"İldə 365 gün var, onun 253 günü imtahan keçirilir".

Bunu Dövlət İmtahan Mərkəzinin Direktorlar Şurasının sədri Məleykə Abbaszadə Ümumilli Lider Heydər Əliyevin 100 illik yubileyinə həsr olunmuş Azərbaycan müəllimlərinin XVI qurultayında çıxışı zamanı deyib.

O bildirib ki, ildə 600 mindən çox insan DİM-in sistemdə biliyin qiymətləndirilməsi prosedurlarından keçir: "4000-dən çox marker yoxlamalarda iştirak edir. İl ərzində 40 adda, 253 imtahan keçirilib. Təhsil sistemi ətalətli sistemdir. Lakin təhsil sisteminin dayanıqlı inkişafı üçün hər hansı yenilik və innovasiya sistemdə mövcud olan ənənəyə söykənməlidir".//APA

Uzun müddətdir aktiv jurnalistika ilə məşğul olduğum üçün, azdan-çoxdan mənim də normal əlaqələrim formalaşıb. Buna görə də çoxlu sayda, müxtəlif məzmunlu tədbirlərə dəvət alıram. Bu dəvətlərin böyük əksəriyyətində iştirak edə bilmirəm. Çünki bir tədbirdə iştirak etmək üçün azı yarım gününü xərcləməlisən.
Onda da işin-gücün tökülüb qalır. Elə jurnalistlər var ki, bütün günü tədbirlərdən şəkillər çəkib paylaşırlar. Bir az diqqətlə baxanda görürsən ki, bu adamlar gün ərzində azı 2-3 tədbirdə iştirak edir. Maraqlı sual yaranır: bəs bunlar yazı nə vaxt yazır və ümumiyyətlə jurnalistika ilə nə zaman məşğul olurlar? Müşahidələr bunu deməyə əsas verir ki, bu qəbildən olanlar jurnalistika ilə qəti məşğul olmur, sadəcə, bu adla dövlətdən qopardıqları pulları yemək üçün baş girələyirlər.
Ən maraqlısı budur ki, bir çoxları özlərinə aid olan və ya olmayan hansı tədbirə gəldi gedirlər. Başıma gələn bir hadisəni danışım. 22 iyulda keçirilən mətbuat bayramında məni bir mötəbər tədbirə dəvət etmişdilər. Dəvət edəndə bildirdilər ki, həmin sahədən yazılar yazdığım üçün qurum məni mükafatlandırmaq istəyir.
Doğrudan da həmin sahə ilə bağlı yazılarım olduğu üçün, etika naminə həmin tədbirdə iştirak etdim. Zal dolu idi. Tədbirdə dövlət qurumlarının nümayəndələri, 7-8 millət vəkili və başqa tanınmış simalar iştirak edirdi. Təltifetmədə gördüm ki, kimə gəldi, aidiyyəti olan və ya olmayan fərqli peşə nümayəndələrinə də mükafat verirlər. Mükafatın adı isə belə idi: “Milli mətbuatın inkişafındakı xudmətlərinə görə”.
Məni səhnəyə dəvət edib, mükafatı təqdim edəndə danışmaq istədiyimi bildirdim. İrad tutdum ki, hansısa müğənniyə bu mükafat niyə verilir? Müğənninin mətbuatın inkişafında nə rolu ola bilər? İrad tutdum ki, lap bu mükafatı verirlər, bəs bəziləri niyə layiq olmadığı mükafatı alır? Təəssüf ki, bizdə imtina mədəniyyətindən daha çox, “nə verdilər qapazla, qoy cibinə” prinsipi inkişaf edib.
Bu geniş məzmunlu girişi təsadüfən vermədim. Dünən qarşıma bir paylaşım çıxdı. Həmi postdan belə başa düşdüm ki, “Tik-Tok” un regional nümayəndəliyi yola saldığımız ilə dair hesat vermək üçün qonaqlıq təşkil edib və ora bəzi media nümayəndələrini dəvət edib. Dəvətliləri gözdən keçirdim, əksıriyyətinin sözügedən şəbəkə ilə yaxından və uzaqdan heç bir əlaqəsinin olmayanlar idi.
Hətta aralarında elələri vardı ki, “Tik-Tok” a fahişəxana deyirdi. İndi isə gedib faişəxana dediyi qurumun tədbirində yemək yeyir, boy verib şəkil çəkdirir. Çox maraqlıdır, sözügedən şəbəkənin ölkəmizə aid sektorunun saflaşması uğrunda aktiv mübarizə aparan, sırf xəbər yayımı ilə məşöul olub, dəhşətli rekordlar qıran heç bir media nümayəndəsinə həmin tədbirdə rast gəlmədim.
Bu anda yadıma bir misal düşdü. Səsi və ifa tərzi normal olmayan bir müğənni yaxınlaşın təbiətçə baməzə adam olan , məşhur kamança ustası Habil Əliyevə və deyir: “Habil müəllim, məni təbrik edə bilərsiniz, Xalq Artisti fəxri adını aldım”. Habil müəllim gülümsəyərək deyir: “Ayıb olsun, bu fəxri adı onlar verirdisə, bəs sən niyə götürürdün?”
“Tik-Tok” da nəinki fəaliyyəti heç profili belə olmayan media nümayəndəsinin həmin tədbirdə nə işi ola bilərdi? Kül olsun elə nümayəndəliyin də başına ki, seqmenti dəqiq araşdırmadan belə biabırçılığa imza atıb. Hesabatda uğurlu səhifələr kimi təqdim edilənlərin heç biri Azərbaycanda populiyarləğa sahib deyil. Deyəsən “Tik-Tok”u da bizim medianın gününə sala biliblər.
Məhəmmədəli Qəribli,
AZİNFORUM.AZ

