Azərbaycanın azad edəcəyi 32 erməninin siyahısı açıqlanıb.

Siyahını təqdim edirik:

I. 13-14 dekabr 2020-ci il tarixlərində Hadrut istiqamətində həyata keçirilmiş antiterror tədbirləri zamanı həbs edilmiş şəxslər: (26 nəfər)

1. Avakyan Hraç Arzumanoviç

2. Serobyan Geqam Samveloviç

3. Hovanesyan Haykaz Koryunoviç

4. Tosunyan Levon Aşotoviç

5. Baqdasaryan Artur Eduardoviç

6. Stepanyan David Stepanoviç

7. Herabyan Hrayr Hraçoviç

8. Mikaelyan Andranik Vazgenoviç

9. Avakyan Serop Surenoviç

10. Kostanyan Narek Aqaoviç

11. Harutyunyan Varazdat Seryojeviç

12. Martoyan Manuk Hovanesoviç

13. Vardanyan Arsen Araikoviç

14. Dilanyan Arman Vazgenoviç

15. Tadevosyan Hrayr Vardanoviç

16. Bahrikyan Vahagan Edikoviç

17. Aramyan Karen Armenoviç

18. Sukiasyan Andranik Srapoviç

19. Martirosyan Gevorg Samveloviç

20. Kirakosyan Eduard Armeni

21. Gevorkyan Robert Hovikoviç

22. Yegiazaryan Sasun Seyranoviç

23. Hakopyan Volodya Qaqikoviç

24. Avakyan Tiqran Manikoviç

25. Saqatelyan Qriqor Seyranoviç

26. Avetisyan Vaqarşak Aşotoviç

II. Müxtəlif vaxtlarda Azərbaycan Ermənistan sərhədi, habelə Laçın sərhəd buraxılış məntəqəsində tutulmuş şəxslər: (6 nəfər)

1. Rafaelyan Vladimir Otari

2. Sarqsyan İşxan Aşoti

3. Ovagimyan Arutyun Yurikoviç

4. Kazaryan Karen Aşotoviç

5. Voskanyan Qagik Aşoti

6. Eulcekcian Viken Abraham

Cəmi: 32 nəfər./APA

Azərbaycanda “Azərlotoreya” ASC adlandırılan fırıldaq sürətlə yayılır. Bu bəla xalqımızı talamaqla məşğul olan dağıdıcı məmurlara havayı qazanc verir. “Poz, qazan” adlı fırıldaq ölkəni tam işğal etməkdədir.

Hər kəs bilir ki, ölkədə xeyli vaxtdır ki, mərhum Ümummilli Lider H. Əliyev zamanında qumar oyunları qadağan edilib. Buna baxmayaraq, “Poz qazan” qumarını qızışdıranlar heç bu qadağaya belə əhəmiyyət vermirlər. Ölkədə qumar kütləvi xarakter almaqdadır. Respublikanın paytaxt və bölgələrini cənginə alan bu lotereya oyunu qısa zamanda əhalini qumarbaza, ölkəni qumarxanaya çevirib.

Çünki “Azərlotereya” ASC birmənalı şəkildə insanları məhvə sürükləyən, onları maddi nemətlər istehsalından ayırıb, zəngin həyatdan məhrum edən mərc oyunlarına vərdiş təşviq edir.

“Azərlotereya” ASC aşkar formada və sadə yollarla insanları fırıldaq oyunlara cəlb edir; küçələrdə, məhəllələrdə, metro çıxışlarında, bazarlarda, dayanacaqlarda, az qala hər tində bucaqda, o cümlədən rayonlarda “Poz, qazan” oyunlarını genişləndirir. İnsanlar da küçələrdə bu mərci gördükcə şirniklənir, həvəslənir, nəticədə hər gün uduzurlar.

Lakin “Poz, qazan” və “Misli” ölkənin bütün küçələrini zəbt edib və ölkədə açıq qumarxanaya çevrilib. Avtobus dayanacaqlarında, lotoreya satış nöqtələrində hər gün, xüsusilə kasıb təbəqənin “Qızıl 2”, “Şans ulduzu” və “Brilliant” adlı lotereyaları böyük həvəslə almasının şahidi oluruq. Belə lotereyaların satılması sosial problemlərin artdığı və işsizliyin ölkədə hökm sürdüyü dövrə təsadüf etdiyi üçün daha çox insanı cəlb edir.

