Bu il IV ixtisas qrupu üzrə ən yüksək – 700 balı toplayan Nigar Ağazadə Azərbaycan universitetlərindən imtina edib.

Bu barədə “Azərbaycan Universitetləri” səhifəsi məlumat yayıb.

Bildirilib ki, Nigar burs qazanaraq Ankara Universitetinin Tibb fakültəsinə qəbul olunub.

Qeyd edək ki, Nigar Ağazadə 125 nömrəli tam orta məktəbin məzunudur. O, qəbul imtahanının I mərhələsində 300 bal, ikinci mərhələsində isə 400 bal toplayaraq maksimal nəticə göstərib.

Regionları birləşdirmək baxımından böyük əhəmiyyətə malik Bakı-Şamaxı avtomobil yolunun genişləndirilməsi turizmin və kənd təsərrüfatının inkişafına, avtonəqliyyat vasitələri ilə yük daşımalarının artımına gətirib çıxarmalı idi. Elə bu məqsədlə də Azərbaycan prezidenti İlham Əliyevin fərmanı ilə təsdiqlənən “Regionların 2014-2018-ci illər sosial-iqtisadi inkişafı Dövlət Proqramı” çərçivəsində “Azəravtoyol” ASC tərəfindən mühüm əhəmiyyətə malik Bakı-Şamaxı-Yevlax avtomobil yolunun 13.3-91-ci km-lik ( 77.7 km ) hissəsinin I texniki dərəcəyə uyğun olaraq 2 hərəkət zolağından 4 hərəkət zolağına (bəzi hissələrdə 6 zolaq) genişləndirilməsi layihəsinin həyata keçirləməsi üçün 100 milyon manata yaxın vəsaitin ayrılmasına göstəriş vermişdir. Layihənin necə həyata keçirilməsilə əlaqədar apardığımız araşdırmalar zamanı irimiqyaslı korrupsiya faktlarına yol verildiyini tərəfimizdən aşkar edildi. Bakı-Şamaxı-Yevlax avtomobil yolunun qeyd olunan hissəsinin yenidən qurulması layihəsi üzrə yolun genişləndirilməsi, avtonəqliyyat vasitələrinin yola asan girişini təmin etmək məqsədi ilə hər iki istiqamət üzrə 4.5 m enində kollektor yolların inşası, Müşfiq qəsəbəsinə daha təhlükəsiz giriş-çıxışını təmin etmək üçün mövcud yol ötürücüsündən istifadə etməklə 300 m uzunluğunda qəsəbədaxili yolun, həmçinin drenaj şəbəkəsinin yenidən qurulması işləri yerinə yetirilmişdir. Qeyd edək ki, 3 il öncə yenidənqurmadan sonra istifadəyə verilən Bakı- Şamaxı avtomobil yolunun Ceyrançekməz çayına çatmamış hissəsində ( 67-68- ci km ) asfalt örtüyündə yoxuş hissədə bir sıra yerlərdə hissə hissə iri çatlar, qabarmalar və çökmələr əmələ gəlmiş və avtomobillərin hərəkəti üçün real təhlükəli vəziyyət yaranmışdır. Vəziyyət nəzərə alınaraq 2 ay öncə həmin sahələrin asfalt örtüyü yenidən qazılaraq yolun səviyyəsinin qabarmalardan və çökmələrdən azad edilməsi üçün xeyli bərkitmə işləri görülmüşdür. Hansı ki, bu yolun yenidənqurulması zamanı podratçı şirkət olan "Polad Yol Yapı San., Tic. A.Ş." şirkəti yola 30 illik zəmanət vermişdir. Amma bu şirkətin 2015-ci ildə inşa edib istifadəyə verdiyi Şəki-Qax yolunda gördükləri keyfiyyətsiz işləri elə Bakı- Şamaxı yolunda da təkrarlaması , hesab edirik ki, ən azı qardaş hesab etdikləri Azərbaycana qarşı olan hörmətsizlik və sayğısızlıqdır. Qax yolunda apardığımız monitorinq zamanı aşkar etmişdik ki, öhdəliklər heç də 35 km uzunluğu olan bu yolun açılışı zamanı cənab Nəqliyyat naziri Ziya Məmmədovun cənab Prezidentə verdiyi rəsmi raportda qeyd edilənlər kimi, yol çəkilişi heç də keyfiyyətlə icra edilməmişdir. O zaman da aşkar etmişdik ki, asfalt örtüyünün 3-cü əsas qatı - yəni, 4 sm qalınlığı olan üst aşınma qatı sənəddə göstərilsə də ümumiyyətlə faktiki olaraq çəkilməmişdir. Və bunun nəticəsində dövlətə ən azı 6 milyon manat maddi ziyan vurulmuşdur. Nəticədə bu gün asfaltın orta və kənar hissələrində çoxsaylı çatlar, çökmələr və yoxuş hissələrdə qabarmalar( el arasında "şifer asfalt" adlanır) əmələ gəlmiş və yol qismən yarasız vəziyyətə düşmüşdür. Qobustan rayonun Nərimankənd kənd sakinlərindən