Burası Qazax gömrüyüdür.
Gürcüstana, Türkiyəyə və Avropanın müxtəlif ölkələrinə gedən yük maşınları bu gömrükdən keçir. Gömrükdə isə işi elə qurublar ki, yük maşını sürücüləri adi bir sənədi imzalatmaq üçün saatlarla gözləyirlər. Onların dediklərinə görə, dünyanın heç bir ölkəsində bu cür süründürməçiliklə üzləşməyiblər.
Teref.az yazır ki, bunu baş redaktor Heydər Oğuz deyir. Baş redaktor dediklərini şərh edərək yazır:
Məhz bu səbəbdən TIR sürücüləri bu gömrük məntəqəsinə dantansı bir ad qoyublar: "Dəli Domrul körpüsü".
Və biz bu cür "Dəli Domrul körpüləri" ilə Orta dəhlizin bir həlqəsi olmağa iddialıyıq.

“Mən Türkiyədə əhalinin artımı üçün bir ailədə üç uşaq deyirəm, Azərbaycanda əhalinin artımı üçün isə hər ailədə beş uşaq deyirəm. Bunu bacardıqda, Azərbaycan daha güclü olacaq. Əhali ölkənin gələcəklə bağlı praqdimasını dəyişdirir”.

Bunu Türkiyə Prezidenti Rəcəb Tayyib Ərdoğan Bakıya son səfəri zamanı mətbuata açıqlamasında deyib.

Ancaq Azərbaycanda Türkiyə Prezidentindən tam fərqli düşünən yüksək ranqlı məmurlar, məqam sahibləri var. Onları Azərbaycanın gələcəyi, güclü olması, böyüməsi kimi “boş-boş şeylər” yox, pul düşündürür...

Məsələn, fikri-zikri nə yolla olursa olsun, dövlətin əhalinin sosial problemlərinin həllinə, pensiyaçılara, imkansız ailələrə ayırdığı büdcə vəsaitlərinə “qənaət etmək” olan Əmək və Əhalinin Sosial Müdafiəsi naziri Rəcəb Tayyib Ərdoğan kimi düşünmür.

Təsadüfü deyil ki, sosial şəbəkələrdə Türkiyə Prezidentinin fikirlərini “Ərdoğan Sahil Babayevi “vurdu” kimi təqdim edənlər də oldu...

Məsələ ondadır ki, tutduğu vəzifənin fəlsəfəsini, siyasi yükünü, mahiyyətini anlamaqda çətinlik çəkdiyi aydın görünən, dövlətdən, büdcədən əhalinin sosial vəziyyətinin yaxşılaşması üçün daha çox vəsait almağa nail olmaq, yeri gələndə bunun üçün hökumətlə “kəllə-kəlləyə gəlmək” əvəzinə, kasıb-kusubun aldığı olan-qalan vəsaiti də kəsib büdcəyə qaytarmağa çalışan və bununla fəxr edən nazir Azərbaycanda uşaqpulu verilməməsini əsaslandırmağa çalışarkən deyib:"Çünki ölkədə demoqrafik vəziyyət yaxşıdır. Proqnozlara əsasən, 2045-ci ilə qədər əhalinin sayı stabil olaraq artacaq. Bunun əlavə stimullaşdırılmasına ehtiyac görmürük..."

Yəni, əhalinin artımını stimullaşdırmaq olmaz. Bu, Azərbaycan kimi bir ölkənin milli strateji maraqları, dövlətin və xalqın gələcəyi ilə uzlaşmayan, olduqca ziyanlı yanaşmadır və belə zərərli düşüncə sahibini dünyanın heç bir normal ölkəsində bir gün də nazir postunda saxlamazdılar...

Təsadüfi deyil ki, S.Babayevin bu mövqeyi ilə Ərdoğanın təklifi daban-dabana ziddir.

Yəqin, elə şeylər var ki, Ərdoğan bilmir, Sahil Babayev isə bilir....

Hətta bəlkə, bizim nazir Ərdoğandan daha miqyaslı şəxsiyyətdir, ondan daha üstün strateji düşüncəyə malikdir...

İstisna deyil ki, Azərbaycan xalqını, onun kasıbını, pensiyaçısını, əlilini də S.Babayev qədər sevən yoxdur. İnanmırsınızsa, 3-5 manata görə onun nazirliyin qapılarında, məhkəmələrdə süründürülən pensiyaçılardan, imkansız ailələrdən, əlillərdən, qazilərdən soruşun...
azpolitika.info

Prezident İlham Əliyev Z.İ.Əliyevin Quba Rayon İcra Hakimiyyətinin başçısı vəzifəsindən azad edilməsi haqqında sərəncam imzalayıb.

