 |
|
|
Keçən həftə sosial şəbəkələrdə ən çox müzakirə olunan mövzulardan biri də Azərbaycanda satışa çıxarılan "Azercell" nömrələrinin astronomik həddə bahalığı idi. DİA.AZ bildirir ki, bu məsələ onsuz da sosial rifahı ciddi şəkildə geriləyən vətəndaşlarımız tərəfindən az qala ələ salınmaq kimi qəbul olundu.
DİA.AZ olara məsələnin aktuallığını nəzərə alıb, qısa araşdırma apardıq. Bununla bağlı redaksiyamıza anonim olaraq danışan mütəxəssislərdən biri bildirdi ki, əslində "Azercell" zamanında öz nömrə biznesini yaxşı qura bilib və illərdir bu şirkət daxilində bəlli bir qrup var ki, "zerkalnı", "211-lə başlayan" və digər bu kimi adlar altında əslində adi nömrələrdən heç nə ilə fərqlənməyən mobil nömrələrini astronomik məbləğdə xırıd etməkdədirlər.
Mənbə danışır: "Son olayda ortaya çıxan fakr başqadır. Burada satılan daha çox keçmiş məmur nömrələridir. Onlar zamanında imkanlı olublar və "Azercell"in məlum tələsinə düşüblər. İndi də vəzifələrini itirdiklərindən elə zənn edirlər ki, 100 minə adlqıları nömrəni məsələn, 30 minə sata biləcəklər. Eşitdiyimə görə, onların arasında hətta keçmiş Sosial Müdafiə Naziri Səlim Müslümov da var".
Mənbə iddia edir ki, "Azercell"in daxilindəki həmin mafioz şəbəkə yenə də iş başındadır: "Sadəcə olaraq, fərqli formada fəaliyyət sürdürürlər..."
Bu barədə növbəti materialda. Bizi izləməyə davam edin...
Məsələ ilə bağlı dia.az olaraq qarşı tərəfin də mövqeyini işıqlandırmağa hazırıq...
Əldə etdiyimiz informasiyalardan aydın olur ki, Naxçıvanda struktur islahatları uzun çəkəcəyindən Ali Məclisə hələ toxunulmayacaq.
Amma bu o demək deyil ki, Vasif Talıbovun 1 nömrəli pulyığanı olan Azər Zeynalov indiki yerinə qalacaq və faktiki xanlıq edəcək.
DİA.AZ-a daxil olan məlumata görə, yaxın günlərdə Azər Zeynalovun kitabının bağlanacağı gözlənilir. Bildirilir ki, bunun üçün Ali Məclisin növbəti sessiyası çağırılacaq və qurumun yeni sədri seçiləcək. Yeni sədrin Azər Zeynalov olmayacağı indidən bəllidir. Hətta bir neçə aylıq saxta xanlığına son qoyulan Azər Zeynalovun həbsi belə istisna edilmir. Onun yerinə gətirləcək bir neçə namizədin adı hallanır. Onlardan biri də Naxçıvan MR Baş naziri Səbuhi Məmmədovun yaxın qohumu olan İsmayıl Qəriblidir.
İsmayıl Qəribli Vasif Talıbov tərəfindən 2015-ci ildə Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın sədri təyin olunub və hazırda həmin vəzifədə çalışır. Naxçıvanda xanlıq rejiminin kadrlarının seçilməsi ona həvalə olunmuşdu. O da mübahisəli dövlət qulluğuna qəbul imtahanları keçirib istədiyi adamı vəzifəyə gətirib, istəmədiyi adamı vəzifədən uzaqlaşdırırdı. Bir sözlə, bu adam qohumu Səbuhi Məmmədovla əl-ələ verib hələ sədr seçilməmişdən əvvəl özünə uyğun kadrları vəzifəyə gətirib.
Belə görünür ki, Fuad Nəcəflinin işi bundan sonra daha mürəkkəb olacaq.
