 |
|
|
Sumqayıtın "Yaşıl dərə" massivində dayanacaq qoyularkən sakinlər uzun müddətdir yağış və günəş altında avtobus gözləmək əziyyətindən xilas olduqlarını düşündülər, ancaq indi məlum olur ki, bu, sadəcə, ticarət köşküdür.
Xeberle.com-un məlumatına görə, köşkə aid soyuducular və digər əşyalar dayanacağın içinə yığıldığından sakinlərin dayanması üçün orda, demək olar ki, yer qalmayıb.
Dayanacağın ətrafı isə... fotoda göründüyü kimi.
Naxçıvan Muxtar Respublikasının Ali Məclisinin sədri Vasif Talıbova məxsus şirkətlərin qisminin adları açıqlanıb.
AzToday.az xəbər verir ki, jurnalist Heydər Oğuzun açıqladığı siyahıda “Naxçıvan xanı”nın rəsmi şirkətlərinin bir hissəsinin adı var.
Jurnalist “Xan”ın qeyri-rəsmi şirkətlərinin daha çox olduğunu güman edir:
“Təbəələrinə 30 kitab oxumağı tövsiyə edən «Xan» həzrətlərinin rəsmi qeydiyyatdan keçmiş (təbii ki, başqasının adına) şirkətlərinin siyahısı.
Qeyri-rəsmi şirkətlərinin siyahısını isə özü də itirib”.
Şirkətlərin adlarını təqdim edirik:
Ətraflı
1 0200977181 NƏXŞİCAHAN HOLDİNG LTD ŞİRKƏTLƏR QRUPUNUN “SİZİN MARKET” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
2 0200995931 “NƏQŞİCAHAN GROUP ŞİRKƏTLƏR İTTİFAQI” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
3 0201006461 NƏXŞİCAHAN HOLDİNQ LTD ŞİRKƏTLƏR QRUPUNUN “GÖRÜŞ YERİ” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
4 0200979861 NƏXŞİCAHAN HOLDİNQ LTD ŞİRKƏTLƏR QRUPUNUN “DUZDAĞ OTEL” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
5 0201058211 NƏXŞİCAHAN HOLDİNQ LTD ŞİRKƏTLƏR QRUPUNUN “BAZAR GÖLÜ KAFE” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
6 0201058751 NƏXŞİCAHAN HOLDİNQ LTD ŞİRKƏTLƏR QRUPUNUN “MİLLİ YEMƏKLƏR” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
7 1603613221 “CAHAN GROUP” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi AZ1029, BAKI ŞƏHƏRİ NİZAMİ RAYONU, HEYDƏR ƏLİYEV PROSPEKTİ, ev 181 A
8 0201085271 NƏQŞİCAHAN GROUP ŞİRKƏTLƏR İTTİFAQININ “SAAT MEYDANI” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
9 1603772971 “CAHAN INSHAAT” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi AZ1029, BAKI ŞƏHƏRİ NİZAMİ RAYONU, HEYDƏR ƏLİYEV PROSPEKTİ, ev 181 A
10 1306523201 “CAHAN TRIO” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
11 0600551681 NƏXŞİCAHAN HOLDİNQ LTD ŞİRKƏTLƏR QRUPUNUN “N.P.-4” MƏHDUD MƏSULİYYƏTLİ CƏMİYYƏTİ Culfa Rayon Vergilər Şöbəsi AZ7200, CULFA RAYONU, CULFA Ş, TƏBRİZ, ev 5
12 0201170731 “NƏQŞİCAHAN İNŞAAT” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
13 0200989411 NƏXŞİCAHAN HOLDİNQ LTD ŞİRKƏTLƏR QRUPUNUN “NC TRAVEL” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
14 1005990201 “CAHAN RENT” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
15 1600595371 NƏQŞİ-CAHAN XEYRİYYƏ İCTİMAİ BİRLİYİ İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi AZ1029, BAKI ŞƏHƏRİ NİZAMİ RAYONU, HEYDƏR ƏLİYEV PROSPEKTİ, ev 181 A
16 0200291771 NƏXŞİCAHAN HOLDİNQ ŞİRKƏTLƏR QRUPUNUN “TƏBRİZ MEHMANXANASI” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
17 0200341361 NƏXŞİCAHAN HOLDİNQ LTD ŞİRKƏTLƏR QRUPUNUN “N.P.-2” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
18 0200374541 CAHAN -İNŞAAT MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
19 2001161231 “CAHAN LTD” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi AZ1029, BAKI ŞƏHƏRİ NİZAMİ RAYONU, HEYDƏR ƏLİYEV PROSPEKTİ, ev 181 A
20 1302391461 “CAHAN TRAVEL” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
21 3900651501 “CAHAN ELEKTİRİK” MƏHDUD MƏSULİYYƏTLİ CƏMİYYƏTİ 8 saylı Ərazi Vergilər İdarəsi AZ1200, BEYLƏQAN RAYONU, BEYLƏQAN Ş, M.RƏSULZADƏ, ev 108
22 0200555881 “CAHAN SATINALMA” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
23 1501676501 “CAHAN QRUPU” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
24 3100841351 “CAHAN 2011” MƏHDUD MƏSULİYYƏTLİ CƏMİYYƏTİ 2 saylı Ərazi Vergilər Baş İdarəsi AZ5000, SUMQAYIT ŞƏHƏRİ, BƏDƏLBƏYLİ KÜÇ, ev 22
25 1302747921 “CAHAN İDMAN KLUBU” İCTİMAİ BİRLİYİ İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi AZ1029, BAKI ŞƏHƏRİ NİZAMİ RAYONU, HEYDƏR ƏLİYEV PROSPEKTİ, ev 181 A
26 0500061641 NƏXŞİCAHAN HOLDİNQ ŞİRKƏTLƏR QRUPUNUN “SƏDƏRƏK PETROL” MƏHDUD MƏSULİYYƏTLİ CƏMİYYƏTİ Sədərək Rayon Vergilər Şöbəsi AZ7300, SƏDƏRƏK RAYONU, HEYDƏRABAD QƏSƏBƏSİ
27 0200728171 “NƏXŞİCAHAN MED” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
28 0200894281 NƏXŞİCAHAN HOLDİNQ LTD ŞİRKƏTLƏR QRUPUNUN «AĞBULAQ İSTİRAHƏT MƏRKƏZİ » MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
29 2903232601 “CAHAN ENERGY” Məhdud Məsuliyyətli Cəmiyyəti 2 saylı Ərazi Vergilər Baş İdarəsi AZ5000, SUMQAYIT ŞƏHƏRİ, BƏDƏLBƏYLİ KÜÇ, ev 22
