www.dunyapress.info - Diqqət mərkəzi

Yeniyetmə ilə bağlı açıqlama verən baş həkim işdən çıxarıldı

Yaradılıb 05.04.2023 11:04 | Baxış sayı: 56

1 saylı Respublika Psixiatriya Xəstəxanasının baş həkimi, Əməkdar həkim Ağahəsən Rəsulov vəzifəsindən azad olunub.

Səhiyyə Nazirliyindən “Qafqazinfo”ya bildirilib ki, Ağahəsən Rəsulovun yaş həddi ilə əlaqədar əmək müqaviləsinə xitam verilib.

Məsələ ilə bağlı A. Rəsulovla əlaqə saxladıq. O, işdən azad olunması ilə bağlı xəbərə “Mən heç nə deyə bilmərəm, bu barədə Səhiyyə Nazirliyindən soruşun” -deyə reaksiya verib.

Xatırladaq ki, A. Rəsulov ötən gün bir müddət əvvəl xəstəxanaya yerləşdirilən yeniyetmə M.H. ilə bağlı açıqlama vermişdi və onun ruhi xəstə olmadığını, onu “dəlixana”ya salmağın düzgün olmadığını bildirmişdi. Həmçinin həkim xəstəxananın yeniyetməni geri qaytarmaq istədiyini, lakin 3 saylı uşaq evinin müdriyyətinin onu qəbul etmədiyini açıqlamışdı.

A. Rəsulov 2008-ci ildən 1 saylı Respublika Psixiatriya Xəstəxanasının baş həkimi olub.

Qeyd edək ki, bu barədə ilk məlumatı bakıvaxtı.az yayıb.

Gülnar Əliyeva

Biola MMC istehlakçıların hüququnu pozur? - Açıqlama

Yaradılıb 05.04.2023 11:01 | Baxış sayı: 75

Bitki yağlarının istehsalı və satışı ilə məşğul olan Biola MMC istehlakçıların hüquqlarını pozduğu iddia edilir.

Bu barədə Qlobal.az-a verilən məlumatda deyilir.

Məlumata deyilir ki, ölkədə müxtəlif çeşidli bitki yağları, kosmetik yağlar və vasitələr istehsal edən Biola MMC İstehlakçıların hüquqlarının müdafiəsi haqqında Azərbaycan Respublikasının Qanununun bir sıra müddəalarını kobud formada pozur.

Şirkətin istehsal etdiyi bitki yağları, kosmetik yağlar və vasitələr barəsində istehlakçılara məlumat verilmir.

Bu preparatların qutularında məlumat vərəqi yoxdur. Vətəndaşlar aldıqları məhsulların tərkibi və istifadəsi barədə məlumat əldə edə bilmirlər.

Digər məqam isə Biola MMC-in istehsal atdiyi bitki yağları, kosmetik yağların qutularının üzərində qeyd edilən şirkətin əlaqə nömrələri çalışmır. Bu nömrələrə zəng çatmır. Şirkətdən hər hansı məlumat əldə etmək mümkün deyil.

Qlobal.az saytı məsələ ilə əlaqədar şirkətin istehsal etdiyi məhsulların qutularının üzərində və şirkətin saytında qeyd edilən 012- 408 03 32 nömrəsi çalışmadığına görə zəng edə bilmədik.

Elektron ünvanlarına ünvanladığımız sualları isə şirkət belə cavablandırdı:

"Biola MMC lisenziya əsasında fəaliyyət göstərir. Qutuların üzərində qeyd edilən telefon nömrələrinin çalışmamasına səbəb isə "Katel" şirkətinin fəaliyyətini dayandırdırmasıdır".

Şirkətin növbəti istehsalında məhsulların qutularının üzərinə yeni nömrələrin yazılacağı deyildi.

Biola MMC istehsal etdiyi məhsullarda məlumat vərəqələrinin olmamasını isə bu qutuların yan tərəfində məhsul barədə məlumatın olması ilə əlaqələndirdi.