Bir qrup Gəncə sakini evində rahat otura bilmədiyi üçün məhkəməyə müraciət edəcək.
Bunu Meydan TV-yə Gəncə şəhəri, Əttarlar küçəsinin sakinləri bildiriblər.
“Səs-küydən evdə otura bilmirik. Qapı-pəncərəni bağlayırıq, amma xeyri yoxdur. Əsəblərimiz pozulub, sanki hava limanında yaşayırıq”, – sakinlər deyib.
Bildirilib ki, onlar şəhərin mərkəzində, “Gəncə qalası” ticarət mərkəzinin bir addımlığında yaşayırlar.
“Bura Gəncə əhalisinin sıx olduğu ərazidir. Şəhərə gələn turistlər də bu bazara üz tuturlar. Bazarın yaxınlığında da mağazalar fəaliyyət göstərir. İridiametrli ağacları kəsən alətləri təmir edən mağaza da var. Alətləri işə salırlar, motorların səsi maşınların, insanların səsinə qarışır. İstirahətimiz yoxdur, nə yata, nə də dincələ bilirik”, – sakinlərdən Ənvər Əliyev deyib.
Onun sözlərinə görə, sakinlər mağaza sahiblərinə, polisə, eləcə də digər aidiyyəti qurumlara müraciət ediblər, amma nəticəsi olmayıb. Onlara məhkəməyə müraciət etməyi tövsiyə ediblər:
“Son çarə məhkəmədir. Satıcılar deyirlər ki, vergi verirlər, buna görə də səs-küyün yaranması onların problemləri deyil. Təsəvvür edin ki, gecə-gündüz motorlar işləyir, avadanlıqları işə salırlar, yoxlayırlar və səs-küy kilometrlərlə məsafəyə yayılır. Bizi nəzərə almırlar, bəs şəhərə gələn qonaqları niyə fikirləşmirlər? Evimizdən köçüb hara gedək?”
Gəncə Şəhər İcra Hakimiyyətindən bildirilib ki, onlara bununla bağlı şikayət daxil olubsa, araşdırılacaq.
“Mən məlumatsızam, amma şikayət daxil olubsa, mütləq araşdırılır, yəqin ki, obyekt sahiblərinə xəbərdarlıq edilir”, – icra hakimiyyətinin xanım əməkdaşı bildirib.
Memar Səməd Quliyev isə söyləyib ki, təkcə Gəncədə deyil, Bakıda da səs çirklənməsi böyük problemə çevrilib:
“Səs böyük ekoloji təsirdir. Səs getdikcə, tədricən insan beynini korlayır. İnkişaf etmiş ölkələrdə bu məsələ mütləq nəzərə alınır. Bizdə də gecə saatlarında səs-küyün olmamasına dair sərəncam var, amma bu sərəncama baxan yoxdur”.
“Azərbaycan Televiziya və Radio Verilişləri” QSC (AzTV) -nin rəhbəri Rövşən Məmmədovla bağlı daha bir qalmaqallı xəbər yayılıb.
