AXA-nı yoxlamağa ən təcürbəli iqtisadçı-maliyyəçilər təhkim olunub - Hansı qərar alınacaq?

Yaradılıb 29.03.2023 08:26 | Baxış sayı: 60
Ardını oxu...
Hökumət müxtəlif sahələr üzrə idxalın vəziyyətini səciyyələndirərkən, iqtisadi təhlili əsaslandırma ən yüksək rəqəmlərlə kənd təsərrüfatı sektorunun üzərində dayanır. İdxaldan asılılıq artan rəqəmlərlə aqrar sektoru əhatə edir.
O idxaldan söhbət gedir ki,ötən həftə Dövlət Gömrük Komitəsinin (DGK) məlumatında qeyd olunurdu ki,Azərbaycan 2023-cü ilin yanvar-fevral ayında 11,992 milyon dollar dəyərində 7,32 min ton ət, 4,256 milyon dollar dəyərində 1,89 min süd, 10,398 milyon dollar dəyərində 1,76 min ton süd məhsulları, 46,919 milyon dollar dəyərində 70,87 min ton meyvə və tərəvəz və 10,297 milyon dollar dəyərində 1,92 min ton çay idxal edib.

Eləcə də,hesabat dövründə Azərbaycanda idxal illik hesablamada 678,5 milyon dollar və ya 34,4 faiz artaraq 1,972 milyard dollardan 2,651 milyard dollara qalxıb. Xarici ticarət dövriyyəsində idxalın payı ötən ilki 24,84 faizlə müqayisədə 36,97 faiz təşkil edib.

Faktinfo.az saytını məlumatlandıran mənbə hesab edir ki, artıq hökumət ən çox valyuta axınının aqrar sektordan qaynaqlandığını nəzərə aldığından, son illər KTN-yə ayrılan dövlət vəsaitinin xərclənmə səmərəliliyini yoxlayıb, yekunda əlavə tədbirlər həyata keçirmək qərarını nəzərdən keçirib. Saytı məlumatlandıran mənbə hesab edir ki, ola bilsin Kənd Təsərrüfatı Nazirliyinə tabe qurumlar Maliyyə Nazirliyinin və Hesablama Palatasının xətti ilə yoxlanıldıqdan sonra bir sıra qərarların alınmasını tezləşdirsin.

Faktinfo.az saytına verilən məlumatda o da qeyd olunur ki, KTN-yə tabeli qurum Aqrar Xidmətlər Agentliyi (AXA) aqrar sektorun 70 faizini əhatə etdiyindən, ilk əvvəl orada fevral ayının 6-dan Hesablama Palatası yoxlamalara başlayıb. Yoxlamaların aprel ayını da əhatə edəcəyi, hər hansı güzəştin edilməyəcəyi yüksək faizlə təxmin edilir. O səbəbdən də yoxlamalara 7-8 nəfərdən ibarət ən peşəkar təftişçilər cəlb edilib. O da gözlənilir ki, alınan qərarlardan biri ola bilsin, AXA-nın nazirliyin tabeçiliyindən çıxarılması olsun, müstəqil quruma çevrilsin, KTN-də isə idarəetmənin optimallaşdırılması məqsədilə islahatlar aparılsın.Bu kimi bir neçə istiqamətin seçiləcəyini artıq nazirlikdə məsul vəzifələrdə olanlar da bilir.Hətta bir neçə şəxsin məsuliyyətə cəlb edilə biləcəyi ehtimalı danışılır.

Aparılan yoxlamalar və təftiş edilən sahələrə gəlincə, siyahıda Dövlət Sort Sınaq məntəqələri də var. Burada təftiş edilən istiqamətlərə isə Dövlət Sort Sınaq məntəqələrinin subsidiyalaşması zamanı fermer kart sahiblərinin kimliyi, kartlara köçürülən vəsaitlərin miqdarı, məntəqələrdə istehsal olunan məhsulun neçə sentiner olması, məvaciblərin verilməsi, torpaq analiz pullarının hansı hesaba köçürülməsi və sonradan hansı istiqamətlərə xərclənməsi, vəsaitlərin səmərəliliyi və s. məsələlərə də ciddi yanaşıldığı qeyd olunur.