Ucarda ağır yol-nəqliyyat hadisəsi olub.

APA-nın xəbərinə görə, hadisə rayonun Heydər Əliyev prospektində baş verib.

“Mercedes-Benz” markalı 99-LK-537 dövlət nömrə nişanlı avtomobil yolu keçmək istəyən piyada, Ucar rayon sakini - 1956-cı il təvəllüdlü Nəriman Həmzə oğlu Abdulrəhmanovu vurub.

Ağır xəsarət alan zərərçəkəni sürücü öz avtomobili ilə Ucar Rayon Mərkəzi Xəstəxanasına aparıb.

Həkimlərin zəruri tibbi yardımlarına baxmayaraq o, xəstəxanada ölüb.
İlkin ehtimala görə, hadisəyə əsas səbəb prospektin işıqlandırılmaması olub.

Qeyd edək ki, prospektin qaranlıq olması səbəbindən analoji hadisələr ərazidə tez-tez baş verir.

Hadisəni törədən şəxs polis əməkdaşıdır.

Faktla bağlı araşdırma aparılır.

Bu gün sərhəddə əsirlərin dəyişdirilməsindən sonra Azərbaycanın təhvil verdiyi 32 erməni xəstəxanaya yerləşdirilib.

Axar.az xəbər verir ki, bu barədə erməni mediası yazıb.

Alman çoban iti Moskvada uşaq arabasında yatan körpəni öldürməyə cəhd edib.

it uşağa hücum edərək uşaq arabasından çıxarıb və onu dişləyərək öldürməyə çalışıb.

Fövqəladə hadisə Sosenskoye yaşayış ərazisində baş verib. 33 yaşlı sakin üç aylıq oğlunu iti ilə evinin yaxınlığındakı küçədə uşaq arabasında qoyub və o, evə gedib. Qayıdanda itinin qarda uşağı parçaladığını görüb.

Qarın, kürək və ayaqların çoxsaylı yaraları olan uşaq reanimasiyadadır. Körpənin kəllə-beyin travması və qansızma ilə beyin əzilməsi də var.