30 6401218771 “ARCAHAN LTD” Məhdud Məsuliyyətli Cəmiyyəti 6 saylı Ərazi Vergilər Baş İdarəsi AZ4200, LƏNKƏRAN RAYONU, LƏNKƏRAN ŞƏHƏRİ, ZƏRİFƏ ƏLİYEVA, ev 97A
31 1304070851 “CAHAN SIĞORTA AGENTLİYİ” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
32 2003541031 “ELMİ-CAHAN KURSLARI” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
33 1304295431 “CAHAN SƏNAYE TİCARƏT” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
34 1004237391 “CAHAN TƏCHİZAT QRUPU” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
35 6801303451 “CAHAN A” Məhdud Məsuliyyətli Cəmiyyəti 5 saylı Ərazi Vergilər İdarəsi AZ1800, ŞİRVAN ŞƏHƏRİ, NAXÇIVAN, ev 162
36 5900611781 “CAHAN 21” Məhdud Məsuliyyətli Cəmiyyəti 14 saylı Ərazi Vergilər İdarəsi AZ5700, ŞƏMKİR RAYONU, ŞƏMKİR Ş, HEYDƏR ƏLİYEV PROSPEKTİ, ev 5
37 1305303291 “CAHAN BROKER ” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
38 1002308501 “CAHAN HOLDİNQİ” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
39 0800129161 NƏXŞİCAHAN HOLDİNQ ŞİRKƏTLƏR QRUPUNUN “ŞAHBUZ PETROL” MƏHDUD MƏSULİYYƏTLİ CƏMİYYƏTİ Şahbuz Rayon Vergilər Şöbəsi AZ7100, ŞAHBUZ RAYONU, ŞAHBUZ ŞƏHƏRİ, H.ƏLİYEV
40 0200680041 “CAHAN TİCARƏT” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
41 0200697151 “CAHAN LİZİNQ” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
42 6100534251 “CAHAN SƏNAYE QURAŞDIRMA” Məhdud Məsuliyyətli Cəmiyyəti 12 saylı Ərazi Vergilər Baş İdarəsi AZ2001, GƏNCƏ ŞƏHƏRİ, HEYDƏR ƏLİYEV PROSPEKT, ev 87
43 6401218921 “CAHAN İNŞAAT 2000” Məhdud Məsuliyyətli Cəmiyyəti 6 saylı Ərazi Vergilər Baş İdarəsi AZ4200, LƏNKƏRAN RAYONU, LƏNKƏRAN ŞƏHƏRİ, ZƏRİFƏ ƏLİYEVA, ev 97A
44 2003342601 “CAHAN EXPRESS” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
45 3500433191 “ARCAHAN MOBİLYA” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi AZ1029, BAKI ŞƏHƏRİ NİZAMİ RAYONU, HEYDƏR ƏLİYEV PROSPEKTİ, ev 181 A
46 2003559621 “CAHAN NƏQLİYYAT BAKI MƏRKƏZİ” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi AZ1029, BAKI ŞƏHƏRİ NİZAMİ RAYONU, HEYDƏR ƏLİYEV PROSPEKTİ, ev 181 A
47 6401432911 “CAHAN SERVIS” Məhdud Məsuliyyətli Cəmiyyəti 6 saylı Ərazi Vergilər Baş İdarəsi AZ4200, LƏNKƏRAN RAYONU, LƏNKƏRAN ŞƏHƏRİ, ZƏRİFƏ ƏLİYEVA, ev 97A
48 0200842831 “NƏXŞİCAHAN TƏNBƏKİ tobacco” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
49 2904330561 “CAHAN SƏNAYE AŞD” Məhdud Məsuliyyətli Cəmiyyəti 2 saylı Ərazi Vergilər Baş İdarəsi AZ5000, SUMQAYIT ŞƏHƏRİ, BƏDƏLBƏYLİ KÜÇ, ev 22
50 0200893771 NƏXŞİCAHAN HOLDİNQ LTD ŞİRKƏTLƏR QRUPUNUN «ƏYLƏNCƏ MƏRKƏZİ » MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
51 0200894301 NƏXŞİCAHAN HOLDİNQ LTD ŞİRKƏTLƏR QRUPUNUN «BATABAT RESTORANI » MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
52 1004954301 “CAHAN TELEMARKETİNG” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
53 0800001151 NƏQŞİCAHAN HOLDİNQ LTD ŞİRKƏTLƏR QRUPUNUN BADAMLI MİNERAL SULAR ZAVODU MƏHDUD MƏSULİYYƏTLİ CƏMİYYƏTİ Şahbuz Rayon Vergilər Şöbəsi AZ7100, ŞAHBUZ RAYONU, ŞAHBUZ ŞƏHƏRİ, H.ƏLİYEV
54 0600006291 NƏXŞİCAHAN HOLDİNQ LTD ŞİRKƏTLƏR QRUPUNUN CULFA RAYON “KARBON QAZI ZAVODU” MƏHDUD MƏSULİYYƏTLİ CƏMİYYƏTİ Culfa Rayon Vergilər Şöbəsi AZ7200, CULFA RAYONU, CULFA Ş, TƏBRİZ, ev 5
55 6800051211 CAHAN MƏHDUD MƏSULİYYƏTLİ CƏMİYYƏTİ 5 saylı Ərazi Vergilər İdarəsi AZ1800, ŞİRVAN ŞƏHƏRİ, NAXÇIVAN, ev 162
56 0200034941 CAHAN MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
57 2900229291 NƏQŞİ-CAHAN CÜDO İDMAN KLUBU MƏHDUD MƏSULİYYƏTLİ CƏMİYYƏTİ 2 saylı Ərazi Vergilər Baş İdarəsi AZ5000, SUMQAYIT ŞƏHƏRİ, BƏDƏLBƏYLİ KÜÇ, ev 22
58 1100092011 “CAHAN TERMİNAL” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
59 0200066511 NƏXŞİCAHAN HOLDİNQ LTD ŞİRKƏTLƏR QRUPUNUN “KAFE – GƏNCLİK” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
60 0200067021 NƏXŞİCAHAN HOLDİNQ LTD ŞİRKƏTLƏR QRUPUNUN “N.P.-1” FİRMASI Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
61 8000002111 XOCALI RAYON KƏRKİCAHAN QƏSƏBƏ ABADLAŞDIRMA KOMBİNATI Xocalı Rayon Vergilər Şöbəsi AZ0900, BƏRDƏ RAYONU, BƏRDƏ ŞƏHƏRİ, NİZAMİ, ev 70
62 0700035651 NƏXŞİCAHAN HOLDİNQ ŞİRKƏTLƏR QRUPUNUN ŞƏRUR YANACAQ DOLDURMA MƏNTƏQƏSİ MƏHDUD MƏSULİYYƏTLİ CƏMİYYƏTİ Şərur Rayon Vergilər İdarəsi AZ6800, ŞƏRUR RAYONU, ŞƏRUR Ş
63 6200021551 AZƏRBAYCAN RESPUBLİKASI LAÇIN RAYONU İCRA HAKİMİYYƏTİ BAŞÇISININ PİRCAHAN KƏND İNZİBATİ ƏRAZİ DAİRƏSİ ÜZRƏ NÜMAYƏNDƏLİYİ Laçın Rayon Vergilər Şöbəsi AZ0400, AĞCABƏDİ RAYONU, TAXTA KÖRPÜ
64 8000003031 XOCALI RAYON İHB-NIN KƏRKİCAHAN QƏSƏBƏSİ ÜZRƏ NÜMAYƏNDƏLİYİ Xocalı Rayon Vergilər Şöbəsi AZ0900, BƏRDƏ RAYONU, BƏRDƏ ŞƏHƏRİ, NİZAMİ, ev 70
65 8300107881 CAHAN MƏHDUD MƏSULİYYƏTLİ CƏMİYYƏTİ 6 saylı Ərazi Vergilər Baş İdarəsi AZ4200, LƏNKƏRAN RAYONU, LƏNKƏRAN ŞƏHƏRİ, ZƏRİFƏ ƏLİYEVA, ev 97A
