"Sədərək ağsaqqalından Vasif "xan" həzrətlərinə mesaj: "Sədərəyə 2013-cü ildə su verilməli idi. 2023-cü ilə yaxınlaşırıq. Bəs hanı bizim suyumuz"". DİA.AZ bildirir ki, bu barədə Əli Qasımov özünün "facebook" səhifəsində paylaşım edib.

Qeyd edək ki, Əli Qasımov Sədərək ağsaqqallarındandır və bir müddət rayon icra başçısının müavini vəzifəsini icra edib. DİA.AZ xəbər verir ki, Əli Qasımovun bu qeydini xüsusi diqqətə alan tanınmış jurnalist Heydər Oğuz aşağıdakı şərhi verib:

"Naxçıvandan dünən aldığım bir məlumat Əli müəllimin bu sualına qismən aydınlıq gətirir.
İddia olunur ki, Naxçıvanın unla təchizatı Azərbaycan büdcəsi ilə ödənilir. Naxçıvan hakimiyyəti isə MR-ə ayrılan vəsait hesabına taxıl ehtiyacını iki yolla əldə edir:
1. Yerli mənbələr hesabına;
2. İdxal taxılla.
Əldə etdiyim məlumata görə, idxal taxıl daha ucuz başa gəlir. Naxçıvan rəhbərliyi də taxılı xaricdən alıb sənədlərdə yerli məhsul kimi göstərir. Odur ki, Naxçıvan kəndlilərinin taxıl əkib-becərməsində maraqlı deyil. Əhaliyə suyu bu səbəbdən verməyə bilərmi?
Bu faktı araşdıracağam. Hələlik, aldığım məlumatı araşdırmanın yekun nəticəsi kimi yox, "xammalı" kimi qəbul edə bilərsiniz".

Məsələ diqqətimizdədir. Əlaqədar qurumları dia.az aolaraq dinləməyə hazırıq...

Son günlər gündəmi Fövqəladə Hallar Nazirliyinin Yanğından Mühafizə İdarəsinin işçilərinin hoqqaları zəbt edib.Pis iş görüblər.
Hamı qınayır.Artıq həbs olunan var və təhqiqat başlayıb.Sözüm ondadır ki,bizim camaata da bir hay lazımdır.Dərhal elliklə bir məsələnin ucundan tutub ucuzluğa gedirlər.Amma başqa problemləri dilə gətirmirlər.Məsələn,mənim problemim.
Üçüncü ildir ki,AZTV sədri Rövşən Məmmədovun sayəsində işdən çıxarılmışam.
Mənim ştatımı ixtisar etməyə o qədər tələsdilər ki halal 145 manat qonorarımı da ödəməyib qapını göstərdilər.Bu barədə çox yazıb demişəm,ölkə rəhbərliyinə,bir çox dövlət müəssisəsinə,məhkəmə orqanlarına müraciət etmişəm.İndi iş Ali Məhkəmədədir.
AZTV qarşısında etiraz aksiyam da olmuşdu,o qədər bezmişdim ki üstümə benzin töküb yandırmaq istəyirdim.Lakin polis nəfərləri cəld tərpənib buna imkan verməmişdilər.

