Xəbər verdiyimiz kimi, Baş Prokuror yanında Korrupsiyaya qarşı Mübarizə Baş İdarəsi Səfərbərlik və Hərbi Xidmətə Çağırış üzrə Dövlət Xidmətinin Laçın, Xaçmaz və Cəlilabad şöbələrində də əməliyyat keçirib. Nəticədə Xaçmaz rayon şöbəsinin rəisi, polkovnik-leytinant Ağayev Rahim Əlifağa oğlu, Laçın hərbi komissarlığının müfəttişi Rəşad Rəşidli və Cəlilabad rayon hərbi komissarlığının müfəttişi Ramil Həsənov qanunsuz əməlləri ifşa olunduğuna görə həbs ediliblər.

Qaynarinfo sözügedən məsələnin gündəmdə olmasını nəzərə alaraq, Azərbaycanda hərbi komisarların siyahınısı hazırlayıb.

Məlum olub ki, bir general-mayor, 22 polkovnik, 38 polkovnik-leytenant (biri həbs edilib), 14 mayor Səfərbərlik və Hərbi Xidmətə Çağırış üzrə Dövlət Xidmətinin rayon və şəhər şöbələrinə rəhbərlik edir.

Əldə etdiyimiz məlumata görə, yaxın vaxtlarda Səfərbərlik və Hərbi Xidmətə Çağırış üzrə Dövlət Xidmətinin rayon şöbələri birləşdiriləcək və Regional şöbələr yaradılacaq. Bununla da hərbi komisarların sayı kəskin azalacaq.

Səfərbərlik və Hərbi Xidmətə Çağırış üzrə Dövlət Xidmətinin rayon və şəhər şöbələrinin TAM SİYAHISI

Ermənistanda 16 məktəbdə türk dili tədris olunur. Belə ki, 2022-2023-cü tədris ilində 12 məktəbdə türk dili (Türkiyə türkcəsində), 4 məktəbdə isə Azərbaycan dili (Azərbaycan türkcəsində) tədris olunub.

Ermənistanın Təhsil Nazirliyindən bildirilib ki, Azərbaycan və türk dilləri istisna olaraq 10-12-ci sinif şagirdlərinə öyrədilir.
Həmçinin 2022-2023-cü tədris ilində 33 ümumtəhsil müəssisəsində regional dillərin tədris olunduğu qeyd olunub: 13 məktəbdə fars, 12-sində türk dili, 4 məktəbdə Azərbaycan türkcəsi, 3-də isə gürcü dili.

Daha 400 məktəb regional (türk, Azərbaycan, gürcü və fars) dilləri tədris etmək istədiyini bildirib.

TEREF.AZ-ın məlumatına görə, Ermənistanda türk və Azərbaycan dilinin tədrisinə normal yanaşdığını söyləyən tanınmış teletənqidçi, BDU-nun "Multimedia və elektron kommunikasiya” kafedrasının rəhbəri Qulu Məhərrəmli "Sherg.az"a qeyd edib ki, bu bəlli bir dövlət siyasətidir və strategiyanın tərkib hissələrindəndir:

"Ümumiyyətlə zaman-zaman təkcə ali təhsil ocaqlarında yox, orta məktəblərdə də bu dillər tədris olunur. Baxın, təkcə türk və Azərbaycan dili yox, həmçinin rus, gürcü, fars dilləri də çoxsaylı məktəblərdə keçilir. Əlbəttə ki, ermənilərin azərbaycan dilini öyrənmələri bizə sevgidən irəli gəlmir. Bu xüsusi məqsədlə öyrədilir. Ona görə də Azərbaycandakı xüsusi məktəblərdə erməni dilinin öyrədilməsi məqsədəuyğun olardı.

Hazırda bizim bəzi ali məktəblərdə, həmçinin Bakı Dövlət Universitetində ermənişünaslıq mərkəzi fəaliyyət göstərir. Bu, çox normaldır. Çünki biz qonşuyuq. Ancaq qonşu olsaq da Ermənistanın günahı ucbatından bir çox mübahisəli məsələlərimiz var. Ona görə də erməni yalanlarının kökünü və yalanlaşdırılmış tarixinin mənbələrini öyrənmək üçün xüsusi mütəxəssislərimiz olmalıdır. Həmin mütəxəssislərin isə erməni dilini öyrənmələri vacibdir. Bu səbəblə də xüsusi məktəblərdə erməni dilinin tədris edilməsini önəmli hesab edirəm".

