Son bir ildə Azərbaycanda avtomobillərin icbari sığortası üzrə ən çox şikayət edilən şirkət "Xalq Sığorta" (4.27 indeksi ilə) olub.

İqtisadiyyat.az xəbər verir ki, bu barədə Azərbaycan Mərkəzi Bankının cari ilin mart ayı üzrə açıqladığı şikayət indeksində bildirilib.

Məlumata görə, ötən ay ən çox şikayət edilən şirkətlər arasında "Bakı Sığorta" isə 2.57 indeksi ilə ikinci, “AtaSığorta” 1.62 indeksi ilə siyahıda üçüncü olub.

Qeyd edək ki, avto-icbari sığorta icazəsi ləğv edilən “AZSIĞORTA”, "İpək Yolu Sığorta", "A-Qroup Sığorta" və lisenziyası ləğv olunmuş "Günay Sığorta" “Naxçıvansığorta” ASC vә "Azәrsığorta" ASC-nin müqavilә sayları vә şikayәt sayları hesablamada nәzәrә alınmayıb. Digər sığorta şirkətləri üzrə göstəriciləri aşağıdakı kimidir:

Ləğv edilmiş "Muğan Bank" ASC-nin Mingəçevir şəhər filialının direktoru Vüqar Əsgərova görə hökm oxunub.

Qaynarinfo-nun ələ etdiyi məlumata görə, Vüqar Əsgərov 2009-2022-ci illər ərzində filialın rəhbəri olduğu dönəmdə Mingəçevir Dəmir-Beton Məmulatları zavodunun direktoru, məşhur mühəndis, iş adamı Rafiq Xammət oglu Paşayevin ailəsinin xəbəri olmadan adlarına kredit götürübmüş.

Belə ki, bankın Mingəçevir filialında Rafiq Paşayevin ailəsinə məxsus 21.967,00 ABŞ dollar (37.343,90 manat) və a 36.900,00 manat məbləğində depozit hesabı olub. Vüqar Əsgərov iş adamının ailəsinin xəbəri olmadan, kreditin verilməsində heç bir problem olmayacağını bilərək həmin əmanəti girov qoymaqla 29 aprel 2020-ci ildə 11 min dollar pul götürüb.

Rafiq Paşayev

O, 1 sentyabr 2022-ci il tarixdə rəhbərlik etdiyi filialda Rafiq Paşayevin ailəsinin xəbəri olmadan 36.900,00 manat məbləğində depoziti girov qoyaraq adlarına daha 29 min manat məbləğində kredit götürüb.

İşin üstü açıldıqdan sonra Mingəçevir Şəhər Prokurorluğunda Vüqar Əsgərova Cinayət Məcəlləsinin 179.2.4 (xeyli miqdarda ziyan vurmaqla mənimsəmə), 308.1 (vəzifə səlahiyyətlərindən sui istifadə etmə) və 313-cü (vəzifə saxtakarlığı) maddələrilə cinayət işi açılıb. Sabiq bank direktoru 14 mart 2023-cü il tarixdən 16 mart 2023-cü il tarixədək həbsdə saxlanılıb.

Cinayət işi tamamlanaraq məhkəməyə göndərilib. Məhkəmə müddətinə kimi sabiq direktorun Rafiq Paşayevin ailəsinə dəyən zərəri ödədiyi də məlum olub.

Məhkəmənin qərarı ilə Vüqar Əsgərova 1 il müddətə dövlət və yerli özünüidarə orqanlarında rəhbər və maddi məsul vəzifələri tutma hüququndan məhrum edilməklə 2 il 2 ay 26 gün müddətinə azadlığın məhdudlaşdırılması cəzası təyin edilib.

Qeyd edək ki, hazırda Vüqar Əsgərov "İnternational" Bank Olmayan Kredit Təşkilatı Açıq Səhmdar Cəmiyyətinin Mingəçevir şəhər filialının müdiri vəzifəsində çalışır.

