Toplumun Nəbzi verilişinin bugünkü qonaqları hüquq müdafiəçiləri Mirvari Qəhrəmanlı, Arif Yunus , "Vətəndaş" İB sədri Günel Səfərovadır. Onlarla 2014-cü ildən bir sıra qeyri-hökumət təşkilatları ilə bağlı açıq qalmış cinayət işinə xitam verilməsindən danışacağıq.
Baş Prokurorluğun İstintaq İdarəsində 2014-cü ildən bir sıra qeyri-hökumət təşkilatları ilə (QHT) bağlı açıq qalmış cinayət işinə xitam verilib. Bu barədə AzadlıqRadiosuna prokurorluqdan verilən məlumatda bildirilir ki, bu proses may ayından başlayıb.
Məlumata görə, QHT-lərlə bağlı cinayət işində adı keçən təşkilatların rəhbərləri bugünlərdə İstintaq İdarəsinə çağırılıb. Onlar da artıq cinayət işinə xitam verilməsi haqda məlumatlandırılıb.
Baş Prokurorluğun Ağır Cinayətlərə Dair İşlər üzrə İstintaq İdarəsində (bu qurumun adı sonradan dəyişib sadəcə İstintaq İdarəsi oldu-red.) 2014-cü ildə bir sıra qeyri-hökumət təşkilatları və xarici qeyri-hökumət təşkilatlarının filial və nümayəndəliklərinə qarşı cinayət işi başlanmışdı.
Həmin il bir sıra hüquq müdafiəçiləri – Sülh və Demokratiya İnstitutunun rəhbəri Leyla Yunus və onun həyat yoldaşı Arif Yunus, Hüquq Maarifçiliyi Cəmiyyətinin sədri İntiqam Əliyev və başqaları bu cinayət işi çərçivəsində həbs olunmuşdu. Onlar dələduzluq, vəzifə səlahiyyətlərindən sui-istifadə, vergidən yayınma və başqa əməllərdə ittiham olunsalar da, özləri ittihamları qəbul etmirdilər. Avropa İnsan Hüquqları Məhkəməsi də bu şəxslərin konkret cinayət əməlinə görə yox, siyasi motivlərlə cəzalandırıldığı qənaətinə gəlmişdi.

Ceyranları ev sahibindən müsadirə etdilər
Həyətdəki bağçasında ceyran bəsləyən adam məsuliyyətə cəlb edilib.
İstanbulun Silivri səmtində evinin bağçasında vəhşi heyvanlar saxlayan şəxs haqqında polisə verilən məlumat əsasında əməliyyat keçirilib. Əraziyə gələn polis əməkdaşları axtarış zamanı verilən informasiyanın doğru olduğunu təsbit edib. Ev sahibinin bağçada 12 ceyran – xallı və ağ ceyranlar, eləcə də 6 tovuz quşu bəslədiyi müəyyənləşib. Qeyd edilir ki, xallı və ağ ceyranlar da, tovuz quşu da nəsli kəsilməkdə olan heyvan növlərinə aiddir və onları ovlamaq, satmaq və satın almaq, onlara sahiblənmək də yasaqdır. Təbiətdən qoparılan heyvanlar “Nəsli Tükənməkdə olan Növlərin Ticarətinə qarşı Sözləşmə” sənədinin tələblərinə uyğun olaraq ev sahibindən müsadirə edilərək Təbiəti Qoruma və Milli Parklar Müdirliyinə təslim edilib. Qanunu pozan şəxs isə polis tərəfindən saxlanılaraq şöbəyə gətirilib. \\Sherg.az

Aparıcı Sevinc Telmanqızı TV Müsavat-ın canlı efirində quru sərhədlərinin bağlı olmasından danışıb.

Sevinc Telmanqızı deyib: "Millət vəkilləri gəlir efirimizə, soruşanda deyirlər, təhlükəsizlik səbəbindəndir. Biz həmişə məkrli qonşuların əhatəsində olmuşuq, istər İran, istər, Rusiya, istər Ermənistan. Belə düşünsək, onda gərək heç vaxt quru sərhədlər açılmasın. Ucuz istirahətə getmək istəyənlər var, amma sadəcə bu da deyil. İranda, Gürcüstanda qohumları olan var, müalicə üçün getmək istəyənlər var".

Ətraflı videoda:

Bakıda avtobusdan enən şagirdi avtomobil vurub.
Tribunainfo.az Xəzər TV-yə istinadən xəbər verir ki, hadisə paytaxtın Yasamal rayonu, Parlament prospektində baş verib.
Minik avtomobili dayanmış avtobusu sağdan ötməyə çalışıb. Bu zaman avtobusdan düşən məktəbli qızı vurub.
Xəsarət alan Elm və Təhsil Nazirliyinin İncəsənət Gimnaziyasının 7-ci sinif şagirdi Nərmin İmanzadə Kliniki Tibbi Mərkəzin Təcili təxirəsalınmaz tibbi yardım şöbəsinə yerləşdirilib.
Valideyninin razılığı ilə məktəblinin də fikirlərini öyrəndik.
Minik avtomobilinin sürücüsü isə kamera qarşısında müsahibədən imtina etdi.
O, şifahi olaraq bildirdi ki, avtobus dayanacaqdan kənarda saxlayıb və nəticədə belə hadisə baş verib.
”Baku Bus” MMC-nin hüquq müdafiəçisi Rüstəm Cəfərov isə bu iddianın əsassız olduğunu qeyd etdi.
Rüstəm Cəfərov əlavə etdi ki, hər hansı sürücü dayanacaqdan kənarda saxlamağa cəhd etsə, bununla bağlı müvafiq tədbirlər görülür.
Faktla bağlı Səbail rayon polis idarəsinin istintaq şöbəsində araşdırma aparılır.