66 4600037421 QUBADLI RAYON İCRA HAKİMİYYƏTİ BAŞÇISININ XOCAHAN KƏND İNZİBATİ ƏRAZİ DAİRƏSİ ÜZRƏ NÜMAYƏNDƏLİYİ Qubadlı Rayon Vergilər Şöbəsi AZ5000, SUMQAYIT ŞƏHƏRİ, MƏH 40, ev 21/A(191C), BAKI KÜÇƏSİ
67 0200153251 NƏQŞİCAHAN JURNALININ REDAKSİYASI MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
68 2900591761 CAHAN MƏHDUD MƏSULİYYƏTLİ CƏMİYYƏTİ 2 saylı Ərazi Vergilər Baş İdarəsi AZ5000, SUMQAYIT ŞƏHƏRİ, BƏDƏLBƏYLİ KÜÇ, ev 22
69 1000560271 “CAHAN BİZNES” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
70 1300726941 “CAHAN SIĞORTA VƏ TƏKRAR SIĞORTA ÜZRƏ BROKER” MƏHDUD MƏSULİYYƏTLİ CƏMİYYƏTİ İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
71 0200206851 “CAHAN TABAK BEYNƏLXALQ” MƏHDUD MƏSULİYYƏTLİ CƏMİYYƏTİNİN (Tütün Məmulatlarının İstehsalı və Satışı) Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
72 0200341511 NƏXŞİCAHAN HOLDİNQ LTD ŞİRKƏTLƏR QRUPUNUN “OTEL QRAND NAXÇIVAN” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
73 0200341491 NƏXŞİCAHAN HOLDİNQ LTD ŞİRKƏTLƏR QRUPU MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
74 0200375181 CAHAN HOLDİNQ KOMMERSİYA ŞİRKƏTLƏRİNİN İTTİFAQI Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
75 0200474841 NƏXŞİCAHAN HOLDİNQ LTD ŞİRKƏTLƏR QRUPUNUN “TİCARƏT MƏRKƏZİ” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
76 2901741601 “NƏQŞİ CAHAN NR” MƏHDUD MƏSULİYYƏTLİ CƏMİYYƏTİ 2 saylı Ərazi Vergilər Baş İdarəsi AZ5000, SUMQAYIT ŞƏHƏRİ, BƏDƏLBƏYLİ KÜÇ, ev 22
77 1604302211 “CAHAN AS COMPNY” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi AZ1029, BAKI ŞƏHƏRİ NİZAMİ RAYONU, HEYDƏR ƏLİYEV PROSPEKTİ, ev 181 A
78 1805646711 “CAHAN HOLDING EM” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
79 0701003621 NƏXŞİCAHAN HOLDİNQ LTD ŞİRKƏTLƏR QRUPUNUN “N.P.-6” MƏHDUD MƏSULİYYƏTLİ CƏMİYYƏTİ Şərur Rayon Vergilər İdarəsi AZ6800, ŞƏRUR RAYONU, ŞƏRUR Ş
80 1805651061 “CAHAN BUSİNESS ŞİRKƏTİ” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
81 1904679821 “CAHAN LTD -CN” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
82 0201257461 “NƏQŞİCAHAN SATINALMA” MƏHDUD MƏSULİYYƏTLİ CƏMİYYƏTİ Naxçıvan Şəhər Vergilər İdarəsi AZ7000, NAXÇIVAN ŞƏHƏRİ, Ə.ƏLİYEV, ev 18
83 0900057971 NƏXŞİCAHAN HOLDİNQ LTD ŞİRKƏTLƏR QRUPUNUN “N.P.-3” MƏHDUD MƏSULİYYƏTLİ CƏMİYYƏTİ Kəngərli Rayon Vergilər Şöbəsi AZ7400, KƏNGƏRLİ RAYONU, QIVRAQ, KƏNGƏRLİ
84 1307317241 “CAHAN ISTEHSALAT” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi AZ1029, BAKI ŞƏHƏRİ NİZAMİ RAYONU, HEYDƏR ƏLİYEV PROSPEKTİ, ev 181 A
85 2906294771 “CAHAN AVTO” Məhdud Məsuliyyətli Cəmiyyəti 2 saylı Ərazi Vergilər Baş İdarəsi AZ5000, SUMQAYIT ŞƏHƏRİ, BƏDƏLBƏYLİ KÜÇ, ev 22
86 1405676641 “CAHAN 22” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi AZ1108, BAKI ŞƏHƏRİ BİNƏQƏDİ RAYONU, ZİYA BÜNYADOV, ev 15
87 8503749121 “CAHAN GROUP CONSULTİNG AND MARKETİNG” MƏHDUD MƏSULİYYƏTLİ CƏMİYYƏTİ 14 saylı Ərazi Vergilər İdarəsi AZ5700, ŞƏMKİR RAYONU, ŞƏMKİR Ş, HEYDƏR ƏLİYEV PROSPEKTİ, ev 5
88 1406091561 “CAHAN MT QRUP” Məhdud Məsuliyyətli Cəmiyyəti İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi AZ1029, BAKI ŞƏHƏRİ NİZAMİ RAYONU, HEYDƏR ƏLİYEV PROSPEKTİ, ev 181 A
Naxçıvan Gömrük Komitəsinin bütün şöbə rəisləri Bakıya iclasa çağırılıblar. Onlar Bakıda 1 gün sorğuya çəkildikdən sonra geri qayıdıblar.
Ovqat.com-un etibarlı qaynaqlardan əldə etdiyi məlumata görə, rəisləri əsasən Naxçıvan gömrüyündəki gizli keçiş qapılarından keçirilən malları araşdırmaq üçün paytaxta dəvət ediblər.
Bildirilir ki, həm Culfa, həm də Sədərək gömrüyündə yalnız Talıbovlara məxsus yükləri daşıyan TIR-ların keçdiyi xüsusi qapı fəaliyyət göstərirmiş. Həmin qapılar o qədər məxfi saxlanılırmış ki, hətta gömrük rəsmiləri belə həmin əraziyə daxil ola bilmirmiş. Təbii ki, gömrük rəsmiləri də Bakıda çəkildikləri sorğuda müfəssəl məlumat verə bilməyiblər. Məhz bu səbəbdən Naxçıvan sərhəd qoşunlarının birbaşa Bakıya tabe olunmasına qərar verilib və yəqin ki, onlar da sorğuya cəlb olunacaqlar.
İddialara inansaq, Azərbaycanın müvafiq orqanları Naxçıvan gömrüyündəki «xan qapısı»ndan Türkiyəyə və İrana keçirilən malların nədən ibarət olduğunu aydınlaşdırmaq üçün hər iki dövlətə sorğu göndərməyə hazırlaşır.
Deyəsən, «Qara Pişik» kod adlı mənbəmizin 1 həftə əvvəl bizə verdiyi məlumatlar öz təsdiqini tapır: «Görünən budur ki, «xan»ın da, onun baş gömrükçüsü Səhət Həbibbəylinin də işi həqiqətən fırıqdır».
Xüsusilə Səhət Həbibbəylinin taleyi olduqca qaranlıq görünür. Qonşu dövlətlərə göndərilməsi planlaşdırılan sorğuların cavabı onun taleyini müəyyənləşdirəcək. Hətta o da mümkündür ki, atasının qızıl yumurtalayan qələmi belə Səhəti qoruya bilməsin.
