 |
|
|
Türkiyə polisi çətin qəbul imtahanından keçmək üçün süni intellekt və gizli cihazlardan istifadə etməklə mürəkkəb sxem hazırlayıb universitetə qəbul olunmaq istəyən şəxsi saxlayıb.
Polisin məlumatına görə, adı açıqlanmayan tələbə köynək düyməsi kimi maskalanmış və süni intellekt proqramına qoşulmuş kameradan istifadə edib.
Mexanizmin bir hissəsi ayaqqabısının altında gizlədilib. Sistem imtahan suallarını kamera vasitəsilə skan edərək işləyirmiş. Şəkil düzgün cavabları yaradan və onları qulaqcıq vasitəsilə tələbəyə oxuyan AI modelinə ötürülür.
Polisin yaydığı video bu sxemin necə işlədiyini göstərir. Videoda polis məmuru sualı skan edir və AI proqramı dinamik vasitəsilə düzgün cavabı verir.
Belə ki, tələbə bir şəxsin Türkiyədə ali məktəbə daxil olmaq hüququnu müəyyən edən milli universitet qabiliyyət imtahanından keçməyə çalışıb, – Reuters yazır.
Türkiyə polisi gələcək universitet tələbəsinin özünü (o, məhkəməyə qədər həbs olunacaq), həmçinin smartfondan istifadə etməyə kömək edə biləcək mümkün şərikini saxlayıb.
Azərbaycanda vəzifəli şəxsin üstünə benzin TÖKDÜLƏRLənkəran rayonunda şirkət rəhbərinə qarşı xuliqanlıq etmiş Təngivan kənd sakini, 1962-ci il təvəllüdlü Əlibala Nemətov (soyad şərtidir) cinayət məsuliyyətinə cəlb edilib.
Publika.az-ın məlumatına görə, hadisə kənd ərazisində yerləşən qum-çınqıl yatağında baş verib.
Əlibala Nemətov qum-çınqıl istehsalı müəssisəsinin yaşadığı evə yaxın olmasını, həmin müəssisənin səhər tezdən yüksək siqnalla işə salınmasını, dəfələrlə etdiyi şikayətlərin nəticəsinin olmamasını bildirib. O, səhər saatlarında yaşadığı evdən özü ilə 1 ədəd bir litrlik plastik butulkada benzin götürərək müəssisənin həyətinə gəlib. Burada Əlibala müəssisənin rəhbəri Şaiq Babayevlə dalaşaraq onlardan fəaliyyətlərini dayandırmağı tələb edib. Həmçinin uca səslə söyüş söyüb, əlindəki benzini direktorun üstünə töküb və ona yüngül xəsarətlər yetirib.
Ətrafdakı şəxslərin və oraya gələn polisin iştirakı ilə Əlibala saxlanılıb.
Onun barəsində Lənkəran ŞRPŞ-də Cinayət Məcəlləsinin 221.3-cü (Xuliqanlıq - silah və ya silah qismində əşya tətbiq etməklə) maddəsi ilə cinayət işi açılıb.
Cinayət işinə Lənkəran rayon Məhkəməsində baxılıb. Məhkəmənin bir neçə gün öncə çıxardığı hökmlə 62 yaşlı Əlibala Nemətova 1 il azadlığın məhdudlaşdırılması cəzası verilib. Onun bədəninə eletrok qolbaq yerləşdirilib və yaşadığı yeri tərk etməmək kimi vəzifələr üzərinə qoyulub.
Rusiyanın paytaxtı Moskva şəhərində “Reuters” agentliyinin prodüseri Konstantin Qabov barəsində seçilmiş qətimkan tədbirindən apellyasiya şikayətinə baxılıb.
Teleqraf.com xəbər verir ki, apellyasiya şikayətinə Moskva Şəhər Məhkəməsinin Cinayət İşləri üzrə Məhkəmə Kollegiyası baxıb.
Məhkəmə apellyasiya şikayətini təmin etməyib.
Qeyd edək ki, Moskvanın Basmannı rayon məhkəməsi təqsirləndirilən Konstantin Vasilyeviç Qabovun barəsində 2 ay müddətinə həbs qətimkan tədbiri seçib.
İstintaqın fikrincə, Qabov “Navalny LIVE YouTube” kanalında dərc üçün foto və video materialların hazırlanmasında iştirak edib.
Onun barəsində Rusiya Federasiyası Cinayət Məcəlləsinin 282.1-ci maddəsinin 2-ci hissəsində nəzərdə tutulmuş cinayəti törətməkdə (ekstremist birlikdə iştirak) ittiham olunur.
