 |
|
|
23 iyun 2023-cü il tarixdən Azərbaycan İran vətəndaşlarına Azərbaycanın beynəlxalq hava limanlarında viza rəsmiləşdiriıməsini dayandırır.
APA xəbər verir, bu haqda İranın Azərbaycandakı Səfirliyi məlumat yayıb.
Məlumata əsasən, Azərbaycana səfər edəcək İran vətəndaşlarının öncədən “ASAN viza” almaları və ya Azərbaycanın Təbrizdəki Baş Konsulluğundan viza əldə etmələri xahiş olunur.
Eləcə də, Azərbaycanın İran ilə olan quru sərhədlərinin bağlı olduğu bir daha diqqətə çatdırılır.
Hadisə, Orta Qəsil kəndində baş verib. Ailə münaqişəsi zəmnində iki qardaş və xanımları əlbəyaxa olub, münaqişə zamanı küt alətlərdən və hətta baltadan istifadə olunub. Qardaş arvadları döyülüb, qardaşlardan biri küt alətlə, 1976-cı il təvəllüdlü Lütfi Mustafayev isə balta ilə xəsarət alaraq xəstəxanaya çatdırılıb.
Qeyd edək ki, ağır xəsarət alan şəxs elə münaqişəni də qızışdıran və doğması ilə bərabər qardaşının üstünə hücum edən şəxs olub.
Faktla bağlı araşdırma başlanıb.
Murad
Teref.az
Elə bir gün yoxdur ki, “Tərtər İşgəncələri” haqqında danışılmasın.
2017-ci ildə 500-ə yaxın hərbçimizə ölümlə nəticələnən ağlasığmaz işgəncələr verilib.
Bu gün də o işgəncələr nəticəsində əlil vəziyyətində olanlar var.
Bu işlə bağlı məsuliyyətə cəlb olunanların məhkəmələri gedir.
Nəciməddin Sadikov başda olmaqla, generalların, hərbi hissə komandirlərinin , Hərbi Prokurorluğun müstəntiqlərinin, bilə-bilə qanunsuz hökm çıxaran hakimlərin adı çəkilir.
İndi məhkəmələrdə açıqlanan tükürpədici işgəncələr dövlət tərəfindən bu işlərə təyinat alan vəkillərin gözü qarşısında baş verib.
İşgəncələrə dözməyərək “etiraf” ifadələrini həmin hərbçilərlə yanaşı vəkillər də protokola imza atıb.
Bu vəkillərin axtarışına başlamaq, onları da ifşa eləmək lazımdır…
Bolqarçay su anbarının yaxınlığında qərargah qurulub.
“Report”un Muğan bürosunun məlumatına görə, FHN-in Muğan Regional Mərkəzinin 22 nəfərdən ibarət xilasedicilər və 5 nəfərlik sularda xilasetmə dalğıcları Bolqarçay su anbarının yaxınlığında qərargah qurublar.
Qərargah müşahidə xarakteri daşıyır.
Qeyd edək ki, artıq İran İslam Respublikası ərazisindən Bolqarçay vasitsəilə 5 kubdan çox suyun Azərbaycan ərazisinə keçdiyi müşahidə olunur.
01:32
Bolqarçayda sel təhlükəsi ilə bağlı Fövqəladə Hallar Nazirliyinin (FHN) xilaesediciləri əraziyə cəlb olunublar.
APA-nın xəbərinə görə, FHN-in xilasediciləri, texnikalar və kiçik həcmli gəmilər (katerlər) Bolqarçay ətrafına cəlb olunublar.
Hələ ki, Bolqarçayda suyun səviyyəsində dəyişiklik olmadığı qeyd edilir.
ƏƏSMN-in Məhkəmə mübahisələri ilə iş idarəsinin yaradılması haqqında əmri Konstitusiyaya ziddir
2020-ci ilin fevralından nazirin əmri ilə ƏƏSMN tabeliyində DSMF-in Məhkəmə mübahisələri ilə iş idarəsi yaradılıb. Və idarənin işinin Fondun Bakının rayon şöbələrini və 1 saylı Bakı şəhər ərazi şöbəsini məhkəmələrdə təmsil etmək olduğu vurğulanıb.