Digər bir məlumata görə, «xan qapısı»ndan ən çox mal keçirən «Cahan» Holdinqin prezidenti Vüqar Abbasov dindirilmə prosesinə cəlb olunub.
Azərbaycanda şam ağacları niyə quruyur? - Mütəxəssislər müzakirə etdi (FOTOLAR)Dövlət Ekoloji Ekspertiza Agentliyində son illərdə ölkə ərazisində şam ağaclarının qurumasının səbəbləri mövzusunda tədbir keçirilib. Agentliyin əməkdaşlarının, alimlərin, mütəxəssislərin, müstəqil ekoloqların iştirakı ilə keçirilən tədbirin məqsədi şam ağaclarının kütləvi qurumasını törədən amillərin, bu hallara qarşı mübarizə üsullarının, həmçinin aparılan tədqiqat və monitorinq işlərinin nəticələrinin müzakirəsi olub.
Dövlət Ekoloji Ekspertiza Agentliyinin İdarə Heyətinin sədri Mirsalam Qənbərov bildirib ki, dünya ölkələrində şam ağaclarında müşahidə edilən bu proses 30 ildən çoxdur ki, davam etməyinə baxmayaraq Qafqaz bölgəsində 3 il əvvəl qeydə alınıb və bu gün Respublika ərazisində bu xəstəliyə qarşı xüsusi mübarizə tədbirləri aparılır.
"Əvvəlki illərə nisbətən şam ağaclarının qurumasının kütləvi hal alması səbəbindən Ekologiya və Təbii Sərvətlər və Kənd Təsərrüfatı Nazirlikləri, AQTA, Bakı şəhər İcra Hakimiyyəti və Yaşıllaşdırma İdarəsinin mütəxəssisləri, alimlərdən ibarət işçi qrup yaradılıb. İlkin araşdırmalardan sonra ağaclarda yaranan xəstəlik və parazitlərin yaranması səbəbindən onların bioloji inkişafdan qaldığı aydın olub”.
Mirsalam Qənbərovun sözlərinə görə, xəstəliyin torpağa, ətraf mühitə və digər ağaclara keçməsinin qarşısının alınması üçün xəstə, quru ağaclar yerindən çıxarılır, Yaşıllaşdırma İdarəsi tərəfindən müvafiq dərmanlama, sanitar işlər aparılır. Bu hal Gürcüstanda da baş verib.
Meşələrin İnkişafı Xidmətinin Meşəbərpa şöbəsinin müdiri Vahid Fərzəliyev qeyd edib ki, bu sahədə yaradılmış işçi qrup əsasən yaşı 40-45 il olan şam ağaclarında müşahidə olunan xəstəliklərin aradan qaldırılması ilə bağlı tədqiqat və monitorinqlər aparır. Ümumilikdə isə payız mövsümündə xəstə ağacların müalicəsi ilə bağlı profilaktik tədbirlər görülür. Nümunə olaraq, təkcə Xəzər rayonu, Mərdəkan qəsəbəsi ərazisində aparılan monitorinqlər zamanı ziyanvericilərlə sirayətlənərək köküstə tam qurumuş vəziyyətdə aşkarlanan 69 ədəd ağac (67 ədəd Şam və 2 ədəd Sərv ağacı) digər ağaclara yoluxmanın qarşısının alınması məqsədilə və hər birinin əvəzinə yeni tinglərin əkilməsi şərtilə köklərinin torpaqdan çıxarılaraq götürülməsi barədə Dövlət Ekoloji Ekspertiza Agentliyi tərəfindən rəy verilib.
Sözügedən monitoriqnlərdə iştirak edən Bilogiya elmlər doktoru Dilzarə Ağayeva qeyd edib ki, dövlət qurumlarını, ictimaiyyəti və sakinlərimizi ciddi narahat edən bu məsələ ilə əlaqədar Bakı Şəhər İcra Hakimiyyətində bir sıra aidiyyəti qurumların nümayəndələrinin, alim və mütəxəssislərin iştirakı ilə müşavirə və görüşlər keçirilib, Bakıya xarici ölkələrdən alimlər, həmçinin BMT Ərzaq və Kənd Təsərrüfatı təşkilatının mütəxəssisləri dəvət edilib. Bakı şəhərində şam ağaclarında müşahidə edilən xəstəliklərin aradan qaldırılması məqsədi ilə tədqiqat işləri üçün xüsusi olaraq İsraildən
paytaxta dəvət edilən bitkiçilik üzrə mütəxəssis, arqonom Qabriel Eliazz artıq paytaxtın bir çox yerlərində xəstə şam ağaclarının vəziyyəti ilə tanış olub, onların müxtəlif hissələrindən nümunələr götürərək analizlər aparıb, xəstə ağacların müalicəsi və profilaktikası, kütləvi qurumanın qarşısının alınması ilə bağlı tədbirlər planı hazırlayıb.
Bilogiya üzrə fəlsəfə doktoru İlhamə Kərimovanın sözlərinə görə, mürəkkəb landşaft və quru iqlimə malik Bakı şəhərinin bəzi ərazilərində şam ağaclarının bir hissəsi sürətlə yayılan göbələk xəstəliyinə tutulub. Bu kimi hallar tək ölkəmizdə deyil, qonşu ölkələrdə də geniş yayılıb. Abşeronun iqlimi üçün əlverişli olan bu ağaclarda göbələk xəstəliyin fəsadlarının aradan qaldırılması, xəstəliyin başqa ağaclara keçməsinin qarşısının alınması və yaşıllıq sahələrinin qorunması üçün Dövlət Ekoloji Ekspertiza Agentliyinin mütəxəssislərinin rəyi əsasında xəstə, qurumuş ağaclar çıxarılaraq utilizasiya olunmalı və eyni zamanda digər ağacların qorunması üçün onlar tərkibində mis olan xüsusi dərman preparatları ilə dezinfeksiya edilməlidir.
"Milli Ekoloji Proqnozlaşdırma Mərkəzi”nin sədri, ekoloq Telman Zeynalov bu problemlə əsas mübarizə vasitəsi kimi bioloji metodlardan - xüsusən ziyanverici həşəratlarla səmərəli mübarizədə geniş istifadə olunan feremonlar barədə söz açıb və kimyəvi mübarizəni tətbiq edilməli olan ən sonuncu üsul kimi qiymətləndirib. Həmçinin aqrotexniki qulluğa, xüsusən suvarmaya xüsusi diqqət ayrılmalı olduğunu xatırladıb.
Bakı Şəhər Yaşıllaşdırma Təsərrüfatı Birliyinin şöbə müdiri Şaiq Vəliyev bildirib ki, aidiyyatı qurumlarla birgə paytaxtın bütün rayonlarında genişmiqyaslı tədbirlərin həyata keçirilməsinə başlanılıb. Bununla bağlı xəstə, qurumuş, utilizasiya ediləcək ağacların siyahısı hazırlanır və mərhələli şəkildə bu işlər tərəfimizdən həyata keçirilir. Utilizasiya edilən ağacların yeri dezinfeksiya edildikdən sonra mövsüm ərzində burada yeni ağaclar əkiləcək. Bu günə kimi artıq Bakı şəhərində 3 min ədəd şam ağacı götürülərək utilizasiya edilib.