TEREF.AZ-ın məlumatına görə, editor.az-ın sözügedən ərazidə olan əməkdaşı xəbər verir ki, bundan əvvəl də avtomobilini qadağan olunmuş yerlərdə parkladığı üçün medianın gündəminə gələn AzTV sədri bu dəfə də maşını Göygöl Milli Parkında mülki şəxslərin girişi üçün qadağan olunan xidməti parklanma yerində saxlayıb. Əməkdaşımız hadisə yerindən bildirir ki, AzTV sədrinə məxsus olduğu ehtimal olunan “99 AA 400” dövlət nişanlı avtomobil xidməti avtomobillərin dayanması üçün nəzərdə tutulan parka daxil olmaq istəyərkən öncə Milli Parkın əməkdaşları tərəfindən qarşısı alınıb. AzTV sədrinə bildirilib ki, bu əraziyə mülki şəxslərin avtomobillərinin daxil olması qadağandır. Lakin sonradan qoruq əməkdaşları Rövşən Məmmədovun avtomobilinin həmin qadağan olunmuş ərazidə parklanmasına icazə veriblər. Bu fakt bir neçə kilometr yolu piyada gedən qoruq ziyarətçiləri tərəfindən narazılıqla qarşılanıb. Maraqlıdır, yüzlərlə Azərbaycan vətəndaşı bir neçə kilometr yolu qaydalara uyğun olaraq piyada getdiyi halda AzTV sədri qaydaları pozaraq mütləq öz şəxsi avtomobili ilə getməyi üstün tutub. Təqdim etdiyimiz fotolardan göründüyü kimi ərazidə yalnız Rövşən Məmmədova məxsus avtomobil görünməkdədir. Bu isə digər vətəndaşların haqlı etirazına səbəb olub. Narazılıq edən vətəndaşlar eyni zamanda bildiriblər ki, onların bu park yerinə daxil olması qadağan edilsə də AzTV rəhbərinə icazə verilməsi ciddi qanun pozuntusu olmaqla yanaşı, həm də vətəndaşlara hörmətsizlikdir .
Ekologiya və Təbii Sərvətlər Nazirliyinin mətbuat katibi İradə İbrahimova saytımıza açıqlamasında bildirib ki, oteldə yalnız qonaq kimi qalan şəxslərin avtomobilinə sözügedən ərazidə parklanmasına icazə verilir. Mətbuat katibi fotoları ona göndərdikdən sonra araşdırma aparıb və saytımıza deyib ki, Rövşən Məmmədov otelin qonağı olub və oraya otel rəhbəri ilə görüş üçün gəlib.
Məsələ ilə bağlı “Goygol Lake Resort” MMC-nin direktoru Rəşad Veyisov isə saytımıza açıqlamasında qeyd edib ki, AzTV sədri Rövşən Məmmədovun avtomobilinin mülki avtomobillər üçün qadağan olunmuş park ərazində saxlanması xüsusi bir hadisə deyil. Onun sözlərinə görə, zaman-zaman müxtəlif şəxslərə, yaşlılara, qocalara, işgüzar görüşlərə gələn şəxslərə də maşınlarının xidməti avtomobillərin saxlanması üçün nəzərdə tutulan park yerində dayandırmağa icazə verilir:” Rövşən Məmmədov bir layihənin müzakirəsi ilə bağlı otel rəhbərliyi ilə görüşə gəldiyi üçün onun avtomobilinin Milli Parkın qadağan olunmuş ərazisində saxlanmasına icazə verilib. İşlə bağlı görüşlər olduqda parklanmaya icazə veririk. Bu gün çəkiliş üçün qonağımız olan Kəpəz TV-nin əməkdaşlarına da ETSN-dən icazə alınmaqla həmin ərazidə maşın saxlamağa icazə verilib”.
Rövşən Məmmədovun avtomobilinin qadağan olunmuş əraziyə buraxıldığı zaman xeyli sayda uşaq, yaşlı, qadın vətəndaşlarımız da ərazidə olub. Onların çoxsaylı xahişlərinə baxmayaraq heç birinin avtomobilinin gölün yaxınlığındakı qadağan olunmuş park yerinə buraxılmasına icazə verilməyib. Saytımızın əməkdaşı eyni zamanda, xatırladır ki, otel direktorunun dediklərindən fərqli olaraq Rövşən Məmmədov həmin əraziyə yaxın ətrafı və qohumları ilə qeyri-rəsmi şəkildə sadəcə şəkil çəkdirmək üçün gəlib.
Xatırladaq ki, Rövşən Məmmədov bundan əvvəldə avtomobilini qanunsuz ərazilərdə parklama xəbərləri ilə gündəmə gəlmişdi.