Bu arada KTN-nin xətti ilə paylaşılan tablolardan aydın görünür ki, bütün istiqamətlər üzrə məhsuldarlıqda artım olub. Bir sıra rayonların Dövlət Sort Sınaq məntəqələrində isə məhsuldarlığın aşağı olduğuna dair xəbərlər dolaşır. Bu xəbərlərin də nə dərəcədə səhv və ya düz olması, yoxlama gedişi zamanı hansı anlam daşıya biləcəyi təbii təcrübəli yoxlama qrupunun nəzərindən yayına bilməz, - deyə məlumatda bildirilir.

FAKTİNFO.AZ
 

Hakim Usaməddin Osmanovun qərarından NARAZILIQ... - TƏFƏRRÜAT

Yaradılıb 28.03.2023 15:12 | Baxış sayı: 66
Ardını oxu...
Mingəçevir şəhəri, Yaşar Muradov küçəsində yaşayan Qəribov Slavik Rəşid oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi ona məxsus mənzildə başqa şəxslərə yaşamaq hüququnun verilməsindən narazıdır:

“Mən, Qəribov Slavik Rəşid oğlu, yazaraq sizə bildirirəm ki, bacım Qəribova Aygün və gəlinim birləşib evimdən oğurluq ediblər. 31 min manat pul və qızıllarımız oğurlanmışdı. Polisin apardığı axtarış nəticəsində cinayətkarlar müəyyən edildi və onlar həbs olundular.

Lakin onlar müəyyən fırıldaqçılıqla cəzalarını aşağı saldırıb, iki ildən sonra azadlığa çıxdılar. Ondan sonra mənim şəxsi mülkümdə yaşamaq üçün pay istəməyə başladılar. Bacımın özü vərəm xəstəsidir. Bacım da, gəlinim də həbsdə yatmış qadınlardır. Belə insanları mən necə evimə buraxım?

Evin bütün sənədləri mənim adımadır. Gəlinimin ərindən başqa şəxslə yazışmalarını dəfələrlə məhkəmələrə təqdim etmişəm. Hələ şəkilləri demirəm. Amma bütün bunlara rəğmən, hakim ədalətli qərar vermir.

Mingəçevir şəhər məhkəməsində sabiq hakim Osmanov Usaməddin Hidayət oğlu tərəfindən çıxarılan 29.10.2019-cu il tarixli 2(051)-2229/2019 saylı qətnamənin qanunsuz olduğunu bilə-bilə icraya yönəldilməsi haqqında verdiyi 31.08.2020-ci il tarixli qərarı verən hakim Nemət Paşayev Şirkət oğluna qarşı olan şikayətimi sizin də diqqətinizə çatdırıram.

Məlumat verərək bildirirəm ki, Mingəçevir şəhər İcra və Probasiya şöbəsinin icra məmuru Şərifova Ruqiyyə Yusif qızı tərəfindən 07.02.2022-ci il tarixli (icraata başlamaq haqqında) qərar çıxarılmışdır. Həmin qərarın surətini 22.02.2023-cü il tarixdə yazılı olaraq tələb etdikdən sonra (poçt vasitəsilə) icra məmuru Ruqiyyə Şərifova tərəfindən 07.02.2023-cü il tarixli (icraata başlamaq haqqında) qərar 01.03.2023-cü il tarixlə verildi.

İcra məmuru Ruqiyyə Şərifovanın 33487/2023-3-16-004 nömrəli, 07.02.2023-cü il tarixli qərarla icraata başlamağına dair bildirişinə cavab olaraq, 22.02.2023-cü il tarixdə yazılı şəkildə etiraz məktubu poçtla rəsmi qaydada göndərilmişdir.

Məktubda göstərilən tələblərimə mahiyyət üzrə cavab verilməsini tələb etmişəm.

Mingəçevir şəhər İcra və Probasiya şöbəsinin rəisi Eynur Babayev və icra məmuru Ruqiyyə Şərifova 22.02.2023-cü il tarixli ərizəmdə göstərdiyim tələblərimə mahiyyət üzrə münasibət bildirən cavabın verilməsindən imtina etdilər.