Çıxış edənlər vurğulayıblar ki, artıq bir müddətdir ki, Abşeron yarımadasında, həmçinin Gəncə, Şirvan, Naftalan, Mingəçevir və digər şəhərlərində də şam ağaclarının bir sıra növlərinin quruması hallarının qurması hallarının qarşısını almaq məqsədilə xüsusi mübarizə metodları hazırlanıb və birgə səylər, düzgün elmi yanaşma nəticəsində bu problemin qarşısının alınması mümkün olacaq.
Telejurnalist, hazırda informasiya portallarından birinin əməkdaşı Elmir Muradovdan şikayət daxil olub.
DİA.AZ-ın məlumatına görə, KONKRET.az-a müraciət edən jurnalist bildirib ki, ölkə yenilənir, amma “Aztelekom” hələ də köhnə ənənələrlə işləyir:
“Şəhər telefonumuzun balansında 11 manat pul qalıb, internet xətti isə borca görə bağlanıb. ATS-ə zəng etmişəm ki, 11 manatı internetin balansına keçirin ki, 7 manat da ödəyim internet açılsın. ATS-dəki xanım işçi aparatın digər tərəfində nəsə yeyə-yeyə, marçıldada-marçıldada, kobud formada qayıdır ki, sistem bunu bu gün etməyə imkan vermir, yalnız 1-ci günə kimi etmək mümkün olacaq. Etiraz edirəm, səbəbini soruşuram, yenə kobud formada deyir ki, “a kişi bilirsən nə var, sözün varsa get müdiriyyətə denən”. Bir sözlə xidmət sıfır, işçilərin mədəniyyəti isə sıfırdan da aşağı”.
Lakin bu hələ son deyil. “Aztelekom”dan jurnalistə bildiriblər ki, 11 manat balansı internet xəttinə köçürmək üçün nömrə sahibi şəxsiyyət vəsiqəsi ilə aidiyyatı üzrə telefon qovşağına yaxınlaşmalıdır. Pul yalnız bu halda köçürülə bilər:
“Təsəvvür edin 11 manata görə abonent işini-gücünü atmalı, minimum 2 manat da nəqliyyat pulu xərcləməli və qovşağa getməlidir. Bu nə xidmətdir, bu nə vətəndaşa qulluqdur, avropalılar, amerikalılar Marsda yeni həyat qurur, su axtarır, yeni kəşflər edir, bizsə hələ də bürokratik əngəllərin burulğanında boğuluruq. Nə vaxt bitəcək belə bürokratik əngəllər, nə vaxt bizim dövlət qurumlarının xidmətindən ürəyimiz açılacaq, bitməyəcəkmi “qara günlərimiz?!”, – deyə jurnalist şikayətlənib.
“Prokurorluq ki, bir çox media nümayəndələrinə xəbərdarlıq etmişdi, mən onda da öz fikrimi bildirdim. Bunun qəbuledilməz bir hal olduğunu dedim. Prokurorluq “Media haqqında” qanuna istinad edə bilməz. Çünki “Media haqqında” qanunda o xəbərdarlıqlar Media Agentliyinə həvalə olunub”.
“Unikal” xəbər verir ki, bu barədə Mətbuat Şurasının sədri Rəşad Məcid “Amerikanın səsi”nə müsahibəsində deyib. R. Məcid bildirib ki, bununla yanaşı, hüquqi məsuliyyət yaradan hallar var: “Amma, müəyyən başqa qanunlarda, Azərbaycan qanunvericiliyində internet məkanında, digər məkanlarda hüquqi məsuliyyət yaradan hallar var. Bununla bağlı prokurorluq xəbərdarlıq edə bilər. Amma, “Media haqqında” qanuna istinadən hansısa jurnalistə xəbərdalıq etmək prokurorluğun səlahiyyətinə daxil deyil. Bunu Media Agentliyi etməlidir. Biz də Mətbuat Şurası olaraq etik prinsiplərin pozulduğu zaman öz münasibətimizi bildirəcəyik. Biz onun tərəfdarıyıq ki, Media Agentliyi və Mətbuat Şurası bu məsələlərdə əsas rol oynasın. Hüquq mühafizə təşkilatları bu məsələyə qarışmasınlar və medianın problemlərini media özü həll etsin”.
Deputat Elnur Allahverdiyevə məxsus olduğu deyilən "Kontakt Home" mağazalar şəbəkəsi ilə bağlı davamlı olaraq şikayətlər eşidilsə də, tədbirsizlik müşahidə olunur ki, bu da haqlı olaraq sözügedən şəbəkənin arxasında dayanan MANDATIN GÜCÜ ilə əlaqələndirilməkdədir.
Bizlər isə DİA.AZ olaraq hətta tədbirsizliyə rəğmən vətəndaş gileylərini təqdimatını davam etdiririk ki, bəlkə nəhayətdə yatmış vicdanlar oyana... Aşağıda təqdim edəcəyimiz faktda isə "Müştəriyəm Şikayətçiyəm" sosial qrupundakı paylaşımında Leyli Əliyeva adlı istifadəçi başına gələn olayı yazmaqla bərabər, "Kontakt Home" şirkətini məhkəməyə verəcəyini də bəyan edir.
Narazı vətəndaşın yazdıqlarını olduğu kimi - redaktə olunmadan və hərif səhvləri düzəlmədən təqdim edirik (QEYD: dəfələrlə olub ki, şikayətçilər redaktə olunmuş təqdimatlarımıza etiraz ediblər -red.):
"Sikayetim Kontakt Home -dandir.08.10.2022-ci il tarixde qaynanam magazadan paltaryuyan masin alib.Usta qurasdirmaga gelende masinin islenmis oldugunu gormusuk.Tebiiki qaytarmaq ucun magazaya yaxinlasib iradimizi bildirdikden,uzun ceken mubahiseden sonra qaytarilmaya razilasiblar.Magaza emekdaslari mehsulun outletden alindigini,qaynanamin bunun islenmis mehsul oldugunu bilmeli oldugunu deselerde men melumat verilmediyini bildirdim.İslenmis oldugunu bilse elbetki almazdi.İndi bu berbad magazalar sebekesinin emekdaslari evimizle magaza arasinda 1 km mesafeye mehsulu geri qaytarmaq ucun 40 azn odenis teleb edirler bizden eks halda mehsullarin goturmeyeceklerin deyiller.Ne dasinma ucun,ne de mehsulun qiymetini odemek fikrim yoxdu,mehkemede gorusecem onlarnan.Yaziramki bunlarin "outlet" firildaqlarindan melumatiniz olsun,aldanmayasiniz.Qaynanamin yasli insan olmagindan,gozunun zeif gorduyunden istifade edib islenmis mehsulu endirimde olan teze mehsul kimi satiblar.Basqalari aldanmasin..."
İddia olunanlarla bağlı dia.az olaraq qarşı tərəfi də dinləməyə hazırıq...