adının çəkilməsini istəməyən ağsaqqalın verdiyi məlumatdan o da məlum olmuşdur ki, Bakı -Şamaxı yolunun 2 zolaqlıdan 4 zolaqlı asfalt yolun yenidənqurulması zamanı 2013-2019-cu illər ərzində görülən işlər zamanı da irimiqyaslı maliyyə maxenasiyalarına yol verilmişdir. Belə ki, Nərmankənd kəndinin 6 km günbatar hisəsində yerləşən "Diri Baba" dağının yaxınlığındakı qayalı dağ yerli icra başçısı olan cənab Adil Məmmədovla "Polad Yol Yapı" şirkəti rəhbərliyi arasında əldə edilmiş gizli sövdələşmə nəticəsində 3 milyon manata satılmışdır. Tikinti şirkəti yol kənarlarının genişləndirlməsi zamanı bu dağın bərk suxurlarını ağır texnikanın köməkliyi sayəsində dağıdaraq hissə hissə yol yatağına daşımışdır. AAYDA-nın 2017-ci ildə rəsmi portalı vasitəsilə verdiyi məlumatlardan isə görürük ki, yol yatağının bu hissələrində heç də AAYDA-nın rəsmi məlumatında göstərildiyi kimi işlər aparılmamışdır: http://www.aayda.gov.az/az/news/796 "Azərbaycan prezidenti İlham Əliyevin fərmanı ilə təsdiqlənən “Regionların 2014-2018-ci illər sosial-iqtisadi inkişafı Dövlət Proqramı” çərçivəsində “Azəravtoyol” ASC tərəfindən mühüm əhəmiyyətə malik Bakı-Şamaxı-Yevlax avtomobil yolunun 13.3-91-ci km-lik ( 77.7 km ) hissəsinin I texniki dərəcəyə uyğun olaraq 2 hərəkət zolağından 4 hərəkət zolağına (bəzi hissələrdə 6 zolaq) genişləndirilməsi layihəsi uğurla icra olunmuşdur. Layihəyə uyğun olaraq: yol yatağının eni 27.5 m, yolun hərəkət hissəsinin eni 15 m, hərəkət zolaqlarının eni 3,75 m, ayrıcı zolağın eni 5 m, hər iki istiqamət üzrə çiyinlərin eni isə 3,75 m-dir. Yol geyiminin qalınlığı 1 m 16 sm-dir: hamarlayıcı lay 50 sm, əsasın qranular alt layının qalınlığı 22 sm, doğranmış əsas layının qalınlığı isə 15 sm, bitumlu əsas layının qalınlığı 19 sm, əlaqələndirici asfalt layının qalınlığı 6 sm, üst aşınma layının qalınlığı 4 sm-dir. Ümuilikdə yol örtüyünün əsası ( asfalt-beton örtük ) 29 sm təşkil edir. Sözügedən avtomobil yolu 4 hissə üzrə yenidən qurulur: 1. 13.3-15.1 km; 2. 15.1-44.6 km; 3. 44.6-67.5 km; 4. 67.5-91.0 km. Yolun 44.6-67.5-ci km-lik (22.9 km) hissəsi ( Cəngi-Qobustan) üzrə yenidənqurma işləri tam olaraq yekunlaşdırılıb. Yolun tikintisinə 2013-cü ilin avqust ayında başlanılıb." Yəni, yol yatağının inşası zamanı rəsmi məlumatda olduğu kimi inşaat normalarına uyğun deyil, hamarlayıcı lay 50 sm, əsasın qranular alt layının qalınlığı 22 sm, doğranmış əsas layının qalınlığı isə 15 sm göstərilsə də bunların heç biri reallıqda həyata keçməmişdir. Yəni, 50sm + 22 sm + 15sm = 87 sm dərinlik sadəcə bərk dağ suxurlarının daşınıb yol yatağına tökülməsilə əvəz olunmuşdur. Layihədə göstərilən işlərin əvəzinə isə tam ucuz formada yaxınlıqdakı dağdan doğranıb daşınmış qaya suxurlarından gen-bol istifadə edilmişdir. Budur, görünən kəndə bələdçi lazım olmadığı kimi, Bakı-Şamaxı yolunun qeyd edilən hissələrində 2 ay əvvəl məcburi aparılan "yamaqvurma" əməliyyatı zamanı rəsmi məlumatların əsasız olmasını, yolun yenidənqurulması zamanı külli-miqdarda dövlət əmlakının mənimsənilməsi faktını bir daha isbatlayır. Hətta enişlərdə ( Bakı-Şamaxı yolunun 67-ci km-də) yamaqvurma əməliyyatıhəyata keçiriərkən asfaltın qalınığı 80 m-ə çatmışdır. Eləcə də layihədə göstərilən - Ümumilikdə Bakı-Şamaxı-Yevlax avtomobil yolunun 13.3-91-ci km-lik hissəsində layihə çərçivəsində 123 ədəd dairəvi boru, 14 ədəd düzbucaqlı su keçidi, 20 ədəd yeraltı keçid və 26 ədəd drenaj boru quraşdırılıb. Həmçinin yol boyu zəruri olan ərazilərdə 8 ədəd yerüstü piyada keçidinin inşası da planlaşdırılır.