Mingəçevir Şəhər Məhkəməsinin qeyri-qanuni çıxarılmış 29.10.2019-cu il tarixli, 2(051)-2229/2019 saylı qətnaməsinin qanunsuz olduğunu əsaslandıran faktlar (Azərbaycan dövlətinin adından çıxarılmış) aşağıdakılar:

1. Goranboy Rayon Məhkəməsinin 2-20/1999 saylı, 20.01.1999-cu il tarixli qətnaməsi. Ali məhkəmədə qanuni qüvvəsini almışdır;

2. Goranboy Rayon Məhkəməsinin 2-232/2005 saylı, 25.07.2005-ci il tarixli qətnaməsi;

3. Bakı Apellyasiya Məhkəməsinin MİÜMK-nin 1mK-757/2006 saylı, 16.02.2006-cı il tarixli qətnaməsi;

4. Azərbaycan Respublikası adından Ali Məhkəmənin MİÜM-nin 6K-1747/2006 saylı, 05.09.2006-cı il tarixli qərarı;

5. Mingəçevir Şəhər Məhkəməsinin 2-70/2008 saylı, 18.01.2008-ci il tarixli qərardadı.

Yuxarıda göstərilən və Azərbaycan dövlətinin adından çıxarılan, yəni Mingəçevir şəhər, Yaşar Muradov küçəsi, 39 saylı evin 27 saylı mənzilin mənim - mülkiyyət sahibi Qəribov Slavik Rəşid oğlunun xeyrinə çıxarılmış qətnamələr, qərardad qanuni qüvvəyə minmişdir.

Mingəçevir Şəhər Məhkəməsinin sabiq hakimi Osmanov Usaməddin Hidfayət oğlu Azərbaycan Respublikasının MPM-in 263.0.2-ci maddəsinin tələblərini pozmaqla qeyri-qanuni şəkildə 29.10.2019-cu il tarixli, 2(057)-2229/2019 saylı qətnaməyə zidd qərar çıxarmışdır.

Həmin qanun pozuntuları ilə çıxarılmış 2(051)-2229/2019 saylı, 29.10.2019-cu il tarixli əsassız qətnaməni qəbul edən sabiq hakim Osmanov Usaməddin Hidayət oğlunun əməllərini ört-basdır etmək üçün həmin qanunsuz qətnamənin icraya yönəldilməsi haqqında 31.08.2020-ci il tarixdə qərar vermişdir.

2019-ci ildən hazırkı 2023-cü ilədək - 5 il ərzində Azərbaycan Respublikası MPM-in 263.02-ci maddəsinin tələblərinin pozulması ilə çıxarılmış qeyri-qanuni olan 29.10.2019-cu il tarixli iş üzrə 2 (051)-2229/2019 saylı qətnamənin icra sənədində göstərilən mənzilə köçürülmə tələbinin icra edilməsinin qanunsuz olduğunu sübut edən sənədləri sizə təqdim etmişəm”.

Qeyd edək ki, Slavik Qəribov Mingəçevir Şəhər Məhkəməsinin hakimi Nemət Paşayev tərəfindən çıxarılan 8(051)-17/2022 nömrəli, 24.02.2022-ci il tarixli qərardadın təcili olaraq icraya yönəldilməsi üçün icra vərəqəsini İcra və Probasiya şöbəsinə göndərilməsini tələb edir:

“Azərbaycan Respublikasının PM-in 263.0.2-ci maddəsinin tələblərini pozmaqla çıxarılmış (051)-2229/2019 nömrəli, 29.10.2019-cu il tarixli qətnamənin icra sənədinə “mənzilə köçürülmə tələbinin “qanunsuz olduğunu əsaslandıran və sübuta yetirən şikayətlərimə cavabın verilməsini hakim Nemət Paşayevdən tələb edirəb.

Eyni zamanda, qanunsuz çıxarılmış 2(051)-2229/2019 saylı, 29.10.2019-cu il tarixli qətnamənin qeyri-qanuni şəkildə 31.08.2020-ci il tarixlə verdiyi icra vərəqəsinə əsasən “mənzilə köçürülmə tələbi”nin icra edilməsində zor tətbiq edilməsinə görə, mənzilin giriş qapısının sındırılması və mənzilin bütövlükdə səlahiyyətli mülkiyyət sahibi mən Qəribov Slavik Rəşid oğluna qarşı İcra və Probasiya şöbəsinin rəisi Eynur Babayev və onun qanunsuz tapşırıqlarını yerinə yetirən inzibati orqanın əməkdaşlarının cinayət məsuliyyətinə cəlb olunmaqla cəzalandırılmasını tələb edirəm”.

Redaksiyadan: Yazıda adları qeyd olunan şəxslərin mövqeyini dərc etməyə hazırıq. //Hurriyyet.az//
 

Saatlıda camaatın dərdini EŞİDƏN YOXDUR... - ETİRAZ

Yaradılıb 28.03.2023 08:59 | Baxış sayı: 82
Ardını oxu...
Martın 27-də Saatlının 4 kəndinin sakinləri Saatlı-Bakı yolunun yanında etiraz ediblər. Sakinlər kəndlərinə suyun verilməməsindən şikayətləniblər.