İtin taleyi ilə bağlı məlumat yoxdur.

Təfərrüatlar dəqiqləşdirilir.
Mənbə: lent.az

Azərbaycanla Ermənistan arasında sülh sənədinin imzalanması inandırıcı deyil. Burada platformalar arasında açıq rəqabət var. Digər bir müstəvidə hansısa bir razılıq əldə ediləndə bu, qısqanclıqla qarşılanır. Amma bunun fonunda Qərb platforması yenidən gündəmdədir. Məhz bu kontekstdə Azərbaycanla Ermənistan arasında növbəti görüşün Brüsseldə olması gözlənilir. Vaşinqtonda da belə bir görüşün olması ehtimalı var.

Bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev deyib.

“Şərtlərlə bağlı tərəflər arasında fikir ayrılığı var. Azərbaycan Prezidenti ADA Universitetindəki Forumda bu barədə danışdı. Qərbi azərbaycanlıların və Qarabağdan getmiş ermənilərin geri dönüşü məsələsinə toxunuldu. Azərbaycan tərəfinin yanaşması bu cürdür. Ermənistan parlamentinin spikeri Alen Simonyan isə açıqlamasında Qərbi azərbaycanlıların geri qayıtmasını qeyri-konstruktiv adlandırıb. Onlar hətta ermənilər üçün hansısa bir “özəl statusdan” danışır”, – deyə o qeyd edib.

Mərkəz sədri hesab edir ki, sülh sazişində qarşılıqlı olaraq Qərbi azərbaycanlıların və ermənilərin geri dönüşü məsələsi əksini tapmayacaq:

“Çünki Azərbaycan buna heç vaxt birtərəfli şəkildə razı olmayacaq. Yəni, Qarabağda yaşamış ermənilərlə bağlı məsələnin sülh sazişində yer almasına Azərbaycan imkan verməyəcək. Erməni tərəfi də Qərbi azərbaycanlıların Ermənistana qayıdışına razı olmayacağı ehtimalı var”.

Fərid Şəfiyevə görə, məhz bu kontekstdə sülh müstəvisində irəliləyişin olması mümkündür:

“Son bir iki ayda tərəflər arasında gərginlik var idi. Hətta pessimist proqnozlar da eşidilirdi. İndiki halda da ümumilikdə sülh sazişi ilə bağlı bəzi maddələr üzrə konkret razılaşma yoxdur. Sözsüz ki, artıq tərəflər arasında saxlanılan şəxslərin qarşılıqlı mübadiləsi və digər məsələlər prosesdə irəliləyişə dair ümidləri gücləndirir. Azərbaycanla Ermənistan bunu vasitəçi olmadan edib. Sərhəddə delimitasiya və demarkasiya ilə bağlı da görüşü heç bir vasitəçi olmadan baş tutub”.

Bakının Sabunçu rayonunda ağır yol-nəqliyyat hadisəsi baş verib.

APA xəbər verir ki, hadisə Maştağa-Kürdəxanı şosesində qeydə alınıb.

1971-ci il təvəllüdlü Abbas İsrail oğlu Həsənov idarə etdiyi “VAZ-2107” markalı maşını işıq dirəyinə çırpıb.

Avtomobilə yüngül zərər dəyib. Sürücü isə sükan arxasında ölü aşkarlanıb.
Əraziyə cəlb olunan Sabunçu Rayon Polis İdarəsinin əməkdaşları sürücünün meyidini müayinə olunması üçün Məhkəmə Tibbi Ekspertiza və Patoloji Anatomiya Birliyinin Sabunçu Rayon şöbəsinə təhvil verib.

Ekspertlər müəyyən edib ki, sürücü qəza keçirmədən öncə infarkt keçirərək ölüb.

Fakt araşdırılır.