Bir neçə gün əvvəl məlumat verərək bildirmişdik ki, 3 rayonun - Astara, Samux və Qusar rayonlarının rəhbərlərinin dəyişdirilməsi gözlənilir. Bununla bağlı DİA.AZ-a hökumətdəki mənbədən yeni informasiyalar daxil olub.
Xəbəri verən qaynaq iddia edir ki, sözügedən rayonların rəhbərlərinin adları dəyişdiriləcək RİH başçıları sırasında ilk yerdədir, amma siyahı onlarla məhdudlaşmır.
Mənbənin dia.az-a söylədikləri: "Təkcə icra başçıları yox, 40-a yaxın mühüm post tutan vəzifə sahiblərinə gələn il "əlvida" deyiləcək. Onların sırasında bir nazir də var. Proses tədrici xarakter daşıyacaq və ola bilsin ki, bəzilərilə bağlı sərt cəzalar verilsin.
Doğrudur, son zamanlar büdcədən pul oğurlayanlara qarşı hüququn sərt üzü nümayiş olunmur, yəni bəzi hallarda onlar dəyən zərəri ödəmələri səbəbindən hətta azadlığa da buraxılırlar. Amma onların sırasında elələri var ki, barələrində həbs qərarı mütləq şəkildə veriləcək".
Xatırladaq ki, bir neçə ay əvvəl "Yeni Müsavat" qəzetində Kənd Təsərrüfatı Naziri İnam Kərimovun görəvdən alınacağı iddia olundu. Qeyd edək ki, sonradan bu informasiyalar mətbuatdan sirli şəkildə qeybə çəkildi. Bunu xatırladan mötəbər mənbə dia.az-a açıqlamasında iddia edir ki, əslində İnam Kərimov o dönəmdə "vurulacaqdı":
"inam Kərimov o zaman təkcə mətbuatı yox, barəsindəki şübhələri də "təmizləyə" bildi. İnsi isə vəziyyət tamam fərqlidir. Ona əslində vaxt verilmişdi. Və görünür ki, İnam Kərimov verilən vaxtdan səmərəli istifadə edə bilməyib".
Əlavə bilgilərimiz olacaq bizi izləməkdə davam edin...
Səhiyyə Nazirliyi ilə TƏBİB arasında rəqabət mövcuddur.Bunu Səhiyyə Nazirliyi və ya TƏBİB rəsmiləri inkar edə bilər.Amma kənardan müşahidə apardıqda,davamlı idarəetməyə nəzər yetirdikdə bu açıq sezilir. Reallığa gəlincə, TƏBİB-in icraçı direktoru və komandası Səhiyyə naziri və onun müavinlərinə tibb müəssisələrində tibbi xidmətin keyfiyyəti və maneəsiz təşkili baxımından uduzur. Vəziyyət kadr seçimində də fərqlidir.
Belə ki, bu mənzərə 01.01.2023-cü ildən TƏBİB-in tabeliyindən çıxarılıb, Səhiyyə Nazirliyinin idarəetməsinə verilən 10-a yaxın Mərkəz və Elmi-Tədqiqat İnstitutlarında özünü göstərdi. Məsələn, TƏBİB-in icraçı direktoru Vüqar Qurbanov bu sualla qarşılaşa bilərdi: 2021-ci ilin sonunda Azərbaycan Elmi-Tədqiqat Tibbi Bərpa İnstituna təyin olunan Pərvin Ələkbərov 2022-ci ilin tamamına 10 gün qalmış niyə işdən çıxarıldı və ya onun ərizəsi niyə qəbul edildi?
Bəlkə, 2023-cü ildən səhiyyə naziri Teymur Musayev onunla işləyəcəkdi. Digər tərəfdən, Pərvin Ələkbərov üzərinə düşən bütün vəzifələri yerinə yetirdi ki,onun öz ərizəsi ilə işdən getməsinə razılıq verildi? Yox o,bacarıqsız həkim idisə, nədən Azərbaycan Elmi-Tədqiqat Tibbi Bərpa İnstituna, oradan isə TƏBİB-in icraçı direktorunun müşaviri təyin edildi?