Rövşən Məmmədov tək mənə qarşı belə olmayıb.Rəhmətlik Knyaz müəllim,diktor Gülşən Əkbərova,bir neçə sürücü və digər bir neçə əməkdaşla baş vermiş qalmaqalları yəqin xatırlayırsınız.Bundan sonra Hesablama Palatasının səs-küylü audit yoxlaması aparıldı və nəticəsi nəticəsiz qaldı.Yəqin bu maneələrdən keçməsi Rövşən Məmmədova əlavə stimul verib ki,heç nəyə,heç kimə fikir vermədən işçilərinin qonorarlarını kəsib-doğrayır.Amma özünün deyilənlərə görə 7 (yeddi) min manat civarında olan qonorarına əl gəzdirmək istəmir.Bu iddialara aydınlıq gətirmək üçün dəfələrlə aidiyyatı orqanlara müraciət etmişəm ki AZTV-də hərtərəfli yoxlama aparılsın.Çünki Hesablama Palatasının yoxlaması görünür ki kifayət etməyib.Mühasibat ciddi araşdırılmalıdır.
Bildiyimə görə məzuniyyətə çıxanların pulunun,xəstəlik kağızına görə müavinətin hesablanması,ezamiyyə xərcləri ilə bağlı nöqsanlar var.
Rövşən Məmmədovun kadr siyasətinə də baxaq.Nədənsə hazırki AZTV-də əsas vəzifələri bir vaxtlar Rövşən müəllimlə Lider TV-də işləyənlər və ailəsinə yaxınlar,həyat yoldaşı ilə Xəzər TV-də iş yoldaşı olmuş adamlar tutur.Və bir də tarixə qovuşmuş ANS-in bəzi yetirmələri də AZTV sədrinin imtiyazlıları sırasında yer alırlar.Məsələn,İctimai-Siyasi Proqramlar Studiyasının direktoru Tofiq Abbasov Lider TV-də Rövşən Məmmədovun bilavasitə rəhbəri olub.Tofiq müəllimin müavini,”Əsas Məsələ” verilişinin aparıcı Ətayə Ələmdarqızı da Lider TV-də işləyib.Həmin studiyanın əvvəlki rəhbəri Sərvər Bayramov isə Rövşən Məmmədovla İTV-də birlikdə çalışıblar,həm də Hesablama Palatasının yoxlaması aparılanadək dost sayılırdılar.İndi isə simvolik olaraq İnformasiya Proqramları Studiyasının direktor müavinidir.Sərvər müəllimin indiki departamentində sədrin iki tələbə yoldaşı da çalışır- Xarici Xəbərlərin direktoru Xaliq Əli və Region Xəbərlərinin rəhbəri,direktor müavini Elman müəllim.Bu siyahıya sabiq liderçilər-Mədəniyyət Xəbərlərinə baş redaktor təyin etdiyi Təranə Ziyadzadəni,AZTV Xəbərə məsul rejissor qoyduğu Tural Əliyevi,bədii rəhbər müavini Rafael Məmmədovu və transfer etdiyi bir neçə liderçi rejissorları da əlavə etmək olar.Sədrin ştat üzrə köməkçisi Vasif Acalov da Lider TV-də işləyib.Köməkçi demişkən,Vasifi sədrin qəbul otağında görən olmur.Onun işini başqa iki əməkdaş görür.Bu da yəqin Rövşən Məmmədovun idarəçiliyinin sirridir.

İdman TV-nin direktor əvəzi Rövşən Binnətli,Aydın adlı baş rejissoru da liderçidir.Hələ Baş Proqram direktoru Emin Hüseynov da var.

İndi isə Rövşən Məmmədovun ailəsinə yaxın olan əməkdaşlar barədə.Həyat yoldaşının rəfiqələrindən biri Kadrlar və Xüsusi İşlər Departamentinin rəisi İlhamə Hüseynovadır.
Digəri isə Həmkarlar Komitəsinin sədri,aparıcı Natəvan Osmanlıdır.”Səhər”in baş redaktoru Turan Babayev,Texniki direktor Elnur Əlizadə də Rövşən Məmmədova yaxın adamlar sayılırlar.Bu iki adam Xəzər TV Əli Həsənovun oğlunun ixtiyarından çıxdıqdan sonra AZTV-yə pənah gətiriblər.Həmin müddət Rövşən müəllimin həyat yoldaşı da Xəzər TV əməkdaşı olub.

Siyahını bir az da uzada bilərəm.Məsələn,Maliyyədəki Niyaməddin Quliyevi,Anarı,Təsərrüfatdakı Vüqar Bəşirovu,Ümumi şöbənin rəisi Tünzalə Nuriyevanı,məsul teleoperator Elşadı,Sosial Media və İctimaiyyətlə Əlaqələr şöbəsinin rəisi Nərgiz Rəfiyevanı da qeyd etmək olar.

Deməli Rövşən Məmmədov vaxtilə Lider TV-də,həyat yoldaşı Ramilə Məmmədli isə Xəzər TV-də işlədikləri üçün bu üç il ərzində oradan özlərinə yaxın bildikləri adamları AZTV-də yüksək vəzifələrə gətirib,yüksək qonorarla təmin ediblər.AZTV-nin peşəkar,təcrübəli işçilərinin bir qismi müxtəlif bəhanələrlə işdən çıxarılıb,ixtisara salınıb,bir qism bezərək çıxıb,bir qismi isə işindən uzaqlaşdırılıb.

İş o yerə çatıb ki Rövşən Məmmədovun özünə doğma saydığı,vaxtilə direktoru olduğu İctimai-Siyasi Proqramlar Studiyasında da vəziyyət ürəkaçan deyil.AZTV rəhbərinın aparıcısı olduğu “Həftə” proqramında titrlərlə əlaqədar bir yanlışlıq efirə getdikdən sonra sədr az qala hər kəsi təxribatçı kimi görür.Çox güman elə ona görə siyasi veriliş olan,AZTV-nin 1 nömrəli verilişi sayılan,Prezidentin,
dövlətin fəaliyyətinin həftəlik yekununu əks etdirən Həftə proqramını orta təhsillilərdən ibarət olan,siyasi cəhətdən təcrübəsiz rejissor qrupuna etibar edib.Redaksiyanın baş redaktoru və baş rejissorunu Həftə proqramından uzaqlaşdırıb.