Azərbaycanda bu cür oyunlara yer verilməsi, insanların zəhmətsiz gəlir əldə etməyə alışdırılılması və milli psixologiyada dərin çatlar yaradan qumar oyunları dərhal küçələrdən yığışdırılmalıdır: “İnsanlar bu kimi oyunlar nəticəsində var-yoxdan çıxaraq evini, maşınını, həyatını qurban verir və hətta öz ailə üzvünü belə gözə almayaraq qumarda uduzurlar, faciələr baş verir”.

Diqqət yetirəndə, görürük ki, “Azerlotereya” rəsmi səhifəsində udulan böyük məbləğlər barədə məlumatlar versə də, qalib olan şəxslərin adlarını açıqlamır. Qurumun belə qaranlıqdan xəbər verən hərəkətləri isə əksər insanlarda ciddi şübhələr yaradır.

Azərbaycanda kazino və qumar çoxdan qadağan olunub. Qumarın ölkədə təşkili ciddi məsuliyyət yaradır. Lakin “Azərlotereya” ASC Bakı küçələrini qumarxanaya çevirib. Şəhərdə total şəkildə “Poz qazan” qumarı gedir.

Paytaxtın hansı nöqtəsinə getsən, qumarla qarşılaşırsan. Küçə ticarətinin, səyyar satışın qadağan edildiyi ölkədə “Azərlotereya” rahatlıqla qumar nöqtələrini qurub. Beləcə, “Azərlotereya” kasıb əhalini qumarla soyub talamaq və evini yıxır.

Azərbaycanda kazino və qumar çoxdan qadağan olunub. Qumarın ölkədə təşkili ciddi məsuliyyət yaradır. Lakin “Azərlotereya” ASC Bakı küçələrini qumarxanaya çevirib. Şəhərdə total şəkildə “Poz qazan” qumarı gedir.

Lakin “Poz, qazan” və “Misli” ölkənin bütün küçələrini zəbt edib və ölkədə açıq qumarxanaya çevrilib.
Mənbə: lim10.az
Teref. Xocanın Blogu
Səhifəmiz hamnın üzünə açıqdı

Paytaxtın Parlament prospektində dayanma-durma qaydaları kütləvi şəkildə pozulur.
İzləyici müxtəlif vaxtlarda qeydə aldığı görüntüləri Avtosfer.az-a göndərib. Bildirib ki, gündüz saatlarında sürücülər cərimələnsə də, bu qayda axşam park edilmiş avtomobillərə tətbiq edilmir. Belə ki, uşaqlarını ərazidəki 20 nömrəli məktəb-liseyə gətirən (götürən) valideynlər qayda pozduqları halda yol polisi tərəfindən cərimələnir. Lakin axşam saatlarında yolun hər iki tərəfini zəbt edən avtomobillərə cərimə yazılmır. İzləyicinin iddiasına əsasən, dayanma-durma qaydalarına məhəl qoymayan sürücülər “Naxçıvan” restoranına gəlir və yolu parkingə çevirirlər.

Qış fəslinin astanasında olmağımıza baxmayaraq bir müddət əvvəl Şəkinin Baltalı və Zəydiz kəndlərində ayılar görünməyə başlayıb.

Maraqlıdır ki, adətən ayılar ilin bu fəslində qış yuxusuna getməlidirlər.

Bəs, ayıların kəndlərə gəlməsinə səbəb nədir?

Ayının göründüyü yaşayış məntəqələrindən biri rayonun Baltalı kəndidir. Bu kənd dağlıq ya dağətəyi deyil, rayonun aran bölgəsində yerləşir və ayının bu qədər məsafə qət etməsi diqqəti cəlb edən əsas məqamlardan biridir.

Sakinlərin sözlərinə görə, vəhşi heyvan şəxsi təsərrüfatlara hər hansı zərər vurmasa da, insanları təşvişə salıb. İndi bu kənddə sakinlər səhər və axşamlar həyət-bacaya, küçəyə çıxarkən bir qədər ehtiyatlı davranmaq məcburiyyətindədirlər.
Ayıların dağdan enməsini dağətəyinə yaxın olan Baş Zəyzid kəndində də müşahidə edənlər olub. Əsasən də dağa yaxın həyətləri olan sakinlər bu halların əsasən gecələr müşahidə edildiyini bildirir.