Deməli, məsələ başqadır və Pərvin Ələkbərovun Elmi-Tədqiqat Tibbi Bərpa İnstitundan tələsik TƏBİB-in icraçı direktorunun müşaviri təyin edilməsi "hansı şəxslər Elmi-Tədqiqat İnstituna direktor təyin edilə bilər" kriteriyasına cavab vermirmiş. Anlaşılan odur ki, Azərbaycan Elmi-Tədqiqat Tibbi Bərpa İnstituna rəhmətlik Əlişir Musayevdən sonra institutun özündə yetişən həkimlərdən birini direktor təyin etmək olarmış.Orada elmi- tədqiqata bağlı həkimlər var imiş.Özü də həm elmi dərəcəsi olan,digər tərəfdən də istənilən həkimin elimi rəhbəri olmağa qadir həkim korpusu mövcud imiş.
Əks təqdirdə, Səhiyyə naziri Teymur Musayev Elmi-Tədqiqat Tibbi Bərpa İnstituna kənardan kadr gətirərdi.O,bunu etmədi və 2023-cü il yanvar ayının ilk həftəsində Sədaqət Hüseynovanı sözügedən instituta direktor təyin etdi,bununla elmi dərəcəsi olmayan şəxsin Elmi-Tədqiqat İnstituna direktor təyin edilməsi "ənənəsini" aradan qaldırmış oldu.O cümlədən,Elmi-Tədqiqat Tibbi Bərpa İnstitutunun direktor vəzifəsini icra etmiş baş həkim,tibb üzrə fəlsəfə doktoru Nizami Nəbiyevin də zamanla TƏBİB tərəfindən işdən kənarlaşdırılmasının səhv qərar olduğunu isbatlamış oldu.Yoxsa,Nizami Nəbiyev oraya şöbə müdiri vəzifəsinə qaytarılmazdı.
Beləliklə,Səhiyyə Naziri tibb müəssisələrinin dost, tanış yeri olmadığını sezdirdi. Belə nümunələr çoxdur və yanvar ayında Azərbaycan Elmi-Tədqiqat Travmatologiya və Ortopediya İnstitundan Elviz Qasımovun Respublika Klinik Xəstəxanasına direktor təyin edilmə səbəblərindən də danışmaq olar.
Görünən odur ki, kadr seçimi önəmlidir. TƏBİB rəhbərliyi isə əksər xəstəxanalara elə şəxsləri direktor, baş həkim təyin edib ki, müəssisələrdə yaranmış narazılıq fonunda bunu gizlətmək artıq mümkün deyil.Bu görünən və açıq müşahidə edilən mənzərə isə deməyə əsas verir:TƏBİB Səhiyyə Nazirliyinə rəqabətdə uduzur.
FAKTİNFO.AZ
Deyəsən, Azərbaycanda iri market şəbəkələrinin vitrində bir qiymət, kassada isə daha baha qiymət oxuması bir ənənə halını alıb. Hər halda ortadakı fakt bundan ibarətdir və belə görünür ki, aidiyyatı qurumların yetərsiz müdaxilələri və yaxud da ümumiyyətlə, müdaxilə etməmələri burada özbaşınalığı stimullaşdıran faktır kimi çıxş etməkdədir.
DİA.AZ bildirir ki, bu cür narazılıq yaradan market şəbəkələrindən biri və elə həm də birincisi "Araz" supermarketidir. Elə aşağıda təqdim edəcəyimiz şikayətdə də sözügedən marketdən danışılır...
"Şikayətim Var" sosial qrupunda Sevil Salahzadə adlı istifadəçi yazır: "Masazırda yerləşən "Araz" marketdə 2 ədəd "Alpengold oreo" şokoladı almışıg. Endirimdə 1.45 manat yazılıb.