"Atabəylər dövləti ölkəni etnik və siyasi cəhətdən birləşdi"
3. Səlcuq fəthləri
Azərbaycan torpaqları türk dünyasının tərkib hissəsi olmuşdur. Hun imperiyası (IV-VI əsrlər) və Xəzər xaqanlığı (650-969) Azərbaycan tarixində də mühüm iz qoymuşdur. Bu imperiyalar Azərbaycanın şimalında mövcud olub, burada cərəyan edən hadisələrdə iştirak etməsinə baxmayaraq, ölkədə güclü siyasi hakimiyyət yarada bilmədi. Səlcuqların və ya oğuzların XI əsrin əvvəllərindən başlayaraq siyasi hadisələrdə iştirakı ilə vəziyyət dəyişdi.
Səlcuqlar hunlar və xəzərlərdən fərqli olaraq, cənubdan hərəkət etdilər. Səlcuq imperiyasının yaranması (1038-1157) və İslam dünyasında aparıcı amilə çevrilməsi ilə bölgə və dünya tarixində də ciddi dəyişikliklər meydana gəldi.
- Azərbaycan və digər türk xalqlarının əraziləri vahid türk dövləti tərkibində birləşdirildi.
- Səlcuq imperiyası dağıldığı zaman Azərbaycan ərazisində meydana gələn Atabəylər dövləti (1136-1225) ölkəni etnik və siyasi cəhətdən birləşdirməyə nail oldu.
- Monqol-tatar imperiyası və onun dağılması nəticəsində Azərbaycanda yaranan dövlətlər zamanı bəzi miqrasiyalar baş versə də, əhali fundamenti və dini vəziyyət həlledici təsirini davam etdirdi.
- Azərbaycan Qaraqoyunlu (1410-1468) və Ağqoyunlu (1468-1510) dövlətlərini yaradan tayfa birlikləri səlcuq coğrafiyasında (qaraqoyunluların mərkəzi Van, ağqoyunluların mərkəzi Diyarbəkir idi) siyasi arenaya qədəm qoydu.
- Səlcuqların Azərbaycanla eyni zamanda Anadoluda da möhkəmlənməsi, 1071-ci ildə Malazgirt döyüşündə Bizansa qalib gəlməsi, ilk xaç yürüşlərinin qarşısını alması ilə Azərbaycana qərbdən gələn təhlükəni Anadolu səlcuqları, sonralar isə burada meydana gələn türk dövlətləri, xüsusilə Osmanlı dövləti qarşıladı.
- Avropa diplomatiyası Osmanlı dövlətinə qarşı mübarizə üçün Azərbaycanın Ağqoyunlu və Səfəvilər dövlətləri ilə yaxınlaşmaq siyasətini hazırladı.

AzVision.az xəbər verir ki, bu barədə Vəkillər Kollegiyası Rəyasət Heyətinin iclasında qərar qəbul edilib.

Belə ki, iclasda vəkillər barəsində başlanılmış 22 intizam icraatı üzrə Vəkillərin İntizam Komissiyasının rəylərinə baxılaraq, qanunvericiliyin tələblərini pozduğuna görə 1 vəkilə töhmət verilib, 1 vəkilin fəaliyyəti 1 il müddətinə dayandırılıb, 3 vəkilin fəaliyyəti dayandırılaraq Vəkillər Kollegiyasının üzvlüyündən xaric olunması üçün məhkəməyə müraciət barədə qərər qəbul olunub.

Xırdalanda vətəndaş kirayə qaldığı evinin qarşısında zibillər təmizlənmədiyi üçün Abşeron Rayon İcra Hakimiyyətinin binasının qarşısında insident törədib.

Qaynarinfo-nun məlumatına görə, hadisə bir neçə gün əvvəl baş verib.