“Belə hallar tez-tez olacaq”

AMEA-nın Şəki regional mərkəzindən bildirilib ki, dünyada iqlim dəyişikliyi probleminin artdığını nəzərə alsaq, belə halları artıq tez-tez müşahidə edəcəyik. Təsadüfi deyil ki, ölkə ərazisində olduğu kimi Şimal-Qərb bölgəsində də iqlimə uyğun olmayan hava şəraitinin müşahidə olunması ayıların qış yuxusuna getməsini gecikdirib. Bu səbəbdən onlar da hələlik yetərincə qidalana bilmədiyindən azuqə dalınca gəlirlər.

Mütəxəssislər sakinlərə onu da tövsiyə edirlər ki, ayılarla qarşılaşdıqda onları əsəbləşdirməyəcək şəkildə davransınlar və uzaq dayanıb hərəkətlərinə mane olmasınlar.

Yeri gəlmişkən, ekspert qiymətləndirmələrinə görə, qonur ayının Azərbaycan ərazilərindəki sayı, onların şimala doğru miqrasiyasını nəzərə almaqla, təqribən 500-700 baş arasında dəyişir. Böyük Qafqazın cənub yamaclarında da son illər qonur ayıların sayı durmadan artıb və onların sayının mini ötdüyü təxmin edilir.


bizim media

Mağazalarda kəsici-deşici funksiyalara malik olan, amma mətbəx üçün nəzərdə tutulmayan suvenir bıçaqların açıq şəkildə satışı həyata keçirilir. Maraqlısı odur ki, bu tip alətlərin satışının "TikTok" sosial şəbəkəsində təbliğatı aparılır. Bəzi bıçaqların isə gizli formada olması birmənalı qarşılanmayıb. Plastik kart formasında görünüşə malik olan bu bıçaqların xüsusi gizli dizaynla hazırlanması izləyiciləri qorxuya salıb. Cüzdana yerləşmək imkanına malik olan bu bıçaqlar suvenir kimi təqdim olunsa da, sosial şəbəkə istifadəçiləri bunun heç də yaxşı məqsədlər üçün istifadə edilmədiyini söyləyiblər. Bu alətləri almağa maraq göstərənlərlə yanaşı, onun satışını pisləyənlərə də rast gəlmək mümkündür. Bəs görəsən, bu bıçaqların satışı və istifadəsi niyə qadağan edilmir?

Hüquqşünas Şamil Paşayev İqtisadiyyat.az-a açıqlamasında bildirib ki, gənclərin üzərlərində bıçaq gəzdirməsi çox aktuallaşıb. O, məktəbli oğlanlar arasında da bu hallara rast gəlindiyini təəssüflə qeyd edib.

Hüquqşünasın sözlərinə görə, cinayət tərkibli hadisələrin daha çox ictimailəşməsi, kriminal xarakterli serialların yayımlanması gənclərə təsirsiz ötüşmür: "Gənc oğlanlar çalışırlar ki, seriallardakı həmin obraza oxşasınlar. Halbuki üzərində soyuq silah gəzdirməyin 1 il müddətinə azadlıqdan məhrum edilmək kimi cəzası var".

Hansı silahlar soyuq silahlar sayılır?

Ş.Paşayev bildirib ki, təyinatı və məqsədi məişətdə istifadə üçün nəzərdə tutulmayan, yalnız fiziki zərbə ilə xəsarət yetirməyə hesablanmış bıçaqlar, xəncərlər, baltalar soyuq silah hesab olunur: "Bundan başqa, beşbarmaq, süngər, qılınc da soyuq silahdır. Şəxsin bu silahları üzərində gəzdirməsi qanunsuzdur. Mətbəxdə istifadə üçün nəzərdə tutulan bıçağın, ağac doğramaq üçün istehsal olunan baltanın təyinatı məlum olduğuna görə şəxs məsuliyyətə cəlb oluna bilməz. Bıçağın tiyəsinin uzunluğunun 4 barmaqdan artıq olması həmin kəsici alətin soyuq silah olduğunu göstərmir. Bu fikir çox absurddur. Silahın soyuq olub-olmamasının tiyənin uzunluğuna aidiyyatı yoxdur".

Vəkillər Kollegiyasının üzvü, hüquqşünas Rəşad Əliyev isə İqtisadiyyat.az-a açıqlamasında bildirib ki, predmetin soyuq silah olması birbaşa onun təyinatından asılıdır. Onun sözlərinə görə, sosial şəbəkədə açıq satışı həyata keçirilən məlum bıçaqların da dövriyyəsinə qadağa qoyulmayıb.