"AzPolitika.info" xəbər verir ki, sərəncama əsasən, Ziyəddin İsmayıl oğlu Əliyev Quba Rayon İcra Hakimiyyətinin başçısı vəzifəsindən azad edilib.


Qeyd edək ki, icra başçısı Ziyəddin Əliyev böyük biznes şəbəkəsi ilə tanınıb. Onun Ukrayna, Çexiya və Avstriyada çoxşaxəli biznes şəbəkəsinin olduğu artıq heç kimə sirr deyil.

Bu barədə araşdırmaçı jurnalist Cavanşir Həsənli məlumat vermişdi. Həmin araşdırma yazının təqdim edirik:
Ətraflı

"İcra başçısı Ziyəddin Əliyevin "Fayton" restoranından səfərə çıxsaq, Avropanın ən azı üç ölkəsini gəzib dolaşmalıyıq. Əlbəttə ki, yanında xərclik üçün 200 maaş kartını da unutmamalısan. Axı Avropa bahalı coğrafyadır. Onun Ukrayna, Çexiya və Avstriyada çoxşaxəli biznes şəbəkəsinin olduğu artıq heç kimə sirr deyil.

Şirkətlərin elə 7-si Ukraynadadır. Ən məşhuru Ukraynanın Lvov vilayətinin Nikolayevsk şəhərində benefisiarı olduğu və 7 milyon avroya başa gələn "ALOV" asfalt zavodudur. İcra başçısının Ukraynaya "Alov"lu məhəbbəti o qədər yüksəkdir ki, biznesinin ağırlığını bu ölkəyə yönəldib. İcra başçısının indiyədək sahib olduğu şirkətlərdən 10-u bəlli idi, sənədlə-sübutla, təkzibedilməz dəlillərlə hər biri haqqında yazılıb.

Amma indi məlum olur ki, Ziyəddin Əliyevin Avropada restoran biznesi də varmış.

İcra başçısının oğlu Nicat Əlibəyli 2 il öncə Kenan Koç adlı şəxslə Avstriyanın paytaxtı Vyanada KENA GASTRO GmbH-ni təsis edib.

Qastronomiya sahəsində xidmət lisenziyası alan şirkət 2019-cu il fevralın 22-də Vyana, Johannesgasse 14/1 ünvanında hüquqi qeydiyyata alınıb. İcra başçısının oğlu ilə 75/25 nisbətində ortaqlığa başlayan Kenan Koç qısa müddət ərzində Vyanada daha bir necə şirkət təsis edərək restoranlar şəbəkəsi qurur. Kenan Koç qısa müddət ərzində Vyanada 3 fərqli ünvanda brendə çevrilən Kenny's restoranlarının, "Space Burger", "Pandemic Kitchen"in və "Empire" gecə klubunun meneceri kimi məşhurlaşır. Nicat Əlibəyli isə özünü Kenan Koçla ortaqlığın kölgəsində gizlətməyə çalışır.

Xatırlatmaqla fayda var. İcra başçısına və onun soyadına "bəyli" əlavə edib özlərini Avropada "sanballı işadamları" kimi təqdim edən övladlarının sahib olduğu şirkətlər:

1. ALOV ASFALT ZAVODU (Ukrayna)

2. MİKOLAYEV-LVOV İNŞAAT ŞİRKƏTİ (Ukrayna)

3. "ALOV" MƏHDUD MƏSULİYYƏTLİ CƏMİYYƏTİ (Ukrayna)

4. "ALOV TİCARƏT EVİ" MƏHDUD MƏSULİYYƏTLİ CƏMİYYƏTİ (Ukrayna)

5. "ALOV-BUD" MƏHDUD MƏSULİYYƏTLİ CƏMİYYƏTİ (Ukrayna)

6. SMANBUD MƏHDUD MƏSULİYYƏTLİ CƏMİYYƏTİ (Avstriya)

7. SMANBUD TOV (Ukrayna)

8. “Nikolayev-Lvov Tikinti Konstruksiya Kombinatı” Anonim Şirkəti (Ukrayna)

9. AZ SERVIS – NR s.r.o. (Çexiya)

10. "METAS-R" MMC (Azərbaycan)

11. KENA GASTRO GmbH (Avstriya).

Ziyəddin Əliyevin rəhbərlik etdiyi rayonda sahib olduğu obyektlərin və əmlakının bir qismi:

