Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın görüşü keçirildi. İndiki məqamda əsas aktual sual görüşün nəticəsinin necə olması və sülh prosesinə təsiridir.

Maraqlıdır, keçirilən görüş sülhün əldə edilməsinə təkan verəcək?

Mövzunu Globalinfo.az-a şərh edən Ümid Partiyasının sədri İqbal Ağazadə deyib ki, iki ölkənin şərti dövlət sərhədində baş tutan görüş delimitasiya və demarkasiya komissiyalarının görüşü kimi xarakterizə olunur:

İqbal Ağazadə

“Delimitasiya və demarkasiya məsələləri ölkələr arasında sürətlə həll edilən bir məsələ deyil. Misal üçün, Gürcüstan ilə Azərbaycan arasında bu məsələ hələ də tam həll edilməyib. Bu istiqamətdə işlər davam edir.

Buna görə də sərhəddə baş tutan sayca beşinci görüşdən böyük nə isə gözləmək sadəlövhlük olardı. Lakin proses başlaması müsbət məqamdır. Belə ki, bu, yeni bir platformadır və tərəflər faktiki olaraq ikili danışıqlar aparır. Həm də münasibətlərin yeni mərhələyə qədəm qoyması deməkdir. Çünki ikili danışıqlar problemlərin həll edilməsi və dialoqun qurulmasına səbəb olacaq. Lakin sülh müqaviləsindən danışmaq üçün hələ çox tezdir.

Sülh müqaviləsi imzalanmadan kommunikasiyalar açıla, münasibətlər qurula bilər. Hətta tərəflər bir-biri ilə fərqli sahələrdə ilkin münasibətlər qura bilər. Misal üçün, hava şəraiti ilə bağlı hazırda Ermənistandan Gürcüstana gedən quru yolu işləmir. Azərbaycan alternativ yol təklif edə bilər. Ermənistan da yaxşı olardı buna cavab kimi Zəngəzurdan Naxçıvana nəqliyyat vasitələrinin keçidinə icazə versin.

Yəni tərəflər sülh müqaviləsindən öncə bu prosesə hazırlaşmalı, qarşılıqlı etimad mühiti yaratmalıdır. Təcrübə göstərir ki, sülh müqaviləsi imzalansa belə ölkələr arasında müharibələr baş verir”.

Milli Məclisin deputatı Hikmət Babaoğlu isə deyib ki, heç bir vasitəçi olmadan Ermənistan ilə Azərbaycan arasında sərhədlərin delimitasiya komissiyasının birbaşa görüşünün keçirilməsi özlüyündə müsbət addımdır:

Hikmət Babaoğlu

“Bütün hallarda vasitəçilik ilə keçirilən görüşlərin qarşılıqlı etimad və etibarlılıq dərəcəsi az olur. Ermənistan bu gün həqiqətən də sülh istəyirsə, birbaşa görüşləri ənənə halına çevirməlidir.

Azərbaycan bu təşəbbüsü özü irəli sürüb və dəstəkləyir. Ermənistanın da buna dəstək verməsi vacibdir. Təkcə delimitasiya komissiyalarının deyil, həm də həmin rəsmilərin görüşünün keçirilməsi lazımdır. Yalnız bu halda sülh və yekun nəticə əldə edilə bilər”.

Politoloq Elçin Mirzəbəyli isə deyib ki, delimitasiya prosesi ilə sülh prosesini əlaqələndirmək bir qədər doğru deyil:

Elçin Mirzəbəyli

“Çünki delimitasiya prosesi uzunmüddətli bir prosesdir. Yəni sülh müqaviləsi imzalanandan sonrakı dövrdə belə delimitasiya prosesi aylarla, illərlə davam etməsi mümkündür.

SSRİ süqut edəndən sonra keçmiş sərhədlər istisna olmaqla respublikaların sərhədlərində problemlər tam öz həllini tapmayıb. Bu gün İranla Azərbaycan arasında sərhəd problemi olmasa da Rusiya ilə delimitasiya prosesinin uzun zaman ərzində həll edildiyinin şahidi olduq. Gürcüstanla münasibətlərimizin yüksək səviyyədə olmasına baxmayaraq hələ də sərhədlərin delimitasiya prosesi tam şəkildə başa çatdırılmayıb. Yəni bu misal belə özlüyündə prosesin nə qədər uzun müddət çəkdiyini izah edir.