Cinayət məsuliyyəti yaradan bıçaqlar hansılardır?

Hüquqşünas deyib ki, əgər həmin bıçaq vasitəsilə kiməsə xəsarət yetirilərsə, bu halda silah qismində istifadə olunan əşya kimi cinayət məsuliyyəti yaradacaq: "Suvenir mağazalarında daha böyük ölçülü bıçaqlar, xəncərlər satılır. Bu alətlər kriteriya və ölçülərinə görə soyuq silah hesab olunmursa, bu zaman şəxsin öz üzərində daşıması heç bir halda məsuliyyət yaratmır. "TikTok"da satışı həyata keçirilən bıçaqlar da buraya daxildir. Yəni soyuq silah hesab olunmayan bıçaq, hər hansısa kəsici-deşici alət xəsarət yetirmək üçün istifadə olunmayıbsa, bu alətin şəxsin üzərində daşınması cinayət məsuliyyəti yaratmır".

Vəkil qeyd edib ki, qanunvericiliyə əsasən şəxsin üzərində qanunsuz olaraq soyuq silah gəzdirməsi cinayət məsuliyyəti yaradır: "Xidməti və mülki silah haqqında" Qanuna əsasən, soyuq silah dedikdə birbaşa istehsalat və ya təsərrüfat-məişət məqsədləri üçün nəzərdə tutulmayan xəncər, beybut, ov bıçağı, qılınc, süngü bıçaqları, sair kəsici-deşici və qarışıq təyinatlı silahlar, məsafədən hədəfi zədələmək təyinatına malik olan nizə, döyüş baltası və s. eləcə də zərbə-dağıdıcı təsirli əşyalar - beşbarmaqlar, nunsakalar, gürzlər, toppuz və s. nəzərdə tutulur".

Qanunsuz soyuq silah gəzdirməyin cəzası nədir?

R.Əliyevin sözlərinə görə, qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə, milli geyim ləvazimatı hesab olunan ərazilərdə və ya ovçuluq peşəsi ilə bağlı olaraq soyuq silahı gəzdirmə halları istisna olmaqla, üç yüz iyirmi saatdan dörd yüz saatadək ictimai işlər və ya iki ilədək müddətə islah işləri və ya bir ilədək müddətə azadlığın məhdudlaşdırılması və ya bir ilədək müddətə azadlıqdan məhrum etmə ilə cəzalandırılır. Bu maddədə göstərilən əşyaları könüllü surətdə təhvil verən şəxs, əgər onun əməllərində başqa cinayət əməlinin tərkibi yoxdursa, cinayət məsuliyyətindən azad edilir.

Tanınmış hərbi ekspert Telman Qasımov İrəvana səfər edib.

Musavat.com- a özəl açıqlamasında hərbi ekspert bildirib ki, səfər tam məxfi təşkil edilib.

T.Qasımov illər sonra öz doğulduğu evinə dönərkən yaşadığı hissləri bizimlə bölüşüb:

"35 ildən sonra doğma şəhərə səfər etdim, məhləmizə getdim. 17 yaşıma qədər Komitas küçəsi 5A-da yerləşən evimizdə yaşamışam. Evimizə getdim. Çəkilişlər etmişəm. 35 ildən sonra 52 yaşında yenidən evimə qayıtdım. Simvolik olaraq Qərbi Azərbaycana səfər edən ilk azərbaycanlıyam.

Çox həyəcanlı idim.

Uşaqlığım İrəvanda keçib. İrəvan mənim ata yurdumdur. Evimə getməyə şansım az idi. Çox xahiş etdikdən sonra icazə verdilər. Səhər saatlarında gediş-gəliş az olduğu üçün o saatları seçdik. Özüm də başqa formada idim. Qapımıza qədər getdim, amma qapını döyə bilmədim...

Bizim evimizdə Bakı erməniləri yaşayır. Qonşularla mehriban olmuşuq. Təəssüf ki, xüsusilə Sumqayıt hadisələrindən sonra ermənilər azğınlaşdılar. Məni kimsə görsə idi, tanımazdı. Lakin özümdən asılı olmayaraq tanış simanı görə bilərdim. Küçədə hərəkətlilik artanda ərazini tərk etdik. Küçələr sanki bizim üçün darıxmışdı... Şükürlər olsun ki, 52 yaşımda İrəvanı görmək mənə qismət oldu".