Quba rayonu Vladimrovka kəndində "Fayton" restoranı, istirahət kompleksi 1.5 ha ərazidə;

Quba şəhəri, Qəçyəş yolu yaşayış massivində 2 ədəd villa;

Quba - Qonaqkənd yolu, Təngəaltıda dağ yamacının yarıldığı təhlükəli ərazidə otel və restoran kompleksi;

Quba rayon Nügədi kənd ərazi dairəsində çınqıl karxanası, asfalt zavodu və beton zavodu;

Qubanın İqrıq kəndi ərazisində, Quba - Bakı yolu üzərində yanacaqdoldurma məntəqəsi;

Quba şəhərinin 28 May parkında restoran əyləncə kompleksi, açıq mini futpol meydançası və gözəllik salonu (icarəyə verilib);

Quba şəhərinin girişində Asan Xidmətlə üz-üzə iki çoxmərtəbəli binanın birinci mərtəbəsində obyektlər;

Quba şəhəri, Ə.Nərimanov küçəsində yarımçıq tikili çoxmərtəbəli bina (300000 manata alıb).!

Bu gün Hurriyyet.az-a müraciət edən Naxçıvan Muxtar Respublikasının Kəngərli rayonu Xıncab kənd sakini Məşdi Vilayət oğlu Rüstəmov "Cahan Holdinq" Kommersiya Şirkətlər İttifaqının nəzdində fəaliyyət göstərən və Naxçıvan şəhərində yerləşən "Cahan" Ticarət Mərkəzinin icraçı direktoru Qurban Abbasovun ona qarşı törətdiyi qanunsuz əməllərdən şikayətlənib.

Məşdi Rüstəmovun sözlərinə görə, "Cahan" Ticarət Mərkəzinin icraçı direktoru Qurban Abbasov 2018-ci ildə onun dükanını heç bir səbəb olmadan bağlayıb və nəticədə külli miqdarda ziyana məruz qalıb: "Qurban Abbasov haqsız yerə dükanımı 6 ay bağlı saxlayıb. O zaman rəhmətlik anam və mən müraciət etmədiyimiz adam qalmadı, amma yenə də dükanımı açmadı. Nəticədə külli miqdarda borca düşdüm. Onu da qeyd edim ki, dükanım bağlı olsa da, mən hər ay Həsən adlı dükan sahibinə 400 manat, bazarda pul yığan Mikayıl adlı şəxsə isə 300 manat ödəyirdim. Dükanımı bağlı saxlamaları bir yana, Qurban Abbasov mənə ordakı mallarımı belə, götürməyə imkan vermədi. Həmin ticarət mərkəzində çalışanlar bilir ki, qapını yalnız özləri açıb-bağlamaları üçün bir sistem yığıblar və buna görə də pult bizdə olsa da, qapını ancaq bazarın əməkdaşları açıb-bağlayırdılar. Məsələn, işıq söndüyündə biz onlara müraciət edir və onlar gəlib qapını açırdılar. Bir sözlə, Qurban Abbasov həm dükanımı açmağa, həm də ordakı mallarımı götürməyə imkan vermir".