Qeyd edək ki, "Muğanbank" ASC 1992-ci ildə dövlət qeydiyyatına alınıb və 19 oktyabr 2023-cü ildə Mərkəzi Bankın (AMB) İdarə Heyətinin qərarı ilə lisenziyası ləğv edilib. Bankın əsl sahibi sabiq millət vəkili, Odlar Yurdu Universitetinin rektoru Əhməd Vəliyevdir.

Xidməti pasport almaq hüququ olan vəzifəli şəxslərin siyahısına dəyişiklik edilib.
Prezident İlham Əliyev bununla bağlı müvafiq Fərman imzalayıb.

Fərmanla xidməti pasport almaq hüququ olan vəzifəli şəxslərin siyahısında İqtisadiyyat Nazirliyi yanında Dövlət Vergi Xidməti “rəisinin müşaviri (köməkçisi), baş idarə, idarə (departament, şöbə, bölmə) rəhbərləri və onların müavinləri” sözləri “aparatının rəhbəri və onun müavini, Xidmətin aparatında baş idarə, idarə (şöbə, bölmə) rəhbərləri və onların müavinləri, Xidmət rəisinin müşaviri və köməkçisi” sözləri ilə əvəz edilib.

"Milli Məclisin deputatı Ağalar Vəliyevin oğlu Pərviz Vəliyev Gürcüstanın Kabuleti kurort şəhəri, Agmashenebeli küçəsində (277 və 313) iki binanın tikintisi üçün 1.648.000 və 2.550.000 lari dəyərində torpaq sahələri alıb".

Bunu müstəqil araşdırmaçı jurnalist Cavanşir Həsənli özünün Feysbuk-dakı səhifəsində yazıb.
Cavanşir bəy yazır ki, deputatın oğlunun tikdirəcəyi binalar biri 30 milyon və digəri 20 milyon dollar olmaqla layihələndirilib və təsdiq edilib: "Məlumat üçün qeyd edim ki, Pərviz Vəliyev Gürcüstanda qeydiyyatdan keçmiş CRYSTAL BUILDİNG LTD-nin 50 faiz payçısıdır".

Yüksək nəticə göstərən şagirdlərin 43 % -i Şəki-Zaqatala Regional Təhsil İdarəsinin tabeliyindəki ümumi təhsil müəssisələrini təmsil edir
Tam orta təhsil səviyyəsi üzrə martın 3-də keçirilmiş buraxılış imtahanının nəticələrinə nəzər salıram.
İmtahan iştirakçılarından 14 nəfər ən yüksək nəticə, 300 bal toplayıb. DİM-in təşkil etdiyi bu tip imtahanlar üçün belə göstərici gözlənilməz və diqqət cəlb edəndir.
Bu cür yüksək nəticəni Şəki və Qəbələdən 6 nəfər, Bakıdan 6 nəfər, Xırdalandan 1 nəfər və Gəncədən cəmi 1 nəfər şagird qazana bilib.
Maraqlıdır ki, hətta kənd məktəbləri də daxil olan Şəki-Zaqatala Regional Təhsil İdarəsinin təhsil müəssisələri ölkənin "ən bərkgedən" məktəblərini üstələyə bilib.
İdarənin rəhbəri Günay xanım Mahmudovanı, regionun təhsil sektorlarının və məktəblərinin rəhbərlərini və müəllimlərini, repetitorlarını, valideynlərini və uşaqları təbrik edirəm.
Yeri gəlmişkən, ölkə üzrə, təhsil haqları 10- 15 min manat olan özəl orta məktəblərin, oturuşmuş ənənələri olan çoxsaylı tanınmış liseylərin şagirdlərindən heç birinin bu nəticəni qazana bilməməsi də diqqət cəlb edəndir.
Xatırladıram ki, DİM -in əvvəlki illərdə təşkil etdiyi bu tip imtahanlarda maksimal 300 bal toplayan nadir hallarda, bir-iki nəfər olurdu. Riyaziyyat imtahanlarında isə əvvəlki illərdə xeyli sayda şagirdlər hətta "0" bal toplayırdı .
Düşünmək olar ki, qiymətləndirməni aparan DİM də buraxılış imtahanın tapşırıqlarını seçən proqramın alqoritmlərinə çətinlik dərəcəsi baxımından yenidən nəzər salıb.
Osman Gunduz
TEREF