Biola MMC-nin istehsal etdiyi məhsulun qutusunun fotoları:

Facebook-da paylaş

Adil Vəliyevin buralardan XƏBƏRİ VARMI? - VİDEOFAKT

Yaradılıb 05.04.2023 09:31 | Baxış sayı: 64

Bura Bakının Pirşağı qəsəbəsidir. Qəsəbənin mərkəzində 2017-ci ildən başlayan “Çirkab su təmizləyici” qurğusunun tikintisi davam edir. Bu layihə Bakı ətrafındakı 11 qəsəbənin çirkab sularının təmizlənməsi və həmin suların Xəzər dənizinə axıdılması məqsədilə hazırlanır.

Layihənin ümumi dəyəri 72 milyon dollardır. Bunun 60 faizi xarici kredit, 40 faizi isə dövlət büdcəsindəndir.

Qurğudan söz düşmüşkən, bu yaxınlarda Hesablama Palatası layihə üzrə aparılmış auditin nəticələrini açıqlayıb. Layihədə vəsait itkisindən, israfçılıqdan söhbət gedir.

Pirşağı küçələrini gəzdikcə yerdə gölməçələr şəklində yığılmış çirkab suları görmək olur. Qəsəbə sakinləri deyir, sözügedən qurğudan xəbərdardılar. Amma hələki bir faydasını görməyiblər.

Toplum TV

XalqXeber.Az

Cavanşir Feyziyevə bağlı iş adamı London məhkəməsini uduzdu – Kimliyi üzə çıxarsa...

Yaradılıb 05.04.2023 08:59 | Baxış sayı: 79

Britaniyanın BBC Yayım Korporasiyası və “Evening Standard” qəzeti çirkli pulların yuyulmasında ittiham olunan “çox uğurlu, beynəlxalq səviyyəli yüksək profilli azərbaycanlı iş adamı”na qarşı məhkəmədə qalib gəlib.

TEREF.AZ xəbər verir ki, bu barədə “Haqqın.az” saytı məlumat yayıb. Məhkəmə bu şəxsin adının açıqlanmamasına qərar verib, lakin BBC və “Evening Standard” bunu qəbul etməyib və London Ali Məhkəməsində iddia qaldırıb. Ali Məhkəmə iddianı təmin edib və iş adamının adının Böyük Britaniyanın Milli Cinayət Agentliyi tərəfindən açıqlanmasına qərar verib. Lakin iş adamının apellyasiya şikayəti vermək hüququ olduğu üçün hökm dərhal icra olunmayacaq.

Sözügedən iş adamının Azərbaycan Milli Məclisinin deputatı Cavanşir Feyziyevlə bağlı olduğu bildirilir. Sonuncu, xatırlayırıq ki, Londonda çirkli pulların yuyulmasında təqsirli bilinib və Milli Cinayət Agentliyinin qaldırdığı iddianı geri götürmək üçün 5,7 milyon funt sterlinq ödəməyə razılaşıb.

2022-ci ilin yanvarında London məhkəməsi Feyziyevin həyat yoldaşı Pərvanə, oğlu Orxan və qohumu Elman Cavanşirə qarşı hökm çıxarıb.

“Hələlik bir şey məlumdur - bu “vacib iş adamı” Cavanşir Feyziyevlə bağlıdır”, -“Haqqın.az” yazıb

Hökmə əsasən, çirkli pulların yuyulması sxemi ilə bu şəxslərin Böyük Britaniyadakı bank hesablarına Azərbaycandan 15 milyon funt sterlinq köçürülüb. Bu pulun 5,7 milyon funt-sterlinqi müsadirə edilib. Qalanı isə sahiblərinə qaytarılıb.

Yeni məhkəmə istintaqında adı hallanan tanınmış azərbaycanlı iş adamı Feyziyevlərin işi üzrə təqsirləndirilənlər sırasında olmasa da, ailə ilə müəyyən əlaqələrə malikdir.