Rusiyanın Saxalin vilayətinin Oxinski rayonunda ayı yola çıxaraq insanların olduğu avtomobilə hücum edib.
Bildirilir ki, hadisə magistral yolda baş verib, avtomobil nasazlıq səbəbindən yol kənarında dayanıb.
Məlumata görə, avtomobildə bir sürücü və iki sərnişin olub.
Yırtıcı avtomobilə yaxınlaşaraq, onu hər tərəfdən iyləyib, kapota çıxıb və şüşə silgisini qoparıb.
Avtomobili yoxlayandan sonra ayı yoxa çıxıb. İnsident nəticəsində xəsarət alan olmayıb.
Məlum olub ki, avtomobilin hidravlik muftası xarab olub, sürücü yolun kənarında dayanıb, digər avtomobili gözləyib.
Mənbə: gazeta.ru
Türkiyədə bayramın ilk günü 16 minə yaxın insan qurban kəsərkən xəsarət alıb.
Bu barədə ölkənin Səhiyyə Nazirliyinin rəhbəri Fahrettin Koca məlumat verib.
"Bayramın ilk günündə ölkə üzrə 16 minə yaxın insan qurbanlıq heyvanların kəsilməsi zamanı aldığı xəsarətlərə görə tibb müəssisələrinə müraciət edib", - deyə nazir "X" hesabında yazıb.
Onun sözlərinə görə, daha çox insan paytaxt Ankarada yaralanıb - 1 274 nəfər, İstanbulda 840, İzmirdə 416 nəfər xəsarət alıb.
Yerli hakimiyyət orqanlarının tələblərinə görə, qurbanlıq heyvanların kəsimi xüsusi ayrılmış yerlərdə sanitar normalara riayət olunmaqla aparılmalıdır. Lakin Türkiyədə bu tələblər tez-tez pozulur və hər il Qurban bayramında minlərlə yerli sakin xəsarət alır.
https://twitter.com/drfahrettinkoca/status/1802401489081553311?ref_src=twsrc%5Etfw%7Ctwcamp%5Etweetembed%7Ctwterm%5E1802401489081553311%7Ctwgr%5Ef1366e8bc9799ad6789746927713b7e1f99f6475%7Ctwcon%5Es1_c10&ref_url=https%3A%2F%2Foxu.az%2Fdunya%2Fturkiyede-bayram-gunu-qurban-keserken-16-min-insan-xesaret-alib Mənbə: TRT Haber
Bu barədə ölkənin Fəlakət və Fövqəladə Halların İdarə Olunması İdarəsi (AFAD) məlumat yayıb.
Bildirilib ki, yerli vaxtla 20:24-də (Bakı vaxtı ilə 21:24) ölkənin Malatya şəhərinin Akçadağ rayonunda 4,4 maqnitudalı zəlzələ olub. Yeraltı təkanların ocağı yeddi kilometr dərinlikdə yerləşib.
Dağıntı və tələfat barədə məlumat verilməyib.
Xatırladaq ki, daha əvvəl Gürcüstanın şimalında zəlzələ olmuşdu.
Mənbə: Hürriyet
Qubanın ucqar dağ kəndlərindən olan Yerfi kəndində sel suları yaşayış evlərində bir sıra fəsadlar törədib.
Sakinlər bildiriblər ki, burada yaşayış qeyri-mümkündür:
"Yorğan-döşəyimiz yaşdır, gecə işıqlar da sönmüşdü, bu il sel kənddə ciddi fəsadlar törədib".
Həmçinin, yağan güclü yağışlar nəticəsində kənd ərazisində yol infrastrukturu da sıradan çıxıb, körpü uçub.
Ətraflı Baku TV-nin süjetində:
Bu gündən Azərbaycanda çimərlik mövsümünə start verildi.
Artıq əksər restoran və iaşə obyekləri tam hazır vəziyyətə gətirilib. Stol-stul dəstləri düzülüb, abadlıq işləri isə yekunlaşıb.
“Cebhe.info" dənizkənarı obyektlərdə qiymətləri araşdırıb.
Bilgəh, Novxanı, Buzovna və Şixov ərazisində olan akvaparklara giriş ara günləri 25 manat, həftəsonu isə 30 manatdır.
Məşhur "Dalga Beach" akvaparkına girişin qiyməti isə həftəiçi 30 manat, həftəsonu isə 40 manat təşkil edir.