DogruXeber.az: - Hər bir ölkənin təhsil sahəsində əldə etdiyi inkişafın göstəricisi, təlim-tərbiyə prosesində tətbiq olunan yeniliklərin varlığı və s. daim diqqət mərkəzində duran məsələlərdən biri olub. Unutmaq olmaz ki, təhsil sahəsi ölkələrin siyasi-iqtisadi, sosial və mədəni inkişafını müəyyən edir, yeni qurulmuş cəmiyyətin mənəvi dəyərlərini formalaşdırır. Belə bir səbəbdən də, daha çox suveren dövlətlərdə təhsilin inkişafına xüsusi önəm verilir. Ona görə də, ölkəmizin təhsil sahəsində əmələ gələn problemləri aradan qaldırmaq, daha uğurlu naliyyətlər əldə etmək üçün Azərbaycan Respublikasının Prezidenti İlham Əliyev cənabları 19 iyun 2009-cu il tarixdə “Təhsil haqqında” Qanunu təsdiq etmişdir. O halda sual oluna bilər ki, görəsən ölkəmizin təhsil sahəsində çalışan hər kəs, ələlxüsus vəzifə sahibi olan şəxslər ölkə Prezidenti tərəfindən təsdiq olunmuş “Təhsil haqqında” Qanunun lazımi tələblərini yerinə yetirirlərmi? Yoxsa, həmin Qanunun əhəmiyyətinə heç bir halda məhəl qoymurlar? Adicə bir faktı qeyd edək ki, bu yöndə media üzərindən apardığımız araşdırmalardan, redaksiyamıza daxil olan məlumatlardan aydın olur ki, vaxtilə Sumqayıt təhsilinə rəhbərlik etmiş, hal-hazırda isə Abşeron-Xızı Regional Təhsil İdarəsi Sumqayıt şəhər sektorunun müdiri vəzifəsini daşıyan Arzu xanım Alızadə, məhz ötən illərdəki fəaliyyəti dövründə elə bir qanunsuzluqlara imza atır ki, baş verənləri görüb eşidən hər kəs ya “kar”, ya da ki, “kor” olub. Toxunacağımız mövzu da oxşar problemlərlə bağlı olduğundan, baş verənləri bu gün geniş ictimaiyyətin diqqətinə çatdırmağı, sanki özümüz üçün borc bildik.
Məlumdur ki, hər bir şəhər və rayonda olduğu kimi, bir neçə gün bundan öncə Sumqayıt şəhərinin orta təhsil müəssisələrində də 1-ci sinif rus sektoruna şagirdlərin qəbulu zamanı, Sumqayıt şəhər sektorunun əməkdaşlarından ibarət təşkil olunmuş komissiyanın iştirakı ilə müsabiqə-imtahanlar keçirilirdi. Qeyd edək ki, sektorun metodisti Günay xanım da təşkil olunmuş komissiyanın üzvü olur. Daxil olan məlumatlara görə keçirilən müsabiqə-imtahanlar zamanı ona digər metodistlər Nərmin və Ülviyyə xanım, həmçinin sabiq şöbə müdiri Arzu xanım Alızadə valideyinlərdən pul alıb şagird tapşırırlar. Sonra bəlli olur ki, sabiq şöbə müdiri valideyinlərdən aldığı pulları bir kimsəyə vermir və o, əldə etdiyi pulları təkbaşına mənimsəmək üçün, məhz ŞİH-nin məsul şəxslərinin, ələlxüsus Fəzail müəllimin adından sui-istifadə etmək qərarına gəlir. Elə ki, baş verən belə bir qanunsuzluq əməlləri araşdırılır, o zaman o, “Mən ŞİH-nin məsul şəxslərinin tapşırıqları əsasında xahişlər etmişəm” deyir. Yəni, Arzu xanım Alızadə bununla onu sübut etmək istəyir ki, guya o, hansısa valideyindən pul almayıb. Bu da “gopalogiya”dan başqa bir şey olmur. Metodistlər Nərmin və Ülviyyə xanım isə, valideyinlərdən əldə etdikləri pulları əvvəlcədən əldə olunmuş razılıq əsasında komissiyanın üzvü Günay xanımla bölürlər.
Xeberfakt.az xəbər portalına daxil olan digər məlumatlara görə, keçirilən müsabiqə-imtahanlar zamanı hər şagirdin valideyni 250 manat məbləğində “xərcə salınır”. Elə ki, qol qoyulan belə bir qanunsuzluq əməlləri ilə bağlı Abşeron-Xızı Regional Təhsil İdarəsinin rəisi İlhamə xanım Abdullayeva lazımi məlumatları əldə edir, o halda o, bu işin araşdırılmasını müavini Coşqun müəllimə həvalə edir. Həngamələrlə bağlı komissiyanın üzvü Günay xanıma o, bir neçə sual verir. Az sonra o da bəlli olur ki, daxil olan məlumatların hər biri tamamilə düz, dəqiq məlumatlardır. Bundan sonra Sumqayıt şəhər sektorunun “əlçatmaz, ünyetməz” müdiri Arzu xanım Alızadənin başı üzərində “qara buludlar” dolaşmağa başlayır. Çünki, idarənin rəisi İlhamə xanım Abdullayeva baş verənlərlə bağlı şəhər sektorunun rəhbərindən yazılı izahat tələb edir. O halda Arzu xanım “Mənim belə bir işlərdən xəbərin olmayıb, komissiyanın üzvləri başımın üstündən iş görüblər. Mən cəmi onlara 5 nəfər şagird tapşırmışam ki, həmin şagirdləri müsabiqə-imtahanlardan keçirin” deyir. Şəhər sektoru rəhbərinin belə bir açıqlamasından sonra, Coşqun müəllimə ona “Günah birbaşa səndədir, çünki sən rəhbərsən” cavabını verir.
Baş verən belə bir qanunsuzluq olaylarından sonra o da bəlli olur ki, hələ də Sumqayıt şəhər sektorunun müdiri Arzu xanım Alızadənin dərrakəsindən, məhz köhnə idarəçiliyin, köhnə təfəkkürün, köhnə yanaşmaların elementləri heç də xilas ola bilməyib. Ona görə də o, bu kimi məsələlərlə bağlı mövqeyini belə bir formada ifadə edir. Adicə bir məqama da diqqət yetirək ki, 44 günlük Vətən savaşının davam etdiyi günlərdə və ondan sonrakı vaxtlarda cənab Nazir tərəfindən TŞ-nin bütün müdirlərinə vakant iş yerlərinin ilk növbədə şəhid ailələrinə, qazilərə, onların ailələrinə, veteranlara verilməsi ilə bağlı lazımi tapşırıqlar verilir. Arzu xanım isə Nazirin bu yöndə verdiyi tapşırıqlara əvəz etmək əvəzinə o, düşünüb-daşındığı addımlarını atır. Məsələn, o, vəzifəsinin səlahiyyətlərindən sui-istifadə edir və təkcə müharibə dövründə Sumqayıtdakı təhsil müəssisələrinə müəyyən məbləğ “haqq-hesab”ın qarşılığında 8 nəfər şəxsi “zavuç” təyin edir. Bundan əlavə o, 7 nəfər qeyri-ixtisas sahibi olan şəxsləri də müəyyən məbləğ “haqq-hesab”ın müqabilində ayrı-ayrı məktəblərə psixoloq təyin edir. Baxmayaraq ki, belə bir addımın atılması birbaşa “Təhsil haqqında” Qanunla qadağan olunur. Bu da onu sübut edir ki, Arzu xanım Alızadə üçün Qanunun istənilən tələbi o qədər də əhəmiyyətli deyil.