Ağır şəkər xəstəsi olduğunu və "Cahan" Ticarət Mərkəzinin icraçı direktoru tərəfindən başına açılan olaydan sonra səhhətinin daha da pisləşdiyini, eyni zamanda sosial durumunun bir xeyli ağırlaşdığını vurğulayan şikayətçi bildirib ki, üzləşdiyi problemlə bağlı "Cahan Holdinq" Kommersiya Şirkətlər İttifaqının rəhbəri Vüqar Abbasova müraciət etsə də, bunun heç bir faydası olmayıb: "Bu hadisədən sonra həm sağlıq durumum, həm də ailə və maddi vəziyyətim lap pisləşdi. Külli miqdarda borcum yarandı, xəstəliyim ağırlaşdı, bir ayın içində atamla anam dünyasını dəyişdi. Bir övladım var, onu da güc-bəla ilə dolandırıram. Borcum yarandığından oğlum 8-ci sinifdən məktəbdən ayrılıb bazarda peraşki satmaqla mənə borclarımı qaytarmağa köməklik edir. Mən də ayı 350 manata işləyirəm və qazandığımız ancaq borcları, kreditləri verməyə çatır. Yeri gəlmişkən, onu da deyim ki, "Cahan" Ticarət Mərkəzinin icraçı direktoru Qurban Abbasov tərəfindən başıma açılan müsibəti yoluna qoyması üçün "Cahan Holdinq"in rəhbəri Vüqar Abbasova da müraciət etdim. Lakin müraciətimə baxılmadı. Daha sonra poçt vasitəsi ilə ona məktub yolladım və holdinqin aparat rəhbəri Azər Cəfərov məni qəbul etdi. Onunla bir qədər söhbətləşdikdən sonra şəklimi çəkdi. Bunun səbəbini soruşduqda dedi ki, bunu "Cahan Holdinq"in rəhbəri Vüqar Abbasova göndərirəm. Sonra problemin həlli üşün 2 gün vaxt istədi. İki gündən sonra zəng vurub dedi ki, xəstəliyinlə bağlı sənə 1000 manat veririk, mart ayında dükan açılanda "Cahan Holdinq"in rəhbəri "Cahan" Ticarət Mərkəzinin icraçı direktoru Qurban Abbasovun etdiyi hərəkətə görə sənə hörmət edəcək. Ancaq mənə nə pul verən, nə də hörmət edən oldu. O gündən indiyədək həm Qurban Abbasova, həm də Vüqar Abbasova dəfələrlə teleqramla müraciət etmişəm, lakin bu günə kimi mənə cavab verən, problemimi həll edən yoxdur. Övladım 4-5 ildir ki, bazarda peraşki satmaqla Qurban Abbasovun əməlinə görə düşdüyüm borcu qaytarmaqda mənə yardım edir. Yazıq uşağın canı çıxır, 3-4 aydan sonra hərbi xidmətə getməlidir. Vallah, çox çıxılmaz vəziyyətdəyik. "Cahan Holdinq"in rəhbəri Vüqar Abbasovdan xahiş edirəm ki, Qurban Abbasovun mənə vurduğu ziyanı, təxminən 20 min manata yaxın vəsaiti qarşılasın və bizi bu acınacaqlı durumdan xilas etsin. Düşünürəm ki, məktublarımı ona çatdırmırlar. Əks halda Vüqar Abbasov problemi dərhal həll edər".

Məsələnin maraqlı tərəfi ondadır ki, "Cahan" Ticarət Mərkəzinin icraçı direktoru Qurban Abbasov yaratmış olduğu problemi həll etmək, vətəndaşa dəyən ziyanı qarşılamaq əvəzinə, idarə etdiyi bahalı avtomobili və onun nömrəsini göstərərək Məşdi Rüstəmova hədə-qorxu gəlib: "Onu da deyim ki, Qurban Abbasovla söhbət zamanı o, sürdüyü 90 - 100 dövlət nömrə nişanlı (şikayətçi avtomobilin nömrəsinin orta hərflərini yadda saxlamadığını bildirib-red.) "Range Rover" markalı avtomobili göstərərək, "Bax, görürsən mən necə maşın və hansı nömrə ilə sürürəm. Bu cür maşının və belə nömrənin sahibinə kimsə nəsə edə bilər?", deyə hədə-qorxu gəldi. Onda əmin oldum ki, o, arxalandığı adamlara güvənərək başıma bu cür oyunlar açır. Çarəsiz qalıb bu ilin mart ayının 13-də Vüqar Abbasovun qohumu Naxçıvan Muxtar Respublikasının ədliyyə naziri Daşqın Rəhimovun da qəbulunda oldum və başıma açılan müsibəti ona danışdım. O, telefon nömrəmi aldı və "Deyəcəm ki, bu işi həll etsinlər" dedi, ancaq bunun da faydası olmadı. Odur ki, sizin vasitənizlə ölkə başçısı cənab İlham Əliyevə, birinci vitse-prezident Mehriban xanım Əliyevaya, həmçinin dövlətin müvafiq qurumlarına müraciət edərək, onlardan yardım etmələrini, "Cahan" Ticarət Mərkəzinin icraçı direktoru Qurban Abbasov tərəfindən mənə dəymiş ziyanın ödənilməsini təmin etmələrini xahiş edirəm".

Hurriyyet.az

Akademik M.Topçubaşov adına Elmi Cərrahiyə Mərkəzi “Maşın və avadanlıqların satın alınması” üçün bu ilin aprelin 20-də başladığı açıq tenderin nəticələrini və qalibi açıqlanıb.

TEREF.AZ Bizim.Media-ya istinadla xəbər verir ki, maliyyə dəyəri 327 min 852 manat olan tenderin qalibi “Supplimed” MMC (VÖEN - 3300484411) olub.

