“Komendat mənzilin qıfılını qıraraq, içərisindəki materialları oğurlayıb...” – BİNƏ SAKİNİ ŞİKAYƏTİNƏ BAXILMADIĞINI DEYİR
Bakı şəhəri sakini Əkbərov Zaur Maksud oğlu tərəfindən "Hürriyyət" qəzetinin redaksiyasına şikayət məktubu daxil olub. Şikayətçi iddia edir ki, təzə aldıqları evin qapısını binanın komendatı Ağazadə Yunis qıraraq, içərisində olan 5100 manat dəyərində tikinti materiallarını oğurlayıb:

"Mən, Əkbərov Zaur Maksud oğlu, yazaraq sizdən xahiş edirəm ki, problemimi işıqlandırasınız.

Deməli, 2006-ci ildə Naxçıvandakı evimizi satıb, anamın adına Bakı şəhəri Xəzər rayonu, Binə qəsəbəsi, məhəllə 2146, 23 nömrəli mənzili aldıq. Şirkət bizdən sonra bu evi daha bir ailəyə satıb. İşimiz məhkəməyə düşdü, məhkəmənin qərarı ilə qapını möhürlədilər. Qərar bizim xeyrimizə çıxmamışdan əvvəl, komendat Ağazadə Yunis qapının möhürünü qıraraq içərisindəki materialları oğurlayıb.

Məhkəmə bir müddət sonra qərarı bizim xeyrimizə verdi. Bu vaxt evə gedəndə gördük ki, qapı sındırılıb və içərisində olan materiallar oğurlanıb. Cinayət işi açıldı, təqsirləndirdiyimiz şəxs məhkəmədə qapının möhürünü qırdığını boynuna aldı. Lakin oğurluğu inkar etdi.

Hiss etdik ki, bu işi ört-basdır etmək istəyirlər. Bu səbəbdən, general Rafiq Abbasovun qəbuluna yazıldıq. Qəbula getdiyimiz gün bizi istintaqın rəisi Nazim İsmayılov qarşıladı, bir neçə yerə yönləndirdi. Lakin heç bir tədbir görülmədi. Bir müddət keçəndən sonra Rafiq Abbasovun yerinə Mirqafar müəllim təyin olundu. Yenidən qəbula yazıldıq ki, bəlkə bu şəxs bizə kömək edər. Amma istintaqın rəisi Nazim İsmayılov yenə bizi qəbula salmayıb, başqa adamlara yönləndirmək istəyirdi. Anam orada dedi ki, “məni qəbula salmasan, özümü maşının altına atacam”. Bu ifadədən sonra bizi qəbula saldılar.

Qəbulda Mirqafar müəllimə ətraflı məlumat verdik. Mirqafar müəllim təcili Nazim İsmayılova tapşırıq verdi ki, bu işin üstünə düşülsün. Anamla qəbuldan çıxanda Nazim İsmayılov bizə bildirdi ki, narahat olmayın, işiniz həll olunacaq. Amma yenə də heç bir tədbir görülmədi. Ağazadə Yunis nə oğurladıqlarının pulunu, nə də materialların özünü qaytardı. Həmin vaxtdan sonra dəfələrlə qəbula yazılsaq da, bizi qəbul etmədilər.

Anam "infarkt" keçirdi. İllərdir ürək xəstəliyindən əziyyət çəkir. Sizdən xahiş edirəm, bizim bu məsəni işıqlandırın, pulumuz batmasın”.

Jalə FAMİLQIZI

Redaksiyadan: Yazıda adları qeyd olunan şəxslərin mövqeyini dərc etməyə hazırıq.

"Azərbaycanın bu qədər sərvətimiz ola-ola, biz gəlib Türkiyədə - xarici dövlətdə işləyirik. Halbuki, həmin pullar bəzi yanlış ciblərə girməsə, öz sərvətimiz
özümüzə yetər. Millət gəlib başqa yerdə işləməz".
Yüzlərlə naxçıvanlı Türkiyədə həyat mübarizəsindədir.
Teref.az

Azərbaycanda vəfat edən şəxsin ipoteka krediti borcunu vərəsələri ödəyəcək.

Redaktor.az xəbər verir ki, Konstitusiya Məhkəməsi Bakı Apellyasiya Məhkəməsinin müraciəti əsasında bununla bağlı qərar qəbul edib.

Qərara əsasən, Mülki Məcəlləyə uyğun olaraq, borclunun ölümündən sonra mirası qəbul etmiş vərəsələr miras açıldığı gündən onlara çatan miras payı həcmində miras qoyanın kreditorları qarşısında birgə məsuliyyət daşıyırlar.

Eyni zamanda Mülki Məcəllə və “İpoteka haqqında” qanuna uyğun olaraq, əsas öhdəlik üzrə borclu, o cümlədən əsas borclunun ölümü halında vərəsələr öhdəliyi icra etmədikdə və ya lazımınca icra etmədikdə (əsas öhdəlik pozulduqda) kreditor ipoteka predmetinə tutmanın yönəldilməsi barədə iddia qaldıra bilər.

Bir neçə gün əvvəl Bakı şəhəri ərazisində avtomobil qəzası nəticəsində xəsarət alan şəxs vəfat edib.

Tribunainfo.az-ın məlumatına görə, 20 yaşlı Cavad İsgəndərli həkimlərin səyinə baxmayaraq, bu gün müalicə aldığı xəstəxanada dünyasını dəyişib.

Qeyd edək ki, mərhum Azərbaycan Dövlət Bədən Tərbiyəsi və İdman Akademiyasının 3-cü kurs tələbəsiydi.

Moskva yaxınlığındakı Palıd meşəsi (Dubovaya roşa) qəsəbəsində yeniyetmə tövlədə diri-diri yandırılıb.

Lent.az-ın xarici mediaya istinadən xəbərinə görə, 14 yaşlı oğlan dostları tərəfindən tövlədə kilidlənib. Beləliklə, uşaqlar dostu ilə zarafat etmək istəyiblər. Qapını mismarla mıxlayıb gediblər. Bu zaman naməlum səbəbdən tövlədə yanğın başlayıb.

Bağlı qapı arxasında qalan məktəbli oradan çıxa bilməyib və ölüb. Yanğının baş vermə səbəbi müəyyənləşdirilir.