaycanda doğulub böyümüş, Azərbaycan əsilli diaspor nümayəndələri də qeyd edirlər.

2020-ci il sentyabrın 27-də Ermənistanın ölkəmizə qarşı törətdiyi hərbi təcavüzə cavab olaraq Azərbaycan xalqı Ali Baş Komandan, Prezident İlham Əliyevin çağırışı ilə Vətən müharibəsinə qalxıb. Müzəffər Azərbaycan Ordusu hər anı qəhrəmanlıqlarla dolu 44 gün ərzində düşməni ağır məğlubiyyətə uğradıb və ölkəmizin ərazi bütövlüyünü bərpa edib. Milli dövlətçilik tariximizdə və xalqımızın yaddaşında əbədi yaşayacaq şanlı Zəfər xalq-iqtidar birliyi, ordumuzun yüksək peşəkarlığı və gərgin siyasi-diplomatik fəaliyyət sayəsində əldə edilib.

Müqəddəs Vətən müharibəsi zamanı xaricdə yaşayan soydaşlarımızın düşmənin və anti-Azərbaycan dairələrin məkrli təxribatlarına qarşı cəsarətli etirazları, Azərbaycan həqiqətlərinin dünya ictimaiyyətinə çatdırılması işində fədakar xidmətləri Qələbəmizə layiqli töhfə olub.

44 günlük Vətən müharibəsi dövründə dünya azərbaycanlılarının həmrəylik nümayiş etdirməsi, Azərbaycan Prezidentinin ətrafında sıx birləşməsi xalqımız və millətimiz arasında sarsılmaz bağların mövcudluğunun göstəricisidir. Məhz bu qırılmaz bağlar bütün dünya gücləri qarşısında azərbaycanlıların hansı qüdrətə sahib olduğunu nümayiş etdirdi. Bu birliyin və birlikdə əldə edilmiş gücün sayəsində bu gün azərbaycanlılar dünyanın bütün nöqtəsində başıuca gəzirlər.

Prezident İlham Əliyevin hər zaman dünya azərbaycanlılarına öz dəstəyini nümayiş etdirməsi xaricdə yaşayan soydaşlarımızın fəaliyyətində stimul rolunu oynayıb. Təsadüfi deyil ki, dövlət başçısının bu ilin oktyabrın 21-də Türk Dövlətləri Təşkilatının keçmiş Baş katibi Bağdat Amreyevi qəbul edərkən Azərbaycanın hüdudlarından kənarda yaşayan milyonlarla azərbaycanlıdan söz açması onlar arasında böyük coşğu ilə qarşılanıb. Müşahidələrə əsasən, deyə bilərik ki, Azərbaycan liderinin bu çıxışı qonşu dövlətlərlə yanaşı, ölkəmizdən xeyli uzaqlarda yaşayan bütün soydaşlarımız arasında böyük ruh yüksəkliyi yaradıb.

Prezident İlham Əliyevin həmin çıxışında dünya azərbaycanlıları barədə olan hissəni təqdim edirik: "Təkcə Azərbaycanın hüdudlarından kənarda yaşayan azərbaycanlıların sayı Azərbaycanda yaşayanlardan xeyli çoxdur, bir neçə dəfə çoxdur. Buna görə də, əlbəttə, onların təhlükəsizliyi, hüquqları, salamatlığı bizim üçün çox böyük əhəmiyyət kəsb edir. Biz taleyin hökmü ilə dövlətimizdən ayrı düşmüş azərbaycanlılara, həmçinin bizim qardaş türk dövlətlərinin digər xalqlarının dövlət sərhədlərinin hüdudlarından kənarda yaşayan çoxsaylı nümayəndələrinə kömək etmək, onların inkişafı, onların Azərbaycan dilini, Azərbaycan ənənələrini, Azərbaycan mədəniyyətini qoruyub saxlamaları, azərbaycançılıq prinsiplərinə sadiq olmaları və öz tarixi Vətəni ilə əlaqələri heç vaxt kəsməmələri üçün əlimizdən gələni edəcəyik".