Bəli, dəmir konstruksiyadan hazırlanmış və hər birinin ağırlığı 30 ton olan 8 yerüstü piyada keçidinin inşası zamanı da külli-miqdarda dövlət vəsaitinin mənimsənilməsi faktını da ayrca araşdırmamız zamanı üzə çıxarmışdıq. Təkcə bu epizodla bağlı onu qeyd edə bilərik ki, Bakı-Şamaxı avtomobil yolunda 9 yerüstü piyada keçidinin inşaası zamanı xüsusi araşdırmalarımız zamanı məlum olmuşdur ki, tək bir epizod üzrə dövlətin təxminən 3 milyon manata qədər vəsaiti sabiq deputat Günəşovun MMC-si tərəfindən mənimsənilmişdir. Rəsmi məlumatdan da aydın olur ki, Bakı-Şamaxı-Yevlax avtomobil yolunun 27-100-cü km-lik hissəsində vətəndaşların avtomobil yolunu rahat və təhlükəsiz şəraitdə keçməsini təmin etmək məqsədi ilə AAYDA ASC tərəfindən 9 yerüstü piyada keçidi inşa edilmişdir. Bu məlumatdan sonra AAYDA-nın İctimaiyyətlə əlaqələr şöbəsi bir daha bildirmişdir ki, işlər yüksək keyfiyyətlə və texnoloji ardıcıllığa riayət edilməklə aparılmışdır. Yeni yerüstü piyada keçidlərindən biri yolun Qaradağ rayonu Müşviqabad qəsəbəsindən keçən hissəsində, digərləri isə Qobustan rayonunun ərazisində yerləşirlər. Apardığımız araşdırmalardan belə ümumi nəticəyə gəlirik ki, Bakı-Şamaxı-Yevlax avtomobil yolunun 27-109-cü km-lik hissəsində vətəndaşların avtomobil yolunu rahat və təhlükəsiz şəraitdə keçməsini təmin etmək məqsədi ilə AAYDA ASC tərəfindən inşa etdirdiyi 9 yerüstü piyada keçidi istifadə üçün yayarsızdır və yenidən keyfiyyətli materiallarla təchz olunaraq texnoloji qaydalar və standartlar gözlənilməklə yenidən inşa olunmalıdır. İnşaat ekspertləri asanlıqla belə keyfiyyətsiz inşa edilmiş yerüstü piyada keçidlərinin hər birinə reallıqda nə qədər vəsait sərf edildiyini də dəqiqliklə hesablayıb hüquq-mühafizə orqanarına təqdim edə bilərlər. Təxmini hesablamalarımıza görə hər bir keçid üçün dövlət büdcəsindən 470000 manat pul ayrılsa da, reallıqda bu vəsaitin max. 150000 manatı belə 30 tonluq piyada keçidlərinə sərf edilmişdir. Yəni, burada ciddi korrupsiya hüquqpozmaları olmuşdur. Nəticədə, dövlətə cəmi 3 milyon manat maddi zərər dəymişdir.( mənimsənilmişdir) Apardığımız araşdırmalar zamanı ortalığa çıxan ciddi korrupsiya faktlarına hüquqi qiymət verilməsi üçün aidyyatı üzrə yuxarı direktiv orqan rəhbərlərinə faktlar üzrə yazılı müraciətlər etdikdən və Baş prokurorluğun müraciətlər üzrə idarə prokuroru cənab Yadigar Aslanlının məsələnin araşdırılması və müraciət müəllifinə cavab verilməsi barədə rəsmi məktubundan sonra, nəhayət AAYDA ASC-nin Mətbuat Xidməti rəisi cənab Anar Nəcəfli səviyyəsində 14 aprel 2022-ci il tarixli cavab məktubu aldıq. Əlbəttə, əgər buna cavab məktubu demək mümkündürsə. Anar müəllim cavab məktubunda beynəlxalq səviyyədə sifarişin həyata keçirilməsi üçün dövlət satınalmalarının keçirildiyini, işin icrasına da eyni qayda ilə nəzarət edildiyini, yerüstü keçidlərdən intensiv olaraq istifadə edildiyini, yazdığımız və mənimsənilən rəqəmlərin reallığa uyğun olmadığı, yerüstü keçidlərin istismara qəbulunun Fövqəladə Hallar Nazirliyi tərəfindən həyata keçirilməsi bizə rəsmən xatırladılmışdır. Lakin biz AAYDA səlahiyyətlisinin məcburi formada həm bizə, həm də Baş Prokurorluğa ünvanlanmış cavab məktubunun əsas qayəsinin baş vermis irihəcmli korrupsiya cinayətlərinin ört-basdır edilməsinə xidmət edən bir namə olduğu qənaətinə gəlirik. Və cənab A.Nəcəfliyə xatırlatmaq istəyirik ki, cinayəti bilib məlumat verməmə və cinayəti ört –basdır etmə hər iki halda cinayət hesab edilir. Və cənab A. Nəcəfliyə onu da xırdalığına qədər nəzərinə çatdırmaq istəyirik ki, 9 ədəd yerüstü keçid heç də onun dediyi kimi, beynəlxalq səviyyədə sifarişə uyğun satınalmaların həyata keçdiyi kimi olmamışdır. Cavab olaraq bildirirk ki, yerüstü keçidlərin tikintisinin icraçısı satınalma zamanı "tender qalibi" olmuş MMC sabiq deputat Günəşov olmuşdur. Və onun hazırda Bakının Xətai rayonunda, Babək prospektində, konkret desək indiki köhnə təkərlər bazarının arxa tərəfində yerləşən dəmr sexində sözügedən piyada keçidləri korroziyaya uğramış metallom borulardan istifadə olunmaqla çox keyfiyyətsiz olaraq quraşdırılmışdır. Hətta paslanmış metal borulara antipas rəng vurulmadan ağ rənglənmişdir. Hazıda həmin yerüstü keçidlərin boru dayaqlarından ağ rəngin altından axan sarımtıl pas sadəcə göz oxşayır. Bizim dəqiqləşdirmələrimiz bu qədər. Ona görə də hesab edirik ki, istər Bakı-Şamaxı, istər Şəki-Qax, istərsə də Şamaxı yolunda inşa edilmiş 9 ədəd yerüstü keçidlərin tikintisi zamanı baş vermis iri miqyaslı korrupsiya cinayətlərinin yerində araşdırlması üçün dövlətin aidiyyatı üzrə rəsmi qurumlarının apardığımız araşdırmalar zamanı ortalığa çıxardığımız maliyyə maxenasiyalarına hüquqi qiymətin verilməsi zəruridir.
Onu da qeyd etmək yerinə düşərdi ki, "Polat Yol Yapı" icraçı şirkətin texniki direktoru, türk iş adamı Zəfər bəylə telefon danışığı zamanı bildirmişdir ki, sorun bizdə deyi, bizə nə qədər para ayrılırsa, biz də o qədər iş görmüşük. Yəni bu müsahibədən gün kimi aydın olur ki, sifarişçi təşkilat olan Azərbaycan Avtomobil Yolları DA-yi heç də yol ikintisi üçün nəzərdə tutulan pul vəsaitinin hamısını deyil, yalnız cüzi bir hissəsni podratçı təşkilata verirlər.
Müstəqil araşdırmaçı Məmməd Əhmədoğlu
Teref.az olaraq məqalədə toxunulan iddialarla bağlı qarşı tərəfin mövqeyini dərc etməyə hazırıq!
Teref.az