Sual doğur , bəs Bakıdan qıraq bölgələrdə ƏƏSMN-in məhkəmə təmsiçiliyinə ehtiyac yoxdur və bəs nazirliyin hüquq şöbəsi nədən yanadır, niyə MƏHZ pensiya təminatını həyata keçirən DSMF-də yaradılıb ? Sualın yekəsi isə budur ki, məhkəmə mübahisələri ilə iş idarəsinin yaradılması Konstitusiyaya uyğundurmu? Fikrimizcə, yox. Hər dövlət qurumu vətəndaşdan qorunmaq, vətəndaşa iddia qaldırmaq üçün məhkəmə mübahisələri ilə iş idarələri yaradıb , peşəkar rüşvətdə vasitəçiləri ( oxuma, vəkilləri- M.B.) vətəndaşın məhkəmə təminatı hüququna qadağa qoymağa cəlb edəcəksə, onda Konstitusiyanın 60-cı maddəsinə “bir quş” ! Bəli, bəli, sözügedən qanunsuz idarənin məhkəmələrdə başlıca işi məhkəmələrə rüşvət verib iddiaya mahiyyəti üzrə baxılmasına qadağa qoymaqdan , iddianı mümkün saydırmamaqdan ibarətdir. Bəyəm buna görə ayrıca idarəyə ehtiyac var? Necə deyərlər, indiyədək məhkəmə mübahisələri ilə iş idarəsi yox idi, pensiyaçıların məhkəmə təminatı hüquqlarına qadağa qoyulmurdu?
İdarənin işinin Konstitusiyanın 60-cı maddəsi ilə təminat verilən inzibati və məhkəmə təminatı hüququna qadağa olmasından özgə , saxlanma xərcləri də sosial təminat hüququna zərbədir. Təkcə ofisin icarəsinə xərclənən vəsaitlə neçə- neçə qazi- şəhid ailəsinin problemini çözmək olar. Biz hələ ştatlara ayrılan vəsaiti demirik. Belə sosial siyasətlə əhalini yox, yalnız məmuru, özbaşınalığı müdafiə etmək olar. Özbaşınalığı göz önünə gətirin, pensiyaçıya qanunla müəyyən edilmiş ödənişlər düzgün hesablanmır , hətta məhkəmə qərarı ilə təyin olunan pensiya, müavinət ləğv edilir, pensiya ödəyən orqan dövlət büdcəsinin hesabına özünə məhkəmədə müdafiəçi , daha doğrusu rüşvətdə vasitəçi ştatı, idarəsi yaradır !(?) Məhkəmələrə verilən rüşvəti elə ehtiyacına qadağa qoyduğun pensiyaçıya ver də!
Dövlət orqanlarında məhkəmə mübahisələri ilə iş idarələrinin təşkili kobud insan hüquqları pozuntusudur və bu pozuntuya ilk növbədə hökumətin özü, Ombudsman qiymət verməyə borcludur. Konstitusiyanın 130-cu maddəsinə görə, Prezidentin, Milli Məclisin, NK-nın , Ombudsmanın ,.. Konstitusiya Məhkəməsinə sorğu vermək hüququ, vətəndaşların isə şikayət vermək hüququ var. Vətəndaş pensiyaçının hüququna məhkəmə mübahisələri ilə iş şöbəsi qadağa qoyduğundan , dövlət hakimiyyəti orqanları qanunsuz, Konstitusiyaya qarşı olan əmrin ləğvinə sorğu verməklə Konstitusiyanın ən yüksək hüquqi qüvvəyə malik olduğunu ortaya qoya bilər.
Əhalinin sosial müdafiəsini gerçəkləşdirməli olan qurumun məhkəmə müdafiəsi hüququna qadağa qoyması absurddur. Məhkəmə mübahisələri ilə iş idarəsi əvəzinə, ƏƏSMN-in borclu olduğu işlər üzrə məhkəmə qərarlarının məcburi icra edilməsi şöbəsi yaradılsa, daha məntiqli olar. Bəlkə, pensiyaçıların məhkəmə qərarları ilə haqq etdikləri , özbaşına kəsilən pensiyaları bərpa olunar, qazi və şəhid ailələri mənzil yiyələri olar.
Məğrur BƏDƏLSOY
“Yeni dəyişikliklər nəzarətin gücləndirilməsi ilə yanaşı, müəyyən dövrdə qanunsuz tikilmiş və istismara yararlı qeyri yaşayış obyektlərinin çıxarışla təmin edilməsinə, gələcəkdə qanunsuz tikililərin qarşısının alınmasına xidmət edəcək”.