Azərbaycanlı iş adamı özü iddia edir ki, kimliyi üzə çıxarsa, “onun imicinə və işgüzar nüfuzuna böyük və sarsıdıcı zərbə vurulacaq”. Onu məhkəmədə lord Pannik və Britaniyanın ən bahalı iki vəkili müdafiə edir - onların arasında Vəkillər Kollegiyasının keçmiş prezidenti Desmond Braun da var.

BBC-ni təmsil edən Jude Bunting keçən il Ali Məhkəməyə bildirib ki, hesabata qoyulan hər hansı məhdudiyyət ciddi şəkildə zəruri, aydın və inandırıcı sübutlarla əsaslandırılmalıdır. “Bu iş böyük ictimai maraq doğuran mövzuya toxunur. Araşdırma jurnalistikasına və məhkəmənin reportajlarına əsaslanan məhkəmə prosesi ictimaiyyətin mövzunu dərk etməsinə mühüm töhfə verəcək”.

İş adamı özü iddia edirdi ki, o, sadəcə, baxılan işdə “ikinci dərəcəli” fiqurdur. Lakin sonradan hakim onu “vacib şəxs” kimi tanıyıb.

Nazir oğlu kefdə, Xalq isə zülm çəkir! "FORMULA-1" yarışını Azərbaycana gətirən adam!- VİDEO

Yaradılıb 05.04.2023 08:30 | Baxış sayı: 56

Bakıda keçirilən "FORMULA-1" idman yarışlarında könüllü işləyən gənclərin hamısını bura işarələyin! Nazir oğlu onları pulsuz işlədib özü isə Monakoda milyonlarla qiyməti olan yaxta-gəmilər alıb...

Mərhum Gənclər və İdman naziri Azad Rəhimovun oğlu Arif Rəhimov xalqı necə aldadır? “Formula-1” prezdenti Arif Rəhimovun milyonlarla dəyəri olan yaxta-gəmilərini tapmışıq. Həmin yaxtaları çəkib sizlərə təqdim edirik

Bulvarın mediadan gizlədilməsinin səbəbi məlum oldu - VİDEO

Yaradılıb 04.04.2023 09:49 | Baxış sayı: 63

Bulvarın mediadan gizlədilməsinin səbəbi məlum olub.

Jurnalistlərin peşə fəaliyyətlərinə süni əngəllər yaradan Dənizkənarı Bulvar İdarəsinin səlahiyyətli şəxsləri istirahət məkanında olan bitkilərin məhv edilməsinə göz yumurlar.

Şəhər sakinləri Bulvar ərazisində atraksiyonların da azlığından narazıdırlar.

Baku TV-nin mövzu ilə bağlı hazırladığı süjeti təqdim edirik:

Facebook-da paylaş

İnam Kərimovun hakim təyinatı QANUNLARA ZİDDİR - hüquqşünasdan ÇAĞIRIŞ

Yaradılıb 04.04.2023 08:10 | Baxış sayı: 84

Prezidentə bu təklifi verənlər məsuliyyətə cəlb olunmalıdır...

Onun təyinatı zəruridirsə, ilk növbədə Qanuna düzəlişlər edilməlidir...

Bu gün Milli Məclis İnam Kərimovu Ali Məhkəmənin hakimi təyin edəcək. Yəqin ki, bundan dərhal sonra Prezident də onu Ali Məhkəmənin sədri təyin edəcək. Amma bu qanunsuzdur!

Belə ki, “Məhkəmələr və hakimlər haqqında” Qanunun 93-3-cü maddəsinə əsasən hakim vəzifəsinə namizədlər yazılı və şifahi imtahan əsasında seçilirlər. Həmin Qanunun 93-4-cü maddəsinə görə isə hüquq sahəsində nüfuza, hüquqşünas ixtisası üzrə 20 illik iş təcrübəsinə, yüksək mənəvi keyfiyyətlərə malik olan şəxslər sözügedən prosedurlardan kənar Məhkəmə-Hüquq Şurasının təklifinə əsasən hakim vəzifələrinə təyin edilə bilərlər.

