2024-cü il sentyabrın 1-də Milli Məclisə keçiriləcək növbədənkənar seçkilər üçün namizəd olanlardan biri də üç dəfə millət vəkili olmuş Malik Həsənovdur.

M.Həsənov ilk dəfə 2010-cu ildə deputat seçilib. Daha sonra 2015 və 2020-ci illərdə millət vəkili postuna yiyələnib.

Onun namizədliyi bu dəfə də Cəlilabad şəhər seçki dairəsindən (71 saylı) verilib. O, əvvəlki seçkilərdə də eyni dairədən namizəd olub.

Passiv millət vəkillərindən olan Malik Həsənov ardıcıl dördüncü dəfə deputat seçilərsə, bu, sadəcə təəssüf doğuracaq, çünki M.Həsənov “seçkidən-seçkiyə görünən deputat” imici ilə tanınır. Cəlilabadlı deputat parlamentin iclaslarında danışmır, layihələrin müzakirəsi zamanı fikir bildirmir, təklif və tənqid səsləndirmir.

M.Həsənov deputat kimi passiv olsa da, biznesdə və başqa sahələrdə “bacarıqlıdır”. Onun tanınmasında, biznes və siyasi həyatda sürətlə yüksəlməsində qardaşı Kərəm Həsənovun xüsusi rolu var. Həsənov qardaşları uzun illərdir, vəzifə postlarında möhkəm dayanıblar. Öncə K.Həsənov vəzifə pillələrində yüksəlib, daha sonra isə onun açdığı yolla qardaşı M.Həsənov irəliləyib.

K.Həsənov Əmlak Məsələləri Dövlət Komitəsinə rəhbərlik edən zaman 2006-cı ildə “Azinko Holdinq” tikinti şirkətini yaradıb. Komitə sədrinin şirkətlə rəsmi əlaqəsi olmasa da, biznes dairələrində çox yaxşı bilirdilər ki, “Azinko Holdinq”in sahibi məhz K.Həsənovdur. Cəmi bir il sonra şirkətə M.Həsənovun rəhbər təyin edilməsi də “Azinko Holdinq”in Həsənov qardaşlarına aid olmasını təsdiqləyir.

“Azinko Holdinq” əsasən Bakıda tikinti işləri ilə məşğuldur. Şirkət şəhərin müxtəlif yerlərində yaşayış kompleksləri tikib, eyni zamanda dövlət əhəmiyyətli bir sıra layihələrin icraçısıdır.

Bu holdinqin ən məşhur işlərindən biri Abşeronun şərqində, Bilgəh qəsəbəsində dəniz sahilində 9 hektar sahədə “Jumeirah Bilgah Beach Hotel” hotel kompleksinin inşasıdır.

Hətta mediada gedən xəbərlərə görə, “Loti Quli” ləqəbli kriminal avtoritet Nadir Səlifovun Türkiyədə qətlə yetirildiyi “Alva Donna Exclusive Hotel Spa” hotelinin azərbaycanlı sahibi Sərxan Babayev Kərəm Həsənovun adamıdır. Yəni sözügedən hotel dolayısı ilə Həsənov qardaşlarına məxsusdur.

M.Həsənov rəsmi olaraq 2007–2010-cu illərdə “Azinko Holdinq”ə rəhbərlik edib.

O, 2010-cu ildən biznes fəaliyyətinə formal olaraq son verib və həmin il deputat seçilib. Bununla da M.Həsənovun siyasi həyatı başlayıb və artıq 14 ildir ki, deputatdır.

M.Həsənovun yenidən deputat seçiləməsi seçicilər üçün heç nəyi dəyişməyəcək, sadəcə olaraq, Milli Məclisdə passiv millət vəkillərindən birinin sayını artıracaq./Sfera.az

Test toplularının qiymətində kəskin artım müşahidə edilir.

Xezerxeber.az-ın məlumatına görə, test kitabları tez-tez yenilənir. Valideynlər isə iddia edirlər ki, dəyişən təkcə toplunun üz qabığı və qiymətidir.