1980-cı ildə Bakı şəhərində anadan olmuş Araz (şərti) Xırdalan şəhərində Məmməd Araz küçəsində kirayə evdə yaşayır və uzun müddətdir yaşadığı evdə kommunal xidmətlərlə bağlı problemlər yaranıb. O bildirib ki, İcra Hakimiyyətinin işçiləri tərəfindən evinin qabağından zibillər yığışdırılmır, bununla yanaşı daimi olaraq işığın, qazın və ya suyun verilməsində məhdudiyyətlər olur.

Bu vəziyyətə əsəbləri dözmədiyindən etiraz əlaməti olaraq evinin qabağındakı zibil və çınqıl daşları yığaraq idarə etdiyi "Mercedes Benz” markalı avtomobillə Abşeron Rayon İcra Hakimiyyətinin binasına yaxınalşıb, gətirdiyi zibil və daşları binanın qabağına töküb.

Hadisə zamanı o emosional olduğundan İcra Hakimiyyətinin ünvanına nalayiq ifadələr işlədib.

Məhkəmənin qərarı ilə İnzibati Xətalar Məcəlləsinin 535.1-ci maddəsi ilə nəzərdə tutulan inzibati xətanın törədilməsində təqsirli bilinən həmin şəxs 10 gün müddətinə inzibati qaydada həbs olunub.

"ŞaurmaN1” restoranının şəriki, "12-ci İmam Mehdi" adı altında həbs olunan Aqil Babayevin cinayət işi üzrə məhkəmə prosesi bu gün davam etdirilib.

Hurriyyet.az xəbər verir ki, bu gün Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən məhkəmə prosesində müdafiə tərəfi 4 şahidin dindirilməsi ilə bağlı vəsatət verməsinə baxmayaraq, hakim ancaq 1 şahidin dindirilməsi vəsatətini qəbul edib.

Şahid qismində çıxış edən T.Dadaşova vəkilin “Aqil Babayevi necə tanıyırdız?” sualına cavab olaraq bildirib ki, “Aqil Babayev savadlı, alicənab insandır. “Şaurma N1” restoranlarının şəriki kimi, 2013-cü ildə “Şaurma N1” Elmlər filialında mühasibatlıq şöbəsində işləyəndən sonra tanıdım”.

Vəkilin zəkatın paylanılması ilə sualına isə T.Dadaşova belə cavab verdi: “Hər ayın 15-i zəkatları xanımlara mən paylayırdım. Zəkat paylamaq təşəbbüsünü işsiz olduğum vaxt və maliyyə işlərində təcrübəm olduğuna görə, mənə Rövşən Kave tapşırmışdı. Hər ay ən azı 15, maksimum isə 22-23 nəfər qadına paket şəklində 200 manat məbləğində zəkat paylayırdım. Bunu təsdiq edən qadınların isimləri və Rövşən Kavenin xətti ilə zərfləri dəlil kimi məhkəməyə təqdim edə bilərəm.

Mən zəkatı 2011-ci ildən 2021-ci ilin may ayına kimi Rövşənin verdyi siyahı üzrə paylamışam. Hər ay ən azı 4000-5000 manat civarında pul paylayırdım”.

Rövşən Kave üzləşmədə bildirib ki, zərflərin üzərini özü yazmayıb, lakin şahid T.Dadaşovanın “Ekspertiza təyin edilsə, bu xəttin kimə aid olduğu dəqiq bilinəcəkdi”, - deyə cavab verdikdən sonra, Rövşən Kave 4-5 nəfərə payladığını etiraf edib.

Hakim müdafiə tərəfin digər şahidlərinin çağrılması və vəsatətlərin verilməsi ilə bağlı növbəti məhkəmə prosesini avqustun 2-nə təyin edib.

Xatırladaq ki, Aqil Babayev “Şaurma N1” restoranlar şəbəkəsinin şəriki olub. Onu “12-ci İmam” adı altında həbs ediblər. Hazırda onun işinə Bakı Ağır Cinayətlər Məhkəməsində baxılır.

A.Babayev “İmam Mehdi” ittihamını qəbul etmir. O, “Shaurma N1”in şəriklərindən biri olduğunu, əmlakını, pulunu əlindən almaq üçün bu məsələnin ortaya atıldığını deyir.

