1 Sentyabr- Parlament seçkilərinə sayılı günlər qalır.
Qanunverici orqanımıza keçirilən bu seçkilər ilk dəfə ölkənin bütün inzibati ərazi vahidlərini əhatə edir.
Bu seçkilərin özəlliklərindən biri də həm də millətin qəhrəmanı olan igid hərbçilərimizin indi də millətin vəkili olmaq istəkləridir.
Seçkilərdə iştirak edən namizədlər arasında torpaqlarımızın azadlığı uğrunda canını fəda etmiş igid hərbçilərimizin adı xüsusi yer tutur.
Bu cəsur zabitlərdən biri, Qusardan deputatlığa namizəd olan Rəşad Aslanovdur.
Vətən Müharibəsində Şuşa şəhərinə daxil olub Azərbaycan bayrağını qürurla sancan bu igid zabitimizin adı xalqımızın yaddaşında əbədi olaraq qalacaq.
Qarabağ ordenli Rəşad Aslanov 44 Günlük Vətən müharibəsində həm də öz sağlamlığını itirib.
Onun qəhrəmanlığı haqqında Şuşanın azad olunmasından sonra eşitdik, lakin seçkilərə qatılması Rəşad Aslanovun şərəfli keçmişini də bizə tanıtdı.
Rəşad Aslanovun həyatı vətənə olan sadiqliyin və humanizm dəyərlərinin ən ali nümunəsidir.
Müstəqilliyimizin ilk illərində Türkiyənin Orta Doğu Universitetinə qəbul qazanan Rəşad Aslanov xaricdə təhsil şansından imtina edərək, Bakı Ali Hərbi Məktəbini seçib.
Kursant olduğu dövrdən öz intizamı və xidmətə bağlılığı ilə seçilib.
Bu, mərhum Heydər Əliyevin də diqqətindən qaçmayıb və Rəşad Aslanovun uğurlarını şəxsən təqdir edib, ona qırmızı diplom və dövlət bayrağını şəxsən təqdim edib.
44 Günlük Vətən Müharibəsinə Naxçıvandan qoşulan Rəşad Aslanov, Şuşa kimi alınması qeyri-mümkün kimi görünən bir qalaya hücum edən hərbçilərdən olub. Həyatının ən xoşbəxt anını Şuşaya bayrağımızı sancmaqla yaşayan Rəşad, bu gün də xalqın böyük dəstəyini qazanır.
Lakin bu böyük dəstəyi qısqanclıqla qarşılayanlar da var. YAP-dan olan rəqibi Azər Badamov, Rəşad Aslanovun gözlənilən qələbəsi qarşısında maneələr yaratmağa çalışır.
Lakin Azər Badamovun bu cür hərəkətləri onun öz nüfuzunu zədələyir və xalqın gözü qarşısında onun siyasi mədəniyyətinə xələl gətirir.
Qusarlılar da bunu görür. Azər Badamovun deputat kimi fəaliyyətsizliyi isə qusarlıları çoxdan ondan üz döndərib.
İna görə də bu məqamda Azər Badamov üçün daha doğru bir addım- Raşad Aslanovun vətənə xidməti qarşısında namizədliyini geri götürmək və bu cəsur zabitin qələbəsini qəbul etmək olardı. Bu addım həm humanist dəyərlərə sadiqliyi, həm də xalqın iradəsinə hörməti əks etdirərdi.
Raşad Aslanov isə bu cür maneələrə önəm vermir və öz yoluna inamla davam edir. Şuşaya bayraq sancmağa gedərkən necə əmin idisə, parlamentə də o əminliklə gedir. Xalqın bu cəsur qəhrəmanına dəstək olacağına heç bir şübhə yoxdur.
Gununsesi.info