Ekspertlərin sözlərinə görə, test topluları yeniləndikdən sonra içərisində çox az sayda dəyişiklik olur. Amma kitabın yeni nəşri çıxanda bir sıra problemlər də yaranır. Bəzi kurslar öz vəsaitlərini satmaq üçün demək olar ki, hər il yeni kitablar çıxarırlar. Repetitorların bu toplulardan istifadəsi nəticəsində abituriyentlər həmin vəsaiti almağa məcbur qalır.

Qeyd edək ki, test toplularının qiyməti 10-15 manat arasında dəyişir.

Ətraflı süjetdə:

"Badamov olmasın, başqa kim olursa-olsun..."

AzFakt.com xəbər verir ki, bu çağırışları sosial şəbəkə istifadəçiləri deputat Azər Badamova etiraz olaraq yazıblar.

Məlumata görə, onlarla Qusar sakinləri müxtəlif ifadələrlə sosial şəbəkədə yenidən namizəd olan Azər Badamov haqqında etiraz ediblər.

Qeyd edək ki, 61 saylı Qusar seçki dairəsindən namizədliyi qeydə alınmış Azər Badamov rayon sakinləri tərəfindən birmənalı qarşılanmır və keçən seçkilərdə də onunla bağlı müxtəlif qalmaqallar yaşanmışdı.

İndi isə sakinlər öz etirazlarını ifadə etməklə yanaşı, digər namizədlərdən hansısa birinin qələbəsi üçün əllərindən gələni edəcəklərinə də söz veriblər. Məlumata görə, sözügedən seçki dairəsində qeydə alınmış namizədlərdən fərqli olaraq, Azər Badamov inzibati resurslardan səmərəli istifadə edərək, özünə eloktorat toplamağa çalışsa da, heç də uğurlu alınmırş

Azər Badamov 10-15 nəfər ətrafına toplayıb seçicilərlə görüş keçirilən məkanda çoxluq təşkil olunmasını təmin edir. Məlumatlara görə, hətta bir neçə kənddə sadəcə şəhid məzarlarını ziyarət edib, görüş keçirə bilməyib. Kənd əhalisi onunla görüşə gəlməyib.

Məlumatlarda bildirilir ki, seçki günü qutudan Azər Badamov adı çıxmasa da, protokollarda onun adı qeyd olunması proqnozlaşdırılır. Elə buna görə də, seçicilər artıq dəyişiklik arzularını ifadə etməyə başlayıblar və seçki günü öz səslərini qorumağa iddialıdırlar. Azər Badamovun yenidən deputat olmasını istəməyən kəndlərin əhalisi yığılıb qalan problemlərinin həlli üçün daha ona səs verməyəcəklərini bildirirlər. Hətta öz doğma kəndi Düztahirdə belə 20-30 nəfər görüş çıxıb.

Rayon gəncləri də Azər Badamova etiraz edir. "Biz deputatımızı ancaq seçki ərəfəsində görürük. Yaxşı ki, bu seçkilər var, yoxsa Qusara heç ayaq basmazdı", deyə sosial şəbəkədə yazıblar.

Digər məlumatlarda qeyd olunur ki, Azər Badamov rayonda qardaşına geniş imkanlar yaradıb, bütün biznesini o idarə edir. İndi də pul paylayır ki, təbliğat zamanı görüşlərdə adam çox olsun.

Şokedici məlumatda isə bildirirlir ki, Yeni Azərbaycan Partiyasının Qusar rayon təşkilatının fəal üzvləri belə onunla görüşə gəlməkdən imtina edirlər.

İddialarla bağlı Azər Badamovla əlaqə yaratmağımız mümkün olmadı. Deputat telefon zənglərimizə cavab vermədi. Onun münasibətini dərc etməyə hazırırq.

"Təbliğat və təşviqat kampaniyası yaxşı gedir. İlk olaraq, mən seçicilərlə görüşlərə başlamışam. 13 saylı Xəzər ikinci seçki dairəsindən namizədəm. Görüşlərimiz Qala, Binə qəsəbələrində, Hövsan, Sütçülük sovxozunda keçirilib".