Sumqayıt şəhər sektorunun xanım müdirinin qol qoyduğu qanunsuzluqlardan biri də, məhz onun doğma qardaşının həyat yoldaşını 4 saylı məktəbə laborant vəzifəsinə, başqa bir qohumunu isə 2 saylı məktəbdə eyni vəzifəyə təyin etməsi olur. Düzdür, o, çox keçmir ki, qardaşının həyat yoldaşını 4 saylı məktəbdən 25 saylı məktəbə “transfer” etməyi bacarır. Daxil olan məlumatlarda o da bildirilir ki, Arzu xanım şöbə müdiri olan vaxtlarda daşıdığı vəzifəsinin imkanlarından daim sui-istifadə edir və özünə bağlı olan şəxsləri daha çox 1, 25, 24, 3, 17, 12, 32, 33 saylı məktəblərə, hətta “Təfəkkür” liseyinə də yerləşdirir. O, belə bir yolla, yəni həmin şəxslərin vasitəsilə “minbir oyun” qaydaları qurur, hətta hansı direktorla problemi əmələ gəlibsə, həmin şəxslərdən istifadə edib direktora qarşı şər-böhtan kompaniyası həyata keçirir, “torba tikdirir”, daha çox var-dövlət qazanmaq üçün yuxarı sinif şagirdlərinin dərsdən yayınmalarına şərait də yaradır. Bu gün Arzu xanım Alızadə lazımınca səlahiyyət sahibi olmasa da, o, yenə də dədə-baba idarəçiliyinin incəliklərindən əl çəkmək niyyətində deyil. Çünki, o, bu gün sektor müdiri olduğu üçün məktəb direktorları, bağça müdirələri arasında müəyyən şaiyə xarakterli məlumatlar yaydırır ki, guya o, yoxlamalar təşkil etdirəcək, sözə baxmayanlara cəza verdirəcək. Yəni, fakt ondan ibarətdir ki, bu cür idarəçiliyin tətbiqi Arzu xanımın məfkurəsinə o qədər hopub ki, bu gün də o, köhnə idarəçiliyinin tətbiqindən əl çəkmək niyyətində deyil. Yəni, bu xanımın başlıca məqsədi hansı yolla olursa-olsun pul qazanmaqdır, var-dövlət əldə etməkdir.
Baş verənləri təhlil edib belə qənaətə gəlmək olar ki, görəsən Abşeron-Xızı Regional Təhsil İdarəsinin rəisi İlhamə xanım Abdullayeva, Sumqayıt şəhər sektorunun “əlçatmaz, ünyetməz” müdiri Arzu xanım Alızadənin əməllərinə göz yumacaq, yoxsa ona “dur, zaman çoxdan keçib” deməyi bacaraqcaq? İnanırıq ki, sektor müdirinin bugünə kimi qol qoyduğu əməllər lazımi səviyyədə araşdırılarsa, o halda hər kəs analoqu olmayan cinayət hadisələrinin də şahidi olacaq. Odur ki, həm gözləyək, həm də izləyək. Yazıda adı çəkilən hər kəsin mövqeyini dinləyə bilərik.
Hörmətli oxucular! Bu yöndə araşdırmamız davam edəcək. Yəqin ki, çox yaxın günlərdə geniş ictimaiyyəti şoka salabiləcək yeni məlumatlarla da məlumatlandıracağıq. Bizi izləyin!
Xeberfakt.az
Deyəsən, millətə quzu əti yeməməyi məsləhət görüb ətin bahalaşmasını əsaslandırmağa çalışan, ölkədə firavan həyatın varlığını sübutlamaq üçün vətəndaşın evindəki məişət texnikalarını nümunə kimi göstərən deputatlarımızın QAFA TƏRZİNƏ nazirlərimiz də ayaq uydurmağa başlayıb. DİA.AZ bildirir ki, hər halda, Azərbaycanın gənclər və idman naziri Fərid Qayıbovun son paylaşımını başqa cür qəbul etmək olmaz...
Göründüyü kimi, Qırğızıstanın səfər etdiyi 61-ci ölkə olduğunu qeyd edərək, kimin nə qədər ölkədə olduğunu soruşurmuş kimi sosial-sorğu keçirən nazirimiz də yəqin ölkə əhalisinin böyük əksəriyyətinin nəinki Biləcəridən o yana getməməsindən, hətta evinin qapısından çıxa bilməsi üçün cibində pulunun olmamasından xəbərsizdir. Hər halda, bunun başqa adı yoxdur...
Qeyd edək ki, faktı diqqətə çatdıran tanınmış jurnalist Cavanşir Həsənli özü nazirin məzəsinə aşağıdakı şərhi verib:
"Gənclər və idman nazirimiz Fərid Qayıbov bekarçılıqdan facebookda sorğu keçirir. Lütfən aktiv iştirak edin..."
P.S.....
Payız-qış mövsümündə infeksion və xroniki xəstəliklərin artması dərmana olan tələbatı artırır. Ölkədə isə ciddi problemlərdən biri də dərman qıtlığı ilə bağlıdır. Fərqli dövrlərdə məsələnin həlli istiqamətində xarici şirkətlərin Azərbaycanda zavodlar açacağı, dərman bazarını zənginləşdirmək üçün müxtəlif ölkələrlə ticarət əlaqələrinin genişləndiriləcəyi barədə fikirlər səsləndirilsə də, belə görünür ki, ortada hələ də nəticə yoxdur.
Azərbaycana dərman ixrac edən Rusiya və Ukrayna arasında müharibənin uzun müddət davam etməsi isə əhali üçün vəziyyəti daha da qəlizləşdirib. Azərbaycana dərman idxalını həyata keçirən Ukraynanın əczaçılıq sənayesində infrastruktur problemləri var. Bu vəziyyətin ölkədə dərman defisitinə gətirib çıxarması gözlənilən idi, o səbəbdən alternativ bazarlar tapmalı idik. Çünki bu müharibənin nə vaxt bitəcəyi, Ukraynada bu infrastrukturun nə vaxt bərpa olunacağı, onun sonrakı statusunun necə olacağı bəlli deyil. Vəziyyət gündən-günə pisə doğru gedir. Ekspertlərə görə, dərman biznesi ayrı-ayrı qrupların monopoliyasında olduğundan vəziyyətin düzəldilməsi qəlizdir. İndiki vəziyyətdə dərman qıtlığı təkcə müharibə ilə əlaqədar deyil, problemin kökü daha dərindir. Ölkədə dərman monopoliyası var. Biznesmenlərə, imkanlı şəxslərə imkan verilmir ki, müstəqil şəkildə dərman preparatlarını Çin, Hindistan kimi ucuz istehsalçılardan alsınlar.
Parlamentin son iclasında bu məsələ müzakirə olunub. Rüfət Quliyev deyib ki, “Adrenalin” adında dərmanın olmaması səbəbindən cərrahiyyə əməliyyatı dayandırılıb. “Bu gün hansısa işbazlar 1 manatlıq olan bu dərmanı 100-150 manata satırlar”.
Milli Məclisin Səhiyyə komitəsinin sədr müavini Rəşad Mahmudov bu problemin mövcudluğunu təsdiqləyib: “ Bu problemlər nəinki bizim ölkədə, MDB məkanında bütün ölkələrdə yaşanır. Bir ay içərisində Rusiya və Ukraynadan gəlməyən dərmanların Türkiyədən gətirilməsi asan deyil. Çünki dərmanların xarici ölkədən gətirilməsi və lisenziyalaşdırılması məsələsi yenə də mürəkkəb olaraq qalır”.