"Zəruri ərzaq və gündəlik istehlak malları sürətlə bahalaşır". Bu cümləni ya bəzi rəsmi şəxslərin dilindən eşidirik, ya da mətbuatdan oxuyuruq. İqtisadi terminlər, heç kimin başa düşə bilmədiyi izahlar və sairə...

Amma və lakin hamının başa düşəcəyi və işlətdiyi bir cümlə də var - "Bazar od tutub yanır, qiymətlər hər gün qalxır"... Bu cümləni isə ölkənin bütün bölgələrində yaşayan insanlar hər gün, hər saniyə işlədir.

Bizimxeber.az bildirir ki, Azərbaycanda bazar "od tutub yanır", marketlərdəki qiymətlərə nəzarətin kimlər tərəfindən və necə edildiyi, üzən və ya qaçan məzənnənin necə tənzimləndiyini bilən yoxdur. Gündəlik tələbat malları, əsasən ərzaq məhsullarının qiyməti durmadan dəyişir və bahalaşır.

Veysəloğlu Şirkətlər Qrupu “Veysəloğlu” MMC barədə mediada yayılmış məlumata aydınlıq gətirib

Rəsmi qurumlar bu vəziyyəti, Koronavirus, Rusiya-Ukrayna müharibəsi ilə əlaqələndirsələr də, sadə vətəndaş buna inanmır və gördüyü qiymət artımı ilə barışmaq istəmir.

Elə isə ölkədə əsasən gündəlik tələbat malları və ərzaq məhsullarının qiymətini tənzimləməkdə və ya artırmaqda yaxından iştirak edən böyük satış şəbəkələri hansı funksiyanı, dəstəyi verir?

Azərbaycanda bir neçə belə böyük dağıtım şirkəti fəaliyyət göstərir - "Azərsun" Holdinq, "Veysəloğlu" Şirkətlər Qurupu və adını çəkmədiyimiz diğər dağıtımçılar...

Hələlik və ilk olaraq "Veysəloğlu" Şirkətlər Qurupunun Azərbaycan istehlakçısına təqdim etdiyi məhsullara, işçi məmuniyyətina, alıcı qabiliyyətinə və qiymət tənzimlənməsinə nəzər yetirək.

"Veysəloğlu" Şirkətlər Qurupu Azərbaycan bazarında "Araz" Supermarketləri və "OBA" Marketləri ilə at oynadır. Bəli, düz oxuduz, "at oynadır"...

Şirkətin mətbuat üçün həftəlik açıqlamasında qiymətlər, tənzimləmələr və sairə hallar elə təqdim edilir ki, sanki bu şirkətin fəaliyyəti ağ kağızdır və heç bir əyri işi yoxdur.

Amma və lakin diqqət edək!

İlk olaraq diqqəti Veysəloğlu" Şirkətlər Qurupunun tərkibindəki "OBA" marketlərinə yönəldək. Azərbaycanın bütün bölgələrində, eləcə də paytaxtda 100-lərlə məkanda fəaliyyət göstərən bu marketlərin xadiməçiləri yoxdur. Bəli, düz oxuduz, bu marketlərdə xadimə yoxdur və satıcılar həm xadimədir, həm yük daşıyandır (fəhlə), həm də satıcıdır.

Təsəvvür edin ki, "OBA"da hansısa məhsulla bağlı nəsə soruşmaq istəsən, yaxud çəki ilə 1 kq qənd almaq istəsən satıcı-xadimə-fəhlə funksiyasını həyata keçirən xanım və bəyləri 5-10 dəqiqə gözləməlisən. Ya pol silir, ya hansısa məhsulu sayır, ya da toz basmış məhsulları təmizıləyir...

Hə bu bir başqa biabırçılıqdı... Əlində pol ağacı (pas-pas) olan satıcı-xadimə-fəhlə əlini yumadan (Əl yumaq üçün əksər marketlərdə su belə yoxdur) sənə 1 kq qənd çəkir. Gözəl mənzərədir, analoqsuz xidmətdir... Bu reallıqdır, əziz Veysəloğlu" Şirkətlər Qurupunun milyonçu rəhbəri..

Sizcə belə olamalıdır? Bir adam həm satıcılıq etməli, həm xadimə işi görməli, həm də fəhlə kimi yük daşımalıdır? Ayda 300-400 manata ehtiyacı olan insanların bu vəzziyyətindən istifadə edib beləmi edirsiz?

Əziz oxucu, bilirsiz bununla rəhbərlik nə demək istəyir? Məncə Veysəloğlu" Şirkətlər Qurupunun rəhbəri düşünür ki, zatən OBA merketlərində al-ver edənlər kasiblardı, acından ölənlərdir, orda çalışan Satıcı-xadimə-fəhlələr isə pula ehtiyacı olan məcburlar. Bunlara nəyi necə sırısaq məcburdular alıb yeməyə, işləməyə. İylənmiş və aylarla buzlanmış toyuq, tükü-dərisi ilə bizlikdə çəkilmiş fars, mənbəyi bilinməyən peçeniye, içərisi qırıq-qırıq olan cipsi, içərisini qurd basmış şokoladlar (belə şokoladlardakı qurdları yalnız xüsusi avadanlıqla görmək olur), mənşəyi bilinməyən baş və bədən şampunları. Bir sözlə keyfiyyətsiz nə desən tapmaq olar "OBA" marketlərində.