Yaxın vaxtlarda tərəflər arasında bağlanacaq satınalma müqaviləsinin şərtlərinə əsasən, şirkət Mərkəz üçün 2 ədəd müxtəlif markalı kondisioner, 2 ədəd 15 kq-lıq paltaryuyan, 4 ədəd dörd gözlü elektrik plitəsi, 2 ədəd “A3” və “A4” formatlı printer, 3 ədəd skan aparatı, 1 ədəd komputer monitoru, 2 ədəd komputer, 1 ədəd 2,5 ton qaldırma gücü olan transpalet, 2 ədəd otbiçən, 1 ədəd kompressor, 1 ədəd dtolüstü telefon və 1 ədəd komputer-toçoqrafiya cihazı satın alacaq.

Qeyd edək ki, internet resurslarında MMC barəsində heç bir məlumat əldə etmək mümkün deyil. Hətta şirkətin yaranma vaxtı, hüquqi və vaktiki ünvanı və rəhbərliyi barəsində məlumata rast gəlmədik.

Bununla belə, şirkətin adı bir neçə qaranlıq və şübhəli tenderlərdə hallandırılır.

Belə ki, şirkət Masallı Rayon Mərkəzi Xəstəxanasının həyata keçirdiyi və Tender Komissiyasının rəsmi “etender.gov.az” saytında belə olmayan şübhəli tenderdə qalib gələn 9 şirkətdən biri olub və “Maşın və avadanlıqların satın alınması” ilə bağlı 2021-ci ilin 20 sentyabrında, 19 noyabrında və 31 dekabrında keçirdiyi tenderlərin qalibi olub və ümumi dəyəri 34 min 456 manat olan müqaviləyə imza atıb.

Maraqlı burasındadır ki, şirkət həmin il Sabirabad Rayon Mərkəzi Xəstəxanasının da şübhəli olan və maliyyə dəyəri 1 milyon 76 min 935 manat təşkil edən tenderində də iştirak edib. Qalib olduqdan sonra isə “Maşın və avadanlıqların satın alınması” ilə bağlı maliyyə məbləği 34 min 951 manatlıq satınalma müqaviləsinə imza atıb.

Şirkət 2022-ci ilin oktyabrın 7-də İcbari Tibbi Sığorta Dövlət Agentliyinin rentgen və digər diaqnostik vasitələrin satın alınması ilə bağlı elan etdiyi açıq tenderdə qalib olub və aralarında 3,018 milyon manat məbləğində satınalma müqaviləsi imzalanıb.

Vətən müharibəsi şəhidi, mayor Rahib Babayevin həyat yoldaşı Aygün Babayeva dövlət qurumları tərəfindən ona və övladlarına qarşı olan laqeydlikdən gileylənib. Şəhid xanımı məsələylə bağlı dövlət başçısına müraciət edib:
“Əgər mən bu gün uşaqlarım üçün təkbaşıma mücadilə edəcəkdimsə, niyə həyat yoldaşım hamı üçün canından keçirdi. Rahib şəhid olanda Əli 1 yaş 8 aylıq idi, danışa bilmirdi. Böyüdükcə gözünün birinin də görmədiyini öyrəndim. Bu gün Əli üçün döydüyüm dövlət qapıları bizim üzümüzə bağlanacaqdısa, niyə mənim körpəm atasız qaldı onda? Siz şəhid övladlarına bucürmü dəstək olursuz?! Ən çox elə bu körpə uşaqların yaxşı məktəblərdə bağçalarda oxumaq haqqı var. Axı bizi dövlətə əmanət edib həyat yoldaşım. Biz bu qədər kasıb dövlətdə yaşayırıq k, bir uşağın təhsil haqqını qarşılaya bilmir? Axı ən önəmli vacib təhsil idi. İndi nə oldu daha bir il keçdi deyə uşaqların atası geri qayıtdı ki, baxmırsız? Artıq burdan müraciət edirəm dövlət başçısına. Çünki məktublarımıza baxılmır. Qəbullarda da bizi yola verirlər. İş istəyirik vermirlər, ev istəyirik vermirlər. Uşağımı bağçaya yazdırmışam onun da ödənişini heç bir dövlət qurumu həll etmir. Nə edək indi biz?”.