"Özləri izah edir, deyirlər əkin-biçin yoxdur, su yoxdu, pulla ala bilmirik və s."

Martın 13-də də eyni tələblə kəndlilər Saatlı-Bakı yolunu bağlayaraq etiraz etmişdilər. Nəticədə 3 nəfər polisin atdığı rezin güllədən yaralanmış, daha 3 nəfər isə inzibati qaydada həbs edilmişdi. Martın 14-də rayon rəsmiləri sakinlərlə görüşdə problemin həll olunacağına vəd versələr də, sakinlər problemin olduğu kimi qaldığını deyirlər.

Martın 23-də keçirilmiş aksiyaya polis müdaxiləsi olmayıb.

Toplum TV

`Bal Badəm` dövlətdən qazancını NİYƏ GİZLƏDİR? - İTTİHAM VAR!

Yaradılıb 28.03.2023 08:58 | Baxış sayı: 54

Ardını oxu...
Azərbaycanda son onilliklərdə müşahidə etdiyimiz 2 məsələni uzlaşdırmaq və nəticə çıxartmaq istəyirik.
Deməli, Bakıda küçələrin o üzünə, bu üzünə nəzər salırsan, hər iki tərəfdə 10 metrdən bir APTEK və apteklərdə isə alıcı növbəsi... Bir küçədə bu qədər APTEK-mi olar..? Deməli, tələbat var də... İndi ikinci məsələyə nəzər salaq. Küçənin o üzü, bü üzü ictimai-iaşə müəssisələri, şirniyyat sexləri, kulinariya, biskvit və s. Adam məəttəl qalır ki, yan-yana kulinariya sexləri özləri üçün müştəriləri necə yığır...?
Adamın yadına bir-birinə söykənən göydələn binalar düşür... Nə isə əsas mövzudan kənara çıxmayaq...
Deməli, APTEK-lərlə, şirniyyat və KULİNARİYA məsələsini əbəs yerə tutuşdurmadıq. Birində insanlara qida, o birində isə dərman yedizdirirlər. Əgər qidalar keyfiyyətli olsaydı, insanların dərman-dəvaya bu qədər ehtiyacı olmazdı...
İnsanlarımıza bəh-bəhlə, reklamla qida, şirniyyat, biskvit yedirən şirkətlərdən biri də “BalBadəm” adlı şirniyyat və kulinariya şəbəkəsidir. Demək olar ki, hər gün “BalBadəm”in yeni filiallarının açılması ilə bağlı elanları oxuyuruq. Özü də bu filialların çoxu metrostansiyaların çıxışlarına yaxın, yəni “xodovoy” yerlərdə açılır. Biz hələ “BalBadəm”in öz məhsullarını necə bəh-bəhlə reklam etməsini demirik.
Təsəvvür edirsiniz, “BabBadəm”in filiallarının açılışında Xalq artistləri Aygün Kazımova, Ədalət Şükürov, Röya və digər sənət aləminin tanınmış simaları yer alır. Bu adamlar toylara neçə min manata gedir, görəsən, bu tanınmış müğənnilərin açılışda iştirak etməsinə “BalBadəm”in sahibi neçə yüz min manat ödəyir..? Ümumiyyətlə, adi bir şirniyyat və kulinariya mərkəzində bu qədər pul haradandır..?
İndi bir cəsarətli oğul lazımdır ki, “Balbadəm” Kulinariya mərkəzinin dövlətə neçə manat vergi ödədiyini və real satış dövrüiyyəsini hesablayıb ortaya qoysun. Onda məlum olacaq ki, Aygün Kazımovaya, Ədalət Şükürova, Röyaya və s ödənilən pulun yanında dövlətə ödənilən vergi qəpik-quruşdur.
Biz hələ bu qədər filialları, işçiləri, kuryerləri olan mərkəzin əmək müqavilələrindən, əmək haqqının necə ödənilməsindən, sosial ödənişlərdən necə yayınmasından və s danışmırıq. Özünü Azərbaycanın şirniyyat brendi hesab edən “BalBadem Kulinariya evi” təkcə Novruz bayramında vərəndaşlara satdığı şəkərbura, paxlava, badambura kimi bir çox milli şirniyyatlarımızın keyfiyyətinə niyə Azərbaycan Qida Təhlükəsizliyi Dövlət Agentliyi ( AQTA ) nəzarət etmir..? Bu hələ harasıdır..?
“BalBadəm“ Şirniyyat və Kulinariya Evi onlayn qaydada yemək sifarişlərini yerinə yetirir. Və evlərə, ofislərə, şəhər kənarındakı bağ evlərinə, ümumiyyətlə, paytaxtın bütün istiqamətlərindəki məkanlara internet vasitəsilə yeməkləri, qidaları çatdırır. “BalBadəm” 100 manat məbləğdən artıq yemək sifariş edən müştərilərinə bonus olaraq 1kq Maraş dondurması və yaxud 1 kq fistıqlı türk paxlavası hədiyyə edir. “BalBadəm” istənilən vaxt şəhərdənkənar bağ evləri, Mərdəkan, Novxanı, Şüvəlan və digər ərazilərdə yaşayan müştərilər üçün isti yeməkləri sifarişçilərə pulsuz çatdırmağa söz verir. Amma...
Əmması odur ki, müştərilərin bir çoxu şirniyyatın və yeməklərin keyfiyyətindən şikayətçidir. Amma əsas məsələ bu qədər ticarət dövriyyəsinə malik olan Kulinariya evinin vergidən yayınması, vətəndaşlara aldıqları malın dəyərində çeklərin verilməməsidir. Yəqin ki, müvafiq dövlət qurumları qeyd etdiyimiz məsələləri ciddi araşdıracaqlar. Bizi izləyin. //gundelik-baku.com//
 