İnam Kərimovun nüfuzu və mənəvi keyfiyyətləri subyektiv məsələdir. Amma tərcümeyi-halından görünür ki, ümumi stajı 21 ildir, onun da yalnız 10 ili hüquqşünas ixtisası üzrə olub. Bu isə artıq obyektiv məsələdir! Əlbəttə, ola bilər ki, o paralel olaraq hüquq sahəsində elmi və pedaqoji fəaliyyətlə də məşğul olub. Lakin ictimaiyyətə onun elmi əsərləri və ya haradasa müəllimlik etməsi faktı bəlli deyil.
Beləliklə, o, nəinki Ali Məhkəmənin sədri, ümumiyyətlə heç bir məhkəmənin hakimi təyin oluna bilməz. Buna görə də Prezidentə bu təklifi verənlər (və ya səsini çıxarmadan dəstəkləyənlər) məsuliyyətə cəlb olunmalıdır!

Xüsusilə vurğulayıram ki, problem Kərimovun özündə deyil. Mövcud vəziyyətdə potensial namizədlər arasında məqbul variantlardan biridir. Savadlı hüquqşünasdır, “ASAN xidmət” kimi uğurlu layihənin qurucularından biridir. Düzdür, kənd təsərrüfatı sahəsində bu uğuru təkrarlaya bilmədi. Hər bir halda Ali Məhkəmənin sədri kimi işin öhdəsindən necə gələcək – zaman göstərər. Yaxşıya yaxşı, pisə pis deyəcəyik!

Əsas məsələ qanunun aliliyidir! Kərimovun təyinatı zəruridirsə, əvvəlcə Qanuna düzəliş edilməlidir. Məsələn, yazıla bilər ki, ali hüquq təhsili olan və əvvəllər Prezident, vitse-prezident, Baş nazir, mərkəzi icra hakimiyyəti orqanının rəhbəri (nazir, komitə sədri və s.), deputat, Ombudsman olmuş şəxlər stajından asılı olmayaraq hakim təyin edilə bilər. Məsələn, ötən əsrin əvvəllərində ABŞ-ın 27-ci prezidenti Taft Ali Məhkəmənin sədri təyin olunmuşdu. Belə istisnaların olması normal və ağlabatandır.
Qanuna belə düzəliş edilməsə, Kərimovun təyinatı qanunsuz, fəaliyyəti isə qeyri-legitim olacaq. Həm onsuz da bərbad gündə olan məhkəmə sistemizə növbəti zərbə olacaq, həm də onun özü üçün problem olacaq. Biz elə bu yaxınlarda Ali Məhkəmənin sabiq sədrinin qanunsuz olaraq vəzifəsində artıq müddətə qaldığını gördük (getmək istəmirdi ki, istəmirdi!). İndi isə onun xələfinin qanunsuz təyinatı ərəfəsindəyik. Çox təəssüf!..

P.S. Bu gün deputatların mövqeyini xüsusi nəzərdə saxlayaq, görək kim bu barədə nə deyəcək, necə səs verəcək...

Əkrəm Həsənov - vəkil
DİA.AZ

Neft Qaz Elmi-Tədqiqat Layihə İnstitutunun baş mühəndisi haqda İLGİNC İDDİALAR - "Vicdan deyilən məfhumlar nəzərə alınımırmı?"