T.Qasımov həmçinin, qeyd etdi ki, İrəvanda nəzərəçarpan dəyişiklik yoxdur: "Hər yerdə köşklər, dükanlar var. Yeni infrastruktur nəzərə çarpmır. Təpəbaşı məhəlləsini kənardan izlədim. Məhəlləyə girə bilmədim. Çünki missiya başqa idi. Kənardan izlədiyim qədər müasir binalarla mühasirəyə alınıb".

Cəmiyyətimizdə məmurların iş fəaliyyətləri ilə yanaşı onların özəl həyatları, həmçinin ailələri də insanların hər zaman maraq dairəsində olub. Hətta vəzifəsini itirən sabiqlərin sonrakı fəaliyyəti və həyatları zaman-zaman diqqət mərkəzinə düşüb.

Maraqlıdır ki, vəzifədən azad olunmuş bir sıra sabiq məmurların yaxın ailə üzvləri, övladları hələ də yüksək vəzifələrdə çalışırlar.

Bizim.Media övladları vəzifədə olan sabiq məmurları araşdırıb:

Oqtay Şahbazov 1991-ci ildən etibarən Prezident Administrasiyasında çalışıb. O, müxtəlif illərdə Prezidentin İşlər müdirinin birinci müavini, 2016-2021-ci illərdə isə Prezidentin işlər müdiri vəzifəsini icra edib.

Oqtay Şahbazovun oğlu nazirdir. Belə ki, Pərviz Şahbazov hazırda Energetika naziri vəzifəsini daşıyır. O, 2017-ci ildən bəri bu vəzifəni icra edir.

Ərazilərin Bərpası üzrə Dövlət Agentliyinin sabiq sədri Əli Məmmədov 1997-2021-ci illərdə bu vəzifəni icra edib. Əli Məmmədov uğurlu fəaliyyətinə görə “Əməkdar mühəndis” fəxri adına, “Şöhrət” ordeninə layiq görülüb.

Əli Məmmədovun oğlu da yüksək vəzifə daşıyır. Sahib Əli oğlu Məmmədov hazırda İqtisadiyyat nazirinin müavinidir. O, 2021-ci ildən etibarən nazir müavini vəzifəsini icra edir.

Elçin Əfəndiyev 1993-2018-ci illərdə Baş nazirin müavini vəzifəsini icra edib. O, dövlət idarəetməsindəki fəaliyyəti ilə yanaşı, yazıçı kimi də tanınır.

Sabiq məmurun qızı Humay ixtisasca hüquqşünasdır. Hazırda Humay Əfəndiyeva Konstitusiya Məhkəməsində Cinayət və inzibati hüquq şöbəsinin müdiri vəzifəsini tutur. Dövlət qulluğunun baş müşaviri ixtisas dərəcəsi var.

Tağı Əhmədov 1998-2014-cü illərdə “Bakı Metropoliteni”nin rəisi vəzifəsini icra edib. Sonrakı illərdə YAP-ın Yasamal rayon təşkilatına sədrlik edən T.Əhmədovun 74 yaşı var. Hazırda sabiq məmurun səhhətində ciddi problemlərin olduğu bildirilir.

Tağı Əhmədovun iki oğlu var. Onlardan biri Rauf Əhmədov hakimdir. Digər oğlu Ruslan Əhmədov isə Xarici İşlər Nazirliyində çalışır.

Elman Məmmədov 1991–2000-ci illərdə Xocalı İcra Hakimiyyətinin başçısı vəzifəsini daşıyıb. O, hazırda Milli Məclisin deputatı, GUAM-ın Parlament Assambleyasında Azərbaycan nümayəndə heyətinin üzvüdür.

Elman Məmmədovun oğlu Elşad Məmmədov da yüksək vəzifə tutur. O, hazırda Baş Dövlət Yol Polisi İdarəsinin Avtomobillərin Texniki Müayinə Mərkəzinin rəisidir.

Uzun illər “Azərxalça” ASC-nin İdarə heyətinin sədri olmuş Vidadi Muradov 9 yanvar 2021-ci ildə külli miqdarda mənimsəmə ittihamı ilə həbs olunub. 31 oktyabrda səhhəti ilə əlaqədar həbsdən azad edilib. 4 noyabr 2021-ci ildə xərçəng xəstəliyindən vəfat edib.

Vidadi Muradovun oğlu da yüksək vəzifə daşıyır. Cavid Muradov Sabunçu rayon Polis İdarəsinin rəisidir.

