15-ə yaxın kəndin sakinlərinin mütəmadi istifadə etdiyi Göyçay-Bərgüşad avtomobil yolu getdikcə bərbad hala düşür.

2017-ci ildə yolda təmir işləri start götürsə də, bu günə qədər başa çatmayıb.

Sürücülər də bu yararsız yoldan istifadə etmək məcburiyyətində qalırlar.

Onların sözünə görə, yolun bu vəziyyətdə olması səbəbindən tez-tez avtoqəzalar da baş verir.
Məsələ ilə əlaqədar Avtomabil Yolları Dövlət Agentliyinin mətbuat xidmətinin rəhbəri Anar Nəcəfli “Xəzər Xəbər”ə açıqlama verib.

Mövzu ilə bağlı daha ətraflı videomaterialı təqdim edirik:

Alzeymer xəstəsi olan amerikalı kişi həyat yoldaşını unutmamaq üçün maraqlı addım atıb.

“Qafqazinfo” BBC-yə istinadən xəbər verir ki, Mick Smith 60 illik həyat yoldaşı Diana üçün “Always Together” mahnısını bəstələyib.

O, həmin ifanı alzeymer diaqnozu qoyulduğu gün yazıb:

“Bunu xəstəliyimin irəliləməsindən sonra ona olan sevgimi unudacağımdan qorxduğum üçün etdim”.

Sözügedən videonu təqdim edirik:

Liberiya bayrağı altında üzən “Peria” neft tankerinin nasazlığı Bosfor boğazında nəqliyyatın hərəkətini dayandırıb.

Məlumata görə, Türkiyə Sahil Mühafizəsi tanker təhlükəsiz yerə çəkilənə qədər boğazdan keçən nəqliyyatın hər iki istiqamətdə dayandırıldığını bildirib.

“Peria”nın İstanbul vilayətinin Qara dəniz limanından İzmirin Əliağa limanına getdiyi məlum olub.
250 metrlik tanker şimal-cənub istiqamətində hərəkət zolağının mərkəzi hissəsində qalıb. Onu kənara çəkmək üçün iki yedək və bir sahil mühafizə gəmisi göndərilib. “Peria”nın sahilə doğru çəkilməsindən sonra hərəkətin bərpa ediləcəyi qeyd olunub.

Mənbə: Haber Global

Beynəlxalq axtarışda olan şəxs Kolumbiyada tutularaq Azərbaycana ekstradisiya edilib.

Bu barədə Ədliyyə Nazirliyinin Mətbuat Xidməti məlumat yayıb.

Belə ki, etibardan sui-istifadə və aldatma yolu ilə özgənin əmlakını ələ keçirərək külli miqdarda ziyan vurmaqla dələduzluq cinayətinin (AR Cinayət Məcəlləsinin 178.3.2-ci maddəsi) törədilməsində ittiham edilərək beynəlxalq axtarışa verilmiş Sənan Şəkərlinin yeri Kolumbiya Respublikasında müəyyən olunub və o, həbs edilib.

Nazirlik tərəfindən həmin şəxsin ölkəmizə ekstradisiyası ilə bağlı müvafiq sorğu göndərilib, Kolumbiyanın səlahiyyətli orqanları ilə danışıqlar aparılıb və beynəlxalq prosedurlara əsasən bütün tələb olunan zəmanətlər təqdim edilib, bu işdə diplomatik korpusumuz tərəfindən lazımi dəstək göstərilib. Kolumbiya tərəfi ekstradisiya sahəsində müqavilə-hüquq bazasının olmamasına baxmayaraq, Azərbaycanın dünyada etibarlı tərəfdaş kimi yüksək nüfuzunu və qarşılıqlıq prinsipinə dönmədən riayət edilməsini nəzərə alaraq təslimetmə ilə bağlı müsbət qərar verib və Latın Amerikasından ilk dəfə ekstradisiya həyata keçirilib.
S.Şəkərli Kolumbiyadan birbaşa uçuş reysi olmadığından Türkiyə ilə razılığa gəlinərək qardaş ölkə vasitəsilə tranzit olunaraq yanvarın 21-də nazirliyin Beynəlxalq əməkdaşlıq idarəsinin və Penitensiar xidmətin məsul əməkdaşları tərəfindən Azərbaycana gətirilib və o, məhkəmənin həbs qərarına əsasən Bakı İstintaq Təcridxanasına yerləşdirilib.

Bununla da cinayətkarlıqla mübarizədə müstəsna rolu olan cəzanın labüdlüyü prinsipi təmin edilməklə cinayətkarların özlərini istənilən yerdə azad və təhlükəsizlikdə hiss etmələrinin qarşısı alınır.

Nazirlik tərəfindən bu sahədə lazımi tədbirlər davam etdirilir.

Bu gündən Sumqayıt-Bakı marşrut xətti üzrə ekspres avtobuslar fəaliyyətə başlayır.