Bu sözləri AZXEBER.COM-a açıqlamasında Ağ Partiya sədrinin müavini Əhəd Məmmədli Növbədənkənar Parlament seçkilərinə hazırlaşmasına münasibət bildirərkən deyib.

Partiya nümayəndəsi bildirib ki, seçkiylə bağlı posterlər hazırlanıb və yapışdırılıb, bükletlər çap etdiriləcək:

"Seçkiylə bağlı posterlərimiz də yapışdırılıb. Bir azdan bükletləri çap etdirəcəyik, onları da növbəti görüşlərimizdə seçicilərimizə paylayacayıq. Sadəcə bir istəyimiz ondan ibarətdir ki, məntəqələrin hamısı açıq olsun. Çünki təəssüflər olsun ki, bəzi məntəqələr saat 6-dan sonra bağlanır. Ən azı həmin seçki məntəqələrində qaravulçular olmalıdır. Bəzən seçicilərimiz işdən çıxandan sonra, yəni axşam saatlarında bizim posterlərimizi asmalı olurlar. Mən bu barədə namizədliyimi irəli sürdüyüm seçki dairəsinə öz iradımı bildirəcəyəm. İndiki vəziyyət üçün həmin seçki dairəsindən ən normal təbliğat aparan özümü görürəm".

Ə. Məmmədli eyni dairədən rəqibi olan Gülşən Paşayeva haqda məlumatı olmadığını söyləyib:

"Mən siyasi cameədə ilk dəfə bu xanımın adına rastlayıram. Rəqibim olduğunu bildikdən sonra tanımışam. Konfliktoloqdur, "Tərəqqi" medalına layiq görülüb, lakin onu tanımamışam. Mən 18 yaşından siyasətlə məşğul olmağa başlamışam. Demək ki, həmin xanım siyasətdə o qədər də aktiv şəxslərdən biri olmayıb. Amma çox güman ki, onun mənim haqda məlumatı var. Biz hətta bəzi media subyektlərində oxuduq ki, müəyyən icra hakimiyyətləri, dövlət strukturları ona kömək edir, amma təbii ki, seçkilər tam demokratik keçəcəksə, fikrimcə, qalib də mən olacam. Bu həm özümə görə deyil, həm də partiyamızın populyarlığı, istər-istəməz partiya sədrinin nüfuzu, bütün bu faktları üst-üstə qoyduqda qalib gəlmək şansım yüksəkdir".

Deputatlığa namizəd rəqibini debata çağırıb:

"Gülşən xanımı debata dəvət edirəm. Bəlkə mən onun haqda yanlış informasiyalar əldə etmişəm və yayıram".