Daha bir müəmma odur ki, Veysəloğlu" Şirkətlər Qurupunun tərkibində olan "Araz" Supermarketlərində satılan məhsullar "OBA" marketlərdə yoxdur. Bütün bunlar OBA-nın kasıb təbəqə üçün hesablandığı qənaətini ortaya qoyur. Yəni, Veysəloğlu" Şirkətlər Qurupunun dağıtımı elə tənzimlənir ki, artıq heç nə qalmasın, mütləq mənada satılsın.

Daha bir ciddi məsələ "OBA" marketlərində satılan sosis və kolbasa məhsulları ilə bağlıdır. Bu məhsulların əksəriyyətinin, əsasən kolbasa məhsullarının keyfiyyəti böyük sual altındadır. Dəyişdirilə bilən etiketlərlə satışa çıxarılan bu məhsulların yağlılığı və ədviyyatının daha çox olması keyfiyyətilə bağlı ciddi şübhələr ortaya qoyur. Kolbasa məhsullarının yağı az qalır yerə damsın.

Qiyməti isə bir kq üçün 5 manat. Əcəba, yağı üzünə çıxan kolbasa elə görüntü yaradır ki, bu ya quzu ətindən hazırlanıb, ya da xüsusi bəslənmiş dana ətindən. Sizə bu kolbasalar belə hazırlanıb? İnanan daşa dönsün...

Qida Təhlükəsizliyi Agentliyinin rəhbəri Qorxmaz Təhməzli haqqında ŞOK İDDİA - FOTOLAR | KONKRET

Qiymət məsələsinə gəlincə Azərbaycanda zəruri ərzaq və gündəlik istehlak mallarının qiymətinin qalxmasında Veysəloğlu" Şirkətlər Qurupunun xüsusi payı var. Bu barədə yaxın günlərdə oxuculara ətraflı məlumat verəcəyik...

Ölkənin İqtisadiyyat naziri Mikayıl Cabbarov, Azərbaycan Qida Təhlükəsizliyi Agentliyinin rəhbəri Qorxmaz Təhməzli və Antiinhisar və İstehlak Bazarına Nəzarət Dövlət Xidmətinin rəhbəri Məmməd Abbasbəyli cənabları... Siz nəyi gözləyirsiz? Kasıb insanların övladlarının gələcək həyatı sual altındadır. Bu marketlərdə satılan qidaların keyfiyyəti, satıcıların kimliyi və hansı iş görməsi sual altındadır.

Bizimxeber.az xatırladır:

OBA marketlərində işçiləri qul kimi işlədirlər - (İqtisadiyyat naziri Mikayıl Cabbarov)

Qiymətlər süni olaraq qaldırılır - ( Antiinhisar və İstehlak Bazarına Nəzarət Dövlət Xidmətinin rəhbəri Məmməd Abbasbəyli)

Satılan qida məhsullarının keyfiyyəti böyük sual altındadır - (Azərbaycan Qida Təhlükəsizliyi Agentliyinin rəhbəri Qorxmaz Təhməzli)

“Ölkəmin ali qanunverici orqanında Aydın Hüseynov kimi şəxslərin millətimi, xalqımı təmsil etməsi utancvericidir. Bir deputat ki düz-əməlli yaza bilmir, sizcə, o xalqı parlamentdə normal təmsil edə bilərmi? Əlbəttə, xeyr!”

Pravda.az-ın xəbərinə görə, bunu Gələcək Azərbaycan Partiyasının sədri Ağasif Şakiroğlu bildirib.

GAP sədri xüsusi vurğulayıb ki, Aydın Hüseynov parlamentdə YAP-ı təmsil edir: “Obyektivlik naminə deyim ki, YAP-da kifayət qədər intellektual, müasir dünya görüşünə malik gənclər var. Müxalifət olaraq buna sevinirəm. Eyni zamanda Aydın Hüseynov kimi deputatları görəndə də üzüntü məni boğur. Belə insanları YAP-ın namizədi etmiş YAP-ın Mərkəzi İcra Aparatının keçmiş sədri Əli Əhmədov, görəsən, heç utanırmı? Sadəcə, rəzalətdir. İndi də təzə məsələ tapıblar. Kim belə biabrçı status yazır, deyir, sürücü yazıb. Ay qardaş, sürücü maşın sürmək üçündür, ya status yazmaq üçün? Desələr ki, “deputatın köməkçisi yazıb, deputatın xəbəri yoxdur” bəlkə də inandırıcə gələr. Yalanı elə abırsızcasına danışırlar ki... Xalqı qızışdırmaq, özündən çıxarmaqdır niyyətləri… A kişi, sənin rəsmi sosial şəbəkə hesablarını sürücü kimdir ki, idarə edə? Bunun məsuliyyətini anlamırsan? Elədirsə, iki qat ayıb olsun. Məsuliyyətini dərk etməyən deputatın o mandatı daşımağa mənəvi haqqı yoxdur”.