Bakıda qanunsuz tikilən piyada keçidini kim sifariş verib? - VİDEO

Yaradılıb 28.03.2023 08:39 | Baxış sayı: 80
Ardını oxu...
Bakının Nərimanov rayonu, Koroğlu Rəhimov küçəsində tikilən və hazırda sökülən keçidi sifariş edən qurum məlum olub.

Keçid Azərbaycan Avtomobil Yolları Dövlət Agentliyi tərəfindən sifariş edilib.

Dövlət Şəhərsalma və Arxitektura Komitəsi tərəfindən Bakının Nərimanov rayonu, Koroğlu Rəhimov küçəsində yerüstü piyada keçidinin söküntüsünə dair yayılan görüntülərə münasibət bildirilib.

Qurumdan oxu.az-ın sorğusuna cavab olaraq qeyd edilib ki, Bakı şəhəri, Nərimanov rayonu, Koroğlu Rəhimov küçəsində yerləşən yerüstü piyada keçidinin inşası məqsədəuyğun hesab edilməyib:

"Keçidin sökülərək ərazinin əvvəlki vəziyyətinə qaytarılması üçün müvafiq tədbirlərin görülməsi barədə komitə tərəfindən bir neçə dəfə aidiyyəti dövlət qurumlarına məktublar ünvanlanıb və tikinti-quraşdırma işləri dayandırılıb. Hazırda keçid sökülür. Görülən işlər tikintiyə icazə alınmadan, şəhərin müvafiq ərazisinin memarlıq, estetik görünüşünə xələl gətirməklə, təhlükəsizliyə, eləcə də qanunvericiliyin digər tələblərinə riayət etmədən həyata keçirilib”.

 

Astarada ETİRAZ: - "Müəllim işdən çıxarılsın"

Yaradılıb 28.03.2023 08:19 | Baxış sayı: 63
Ardını oxu...
Astara rayonunun Motalayataq kənd sakinləri Sarvan Qurbanov adına kənd orta məktəbin Riyaziyyat və İnformatika müəllimi Ramin Böyükağa oğlu Əliyevin işdən çıxarılmasını tələb edirlər.

TEREF. AZ bildirir ki, Lent.az-a daxil olan məlumata görə, sakinlər həmin müəllimin dəfələrlə kənddə əxlaqsız hərəkətlər etdiyini, ayrı-ayrı evli qadınlarla münasibətdə olduğunu iddia edirlər. Bu səbəbdən kənd camaatı Ramin Əliyevin məktəbdə müəllim kimi işləməsinin düzgün olmadığını deyirlər.

Məsələni aydınlaşdırmaq üçün Lənkəran-Astara regional təhsil idarəsinə müraciət etdik.