“Nikah dövründə əldə olunmuş əmlak ər-arvadın ümumi birgə mülkiyyəti hesab olunduğundan nikahdan sonra alınmış avtomobilin qeydiyyat şəhadətnaməsində kimin adının yazılmasının əhəmiyyəti yoxdur. Bu, mənim subyektiv fikrimdir. Yəni avtomobilin qeydiyyat şəhadətnaməsində ər-arvaddan birinin adı varsa, belə hesab olunur ki, həmin avtomobili digəri də idarə edə bilər. Belə halda, nikah şəhadətnaməsi mütləq ər-arvadın üzərində olmalıdır ki, nikahın qeydiyyat tarixi ilə avtomobilin qeydiyyat tarixi tutuşdurula bilsin. Bu hüquq yalnız ər-arvada şamil olunur. Digər ailə üzvlərinin belə bir hüququ yoxdur”.

Bu sözləri Pravda.az-a açıqlamasında tanınmış vəkil Turan Abdullazadə deyib.

Vəkil düşünür ki, nikah şəhadətnaməsi üzərində olduğu halda vətəndaşın cərimələnməsi qanunsuz və əsassızdır: “2023-cü ilin iyul ayının 24-də Konstitusiya Məhkəməsi qərar qəbul edərək, belə bir qənaətə gəlib ki, mövcud qanunvericilikdə etibarnamə məhz əqdlərin bağlanması üçün təmsilçiliklə bağlı münasibətlərin hüquqi tənzimlənməsi vasitəsi kimi nəzərdə tutulduğundan, daşınan əşya olaraq nəqliyyat vasitəsinin mülkiyyətçi olmayan şəxs tərəfindən idarə edilməsi üçün etibarnamənin olması ilə bağlı tələb qanunvericilik qaydasında aradan qaldırılmalıdır. Eyni zamanda Azərbaycan Respublikası İnzibati Xətalar Məcəlləsinin və “Yol hərəkəti haqqında” qanununun normaları qanunverici orqan tərəfindən təkmilləşdirilənədək nəqliyyat vasitəsinə sahiblik hüququ olan şəxsin özü nəqliyyat vasitəsində olmadığı hallarda nəqliyyat vasitəsinin etibarnaməsiz idarə edilməsi (ər-arvadın ümumi mülkiyyət hüququna dair şəhadətnaməsinin olduğu hallar istisna olmaqla) həmin Məcəllənin 332.1-ci maddəsi ilə müəyyən edilən inzibati məsuliyyətə səbəb olur. Nəqliyyat vasitəsinin etibarnaməsiz idarə edilməsi hüququ yalnız ər-arvadın ümumi mülkiyyət hüququna dair şəhadətnaməsinin olduğu hallarda ər-arvada şamil olunacaq. Konstitusiya Məhkəməsi qeyd edib ki, göstərilənlər nəqliyyat vasitəsinin ər-arvadın birgə mülkiyyətində olmasını təsdiqləmək üçün onların ümumi mülkiyyət hüququ haqqında şəhadətnamənin sürücünün yanında olmasını tələb edir. Milli Məclis bununla bağlı müsbət qərar qəbul etsə, nikah şəhadətnaməsi deyil, ümumi mülkiyyət hüququ haqqında şəhadətnamə şəxslərin yanında olduğu təqdirdə etibarnaməsiz maşın idarə etdiyinə görə ər-arvaddan hər hansı birinin cərimələnməsi artıq tam qanunsuz olacaq. Nəqliyyat vasitəsinə sahiblik hüququ olan şəxsin özünün şəxsən nəqliyyat vasitəsində olmadığı hallarda maşını idarə edənlərin yanında mütləq etibarnamə olmalıdır. Əks halda, bu, inzibati məsuliyyətə səbəb olacaq. Yəni etibarnamə tələbi tamamilə ləğv olunmur, ər-arvada münasibətdə bu tələbin zəruriliyi aradan qaldırılır”.