BMT-nin Ümumdünya Meteorologiya Təşkilatı (WMO) El-Ninyo iqlim fenomeninin başlaması ilə bağlı xəbərdarlıq edib.

Bildirilib ki, bütün bunların fonunda dünyanı həddindən artıq istilər və təbii fəlakətlər təhlükəsi gözləyir.

Məlumata görə, El-Ninyo Sakit okeanın ekvatorial sularının temperaturunda təbii dalğalanmalarla xarakterizə olunur ki, bu da bütün dünyada hava şəraitinə təsir göstərir.

Təşkilata görə, 90% ehtimalla fenomen orta gücüylə 2023-cü ilin sonuna qədər davam edəcək. El-Ninyonun daha güclü olma ehtimalı 56 faizdir.
Mütəxəssislər qeyd edirlər ki, El-Ninyonun başlaması temperatur rekordlarının qırılma ehtimalını xeyli artıracaq. Bununla əlaqədar ABŞ-nin cənubu, Cənubi Amerika, Mərkəzi Asiya və Cənubi Amerika ölkələri, eləcə də Afrikanın şimal-şərqində daşqınlar gözlənilir. Eyni zamanda Avstraliya, İndoneziya, Cənubi Asiya və Mərkəzi Amerika kəskin istilərə hazırlaşmalıdır.

Mənbə: lenta.ru

Sabiq deputat, iş adamı Nazim Bəydəmirli Daxili İşlər Nazirliyinin Mütəşəkkil Cinayətkarlığa Qarşı Mübarizə İdarəsi ("Bandotdel") tərəfindən şübhəli şəxs qismində saxlanılıb.

Bu barədə jurnalist Xədicə İsmayıl məlumat yayıb.

Bəydəmirlinin payçısı olduğu şirkətdən pul tələb etməkdə günahlandırıldığı bildirilir.

“Zəlzələnin olması ilə bağlı daşınmaz əmlak sahəsində əsas problem qiymət artımı və ya enməsi deyil”.

Sfera.az bildirir ki, bunu əmlak məsələləri üzrə ekspert Elnur Fərzəliyev deyib. O, qeyd edib ki, indi əsas müzakirə mövzusu Bakının zəlzələyə hazırlıq səviyyəsi olmalıdır:

“Bu gün paytaxtda minlərlə istismar müddətini bitirmiş və yüzlərlə qəzalı vəziyyətlə olan çoxmənzilli bina və fərdi həyət evləri var. Xüsusən də bir-birinə yaxın tikilmiş yeni binalar, yaşayış kompleksləri kifayət qədərdir. Güclü zəlzələ halında onların vəziyyəti necə olacaq? Əsas problem budur”.

Ekspert qeyd edib ki, bu cür hadisələrdən qorunmaq ücün toplanış meydançaları və sığınacaqların kifayət qədər olmadığı da nəzərə alınmalıdır.

Qeyd edək ki, Respublika Seysmoloji Xidmət Mərkəzinin məlumatına görə, Xəzər dənizində, Azərbaycan sahillərində 5,5 bal gücündə zəlzələ baş verib. Yeraltı təkanlar bir sıra rayonlarda və Bakıda hiss edilib.

"Murdar olmuş heyvan ətlərini satanlar qısa vaxtda bəraət alıb işinə davam edir"
“Ümumiyyətlə, tarix boyu insan xəstəliklərinin 70-75% insanlara heyvanlardan keçib. Deyirlər ki, həkimlər insanları, baytarlar da bəşəriyyəti müalicə edir. Bütün heyvan xəstəliklərinin insana keçmə şansı var. Mən kənd adamlarıyla görüşəndə həmişə deyirəm ki, inəklə, qoyunla təmasda olanda mütləq ağzınıza bir örtük bağlayın. Heyvanın nəfəsindən heyvan xəstəliyi insana keçməməlidir. Amma insanda müəyyən zəiflik olanda, müəyyən xəstəlik əlamətləri olanda heyvan virusları insanın virusu ilə birləşir və yeni ştam əmələ gətirir. Yeni xəstəlik meydana çıxır. Ortaya çıxan yeni xəstəliyin insandan insana keçməsi də, mümkündür. Tarix boyu bu baş verib”.
TEREF.AZ-ın məlumatına görə, bu barədə Bizimyol.info xəbər portalına danışan “Azad İstehlakçılar” Birliyinin sədri Eyyub Hüseynov bildirib ki, insanın orqanizmi zəif olarsa heyvan xəstəliyinin insana keçməsi mümkündür.