HİT.az xəbər verir ki, deputat Vüqar Bayramov Prezident İlham Əliyevin “Qeyri-yaşayış təyinatlı bəzi tikinti obyektlərinin istismarına icazə verilməsi ilə bağlı əlavə tədbirlər haqqında” imzaladığı fərmanı şərh edərkən deyib. Deputat bildirib ki, yenə sənədlə bu il iyunun 1-dək bütün mərtəbələrinin, yan divarlarının və dam örtüyünün inşası daxil olmaqla tikinti-quraşdırma işləri başa çatmış və dayanıqlılıq və möhkəmlik baxımından müayinə nəticələri müsbət olan qeyri-yaşayış təyinatlı binaların istismarına sadələşdirilmiş qaydada icazə verilməsi nəzərdə tutulur:
“Təsdiq olunmuş qaydalara əsasən, yükdaşıyan konstruksiyaların etibarlılıq baxımından istismara yararlılığı, yəni dayanıqlı, möhkəm və seysmik cəhətdən davamlı olan, yanğın təhlükəsizliyi tələblərinə cavab verən, liftlərin və mühəndis-kommunikasiya təminatı sistemlərinin istismara hazırlığı olan, torpaq sahəsi üzərində sifarişçinin (sahibin) mülkiyyət və ya icarə hüququ təsbit edilən və qeyri-yaşayış binasının mühafizə zonalarından kənarda yerləşən obyektərə sadələşdirilmiş icazə rejimi tətbiq olunacaq”.
Vüqar Bayramov ilkin qiymətləndirmələrə görə, 40 mindən çox sənədsiz əmlak sadələşdirilmiş formada çıxarış (kupça) ala biləcəklərini vurğualyıb:
“Sənədə əsasən, səmərəliliyin və şəffaflığın artırılması məqsədilə 2024-cü ilin yanvar ayından etibarən fiziki və ya hüquqi şəxslər tikintiyə və ya istismara icazəni elektron portal üzərindən ala biləcəklər. Bu proseduraların şəffaflaşmasın və asanlaşdırılmasına ciddi töhvə verəcək.
Qanunvericiliyə edilən digər dəyişikliyə əsasən, yerli icra hakimiyyətinin başçıları tərəfindən yerli səviyyədə dövlət şəhərsalma nəzarətini həyata keçirilməsi və qanunsuz tikintilərin qarşısının alınması məqsədilə məsul şəxslər təyin olunacaq. Məqsəd dövlət şəhərsalma nəzarəti çərçivəsində yerli icra hakimiyyəti orqanlarının məsuliyyətinin artırılması, özbaşına tikililəri aşkar etməli olan şəxslərin səlahiyyətlərinin konkretləşdirilməsidir. Bundan sonra, özbaşına tikilmiş bütün tikinti obyektlərinin mühəndis-kommunikasiya sistemlərinə qoşulması qadağan edilir. Etiraf etmək lazımdır ki, tikinti sektorunun dinamik inkişafı ilə yanaşı bir sıra hallarda tikinti fəaliyyətinin iştirakçıları tərəfindən şəhərsalma və tikinti sahəsində müəyyən olunmuş tələb və qaydalara əməl olunmaması müşahidə olunur”.
Son vaxtlar alıcılar tez-tez iri market şəbəkələrində (“Araz Market”, “Bravo”, “BazarStore”, “Neptun”, “Bolmart” və s) xidmətin keyfiyyətindən narazılıq edirlər.
Belə ki, vitrində bəzi məhsulların endirimdə olduğu yazılır və endirim qiyməti göstərilir, kassada isə həmin məhsul endirim deyil, real qiymətinə satılır. Yalnız kassa çekinə diqqət edən müştərilər bundan xəbər tuta bilirlər. Alıcılar həmçinin endirim kampaniyalarının arxasında da bəzi hiylələr olduğunu, vaxtı keçən və ya keyfiyyətsiz məhsulların qiymətinin aşağı salındığından şikayətlənirlər.
Bundan başqa böyük marketlərdə alıcıların çox olduğu səhər və axşam saatlarında cəmi bir neçə kassa işləyir ki, bu da uzun növbələrin yaranmasına səbəb olur. Hətta əlavə kassalar olsa da, market sahibləri onların açılmasına icazə vermirlər.