Teref.az yazır ki, sosial şəbəkələrdə "PriuSServiS Bakı" səhifəsi və səhifənin admnistratoru Nadir Əliyev özünü hüquqşunas kimi təqdim edən Şahlar Ramazanovu dələduzluqda ittiham edib. "Universal avtoservis 044" avtoservisinin rəhbəri olan Nadir Əliyev öz səhifədə yayımladığı şikayətində yazır:
"Səhifəmizin izləyicisi olan sürücülərin və avtoservis işçilərinin nəzərinə:
- bu adam Şahlar Ramazanov özünə 7 priusdan ibarət olan taksi xidməti göstərən avtopark yaradıb və bir müddət maşınların təmirini bizim servisə həvalə etmişdi.
Əvvəllər təmir pulunu vaxtında ödəyirdi, sonra isə etibarımızdan istifadə edib 800 manata yaxın xidmət haqqımızı ödəməyib.
İndi nə telefona cavab verir nə də pulumuzu ödəyir. Onu da deyim ki dediyinə görə hüquqşünasdır.
Bizdə olan məlumata görə daha 4 servisə ödəniş etməyib, hətta sürücülərin də əmək haqqını ödəməyib. Sizə də iş birliyi təklif edərsə ayıq olun. Bu adam dələduzluq edir.
Biz artıq 102 xidmətinə şikayətimizi yazdıq."
Terefg.az olaraq Nadir bəylə əlaqə saxladıq və Nadir bəy aşağıda sölədiklərini yazdıqlarına əlavə etdi:
- Bu adam bizm etibarımızdan sui istifadə edərək pulumuzu vermir. Bu pullar işçilərin puludur. Vicdansızlığın dərəcəsinə baxın ki, gecə gündüz işləyib onun maşınlarını sazlayan əliqabarlı fəhlələrin pulunu yeyir və özüdə güya hüquqşunasdır. Gizlənir bizdən, zənglərə cavab vermir. Halal pulumuzu ala bilmirik.Artıq polisə müraciət etmişik. Hər halda polisimiz belə dələduzların öhdəsindən gələr.
Teref.az olaraq bizdə ümid edirik ki, Şahlar Ramazanov bu anlaşılmamazlığa aydınlıq gətirərək avtoservisin pulunu ödəyər və hüquşunas adına ləkə gətirən məsələni aradan qaldırar!
Redaksiya qarşı tərəfində mövqeyini dərc etməyə hazırdır!

Artıq bir aydır ki, rəsmi olaraq balıq ovu qadağan edilib. Amma hazırda bazarlarda bir-birindən fərqli balıqlar satılır.

"Operativ Media" paytaxt bazarlarında satılan balıqların haradan gətirildiyini və qiymətini araşdırıb.

Balıqların kürütökmə dövrü olduğundan 1 may 2023-cü il tarixindən ölkə ərazisindəki bütün su hövzələrində balıq ovuna moratorium qüvvəyə minib.
Xəzər dənizi, onunla əlaqəsi olan çaylar və su anbarları, eyni zamanda Xəzər və ona tökülən çaylarla əlaqəsi olan kanallarda balıq ovlamağa icazə yoxdur. Bu ildən tilovla da balıq tutmağa icazə verilmir. Bəs bazarlarda satılan balıqlar haradan əldə edilir?

Balıq satışı ilə məşğul olan İlkin Novruzovun sözlərinə görə, hazırda satışda olan balıqlar xaricdən və ya təsərrüfatlardan gəlmədir. Dəniz balığı satılmır.

"Ölkəmizə balıqlar daha çox Qazaxıstan, Rusiya, Türkiyə və Norveçdən gətirilir. Bununla bərabər yerli təsərrüfatlarda yetişdirilən balıqlar da var ki, hazırda məhz onların satışı həyata keçirilir".

Qadağanın qiymətləri qalxmasına səbəb olacağı gözlənilirdi. Lakin satıcılar bu fikirdə deyil. Balıqçılar bildirir ki, hazırda bazarlarda dənizdən tutulma balıqlar olmasa da ,amma qiymətlərdə heç bir fərq yoxdur. Çeşidin olmaması alıcılığı çox aşağı salıb.

"Gəlirlər, dəniz balığı soruşurlar, deyirik, yoxdur. Ən çox axtarılan kütümdür. Biz deyəndə ki, o yoxdur, başqa balıq var, almırlar. Kütümdü, Kefaldı, Berjdi satışda yoxdur. Balıqçılar gətirmir, ümumiyyətlə bazarda heç kimdə yoxdur".

Qiymətlərə gəlincə isə piştaxtada olan balıqların qiymətləri belədir:

Farel 9-13 manat arası
Levrek 20-22 manat, böyüklər 25-28 manat
Nərə (təsərrüfatlarda yetişdirilmə) 40-45 manat