Azərbaycan sərhədləri uzun illər Ermənistanın işğalında olub. Məhz bu fakt özlüyündə iki ölkə arasında delimitasya və demarkasiya prosesinin uzun müddət çəkəcəyini deməyə əsas verir. Digər tərəfdən, biz görüş öncəsi parlamentin spikeri Alen Simonyanın verdiyi açıqlamaları da nəzərə almalıyıq. Çünki o, faktiki olaraq hansısa mifə, əfsanəyə söykənərək Azərbaycanın nəzarətində olduğunu iddia etdi. Göründüyü kimi, Ermənistan tərəfi bu prosesin konstruktiv keçməsinə mane olur.

Sülh prosesinə gəldikdə isə rəsmi İrəvanın sərgilədiyi son mövqe Mirzoyan və Simonyanın açıqlamalarından bəllidir. Xüsusilə Mirzoyan son olaraq Azərbaycanı təcavüzdə, etnik təmizləmədə ittiham etdi. Bu, normallaşma prosesinin qısa zamanda baş tutmayacağını deməyə əsas verir. Ermənistan bundan başqa müstəqil xarici siyasət yeritmir və Qərbdən gələn tezisləri icra edir”.

Yasamal rayonu ərazisində piyada səkilərinin zəbt edilməsi davam edir. Müvafiq qaydalarda əsasən malların bilavasitə səkilərə, torpağın, yaşıllıqların, ağacların, yeşiklərin və s. üzərinə qoyularaq satışı qadağan olsa da, Yasamal rayonu ərazisində bu qayda gözlənilmir və ya müvafiq qurumlar bu qanunpozuntusuna şərait yaradır.
Tribunainfo.az xəbər verir ki, məhz rayon icra hakimiyyətlərinin verdiyi icazəyə əsasən mağazalar səkiləri asanlıqla zəbt edib, gediş-gəlişi çətinləşdirirlər.
Yasamal rayon sakinləri bildirib ki, Həsən bəy Zərdabi küçəsində (“20 Yanvar” metrostansiyasının yaxınlığı) malların səkiyə qoyularaq satılması və piyadaların hərəkətinə çətinlik yaradılması barədə dəfələrlə aidiyyəti qurumlara bildiriblər.
Bir müddət bununla bağlı tədbir görülür, ancaq sonra vəziyyət yenə əvvəlki kimi olur.

Azərbaycan və Ermənistanın delimitasiya üzrə komissiyasının sərhəddə keçirilən görüşü vacib idi. Bu, artıq 5-ci görüş oldu. Sonuncu görüş bu ilin iyulunda baş tutmuşdu. Həmin vaxtdan sonra erməni tərəfinin bu görüşlərdən imtina etməsi nəticəsində prosesdə fasilə yaranmışdı. Buna baxmayaraq tərəflər arasında təmasların olması yaxşı əlamətdir.

Bunu Milli Məclisin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov deyib.

“Ermənistan tərəfi bu görüşə gəlibsə, bunun özü də bir reallıqdır. Çünki bu kimi görüşlərdən qaçmağın perspektivi yoxdur. Əvvəl-axır bu görüş baş tutmalı idi. Ümid edək ki, bu görüşlərin davamı olacaq. Beləliklə də, Azərbaycanla Ermənistan arasında sərhədlərin dəqiqləşməsi prosesi daha intensiv şəkildə davam edəcək. Ötən gün Qazaxda baş tutan görüşdə reqlament, görüşlərin təşkili, texniki məsələlərlə bağlı razılıq əldə edilib. Hər bir halda bu təqdirəlayiq haldır”, – deyə o qeyd edib.

Millət vəkilinə görə, Cənubi Qafqazda sülhün olması üçün Ermənistanla Azərbaycan bir araya gəlməlidir:

“Sülh məsələsində Azərbaycan mövqeyini ortaya qoyub. Ermənistana dəfələrlə çağırış edilib. Erməni tərəfi də anlamalıdır ki, ona havadarlıq edənlər prosesə öz mənafeyi naminə yanaşır. Kənar maraqlar isə regionda sülhə, təhlükəsizliyə xidmət etmir”.