Bəs, iri marketlərdə xidmətin səviyyəsinin aşağı olması nə ilə əlaqədardır?
TEREF.AZ yazır ki, mövzu ilə bağlı Bakupost.az -a açıqlama verən Azad İstehlakçılar Birliyinin (AİB) sədri Eyyub Hüseynov bildirib ki, şikayətləri ümumiləşdirsək, bir ildə marketlər vətəndaşları aldatmaqla təqribən 500 milyon manat qazanc əldə edirlər.
E.Hüseynovun sözlərinə görə, müasir marketlər istahlakçıların hüquqlarının ən çox pozulduğu yerdir:
“Qapıdan girən kimi istehlakçıya potensial oğru kimi baxırlar. Əşyalarını alıb harasa yerləşdirirlər. Orda da bir şey itsə, heç kəs cavabdehlik daşımır. Bütün bunların səbəbi odur ki, marketlər üçün Nazirlər Kabinetinin heç bir qayda-qanunu yoxdur. İstehlakçı problem yaşıyıb dövlət orqanına müraciət edəndə isə deyirlər ki, onların öz ərazisidir, özləri bilər. Vətəndaşlar il ərzində marketlərdə almadıqları mal üçün ümumilikdə 500 milyon manat ödəyirlər. Təkcə məni şəhərin Nizami küçəsində yerləşən “Grand” marketdə bir ildə 100 manata qədər aldatma cəhdi olub. Bu hələ görüb bildiyimdir. Şübhəsiz ki, bilmədiyimiz də var. Cənab prezident daim iqtisadi çıxışlarında ölkədə süni qiymət artımının varlığını dilə gətirir və tapşırıqlar verir. Təchizatçı malı marketə yerləşdirmək üçün bəri başdan külli miqdarda pul verir. Ərzaq malları sektorundan danışsaq, marketlər malın üzərinə təxminən 25% qoyur. Satışdan sonra isə təchizatçılardan 20 % geri alır. Bu zaman təxminən 50 % qiymət artımı baş verir. Bu da süni qiymət artımına gətirib çıxarır”.
E.Hüseynov vurğulayıb ki, təchizatçılar bundan xəbərdar olsa da, səslərini çıxarmağa qorxurlar:
“Çünki onları ümumiyyətlə, şəbəkədən çıxarda bilərlər. Belə bir vəziyyətdə əlbəttə, marketlərdə istehlakçıların hüquqlarının pozulması daimi olacaq”.
Eyyub Hüseynov qeyd edib ki, kassalar qarşısında növbələr bilərəkdən yaradılır ki, insanlar aldıqları malın qiymətinə baxa bilməsinlər:
“Xidmətin keyfiyyətindən bizə daim şikayətlər gəlir. Kassalar məsələsində də Nazirlər Kabinetinin qaydaları olmadığı üçün market sahibləri necə istəyir, o cür də qaydalar tərtib edirlər. Ona görə də növbələr əmələ gəlir və bu da istehlakçı narazılığına səbəb olur. Mövcud qaydalar olmadığı üçün belə bir vəziyyət yaranır. Bu da marketlərdə süni qiymət artımında böyük rol oynayır. Ona görə istehlakçılara üzümü tutub deyirəm ki, ərzaq malının keyfiyyətində problem olarsa, 1003 qaynar telefon xətti ilə Qida Təhlükəsizliyi Agentliyinə məlumat versinlər. Qiymətdə aldadılma hiss edərlərsə, 195 telefon xətti ilə İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə müraciət edə bilərlər”.
24 gündür itkin olan şəxsin maşını tapılsa da, özündən xəbər yoxdur.
Xəzərxəbər-in məlumatına görə, Şabran rayonunun Qələgah kənd sakini 65 yaşlı Ənvər Müslümov mayın 20-də gecə saat 4-də yaşadığı evdən avtomobili ilə çıxaraq işi olduğunu deyib.
Üzərindən 15 dəqiqə keçdikdən sonra onun telefonuna zəng çatmayıb.
Bundan narahat olan ailə üzvləri axtarışlara başlayıblar.
İtkən kişinin oğlu Sülhər Müslümov bildirir ki, atasının psixi xəstəliyi olmayıb. O, kənddə əkinçilik və heyvandarlıqla məşğul olub. Heç kimlə də ədavəti yoxdur.