Yaradılıb 04.04.2023 08:03 | Baxış sayı: 100

"Neft Qaz Elmi-Tədqiqat Layihə İnstitutunda “Əməyin mühafizəsi və təhlükəsizlik texnikası” mövzusunda imtahanlar keçirilib. Əvvəllər də bir neçə dəfə keçirilmiş belə imtahanlar institutun iş rejimini pozmaqdan başqa bir işə yaramır".
TEREF.AZ bildirir ki, bunu Bakupost.az -a institutun əməkdaşlarından biri deyib.
Onun sözlərinə görə, yüzlərlə insan iş-gücünü buraxıb imtahana hazırlaşmaq məcburiyyətində qalıb:
“İnstitut daxilində fəaliyyət göstərən klinikaya müraciət edən əməkdaşların sayı çoxalıb. Attestasiya imtahanlarını institutun baş mühəndisi Fazil Həsənov götürür. SOCAR-ın vitse-prezidenti Yaşar Lətifovun təbirincə desək, bu, “bir aktyorun teatrı” təsiri bağışlayır. İmtahanlar yenə sovetdənqalma ənənə üzrə, bilet çəkmə metodu ilə keçirilir. 6-7 nəfərlik komissiya üzvləri baş mühəndisi izləmək məcburiyyətində qalırlar. İmtahan keçirməkdə məqsəd heç də əməkdaşların biliyini müəyyənləşdirmək deyil. Fazil Həsənovun dediyi kimi, hər bir əməkdaşın arxasında kimin durduğunu müəyyənləşdirmək və gələcəkdə hər hansı xahiş etmək məqsədi daşıyır. İnstitutda keçirilən imtahanlarla əlaqədar baş mühəndis Fazil Həsənova məxsus bir deyim dillər əzbəridir: “Bu axmaqlar elə bilirlər ki, oxumaqla imtahan vermək olar”. Maraqlıdır, əgər doğrudan da Fazil Həsənovun dediyi kimi, oxumaqla imtahan vermək mümkün deyilsə, o zaman o, niyə bu qədər insanı stress altında saxlayır? Bunun nə mənası var?"
Şikayətçinin bildirdiyinə görə, 1000-dən artıq əməkdaşı olan Neft Qaz Elmi-Tədqiqat Layihə İnstitutunun baş mühəndisi Fazil Həsənovun dissertasiya işi, elmlər doktoru alimlik dərəcəsi almaq üçün topladığı, dərc etdirdiyi bütün materiallar, institutun vəsaiti hesabına dərc etdirdiyi kitablar (17-18 ədəd ) saxtadır.
O, həmçinin qeyd edib ki, baş mühəndis Fazil Həsənov Mənzil İnşaatı Dövlət Agentliyindən (MİDA) ev almaq üçün də saxtakarlığa əl atıb:
"İlk saxtakarlığı 1990-cı illərdə əkiz övladlarının olması barədə saxta sənədlə ev almaq cəhdi olub. Amma bu cəhd uğursuz alınıb. Ev almaq üçün növbəti saxtakarlıq cəhdi isə uğurla nəticələnib. MİDA-nın sosial təbəqə üçün inşa etdirdiyi Yasamal Yaşayış Kompleksində güzəştli mənzilə yiyələnib. MİDA-nın Yasamal Yaşayış Kompleksində mənzillərin güzəştlə satışı zamanı qanunsuz şəbəkə quraraq vətəndaşlara pul müqabilində ev udmaqda kömək edən vətəndaşlardan biri də Neft Qaz Elmi-Tədqiqat Layihə İnstitutunun əməkdaşı, İT mütəxəssisi Məmmədov Elçin Elman oğlu olub. Yüksək sürətli internet və bir neçə kompüterdən eyni vaxtda istifadə imkanı institutun baş mühəndisi Fazil Həsənovun icazəsi olmadan mümkün deyil. Elçin Məmmədov birbaşa Fazil Həsənovun rəhbərliyi altında fəaliyyət göstərib”.
Şikayətçi bildirib ki, baş mühəndisin aztəminatlı sosial təbəqə üçün nəzərdə tutulmuş evlərdən mənzil alması mənəviyyat məsələsidir:
"İnsanları yüksək vəzifəyə təyin edən zaman mənəviyyat, vicdan deyilən məfhumlar nəzərə alınımırmı?"
İnstitutun əməkdaşı Fazil Həsənovun kadr seçimi ilə əlaqədar narazılığını da bildirib. O, rəhbər vəzifələrə qadın əməkdaşların cəlb olunduğunu qeyd edib:
“Fazil Həsənovun rəhbərliyi dövründə kurasiyasında olan şöbələrdə rəhbər vəzifələrdə qadın əməkdaşlar irəli çəkilir. Şöbə rəisləri və layihənin baş mühəndisləri vəzifələrində qadınlar üstünlük təşkil edir. Halbuki, dəniz və quru obyektlərinə tez-tez getmək nöqteyi-nəzərindən həmişə bu vəzifələrə kişi əməkdaşların təyin olunması prioritet olub. İnstitutda qadın əməkdaşların rəhbər vəzifələrə təyin olunması gender bərabərliyi prinsipinə əsaslanır, yoxsa institutun baş mühəndisinin başqa kriteriyaları da mövcuddur?”
Qeyd edək ki, sözügedən ittihamlarla bağlı F.Həsənovun mövqeyini öyrənməyə çalışdıq. Lakin SOCAR-ın mətbuat xidmətindən bildirdilər ki, F.Həsənov institutda deyil.