Bu barədə Azərbaycan Yerüstü Nəqliyyat Agentliyi məlumat yayıb.

Bildirilib ki, artıq neoplanlar Bakı Beynəlxalq Avtovağzal Kompleksinə gətirilib.
Gediş haqqi 80 qəpik təşkil edəcək.

Mövcud qanunvericiliyin tələblərinə uyğun olaraq, fevralın 7-də keçiriləcək prezident seçkilərindən sonra hökumətin tərkibi yenidən formalaşacaq. Bu proses həmişə dəyişikliklərlə müşahidə olunduğu üçün hökumət üzvlərindən kimin gedib, kimin qalacağı yenə müzakirə mövzusudur.

Yenisabah.az hakimiyyətdəki mənbələri sayəsində vəzifəsini itirəcək hazırkı hökumət üzvlərindən birinin adını dəqiqləşdirə bilib. Elm və təhsil naziri Emin Əmrullayevin yeni hökumətdə təmsil olunmayacağı məlum olub. Gənc nazirin daha təcrübəli elm adamlarından biri ilə əvəzlənməsinə qərar verilib.
Mənbə E.Əmrullayevin "vurulmasını" təhsil sektorunda köklü islahatların aparılmaması ilə əlaqələndirib. Onun sözlərinə görə, imitasiya xarakteri daşıyan islahatlar bu sektorda ciddi dəyişikliyə səbəb olmadığı üçün gənc nazirin yola salınmasına qərar verilib.
Qeyd edək ki, təhsil sahəsindəki problemlər son vaxtlar daha yüksək səslə dilə gətirilir. Artıq Milli Məclisin tribunasında da bu barədə açıq mətnlə danışılır. Ötən gün isə bu məsələ prezidentliyə namizədlərin İTV-də baş tutan debatında əsas müzakirə mövzusu olub. Prezidentliyə namizəd, Milli Məclisin bitərəf deputatı Zahid Orucun problemə geniş yer ayırması təsadüfi sayıla bilməz. Digər opponentləri ilə müqayisədə hakimiyyətin mətbəxinə daha yaxından bələd olan Zahid Orucun öz çıxışında elm və təhsil sektorunda mövcud olan problemlərə geniş yer ayırması, repetitorluq institunun genişlənməsindən danışması, "müəllimlər və şagirdlər məktəbə qayıtmalıdır" məzmunlu bəyanat səsləndirməsi analitiklər üçün uzağagedən nəticələr çıxarmağa əsas verib. Siyasətdə çoxillik staja malik olan Orucun hədəfi düz vurub-vurmadığı isə yaxın vaxtlarda bəlli olacaq.

Belarus Prezidenti Aleksandr Lukaşenko odun doğrayarkən xəsarət alıb.

Bu barədə Belarus liderinin özü “Belji” zavoduna səfəri zamanı bildirib.

"Odun doğrayırdım və təxminən 80 kiloqramlıq ağac parçası ayağıma düşdü", - Lukaşenko deyib.

O əlavə edib ki, zədə əvvəlcə özünü hiss etdirməyib və normal yeriyib, lakin sonra xəsarət alan hissə şişib.

Lukaşenko xoşagəlməz hadisəyə görə bu gün keçirilən xokkey oyununu buraxmalı olub.

“Atlas Air”ə məxsus “Boeing 747-8” yük təyyarəsinin havaya qalxdıqdan qısa müddət sonra mühərrikində nasazlıq yaranıb və o, havadaca alovlanıb.

Məlumata görə, təyyarə Mayami Beynəlxalq Hava Limanına məcburi eniş etməli olub.

Qeyd edək ki, “Atlas Air” baş verən insidentin səbəbini müəyyən etmək üçün araşdırma aparacağını bildirib. (oxu.az)

Azərbaycan Tibb Universiteti (ATU) “Progress İnşaat EN” MMC-dən 88 146 manatlıq hədiyyə alacaq.

Valyuta.az xəbər verir ki, şirkət bununla bağlı ATU-nun elan etdiyi tenderin qalibi seçilib.

Şərtlər toplusundan məlum olur ki, universitetin alacağı hədiyyələrə bloknot, qələm, qələm üçün qutu, karandaş dəsti, flayşkart, fincan, armudu stəkan dəsti, suvenir boşqab, paket və qovluqdan ibarətdir.

“Proqress İnşaat EN” MMC haqqında açıq mənbələrdə heç bir məlumata rast gəlinməsə də, adından da göründüyü kimi inşaat şirkətidir.

Dövlət satınalmalarının vahid elektron portalında yerləşdirilən elanlardan da görünür ki, şirkətin qalib gəldiyi tenderlər əsasən təmir-tikinti işləri ilə bağlıdır.

Şirkət bundan əvvəl ATU-nun da təmir işləri ilə bağlı tenderinin qalibi olub.

Belə aydın olur ki, inşaat şirkəti həm də dəftərxana ləvazimatlarının satışını həyata keçirir. Bu bir qədər inandırıcı görünmür.