Məsələ ilə bağlı hüquq mühafizə orqanlarına məlumat verilib.
Polis axtarışlara başlayıb.
Daha ətraflı süjetdə:
Son üç həftədə İranda ölkənin mədəni irsinin talan edilməsi ilə bağlı ciddi qalmaqal yaşanır.
Belə ki, Qacarlar dövründə tikilən, Pəhləvilər dönəmində daha da genişləndirilən və sülalə üzvlərinin yaşayış yeri kimi istifadə olunan Sədabad saray kompleksindəki “Hafiziyyə” binasından 48 ədəd bahalı xalça yoxa çıxıb.
Hadisə barədə xəbərlər ziddiyyətlidir. Deyilənə görə, onları yük maşınına yığaraq aparıblar.
Qeyd edək ki, “Hafiziyyə” binası bütünlüklə İslam İnqilabının Keşikçiləri Korpusu, yəni Sepah tərəfindən qorunur. 48 nəfis xalçanın yoxa çıxması barədə ilk xəbərlərdən sonra fakt, nəhayət, təsdiqlənib, lakin bu barədə başqa heç nə aydın deyil. Onları Sədabad kompleksinin prezident administrasiyasının ixtiyarında olan və əsasən xarici qonaqların qəbulu üçün istifadə edilən “Hafiziyyə” binasından kimin və ya kimlərin götürdüyü və həmin xalçaların hara aparıldığı məlum deyil. Hətta onların yoxa çıxma vaxtı da dəqiq bilinmir.
“Azad İran” “Youtube” kanalının mövzu ilə bağlı hazırladığı süjeti təqdim edirik:
Azərbaycanda taksilərə taksometrlərin quraşdırılması məcburi ola bilər. Artıq bununla bağlı “Avtomobil nəqliyyatı haqqında” qanuna təklif edilən dəyişiklik Milli Məclisin İqtisadi siyasət, sənaye və sahibkarlıq komitəsinin iclasında müzakirə olunub.
Layihəyə əsasən, sərnişin daşımaları taksi sifarişi xidmətinə qoşulduqda taksometr funksiyalarını yerinə yetirən proqram vasitəsilə müəyyən olunan qiymət üzrə ödəniş olunacaq.
Bəs, qanuna təklif edilən bu dəyişiklik taksi xidməti sahəsində nələri dəyişəcək?
Mövzu ilə bağlı nəqliyyat eksperti Eldəniz Cəfərov Bakupost.az -a açıqlamasında bildirib ki, taksometrlərin quraşdırılmasında əsas məqsəd gediş haqqının ədalətli hesablanmasıdır.
Ekspertin sözlərinə görə, məsuliyyətsiz sürücülər dövlətin yaratdığı güzəştlərdən istifadə edərək taksi sahəsini pis vəziyyətə qoyub:
“Taksilərlə bağlı bu gün cəmiyyəti narahat edən iki əsas poblem var. Biri keyfiyyətsiz xidmət, digəri isə təhlükəsizlik məsələsidir. Vətəndaş taksiyə əyləşəndə sağ-salamat mənzil başına gedib çatacağını əmin deyil. Buna ənənəvi taksi şirkətləri və taksi sürücüləri yox, taksi xidmətinə qoşulan təsadüfi insanlar şərait yaratdılar. Məsuliyyətsiz insanlar libaral bazar iqtisadiyyatı əsasında formalaşmış çox yaxşı taksi sistemini bu vəziyyətə qoydular. Hazırda bu sahədə ciddi tənzimləmələrə ehtiyac var. Ona görə də qanunvericiliyə dəyişikliklər təklif edilib.Taksometrlərin quraşdırılması könüllü də, məcburi də ola bilər. Yəni burada əsas məqsəd taksometrin olması deyil. Əsas məqsəd gediş haqqının ədalətli hesablanmasıdı. Bu taksometr və ya smartfonlarda olan hər hansı proqram vasitəsilə həyata keçirilə bilər. Taksi tarifləri dəyişən tariflərdir. Biz bu gün qiymətin yüksəlib, ya da azalacağını deyə bilmərik. Mövsimlə, tələb və təkliflə, sutkanın saatlarından, həmçinin, avtomobilin konfortundan asılı olaraq qiymətlər dəyişir. Amma taksi tariflərində qiymətlərin kəskin yüksələcəyinə inanmıram”.