2012-2020-ci illərdə İmişli rayon İcra Hakimiyyətinin başçısı olmuş Vilyam Hacıyev hazırda həbsdədir. O, 5 may 2020-ci ildə DTX əməkdaşları tərəfindən saxlanılıb. V. Hacıyevə Azərbaycan Respublikasının Cinayət Məcəlləsinin 308-ci (vəzifə səlahiyyətlərini aşma), 179-cu (mənimsəmə) və 311-ci (rüşvət alma) maddələri ilə ittiham elan edilib. Məhkəmənin qərarı ilə sabiq başçı 12 il azadlıqdan məhrum edilib.

Vilyam Hacıyevin oğlu Məhəmməd Hacıyev Qubadlı rayon prokurorluğunda müstəntiq işləyir.

Ağstafa rayonunun sabiq İcra başçısı Nizaməddin Quliyev də Vilyam Hacıyev kimi vəzifə başında həbs olunan məmurlardandır. 10 il icra başçısı olmuş N.Quliyev 2019-cu ildə saxlanılıb.

O, yerli icra hakimiyyəti və digər yerli dövlət orqanlarının vəzifəli şəxslərindən müxtəlif adlar altında pul vəsaitləri tələb edərək almaqda ittiham olunub. Nizaməddin Quliyev 2021-ci ildə həbsxanada olarkən COVID-19-dan vəfat edib.

Nizaməddin Quliyevin oğlu Ramal Quliyev Quba rayon prokurorunun köməkçisidir.

Azərbaycan Avropanın enerji təhlükəsizliyində müstəsna rol oynayır.Amma nədənsə ölkə daxilində “Azəriqaz” İstehsalat Birliyi süni olaraq “Qaz” böhranı yaradır.
Özünün müstəqil enerji siyasətini həyata keçirən və bu siyasətlə regionda təhlükəsizliyin möhkəmlənməsində strateji faktor kimi çıxış eddən ölkəmizin ikinci böyük şəhəri olan Gəncənin sakinləri enrji böhranı ilə üz-üzə qalıb.
Bu haqda Dünyanınsəsi.Az saytına bir qrup Sadlı qəsəbə sakinləri tərəfindən şikayət daxil olub.
Şikayətçilərin sözlərinə görə,havalar soyuyandan bəri Sadlı qəsəbəsində sakinlər təbii qazın yoxluğundan və ya təzyiqinin azlığından əziyyət çəkdiklərini bildirir.Buna isə səbəb olaraq göstərirlər ki, qəsəbənin ərazisində əhali ilə qeyri-əhali qrupu arasında qaz xətlərinin eyni olmasıdır.
Bu problemlə bağlı “Azəriqaz” İstehsalat Birliyinə sakinlər tərəfindən dəflərlə məlumat verilsədə qəsəbə ərazisndə metaləritmə sexlərinə eyni mənbədən qaz verlişi dayandırılmayıb,nə də ki, sakinlərin təbii qaza artan tələbatını ödəmək üçün qaz verilişini də artırırmayıblar.
Məhz buna görədə bu gün əhali qazdan normal istifadə edə bilmir.Şikayətçilər həm də onu bildirlər ki, qəsəbə ərazisndə metaləritmə ilə məşğul olan işbaz istehlak etdiyi qazın qiymətini əhali qrupu kimi ödəyərək əlavə mənfəət əldə edir.
Xəbər portalı olaraq qeyd etmək istəyirik ki, Azərbaycanın bölgələrində əhalinin təbii qazla və fasiləsiz elektrik enerjisi ilə təminatı istiqamətində mühüm addımlar atılır.Məhz həyata keçirilən siyasət nəticəsində bu gün bölgələrimizdə qazlaşdırma və elektrik təminatı artıq ən yüksək səviyyədədirsə onda nədən “Azəriqaz” İB Gəncədə bu qaz böhranını aradan qaldırmır?

Redaksiya olaraq inanırıq ki, havaların soyması eləcə də qarşıdan qış mövsümünün gəlişi ilə bağlı “Azəriqaz” İstehsalat Birliyinin rəhbərliyi Gəncə sakinlərinin səsləndirdiyi problemləri həll edərək aradan qaldıracaqdır.

Səsləndirilən iddialarla bağlı maraqlı tərəflərin də mövqeyini dərc edə bilərik.

Mənbə: Dünyanınsəsi.Az