Deyəsən Rövşən Məmmədov hələ də özünə yığcam,lakonik ssenari yazan tapmayıb.Əks halda verilişin həcmi təxminən 2 saat çıxmaz.Daha bir gülünc hal odur ki Rövşən Məmmədov verilişdə öz ətrafına aparıcıları toplayıb.Beləki süjetlərin əvvəlində,ortasında,
sonunda aparıcların “stand up”larını görürük.Halbuki həmin aparıcılar mətnin müəllifi deyillər.Sadəcə görüntü üçün Rövşən müəllimə lazımdırlar.Maraqlısı odur ki AZTV sədrinin hazırki və keçmiş köməkçilərinin əksəri aparıcılardır.Bu nə qayda,üslubdur,başa düşmək olmur.

Adətən daxilən zəif,özünə,savadına əmin olmayanlar savadlı insanlardan uzaq qaçırlar,
çalışırlar ki tabeliyindəkilər özündən biliyinə,təcrübəsinə görə aşağı olsunlar,asanlıqla baş üstə desinlər.Yəqin Rövşən Məmmədovda da bu təlaş var.Ona görə də həftəbecər kadr siyasəti yürüdür.
Ümid edirəm ki bir gün AZTV-yə də haqq-ədalət ayaq basacaq.Onda bütün suallara cavab tapılacaq.

Saidə Vəliyeva AzTimes.az

“Putinin filosofu” adlandırılan Aleksandr Duqinin qızı Darya Duqinanın dəfn mərasimi Kremlin növbəti təbliğat şousuna çevrilib və bu acınacaqlı mənzərənin iştirakçıları sırasında Duqinin özü də olub...

“AzPolitika.info” Rusiya KİV-lərinə istinadla xəbər verir ki, iki gün öncə Moskva ətrafında avtomobili partladılaraq qətlə yetirilən D.Duqinanın dəfn mərasimində Kremlə yaxın siyasətçilər, partiya rəhbərləri, təbliğatçılar çıxış ediblər. Çıxışlarda Putinə və “xüsusi əməliyyata” dəstək, “Ukrayna rejiminə lənət” şüarları səsləndirilib.

Məsələn, Vladimir Jirinovskinin varisi, LDPR-in hazırkı sədri, Duma deputatı Leonid Slutski bu hadisənin törədilməsində Ukraynanı günahlandıraraq, Duqinanın adının “nasizmdən azad ediləcək Kiyev”in küçələrindən birinə verilməsini təklif edib.

Ancaq bununla bərabər, Putinə dəstək çıxışı edən Slutski özü alman nasistlərinin şüarlarına bənzər şüar da söyləyib: “Bir ölkə. Bir prezident. Bir qələbə”.

Xatırladaq ki, alman faşistlərinin şüarı “bir xalq, bir reyx, bir fürer” idi..

Yevlax şəhər İcra Hakimiyyəti tərəfindən keçirilən tender müsabiqəsinin (Açıq tender) qalibi məlum olub.

Yeniavaz.com açıqlanan rəsmi məlumatlara istinadən bildirir ki, tenderlərin qalibi "Afira Corp” MMC (VÖEN – 1007661191) olub.
Tender müsabiqəsinin şərtlərinə görə "Afira Corp” MMC Yevlax şəhər İcra Hakimiyyətinin sifarişilə şəhərdə təmir işlərini həyata keçirəcək və qarşılığında 106 min 678 manat 21 qəpik alacaq.

Tender müsabiqəsinin qalibi olan "Afira Corp” MMC 29.06.2022-ci il tarixində dövlət qeydiyyatına alınıb. Hüquqi ünvanı Binəqədi rayonu, 28 may Ə/V, 20 yanvar, ev 1, m. 25-də yerləşən MMC-nin nizamnamə kapitalı 10 manat təşkil edir. MMC-nin qanuni təmsilçisi Ağamirova Xalidə Ağamir qızıdır.
Qeyd edək ki, Yevlax şəhər İcra Hakimiyyəti tender müsabiqəsini MMC-nin dövlət qeydiyyatına alındığı gündən 4 gün əvvəl – 25.06.2022-ci il tarixində elan edib. 107 min manatlıq açıq tender elan olunan zaman qalib şirkət mövcud olmayıb.