Lənkəran-Astara regional təhsil idarəsinin ictimaiyyətlə əlaqələr üzrə məsul şəxsi Alim Əliyev Lent.az-a açıqlamasında bildirib ki, məsələ ilə bağlı araşdırma aparılır:

“Məsələ nəzarətə götürülüb. Hazırda araşdırma aparılır. Əlavə məlumat veriləcək”.

Baba Rzayev Qarabağ Qazilərinə SAVAŞ ELAN ETDİ - BUNUN BAŞQA ADI YOXDUR...

Yaradılıb 27.03.2023 13:02 | Baxış sayı: 73
Ardını oxu...
 
 

Azərbaycan dövləti şəhid ailələrinə, müharibə iştirakçılarına hər zaman xüsusi diqqət və qayğı ilə yanaşıb, onların sosial təminatı, sağlamlıq vəziyyəti və digər məsələlərdə ardıcıl proqramlar həyata keçirir. Prezident İlham Əliyev bütün dövlət qurumları qarşısında bu həssas təbəqəyə aid olan insanların problemlərinin həllini bir nömrəli vəzifə kimi müəyyən etsədə “Azərenerji” rəhbərliyi nədənsə bu siyasətə böyük zərbə vurur.

 

“Azərenerji” ASC-nin nəzdində olan “Enerjiservistikintitəmirsazlama” MMC-nin rəhbərliyi Mingəçevirdə bir qurup Qarabağ veteranlarını kütləvi işdən çıxarılması ilə bağlı Dünyanınsəsi.Az saytına göndərmiş olduqları Video-şikayəti təqdim edirik:

Azərbaycan Respublikasının Birinci vitse-preizidenti hörmətli Mehriban xanım Əliyevaya
“Azərenerji” ASC-nin nəzdində fəaliyyət göstərən “Enerjiservistikintitəmirsazlama” MMC-dəki işindən çıxarılan müharibə veteranları-Bəkirov Qiyas Həmzə oğlu və Adıgözəlov Etibar Abbasəli oğlu tərəfindən

ŞİKAYƏT ƏRİZƏSİ

Hörmətli Mehribaxn xanım, Sizə müraciət etməyimizin səbəbi ölkəmizdə yeni iş yerlərinin açıldığı ərəfədə bizim işdən azad olunmağımızdır. Belə ki, “Azərenerji” ASC-nin nəzdində olan “Enerjiservistikintitəmirsazlama” MMC-nin rəhbərliyi bizim imtiyazlı kateqoriyadan-müharibə veteranı olmağımızı və ailə vəziyyətimizin ağırlığını belə nəzərə almadan “müqavilə müddətinin bitməsi” adı altında bizi işdən azad edib.
Hörmətli Mehriban xanım, diqqətinizə çatdıraq ki, elektirik stansiyalarının idarə olunması, təmir edilməsi sahəsində peşəkar və təcrübəli işçilər kimi uzun illərdir ki, işimizin öhdəsində layiqincə gəlmişik. Biz, Sizə müraciət edən şəxslər 80-ci illərin sonu, 90-cı illərin əvvəllərindən Mingəçevir İstilik Elektrik Stansiyasında çalışımışıq. Ancaq 2020-ci ilin iyul ayında bizi müddətsiz müqavilə ilə işlədiyimiz Mingəçevir İstilik Elektrik Stansiyasından sonradan “Azərenerji”nin nəzdində peyda olmuş “Enerjiservistikintitəmirsazlama” MMC-yə keçirdilər (sonradan bilmişik ki, bizi aldadaraq müqaviləni bizə təqdim etmədən bizimlə qısamüddətli müqavilə bağlanıb).
Onu da qeyd edək ki, bizimlə bağlanan əmək müqaviləsinin nüsxəsi heç vaxt bizə verilməyib. Bazar qiymətlərinin sürətlə artdığı bir vaxtda və Novruz bayramı öncəsi bizi işsiz qoyublar. Necə olur ki, pensiya yaşı olan şəxslər işdə saxlanılır,amma biz müharibə iştirakçılarını işdən çıxarırlar? Soruşanda isə bizə deyirlər ki, gedin, hara istəyirsiniz, kimə istəyirsiniz müraciət edin.
Hörmətli Mehriban xanım, mən, Bəkirov Qiyas Həmzə oğlunun 5 nəfər ailə üzvündən tək işləyəni mənəm. Yeganə oğlum isə 2008-ci ildə hərbi xidmət vəzifəsini yerinə yetirərkən həlak olub. Mən, Adıgözəlov Etibar Abbasəli oğlunun isə maddi baxımdan çox çətin vəziyyətdədir.Budurmu “Azərenerji” rəhbərliyinin Vətən uğurunda döyüşənlərə və onların ailələrinə qoyduğu hörmət???
Hörmətli Mehriban xanım, “Azərenerji” ASC-nin rəhbəri Balababa Rzayevə, eyni zamanda “Enerjiservistikintitəmirsazlama” MMC-nin rəhbərliyinə edəcəyimiz müraciətin əhəmiyyətsizliyini bildiyimiz üçün Sizə müraciət edirik. Ona görə xahiş edirik ki, çalışdığımız sahə üzrə uzun illərin təcrübəsini, ailəmizin sosial vəziyyətinin ağırlığını, bizim işimizə bərpa olunmağımız, yaxud da hazırda işdən azad olunmuş pensiyaçıların yerinə İstilik Elektrik və Su Elektirik stansiyalarınında başqa işlə təmin edilməmiz üçün müvafiq qaydada göstəriş verəsiniz. Son ümidimiz Sizədir…!