“Sabiq səhiyyə naziri Oqtay Şirəliyevin Azərbaycan səhiyyəsinə güvənmədiyi üçün Türkiyəyə müalicə almağa getdi haqqında səslənən fikirləri düzgün hesab etmirəm. Çünki insan istədiyi yerdə müalicə almaq haqqına sahibdir”.

Bu sözləri Yenisabah.az-a açıqlamasında tanınmış həkim, uroloq-androloq Vasif İsmayıl deyib.

O, Azərbaycanın keçmiş səhiyyə naziri Oqtay Şirəliyevin müalicə almaq üçün təcili şəkildə Türkiyəyə getməsinə toxunub.

Xatırladaq ki, eks-nazirin Türkiyəyə yollanması haqqında məlumatların dərc olunmasından sonra sosial şəbəkələrin Azərbaycan seqmentində bununla bağlı müzakirələr yaranıb. Belə ki, sosial şəbəkə istifadəçilərinin bir çoxu Şirəliyevi uzun illər rəhbərlik etdiyi səhiyyə sisteminə güvənməməkdə ittiham edib.

Məsələyə münasibət bildirən V.İsmayıl əlavə edib ki, sabiq nazirin səhhətindəki hansı problemlərə görə xaricə getdiyi naməlum olaraq qalır:

“Lakin buna baxmayaraq, bu gün Azərbaycanda səhiyyə sahəsində görülməli işlərin çoxu görülüb, amma hamısı deyil. Həmçinin görülən işlərin çoxu hazırda keyfiyyətlə həyata keçirilir ki, bu tərəfdən də heç bir problem yoxdur. Ola bilsin ki, Oqtay Şirəliyev Azərbaycana səhiyyəsinə güvənmir, yəni bu, ola bilər”.

Müsahibimiz onu da diqqətə çatdırıb ki, O.Şirəliyevin bir siyasi keçmişi və duruşu var:

“Ola bilər ki, onun hansısa həkimlərlə konflikti olsun, onlara güvənmisin və buna görə də Türkiyəni seçsin. Amma reallıq budur ki, onun zamanında Azərbaycan səhiyyəsində bir çox işlər görülüb. Hətta deyərdim ki, çox da yaxşı işlər olub. Amma, bununla yanaşı, səhiyyəmizdə nəzarətin zəifləməsi hadisəsi də baş verdi ki, bu da Oqtay müəllimə qarşı yaranan etirazlara səbəb oldu”.

Həmsöhbətimizin fikrincə, bütün bunlara baxmayaraq, Azərbaycan xalqının Azərbaycan səhiyyəsi haqqında söylədiyi iradların əksəriyyəti haqlı və əsaslıdır:

“Amma bu, o demək deyil ki, Oqtay Şirəliyev Azərbaycan səhiyyəsini pis günə qoyub Türkiyəyə qaçıb gedib və s. Biz bunu ümumi bir fikir kimi dilə gətirə bilərik, amma ola bilsin ki, onun xəstəliyinin spesifik xüsusiyyətləri var və buna görə də ölkə xaricinə çıxıb. Məsələn, onun çox ciddi qaraciyər çatışmazlığı varsa, artıq xaricdə müalicə almasına əsaslı səbəbləri ortaya çıxır. Çünki qaraciyər çatışmazlığı ilə bağlı problemi hələ də Azərbaycanda lazımi səviyyədə müalicə edə bilmirik və bu bizim səhiyyəmiz üçün mənfidir. Yəni elə məsələlər var ki, biz bunu yaxşı bacarmırıq. Ona görə də faktları biləndən sonra məsələyə münasibət bildirməyin tərəfdarıyam”.

Tibb elmləri doktoru, professor Adil Qeybullanın sözlərinə görə isə elə situasiyalar var ki, biz bu reallıqları bilmirik:

“Hətta bəzi məsələlər var ki, bunun dəqiqləşməsinə ehtiyac duyulur. Lakin adi prosedurlardan ötrü ölkəni tərk etmək, hər halda yaxşı mənzərə deyil. Hələ nazir olmuş adam üçün heç...

Hesab edirəm ki, Azərbaycan səhiyyəsinin yetərincə imkanları var ki, problemlərini həll etsin. Amma biz reallığı bilsəydik, bu barədə daha detallı və obyektiv danışmaq olardı. Lakin təəssüflər olsun ki, bilmirik.

İlk növbədə, ona şəfa arzulayıram. O cümlədən bizim hər birimiz, xüsusilə də məmurlar çalışmalıdırlar ki, milli səhiyyəmizin imkanlarından yetərincə istifadə etsinlər ki, bu, həm də səhiyyəmizə güvən deməkdir”.

Qeyd edək ki, Oqtay Şirəliyev 2005-2021-ci illərdə Azərbaycanın səhiyyə naziri vəzifəsində çalışıb.