“Ötən gün Bakı hava limanında elektrik enerjisinin verilişində uzun müddət fasilə yaranması xoşagələn hal deyil. Hesab edirəm ki, hava limanının fors-major hallar üçün mütləq ehtiyat variantı olmalı idi”.
TEREF xəbər verir ki, bunu Demokratiya və İnsan Hüquqları Komitəsinin sədri, hüquq üzrə fəlsəfə doktoru Çingiz Qənizadə Bakupost.az -a açıqlamasında deyib.
Ç. Qənizadə AZAL-ın fəaliyyətilə bağlı məsələyə də diqqət çəkib:
“AZAL-ın təyyarələri çox gözəl xidmət göstərir. Lakin məsələnin başqa bir tərəfi var. Bir neçə saatlıq uçuş zamanı yüksək xidmət göstərib qiymətləri həddindən çox baha etmək qəbulolunan deyil. Quru sərhədlərimizin bağlı olduğu bir vaxtda insanlar məcburən, büdcələrinə qənaət edərək, ölkə xaricinə getmək üçün biletləri çox baha qiymətə alırlar. Bu gün AZAL-ın biletləri digər hava yollarının biletlərindən qat-qat yüksəkdir. Hətta Türk Hava Yollarında uçuş qiymətinin AZAL ilə bərabər olması, eyni zamanda THY-nın AZAL ilə müştərək reysləri şübhə yaradır. Necə ola bilər ki, müstəqil olan THY AZAL ilə müştərək uçuş həyata keçirir? Burada qiymətlərin diqtə olunmasından söhbət gedir”.
Komitə sədri hesab edir ki, AZAL monopolist təşkilatdır:
“Digər hava yollarının Azərbaycanda xidmət təklif etməsi ilə bağlı çətinliklər AZAL-ın monopoliyası ilə bağlıdır. Bu baxımdan hesab edirəm ki, AZAL-da islahatlar getməlidir. Ölkədə bütün sahələrdə islahatlar gedir, amma növbə AZAL-a çatmayıb. Əminəm ki, AZAL-da islahatlar başlasa, bu qurumda baş verən çatışmazlıqlar aradan qaldırılsa, insanların AZAL-a münasibəti dəyişəcək. AZAL yüksək xidmət göstərməyə borcludur. Eyni zamanda qiymətlərin yüksək olması da yolverilməzdir. Qonşu ölkələrin hava yolları şirkətlərinə baxanda bu, utancvericidir”.

Babək rayon Məhkəməsi önündə özünü yandıran Nehrəm qəsəbə sakini İbrahim Abdullayevin səhhəti nisbətən yaxşılaşsa da həyatı təhlükə sovuşmayıb. O, hazırda Naxçıvan Mərkəzi Xəstəxanasında müalicəsini davam etdirir. TEREF yazır ki, İbrahim Abdullayev "Gündəlik Naxçıvan"a intihara cəhd etməsinin səbəbləri və hazırkı vəziyyətlə bağlı yeni məlumatlar verib:
“Alı adlı məhkəmə icraçısı məni boğaza yığmışdı. Təhdid edirdi ki, əvvəlcədən 4 il soranın alimentini ödəyim. Bu, 5000 manat pul edir. Dedim ki, onsuz da hər ay ödəyirəm. İmkan verin, belə də davam etsin. Dedilər yox, 4 illiyi birdən ödəməlisən. Mən borc edib 1100 manatını verdim, dedim səbr edin, qalanını da düzəldərəm. O isə mənə vaxt qoydu ki, 5 saat içində 5 min manatı tapıb düzəltməsəm, məni həbs etdirəcək. Hansı qanunda yazılıb ki, alimen öncədən ödənməlidi, üstəlik 4 illik? İşsiz adam bu pulu necə ödəyə bilər? Çıxış yolum yox idi. Nahaqdan həbs olunmaq istəmirdim. Təhdidlər qarşısında dözmədim, məcbur qalıb özümü yandırdım.”
İbrahim Abdullayev məhkəmə icraçılarının onu intihara məcbur etdiyini bildirir:
"Bunu mən hüquq mühafizə orqanı əməkdaşlarına da bildirmişəm. Ancaq, təəssüf ki, indiyə kimi heç bir tədbir görülməyib. İstintaqın aparılıb-aparılmaması ilə bağlı bizə heç bir məlumat vermək istəmirlər. İşi ört-basdır eləmək istəyirlər. Ədliyyə Nazirliyinə və Ədliyyə Nazirliyinin İcra Baş İdarəsinə şikayət hazırlamışam. Aidiyyatı qurumlardan bizə kömək etməyi, məni intihar hədinə gətirənlərin cəzalandırılmasını xahiş edirəm.”
İbrahim Abdullayev onu da bildirib ki, indiyə kimi rəsmilərdən heç kim onun səhhəti ilə maraqlanmayıb. Maddi imkanı olmadığından, xəstəxanada həkimlər də ona başdansovdu yanaşırlar:
"Maddi imkan olmadığından, Bakıda müalicəni davam etdirə bilmədik. İmkansızlıqdan anam xəstəxananın həyətində gecələyirdi, dava-dərman da pul tapmırıq. Məcbur qalıb, geri qayıtdıq ki, heç olmazsa, anam əziyyət çəkməsin. Burada isə mənə demək olar ki, baxmırlar. Pulsuz, kasıb adama kim baxar. Dərman nədir, bəzən adi yemək almağa pul tapmırıq. Bakıda həkimlər dedi ki, hələ həyatı təhlükə keçməyib, müalicəmi ciddi davam etdirməliyəm. Burada da dediyim kimi baxan yoxdu".
Nehrəm qəsəbə sakini İbrahim Abdullayev iyunun 22-də Babək Rayon Məhkəməsinin önündə üzərinə benzin tökərək, özünü yandırmışdı. O, məhkəmənin haqqında çıxardığı qərara etiraz olaraq bu addımı atdığını bildirir. İmkanı olmadığından, İbrahim Abdullayev ona kəsilən 4 illik alimenti, beş min manatı əvvəldən ödəyə bilməyib. Məhkəmə isə onun 5 min manatı dərhal ödənilməsi ilə bağlı qərar çıxarıb.
İbrahim Abdullayev özünü yandırdıqdan sonra Naxçıvan Mərkəzi Xəstəxanasına çatdırılmışdı. Vəziyyəti ağır olduğundan, həkimlər onu Bakıya aparmağı məsləhət görüb. Bir müddət sonra səhhətində irəliləyiş yaranıb və o, yenidən Naxçıvan xəstəxanasına qayıdıb.