Amma kassir 2.30 manat (endirimsiz qiymət) vurub. Bunlar nə vaxtadək belə edəcəklər? 2.30 manata şokolad olar? 1 "klyok" şirniyyat almısıg... 23.81 manat pul cıxıb..."
İddia olunanlarla bağlı teref.az olaraq qarşı tərəfi də dinləməyə hazırıq...
Hava Nəqliyyatında Baş Gömrük İdarəsinin Əməliyyat və Təhqiqat İdarəsinə daxil olan məlumat əsasında İstanbul-Bakı aviareysi ilə gələn Azərbaycan Respublikası vətəndaşı Heydər Əliyev Beynəlxalq Hava Limanının “CİP” zalından gömrük nəzarət zonasını tərk etmək istəyərkən ona məxsus əl yükləri gömrük yoxlamasına cəlb edilib.
TEREF.AZ Gununsesi.info-ya istinadla xəbər verir ki, yoxlama zamanı əl yüklərindən gömrük orqanına şifahi, yazılı və ya elektron qaydada bəyan edilməyən müxtəlif markalı brend geyim əşyaları, 1 ədəd “Cartier” markalı qol saatı, 175 qram zərgərlik məmulatları və digər mallar aşkar olunub.
Qeyd edək ki, sosial şəbəkələrdə yayılan fotolarda vətəndaşın gətirdiyi malların müxtəlif markalı olduğu və ən əsası hərəsindən bir ədəd olduğu görünür. Bu isə o deməkdir ki, Şahin Bağırov gömrük orqanlarına həm də sadə yolçunun soyğunçuluğu prizmasından yanaşır. Özünə bir ədəd əl çantası, yaxud geyim gətirən adamın rüsuma cəlb olunması 2023-cü ilin “sürprizi” sayılmaldır.
Bakı Dövlət Sirki soyğunçuluqla məşğuldur. Tamaşaçılara 1-2 manatlıq oyuncaqları 10 manata satır.
TEREF.AZ Tribunainfo.az-a istinadla xəbər verir ki, bu barədə vətəndaş Samirə Axundova yazıb. O bildirib ki, xüsusilə uşaqları cəlb edən oyuncaqları lap baha qiymətə qoyublar:
“Bilet 17 manatdır. Bunu jatadasa başa düşmək olar. İçəri girirsən hər yerdə işıqlı oyuncaqlar satılır. Təbii ki, uşaq istəyir. 3 manatlıq oyuncağı 10 manata satırlar, pop-korn 4 manat, şirin pambıq 5 manat. İlanlar və ya göyərçinlə öz telefonunla şəkil çəkdirmək 5 manatdır”.
Bir başqa şikayətçi isə bildirib ki, iki, üç uşaqla ora getmək bir ailəyə çox baha başa gəlir.
Aşağıdakı fotonu Mahir Bayramov adlı istifadəçi sosial şəbəkələrdə paylaşıb. DİA.AZ bildirir ki, heç bir şərh etmədən vətəndaşın təqdim etdiyi bu fotoda əslində ümumiyyətlə, iaşə obyektlərimizdəki acınacaqlı mənzərə, daha dəqiqi ÖZBAŞINALIQ FAKTI tam çılpaqlığı ilə ortaya çıxır...
Hər halda aidiyyatı qurumlar bu cür restoran və digər xidmət yerləri ilə bağlı mütləq şəkildə tədbir görməlidir. Qarşıdan turizm ayları gəlir. Məlum faciə səbəbindən qardaş Türkiyədə turist sayında azalma gözlənilir. Azərbaycan üçün bir fürsətin olduğu faktdır.
Amma görünəni odur ki, biz bu dəfə də Ermənistan və Gürcüstana böyük hesabla məğlub olacağıq. Məhz bu kimi faktlara görə...