Avropa Şurası Parlament Assambleyasının (AŞPA) Azərbaycanda monitorinq üzrə həmməruzəçiləri Yan Liddel-Qreynqer (Böyük Britaniya) və Liz Kristoffersen (Norveç) Azərbaycana səfərləri çərçivəsində müxalifətdə olan siyasi partiyalar Azərbaycan Xalq Cəbəhəsi Partiyasının, Respublikaçı Alterrnativ-REAL Partiyasının sədrləri və media təmsilçiləri ilə görüşüb.

REAL Partiyasının sədri İlqar Məmmədov Telegram kanalında yazıb ki, AŞPA həmməruzəçiləri ilə görüşdə partiyalar haqqında yeni qanuna qarşı olsalar da, tələb olunan 5 minlik siyahını hazırlayıblar.

İlqar Məmmədov AŞPA həmməruzəçiləri ilə görüşüb (Mənbə: REAL Partiyası)
"Avropa Məhkəməsinin siyasi məhbus kimi tanıdığı 7 nəfərin də digər 8 nəfər kimi bəraət almasına səy göstərməyə çağırdım. Seçki pozuntularına dair Avropa Məhkəməsinin verdiyi qərar sayına görə ölkəmizin anti-rekordçu olduğunu nəzərə alaraq, AŞ Nazirlər Komitəsini yerindən tərpətməyə çağırdım. Bu qərarların icrası üçün gərək Nazirlər Komitəsi əməli iş görsün - heç olmasa partiyamızla əlaqədə hazırlanan sənədə uyğun olaraq icra nəzarəti qursun. Nəhayət Şuranın gözü qarşısında 13 il müddətinə bütün seçkilərdə iştirakdan məhrum edildiyimi dedim. Avropa Şurasının belə davam etdiyi təqdirdə ölkədə siyasətlə peşəkarca məşğul olmaq istəyən adamın tapılmayacağını qonaqlara çatdırdım", o qeyd edib.

AXCP sədri Əli Kərimli Facebook səhifəsində yazıb ki, görüşdə insan hüquqları sahəsində çoxsaylı problemlər diqqət mərkəzində olub.

"Ölkədə insan hüquqlarının hər addımbaşı pozulmasını, 100 nəfərdən artıq siyasi məhbusun, o cümlədən inanclı siyasi məhbusların taleyini, ictimai-siyasi fəallara işgəncə verilməsi hallarını, əsassız inzibati həbslərin siyasi repressiya alətinə çevrilməsini, seçki institutunun tamamilə sıradan çıxarılmasını, sərbəst toplaşmaq azadlığının son 4 ildə tamamilə qadağan olunmasını, müxalif siyasi partiyaların qeydiyyatının ləğvi üçün "hüquqi baza" yaradılmasını, bir sözlə, ailə hakimiyyətinin Azərbaycanda polis rejimi yaratmasını müzakirə etdik".

Kərimli bildirib ki, AŞPA məruzəçilərinə çox açıq şəkildə Azərbaycanın Avropa Şurasına üzv olduğu son 22 ildə bu qurumun Azərbaycanın demokratikləşməsinə kömək edə bilmədiyini deyib.

"Tam əksinə, Azərbaycan təəssüf ki, ilbəil daha da anti-demokrat olmaq istiqamətində irəliləyir. Yeri gəlmişkən, qəti inamımı bura yazıram. Azərbaycanı bu avtoritarizm bataqlığından yalnız Azərbaycan xalqının özünün hamılıqla dinc mübarizəyə qoşulması xilas edə bilər", o qeyd edib.

AŞPA həmməruzəçiləri iyunun 6-da Azərbaycanın müstəqil media qurumlarının nümayəndələri ilə görüşüb.

Görüşdə media ictimaiyyətinin nümayəndələri mətbuat və informasiya azadlığının məhdudlaşdırılmasını qeyd ediblər.

Xüsusilə media haqqında yeni qanunun müstəqil mətbuatın üzərində "Damokl qılıncı" kimi asıldığı vurğulanıb. Bu sənəd media subyektlərini dövlət reyestrinə daxil etməyə məcbur edir, lakin bunun üçün ciddi şərtlər irəli sürülür. Artıq 40-dan çox KİV-in reyestrə daxil edilməsi müraciətinə imtina cavabı verilib.

Həmçinin bir sıra KİV-lərin internet saytlarının bloklanması, jurnalistlərə qarşı cinayətlərin araşdırılmaması, müstəqil medianın iqtisadi əsaslarının çox zəif olması, arzuolunmaz jurnalistləra cinayət və inzibati işlərın açılması qeyd edilib.

AŞPA nümayəndələri əldə etdikləri məlumatlardan Azərbaycanın Avropa Şurası qarşısında götürdüyü öhdəlikləri yerinə yetirməsini qiymətləndirən hesabatın hazırlanmasında istifadə edəcəklərini bildiriblər.