Əmək və Əhalinin Sosial Müdafiəsi Nazirliyini tərkibində fəaliyyət göstərən Dövlət Tibbi-Sosial Ekspertiza və Reablitasiya Agentliyi bir gündə iki tender keçirib. Tribunainfo.az xəbər verir ki, həmin tenderlərdən birinin qalibi son zamanların “tender kralı” kimi tanınan “AzerMed” MMC olub.
Satınalma müqaviləsinə əsasən deputat Kəmaləddin Qafarovun şirkəti “Tibbi məsrəf və digər ləvazimatların satınalınması” üçün TSERA-dan 235.437 manat pul alacaq.
Tribunainfo.az xəbər verir ki, bir günün içində ikinci tender isə daha qəribə nəticə ilə sonuclanıb. Belə ki, TSERA “Tibbi tullantıların daşınması və utilizasiyası xidmətləri”ni “AZƏRFOOD-2007” MMMC-yə həvalə edib. Bunun üçün isə Agentlik 18.602 manat xərcləyəcək.
Məsələnin qəribə tərəfi odur ki, “Azərfood” MMC ölkədə elə adından məlum olduğu kimi, yemək bişirmə, çatdırma işləri ilə məşğul olur. Elə rəsmi qeydlərdə həmin şirkətin qida işində olduğu və bir neçə iri tenderlərin qalibi olduğu da aşkar şəkildə qeyd olunub. Şirkətin adının tərcüməsi də təsdiq edir ki, MMC tullantı və utilizasiya işinə baxmır. Çünki adı tərcümədə “Azəryemək” deməkdir.
Bundan başqa, Azərfood-2007 MMC-nin rəhbəri Rəşid Əlizadə barədə internet üzərindən aparılan araşdırma zamanı da aydın olur ki, o, şirkətinin ölkədə yemək üzrə ixtisaslaşmış bir nömrəli şirkət olduğunu iddia edir.
İşin bir başqa tərəfi də odur ki, “Azərfood” Ağcabədi və Şamaxıda da analoji tenderləri udub. Onlar həmçinin bir sıra idarə və müəssiəsələri yeməklə təmin etməyi də öhdələrinə götürüblər.
İndi sual olunur ki, ƏƏSMN yemək və qida işləri ilə məşğul olan və bu sahədə az-çox ad çıxarmış şirkətlə tullantıların daşınması və utilizasiyasını niyə satınalma müqaviləsi bağlayıb? Bu sual ona görə, yaranır ki, bu iki məsələ bir birindən çox fərqli sahələrdir. Hətta bir yerdə olması belə imkansızdır. Çünki qida işinin içinə tullantı məsələsinin qarışması, “Azərfood”un istehsal etdiyi yeməklərin güvənsiz olması barədə rəy yarada bilər.
Hər halda Dövlət Tibbi-Sosial Ekspertiza və Reablitasiya Agentliyinin bununla bağlı məntiqli açıqlaması var və sayt olaraq həmin açıqlamanı dərc etməyə hazırıq.

Beyləqanlılar: “Bəsdir, rayon əhlisinə edilən hörmətsizlik”!

Şahin İsmayılovun üçüncü dəfə Beyləqandan deputatlığa namizədliyini YAP-ın irəli sürməsi rayon əhalsinin ciddi etirazına səbəb olub.

Sentyabrın 1-də keçiriləcək növbədəkənar parlament seçkilərində YAP-ın deputatlığa namizəd göstərdiyi birinci siyahıda adı olmayan, lakin ikinci siyahıda dairələr üzrə deputatlığa namizədliyi irəli sürülən 125 şəxs arasında 83 saylı dairədən Şahin İsmayılovun təkrar Beyləqan 83 saylı dairədən III dəfə deputatlığa namizədliyi rayonda ciddi etirazla qarşılanıb.

Noyabr 2015 və fevral 2020-ci illərdə seçicilər adından saxta mandat alan, Beyləqanda deputat olduğu son 9 il ərzində, xüsusən ölkəmiz üçün ən həssas dövrdə, yəni 2020-ci ildə 44 günlük Vətən müharibəsində Beyləqanda şəhid olanların dəfnində iştirak etmədiyi, ona görə 2021- ci ildə Kəbirli kəndində şəhid ailələri, qazilər və seçicilər tərəfindən deputat kimi yerində olmayan Şahin İsmayılov kənddən qovuldu. Az sonra həmin “deputatqovma” hadisəsi Beyləqanın Təzəkənd kəndində təkrar olundu.

Şahin İsmayılov Beyləqandan deputat mandatı aldıqdan sonra seçicilərlərlə görüşməyib, onları düşündürən problemləri həll etməyə təşəbbüs belə etməyib. Rayon sakinlərinin dediyinə görə, deputat Şahin İsmayılovun, hətta rayonda seçiciləri qəbul edib, onları dinləmək üçün deputat otağı belə yoxdur. O, yalnız Bakıda özünün şəxsi biznesini inkişaf etdirməklə məşğul olur, mandat aldığı dairədə seçicilərlə görüşmür və buna görə, beyləqanlılar Şahin İsmayılovun üçüncü dəfə təkrar Beyləqandan deputat seçilməsinə qarşı etiraz edirlər.