Səhiyyə Nazirliyindən bildirilib ki, istənilən şirkət dərmanları maneəsiz olaraq ölkəyə gətirə bilər: “Bizim laboratoriyada ekspertizadan keçdikdən sonra ölkə ərazisində satışına icazə verilməsi üçün heç bir maneə yoxdur. O ki qaldı "niyə apteklərdə yoxdur və niyə gətirilmir" sualına cavab olaraq bildirildi ki, bu məsələ nə Səhiyyə Nazirliyi, nə də Analitik Ekspertiza Mərkəzinin səlahiyyətinə aid deyil. Belə ki, dərmanları ölkəyə özəl şirkətlər gətirir". Dərman monopoliyasına qarşı nə etməli? Azərbaycanda niyə dərman sənayesi inkişaf etmədi?
İqtisadçı ekspert Xalid Kərimli dedi ki, ötən il Azərbaycana 21 566 ton dərman gətirilib, bunun dəyəri 408 milyon 633 dollar olub: “Bu, 408 milyonluq dəyərdə Rusiyanın payı 6.9 faizdir. Ukraynanın payı isə 4.3 faizdir. Əsas dərmanı gətirdiyimiz ölkələr Rusiya, Ukraynadan başqa Türkiyədir. Azərbaycana təqribən 19.1 faiz dəyərində dərman Türkiyədən gətirilir. Belarus 2.3 faiz, Almaniya 9.3 faiz, Fransa 8 faizdir. Hindistan 6.6 faizdir. İtaliya 5.8 faizdir. Çin cəmi 1.5 faizdir. Amma dərmanların çəkisinə baxanda birinci yerdə Rusiya gəlir. Rusiyadan və Ukraynadan gələn dərmanlar daha ucuzdur. Bunun da əsas səbəbi odur ki, logistika baxımından dərmanlar Rusiyadan daha rahat gətirilir. Daha dəyərli dərmanları isə təyyarə ilə dünyanın bütün ölkələrindən gətirmək olur. Ukraynadakı vəziyyət ortadadır, artıq 8 aydan çoxdur bu vəziyyət davam edir. Amma Səhiyyə Nazirliyinin də bu sahədə tədbir görməməyi ortadadır. Dərman gətirmək o qədər də asan məsələ deyil. Düzdür, Səhiyyə Nazirliyi çox rahat şəkildə deyir ki, dərmanları özəl şirkətlər gətirir. Amma dərman kartof , ya da qarpız, avtomobil deyil ki, özəl sektor bunu rahat şəkildə götürüb gəlsin. Bunun üçün dərmanların təsdiq edilməsi lazımdır. Bu işlə məşğul olan şirkətlərin lisenziyalaşdırılmış olması lazımdır. Dərmanların hər birinin tərkibi, uyğunluğunu Səhiyyə Nazirliyinin müvafiq qurumları təsdiq etməlidir. Avtomatik olaraq Səhiyyə Nazirliyinin burada böyük səlahiyyətləri ortaya çıxır. Hansısa qruplar isə dərmanlar üzrə bazarı öz aralarında bölüşdürür. Monopoliya olma ehtimalı bu sahədə böyükdür. Burada da məmurların rolu daha artıqdır. Səhiyyə Nazirliyi nə etməlidir? Bir az operativ fəaliyyət göstərməli idi, baş verə biləcək bu problemləri qarşılamaq üçün gözləməməli idi ki, Ukraynadan dərman alan şirkətin dərmanı qurtarsın, o da buna reaksiya versin. İdarəetmənin əsas o ağıllılığı problemi qabaqcadan görüb həll etməsidir. Bunu cəmiyyət hiss etməsin. Problemi həll etmək üçün dərmanları əhaliyə baha qiymətə satmaq da çıxış yolu deyil. Təcili surətdə digər dərman şirkətlərinin nümayəndələri ilə görüşüb bu dərmanların alternativ bazarlardan sürətli gəlişi, yoxlanması, təsdiqi proseslərini operativ həll etmək lazımdır. İkincisi, ümumi bazarı tənzimləmək üçün dərman biznesində müəyyənləşdirilmiş qruplar arasında monopoliyanın aradan qaldırılması üçün yeni oyunçuları bura cəlb etmək lazımdır. İmkan vermək lazımdır ki, digər şəxslər də bununla məşğul ola bilsin. Bu bazarda həm dərman bolluğunu artıracaq, həm də qiymətlərin tənzimlənməsinə gətirib çıxaracaq. Burada məsələ ondan ibarətdir ki, qiymətləri tənzimləyən qurum Tarif Şurasıdır. 10 mindən çox dərman var ki, onların qiymətini Tarif Şurası müəyyənləşdirir. Bazara sərbəstlik, imkan verilməlidir ki, özü tənzimlənsin, bu zaman dərmanlar da ucuzlaşa bilər”.
Azərbaycan Tibb Universitetinin farmakologiya kafedrasının dosenti, professor Aydın Əliyev dedi ki, əsas məsələ dərmanların keyfiyyətidir: “Camaat deyir, həkimə getdim, müalicə olunmadım. Soruşan yoxdur ki, axı bu dərmanı həkim gətirməyib?! Təbii ki, mən də istəyirəm ki, həmin dərman zavodları tez açılsın. Çox sevinərdik ki, dərman sənayesi işə düşsün. Burada iki məsələyə diqqət edilməlidir. Birincisi, Azərbaycanın özündə hansı bitkilərdən təbii dərmanları ala bilərik. Dərman sənayesi üzrə yerli istehlakçıların yerli məhsul istehsal etməsi, həm də yeni iş yerlərinin açılması deməkdir. Dərman istehsalı böyük sənayedir. Burada alimlər, bioloqlar, mühəndis, baytar, aqronom, kimyaçı, bir sözlə, hamı iştirak edir. Görün nə qədər yeni iş yerləri deməkdir. Bu, dövlətin problemidir, təbii ki... Bunlar həll olunmalıdır. Rəqabət sistemi qurulmalıdır. Rəqabət olmayanda ayrı-ayrı işbazlar istənilən sahəni ələ alırlar. Yoxsa bir, ya da beş nəfərdən asılı vəziyyətə düşürük”.
Farmakoloq dərmanların keyfiyyəti məsələsinə də toxunub: “Mən dərmanlara canlı varlıq kimi baxıram. Dərmanın keyfiyyətsizi o deməkdir ki, o dərmanın vaxtı keçib, o dərmanın tərkibində olan ionlar, atomlar, ayrı-ayrı bioloji aktiv maddələr artıq insan bədənində enerjini dəyişdirə bilmir. Dərmanlar bədəndə enerjini artırır, ya azaldır. Bu enerjini dəyişdirə bilmirsə, deməli, keyfiyyətsizdir. Yəni cansız canlıya can verə bilməz. Amma dərman canlı olduğuna görə canlı orqanizmə, xəstəliklərə kömək edir. O cansız dərmanlar Azərbaycana niyə buraxılır?! Çıxış yolu ancaq yeni zavodların açılmağıdır”.
“Yeni Müsavat”