Öncədən Sizə dərin minnətdarlığımızı bildiririk! //Dünyanınsəsi.Az//

Xalqxeber.az Qarabağ veteranlarının Prezidentə ünvanlanmış olan video-şikayətini təqdim edir:

 

XalqXeber.

 DSK sədri nöqsanlara görə işdən çıxarıldı, icra başçısı yeni vəzifə verdi - AXI NİYƏ?!

Yaradılıb 27.03.2023 12:43 | Baxış sayı: 117
Ardını oxu...
61 saylı Neftçala Dairə Seçki Komissiyasının (DSK) sədri Zaur Kərimov vəzifədən azad edilib.

DİA.AZ Qaynarinfo-ya istinadla xəbər verir ki, DSK sədrinin vəzidəfən azad edilməsi ötyən ay baş verib.

Zaur Kərimovun vəzifəsini itirməsi ilə bağlı müxtəlif iddialar səsləndirilir. Bəzi məlumatlara görə, məsələnin kökündə onun fəaliyyəti dayanır. Zaur Kərimovdan xeyli sayda şikayətlərin olması, xüsusilə, onun Neftçala Rayon İcra Hakimiyyətində Sosial-iqtisadi inkişafın təhlili və proqnozlaşdırılması şöbəsinin baş məsləhətçisi işləyərəkən adının torpaq mübahisələrində hallanması DSK sədri kimi kareyrasının sonunu gətirib.

Maraqlıdır ki, Zaur Kərimov çoxsaylı şikayətlər əsasında vəzifədən azad olunsa da, Neftçalanın icra başçısı Mirhəsən Seyidov onu işsiz qoymayıb. İddialara görə, icra başçısı Zaur Kərimovu Neftçala Yod-Brom Zavoduna icraçı direktor təyin etdirib.

Bildirilir ki, hələ ki, bununla bağlı rəsmi qərar yoxdur. Amma bütün Neftçala Zaur Kərimovun artıq zavodun rəhbərliyinə gətirilməsindən danışır. Özü də təəccüblə... Neftçala sakinləri icra başçısının adı dəfələrlə qalmaqallarda, müxtəlif qanunsuz əməllərdə hallanan bu şəxsə etimad göstərməsinə təəccüblə yanaşırlar.

Yeri gəlmişkən, Zaur Kərimov İcra Hakimiyyətində şöbə müdiri vəzifəsində işləməzdən əvvəl Əmək və Əhalinin Sosial Müdafiəsi Nazirliyinin Nefçtala şöbəsinin müdiri olub. O, işdə yol verdiyi nöqsanlara görə vəzifəsindən azad edilib.

“Azərsu” 72 milyon dollar pulu batırıb – Hesablama Palatası layihədə ciddi qusurlar aşkar etdi

Yaradılıb 27.03.2023 10:07 | Baxış sayı: 286

Ardını oxu...

Hesablama Palatası “Azərsu” Açıq Səhmdar Cəmiyyətinin icra etdiyi “Bakı şəhərinin Pirşağı qəsəbəsində Çirkab Sularının Təmizlənməsi Qurğusu” layihəsinin audit nəticələrini açıqlayıb.

Azpost.info bildirir ki, bərbad şəkildə icra olunmuş bu layihədə çox ciddi qusurlar ortaya çıxıb.