Ziyafət Əsgərov Ermənistan parlamentinin spikeri Alen Simonyanın sülhü manipuliyasiya edən açıqlamalarına da münasibət bildirib:

“Ərazi iddiasına qalsa, Simonyan başa düşməlidir ki, onların hazırda yaşadığı ərazi Qərbi Azərbaycandır. 30 il Azərbaycan torpaqlarının 20 faizini Ermənistan işğalda saxlayıb. Erməni tərəfinin indiki halda ərazi iddiası ilə çıxış etməsi gülünc görünür. Faktiki olaraq Ermənistan qədim Azərbaycan torpaqlarında formalaşıb. Amma bütün bunlara baxmayaraq Azərbaycan Ermənistana qarşı ərazi iddiası irəli sürmür. Tarixi xəritələri, sənədləri ortaya qoyub ermənilərin bu ərazilərə gəlmə olduğunu sübut edə bilərik. Ona görə də, Simonyanın sülhdən danışıb, ərazi iddiası ilə çıxış etməsi həyasızlıqdan başqa bir şey deyil”.

Acarıstan Ali Şurasında Vahid Milli Hərəkat partiyası ilə iqtidar partiyasından olan deputatlar arasında münaqişə yaşanıb.

Bu barədə “Georgia News” məlumat yayıb. Münaqişə nəticəsində deputatlar əlbəyaxa olublar.

Müxalifətçilər muxtariyyətin təqdim olunan büdcə layihəsinə yenidən baxılmasını tələb ediblər, “Gürcü arzusu” bunu ideal hesab edib və heç nəyi dəyişmək istəməyib.

Nəticədə Vahid Milli Hərəkat Partiyasının nümayəndələri parlamenti tərk ediblər və layihə onlarsız qəbul edilib.

“Mənim həmrəyliyim komanda yoldaşlarım və qardaşlarımladır. “Rusiya arzusu”nun sonu yaxınlaşır, isteriya güclənir”, – Vahid Milli Hərəkat Partiyasının sədri Levan Xabeişvili toqquşmadan sonra “Facebook”da yazıb.
publika

İsmayıllı və Ağdaşda polis əməkdaşları tərəfindən ətraf mühitin mühafizəsinin daha da gücləndirilməsi, qanunsuz ağackəsmə hallarının qarşısının alınması məqsədilə nəzarət tədbirləri keçirilib.
Daxili İşlər Nazirliyinin mətbuat xidmətinin Şəki regional qrupundan verilən məlumata görə, keçirilmiş tədbirlərlə İsmayıllı rayonunun Şəbiyan, Ağdaş rayonunun isə Pirəyir kəndi ərazisində yaş halda olan ağacları kəsən şəxslər müəyyən edilib. Onların barəsində İnzibati Xətalar Məcəlləsinin müvafiq maddəsi ilə protokol tərtib edilib və toplanmış materiallar qərar qəbul edilməsi üçün Ekologiya və Təbii Sərvətlər Nazirliyinin regional idarələrinə göndərilib.
Həmçinin, Ağdaş Rayon Polis Şöbəsinin əməkdaşları tərəfindən sanitar-gigiyena qaydalarının pozulmasının qarşısının alınması məqsədilə keçirilən tədbirlər zamanı Gürcüva kəndi ərazisində sanəye və məişət tullantılarının qalaqlanması aşkar edilib.
İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələbləri pozulduğu üçün obyekt sahibi barəsində protokol tərtib edilərək aidiyyəti üzrə göndərilib.

Eks-məmurların övladları ilə bağlı müzakirələr sonuncu dəfə İkinci Qarabağ müharibəsi dövründə ictimailəşmişdi (Məmurlar isə ayrıca mövzudur).

Sosial şəbəkələrdə açılan həmin müzakirələrdəki əsas sual belə idi: bəs eks-məmurların övladları niyə müharibədə iştirak etmirlər?

O zaman sualın cavabı da elə müzakirələrdə verilmişdi: eks-məmur övladlarının əksəriyyəti Azərbaycandan kənarda yaşayır.