Facebook-da paylaş

AZAL-ın "quşu gözündən vurmaq" cəhdi - BU NƏDİ BELƏ?

Yaradılıb 04.04.2023 07:40 | Baxış sayı: 77

AZAL ovçu vakansiyası elan edib. Xəbər sosial platformalarda xeyli təəccüblə qarşılanıb. Çünki hava yolları şirkəti məhz quş vurmaq üçün ovçu axtarışına çıxıb. AZAL-ın rəsmi saytında vakansiya “Hava Limanlarının İstismarı Baş İdarəsinin uçuşların təhlükəsizliyinin təminatı üzrə fəhləsi” bölməsində yer alıb.
TEREF.AZ Bizimyol.info-ya istinadla xəbər verir ki, şirkət “fəhlə”dən aerodrom ərazisində piyada və avtomobillə ornitoloji tədbirlərin aparılmasını, uçuş enmə zolağı ətrafındakı quşların odlu silah vasitəsilə qorxudulub uzaqlaşmasına əməl edilməsini gözləyir. Ov silahından istifadə zamanı təhlükəsizlik qaydalarına ciddi əməl etmək, həvalə olunmuş avadanlıqlarla, materiallarla səmərəli davranmaq xüsusi tələb kimi fərqləndirilib. İşə götürüləcək şəxsin nə qədər məvacib alacağı qeyd olunmayıb. Sadəcə, yazılıb ki, sahə üzrə təcrübəsi olanlara üstünlük veriləcək. Həmin şəxsin ali təhsil almasına da ehtiyac yoxdur. Yalnız ovçuluq və hərbi bileti olsun.

AZAL bu məsələdə də tərs iş görür. Bütün dünyada həmin vəzifəni yerinə yetirən əməkdaşın peşə adı var. Belə “ovçu”lar ornitoloq adlanır, fəhlə yox. Bəs AZAL niyə ovçu axtarışına çıxıb? Məlumdur ki, quşların təyyarələr üçün təhlükə yaratması ehtimalı var. Mühərrikdə ilişib qalmaq qəzaya, eyni zamanda böyük faciəyə səbəb ola bilər. Buna görə də hava yolları şirkətləri ornitoloqların xidmətinə müraciət edir. AZAL isə primitiv üsullarla quşları ərazidən uzaqlaşdırmaq qərarına gəlib. Buna görə də ov təcrübəsi olanlar işə dəvət edilir. Yəni quşları güllə ilə vurmaqla problemin həlli düşünülür. Halbuki dünyada daha bu metodlardan istifadə olunmur.

Ornitoloq yırtıcı quşların hava limanı ərazisindən uzaqlaşdırılması üçün hansı effektli üsullara müraciət edə bilər? Bu sahənin mütəxəssisləri tövsiyə edirlər ki, fəaliyyət zamanı humanizm prinsipləri qətiyyən unudulmamalıdır. Yəni quşların öldürülməsindən söhbət gedə bilməz. Ən effektli üsullar arasında xışıltılı lentlərin çəkilməsini, müqəvvaların hazırlanmasını göstərmək olar. Xüsusi torlar da işə yarayır. Bir şərtlə ki, quşlar ərazidən uzaq yerdə yenidən təbiətə qaytarılsın. Dünyada pirotexnik vasitələrdən istifadə etmək təcrübəsi də var. Amma mütəxəssislər bu halda quşların həyatına təhlükə olmayacağına zəmanət vermir.