Xatırladaq ki, "Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığın, təcrübənin, texniki və maliyyə imkanların, işçi qüvvəsinin, idarəetmə səriştəsinin, etibarlılığın olması lazımdır.

Tender elan olunduğu gündən 4 gün sonra yaranan şirkətin hansı təcrübəsinin olacağı aydın deyil.

Onu da qeyd edək ki, "Afira Corp” MMC Gəncə şəhər İcra Hakimiyyətinin tabeliyində "Park-Xiyaban” İstismar və Mühafizə İdarəsi tərəfindən keçirilən daha bir tender müsabiqəsinin qalibi olub.

"Afira Corp” MMC "Park-Xiyaban” İstismar və Mühafizə İdarəsinə 14 min 892 manat 48 qəpik dəyərində təmir işləri görəcək.

Məlumat üçün onu da qeyd edək ki, tender keçirən qurumun - Yevlax Şəhər İcra Hakimiyyətinin başçısı Anar Aqil oğlu Tağıyev Bakı Şəhər İcra Hakimiyyətinin başçısı Eldar Əzizovun kürəkənidir.

Anar Tağıyev 2006-2008-ci illərdə Azərbaycan Respublikası Gənclər və İdman Nazirliyinin Gənclərlə iş şöbəsinin Gənclər Təşkilatları ilə iş sektorunda məsləhətçi vəzifəsində işləyib. 2008-2010-cu illərdə Nəsimi rayon İcra Hakimiyyətinin "İctimai təşkilatlar və siyasi partiyalarla iş" şöbəsinin, 2010-2011-ci illərdə isə "Ərazi idarəetmə və yerli özünü idraəetmə oraqanları ilə iş" şöbəsinin müdiri vəzifələrinə təyin olunub. 2011-2019-cu illərdə Nəsimi rayon İcra Hakimiyyəti başçısının müavini vəzifəsində çalışıb. 2019-cu ilin oktyabr ayından Yevlax Şəhər İcra Hakimiyyətinin başçısı vəzifəsini icra edir.

Milli Elmlər Akademiyası (AMEA) ilə bağlı neqativ məlumatların intensivləşməsi bu qurumdakı vəziyyətin sadəcə islahatlarla düzələcəyinə dərin şübhə yaradır.
AMEA-da artıq 5 aydır Ramiz Mehdiyev erası başa çatsa da, Akademiyanın adını yalnız neqativlərlə assosiasiya etdirən iş prinsipindən imtina olunmaması bu təşkilata yönəlik narazılıqları xeyli artırıb.
Mediada yayılan materiallara əsasən, demək olar ki, sabiq prezidentin dövründə haqlı tənqidlərə tuş gələn bütün mənfi cəhətlər AMEA prezidenti vəzifəsini icra edən akademik Arif Həşimovun sayəsində yeni forma taparaq israrla davam etdirilməkdədir.
Bunun nəticəsində AMEA-da yarıtmaz kadrların yenidən irəli çəkilməsi, vəzifələrə təyinatlarda şəxsi və qohumluq münasibətlərinin əsas götürülməsi, elmi yeniliklərə imza atılmaması, Akademiyanın “durğunluq məkanı”na çevrilməsi kimi ciddi nöqsanların aradan qaldırılması əvəzinə, onların stimullaşdırılması müşahidə edilməkdədir.
Akademiya ilə bağlı diqqəti cəlb edən başqa bir məqam AMEA-nın yeni rəhbərinin öz sələfinə inanılmaz “bağlılığı”dır. Hər halda, belə olmasaydı, Akademiyanın binasında Ramiz Mehdiyevin yaradıcılığına həsr edilmiş xüsusi stend yaradılmaz, onun müəllifliyi şübhə ilə qarşılanan kitabları orada sərgilənməzdi.
Arif Həşimovun bu diqqəttinə, bəlkə də, hər hansı formada izahat tapmaq mümkün ola bilərdi… Amma iş ondadır ki, AMEA-nın rəhbəri Ramiz Mehdiyevə bu cür diqqətli yanaşdığı halda, eyni sayğını Ümummilli Lider Heydər Əliyevdən və Prezident İlham Əliyevdən, nədənsə, “əsirgəyib”. Bunu sadəcə, unutqanlıq və ya diqqətsizlik olaraq qiymətləndirmək isə razılaşın ki, asan deyil.
Buradan gəlinən nəticə belədir ki, Akademiyanın yeni rəhbərliyi, konkret desək, Arif Həşimov AMEA-da Ramiz Mehdiyev “kult”unu yaşatmaqda təkid edir. Yəni o da tabeliyindəki bir çoxları kimi, “Mehdiyev kultu”na “sədaqət”indən əl çəkmək niyyətində deyil. Belə olan təqdirdə, AMEA rəhbərindən Mehdiyevin qurduğu sistemi demontaj etməyi və iş üslubunu dəyişməyi gözləmək sadəlövhlük olardı. Görünən budur ki, Arif Həşimov öz sələfini “böyük ustad”, hətta daha irəli getsək, “Piri-Mürşid”i kimi görməkdədir. Amma Həşimov öz sələfinə göstərdiyi diqqəti bir az da elmə yönəltsəydi, yəqin ki, indi bu qədər tənqid olunmazdı…