Beyləqanlılar rayondakı bütün vəzifələrə rayonda yaşamayan, insanları yaxından tanımayan, yalnız özlərinə var-dövlət və sərvət yığan adamların təyin olunmasından çox şikayətlənir, hətta deputatın da rayon sakinləri içərisindən seçilməməsinə ciddi etiraz edirlər.

Rayonun icra başçısı, RPŞ rəisi, Prokuroru, Məhkəmə hakimləri, DTX bölmə rəhbəri, SHXÇDX-nin rəsi, Regional maliyyə şöbəsinin rəisi, Təhsil sektorunun müdiri və rayonda olan digər həlledici vəzifələrə rayondan kənar insanların təyin edilməsi, hətta deputatın da əslən Beyləqan sakini yox, Bakıda yaşayan Şahin İsmayılovun olmasına rayon əhalisi ciddi etiraz edirlər.

Bundan əlavə, Bakı sakini Şahin İsmayılovun təkrar, 3-cü dəfə YAP tərəfindən Beyləqandan deputatlığa namizəd irəli sürülməsini beyləqanlılar xeyli sayda üzvü öz sırasında birləşdirən YAP Beyləqan RT-na hörmətsizlik kimi qəbul edir.

Eyni zamanda Şahin İsmayılovun heç bir deputat fəaliyyəti göstərmədiyi iki çağırış MM-ə seçkilərdə, yəni 9 il ərzində deputat təcrübəsi, 3-cü dəfə deputatlığa namizəd irəli sürülməsi 31 il ərzində fəaliyyət göstərən YAP Beyləqan RT-nın yerli partiya üzvlərindən bir nəfər deputatı hazırlamağa qabiliyyəti çatmaması deməkdir…

Azərbaycan müstəqillik qazanandan sonra Beyləqanda deputat mandatı alan kənar şəxslərin dosyesinə fikir verin:

1) 1995 – 2000 – ci illər I və II çağırış MM-ə seçkidə – Quliyev Novruz, rəhmətlik akademik Cəlal Əliyevin sumkagəzdirəni, əslən Cəbrayıllı, Bakı sakini;

2) 2005 – 2010 – ci illər, III çağırış MM-ə seçkidə, orta təhsilli Məmmədov Səfər, yerli, əslən Qərbi Azərbaycanlı;

3) 2010 – 2015 – ci illər, IV çağırış MM-ə seçkilərdə, Bakı sakini, Qaçqınlar Fondunun rəhbəri, Quliyev Ayaz İsmayıl oğlu, əslən Qərbi Azərbaycanlı;

4) 2015 – 2024 – ci illər, V – VI çağırış MM-ə seçkilərdə, Bakı sakini, Gənclər təşkilatının sədri İsmayılov Şahin Əmir oğlu, əslən Naxçıvanlı;

5) 2024 – cü il, VII çağırış MM-ə seçkilərdə deputatlığa 3-cü dəfə namizəd, Bakı sakini, Respubıika Gənclər təşkilatənın sədri İsmayılov Şahin Əmir oğlu, əslən Naxçıvanlı…

31 il ərzində YAP-ın Beyləqan rayonunda “at oynadan” yadlardan ibarət olan yağmaçı məmurlarına, deputatlarına yaxşı baxın, həzz alın, əziz beyləqanlılar!..

Qeyd: Şahin İsmayılova saxta mandat verən, sonda korrupsiya əməlinə görə vəzifələrindən azad edilən Beyləqan RİH-in başçıları Vaqif Abdullayevin (aprel 2012 – sentyabr 2018) və Asif Ağayevin ( oktyabr 2018 – iyun 2024) ünvanına beyləqanlılar hələ uzun müddət lənət oxuyacaqlar…paralel.az