Qeyd edək ki, Koreya İxrac-İdxal Bankından alınan kredit hesabına həyata keçirilən bu layihə Prezident İlham Əliyevin 29 yanvar 2019-cu ildə təsdiq edilmiş “Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramı” çərçivəsində aparılıb.

Layihənin məqsədləri 40000,0 m³/gün gücündə olan Pirşağı Çirkab Sularının Təmizlənməsi Qurğusunun tikilməsi ilə Xəzər dənizinin suyunun keyfiyyətinin qorunmasından ibarət olub.

Layihə çərçivəsində Bakı şəhərinin Sabunçu rayonunun Pirşağı, Kürdəxanı, Bilgəh, Nardaran və Maştağa, Abşeron rayonunun Novxanı, Goradil, Fatmayı, Mehdiabad, Məmmədli və Digah qəsəbələrində ictimai su obyektinin keyfiyyətinin qorunması, suyun çirklənməsinin qarşısının alınması və Xəzər dənizində suyun keyfiyyətinin yaxşılaşdırılması həyata keçirilməli idi.

Layihənin ümumi dəyəri 72,02 mln. ABŞ dolları olub. Bundan kreditin məbləği 43,5 mln. ABŞ dolları (60,4%), Azərbaycan tərəfinin payının məbləği isə 28,52 mln. ABŞ dolları (39,6%) müəyyən edilib.

 
Ardını oxu...
 
 
Ətraflı
 
 
 
Ad - 00:01

Hesablama Palatası tərəfindən aparılmış audit acınacaqlı vəziyyəti üzə çıxarıb.

Məlum olub ki, lazımi koordinasiyanın qurulmaması şəraitində Qurğunun fəaliyyəti üçün kənar texniki şəraitin yaradılması üzrə zəruri maliyyələşdirilmə aparılmayıb. Bu səbəbdən həmin ərazidə su və kanalizasiya sistemi təchizatının çox aşağı səviyyədə olduğu müəyyən edilib.

Qeyd edilənlər səbəbindən yaranmış şərait müvafiq Dövlət Proqramı ilə müəyyən edilmiş hədəflərə çatmayıb. Təmizlənmiş suyun keyfiyyət göstəricilərinin Texniki-İqtisadi Əsaslandırma sənədində göstəriləndən aşağı səviyyədə olub.

Qurğu zəmanət sınaqları keçirilmədən istismara qəbul edilib. Palatanın rəyinə əsasən bu isə Qurğunun hazırda və yaxın gələcəkdə tam gücü ilə təyinatı üzrə işləməsinin mümkünsüz edir.

Rəydə daha sonra deyilir ki, xərclənmiş vəsaitlərin uçotunda və qiymətləndirmələrdə qeyri-dəqiqliklər üzə çıxıb. Bu isə Qurğunun su təmizləmə qabiliyyətini yararsız edib.

Çünki kapitallaşdırılmış məsrəflər qismində uçota alınan Qurğunun xidmət edəcəyi ərazidə illik ən azı 35 milyon manatdan artıq miqdarda vəsaitin itkisinə səbəb olan və itirildiyi rəsmiləşdirilən 50%-dən çox su miqdarı, eləcə də həmin ərazidə su və kanalizasiya sisteminin planlaşdırılan tikinti göstəriciləri gələcəkdə su sərfiyyatının Qurğunun su təmizləmə qabiliyyətini üstələyəcəyini deməyə əsas verib.

“Layihənin istismar müddətinin, eləcə də Qurğunun təchizatı üzrə daxili bazar qiymətlərinin düzgün nəzərə alınmaması, vəsaitlərə qənaət və həmin vəsaitlərdən səmərəli istifadə imkanlarının itirilməsiylə yanaşı, Qurğunun hissələrinin faktiki dəyərinin məzənnə fərqi nəticəsində qiymət artımı, gömrük ödəmələri və kapitallaşan xərclər nəzərə alınmaqla müəyyən edilməməsi Qurğunun ayrı-ayrı hissələrinin əsas vəsait qismində uçota alınmasında da problemlər yaradıb”-deyə Palatanın rəyində bildirilir.

Qeyd edilib ki, Qurğu tam gücü ilə təyinatı üzrə işləməyib: “Ümumiyyətlə Qurğunun təyinatı üzrə tam gücü ilə fəaliyyət göstərməməsi Layihənin ekoloji, sosial, və iqtisadi məqsədlərinə nail olunmayıb”.

Dünyapress TV

Xəbər lenti