Əvvəllər yüksək vəzifələr tutmuş şəxslərin övladları ilə bağlı məlumatları təqdim edirik:

Eks-nəqliyyat naziri Ziya Məmmədovun oğlu Anar Məmmədovun daimi yaşayış yeri Böyük Britaniyanın paytaxtı London şəhəridir. Onun restoran və əmlak biznesilə məşğul olduğu deyilir.

Sabiq ekologiya və təbii sərvətlər naziri Hüseynqulu Bağırovun oğlu Lətif Bağırovun Türkiyədə yaşadığı çoxdan məlumdur. Eks-nazirin özü də Modern.az-a açıqlamalarından birində oğlunun Türkiyədə kiçik bizneslə məşğul olduğunu gizlətməmişdi.

Keçmiş kənd təsərrüfatı naziri İsmət Abbasovun da oğlunun sorağı ölkə xaricindən gəlir. Belə ki, sabiq nazirin oğlu Yunis Abbasovun Londonda əmlak sektorunda şirkətlərə sahib olduğu bildirilir.

Eks-xarici işlər naziri Elmar Məmmədyarovun iki oğlu var: Riyad və Emin. Elmar müəllimin özü Bakıda, oğlanları isə Amerikada yaşayırlar.

Ləğv edilmiş Meliorasiya və Su Təsərrüfatı Açıq Səhmdar Cəmiyyətinin sabiq sədri Əhməd Əhmədzadənin oğlu Cuma Əhmədzadə də xaricdə yaşayan eks-məmur övladları sırasında yer alır. O da hazırda Böyük Britaniyanın paytaxtı Londonda yaşayır.

Yeri gəlmişkən, Cuma Əhmədzadə Mərkəzi Bankın keçmiş sədri Elman Rüstəmovun qızı Günel Rüstəmova ilə evlidir. Onların bir neçə ortaq şirkətlərə sahib olduğu barədə məlumatlar var.

Keçmiş milli təhlükəsizlik naziri Eldar Mahmudovun oğlu Anar Mahmudovun adını mətbuat dəfələrlə qalmalalla gündəmə gətirib. Hazırda xaricdə yaşayan Anar Mahmudovun Böyük Britaniyada və Avropanın bir neçə ölkəsində şirkətlərə rəhbərlik etdiyi deyilir.

Bakı Şəhər İcra Hakimiyyətinin sabiq başçısı Hacıbala Abutalıbovun oğlu İsrafil Abutalıbov da adı əvvəllər bir neçə dəfə mətbuatın gündəmində olub. Onun hazırda Londonda yaşadığı bildirilir. Hacıbala müəllimin digər oğlunun Almaniyada yaşadığı barədə məlumatlar var.

Sabiq energetika naziri mərhum Natiq Əliyevin oğlu Fərhad Əliyev ailəsilə birgə Türkiyədə yaşayır. O, vaxtilə Azərbaycanı “Eurovision”da təmsil etmiş keçmiş müğənni Safura Əliyeva ilə evlidir.

Keçmiş əmək və əhalinin sosial müdafiəsi naziri Səlim Müslümovun iki oğlundan biri – Asim Müslümlü də xaricdə yaşayır. Məlumatlara görə, o, Britaniyada – Edinburq Universitetində təhsil alıb. Asim Müslümlü hazırda İsveçrədə yaşayır.

2014-15-ci illərdə rabitə və yüksək texnologiyalar naziri olmuş Əli Abbasovun oğlu Eldar Abbasovun da Londonda yaşadığına dair məlumatlar var. O, “Azərenerji “ASC-nin keçmiş rəhbəri Etibar Pirverdiyevin qızı Dünya Pirverdiyeva ilə evlənib.

Bununla yanaşı, bəzi eks-məmurların qızları da xaricdə yaşayırlar.

2001-2006-cı illərdə gənclər, idman və turizm naziri postunu tutmuş Əbülfəs Qarayevin yeganə qız övladı xaricdə yaşayır. Suad Qarayeva Londonda təhsil alıb və orada da çalışır. O, İran əsilli iş adamı Şəhriyarla ailə qurub.