Avtomobil nömrələrinin verilməsində yol polisinin ayrı-seçkiliyi
“Dövlət rüsumu haqqında” Azərbaycan Respublikası Qanununun 18.65.6.1
maddəsində 001-009 avtomobil nömrələrinin verilməsinə görə ayrı
hərflərin kombinasiyasından ibarət olduqda 2000 manat, eyni hərflərdən
ibarət olduqda 3000 manat; 100-900 nömrələrinin verilməsinə görə
uyğun olaraq 1500 və 2000 manat; 111-777 nömrələrinə görə 1000 və
1500 manat dövlət rüsumu bəlirlənib. Di gəl, nömrələri verməyə təhkim
edilən Baş Dövlət Yol Polisi İdarəsinin uyğun qurumu istehlakçı hüquqlarını
( pullu xidmətin istehlakçı hüquqlarından olması faktdır-M.B.) pozur,
nömrələri gizlədir, ayrı-seçkilik edir. Halbuki, qanunvericiliyin tələbinə görə,
yol polisinin nömrə verilən bölümündə hansı nömrələrin olduğu görünən
yerdə bildirilməlidir. Bu sətirlərin yazarına hələ 15-16 il qabaq BDYPİ rəisi
və müavinləri rəsmi məktublarla istədiyi nömrəni ( 10-001) verməyə söz
versələr də, indi nömrələr sərfiyyatdan “yoxa çıxıb”. Bəs sərfiyyata yenicə
verilən nömrələr?
77 ilə başlayan son Bakı nömrələrindən almaq üçün hələ iki-üç il qabaq
müraciət edilməsinə baxmayaraq, artıq işdən təqaüdə göndərilən Kamran
Əliyev qərəzlə heç bir 77-777 nömrəsinin sərfiyyatda olmadığını
bildirmişdi. Qərəz o həddə çatmışdı ki, elə on ildən çox qabaq öz
pulumuzla aldığımız 007 nömrəsinin də özümüzə verilməyəcəyi rəsmi
məktubla “bronlaşdırılmışdı”. Belə özbaşınalıqla hansı istehlakçı
hüququndan danışmaq olar(dı)? Bu ilin əvvəlində yenidən eyni hərflərdən
ibarət 77-777 nömrəsinin verilməsinə müraciət edilib. Yenə də heç bir
nömrənin sərfiyyatda olmadığı bildirilib.(?)
Bir ara öncə BDYPİ rəisinin “Qarabağ”ın baş məşqçisi Qurban Qurbanova
77-QQ-777 nömrəsini bağışladığı bilgisi yayılıb. Düzdür, bəzi
“ağzıgöyçəklər” bağışlanmanın yüzminlərə oturduğunu vurğulayır, amma
fakt faktlığında qalır ki, general “sandıq”dan-sərfiyyatdan” Qarabağın baş
məşqçisinin adına uyğun 77-QQ-777 nömrəsini “tapıb çıxarıb”. Qurban
bəyə halaldır, elə BDYPİ rəisinə də. Bir sual düşündürür, bəs QARABAĞ
QAZİSİNƏ ( QQ) niyə qoşa hərfli nömrə tapılmır? Dövlət rüsumu 1500
manatdır də! Qurban Qurbanova “QQ” olar, QARABAĞ QAZİSİNƏ yox?
Ayrı-seçkiliyin nədən qaynaqlandığını Antiinhisar və İstehlak Bazarına
Nəzarət Dövlət Xidməti bəlirləyə bilər. Hər halda maddi marağın üstünlüyü
şübhə doğurmur. Yoxsa QARABAĞ QAZİLƏRİNİN nəyi “QARABAĞ” futbol
klubunun rəhbərliyindən əskikdir?
Məğrur Bədəlsoy

P.S. “Güzgülü” nömrə bağışlanması BDYPİ rəisinin “siftəsi” deyil. On il
qabaq 10-OO-010 nömrəsi Naxçıvanın başçısı Vasif Talıbovun oğlunun
“Mersedes”inə verilib. (Qarabağ qazisinə isə 10-la başlayan nömrələrin
sərfiyyatda olmadığı deyilir(di). Nömrə 18 manata sənədləşdirilib, amma
əvəzində nə əldə edilib, “kommersiya sirridir”...
TEREF