Ekspertin sözlərinə görə, murdar olmuş, yəni ölmüş heyvanlaırn əti insan sağlamlığı üçün təhlükəlidir. Çünki heyvan xəstəlikdən ölübsə, insan onu istehlak edəndə, ona əl ilə toxunanda, iyləyəndə insana xəstəlik ehtimalı böyük olur.

“20 ildən artıqdır ki, təşkilatımız murdar olmuş heyvan ətlərinin tədarük olmasını təqib edir. Ölkənin demək olar ki, hər yerində “leşyığanlar” mafiyası var. Bunun qarşısını almaq üçün ən uğurlu işi Daxili İşlər Nazirliyi yanında Baş Mütəşəkkil Cinayətkarlığa qarşı Mübarizə İdarəsi görüb. Onlar digər məsul qurumlardan fərqli olaraq, ekspertizalar keçirir və işbazları həbs edirlər. Başqa qurumlar cərimə edib, buraxırlar. O qurumlar hesab edir ki, bölgədə hər bir əti satmaq olar. Təkcə, istehlakçını aldatmasınlar və ətin adını yazsınlar. Yəni Kənd Təsərrüfatı Nazirliyinin idarə rəisinin bir zamanlar belə bir bəyanatı da var idi. Biz bu bəyanatla razı deyildik, çünki bu yolverilməz idi.

“Azad İstehlakçılar” Birliyində 1963-cü ildə dərc olunmuş bir kitab var. Orada 15 respublika arasında bir dənə Azərbaycanda eşşək əti yeməli ət hesab olunur. Onun qiymətləri yazılıb və s. Sonra öyrəndik ki, bunu ermənilər edib. Belə çıxır ki, ermənilərin apardığı o siyasəti dəstəkləyən insanlar hələ də mövcuddur. Daxili İşlər Nazirliyinin adını çəkdiyim qurumu çox effektli iş görsə də məhkəmələr nədənsə tezliklə belə adamlara bəraət verib buraxır və onlar yenidən bu işlərlə məşğul olur. Bunun kökü kəsilməlidir”-deyə ekspert vurğulayıb.

Eyyub Hüseynov qeyd edib ki, burada ictimai nəzarətin böyük rolu var. Təəssüflər olsun ki, ölkədə ictimai nəzarət həddindən artıq zəif bir vəziyyətdədir. Ən ciddi vəziyyətlərdən biri budur ki, ictimai nəzarəti ən yüksək səviyyədə həyata keçirən kütləvi informasiya vasitələrinin işləri dövlət orqanları tərəfindən təqib olunmur. Onlara bir təşəkkür yazılmır, sorğu göndərilmir ki, bunu hardan tapmısınız və s.

“Murdar olmuş heyvan ətlərinin dönərxanalara, şadlıq evlərinə daşınması vətəndaşların, kənd axundlarının, müəllimlərin, valideynlərin, sahə müvəkkilərinin gözü önündə baş verir. Əhalini ictimai nəzarəti gücləndirməyə çağırıram. Belə olarsa, bu əcaib vəziyyət Azərbaycanımızdan yığışdırılar. Bu, yol verilməzdir. İnsanların xəstəxanalarda dolu olması, aptek şəbəkəsinin ölkədə digər ölkələrdən 20 dəfə artıq olması, insan uzun ömürlüyünün 198 ölkə arasında Azərbaycanın aşağıdan 115-ci yerdə olması və s. bu məsələlərdə bunun da rolu var. Vətəndaşları belə hallarla qarşılaşdıqları zaman AQTA-nın 1100 qaynar telefon xəttinə və yaxud adını çəkdiyim dövlət orqanına məlumat vermələrini tövsiyyə edirəm”-deyə ekspert qeyd edib.