Mərc oyunları industriyası son illər əsl yüksəliş dövrünü yaşayır. Bunun əsas səbəblərindən biri bukmeyker məntəqələrinin (kontorlar) internet şəbəkəsindəki ekspansiyasıdır. Qeydiyyat ünvanı Virjin və ya Karib adaları olan yüksək əmsal və tez çıxarış vəd edən bu cür kontorlar qeyri-qanuni yollarla Azərbaycan ərazisində də fəaliyyət göstərməkdədir. Bunların arasında "1xBet" bukmeyker kontoru xüsusi canfəşanlığı ilə seçilir.

Fəaliyyətini əsasən Avropa ölkələri və postsovet məkanında təşkil edən "1xBet" bir çox ölkələrdə blok edilir, o cümlədən ABŞ və Rusiyada. Son olaraq bir neçə gün öncə onun Böyük Britaniyada fəaliyyəti dayandırılıb. Buna səbəb kontorun Keniyada məktəblərdə keçirildiyi güman edilən U16 basketbol oyunlarına və başqa yarışlara dair mərclər qəbul etməsi olub. Uşaqlar üzərində mərc qurmaq qanun pozuntusu olmaqla yanaşı, həm də etik normaya sığmayan haldır. Kontorun fəaliyyəti daim çoxsaylı şikayətlərlə müşayət olunur. Bunu daha aydın şəkildə "1xBet"in ən iri bazarlarından olan Rusiyanın timsalında görə bilərik. Bunun üçün bukmeyker kontorları ilə istifadəçilər arasında mübahisələrin həllində körpü rolu oynayan nüfuzlu "Bukmeykerlərin Reytinqi” servisinə daxil olan şikayətlərin təhlilinə nəzər yetirmək yetərlidir. Belə ki, servisin əsaslı hesab edib araşdırmasına başladığı 440 milyon rubl dəyərindəki pretenziyaların yalnız 3,6%-i kontor tərəfindən haqlı sayılıb, 93%-ə isə ümumiyyətlə, məhəl qoyulmayıb.

"1xBet" bu cür kütləvi pozuntuları və neqativi isə aqressiv reklam siyasəti ilə minimallaşdırmağa çalışır. Belə ki, 2019-cu ilin birinci rübündə "Runet"in ən iri reklam verənləri arasında "1xBet" şirkəti "Google" və "PepsiCo"dan sonra üçüncü pillədə qərarlaşıb. Filmlərin pirat yolla onlayn yayımını həyata keçirən istənilən resursun hər hansı video-çarxını açsanız çox böyük etimalla ilk 20 saniyədə məcburi qaydada bu kontorun reklamını dinləməli olacaqsınız. Dünənə kimi Azərbaycanda idman sahəsində fəaliyyət göstərən bəzi saytlarda da hər hansı müqavilə olmadan bu kontorun reklamları yerləşdirilirdi. Bəzi yerli və xarici saytlarda həmin şirkət tərəfindən ölkənin milli komanda futbolçularının şəkillərinin qanunsuz olaraq reklam məqsədli istifadə edildiyini görmək olardı. Bütün bunların nəticəsi olaraq Azərbaycanda da bu kontorun vədlərinə inanıb mərc edən kifayət qədər auditoriya yarandı. Lakin hər yerdə olduğu kimi, bizdə də "1xBet"in əsl üzü qısa müddət sonra ortaya çıxmağa başladı.

Bu ilin yanvarında polisə daxil olan istifadəçi şikayətlərini nəzər alan "Portmanat” elektron cüzdanı "1Xbet"lə əməkdaşlığı dayandırdı. Baş verənlərə xüsusi əhəmiyyət qazandıran fakt ondan ibarətdir ki, kart vasitəsilə həmin kontordakı hesaba vəsait yatırdıqda qanunvericiliyə görə 18% vergi şəklində tutulurdusa, "Portmanat" isə bu əməliyyat üçün heç bir komissiya almırdı. Çox qısa zaman kəsiyində bu boşluğu heç kəsə məlum olmayan "CaspianPay” elektron pulqabısının dolduracağı məlum oldu. Kontor Azərbaycan auditoriyası üçün yaradılmış rəsmi "Facebook" səhfəsindən "CaspianPay”lə əməkdaşlıq etdiyini bəyan edir. Həmin pulqabıdan da eynilə "Portmanat"da olduğu kimi, komissiya haqqı tutulmurdu. Qısa zaman sonra "CaspianPay” faktiki olaraq istifadəçilərin pullarını götürüb qeybə çəkildi. Servisin işində bir anda problemlər yarandı. Hesabda olan vəsaitlər üzrə heç bir əməliyyat aparmaq mümkün olmadı. "CaspianPay”ə əli çatmayan aldadılmış istifadəçilər öz şikayətlərini kontorun rəsmi "Facebook" səhfəsinə yönəldirdilər. Qarşı tərəf isə bütün bu şikayət və mənfi rəyləri səhifədən silməklə kifayətlənirdi. "CaspianPay” elektron cüzdanı bu gün də mövcuddur, lakin hesablardakı vəsaitlə heç bir əməliyyat aparmaq mümkün deyil.

Maraqlıdır ki, bukmeykerin Azərbaycan ərazisində rəsmi səhifəsinə giriş bloklansa da müxtəlif güzgülər (saytın fərqli URL-lərdə mövcud olan nüsxələri) vasitəsilə hesaba vəsait mədaxili və mərc etmək mümkündür.