Keçmiş vergilər naziri mərhum Fazil Məmmədovun qızı Selcanxatun ailəsilə birgə Londonda yaşayır və orada bizneslə məşğuldur.

Sabiq səhiyyə naziri Oqtay Şirəliyevin iki qızı – Nərmin və Nərgiz Şirəliyeva Rusiyada yaşayırlar. Nərmin Şirəliyeva Moskva vilayətinin mədəniyyət naziri vəzifəsində çalışır. (Modern.az)

Xəbər verdiyimiz kimi, Bakıda şagird qızılca xəstəliyindən vəfat edib. Bundan bir neçə gün əvvəl Kürdəmirdə də qızılca diaqnozu ilə xəstəxanaya gətirilən azyaşlı vəfat edib.
Məsələ ilə bağlı təhsil eksperti Kamran Əsədov “Facebook” hesabında paylaşım edib.

O, xəstəliyin daha da artmaması üçün təhsil müəssisələrində 1 həftəlik fasilənin vacib olduğunu bildirib:
“Çox təəssüf ki, hazırda şagirdlər arasında qızılca xəstəliyinə tutulmuş şəxslərin sayı artır. Ağır xəbər odur ki, iki şagird bu xəstəlikdən dünyasını dəyişib. İnsanlar hələ də başa düşmək istəmir ki, biz pandemiya dövründə yaşayırıq. Koronavirus infeksiyası bitməyib və indi müxtəlif xəstəliklər formatında insanlara bulaşır. Biz məktəblərin mütəmadi olaraq dezinfeksiya işlərini həyata keçirməliyik, hansısa əlamət müşahidə olunan şagirdi nəzarətə almalıyıq və əsas, məktəblərdə tibbi xidmətin keyfiyyətini yüksəltməliyik. Mövsümü xəstəlikləri də nəzərə alsaq, məktəbdə şagirdlər arasında vəziyyətin ürəkaçan olmadığını görə bilirik. Düşünürəm ki, ölkədə qızılcaya yoluxmanın artdığı dövrdə, əhatə dairəsinin genişlənməməsi, yoluxanların fəsadlarının təhlükəli həddə çatmaması üçün bütün təhsil müəssisələrində 1 həftəlik fasilə verilməlidir.
Çünki təkcə orta məktəblərdə yox, həmçinin universitet tələbələri arasında yoluxma halları baş verib”.

Elm və təhsil naziri Emin Əmrullayev Qarabağ Universitetində erməniəsilli müəllimlərin işi ilə bağlı sualı cavablandırıb.

"32gun.az" xəbər verir ki, nazirin sözlərinə görə, Azərbaycan tolerant ölkədir, burada etnik, milli və dini mənsubiyyətindən asılı olmayaraq bütün vətəndaşlar bərabər hüquqlara malikdir.

“Eyni yanaşma Azərbaycan təhsilində də olub və olacaq”, - deyə Emin Əmrullayev qeyd edib.

“Azərsu” Açıq Səhmdar Cəmiyyəti (ASC) “Azərbaycan Yaşıllaşdırma və Landşaft Quruluşu” ASC arasında maliyyə sanksiyaları və cərimələr üzrə mübahisə yaranıb.

Qaynarinfo-nun məlumatına görə, iş o yerə çatıb ki, “Azərbaycan Yaşıllaşdırma və Landşaft Quruluşu” ASC-nin sədri Ramik Əşrəfov məhkəməyə müraciət etməli olub. Ayrıca ASC-nin özü də “Azərsu” barəsində iddia qaldırıb.

Hər iki iddiaya Bakı Kommersiya Məhkəməsində baxılacaq. İş hakim Leyla Əliyevanin icraatındadır.

Bütün növ saytların yığılması - EMBLEM.AZ
saytlarin yigilmasi
Məhkəmə çəkişməsinin təfərrüatları məlum olmasa da, ehtimal olunur ki, mübahisə su pulu ilə bağlıdır.

“Azərbaycan Yaşıllaşdırma və Landşaft Quruluşu” ASC 13 iyun 2008-ci ildə təsis edilib. ASC Ekologiya və Təbii Sərvətlər Nazirliyinin tabeliyində fəaliyyət göstərir.