Akvaparklara bəzi əlavə qidaları gətirməyə icazə verilsə də, böyük əksəriyyəti isə ümumiyyətlə qida ilə girişə qadağa tətbiq edir.
Təbrikdə deyilir:
"Əziz və hörmətli həmvətənlər!
Xalqımızı və dünyada yaşayan bütün soydaşlarımızı dünya müsəlmanlarının mənəvi birlik rəmzi olan müqəddəs Qurban bayramı münasibətilə təbrik edirəm.
Qurban bayramı bütün dünya müsəlmanlarının mənəvi birliyinin və insanların Yaradana olan münasibətinin təcəssümüdür. Xalqımız əsrlər boyu, Qurban bayramını özünün əziz günlərindən biri kimi qoruyub saxlamışdır.
Xalqımız bu müqəddəs bayramı, işğaldan azad edilmiş, Xankəndi, Şuşa, Xocalı və diğər ərazilər də daxil olmaqla milli dövlət bayrağımızın dalğalandığı bütöv ölkə ərazisində qeyd edir.
Bu bayram, xalqımızı güclü demokratik dəyərlər və dövlətimiz adına davamlı tərəqqi uğrunda fədakarlığa, sülhə, birliyə, ədalətə, əminamanlığa səsləyir.
Hər il Mübarək Qurban Bayramı günlərində sağlam mənəvi dəyərlərə yönəlmiş minlərlə vətəndaşımızın duaları, Allah dərgahında qəbul olunur. Bu yolla xalqımız öz müqəddəs borclarını yerinə yetirirlər.
Əziz həmvətənlər!
Qurban Byramı münasibətilə sizi bir daha ürəkdən təbrik edirəm.Hər günü, hər saatı, hər anı ilahi töhfə olan bu gözəl bayramda kəsdiyiniz qurbanlıqların, həmçinin, dua və niyyətlərinizin Allah dərgahında qəbul olunmasını arzu edirəm. Sizlərə, ailələrinizə sağlamlıq, xoşbəxtlik,süfrələrinizə xeyir-bərəkət , Azərbaycanımıza əmin-amanlıq, arzulayıram.
Qurban bayramınız mübarək olsun!"
Mirfazil HƏMİD: Demokratik Birlik Partiyasının sədri.
Mingəçevir şəhərində gəzinti qayığının yanması nəticəsində 10 nəfərin xəsarət alması faktı üzrə Mingəçevir Şəhər Prokurorluğunda araşdırma aparılır.
Musavat.com xəbər verir ki, bu barədə Baş Prokurorluğun Mətbuat xidməti məlumat yayıb.
Qeyd edək ki, hadisə qayıq sahildə olan zaman qeydə alınıb. Şahidlərinin bildirdiyinə görə, qayıqda anidən yanğınla nəticələnən partlayış baş verib.
***
15.06.2024, 23:35
Mingəçevirdə qayıqda yanğın baş verməsi səbəbindən xəsarət alanların sayı artıb, onların kimliyi məlum olub.
Hadisə nəticəsində 1987-ci il təvəllüdlü Kamilə Əhmədova, 1982-ci il təvəllüdlü Emil Şirinov, 1990-cı il təvəllüdlü, Nəzakət Orucova, 2011-ci il təvəllüdlü Həsən Şirinov, 2018-ci il təvəllüdlü Afət Orucova, 2014-ci il təvəllüdlü Ə.Orucov, 2006-ci il təvəllüdlü Sahil Məhərrəmov, 1990-cı il təvəllüdlü Nəzakət Orucova, 1984-cü il təvəllüdlü İntiqam Kəmalov və 1982-ci il təvəllüdlü Ehtiram Kamalov xəsarət alıblar.
Zərərçəkənlərin bir neçəsi yanq, bir qismi isə travma və kəsik xəsarətləri alıblar.
Qeyd edək ki, hadisə qayıq sahildə olan zaman qeydə alınıb. Şahidlərinin bildirdiyinə görə, qayıqda anidən yanğınla nəticələnən partlayış baş verib.//Report
***
Mingəçevirdə Kür çayında qayıqda yanğın olub.
Məlumata görə, qayıqda hələ dəqiq məlum olmayan səbəblərdən yanğın olub.
Hadisə nəticəsində 8 nəfər xəsarət alıb. Onlardan ikisinin vəziyyəti orta-ağır, digərlərinin vəziyyəti kafi və qənaətbəxş hesab edilir.
Zərərçəkənlər xəstəxanaya çatdırılıb.
Faktla bağlı araşdırma aparılır.