Yəni hələ də adi debet kartına sahib biri depozitə vəsait yatırmaqla sərbəst şəkildə bu kontorda mərc edə bilir. Bu zaman əsas şirnikləndirici amil isə geniş mərc xətti və daha yüksək əmsaldır. Lakin çoxsaylı şikayətlərin təhlili göstərir ki, mərc edib udmaq işin heç yarısı da deyil. Hər şey məhz bundan sonra başlayır və uduşlar nə qədər intensivdirsə onun fəsadları da bir o qədər təsirli olur. İlkin mərhələdə dərhal hesab üzrə müəyyən olunmuş uduş limiti kəsilir. Mərc etməyi maksimum dərəcədə əlverişsiz etmək üçün istifadə olunan digər vasitə əmsalların azaldılmasıdır. Yəni eyni hadisə üçün az hallarda udan şəxsə 1,95 əmsal göstərilirsə, uğurlu tarixçəsi olan istifadəçi üçün bu əmsal 1,70 olacaq. Yuxarıda qeyd olunanlar istifadəçinin iştahını cilovlamağa yetərli olmayanda daha radikal, aldadıcı tədbirlərə əl atılır. Buraya balansın müsadirəsi, hesabdan vəsait çıxarılmasının ləngidilməsi və s. daxildir. Son variant kimi isə hesabın blok edilməsinə əl atılır. Qeydiyyat zamanı qəbul olunması mütləq olan istifadəçi müqaviləsi bütün qeyd etdiklərimizi etmək üçün geniş imkanlar verir.

Nəticədə "1xBet" tərəfindən hüquqları pozulan istifadəçilərin isə reallıqda bukmeyker kontorunu Kiçik Antil adaları qrupuna daxil olan Kyurosao-da yerləşən məhkəməyə verməkdən başqa əlacı qalmır.
AzFakt

Abşeron rayonu, Xırdalan qəsəbəsində yerləşən Abşeron Gənclər Şəhərciyində hər an partlayış ola bilər. Bu haqda “Akkord” rəhbərliyinə, Bakı Şəhər İcra Hakimiyyətinə, “Azəriqaz” İstehsalat Birliyinin baş direktoru Ruslan Əliyevə, Abşeron İcra Hakimiyyətinin başçısı Abdin Fərzəliyevə məktubla müraciət edən Ruhiyyə Novruz qızı Sarıyeva yazır. Surəti KİV-lərə ünvanlanan müraciətində şikayətçi bildirir ki, 2011-ci ildə “Akkord”la müqavilə bağlayaraq Gənclər Şəhərciyində 1 saylı binanın, 64-cü blokundakı 37 saylı mənzili alıb və orada ailəsi ilə birgə yaşamağa başlayıb.

“Təxminən 2018-ci ilin əvvəlində sözügedən şəhərcikdə “Azəriqaz” tərəfindən ödənişsiz qazlaşdırılma aparıldı. Bütün mənzillərə sayğaclar quraşdırıldı və mənzillərə qaz verildi. Lakin mənim mənzilimə sayğac quraşdırılmadı. Maddi vəziyyətim çətin olduğuna görə qışda elektrik enerjisi ilə mənzilimi normal qızdıra bilmirəm, məcbur olub çox təhlükəli olan kustar üsulla düzələn qaz balonundan istifadə edirəm. Mənim və ailə üzvlərimin həyatı daim təhlükə altındadır. Qaz balonundan istifadə zamanı mənzildə hər an partlayış baş verə bilər” – deyə şikayətçi bildirir.
Ruhiyyə Sarıyeva şikayətində sual edir ki, mənzildə partlayiş baş verərsə, bunun məsuliyyətini kim daşıyacaq: “Tez-tez respublikanın müxtəlif yerlərində qaz balonlarının partlaması xəbərlərini eşidib həyəcan keçiririk. Ötən 4 il ərzində mən “Akkord” şirkətinə dəfələrlə qaz sayğacının quraşdırılması barədə yazılı və şifahi müraciət etmişəm. Hər dəfə şirkətə müraciət edəndə “Akkord” şirkəti mənə bildirirdi ki, maddi çətinliyimiz var və hazırda qaz sayğacımız yoxdur, nə vaxt olacağıda bilinmir. Bizim yaşadığımız binanın bütün mənzillərinə sayğac quraşdırılıb və qaz verilib. Bizim mənzildə su və işıq sayğacları quraşdırılıb, hər ay vaxtı vaxtında su və elektrikə görə odəniş edirəm. Hər ay vaxtı vaxtında “Akkord” şirkətinin bizim kompleksdə yerləşən ofisinə onlar tərəfindən təyin edilmiş məbləği (JEK pulunu) ödəyirəm. Buna baxmayaraq “Akkord” şirkəti bizə qarşı qanunsuzluq edir, bizi və qonşularımızı ölüm təhlükəsi ilə üz-üzə qoyur”.

Şikayətçi mənzilinin tez bir zamanda qaz sayğacı ilə təmin olunmasını xahiş edir.
sitat.info

BƏƏ-də yaşayan 30 yaşlı qadın intihara cəhd etdiyi üçün Dubay məhkəməsi tərəfindən cərimələnib.

Məlumata görə, xanım 2021-ci ilin iyulunda intihara cəhd edib.

Bunu hüquq-mühafizə orqanlarına onunla birlikdə yaşayan rəfiqəsi deyib. Şikayətçinin sözlərinə görə, qız sevgilisi ilə xoşagəlməz söhbət etdikdən sonra intihara cəhd edib. Qadın sevgilisinin onu aldatmasından şübhələnib.

Dubay Kiçik Cinayətlər Məhkəməsi xanımı təqsirli bilib və ona 1000 dirhəm (təxminən 463 manat) cərimə kəsib.

Mənbə: gazeta.ru