Böyük hava limanlarında da ov təcrübəsi olanların işə götürülməsi mümkündür. Lakin həmin şəxslərin xidmətinə başqa məqsədlə müraciət edilir. Bu, daha çox quşlara həssaslığa görə edilir. Ov təcrübəsi olanlar həm də xüsusi torlarla hava limanının çağırılmayan qonaqlarını ələ keçirə bilir. Sonradan quşlar azadlığa buraxılır. Şahinlərlə iş bacarığı olan şəxslərin əməkdaşlığa cəlb olunması isə Qərbdə çox yayılıb. Bununla ekoloji balansı pozmadan düzgün fəaliyyət planı hazırlanır.

Həmişəki kimi, AZAL-ın quşu gözünən vurmaq cəhdi uğursuz alınıb. Aviabiletlərə fantastik qiymət təyin etmək çox asandır. Çətini beynəlxalq prinsiplərə uyğun işləməkdir.

Anar Qədimalıyevin qədimyanə idarəetmə üsulu... - NARAZILIQ VAR!

Yaradılıb 03.04.2023 10:08 | Baxış sayı: 142

DİA.AZ: - "Qanunsuz yerə işdən 1 ay ərzində "70 c" bəndi ilə məktəbə 1 aydır ki gəlmiş müvəqqəti direktor əvəzedicisi Aynur Hesenova tərəfindən çıxarilmağıma, Gəncə - Daşkəsən Regional Təhsil İdarəsinin rəhbəri Anar Qədimalıyevə şikayət ərizəsi ilə müraciət etməyimə baxmayaraq, heç bir ölçü götürülmədi". DİA.AZ bildirir ki, bu barədə "Hüquqşünaslar Qrupu" adlı sosial şəbəkəsində Vəfa Bağırova adlı istifadəçi giley edir.

DİA.AZ olaraq narazı vətəndaşın şikayətini olduğu kimi təqdim edirik (fikri anlaşılır): "Hereketsiz qalaraq hec bir olcu goturmedi.Ve men Dovlet Emek Mufettiwliyi Xidmeti Gence Regional erazi wobesine iwden haqsiz ve qanuna zidd wekilde cixarilmagim huquqlarimin mudafiesi ve berpasi ucun muraciet eledim .Menim wikayetimin arawdirilmasi Ismayilov Taleh Ilyas oglina hevale edildi. 1 ay muddet kecenden sonra bu qeder saxta senedler protokollar aktlar emek muqavileme edilen deywiklikleri gorseler de arawdirma neticesinde Regional erazi wobesinin reisi Ayaz Rehimovun gonderdiyi cavabdan da melum olur ki qarwi terefin movqeyini oldugu kimi kocurmekle menim muracietime munasibet bildirmiw ve meseleye mahiyyeti uzre baxilmasindan yayinmiwdir.
Mohterem Prezidentimiz Cenab Ilham Eliyev in yerlerde baw veren memur ozbawnaliqlarina qarwi ciddi tedbiler gorulmeli vetendawlarin huquqlari daim qorunmalidir kimi muracietine qarwi yerlerde wikayetlere bu qeder sethi yanawma tecub dogurur.Goresen haqsizliqi gormezden gelen bu kimi qurumlar neden otrudu. neye gore yerlerde aninda meselenin helli varken.her bir iwle Prezidentimiz maraqlanmalidi.bes bu qurumlar neden otrudu.??
P.S .qeyd edim ki men naraziligimi bildirmek ucun bu defe Dövlət Əmək Müfəttişliyi Xidmətine muraciet eledim .tekrar gelen cavab mektubuna munasibet ve fikir bildirmeyinizi Sizlerden xahiw edirem..."

İddia olunanlarla bağlı dia.az olaraq qarşı tərəfi də dinləməyə hazırıq...