www.yenicag.az

Daxili İşlər Nazirliyinin Polis Akademiyası tərəfindən keçirilən tender müsabiqəsinin qalibi məlum olub.
TEREF-in məlumatına görə, yeniavaz.com açıqlanan rəsmi məlumatlara istinadən bildirir ki, dəyəri 47 min 835 manat 9 qəpik olan tender müsabiqəsinin qalibi “Lima MM” MMC (VÖEN- 1307795921) olub.
“Lima MM” MMC Polis Akademiyasına camaşırların yuyulması xidməti göstərəcək.
Nizamnamə kapitalı 10 manat olan “Lima MM” MMC-nin hüquqi ünvanı Yasamal rayonu, H.Q. Mustafayev, ev 11-də yerləşir. MMC-nin qanuni təmsilçisi Şahverdiyev Hikmət Qalib oğludur.
Tender müsabiqəsinin maraqlı və qəribə tərəfi odur ki, qalib şirkət – “Lima MM” MMC tender müsabiqəsinin başlamasından təxminən bir ay əvvəl dövlət qeydiyyatına alınıb.
Polis Akademiyası tender müsabiqəsini (Kotirovka sorğusu) avqust ayının 8-də elan edib. Tender müsabiqəsinin qalibi olan “Lima MM” MMC isə bu ilin iyun ayının 26-də dövlət qeydiyyatına alınıb.
Məlumat üçün onu da bildirək ki, "Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır.
Bir ay əvvəl yaranan şirkətin hansı peşəkarlığa və təcrübəyə sahib olduğu da başa düşülən deyil.
Onu da qeyd edək ki, son bir il ərzində “Lima MM” MMC-nin dövlət qeydiyyatına alındığı ünvanda onlarla şirkət qeydiyyata alınıb. Bu şirkətlərin bir-neçəsinin qanuni təmsilçisi də eyni şəxslər olub.
Cəmi 8 ay ərzində “Yasamal rayonu, H.Q.Mustafayev, ev 11” ünvanda qeydə alınan şirkətlər bunlar olub:

Milli Məclisin deputatı Ağalar Vəliyevin oğlu Pərviz Vəliyevin xaricdə daha bir biznesi aşkarlanıb.

Qlobal.az xəbər verir ki, deputatın oğluna məxsus olan dörd mərtəbəli, dörd ulduzlu otel Türkiyənin İstanbul şəhərinin Alemdar məhəlləsi, Başmühasip küçəsi 10 ünvanında yerləşir.

Otel Pərviz Vəliyevin 2015-ci ilin avqustun 24-də İstanbul Ticaret Odasında qeydiyyatdan keçirdiyi PZ GRUP TURİZM İNŞAAT SANAYİ VE TİCARET LİMİTED ŞİRKETİ üzərindən idarə olunur.

Qeyd edək ki, Pərviz Vəliyev Azərbaycandakı PZ ŞİRKƏTLƏR QRUPU-nun rəhbəridir. Ağalar Vəliyev bu şirkət üzərindən plastik pəncərələr istehsal edən fabrikin, betonzavodun və "MƏLƏK” ailə-uşaq əyləncə mərkəzinin sahibidir.

Məlumatı araşdırmçı jurnalist Cavanşir Həsənli yayıb.

Xatırladaq ki, deputat Ağalar Vəliyev "Azəraqrartikinti" Açıq Səhmdar Cəmiyyətinin Müşahidə Şurasının sədridir.

Ağalar Vəliyev eyni zamanda Bakı, Sumqayıt və Abşeronda yaşayış binalarının tikintisi ilə məşğul olan "Kristal Abşeron" MTK-nın da sahibidir.

Deputat yayılan xəbərə mövqe bildirməyib.